: ૪૦ : આત્મધર્મ : માહ : ૨૪૯૩
જયપુરમાં રાજ્યપાલશ્રીના હસ્તે
પં. ટોડરમલ દ્વિશતાબ્દિ સમારોહનો ભવ્ય ઉદ્ઘાટન
–– * ––
જયપુરમાં પં. ટોડરમલજી સ્મારક–ભવનનું ઉદ્ઘાટન, વેદી પ્રતિષ્ઠામહોત્સવ તથા
દ્વિશતાબ્દિ સમારોહ નિમિત્તે સોનગઢના સંત પૂ. શ્રી કાનજી સ્વામી તા. ૬–૩–૬૭ના
રોજ સંઘ સહિત પધારવાના છે. તેઓશ્રીના પવિત્ર હસ્તે પં. ટોડરમલ સ્મારક–ભવનનું
ઉદ્ઘાટન તા. ૧૩–૩–૬૭ના રોજ સવારે બાપુનગરમાં થશે અને સ્મારક–ભવનમાં
નવનિર્મિત વેદી ઉપર શ્રી સીમંધર ભગવાનની પ્રતિષ્ઠા કરવામાં આવશે.
તા. ૧૩–૩–૬૭ના રોજ સાંજે પં. ટોડરમલ દ્વિશતાબ્દિ સમારોહ ઉજવવામાં
આવશે, જેનું ભવ્ય ઉદ્ઘાટન રાજસ્થાનના રાજ્યપાલ માનનીય શ્રી સમ્પૂર્ણાનન્દજી
કરશે. પં. ટોડરમલજી દ્વારા હસ્તલિખિત પ્રાચીન ગ્રન્થ તથા અન્ય દર્શનીય અપ્રાપ્ત જૈન
સાહિત્યનું ભવ્ય પ્રદર્શન પણ ગોઠવવામાં આવ્યું છે.
આ શુભ પ્રસંગે સાંસ્કૃતિક કાર્યક્રમ, જૈનકવિ–સમ્મેલન, જૈનસાહિત્ય–સેમીનાર,
સંગીત–સમારોહ વગેરે કાર્યક્રમ રાખવામાં આવ્યા છે. બહારગામથી પણ હજારોની
સંખ્યામાં લોકો આવી રહ્યા છે. સમારોહના દરેક વિભાગ માટે જુદી–જુદી સમિતિઓ
રચવામાં આવી છે અને તૈયારીઓ જોરશોરથી ચાલી રહી છે. આપને પણ સહકુટુંબ
પધારવાનું હાર્દિક આમંત્રણ છે.
લિ.
નેમીચંદ પાટની
મંત્રી
શ્રી ટોડરમલ સ્મારક–મહોત્સવ–સમિતિ
–– * ––