PDF/HTML Page 1038 of 1906
single page version

mumukShu- .. anubhUti karaneke liye bahut puruShArtha bhI karate hain, lekin usamen aisA kaisA doSh ho jAtA hai ki jis kAraNase prApta nahIn hotA hai. gaharAI nahIn AtI. kaun-sA doSh hai?

samAdhAna- puruShArthakI kShati rah jAtI hai. antaramen abhyAs-ekatvabuddhi rah jAtI hai. par-orakI ruchi (rahatI hai). antarakI ruchi jitanI pragaT honI chAhiye, utanI hotI nahIn. kAraN kam AtA hai, isaliye kArya nahIn hotA hai. mahimA Aye, sab Aye lekin andar puruShArthakI kShati rah jAtI hai. bhedagnAn karanekA jo prayatna chAhiye, chaitanyako pahichAnanekA vah nahIn ho rahA hai. bArambAr use abhyAs karanekI AvashyakatA hai.

chhAchhako bilote-bilote makkhan bAhar AtA hai. vaise bArambAr-bArambAr usakA abhyAs karatA rahe. AtmA jAnanevAlA gnAyak hai. svayam gnAyak hai. parantu par-or dRuShTi hai isaliye use kartAbuddhi ho gayI hai, mAnon main parakA kar sakatA hUn. parantu svayam apane svabhAvakA kar sakatA hai, bAharakA kuchh nahIn kar sakatA. vah sab to udayAdhIn hotA hai. parantu usake puruShArthakI mandatAke kAraN bAhya dRuShTi hai. antar dRuShTi kare to antaramense pragaT ho. gnAn, darshan Adi sab antaramense hI AtA hai. antaramen yathArtha dRuShTi karaneke liye, shAshvat chaitanya par dRuShTi karane hetu, antarake bhed parase bhI dRuShTi uThA lenI hai. gnAn sab kare, parantu ek chaitanya par dRuShTi karanI. us dRuShTiko usamen sthir karanA. vah karanekA hai. to use gnAyakakA gnAyakarUp pariNaman ho to vikalpa TUTe, to svAnubhUti ho. vah na ho tabatak usakI ruchi, usakA abhyAs bArambAr karate rahanA.

AchAryadev kahate hain na, tIvra abhyAs kare to chha mahinemen prApta hotA hai. parantu usakA vah abhyAs kitanA ugra hotA hai. parantu vah na ho tab tak usakA bArambAr puruShArtha karatA hI rahe. svayam apaneko bhUl gayA hai. apane pAs hI hai. chaitanya anAdiananta shAshvat hai. pAriNAmikabhAvasvarUp anAdiananta hai. use pahichAn lenA.

mumukShu- ... mUl agnAnIko vah prApta nahIn hotA hai.

samAdhAna- bAlagopAlako lakShyamen chetan chetanarUp hI anubhavamen A rahA hai, parantu vah lakShyamen letA nahIn. chetan jaDarUp anubhavamen nahIn AtA, chetanarUp anubhavamen AtA

PDF/HTML Page 1039 of 1906
single page version

hai. usakA mUl jo mUl svabhAv nidhi hai, vah use khyAlamen nahIn hai. parantu gnAn chetanatA chetanatArUp anubhavamen A rahI hai, parantu vah lakShyamen letA nahIn hai. vah lakShyamen le, gurudevane batAyA hai ki terA AtmA jAnanevAlA hai, gnAyak hai, chetanasvarUp hai, jaDarUp nahIn huA hai. yah vibhAv to anAdise svayam usamen juDatA hai, isaliye vibhAv dikhatA hai. parantu antar dRuShTi kare to chetan chetanarUp hI dikhe. use dikhatA nahIn hai.

usakI chetanatA sadA shAshvat rahI hai. anAdi kAl gayA to bhI usakI chetanatA miTakar jaD nahIn ho gayA hai. nigodamen gayA to bhI usakI shakti to jyonkI tyon ananta shakti bharI hai. usakA lakShya kare to vah pragaT ho sake aisA hai. usakI pratIti kare, usakA gnAn kare, usamen lInatA kare. aisA antaramen gaharAImen jAkar puruShArtha kare to pragaT hue binA rahatA hI nahIn.

gurudevane vah ek hI mArga batAyA hai. usakI ruchi, usakA abhyAs, usakI lagan sab karane jaisA hai. jaise pAnI malin ho to usamen auShadhi DAlanese nirmal hotA hai. vaise svayam prayAs kare to usamense malinatA Tal jAya. kyonki nirmalatA andar bharI hI hai. usamense pragaT hotA hai. jo hai vah usamense nikalatA hai. kahIn bAhar lene nahIn jAnA paDatA. antaramen gnAn, Ananda sab andar bharachak bharA hai. usamen vah prayAs kare to pragaT ho sake aisA hai. usakA ghoTan karanese vah jo hai vah pragaT hotA hai. usakI pariNati us or jAtI nahIn, pariNati bAhar jAtI hai. parantu pariNatiko usamen yadi dRuDh kare, us or le jAy to usImense shuddha paryAyen pragaT hotI hain. isaliye vahI karane jaisA hai.

usakI svAnubhUti ek bAr pragaT ho to phir usake bhavakA abhAv hotA hai. phir to bArambAr usImen jAtA hai. jise antaramen lagI use phir bAhar jAnekA, usane chaitanyakA Ashray liyA, bAharakI ruchi chhUT gayI to AchAryadev kahate hain, phir use ramanekA sthAn apanA kriDAvan-bAg apanA hI hai, usImen jAtA hai, bAhar jAtA nahIn. har jagahase chhUTakar nirAlA ho gayA, nirAlambI. chaitanyake Alambanase, svAvalambanase svayam apanemen jAtA hai. parantu svayam apanA Alamban letA nahIn hai aur bAharake Alambanamen ruk jAtA hai. svayamkA svAlamban le to usImense sab svAlambI paryAyen, svalambanase pragaT hotI hai. gnAnakI, darshanakI, chAritrakI, AnandakI sabhI paryAyen apanA Alamban lenese usamense pragaT hotI hain. isaliye usImen vishrAv kar, usImen santuShTa ho, AchAryadev kahate hain, usImense tujhe anupam sukh utpanna hogA. bAharase kuchh hotA nahIn. usake liye usIkA vichAr, usakA chintavan, usakA manan sab karane jaisA hai. dev-guru-shAstrakI mahimA, sab ek chaitanyakI gaharI ruchi karake gnAyak AtmAko pragaT karanA. gnAyak gnAyakatArUp pariNamit

PDF/HTML Page 1040 of 1906
single page version

ho jAy, vah vAstavamen karane jaisA hai.

vah kaise pragaT ho? usIkA abhyAs karane jaisA hai. svayammen ekatvabuddhi, parase vibhakta hokar svayam svayammense pragaT hotA hai. usamen hI use vishrAm mile, usImen use shAnti mile aisA hai. yadi anAdikI use thakAn lage to antaramen hI vishrAm (hai). Ananda, gnAn sab antaramen bharA hai. bAhar kahIn lene jAnA nahIn paDegA.

mumukShu- mAtAjI! anubhUtisvarUp bhagavAn AtmA kahakar kyA kahanA chAhate hain?

samAdhAna- anubhUti arthAt svayam chaitanya chaitanyarUp anubhavamen A rahA hai. arthAt usakA mUl svabhAv, jo usakI nidhi-use mUl svabhAvarUpakA khyAl nahIn hai. parantu chetanatA chetanatArUp anubhavamen AtI hai. anAdi kAl huA to vah jaD nahIn ho gayA hai. gnAn gnAnarUp anubhavamen A rahA hai. vah svayam lakShya kare to gnAn gnAn hI hai. gnAn miT nahIn giyA hai. gnAn gnAnarUp anubhavamen A rahA hai. usakA mUl svAnubhav jo usakA shuddha svabhAv hai, vah use khyAlamen nahIn hai. parantu usakI chetanatA to chetanArUp anubhavamen A rahI hai.

mumukShu- anubhUtisvarUp bhagavAn AtmA yAnI gnAyak lenA hai?

samAdhAna- gnAyaka. pUrA gnAyak anubhUtirUp hI hai. anubhUti yAnI usake svabhAvakA mUl Ananda hai, aisA nahIn hai. parantu vah gnAyak gnAyakarUp hI rahA hai. pararUp nahIn huA hai. usakA asAdhAraN svabhAv jo gnAyakatA hai, vah gnAyakatA gnAyakatArUp rahA hai, pararUp nahIn huA hai. apanerUp anubhavamen A rahA hai. svayam apanemen hI rahA hai. bAhar vAstavik rUpase nahIn gayA hai.

mumukShu- agnAnI jIvonko bhI sadA gnAyak hI anubhavamen AtA hai?

samAdhAna- sadA gnAyak arthAt gnAyakatA, gnAyakarUp pariNaman nahIn hai. parantu usakA astitva gnAyak, gnAyakarUpakA astitva hai. usakA lakShya nahIn hai. lakShya bAhar jAtA hai. parantu chetanatA chetanatArUp hI sphurAyamAn hai. ye jaD to kuchh jAnatA nahIn. ye chetan chetanatArUp sphurAyamAn anubhavarUp hai.

mumukShu- sadA kAl?

samAdhAna- sadAke liye chaitanya chaitanyarUp hI hai. samatA, ramatA, UrdhvatA. usakA ramya svabhAv hai, gnAyak svabhAv hai, usakA vah sab svabhAv sphurAyamAn hai. lekin use pragaT anubhav-anubhUti nahIn hai. svabhAvarUp anubhavamen A rahA hai. use khyAl nahIn AtA hai. ... chetanatA chetanatArUp anubhUtirUp hai. mUl use apane svabhAvakI anubhUti nahIn hai. lakShyamen le to pragaT ho aisA hai.

mumukShu- agnAnIko bhI sadAkAl bhagavAn AtmA hI anubhavamen AtA hai?

PDF/HTML Page 1041 of 1906
single page version

samAdhAna- hAn, hAn. agnAnIko bhI sadAkAl bhagavAn AtmA hI anubhUtisvarUp hai. svayam hI hai. lekin use lakShyamen nahIn letA hai.

mumukShu- lakShyamen nahIn AnekA koI kAraN?

samAdhAna- lakShyamen nahIn lenekA kAraN anAdike abhyAsake kAraN par-or dRuShTi hai. parako apanA mAnatA hai. mAnon main parako jAnatA hUn, svayam apanI or jAnanekA prayatna nahIn karatA hai, apanI pratIti nahIn karatA hai. gnAnakI dishA apanI or nahIn moDatA hai. svayamkI pratIti nahIn karatA hai. lInatA apanI or nahIn karatA hai. par- or gnAn, pratIt, AcharaN sab par or jAtA hai.

samAdhAna- .. gurudevane bahut samajhAyA hai.

mumukShu- vah to Ap kahate ho, gurudevako hamane sunA thA. lekin ab jyAdA samay ho gayA isaliye bhUlanekI prakRiti ho gayI hai, isaliye bhUl jAte hain.

samAdhAna- Apane to bahut sunA aur bahut grahaN kiyA hai.

mumukShu- main to kahatA hUn, bahut nahIn, sab sunA hai. usamen merI svIkRuti hai.

samAdhAna- ... pahachAnanekA kahA hai. gnAyak AtmAkA pariNaman karaneko kahA hai.

mumukShu- barAbar hai. use kaise pahachAnanA, yah bAt hai.

samAdhAna- svAnubhUti karaneko gurudevane kahA hai.

mumukShu- gnAyakako mukh to hai nahIn.

samAdhAna- mukh nahIn hai, parantu lakShaNase pahichAnanA. lakShaNase pahachAnanekA gurudevane kahA hai. usakA lakShaN pahichAnanA. gnAyak lakShaN pahachAnamen AtA hai. usakI pariNati karaneko kahA hai.

mumukShu- lekin jaise .. indriyonse dikhe nahIn, manase usakA kuchh nakkI hotA nahIn, ab karanA kaise?

samAdhAna- svayam hai na, anya nahIn hai. isaliye svayam apanese pahachAnamen AtA hai. svayam apane lakShaNase..

mumukShu- svayam apanese pahachAnamen AtA hai. usakA sAdhan indriy to nahIn hai. usakA sAdhan man nahIn hai. apanI paryAy apane sanmukh ho tab AtmAko pahichAnA kahA jAya. lekin paryAyako apanI or moDanI kaise?

samAdhAna- svayam hI moD sakatA hai.

mumukShu- moD to svayam hI sakatA hai. dUsarA koI vajubhAI moD de?

samAdhAna- .. batAyA hai aur moDaneko kahA hai. vah karanekA hai.

mumukShu- gurudevakA mahA upakAr hai.

PDF/HTML Page 1042 of 1906
single page version

samAdhAna- mahA upakAr kiyA hai.

mumukShu- sabako rahanevAlA hai. kyonki samavasaraNamen bhI sunanevAle jAyenge na?

samAdhAna- yahAn sabako taiyAr kar diyA. gurudevane sabako...

mumukShu- jahAnse mokSha jaldI ho vahAnse. Apako kRupAkA jyAdA lAbh milA hai, vah bAt satya hai.

samAdhAna- bahut kRupA thI. gurudevakA sAnnidhya yahAn sabako milA. sabako prApta ho, usamen...

mumukShu- mainne to sunA hai, parantu ... ne sunA nahIn hai, usakA kyA karanA?

samAdhAna- ... bachapanase sanskAr hai isaliye main to yahIn AtA hUn. vAnchanamen aur har jagah pahunch jAte hain.

mumukShu- .. vahAnse haTatI nahIn aur yahAn AtI nahIn. to aisA mAhAtmya, padArthakA aisA svarUp kaise gnAnamen lenA ki jisase ruchikA palaTA sahaj ho jAy? kyonki haThapUrvak to ruchi (badalatI nahIn).

mumukShu- gurudev kahate hain ki samajhanamen sab garbhitarUpase rahA hai. kis prakArakI aisI samajh Aye? gnAnakA vichAr karen to gnAnakI asAdhAraNatA yA ek visheSh prakAr thoDA khyAlamen AtA hai. parantu vah Upar-Uparase thoDA vichAr kare to rahe, phir dUsarI vastumen ... utanA hotA hai ki vahAn ruchi chipakI hai. .. jaD padArtha hai, usamen sukh nahIn hai, usase kuchh hotA nahIn. aisA dhAraNAgnAnamen to sab AyA hai. isamen bahut ulajhan (ho jAtI hai ki) aisA kab tak?

samAdhAna- aisA hai ki vah gnAnamen liyA, lekin vah gnAn.. jo usakI yathArtha mahimA AnI chAhiye antaramense mahimA utanI (nahIn AtI hai). mahimA bAhar nahIn hai, antaramen hI hai. us parase utanI samajhanamen Aye to usake sAth usakI virakti chAhiye, usakI mahimA chAhiye. gnAnake sAth sab ho to vah ruchi palaTatI hai. us orase virakti AnI chAhiye ki isamen kuchh nahIn hai. AtmAmen hI hai. usase nirAlApan AnA chAhiye ki isamen aTakane jaisA nahIn hai. isamen kuchh ras nahIn hai. usakA nirNay aisA dRuDh honA chAhiye ki ruchi palaT jAya. utanA gnAn samajhamen AnA chAhiye. mAtra samajhanakA doSh hai aisA nahIn. samajh, virakti, mahimA sab andar sAthamen ho to palaTatA hai.

mumukShu- vah sab kaise kab Aye?

samAdhAna- svayam kare to ho. kare binA kahAnse (ho)?

mumukShu- karanemen kyA bAkI rah jAtA hai?

samAdhAna- karanemen bAkI...

PDF/HTML Page 1043 of 1906
single page version

mumukShu- buddhipUrvak to mAno sanyog chhoDakar mumbaI chhoDakar sonagaDh chalate hain. to apanA us prakArakA lakShya chhUT jAy, amuk ho jAya. vah prayatna bhI hotA hai. yahAn bhI buddhipUrvakakA prayatna shAstramense paDhakar vichAr karanekA man hotA hai.

samAdhAna- phir bhI aTakatA hai. ruchi vahIn hai. jitanI chAhiye utanI andar tIvratA nahIn hai. jitanA chAhiye utanA antaramense vApas nahIn muDatA hai. jitanA chAhiye utanA svayamko grahaN nahIn karatA hai. to utanI virakti AtI nahIn, utanI mahimA AtI nahIn. isaliye usamen kShati rahatI hai. mandatA rahatI hai.

so rahA ho aur jAgRut honekA nirNay kiyA ho, parantu jAgatA hUn, jAgatA hUn kare, parantu pramAdake kAraN jAgRut nahIn hotA. jAganA hai, jAganA hai, uThanA hai, lekin svayam pramAdake kAraN jitanI chAhiye utanI apanI or gnAn, virakti, mahimA jitanI chAhiye utanI, jitanA kAraN denA chAhiye utanA karatA nahIn. isaliye hotA nahIn. apanI Alasake kAraN nahIn ho rahA hai.

jitanI tIvratA chAhiye utanI (nahIn hai). vahAn aTakatA hai. aTakatA hai to utanI antaramense chaTapaTI laganI chAhiye ki vahAn aTak hI na sake aur apanemeen chalA jAy, utanI andarase lagan laganI chAhiye. to vahAnse bhinna paDe. bAdamen alpa asthiratA rahatI hai, parantu usakI dRuShTi vahAn thambhatI nahIn aur vahAnse chhUTatA nahIn hai usakA kAraN svayamkA hI hai. usakA Ashray prabalapane le aur isakA Ashray chhoD de to nirAlamban ho jAya. apanA Ashray sahaj... AshrayakA jor ho to vah chhUT jAtA hai. svayam chhoDe to chhUTe. svayam hI nahIn chhoDatA hai, apanA kAraN hai. dravyadRuShTi vah to usamen gayA nahIn hai, use grahaN nahIn kiyA hai, parantu paryAyamen har jagah aTakA hai.

mumukShu- usake liye kuchh...?

samAdhAna- visheSh mahimA Aye usake liye, gnAyakamen hI sarvasva hai, usakI dRuDhatA kare. isamen sarvasva nahIn hai, chaitanyamen sab hai. bhale buddhipUrvak svayam vichAr karake kare, parantu andarase palaTaneke liye to usakI visheSh taiyArI honI chAhiye. pariNati palaTe. buddhimen Aye lekin jab tak pariNati nahIn palaTatI, tab tak kachAs hai. pariNati ekatvakI or Dhal rahI hai to apanemen kachAs hai. buddhimen nirNay kare ki mahimA isamen hai, sukh isamen hai, isamen sukh nahIn hai, vahAn tak svayam AtA hai, parantu pariNati palaTatI nahIn, vah apanI kachAs hai.

.. bArambAr usakI pariNati rahA kare. bArambAr aisA karate-karate palaTe. parantu gnAyakakI or Tike kab? utanI apanI or rahanekI jarUrat lage, yahI jarUratavAlA hai, dUsarI orase vApas haTe to ho. pariNatikA palaTanA apane puruShArthase hotA hai. gurudevane sabako

PDF/HTML Page 1044 of 1906
single page version

grahaN ho us prakArase spaShTa kahA hai. terA svarUp teremen hai, par tujhamen nahIn hai. pUrA mArga spaShTa karake dikhA diyA hai.

mumukShu- Ap kahate ho us anusAr pariNati hI is or muDatI nahIn.

samAdhAna- pariNati palaTanI chAhiye. usamen puruShArthakI taiyArI karanI paDatI hai.

mumukShu- "tatprati prItichitten yen vArtApi hi shrutA'. usakA artha kyA samajhanA?

samAdhAna- ruchipUrvak vArtA sunI hai, bhAvi nirvAN bhAjanan. antarakI ruchipUrvak sunA hai to usakI pariNati palaTe rahegI hI nahIn. lekin vah palaTe kab? svayam kare to ho. bhAvi, bhAvi hai. kabhI bhI palaTe aisA usakA artha hai. bhaviShyamen nirvANakA bhAjan hai. antarakI ruchipUrvak jisane bAt bhI sunI hai, usakI pariNati palaTe binA rahegI nahIn. bhaviShya nirvAN bhAjanan. usakA artha svayam puruShArtha karake usakA palaTanA hogA. lekin jo jignAsu ho use aisA hotA hai ki merI pariNati kaise palaTe? use puruShArtha karanekI svayamko bhAvanA rahatI hai.

mumukShu- vah aise kathanonkA AdhAr nahIn letA. samAdhAna- hAn, AdhAr nahIn letA. usakI bhAvanA aisI hotI hai ki kaise palaTe? kaise puruShArtha karun? kaise karun? aisI bhAvanA aur vaisI lagan lagAnevAleko palaTatI hai. phir kab palaTe vah usakI yogyatA anusAr (hotA hai), parantu usakI bhAvanA aisI hotI hai ki kaise puruShArtha karun? kaise ho? kaise puruShArtha karu to palaTe? aisI usakI bhAvanA hotI hai. puruShArtha karanekI hI bhAvanA hotI hai.