Atmadharma magazine - Ank 359 (Original language). Page: 16.

: ભાદ્રપદ ર૪૯૯ : આત્મધર્મ : ૯ :

મોક્ષને માટે મુમુક્ષુએ અવશ્ય કરવા યોગ્ય સ્વાધીન કાર્ય

જિનેશ્વરભગવંતોએ સ્વાધીન–આત્મવશ સુંદર

મોક્ષમાર્ગ દેખાડ્યો છે. મહાભાગ્યે આવા સુંદર માર્ગને પ્રાપ્ત
કરીને હે જીવ! તું તારા પરમ આનંદમય પરમાત્મતત્ત્વને ભજ.
‘વાહ રે વાહ! આત્મા! તારા મારગડા તારા અંતરમાં સમાય
છે. વાણી જ્યાં પહોંચી શકતી નથી, વિકલ્પ જેમાં પ્રવેશી
શકતો નથી, એવો નિરાલંબી સ્વાશ્રિતમાર્ગ છે. નમસ્કાર હો
આવા સ્વાશ્રિત સુંદર માર્ગને અને તે માર્ગ પ્રસિદ્ધ કરનારા
વીતરાગ સંતોને.

ધર્માત્માજીવો પરમ જિનમાર્ગના આચરણમાં કુશળ છે. જિનમાર્ગ કેવો છે? –કે

આત્મવશ છે. સમ્યગ્દર્શન–સમ્યગ્જ્ઞાન–સમ્યક્ચારિત્ર આત્મવશ છે–સ્વવશ છે એટલે કે
શુદ્ધઆત્મામાં અંતર્મુખતાથી જ તે પ્રગટે છે. તેમાં ક્યાંય બીજાનું શરણ નથી, બીજાનો
આશ્રય નથી. નિજ પરમ શુદ્ધાત્મતત્ત્વમાં અંતર્મુખતારૂપ સ્વવશપણું તે ધર્માત્માનું પરમ
આવશ્યક કાર્ય છે, તે જ નિર્વાણનો માર્ગ છે. અહો, અશરીરી થવાનો માર્ગ વીતરાગી
સંતોએ જગતમાં પ્રસિદ્ધ કર્યો છે.

સર્વજ્ઞભગવાન કહે છે કે અહો ભવ્ય જીવો! આત્માને આધીન એવા મોક્ષમાર્ગ

રૂપ શુદ્ધ સમ્યગ્દર્શન–જ્ઞાન–ચારિત્ર તે નિયમથી કરવા યોગ્ય સારભૂત કર્તવ્ય છે. મોક્ષને
માટે તમે આવા શુદ્ધ રત્નત્રયમાર્ગને આરાધો, અને બીજા અન્યવશ પરાશ્રિત ભાવોને
છોડો. –અશરીરી થવાનો આ અફર ઉપાય છે.

અરે, પૂર્ણ સ્વાધીનતારૂપ મોક્ષ, એનો ઉપાય તે કાંઈ પરના આશ્રયે હોય?

પરના આશ્રયે તો પરાધીનતા થાય; સ્વાધીનતા તો સ્વદ્રવ્યના જ આશ્રયે થાય. માટે

< Previous Page Next Page >