PDF/HTML Page 63 of 1906
single page version

samAdhAna- upAdAn yAnI mUl vastu, mUlamen svayam upAdAna. upAdAnakAraN yAnI svayamkA kAraNa. jo vastu hai, vah mUl vastu upAdAn aur sAthamen ho use nimitta kahate hain. sphaTik svayam mUl vastu hai. usamen hare-pIle rangakA pratibimb uThe vah bAhar hai, vah nimitta aur svayam mUl vastu hai vah upAdAna. usake upAdAnakI yogyatA aisI hai ki usamen lAl-pIle rangakA pratibimb uThatA hai, vah usakA upAdAna. bAhar hai vah nimitta. nimitta kuchh karatA nahIn, svayamke kAraN aisA hotA hai. parantu usakA mUl svabhAv hai, usakA nAsh nahIn hotA.

mumukShu- ...

samAdhAna- jalI huI DorI hotI hai, vaise karma abhI bAkI hai. kevalagnAnIko karmakA nAsh ho gayA, karmakA to kShay ho gayA hai. phir jo thoDe karma bAkI hai vah karma aise hain, jalI huI DorI hotI hai na? jalI huI rassI hotI hai na? khAT bharate hain na? jalI huI rassI jaise karma (bAkI hai), ekadam TUT jAye aise hain. thoDI deramen khatma ho jAte hain. unhen, ghAtikarma jo kevalagnAnako roke, jo andar AtmAke puruShArthake roke, vaise nimittarUp, koI rokatA nahIn hai, apane puruShArthakI mandatAse rukA hai. kevalagnAnI bhagavAnako jo aise karma the, vah to kShay ho gaye. parantu bAdamen jo bAkI rahe, abhI sharIr chhUTA nahIn, aise jo karma bAkI hai, vah karma jalI huI rassIke samAn hai, jaldI nAsh ho jAye aise karma (hain). kevalagnAnI sharIrasahit ho to kevalagnAnIko sab karma kShay ho gaye hain, parantu bAkI jo rahe hain vah jalI huI rassIke samAn hai. jab siddha honge tab vah sab chhUT jAyenge. AyuShya Adi karma hai, vah sab karma jalI huI rassIke samAn bAkI rahe hain. nAmakarma hai, gotrakarma hai aise karma (bAkI hain).

mumukShu- ghanaghAtI karma yAnI kyA?

samAdhAna- ghanaghAtI, jo AtmAke guNonke ghAtamen nimitta ho, use ghanaghAtI kahate hain. jaise kevalagnAnako rokanevAlA, kevaladarshanako, andar puruShArthako un sabako rokanevAle karmako ghanaghAtI kahate hain. AtmAke guNako ghAt karanemen nimitta. arthAt vah ghAt nahIn karate, parantu nimitta hai.

PDF/HTML Page 64 of 1906
single page version

jaise sphaTik hai, bAhar hote hain na? hare-pIle phUl, usake bhAnti. karma usamen nimitta hai isaliye ghanaghAti kahate hain. kuchh karma aise hote hain ki jo guNakA ghAt nahIn karate, mAtra sharIr prApta ho, AyuShya hotA hai, un sab kamAko ghanaghAtI nahIn kahate, use aghAti kahate hain. vah AtmAke guNonkA ghAt nahIn karate. sharIr mile, AyuShya ho un sabako aghAti kahate hain.

mumukShu- ...chhaThThA ArA AyA, matalab?

samAdhAna- use kAl kahate hain, Aro yAnI chaturtha kAl, pancham kAl, aise kAla. jagatamen aisA kAl AtA hai ki jisamen aise janma lete hain ki use chaturtha kAl (kahate hain). achchhe-achchhe jIvakA janma hotA ho, jo mokShamen jAnevAle ho, aisI unakI pAtratA ho, kevalagnAn prApta kare, koI samyagdarshan (prApta kare), koI muni bane, RuddhidhArak muni bane, aise kAlako chaturtha kAl kahate hain. jisamen tIrthankarakA janma ho, jisamen kevalagnAnI vicharate ho, use chaturtha kAl kahate hain-chaturtha ArA. jisamen bhagavAn tIrthankarakA janma ho, use chaturtha-achchhA kAl kahate hain. kahA na? achchhA kAl AyA hai. lokamen aisA kahate hain na ki apane liye yah achchhA kAl hai ki yah puNyakA kAl AyA to ab unnati hotI hai. kisIkA dhan kam ho jAye to kahe ki ab hin kAl AyA, kisIko sharIramen rog Aye to kahe ki hin ho gayA hai, anukUlatA hove to kahe ab unnatikA samay AyA. vaise chaturtha kAla. Aro yAnI chaturthakAlamen achchhe- achchhe jIvonkI unnati hotI hai isaliye use chaturtha kAl, chaturtha ArA kahate hain.

mumukShu- usamen bhI maryAdA hotI hogI?

samAdhAna- hAn, kuchh kAl tak aise jIvonkA hI janma hotA hai. achchhe jIv hote hain vah dUsare kShetramen janma lete hain. panchamakAl Aye to usamen amuk prakArake jIv janma lete hain. dharma to rahatA hai, amuk prakArakA dharma to rahatA hai, parantu dekhiye, abhI to kapaT, mAyAchArI Adi baDh gayA hai. aise logonkA janma ho use panchamakAl kahate hain. pancham ArA. chhaThThe Aremen to utanA hogA ki hinsA baDh jAyegI. use chhaThThA kAl kahate hain.

samAdhAna- ... AtmA bandhA nahIn hai. abaddha yAnI bandhA huA nahIn hai. gAthAmen hai, harigIt hai na? AtmA kisI bhI karmase vAstavikarUpase bandhA huA nahIn hai, AtmA bhinna hI hai. makaDIkI jAl hotI hai usamen makaDI bhinna hI hai. vaise AtmA bhinna hI hai. karmase vaise nahIn bandhA hai ki vah bhinna nahIn ho sake. andar bhinna hI hai. abaddha hai, aspRuShTa hai. vah kisIse sparshit nahIn huA hai. jaise kamal pAnImen ho, pAnImen kamal ho to aise dikhatA hai ki mAno pAnImen aur kIchaDamen lipta ho gayA

PDF/HTML Page 65 of 1906
single page version

ho. parantu vah kamal lipta nahIn hotA hai, kamal to bhinna hI rahatA hai.

aise AtmA to andar bhinna hI hai. abaddha, aspRuShTa, ananya. AtmA anya koI bhI sharIrarUp nahIn ho jAtA. janma-maraN kare. manuShya, nArakI, dev Adi rUp ho nahIn jAtA. AtmA to AtmA hI rahatA hai. AtmA anya-anya, alag-alag nahIn ho jAtA. ananya-ekarUp jo apanA svarUp hai vaisA hI rahatA hai. bhinna-bhinna avasthA dhAraN kare, alag-alag paryAy ho, AtmA vaisA hI rahatA hai.

mumukShu- .. shuddhatAmen keli kare, usakA matalab kyA?

samAdhAna- keli yAnI usamen khelate hain, lIlA karate hain, aisA nahIn kahate? shuddhatAmen keli kare, shuddhatA ras barase, amRutadhArA barase. AtmAmen samyagdarshan ho, Age baDhe, svAnubhUtimen khelatA ho to shuddhatAmen keli kare, amRutaras barase. keli-khelatA hai, keli yAnI khelatA hai.

main shuddha hI hUn. shuddhatAko dhyAve, shuddhatAkA dhyAn kare, shuddhatAmen keli kare, shuddhatAmen khel kare, amRutadhArA barase. aisA karanese andar amRutakI dhArA barasatI hai. shuddhatAkA dhyAn karatA hai.

mumukShu- gaNadharadevako aisI Ruddhi hotI hai ki bArah angako gUnthate hain. hamen aisI koI Ruddhi dIjiye ki ham virodhiyonke bIchamen rahate hue bhI gnAnIke prati shankA utpanna na ho aur hamArI shAnti bhang na ho, aisI koI Ruddhi de dIjiye.

samAdhAna- vah to apane puruShArthake hAthakI bAt hai. virodhiyonke bIchamen rahakar bhI AtmAkI ArAdhanA karanA (ki) main gnAyak hUn. bAhar nahIn AnA. gnAyakasvarUp AtmA hUn, dev-guru-shAstrakI mahimAkI ArAdhanA, AtmAkI ArAdhanA. aisI bhAvanA, puruShArtha karanA. bhItaramen lakShaN pahachAnakar dRuDhatA karanI. bAharakI bAt sun-sunakar nakkI nahIn karanA. pratyakSha dekhe binA koI bAt nakkI nahIn karanA. jo pratyakSha dekhA ho use hI nakkI karanA. AtmAkA svabhAv bhI apanA lakShaN pahachAnakar nakkI karanA. .. svAdhyAy karanA, dUsarI bAtommen nahIn paDanA.

mumukShu- vAdavivAdamen bhI nahIn paDanA?

samAdhAna- vAdavivAdamen bhI nahIn paDanA. kisImen nahIn paDanA. apanI utanI shakti nahIn ho to vAdavivAdamen nahIn paDanA. AtmA hai to puruShArtha kar sakatA hai. AtmAkA prayojan sAdhanA apane hAthakI bAt hai. use koI rok nahIn sakatA. nyAre rahakar apane AtmAkI sAdhanA puruShArtha karanese ho sakatI hai.

mumukShu- mAtAjI! koI, gnAniyonke liye yA gurudevake liye yA kisIke bhI liye mAnon ki do-chAr UlaTe-sIdhe shabda bole to ham to sansArI hain, aisA bhaktikA rAg

PDF/HTML Page 66 of 1906
single page version

A jAye ki gurudevake liye aisA kyon? athavA dUsare gnAnIke liye aisA kyon bole? aisA vikalpa Aye to... mAtAjI! ham to agnAnI hain, aise samayamen kyA karanA?

samAdhAna- aise vikalpa nahIn karanA, aise vikalpa nahIn karanA. (mumukShukA) kArya hai ki maryAdAke bAhar nahIn jAnA. maryAdAse bAhar jAye to...

mumukShu- mAtAjI! apane koI bhI mumukShu maryAdAkI hadakA ullanghan kare, aise hain hI nahIn. gurudevakA apAr upakAr aur ApakA apAr upakAr hai ki maryAdAkA ullanghan nahIn karate hain. parantu sAmanevAle ullanghan karake yahAn A jAye aur apaneko kuchh bhI kare to kyA khaDe rah jAnA?

samAdhAna- sAmanevAlA maryAdAkA ullanghan kare to usakA vah jAne, svayam maryAdAkA ullanghan nahIn kare. ...

mumukShu- bahinashrI! kundakundasvAmI kevalagnAnakA svarUp jab gAthAmen varNan karate hain, tab to sab anubhavasiddha varNan karate hain. kevalagnAnakA svarUp shAstrake AdhArase varNan karate hain yA usaprakArakI tarkaNAse kevalagnAnakA svarUp khyAlamen lete hain? anubhav to kevalagnAn..

samAdhAna- AchAyAkI kyA bAt karanI, kaise varNan karate hain. AchArya hain so AchArya hain. unakI shakti to koI alag hI hotI hai. usamen bhI kundakundAchAryakI kyA bAt! unhen to andar shrutagnAn koI alag hI thA. unake andar aisI koI shakti thI, svayam andarase samajh sake. svAnubhUtimen kevalagnAn pragaT nahIn huA hai, parantu samyagdarshanapUrvak unakI dashA andar kahAn tak TikatI hai, chhaThThe-sAtaven guNasthAnamen jhulate hue muni (hain). aur unakA gnAn yAnI is panchamakAlamen chAron or kundakunda AmnAy, kundakunda AmnAy (ho gayA). unakI shakti koI alag thI. mAtra Uparase vichAr karake (kahate hain), aisA nahIn. unakI bAt yAnI bas... antar shrutagnAn unakA koI alag thA. shrutagnAnase bAt karate hain.

AtA hai na? shrutagnAn aur kevalagnAn, donommen koI nahIn dekhanA. mAtra pratyakSha, parokShakA antar hai. kevalagnAnI pratyakSha dekhate hain, shrutagnAnI parokSha dekhate hain. lekin donon samAn hai, aisA shAstramen AtA hai. usamen AchAyAkI bAt kyA karanI! AchAyAne usakA rahasya samajhAyA hai. kevalagnAnI sab pratyakSha dekhate hain, to shrutagnAnI sab parokSha dekhate hain.

mumukShu- usamense aisA artha nikale ki kevalagnAnIkI sAkShAt bhenT huI thI?

samAdhAna- usamense vichAr kare to nikale ki kevalagnAnIkI bhenT huI thI. bhenT huI thI, mAnon nahIn bhI huI ho to shrutagnAnakA svarUp hI aisA hai ki shrutagnAnI aur

PDF/HTML Page 67 of 1906
single page version

kevalagnAnI donon samAn hain, aisA shAstramen AtA hai. unakA shrutagnAn aisA hai. pravachanasAramen bhI kevali bhagavAnake pAs gaye the vah bAt to gAthAommense nikalatA hai. vartamAn kShetramen vicharate sImandhar bhagavAn evan pratyek-pratyek sabako vandan karatA hUn, Adi sab AtA hai. nikalatA hai kyA, kitane hI AchAyAne likhA hai ki kundakundachArya videhakShetramen gaye the. aise lekh Ate haiain, usake sab shilAlekh Ate hain. usakA to vichAr karanA paDe aisA kahAn hai? shilAlekhommen, panchAstikAyamen, devasenAchArya Adi sab kahate hain. unakI lekhanIke bAremen kahAn vichAr karanA paDe aisA hai. unakI gAthAommen (AtA hai), pratyek- pratyekako videhakShetramen vicharate bhagavantonko namaskAr karatA hUn.

mumukShu- unakI vANImen OM hI AtA hai, aisA hai kyA?

samAdhAna- kevalagnAnIkI vANImen OM AtA hai. AchAyAkI vANImen OM nahIn AtA. bhagavAnakI vANImen OM AtA hai. bhagavAnako ichchhA TUT gaI hai, vItarAg ho gaye hain, isaliye vANImen OM AtA hai. AchArya to muni hain, shAstramen dravya-guN-paryAyakA vistAr karake varNan karate hain. bhagavAnakI vANImen OM AtA hai, parantu usamen ananta rahasya AtA hai. pUre lokAlokakA svarUp AtA hai.

mumukShu- ApashrI kevalagnAnakA svarUp batAte ho tab aisA lagatA hai ki Apako bhI bhenT huI ho aur sunA ho, aise hI kahate ho.

samAdhAna- jisako jaisA artha karanA ho vaisA kare.

mumukShu- mAtAjI! logonko to shilAlek AdikA AdhAr lenA paDatA hai, hamen to sAkShAt ApakA AdhAr milA hai. kundakundAchArya vahAn padhAre the, Apane sAkShAt dekhA hai, isase baDhakar aur kyA AdhAr chAhiye? ham to adhik bhAgyashAlI hain, Ap sAkShAt mojUd hain. logonko mAtra shilAlekh dekhane milate hain, Ap to sAkShAt hamen prApta hue hain.

samAdhAna- shAstramen sab pramANabhUt hai. shilAlekh hai, sab TIkAommen hai, sab pramANabhUt hai. jainasamAjamen, digambar samAjamen (AdhArabhUt hai). Ap sab mAnate ho vah mAne.

mumukShu- mAtAjI! hamen to ApakA mAnanA hai, dUsaronko jo mAnanA hai vah mAne, hamen kyA? hamane ek gnAnIko pakaDe hain, dUsareko kyon pakaDanA? bakarekA jhunD hotA hai, sinhakA nahIn hotA.

samAdhAna- .. chaturtha guNasthAn yAnI samyagdarshanakI bhUmikA hai. samyagdarshan prApta ho, use chaturtha guNasthAn kahate hain. svAnubhUti ho, bhedagnAn ho, AtmAkI svAnubhUti hotI hai vah chaturtha guNasthAn hai.

PDF/HTML Page 68 of 1906
single page version

mumukShu- sAth-sAth samyagdarshan hotA hai, tInon sAthamen hotA hai?

samAdhAna- samyagdarshan-gnAn hotA hai, chaturtha guNasthAnamen abhI chAritra nahIn hai. vAstavik chAritra munidashAmen (hotA hai). ye to gRuhasthAshramamen hote hain isaliye thoDI lInatA hai. bAkI chAritradashA ratnatray nahIn, samyagdarshan kah sakate hain. svarUpAcharaN chAritra kahate hain. lekin jo muni hote hain, aisA chAritra nahIn.

mumukShu- paun sekaNDase adhik nidrA nahIn hotI, aisA kaise?

samAdhAna- chhaThThe-sAtaven guNasthAnamen jhulate hain. antarmuhUrta-antarmuhUrtamen AtmAmen jAte hain. usamen nidrA kaise ho? kShaN-kShaNamen jAgRut hote haiain, kShaN-kShaNamen jAgRut hote hain.

mumukShu- samyagdarshan yAnI kyA? aur use prApta karaneke liye is pAmar jIvako ... kaise ho?

samAdhAna- samyagdarshanakA svarUp, is panchamakAlamen gurudevane yahAn padhArakar kitanA vistAr karake samajhAyA hai. samajhanA mushkil, prApta karanA mushkil, sab mushkil thA. parantu gurudevane kitanA mArga (spaShTa kiyA).

.. AtmAkI or dekhatA bhI nahIn. bAharamen hI usakI dRuShTi hai. bAharase dharma hotA hai, sabakuchh bAharase hI mAn liyA hai. bAharase gnAn AtA hai, bAharase sukh AtA hai, bAharase sab AtA hai. dRuShTi bAhar hI hai, isaliye use durlabh ho gayA hai. antar dRuShTi kare to pahachAn sakatA hai. antar dRuShTi kiye binA janma-maraN hote hI rahate hain. jyAdAse jyAdA shubhabhAv kare, bAhya kriyA kare, kuchh kare, kuchh chhoDe, kuchh kare, (usamen bhI) shubhabhAv ho to puNyabandha hotA hai. puNyase devamen jAtA hai. parantu bhavakA abhAv to hotA nahIn. bhavakA abhAv to ek AtmAko pahachAne ki main chaitanyatattva anAdise kyon rakhaDA? merA kyA svarUp hai? aur ye vibhAvakA dukh kaise Tale? andar vichAr kare, andar jignAsA kare, laganI lagAye, use is sansArakI thakAn lage to antaramen jAye. use thakAn nahIn lagI aur andarase use chhUTanekI ichchhA ho ki main kaise chhUTUn? antaramense mArga mil jAtA hai. svayam hI hai, gupta nahIn hai, svayam nahIn hai. mArga antarase mil jAtA hai.

AtmA jAnanevAlA gnAyak hai. usakA gnAnalakShaN hai, gnAnalakShaNase pahachAnamen Aye aisA hai. aur usakA svarUp gurudevane bahut batAyA hai. use samajhAnevAle gurudev pratyakSha the aur unakI vANI mUsalAdhAr barasatI thI. AtmAkA svarUp kyA hai? usake dravya- guN-paryAy kyA hai? pudagalake kyA hai? donon vastu atyant bhinna hain. antar AtmA ananta guNonse virAjamAn anupam tattva hai. lekin use pahachAne to antaramen jAye. usakI laganI lagAye, usakI jignAsA kare to hotA hai. jignAsA hue binA, antar laganI lage binA,

PDF/HTML Page 69 of 1906
single page version

usakA svarUp pahachAne binA Age nahIn jA sakatA. usakA svarUp pahachAnanekA prayatna karanA chAhiye. usakA svarUp pahachAnaneeke liye vichAr kare, vAnchan kare, shAstra svAdhyAy kare, gurudevane kyA kahA hai, usakA vichAr kare to Age baDh sakatA hai.

muumukShu- aisI shakti svayammen hai ki jisake AdhArase vah Age baDh sake. samAdhAna- hai, svayam ananta shaktise bharA AtmA hai. koI de to ho jAye, aisA nahIn hai. svayam hI hai, svatantra hai. vah parAdhIn nahIn hai ki koI kar de to ho jAye. svayammen ananta shakti hai. jaise bhagavAn hain, vaisA svayam hai. jaise siddha bhagavAn hain, jaise tIrthankaradev hain, unakA jaisA AtmA hai, vaisA hI svayamkA AtmA hai. usamen aur isake svabhAvamen kuchh bhI antar nahIn hai.

bhagavAnane jo prApta kiyA vah svayam kar sake aisA hai. antaramen puruShArtha kare to (hotA hai). utanI ananta shaktise bharA chaitanyadev virAjatA hai. usamen ananta shakti bharI hai. lekin puruShArtha kare to hotA hai, puruShArtha kiye binA (nahIn hotA). bArambAr usakA puruShArtha karanA chAhiye. kShaN-kShaNamen usakA vichAr karanA chAhiye, usakI laganI lagAye. chhAchhamense makkhan banAnA ho to bArambAr use biloye to Upar AtA hai. binA prayatna nahIn AtA.

isaprakAr bhinna honeke liye, vibhAvase bhinna honeke liye... antaramen bhinna hI hai, lekin ekatvabuddhi (ho gayI hai). bArambAr usakA vichAr kare, manthan kare, bArambAr kare, laganI lagAye to bhinna ho sakatA hai. ananta shaktise bharA hai.

mumukShu- shakti to pragaT ho tab AtI hai na?

samAdhAna- andar ananta shakti bharI hai. pragaT ho tab Aye, aisA nahIn. usamen shakti bharI hI hai. svayam prayAs kare to hotA hai. pAnI svabhAvase nirmal hI hai. kIchaDake kAraN mailA dikhatA hai, parantu usakA svabhAv nirmal hai. usamen nirmalI auShadhi DAle to nirmal hotA hai. vaise svayam svabhAvase nirmal hai. ananta shaktise bharA hai. puruShArtha karake, andar yathArtha gnAn karake, gnAnakI auShadi DAle, pragnAchhainI pragaT kare to AtmA andarase pragaT ho aisA hai.

mumukShu- Apane do bAt kahI, shakti bharI bhI hai aur puruShArtha bhI karanA paDe. samAdhAna- bharI hai, parantu use kAryAnvit nahIn kI hai. kAryamen rakhe to hotA hai. shakti to bharI hI hai. svayam karatA nahIn hai.