PDF/HTML Page 754 of 1906
single page version

samAdhAna- ... gurudevane bahut samajhAyA hai. jAnanevAlA anAdiananta hai. jAnanevAlA aisA nahIn hai ki kisIne utpanna kiyA nahIn hai. jAnanevAlA trikAl sat hI hai. jAnanevAlA tattva aisA hai ki jo svatantra padArtha hai. vah padArtha aisA nahIn hai ki koI use utpanna kare yA kisIse nAsh ho. vah jAnanevAlA sat aisA hai ki vah trikAl sat svayam trikAl hai aisA svayam svayamko batA rahA hai.

usamen jo vibhAvakA bhAg hai use nahIn lekar, mAtra jAnanevAlA, mAtra jAnanevAlA gnAyak vah jAnanevAlA hai. us jAnanevAlemen nahIn jAnanA aisA nahIn AtA. jAnanevAlekA koI nAsh nahIn kar sakatA. jAnanevAlekI kisI bhI tarahase utpatti nahIn hotI. jAnanevAlA hai vah trikAl jAnanevAlA hI rahanevAlA hai. jAnanevAlA svayam trikAl sat (hai). svayam vartamAn hai aisA nahIn, parantu vah trikAl svatasiddha vastu jAnanevAlI hI hai. aise svayam apaneApako batA rahI hai. svayam vichAr kare to samajhamen Aye aisA hai ki yah jAnanevAlA... jAnanevAlI vastu aisI hai ki kisIse utpanna nahIn hotI hai. jaD jaDarUp hai aur jAnanevAlA jAnanasvarUp hai. jaDake kisI bhAgamen koI jAnanevAlA utpanna nahIn hotA hai. koI dUsarA padArtha jAnanevAleko utpanna nahIn kar sakatA. jAnanevAlA svayam svatasiddha hai. svatasiddhako koI utpanna nahIn kar sakatA. vah anAdiananta jAnanevAlA hI hai.

vartamAn jo sat jAnanevAlA hai vah gnAt ho rahA hai, vah trikAl jAnanevAlA svayam svatasiddha hai aur vah svayam trikAlI sat hai. aise svayam svayamko batA rahA hai ki yah jAnanevAlA, vah jAnanevAlA aisA hai ki vah jAnanevAlA vibhAvake kAraN jAnanevAlA hai yA jaDake kAraN, koI dUsare padArthake kAraN jAnanevAlA nahIn hai. jAnanevAlA svayam svatasiddha jAnanevAlA hai. jAnanevAlA aisA hai ki svatasiddha ananta padAthAko jAne aisA jAnanevAlA hai. us jAnanevAleko maryAedA nahIn hai. jAnanevAlA svayam svayamko jAne, sabako jAne. is tarah jAnanevAlemen koI maryAdA nahIn hai ki itanA jAne yA utanA jAne. jAnanevAlA so jAnanevAlA hI hai. trikAlI sat hai. vartamAn sat trikAlako batA rahA hai ki itanA hI sat nahIn hai, svatasiddha hai. isaliye jAnanevAlA anAdiananta hai. isaliye gurudev kahate hain ki jAnanevAleko tU jAna. vah trikAl sat svatasiddha

PDF/HTML Page 755 of 1906
single page version

vastu anAdiananta hai.

jAnanevAleko jAnanA hai. antaramen bhedagnAn karake jAne to gnAt ho aisA hai. vibhAv nahIn, jo kaluShit bhAv hai vah nahIn, mAtra jAnanevAlA. jAnanevAlA svayam trikAl jAnanasvarUp hai. kisIse utpanna nahIn huA hai, kabhI jAnanevAlekA nAsh nahIn ho sakatA. isaliye vah vartamAn trikAlako batA rahA hai ki main trikAl hI hUn. main ek vastu hUn.

jAnanA.. jAnanA.. jAnanA usamen jAnanA hI AtA hai, usamen nahIn jAnanekA AtA hI nahIn. isaliye vartamAn hai vah trikAlako batA rahA hai ki trikAl sat, jAnanevAlA sat trikAl hUn. trikAl svarUpako batAtA hai. jo hai vah hai, vah trikAl hai rUp hai. jo sat hai vah trikAl satarUp hai.

mumukShu- ... vah aisA sUchit karatA hai ki andaramen trikAlI jAnane-dekhanevAlA pUrA padArtha...

samAdhAna- koI tattva-padArtha hai. vartamAn jAnanevAlA hai vah trikAl sat... jAnanevAlA svatasiddha trikAl sat ek dravya hai. us dravyamense dravyakA jAnanA hai. vah jAnanevAlA svayam trikAl satako batA rahA hai. vartamAn paryAy bhale ho, lekin vah trikAlako batA rahI hai. vah jAnanevAlA kisIse utpanna nahIn hotA hai. vah jAnanevAlA svatasiddha anAdiananta trikAl sat hai.

mumukShu- ..

samAdhAna- trikAlako grahaN karake, trikAs satako grahaN karake ki main yah vastu hI hUn, yah vibhAv nahIn hai. use vibhAvakA dukh lagA ho, vibhAvakI AkulatA lagI ho. AkulasvarUp yah merA svarUp nahIn hai. main to jAnanevAlA hUn. jAnanevAlA ek dravya hUn. aise use grahaN karake, usakI pratIt karake us or upayogako jhukAye aur usamen lInatA karanekA prayatna kare. bhedagnAn karanekA prayatna kare. jo vastu yathArtha hai, dravya hai, us dravyako grahaN karanekA prayojan aisA hai ki jise AtmAkI lagI ho, vibhAvakA dukh lagA ho, bhavabhramaNakI thakAn lagI ho, vah svayam vApas muDakar, main to anAdiananta ek shAshvat vastu hUn, yah vibhAvamen jo bhaTakanA hotA hai, paribhramaN, AkulatAkI jAlamen phansatA rahUn in vikalpommen, yah merA svarUp nahIn hai.

merA svarUp to anAdiananta main to shAshvat dravya hUn. use grahaN karake, jo svarUp hai, gnAyak gnayakarUp usakI pariNati kaise pragaT ho, usakA prayAs karanA. bArambAr prayAs kare ki yah gnAyak gnAyakarUp mujhe kaise bhAsyamAn ho? gnAyak gnAyakarUp mujhe kaise vedanamen Aye? yah jo merA sat hai, vah mujhe kaise vedanamen Aye? vibhAvakA vedan ho rahA hai, usake badale gnAyakakA vedan kaise Aye? aise use jignAsA ho, use grahaN

PDF/HTML Page 756 of 1906
single page version

karake bhedagnAn kare, svAnubhUti pragaT kare. usakA grahaN karanekA prayojan vah hai. tU yathArtha grahaN kara. tU jhUThemen, vibhAvamen bAharamen sukh mAn liyA hai, usImen mAno merA sarvasvA mAn liyA, vah sab jUThA hai. jo yathArtha hai use grahaN kar to usamense sukh AyegA, bAharase nahIn AyegA. isaliye use grahaN kara. tU ananta guNase bharapUr gnAyakatA teremen hai. usamen ananta guN bhare hain. Ananda usamen, sukh usamen, sab usImen hai. isaliye use grahaN karanekA prayojan hai.

mumukShu- usase tujhe sukhakI prApti hogI.

samAdhAna- sukhakI prApti gnAyakamense hogI, bAharase nahIn hogI. dev-guru-shAstrane kaisA mArga kahA hai use lakShyamen rakhakar... shubhabhAv bhI AkulatA hai, usase bhI bhinna gnAyak hai, use grahaN kara. phir bIchamen shubhabhAv Aye use khyAlamen rakhe, parantu vastu to yah grahaN karanekI hai. grahaN to shuddhAtmA karanekA hai.

mumukShu- bahinashrI! ek prashna aisA hai ki, nirvikalpatAke kAlamen gnAnIko shuddhanayakA Alamban rahatA hai ki nahIn? aur yadi rahatA ho to nayakA prayojan siddha honeke bAd nay nirvikalpa avasthAmen asta ho jAtI hain, us kathanake sAth kaise mel hai?

samAdhAna- nay yAnI vahAn vikalpAtmak nay nahIn hai. nirvikalpa avasthAmen vikalpavAlI nay khaDI nahIn rahatI. isaliye vah nay vilIn ho jAtI hai, nayakI lakShmI kahAn chalI jAtI hai, AtA hai na? nikShepakA samUh,.. pramAN asta ho jAtA hai. vah sab vikalpAtmak nay aur vikalpAtmak pramAN vah sab anubhavamen nahIn hai. vikalpAtmak nahIn hai. parantu nay arthAt anubhUtike arthamen nij dravya par dRuShTi to jaisI hai vaisI hai. dravya par dRuShTi gayI aur us orakI pariNati huyI vah vaisI hI hai. isaliye us apekShAse usakI dravya par dRuShTi to hai. isaliye use shuddhanay kaho yA AtmAkI anubhUti kaho, sab ek hai. samayasAramen AtA hai.

shuddhanay arthAt shuddha AtmAko grahaN kiyA aur us rUp shuddha pariNati huyI, aise arthamen hai. dravya par dRuShTi to vaisI hI hai. parantu vah nirvikalpa hai. vahAn vikalpAtmak nay nahIn hai ki main shuddha hUn, yah paryAy, aise koI vikalpa nahIn hai. vikalpa nahIn hai parantu shuddhAtmA jaisA hai us rUp usakI pariNati hai. aur shuddhAtmA par usakI dRuShTi thambh gayI hai. shuddhAtmAkI or hI pariNatine jo lakShyamen liyA, dRuShTine lakShyamen jis AtmAko liyA vahIn usakI pariNati sthir hai. vahIn usakI dRuShTi sthir hai. aur paryAy jo pariNati pragaT huyI, nirvikalpa avasthAkI pariNati hai. isaliye use us apekShAse shuddhanay hai. parantu vikalpAtmak nay nahIn hai, nirvikalpa nay hai.

mumukShu- us vakta shuddhanayakA jor hai?

PDF/HTML Page 757 of 1906
single page version

samAdhAna- hAn, shuddhanayakA jor hai.

mumukShu- vah nirantar rahatA hai.

samAdhAna- vah nirantar hai. shuddhAtmAkI or jo dRuShTi hai vah to vaisI hI hai. aur gnAn bhI sAthamen hai. dononko jAnatA hai. shuddhAtmAko aur shuddha pariNatiko dononko gnAn jAnatA hai. gnAn bhI sAthamen hai. AnandakI anubhUti, gnAn, usake guN sabako gnAn jAnatA hai. dRuShTi aur gnAn donon kAm karate hain, parantu vah nirvikalparUp hai.

mumukShu- koI apekShAse jor chAlU hai vah nayakA jor hai?

samAdhAna- hAn, vah nay us apekShAse. nirvikalpa hai, vikalpAtmak nahIn hai. vah nay use chhUTatA nahIn hai.

mumukShu- laDAImen ho to bhI vah nay...

samAdhAna- vah chhUTatA hI nahIn. dravya par dRuShTi gayI vah nay chhUTatI nahIn.

mumukShu- ek prashna hai, AtmasvarUpamen pravesh karate samay, pahalI bAr jab pravesh karatA hai, us vakta puruShArtha kaisA hotA hai? aur sthiratAke samay nirvikalpa puruShArtha kaisA hotA hai? in dononke bIch, donon puruShArthamen (kyA antar hai)? us vakta bhI puruShArtha to hotA hI hai, nirvikalpa avasthAke samaya.

samAdhAna- nirvikalpa avasthAke samay puruShArtha kaisA hotA hai aur..?

mumukShu- svarUpamen pravesh karate samay kaisA hotA hai?

samAdhAna- pravesh karate samay, phir nirvikalpa ho gayA us samay? aisA kahanA hai? pravesh karate samay to abhI use vikalpa hai. use dRuShTikA viShay joradAr hai. svayam shuddhAtmA hai. vikalpakI orase usakI pariNati chhUTatI jAtI hai. svarUpamen sthir hotA jAtA hai, usamen sthir hotA jAtA hai. us orakA use jor hai. dRuShTikA jor hai ki main shuddhAtmA hUn aur svayam nij svarUpamen sthir hotA jAtA hai. vikalpa orase haTatA jAtA hai aur shuddhAtmAmen sthir hotA jAtA hai.

nirvikalpa avasthA to sahaj hai. usamen use puruShArtha karatA hUn yA is or AtA hUn, aisA kuchh nahIn hai. pariNati, jo pahale puruShArtha huA, jo sthir huA aur vikalpase chhUTA vah nirvikalpa avasthAmen sahaj pariNati pragaT huyI, use vikalpa yA .. main puruShArtha karun aur yah puruShArtha, aisA kuchh nahIn hai. sahaj pariNati pragaT ho gayI.

mumukShu- sthiratA TikatI hogI vah puruShArtha...

samAdhAna- puruShArtha hai, pahale jo puruShArtha kiyA vah puruShArtha sahaj ho gayA. phir use puruShArtha karatA hUn, aisA dhyAn hI nahIn hai. puruShArthakA dhyAn nahIn hai. pariNati usamen Tik gayI hai. shuddhAtmAmen pariNati Tik gayI hai. jaisA AtmA thA us rUp pragaT

PDF/HTML Page 758 of 1906
single page version

ho gayA. phir puruShArtha karun, nahIn karun, aisA koI vikalpa nahIn hai, vaisA koI dhyAn bhI nahIn hai. kevalagnAn pragaT ho to kRutakRutya dashA ho gayI. siddha bhagavAnako kRutakRutya ho gaye, puruShArtha karun aisA nahIn hai. vaise nirvikalpa avasthAmen main puruShArtha karun, aisA nahIn hai. puruShArtha jo huA usakA phal A gayA. vah Anshik phal AyA. abhI pUrNa nahIn hai. usakA Anshik phal A gayA. isaliye use us vakta puruShArtha karatA hai, aisA nahIn hai.

puruShArthakA phal, jo shuddhAtmAkA shuddhAtmAke vedanarUp usakA phal A gayA. phir bAhar jAtA hai to vah antarmuhUrtakI sthiti hai. sAdhakadashAmen puruShArtha ... usakA Anshik phal hai. puruShArtha pragaT ho gayA, Anshik pragaT ho gayA vah vaisA hI rah jAtA hai. buddhipUrvakakA koI puruShArtha nahIn hai. bhinna ho gayA. vah puruShArthakA phal A gayA. puruShArtharUp pariNati ho gayI.

shreNI chaDhate hain us vakta use abuddhipUrvak puruShArtha hotA hai. buddhipUrvak nahIn hotA. abuddhipUrvak shreNI chaDhate hain. abuddhipUrvak puruShArtha hai, buddhipUrvakakA nahIn hai. pariNati apanI or jhukatI jAtI hai. puruShArthakI or dhyAn hI nahIn hai. jis rUp hai vah vaise hI rah gayA. jo svarUp hai, us rUp svayam rah gayA. arthAt apekShAse puruShArtha hai, parantu vah puruShArthakA phal hai.

mumukShu- svarUpamense bAhar Ate hain aisA kahate hain, us apekShAse vah kamajorIse bAhar Ate hain.

samAdhAna- vah puruShArtha amuk prakArakA thA. Anshik nirvikalpa avasthA ho, phir bAhar hI AtA hai. vaisI usakI dashA hai. vah puruShArtha thoDA hI thA. kevalagnAn jitanA puruShArtha nahIn thA, isaliye vah bAhar AtA hai. sthir honekA thoDA puruShArtha thA. andar sthir huA, sthir hokar bAhar AtA hai. usakI sthiti hI antarmuhUrtakI hai. upayogakI sthiti antarmuhUrtakI hI hai. puruShArtha hai lekin vah bal, chaitanyakI orakA bal joradAr hai, vah bal hai. vah bal aise hI rah gayA. sahaj hai. puruShArtha karanekI koI kRutrimatA nahIn hai.

apanI Dor apanI or khInchatA rahatA hai, vah kRutrimatA nahIn hai, sahaj hai. puruShArthakA bal sahaj rahatA hai. apanI or pariNati A gayI so A gayI, phir buddhipUrvakakA puruShArtha nahIn hai. jAgRuti hai. puruShArtha pragaT ho gayA, lekin abhI pUrA nahIn hai, adhUrA hai. isaliye bAhar Ate hain. kShaNamAtrake liye sab chhUT gayA, parantu phir bAhar AtA hai. dRuShTikA viShay hai vah, bAhar jAy yA andar rahe, vah TikI rahatI hai. lInatA amuk kShaNakI hI thI, vah chhUT gayI. phirase bAhar Ate hain.

PDF/HTML Page 759 of 1906
single page version

mumukShu- vah upayog hI vaisA hai ki utanI der hI rahatA hai. samAdhAna- bas, vah upayog antarmuhUrtakI sthiti rahatI hai, phir bAhar Ate hain. phir palaT jAtA hai. bAhar Akar bhedagnAnakI dhArAkA puruShArtha chAlU hI rahatA hai. vikalpa Aye to svayam bhinna hI rahatA hai. aisI dhArA usakI chAlU hI rahatI hai. phir ekatva nahIn hotA hai. gnAtAdhArAkI pariNati chAlU hI rahatI hai. bhinna hI rahatA hai.