darshanapAhuD][9

samyagdarshan ke ATh a~N.hga kahe hai.n. unhe.n lakShaN bhI kahate hai.n aur guN bhI. unake nAm hai.n––––niHsha.nkit, niHkA.nkShit, nirvichikitsA, amU.DhdR^iShTi, upagUhan, sthitikaraN, vAsatalay aur prabhAvanA. vahA.N sha.nkA nAm sa.nshay kA bhI hai. aur bhay kA bhI. vahA.N dharmadravya, adharmadravya, kAlANudravya, paramANu ityAdi to sUkShma vastu hai.n, tathA dvIp, samudra, merUparvat Adi dUravartI padArtha hai.n, tathA tIrtha.nkar, chakravartI Adi a.ntarit padArtha hai.n; ve sarvaj~na ke Agam me.n jaise kahe hai.n vaise hai yA nahI.n hai.n? athavA sarvaj~nadev ne vastukA svarUp anekAntAtmak kahA hai so satya hai yA asatya?–aise sandeh ko sha.nkA kahate hai.n. tathA yah jo sha.nkA hotI hai so midhyAtvakarmake uday se (udayame.n yukta hone se) hotI hai; parame.n Atmabuddhi honA usakA kArya hai. jo parame.n Atmabuddhi hai so paryAy buddhi hai, paryAy buddhi bhay bhI utpanna karatI hai, sha.nkA bhay ko bhI kahate hai.n, usake sAt bhed hai.nH– is lok kA bhay, paralokakA bhay, mR^ityukA bhay, arakShAkA bhay, aguptikA bhay, vedanA kA bhaya. akasmAt kA bhaya. jinake yah bhay ho.n use mithyAtvakarma kA uday samajhanA chAhiye; samyagdR^iShTi hone par yah nahI.n hote. prashnaH––bhay prakR^itikA uday to AThave.n guNasthAn tak hai; usake nimitta se samyagdR^iShTi ko bhay hotA hI hai, phir bhay kA abhAv kaisA?––––samAdhAnH––ki yadyapi samyagdR^iShTike chAritramoh ke bhedarUp bhay prakR^iti ke uday se bhay hotA hai tathApi use nirbhay hI kahate hai.n, kyo.nki usake karmake udayakA svAmitva nahI.n hai aur paradravyake kAraN apane dravya svabhAvakA nAsh nahI.n mAnatA. paryAy kA svabhAv vinAshIk mAnatA hai isaliye bhay hone par bhI use nirbhay hI kahate hai.n. bhay hone par usakA upachAr bhAganA ityAdi karatA hai; vahA.N vartamAn kI pI.DA sahan na hone se vah ilAj (–upachAr) karatA hai vah nirbalatA kA doSh hai. isaprakAr samyagdR^iShTi sa.ndeh tathA bhay rahit hone se usake niHsha.nkit a~N.hga hotA hai ..1..

kA.nkShA arthAt bhogo.n kI ichChA– abhilAShA. vahA.N pUrvakAl me.n kiye bhogo.nkI vA.nChA tathA un bhogo.n kI mukhya kriyA me.n vA.nChA karma aur karmake phal kI vA.nChA tathA mithyAdR^iShTiyo.n ke bhogo.n kI prApti dekhakar unhe.n apane man me.n bhalA jAnanA athavA jo indriyo.nko na ruche.n aise viShayo.n me.n udveg honA– yah bhogAbhilASh ke chinha hai.n. yah bhogAbhilASh mithyAtvakarma ke uday se hotA hai, aur jisake yah na ho vah niHkAkShit a~N.hgayukta samyagdR^iShTi hotA hai. vah samyagdR^iShTi yadyapi shubhakriyA – vratAdik AcharaN