PDF/HTML Page 1118 of 1906
single page version

samAdhAna- ... use khaTak rahA kare ki ye sab bAharakA to jUThA hI hai. bhale anukUl sanyog ho aur koI pratikUl, koI vairAgyakA prasang bane yA koI achchhe prasang bane to bhI ye koI AtmAko sukharUp nahIn hai. ye to kuchh alag hI hai. andar chaitanya AtmAkI vastu, AtmA koI alag hI hai. andar khaTak laganI chAhiye. to antaramense use din aur rAt usIke vichAr Ate rahe, usIkI lagan lage ki isamen sukh nahIn hai, ye sukh nahIn hai. sukh AtmAmen hI rahA hai. AtmA koI anupam hai, jagatase bhinna hai, vah AtmA kaise pragaT ho?

mumukShu- mujhe kyA lagatA hai ki Atma sAkShAtkAr yA Ap jo bhI kaho, usamen aisI kyA vastu hai ki jisake liye sab pravRutta ho? usakI koI jhalak na ho aur apane yah kahe ki ye sab asAr hai, asAr hai. shAstrommen yA sabane kahA hai, usakA mAnakara. isaliye kisI bhI prakArakI, jo Ap kahate ho ki lagan hai yA yah-vah, ek bAr hamen mAlUm paDA ki yah hIrA hai. to hamAre hAthamen rahe patthar apaneAp chhUT jAya. koI chhoDanA nahIn paDe. usI prakAr Atma sAkShAtkAr kyA hai? usase kyA milatA hai? vah kaise? bAten sunI hain, kuchh bhI anubhUti na ho to kaise mane usamen pravRutta ho? ek bAr yadi usakI jhalak ho jAy to apaneAp... usamen kisIko

PDF/HTML Page 1119 of 1906
single page version

kahanA bhI nahIn paDe ki Ap isake liye pravRutta hon. ye bAt lambAtI rahatI hai, barason, bhav, aisA mujhe lagatA hai.

samAdhAna- parantu itanA to svayamko lage na ki ye kuchh sArabhUt nahIn lagatA. AstikyatAmen svayamko utanA lage ki ye kuchh sAr(bhUt nahIn hai), isamen kahIn sukh nahIn dikhatA hai. ye bAharakA chAhe jitanA karate hain santoSh nahIn hotA. tRupti nahIn hotI hai. jIv vyartha prayatna karatA rahatA hai ki yahAnse sukh milegA, yahAnse sukh milegA, yahAnse sukh milegA. aise vyartha prayatna karatA hai. santoSh nahIn hotA. santoSh nahIn ho rahA hai ye yah batAtA hai ki sukhasvarUp vastu koI antaramen alag hai. isaliye santoSh nahIn ho rahA hai.

jo santoShakA dhAm hai, jisamen tRupti hotI hai aur jo sukhakA dhAm pragaT honeke bAd dUsarI koI ichchhA hI nahIn hotI, aisI koI vastu antaramen rahI hai. isaliye bAharamen kahIn bhI santoSh nahIn hotA. isaliye jIv ichchhA karatA hai ki kuchh dUsarA hai. aisI ichchhA karatA hai. lekin vah pragaT kab ho? ki svayam puruShArtha kare taba. pahalese kisIko jhalak nahIn dikhatI.

lekin jin mahApuruShonne pragaT kiyA hai, ve use batAte hain ki tU ye kar aur ham usakA anubhav karake tujhe kahate hain ki usakI svAnubhUti hotI hai, sAkShAtkAr hotA hai, AtmA sukhakA dhAm hai. usakA vishvAs karatA hai. usakA vishvAs to karanA chAhiye. mAn-bAp use batAye to usakA putra jaise vishvAs karatA hai ki is rAste par chala. vaise ve batAte hain to apanI buddhise thoDA to vichAr kare. dukAn par koI mAl lenA ho to vah AdamI pUrI dukAn nahIn dikhAtA. lekin usake amuk lakShaN parase pahichAne ki isakI dukAn achchhI lagatI hai. aise lakShaNase pahichAne.

aise lakShaNase pahichAn lenA chAhiye. pahalese sab (dikhAI nahIn detA). jo mahApuruSh hon ve unakI svAnubhUti bAhar nahIn dikhAte. parantu usake lakShaN batAte hain. us lakShaNase vichAr karanA. kyonki svayamko sukh chAhiye, utanI taiyArI to chAhiye ki bAhar kahIn sukh nahIn hai, santoSh nahIn hai. mujhe kuchh dUsarA chAhiye. utanI jignAsA to honI chAhiye. phir batAye usakA vishvAs karake, svayam us mArga par puruShArtha karanA chAhiye, to pragaT ho. is tarah jhalak nahIn hai to vishvAsase (Age baDhe). sab vishvAs nahIn, lekin buddhise vichAr kare, parIkShA kare ki, nahIn, yah vastu sachchI hai.

mumukShu- lekin us vishvAsamen to kitanI bAr bhaTak jAte hain. kisI bhI guruke pIchhe barason nikal jAy, phir lage ki ye barAbar nahIn hai, ye barAbar nahIn. aise to ek prakArakA bhaTakanA hI ho jAtA hai. aur hAlat aisI trishanku jaisI ho jAtI hai.

PDF/HTML Page 1120 of 1906
single page version

kyonki jo sAmane hai usakI majA nahIn le sakate, usakI majA nahIn le sakate. AtmAkI to koI jhalak nahIn hai. isaliye hAlat dUsare sansArI manuShya hai, usase bhI badatar hai. aur kuchh jyAdA hI akUlAhaT hone lagatI hai.

samAdhAna- sachche guru mile ho aur sachchI pratIti huyI ho to usakI pratIti dRuDh hI rahatI hai. sachche dev-guru-shAstra jise mile, antarase satya grahaN ho to use vishvAs hI rahatA hai ki isI rAstese sAkShAtkAr hogA, dUsarA koI rAstA nahIn hai. mere puruShArthakI mandatA hai, main nahIn kar sakatA hUn. lekin usakI ruchi usImen rahatI hai. isI mArga par jAnekA hai, dUsarA koI mArga nahIn hai. ruchi bAharase manda paDakar use hUmph A jAtI hai ki yahI mArga hai.

sachche guru mile aur antarase vishvAs na Aye, aisA to ban hI nahIn sakatA. isaliye abhI bhI vishvAs nahIn AtA hai to svayamne pahichAnA nahIn hai aur sachche guru bhI svayamko nahIn mile hain yA svayamne andarase vishvAs nahIn kiyA hai. svayamko vishvAs AnA chAhiye. sachche guru mile aur vishvAs na Aye aisA bane nahIn. svayam parIkShA karake svIkAr kare to use bhaTakanA na paDe. nishchit ho jAya. kyonki AtmAmen utanI shakti hai nirNay karanekI ki, bas, yahI mArga satya hai. buddhise nakkI kar sakatA hai. guru kahe use barAbar nakkI kar sakatA hai.

yahAn gurudev virAjate the. unakI vANImen aisA dhodh barasatA thA, aisI apUrvatA thA ki sAmanevAleko nakkI ho jAy ki yahI mArga hai. buddhise vichAr kare to andar nirNay ho hI jAya. sachchA mArga mile aur nakkI na ho, aisA banatA hI nahIn. sachche guru mile to andarase svayamko vishvAs A jAtA hai, hUmph A jAtI hai. phir bhaTakane jaisA lage hI nahIn. use hUmph A jAya. phir bhale puruShArtha manda ho, puruShArtha na kar sake, lekin usakI ruchi pUrI palaT jAtI hai. AtmA bhinna hai, bhale hI mujhe pakaDamen nahIn AtA, lekin mArga to yahI satya hai. bhedagnAnake mArga par hI jAnA hai. antaramen hI mArga hai. aisA antaramense use vishvAs A jAya. sachche guru mile aur svayam nakkI kare to kahIn bhaTakanA rahatA hI nahIn.

mumukShu- mahAvideh kShetra jahAn kundakundasvAmI gaye the, use brahmANDamen kahAn rakhanA? vaignAnik dRuShTikoNase dekhen to usakI kahIn to asar dikhAI de. mahAvideh kShetra kahAn hai? barAbar na? jise avakAshamen ham jAte hain to... jaise amerikA jAte hain, ossTreliyA jAte hain, avakAshamen ham log chandra tak gaye hain.

samAdhAna- kis jagah hai, aisA na? dUr hai. yahAnse jA sake aisA nahIn hai.

mumukShu- brahmANDamen kahAn?

PDF/HTML Page 1121 of 1906
single page version

samAdhAna- brahmANDamen is pRithvI par hai. abhI jo pRithvIkA golA kahate hain, aisA nahIn hai. shAstramen vah pRithvI (aise nahIn hai). yah jambU dvIp hai. us dvIpamen ek mahAvideh kShetra hai, ek bharat kShetra hai, ek airAvat kShetra hai. usamen mahAvideh kShetra aur bharat kShetrake bIch thoDe dUsare kShetra-jugaliyAkA kShetra hai. aise kShetra hain. bIchamen baDe-baDe parvat hain. himavanta, harivat, ramakavat aise baDe-baDe parvat hain. usake bAd mahAvideh kShetra hai. bIchamen meru parvat hai. usake bAd mahAvideh kShetra AtA hai.

mumukShu- jaise ye rokeT avakAshamen jAtA hai, to vah kShetra to hame dikhatA hai na?

samAdhAna- .. dRuShTise dekh sakate hain. ye kShetra sthUl hai. jisake hRudayamen AryatA nahIn hai, jo anAryavRutti hai, vah aise mahAn kShetronko dekh nahIn sakate. jahAn bhagavAn virAjate hain... jo anAryavRutti hai, jo hinsAmen paDe hain, AryavRutti nahIn hai. use yah charmachakShuse dikhAI nahIn detA. jisakI antaradRuShTi nirmal hotI hai, vahI dekh sakatA hai.

mumukShu- bahin sab hotA hai, lekin yah vRutti hai na vah bandar jaisI hai. baiThatI hI nahIn. pAnch miniT baiThe aur nIche Teliphon A gayA, bhAge. Ap jaisA kahate ho na ki puruShArtha (karanA). puruShArtha karane bhI baiThate hain. lekin bIchamen aisA kuchh A jAtA hai ki vRutti nahIn TikatI, sthiratA nahIn rahatI, dRuShTi nahIn TikatI. aise sthalamen Aye to aisA lage ki gharamen bachche kyA karate honge? vichAr karanekA prashna hI nahIn hai, phir bhI aisA vichAr A jAtA hai. puruShArtha karane par bhI yah vRutti hai vah bahut pareshAn karatI hai. usakA koI rAstA?

samAdhAna- anAdikA rAg paDA hai. svayamko rAgakA abhyAs ho gayA hai. andar sab rAg, dveShake sanskAr paDe hain. gADh ho gaye hain. usamen mumbaIkA jIvan aur usamen utanI pravRutti, dhamAl, usamen kahIn shAnti nahIn. aur utanA rAg aur andar sab ekatvabuddhi, rAgake sanskAr itane dRuDh ho gaye hain. usamen yah sanskAr itane dRuDh ho to vah kam ho. yah sanskAra.

vichAr karanA, devakA, gurukA aise sab sanskAr jIvanamen ho to vah dUsare sanskAr kam ho jAya. bAr-bAr bhagavAnakA smaraN ho, mandirakA smaraN ho, shAstra yAd Aye, guru yAs Aye, aise sanskAr ho. AtmA yAd Aye aise sanskAr ho use vah dUsare sanskAr kam ho jAte hain. isI sanskAramen rachApachA hai isaliye vahI sanskAr Ate rahate hain.

yahAn dekho to yahAn sabake jIvanamen Tep, guru, mandir aur AtmAke vikalpa. yah sanskAr ekadam bhinna aur vah sanskAr ekadam bhinna. isaliye vah sanskAr dRuDh ho gaye hain aur usamen svayamko balapUrvak puruShArtha karanA, un sabake bIch rahakar puruShArtha karanA,

PDF/HTML Page 1122 of 1906
single page version

jIvakI utanI shakti-upAdAn nahIn hai. koI kare to puruShArthase kar sake. bAkI sAdhAraN jIv to satsangamen rahe, sachche achchhe mAholamen rahe to use puruShArtha karanA sahaj-sahaj hotA hai. manda puruShArthI ho to use ugratA karanI paDatI hai. aise sanyongonke bIch atyant ugratA kare to svayam dRuDh rah sakatA hai. apane puruShArthakI kShati hai. jahAn hotA hai vahAn puruShArthase hotA hai. lekin satsang ho usamen pharka paDatA hai. puruShArthakA bal honA chAhiye na. puruShArthakA bal ho to ho sakatA hai.

jo sachchA muktikA mArga darshAte ho, sachche dev-guru.. jo dev antaramen kevalagnAn prApta karake kuchh vikalpa nahIn hai aur pUrNa nirmalatA pragaT kI vah dev hai. jise kisI jAtakA rAg yA koI vikalpa nahIn hai. AtmAmen samA gaye, basa. samA gaye aur apane ananta guNonko pragaT kiye, ve dev hain. aur aise AtmAkI jo bArambAr svAnubhUti kar rahe hain, ve guru hain aur aisA mArga batAye vah guru hai.

mumukShu- Aj ham RuShabhadAdAko milakar Aye, to unako milanese hamArA mokSha ho sakatA hai?

samAdhAna- milakar Aye aisA nahIn..

mumukShu- unake darshan kar Aye, to unako mAnanese mokSha ho sakatA hai?

samAdhAna- unake AtmAko pahichAnanese mokSha hotA hai. mAtra bAhya darshanase shubhabhAv huA yA puNya bandhe, puNya bandhe, lekin usase AtmAkI pahichAn nahIn hotI. lekin unakA AtmA kyA karatA thA? unhonne kyA pragaT kiyA? vah Ap samajho to mokSha ho. unakA dravya kyA? unake guN kyA? unhonne kyA pragaT kiyA? unhonne kaisA puruShArtha kiyA? ve kis mArga par chale? vah Ap samajho to ho sakatA hai. mAtra bAharase darshan kare to shubhabhAv ho.

mumukShu- isamen to milAn karaneko kahate hain. apane AtmAke sAth bhagavAnake AtmAkA milAn karanA hai.

samAdhAna- milAn karaneko kahate hain. jaisA bhagavAnakA AtmA hai, vaisA merA AtmA hai. aise pahichAne to mokSha ho. bhagavAnane kyA kiyA? merA vaisA hI svabhAv hai. jaisA bhagavAnakA svabhAv hai, vaisA hI merA svabhAv hai. jo bhagavAnako pahichAne vah apane AtmAko avashya pahichAnatA hai. lekin bhagavAnako yathArtha pahichAne to. jo svayamko pahichAne vah bhagavAnako avashya pahichAnatA hai.

panchamakAlake andar yahAn gurudev virAjate the. unhonne itanA mArga spaShTa kar diyA hai, sabako antaradRuShTi de dI hai ki antaramen hI muktikA mArga hai. chAron orase mokSha itanA khullA-spaShTa kar diyA hai. kitane hI log kriyAmen paDe the ki kriyAse dharma hotA

PDF/HTML Page 1123 of 1906
single page version

hai. antaramense mokSha hotA hai. gurudevane yahAn virAjakar itanA spaShTa kar diyA hai. kisIko koI shankA na rahe. sab sunanevAleko itanA santoSh hai ki isI mArgase mokSha hogA. sab log usIkI ruchi aur abhyAs (karate hain). phir puruShArtha manda ho vah ek alag bAt hai. bAkI utanA vishvAs aur utanA santoSh hai ki isI mArgase mokSha hogA. saralAbahin pIchhese AyI hai to bhI unako itanA vishvAs baiThatA hai.

mumukShu- mainne sabako vahI kahA. gurudevake sivA ab kisIko sunanekI merI taiyArI nahIn hai.

mumukShu- shaharI jIvanamen ... vah mArga dainik jIvanamen ekadam vyasta rahakar bhI kaise usake samIp rahanA, usake liye itanA dharmalAbh diyA. to kuchh niyamake taur par Ap kuchh kah sakate ho ki itane niyam pAlan karanA, jisase nirantar sAnnidhyamen rah sake. Atma nirIkShaNakI jo hamArI jhankhanA hai, usake samIp A sake.

samAdhAna- usakA niyam, svayam antaramen ruchi baDhAye to ho. vahAn koI satsang ho to satsangamen sunane jAya. sachchI vANI milatI ho vah sune. sAdharmIkA sang kare. shAstra abhyAs kare to svayam apaneAp to samajhatA nahIn hai. vahAn kuchh sunaneko mile vahAn sune, vichAr kare, ruchi kare, bahArakA ras kam kare, aisA sab kare. aise sanyog ho usamen, karanA kuchh alag hai, aisI khaTak rakhe, aisA sab kare to ho. svayamko utanI lagan laganI chAhiye to ho.

mumukShu- Ap tIn-chAr bAr "khaTak' shabda bole, vah khaTak kyA hai? khaTak laganI chAhiye, khaTak kyA hai?

samAdhAna- use andarase khaTakanA chAhiye ki main yah jo karatA hUn vah barAbar nahIn hai. andar khaTakatA hai. andar lIn nahIn ho jAtA. andar khaTak laganI chAhiye ki are..! ye sab alag hai aur mujhe karanekA kuchh alag hai. main isamen phans na jAUn. mujhe karanekA kuchh alag hai, aisI khaTak antarase laganI chAhiye.

mumukShu- .. bAdamen manamen jyAdA vikalpa Ate hain. Ap jis satsangamen rahate ho, hamen usake liye bhI prayAs karanA paDatA hai. yahAn ham satsangake liye ham sab terah jan yahAn Aye hain, to kyA hai ki, utanA karanemen bhI hamen bahut parishram paDatA hai. lekin hamen mAlUm hai ki ham kuchh khoj rahe hain. sabake manamen ek hI bhAvanA hai. isaliye aisA hotA hai ki Ap jaise kisIko milate hain to aisA lagatA hai ki aise koI niyam mile ki jisase ham dainik jIvanamen, rojake ruTinamen rahakar kahInse roj, Ap jo kahate ho ki bAharase alipta rahakar ham hamAre andar samIp A sake.

samAdhAna- sab ikaTThA hote ho vah ThIk hai, bAkI roj uThakar kuchh vichAr

PDF/HTML Page 1124 of 1906
single page version

karanA, kuchh vAnchan karanA, kuchh samajhamen Aye aisA, kuchh chintavan karanA. AtmA bhinna hai, yah sharIr main nahIn hUn, ye vikalpa AkulatArUp hai. kuchh chintavan karanA, roj kuchh vAnchan karanA. vah sab rojakA niyam kar lenA. vahAn roj bAhar jAnA bahut mushkil paDe, lekin svayamko apane liye kuchh niyam rakhanA. paDhanekA, vichAr karanekA, chintavan karanekA aise sab niyam rakhanA chAhiye. yahAn to barasonse gurudevake sAnnidhyamen rahakar antaramen....

samAdhAna- .. vyaktigat kyA kahanA? vah to sahaj dashA.. (svAnubhav honese pahalekI) dashA vikaT hotI hai. AtmAko jAnaneke bAdavAlI dashA to sahaj hotI hai. shrImadamen AtA hai, "samajh pIchhe sab saral hai, bin samajhe mushkil'.

mumukShu- Apake pUrvajanmakA hamen kuchh (batAIye), jisase hamen kharI tamannA lage.

samAdhAna- pUrvajanmakA vyaktigat kyA kahanA?

mumukShu- mahAvideh kShetrakI thoDI bAt karIye. jisamen unako ras Aye. koI jAkar AyA hai, unake darshan hamen hue.

samAdhAna- mahAvideh kShetra jagat par hai. vahAn bhagavAn sAkShAt virAjate hain. vahAn munionkA samUh virAjatA hai. vahAn sab bhagavAnakI vANI chhUTatI hai. bhagavAnakA samavasaraN hai, ratnakA samavasaraN hai. bhagavAn vItarAg hai. unakI dhvani chhUTatI rahatI hai. sab munionkA samUh, sab dev, sab hajAron shrAvak lAbh lete hain. yahAn manuShyase vah kShetra alag hai. ekadam kShaNamAtramen sab palaT jAte hain, Atma svarUpako prApta karate hain, bhagavAnakI vANI sunakara. yahAnkA deh,.. vah kShetra kuchh alag hI hai. ek kShaNamen sab AtmAkA svarUp prApta kar lete hain. bhagavAnakI vANI mUsalAdhAr barasatI hai.

mumukShu- Apako abhI dikhAI detA hai?

samAdhAna- jo antaramen hotA hai vahI kahanemen AtA hai.

mumukShu- bahinashrI to sAkShAt darshan karate honge, pratikShaNa.

samAdhAna- jo bAt spaShTa ho vahI kahanemen AtI hai. vah spaShTa hI hai.

mumukShu- ApakI jagah vahAn... pUrva bhavakI bAta. devakumAr Adi sab sunA... hamen kahate hain, isaliye hamako ras AtA hai. phir pUrI bAt pUchhanA chAhatI hai.

samAdhAna- vah sab.. vishvAs karanA, bAkI jaisA hai vaisA hI hai, yathArtha hai. gurudev pUrva bhavamen rAjakumAr the, tIrthankar honevAle hain, vah sab bAt yathArtha hai.

mumukShu- pUrA samavasaraNakA jo svarUp hai, usamen kamalake Upar hI sImandhar bhagavAn virAjate hain?

samAdhAna- hAn, bhagavAn kamalake Upar virAjate hain. antarIkSha virAjate hain.

mumukShu- to phir jo kamal hotA hai, vah kamal kaisA hotA hai? yahAn jaisA

PDF/HTML Page 1125 of 1906
single page version

sAdA kamal hotA hai vaisA hotA hai?

samAdhAna- bhagavAn virAje aisA baDA kamal hotA hai. sahastradal kamala. bhagavAnake pAs sab ratnakA hI hotA hai. dikhe sachchA, lekin hotA hai sab ratnakA bhagavAnake pAsa. sinhAsan, kamal Adi sab atanrIkSha, bhagavAn usase Upar (rahakar) use sparsha bhI nahIn karate, us prakAr nirAdhAr rahate hain. parantu kamalAsan ho vaise bhagavAn sinhAsan par virAjate hain.

mumukShu- aur OM dhvani jo chhUTatI hai, vah to mujhe aisA lagatA hai ki ye to banda hotA hai, parantu andarase...

samAdhAna- honTh hilakar jo shabda nikale aise nahIn, OM dhvani nikalatI hai.

mumukShu- honTh nahIn hilate?

samAdhAna- honTh nahIn hilate.

mumukShu- aur netra?

samAdhAna- netra nAsAgra (hote hain), banda nahIn. jaise pratimAjIke netra hain, vaise bhagavAnake netra hote hain.

mumukShu- AsapAs kuchh nahIn, bhagavAn ek hI. aur chAron or, yahAn jo samavasaraNakI rachanA kI hai vaisA?

samAdhAna- chAron or samavasaraNakI rachanA hai. bIchamen bhagavAn virAjate hain, pIThikA para. bhagavAn kamalamen. aise.

mumukShu- aise anek samavasaraN hain yA ek hI hai?

samAdhAna- sImandhar bhagavAn mahAvideh kShetra virAjate hain, aise bIs bhagavAn virAjate hain.

mumukShu- vah sab mahAvideh kShetramen yA..?

samAdhAna- nahIn, aise pAnch mahAvideh kShetra hain. pAnch mahAvideh kShetramen bhinna-bhinna khaNDa hain. usamen puShkalAvatI vijayamen sImandhar bhagavAn virAjate hain. aur dUsare-dUsare kShetramen anya-anya vijay hai, usamen aise bIs vijayamen, yahAn jaise bharatakhaNDa hai, vaise vahAn use vijay kahate hain, aise khaNDa hain, usake andar aise bIs khaNDake andar bIs bhagavAn virAjate hain. aise pAnch mahAvideh kShetra hain. sAkShAt bhagavAn virAjate hain, mahAvideh kShetramen.