: ૪ : આત્મધર્મ ભાદરવો : ૨૪૯૮ :
આનંદમંગલ આજ હમારે
પરમકૃપાળુ પરમપૂજ્ય ગુરુદેવશ્રીના અનન્ય ભક્ત પ્રશમમૂર્તિ પૂજ્ય ભગવતી બહેનશ્રી
ચંપાબહેનની ‘વન’વર્ષોની પૂર્ણાહુતિ થતા પ૯મા વર્ષની જન્મજયંતીનો મંગલ ઉત્સવ
સુવર્ણપુરીમાં અતિ આનંદોલ્લાસપૂર્વક ઊજવવામાં આવ્યો હતો.
માનનીય અધ્યક્ષમહોદય શ્રી નવનીતલાલભાઈ ઝવેરી તથા માનનીય મુરબ્બી શ્રી
રામજીભાઈ દોશીએ પૂજ્ય બહેનશ્રીની જન્મજયંતી ઊજવવાનો કરેલો નિર્ણય તેમની સૂચનાથી
પૂજ્ય ગુરુદેવ સમક્ષ રજૂ કરવામાં આવ્યો. અભીષ્ટ ઉત્સવની ઊજવણીની વાત આવતાં કુપાળુ
ગુરુદેવે અતિ પ્રસન્નતાપૂર્વક પોતાની સંમતિ આપી અને કહ્યું કે–‘ચંપાબેન ધર્મરત્ન છે, તેમને
બહાર પડવું જરાય નથી ગમતું, પણ તેમના પ્રત્યે ધર્મપ્રમવાળાઓને તો ઢંઢેરો પીટીને તેમને
પ્રસિદ્ધિમાં લાવવાના ભાવ આવે જ ને!’
પૂજ્ય ગુરુદેવની પ્રસન્નતા વિદ્યુતવેગે મુમુક્ષુસમાજમાં પ્રસરી ગઈ. સૌ આનંદિત થયાં.
સમય ટૂંકો હતો તેથી ત્વરાથી સંક્ષિપ્ત છતાં સુંદર નિમંત્રણ–પત્રિકા છપાવીને પ્રેષિત કરવામાં
આવી. સુવર્ણપુરીનું વાતાવરણ મંગલ મહોત્સવની પ્રતીક્ષાથી ગુંજતું થઈ ગયું.
સુવર્ણપુરીના મુમુક્ષુસમાજે જન્મજયંતીનો આ ઉત્સવ ત્રણ દિવસ ઊજવવાનું નક્કી કર્યું.
આ શુભોત્સવની મંગલ કામના નિમિત્તે ત્રણ દિવસ માટે પંચપરમેષ્ઠીમંડલવિધાન–પૂજા
રાખવામાં આવી હતી.
શ્રાવણી પૂર્ણિમા આ મંગલ ઉત્સવના પ્રારંભનો પાવન દિવસ. વહેલા પ્રભાતથી ત્રણે
દિવસ આશ્રમના ગગનમાંથી ચોઘડિયાંવાદન સંભાળતું હતું. આ શુભ પ્રસંગને દીપાવવા શ્રી
જિનમંદિર, સ્વાધ્યાયમંદિર તથા બ્રહ્મચાર્યાશ્રમ વિદ્યુતશોભાથી શણગારવામાં આવ્યાં હતાં
આનંદપ્રેરક વિદ્યુત–સાથિયા તથા વિવિધરંગી વિદ્યુત–શલાકાથી સુશોભિત જિનમંદિરની અદ્ભૂત
રોનક જોઈ મુમુક્ષુઓનાં હૃદય પુલકિત થતાં હતાં. આશ્રમની દિવાલ ઉપર ગોઠવેલો ‘પ૯’ નો
આકર્ષક વિદ્યુત–આંક સૌને ધ્યાન ખેંચી પ્રસન્ન કરતો હતો.
મહોત્સવનો મુખ્ય દિવસ શ્રાવણ વદ બીજ : આજે વહેલા પ્રભાતથી આનંદભેરી સાથ
જન્મવધાઈનાં મંગલ ગીતોથી આશ્રમનું વાયુમંડળ ગાજી ઊઠયું હતું. પૂજ્ય ગુરુદેવના આજના
મંગલ પ્રવચન પહેલાંં બ્રહ્મચારી બહેનોએ “મંગલકારી ‘તેજ’ દુલારી” ગીત ગાઈને તેમના
જીવનધાર પૂજ્ય બહેનશ્રી પ્રત્યે શ્રદ્ધા–ભક્તિ વ્યક્ત કર્યાં હતાં. પ્રવચનના અંતમાં પૂજ્ય ગુરુદેવે
સ્વયં “અહો! ચંપાબેનનો તો આત્મા મંગલમય આત્મા
[અનુસંધાન પૃષ્ઠ ૩ ઉપર]