વગેરે પણ વૈરાગ્યથી કહે છે કે ધન્ય બેટા! તું જે માર્ગે જાય છે....તે માર્ગ પ્રશંસનીય છે, અમારે
પણ તે જ માર્ગે આવવાનું છે.
પરભાવરૂપ અગ્નિને કોણ ચાહે? અરે જીવો! આત્માના આવા સુખની પ્રતીત કરો..... ઉલ્લાસથી
આવા અતીન્દ્રિય ચૈતન્યસુખનો સ્વીકાર કરો. આવા મોક્ષસુખની શ્રદ્ધા કરશે તેનો બેડો પાર થઈ
જશે.
ચૈતન્યસુખને બીજા કોની ઉપમા આપવી?–જે સુખરૂપે આત્મા પોતે થયો તેને બીજો કોણ ઉપદ્રવ
કરી શકે? અહા, શરીરમાં વીંછી કરડે કે વાઘ ખાઈ જાય તોપણ ચૈતન્યના જે સુખમાં કાંઈ ઉપદ્રવ
ન થાય, બાધા ન આવે, તે સુખની શી વાત? સમ્યગ્દ્રષ્ટિ આઠ વર્ષની બાળા હોય તેને પણ
આવા ચૈતન્યસુખના વેદનપૂર્વક તેની ધૂન ચડી જાય છે...તે મોટી થાય, લગ્ન વગેરે થાય, છતાં
ચૈતન્યનું ભાન અને ચૈતન્યસુખની ધારા તેને છૂટતી નથી. વાહ બેન! ધન્ય તારી દશા! સિદ્ધ
જેવું સુખ તેં તારામાં ચાખી લીધું. આત્માનો સ્વભાવ આવા અનુપમ સુખમય છે, ને તેની
અનુભૂતિ થતાં પર્યાય પણ આવા અનુપમ સુખમય થઈ ગઈ છે. આવા સુખ માટે અંતર્મુખ
થવાનું બતાવે તે જ સમક્તિ–ભાષા છે; બહારમાં ક્્યાંય સુખ બતાવે કે બહિર્મુખ કોઈ ભાવમાં
સુખ કહે તો તે મિથ્યા–ભાષા છે.
ચિત્ત ચૈતન્યમાં લાગ્યું, અમે સુખનું વીતરગી અમૃત પીધું, તે સુખ પાસે શુભરાગની વૃત્તિઓ પણ
દુઃખ અને ઝેરરૂપ લાગે છે, તેમાં અમારી પરિણતિ કદી તન્મય શુભરાગની વૃત્તિઓ પણ દુઃખ
અને ઝેરરૂપ લાગે છે, તેમાં અમારી પરિણતિ કદી તન્મય થતી નથી. ચૈતન્યસુખમાં જે પરિણતિ
તન્મય થઈ તે પરિણતિ હવે દુઃખમાં કેમ તન્મય થાય? અહો જીવો! સુખના મહા સમુદ્ર એવા
આત્માની ભાવના કરો....એના અતીન્દ્રિયસુખનો સ્વાદ સ્વાનુભૂતિમાં લ્યો અમને મોક્ષસુખનો
તમારામાં સાક્ષાત્કાર થશે.