: ૮ : આત્મધર્મ : ફાગણ : ૨૪૯૮
જેને જાણતાં જ આનંદના દરિયા ફાટે
અેવા તારા સ્વતત્ત્વનો મિહમા લાવીને સાંભળ!
પૂર્વે કદી નથી સાંભળ્યું એવા અપૂર્વ ભાવથી તું સાંભળ
[માહ વદ તેરસે સોનગઢથી મંગલ–પ્રસ્થાન કરીને પૂ.
ગુરુદેવ લાઠી શહેર પધાર્યા. દિગંબર જિન મંદિર–પંચકલ્યાણક
મહોત્સવ આ લાઠી શહેરમાં (સં. ૨૦૦પમાં) આજથી ૨૩ વર્ષ
પહેલાંં થયો હતો. એ વખતનો લાઠીના મુમુક્ષુઓનો ઉલ્લાસ આશ્ચર્ય
પમાડે તેવો હતો. કષાયપ્રાભૃત–જયધવલ મહાસિદ્ધાંતનો પહેલો
ભાગ રાજકોટ મુકામે ગુરુદેવના હાથમાં આવેલ, તેનું અતિશય
બહુમાન આવ્યું; એ વખતે એ જયધવલ હાથમાં લઈને માત્ર જોવા
મળે તોપણ અમે મહાન ભાગ્ય સમજતા.––એવા જયધવલ–
પરમાગમની મહાન ભક્તિભરી રથયાત્રા પહેલવહેલી આ લાઠી
શહેરમાં (સં. ૨૦૦૦ બે હાજરમાં) નીકળી હતી.––આવા લાઠી
શહેરમાં જિનમંદિરમાં સીમંધર ભગવાનના દર્શન કર્યાં બાદ મંગલ
તરીકે સૌથી પ્રથમ આત્માના અતીન્દ્રિય આનંદને યાદ કરતાં ગુરુદેવે
કહ્યું કે આ આત્મા અંદર જ્ઞાન–આનંદસ્વરૂપે પોતે બિરાજે છે. આવા
આનંદસ્વરૂપ આત્માને ઓળખવો, તેનું સ્મરણ કરવું તે મંગળ છે.
પ્રવચનમાં સમયસારની ચોથી ગાથા દ્વારા આત્માના
સ્વરૂપની દુર્લભતા બતાવતાં ચૈતન્યસ્વરૂપનો પરમ મહિમા
સમજાવ્યો.]
આ સમયસારમાં દેહથી ભિન્ન ચૈતન્યસ્વરૂપ આત્મતત્ત્વ બતાવ્યું છે. જીવે પોતાનું
વાસ્તવિકસ્વરૂપ અનંતકાળથી જાણ્યું ન હતું તેથી તે એકત્વસ્વરૂપની દુર્લભતા છે.