१२८
तुं ज्ञायकस्वरूप छो. बीजुं बधुं ताराथी छूटुं पड्युं छे, मात्र तें तेनी साथे एकत्वबुद्धि करी छे.
‘शरीर, वाणी आदि हुं नहि, विभावभाव मारुं स्वरूप नहि, जेवुं सिद्धभगवाननुं स्वरूप छे तेवुं ज मारुं स्वरूप छे’ एवी यथार्थ श्रद्धा कर.
शुभ भाव आवशे खरा. पण ‘शुभ भावथी क्रमे मुक्ति थशे, शुभ भाव चाल्या जाय तो बधुं चाल्युं जशे अने हुं शून्य थई जईश’ — एवी श्रद्धा छोड.
तुं अगाध अनंत स्वाभाविक शक्तिओथी भरेलो एक अखंड पदार्थ छो. तेनी श्रद्धा कर अने आगळ जा. अनंत तीर्थंकरो वगेरे ए ज मार्गे मुक्तिने पाम्या छे. ३६१.
जेम अज्ञानीने ‘शरीर ते ज हुं, आ शरीर मारुं’ एम सहज रह्या करे छे, गोखवुं पडतुं नथी, याद करवुं पडतुं नथी, तेम ज्ञानीने ‘ज्ञायक ते ज हुं, अन्य कंई मारुं नहि’ एवी सहज परिणति वर्त्या करे छे, गोखवुं पडतुं नथी, याद करवुं पडतुं नथी. सहज पुरुषार्थ वर्त्या करे छे. ३६२.