ગુરુદેવ સાથે દર્શન કરતા હતા.....તે વખતે અસલ જાત્રાનું વાતાવરણ બની ગયું હતું. એક ઠેકાણે જલમંદિર જેવું
મંદિર આવ્યું, ત્યાં પૂલ ઉપરથી પસાર થતાં થતાં ભક્તો ગાતા હતા કે–
હિલમિલ કર સબ ભક્તો ચાલો...
ગુરુવરજીકી સાથમેં
જિનમંદિરના દર્શન કરીએ.........
ગુરુજીકી સાથમેં
નંદીશ્વર – મંદિરના દર્શન
આગળ જતાં નંદીશ્વર–મંદિર આવ્યું.... અહીં નંદીશ્વરના બાવન જિનમંદિરોની બહુ સરસ રચના છે; તેના દર્શનથી
પૂ. ગુરુદેવ અને સૌ ભક્તજનો બહુ પ્રસન્ન થયા. ગુરુદેવ તો કહે કે–“જુઓ આ નંદીશ્વરની રચના, ધ્યાન રાખીને જોઈ
લેજો....આપણે સોનગઢમાં કરવું હોય તો કામ આવે.” આ નંદીશ્વરની રચના જોતાં જ ભક્તો ધૂન ગાવા માંડયાં–
હિલમિલ કર સબ ભક્તો ચાલો.....
નંદીશ્વરકે ધામમેં
નંદીશ્વરકે ધામમેં....નંદી....નંદી.....
હાં ગુરુજીકી સાથમેં
–ગુરુદેવ આ નંદીશ્વરધામનું અવલોકન કરતા કરતા તેની પ્રદક્ષિણા કરતા હતા ને ભક્તજનો પણ ધૂન
ગાતાં ગાતાં ગુરુદેવની સાથે પ્રદક્ષિણા કરતા હતા...પ્રદક્ષિણા બાદ આનંદથી દર્શન કરીને સૌએ અર્ઘ ચડાવ્યો. બીજા
એક જિનમંદિરમાં શ્રી સમ્મેદશિખરજી ધામની સરસ રચના હતી; ત્યાં પણ દર્શન કર્યા. અનેક જિનમંદિરોના દર્શન
કરીને પૂ. ગુરુદેવ બ્ર. ચંદાબાઈના જૈન બાલાશ્રમમાં પધાર્યા. અહીં ગુરુદેવનો ઉતારો હતો.
બપોરે, શાંતિનાથ ભગવાનનું મોટું મંદિર છે ત્યાં પૂ. ગુરુદેવનું પ્રવચન થયું હતું. પ્રવચનમાં અહીંની
જનતાએ ઘણા પ્રેમથી લાભ લીધો હતો......
બાહુબલી ભગવાન
બાલાશ્રમમાં શ્રી બાહુબલિ ભગવાનના ઘણા સુંદર ભાવવાહી પ્રતિમાજી (લગભગ ૧પ ફૂટ ઊંચા) બિરાજે
છે. તેની સન્મુખ એક સુંદર માનસ્તંભ છે. આ માનસ્તંભમાં નીચે, વચ્ચે અને ઊંચે–એમ ત્રણ સ્થળે પ્રતિમાજી છે.
એક તરફ બાહુબલિ ભગવાન અને તેની સામે માનસ્તંભમાં શ્રી આદિનાથ ભગવાન,–એ રીતે પિતા–પુત્ર
એકબીજાની સન્મુખ બહુ શોભી રહ્યા છે. પ્રવચન બાદ ગુરુદેવ બાહુબલિની ભક્તિ કરવા પધાર્યા હતા....
ધન્ય મુનિશ્વર આતમહિતમેં
છોડ દિયા પરિવાર........
કિ તુમને છોડા સબ ઘરબાર....
ધન છોડા, વૈભવ સબ છોડા,
સમઝા જગત અસાર......
કિ તુમને છોડ દિયા સંસાર......
–ઇત્યાદિ વૈરાગ્યભરેલી ભક્તિઓ થઈ હતી.....બાહુબલિ ભગવાનની મુદ્રા ખૂબ જ ભાવવાહી છે...દર્શન
કરતાં એ મુદ્રાને વારંવાર નીહાળ્યા કરવાનું મન થાય છે. અહીં ભક્તજનોએ બાહુબલી ભગવાનનો મસ્તકાભિષેક
પણ ઘણા ભક્તિભાવથી કર્યો હતો.
બાલાશ્રમાં સન્માન – સમારંભ
સાંજે બાલાશ્રમની બહેનો તરફથી ગુરુદેવના સન્માન અને અભિનંદનનો મેળાવડો થયો હતો તેમાં બ્ર. પં.
ચંદાબાઈ તેમજ આશ્રમની બહેનો ઉપસ્થિત હતા; શરૂઆતમાં આશ્રમની બાળાઓએ સ્વાગતગીત ગાયા....
ત્યારબાદ પુષ્પમાળા અર્પણ કરી...બ્ર. ચંદાબાઈએ પણ ગુરુદેવ પ્રત્યે ઘણો ભાવ બતાવ્યો હતો અને ગુરુદેવ અહીં
પધારવાથી તેઓ ઘણા ખુશી થયા હતા. આ પ્રસંગે ગુરુદેવે સોનગઢના બ્ર. આશ્રમ વગેરે સંબંધી કેટલોક ખાસ
પરિચય આપ્યો હતો....ગુરુદેવના મુખેથી એ પરિચય સાંભળીને બ્ર. ચંદાબાઈ વગેરે ખુશી થયા હતા, ને તેમણે પૂ.
બેનશ્રીબેનનું પણ સન્માન કર્યું હતું.
ગુરુદેવે સાંજે બાલાશ્રમની સામેના જિનમંદિરોના દર્શન કર્યા હતા.
અભનદન પત્ર
રાત્રે ચર્ચા બાદ પૂ. ગુરુદેવને અહીંના સંઘ તરફથી અભિનંદન પત્ર અર્પણ કરવામાં આવ્યું હતું...ને સૌ
જનતાએ ગુરુદેવ પ્રત્યે હાર્દિક સ્નેહ વ્યક્ત કર્યો હતો.
ઃ ૮ઃ આત્મધર્મઃ ૧૬૧