: માગશર: ૨૪૮૩ : ૧૧ :
– પરમ શાંતિ દાતારી –
અધ્યાત્મ ભાવના
ભગવાનશ્રી પૂજ્યપાદસ્વામી રચિત ‘સમાધિશતક’ ઉપર પરમપૂજ્ય
સદ્ગુરુદેવશ્રી કાનજીસ્વામીના અધ્યાત્મભાવના – ભરપૂર
વૈરાગ્યપ્રેરક પ્રવચનોનો સાર.
(૧)
[“આત્મધર્મ” ના ઘણા જિજ્ઞાસુ વાંચકો સહેલા લેખોની માગણી કરે છે...... આ અંકથી શરૂ
થતા સમાધિશતકના આ પ્રવચનો અધ્યાત્મરસથી ભરપૂર હોવા છતાં સરળ અને સહેલાઈથી સમજી
શકાય તેવાં છે...... આશા છે કે જિજ્ઞાસુ વાંચકો આ લેખમાળાદ્વારા સહેલાઈથી અધ્યાત્મરસનું પાન
કરી શકશે..]
“
શ્રી સિદ્ધપરમાત્માને નમસ્કાર.
શ્રી સમંધરાદિ જિનેન્દ્રદેવોને નમસ્કાર.
સમાધિદાતાર પૂજ્યપાદસ્વામીને નમસ્કાર.
બોધિદાતાર શ્રી કહાનગુરુદેવને નમસ્કાર.
ત્રિરત્નદાતારી જિનવાણી માતાને નમસ્કાર.
[વર સ. ૨૪૮૨, વશખ વદ અકમ]
આ સમાધિતંત્ર શરૂ થાય છે. સમ્યગ્દર્શન–જ્ઞાન–ચારિત્ર તે સમાધિ છે. સમાધિ કહો કે શાંતિ કહો, તેની
પ્રાપ્તિ કેમ થાય તે વાત આ સમાધિશતકમાં શ્રી પૂજ્યપાદસ્વામીએ બતાવી છે.
પૂજ્યપાદસ્વામીનું બીજું નામ દેવનંદી હતું. લગભગ ૧૪૦૦ વર્ષ પહેલાંં તેઓ આ ભરતભૂમિમાં
વિચરતા હતા; અને જેમ શ્રી કુંદકુંદાચાર્યદેવ સીમંધર ભગવાન પાસે વિદેહક્ષેત્રે ગયા હતા તેમ આ
પૂજ્યપાદસ્વામી પણ વિદેહીનાથના દર્શનથી પાવન થયા હતા–એવો ઉલ્લેખ શિલાલેખોમાં છે. તેમણે સર્વાર્થસિદ્ધિ
(તત્ત્વાર્થસૂત્રની ટીકા), તેમજ જૈનેન્દ્ર વ્યાકરણ વગેરે