PDF/HTML Page 1154 of 1906
single page version

mumukShu- astitvako grahaN karanA vah svarUpakI mahimA hai?

samAdhAna- svabhAvakA astitva grahaN kare usamen mahimA (A jAtI hai). vah astitva grahaN kab kare? apanI mahimA Aye tab hI grahaN karatA hai. usakI mahimA na Aye aur use rUkhA lage to grahaN hI na kare. usakI mahimA Aye to hI grahaN karatA hai. is gnAyakamen hI sab bharA hai. gnAyak svayam bhagavAn hai.

jaise jinendra bhagavAnakI mahimA Aye, gurukI mahimA Aye, vaise gnAyakadevakI mahimA Aye. vah bhI-gnAyakadev bhI ek bhagavAn hai. ananta shaktiyonse bharA huA. jaise jinendra bhagavAn pragaTarUpase bhagavAn hai, vaise yah shaktirUpase bhagavAn hI hai. aise use antaramense mahimA Aye, usakI gambhIratA bhAse to usakA astitva grahaN kare. to mahimApUrvak kiyA huA, grahaN kiyA huA astitva jorapUrvakakA astitva use grahaN hotA hai. nahIn to vah astitva grahaN nahIn kar sakatA hai. rUkhA lage ki gnAyak sirpha bolanemAtra ho to vah vAstavikarUpase grahaN nahIn ho sakatA. shaktirUpase. gurudev kahate the ki tU bhagavAn hai. tU chaitanya bhagavAn hai. shaktirUpa. pragaT bAdamen hotA hai.

mumukShu- vichAr karatA hai phir bhI pariNatimen nahIn AtA hai athavA letA nahIn.

samAdhAna- vichAramen nakkI karatA hai, lekin vah kAryamen nahIn AtA hai. pariNati us rUp apanI or (AtI nahIn). main bhinna hUn, yah hUn, aisA nakkI karatA hai. parantu bhinnatArUp usakA jo kArya AnA chAhiye vah kArya nahIn hotA hai, usakA kArya nahIn karatA hai. isaliye pariNati jyonkI tyon ekatvatArUp pariNamatI rahatI hai.

mumukShu- arthAt gnAyakako grahaN nahIn karatA?

samAdhAna- gnAyakako grahaN nahIn karatA hai isaliye pariNatimen bhedagnAn hotA nahIn. svanyako grahaN kare to vibhAvase bhed paDe ki yah main hUn aur yah nahIn hUn.

mumukShu- isaliye puruShArthakI svayamkI hI kachAs hai.

samAdhAna- svayamkI kShati hai, puruShArthakI kachAs hai. svayamko grahaN kare, gnAyakako grahaN kare balapUrvaka. us dRuShTike avalambanase vah Age baDhatA hai. aur usakI aisI bhedagnAnakI dhArA, gnAtAkI dhArA ugra ho to hI use vikalpa TUTakar svAnubhUti hotI

PDF/HTML Page 1155 of 1906
single page version

hai. pahale to dRuShTikA bal use AtA hai. aur achchhI tarah svayamkA grahaN, avalamban kare gnAyakakA. to usakI gnAtAkI dhArA ugra ho to vikalpa TUTe.

mumukShu- samyagdarshan pragaT hone pUrva upadesh denekA prasang Ave to gnAnIkI bhakti, gnAnIkA us prakArakA upadesh.. dUsarA koI tattvakA upadesh nahIn de sakatA, aisA koI bhAv hai? aisA kahanekA kyA prayojan hai?

samAdhAna- svayamko abhI pragaT nahIn huA hai isaliye gnAnIkI bhakti (prarUpit karanI). gnAnIko hRudayamen (rakhanA). gnAnIne jo mArga batAyA, us mArga par chalanA hai. arthAt tujhe koI svachchhanda honekA avakAsh na rahe. gnAnIkI bhaktikA upadesh denA, aisA kahA hai.

mumukShu- dUsare jIvonko yadi upadesh to is prakArakA denA. tattvakI bAt karaneke bajAy, use gnAnIke prati bhakti, gnAnIke prati Age baDhe, us prakArakA upadesh mukhyapane (karanA).

mumukShu- gnAnIko mukhya rakhakar phir tattvakA..

samAdhAna- tattvakA (upadesh) nahIn denA aisA to nahIn hotA, tattvakA upadesh to denA, parantu usamen gnAnIko mukhya rakhanA, aisA usakA artha hai. tattvakA upadesh.. tattva mukhya grahaN kiye binA Age to baDh nahIn sakatA. dUsaronko kahanemen.. tattva to mukhya hai, parantu tattvako samajhAnevAle kaun hai? ki gnAnI hai. isaliye gnAnIko Age rakhakar tU tattvakI bAt karanA. aisA usakA artha hai. tattva samajhAnevAle kaun hain? unakI mahimA hRudayamen rakhanA. aur vah tattva jo samajhAtA hai use Age rakhakar tattvakI bAt karanA. Age to tattvase baDhA jAtA hai, parantu use mArga darshAnevAle kaun hain? us gnAnIko tU mukhya karake bAt karanA. aise arthamen hai.

muumukShu- (gnAnIpuruShakA) Ashrit hI upadesh denekA adhikArI hai. samAdhAna- kalpanAse nahIn, parantu gnAnI kyA kahate hain? us mArga par upadesh denA, ve kahe us anusAra. tattva to bIchamen AtA hai.

mumukShu- mukhya rakhakar usakA artha aisA hai?

samAdhAna- is prakArakA hai, mukhya rakhakara. (mokShamArga) batAnevAle kaun hai, unhen lakShyamen rakhanA. nimitta-upAdAnako sAthamen rakhanA. anAdi kAlakA anajAnA mArga pahale svayam jAne to gnAnIkA upadesh milatA hai tab use deshanAlabdhi hotI hai. aisA nimitta- upAdAnakA sambandha hai. bhagavAn athavA guru mile tab deshanAlabdhi ho, aisA nimitta- upAdAnakA sambandha hai. gnAnI dvArA mArga samajhamen AtA hai. isaliye samajhanA antaramen upAdAnase hai, parantu gnAnI sAthamen hote hain. isaliye tU gnAnIkI bAt sAthamen rakhakar,

PDF/HTML Page 1156 of 1906
single page version

u mukhya rakhakar samajhAnA, aisA usakA artha hai.usakA matalab usamen nimitta kar detA hai, aisA nahIn. hotA hai upAdAnase. parantu sAthamen gnAnI to hote hain. apanese hotA hai isaliye gnAnIkA kuchh nahIn, merese hI hotA hai, us prakArake svachchhandamen chalA na jAya. parantu gnAnI sAthamen hote hain, gnAnI kyA kahate hain use tU lakShyamen rakhakar bAt karanA. use mukhya rakhakara.

mumukShu- is bArake gujarAtI Atmadharmamen bhI ApakI bAt jo AyI hai, do bAt Apane (kahI). kAm to mujhe hI karanA hai, lekin sAthamen Apake binA to nahIn chalegA.

samAdhAna- us bhAvamen.. main svayam jAtA hUn, parantu dev-guru-shAstrake binA mujhe nahIn chalegA. Ap sAthamen AnA. Apako sAthamen hI rakhatA hUn. sAthamen rakhe binA mujhe nahIn chalegA. main jAtA to hUn svayamse, lekin Apako to sAthamen hI rakhanA hai. Apake sAthake binA mujhe chalegA nahIn. aisA hai.

dev-guru-shAstrake binA mujhe chalegA nahIn. dev-guru-shAstra binAkA jIvan vah jIvan kuchh nahIn hai. dev-guru-shAstra sAthamen ho aur puruShArtha... aisI bhAvanA hai. aur dev- guru-shAstra sAthamenn hote hI hain. svayam Age baDhatA hai usamen dev-guru-shAstra hoto hain. andar apanA kalpavRukSha vah apanI bhAvanA, dev-guru-shAstrakA kalpavRukSha ugAyegA, vah AtA hai. Ap sab padhAriye, mujhe dev-guru-shAstrake binA nahIn chalegA. bhale hI main puruShArtha mujhase karun, to bhI Apake binA mujhe nahIn chalegA. ApakA sAth to chAhiye. aisA hai.

mumukShu- atyanta sundara. nishchay-vyavahArakI sandhipUrvaka.

samAdhAna- .. mujhe guru to sAthamen chAhiye. main tattvamen Age vichAr karatA hUn, mujhe guru to sAthamen chAhiye, guruke binA mujhe nahIn chalegA. vah to ek prakArakI bhAvanA hai. guru kar dete hain, aisA artha nahIn hai, parantu guru mere sAth hI chAhiye. mujhe guruke binA nahIn chalegA. main bhale hI puruShArtha merese karun, parantu guru to mujhe sAthamen hI chAhiye.

... use main sAthamen rakhatA hUn. akelA karatA hUn to akelA hI karun, aisA nahIn. mujhe sAthamen hI chAhiye. mujhe AtmA bhI chAhiye aur mujhe dev-guru-shAstra chAhiye, mujhe sab sAthamen chAhiye. sab padhAro! aisA.

mumukShu- vichAr karatA hai aur astitva grahaN nahIn karatA hai, to kyA bAkI rah jAtA hai? grahaN nahIn karatA hai matalab kahIn rukatA hai isaliye astitva grahaN nahIn ho rahA hai?

samAdhAna- kahIn rukatA hai, usakI pariNati rukatI hai. bAharamen rukatI hai. puruShArthakI mandatAse kachAs (rahatI hai). utanI andar svayamkI ruchi, sva-orakI ruchikI mandatA

PDF/HTML Page 1157 of 1906
single page version

to sAthamen hai hI. puruShArthakI mandatA, ruchikI mandatA. anAdikA jo pravAh hai na, us pravAhamen aise hI bah jAtA hai. us pravAhako moDanA use mushkil paDatA hai. ruchi ho, bhAvanA ho, amuk prakArase usake vichAr Aye, manthan ho, nirNay kare, parantu usakI dishA jo kAryamen lenI chAhiye, us kAryamen lenemen use der lagatI hai.

anAdikA jo pravAh hai, aise hI chalatA hai. bhAvanA hotI rahe, lekin usakA palaTanA, use kAryamen lAnA usamen puruShArthakA bal chAhiye, aur pUrI dRuShTi badalanI paDe. vichAramen vah sab nirNay karatA hai, parantu usakA palaTanA, anAdikA jo pravAh hai usamense use puruShArtha aur utanI tIvratA, andar lagan chAhiye to hotA hai.

mumukShu- Apane kahA ki grahaN nahIn karatA hai, usamen bahut vajan nahIn thA. grahaN nahIn karatA hai. astitvako grahaN nahIn karatA hai.

samAdhAna- astitvako grahaN nahIn karatA hai. usake mUlako grahaN nahIn karatA hai. vichAramen letA hai, parantu antaramen grahaN nahIn karatA hai.

mumukShu- jitanI yathArtha mahimA aur usakI adhikatA bhAsit honI chAhiye utanA AtA nahIn, isaliye grahaN nahIn ho rahA hai aur kahIn na kahIn aTak jAtA hai.

samAdhAna- aTak jAtA hai. utanI mahimA, utanI lagan, utanA puruShArtha nahIn karatA hai.

mumukShu- bAt to.. grahaN nahIn karatA hai. nahIn karatA hai, usake kAraNamen ruchikI mandatA mukhya kAraN hai. adhikatA jo bhAsit honI chAhiye, sabase main adhik hUn aur usakI jo mahimA AnI chAhiye, vah nahIn AtI.

samAdhana- main adhik hUn aur ye sab sArabhUt nahIn hai. yahI sArabhUt hai, utanI antaramense ruchi laganI chAhiye to hotA hai.

mumukShu- bArambAr usakI sanmukhatAkA bal baDhe...

samAdhAna- bArambAr usakA abhyAs kare, ruchi baDhAnekA, puruShArtha baDhAnekA prayatna kare. astitva grahaN karanekA, to ho sakatA hai.

mumukShu- Apake ek bolamen AtA hai ki itanA nispRuh ho jAtA hai ki bhedako bhI.. ApakA ek bol AtA hai na ki bhedako bhI lakShyamen letA nahIn athavA bhedamen rukatA nahIn.

samAdhAna- bhedamen rukatA nahIn, kuchh nahIn chAhiye, bas! ek (astitva chAhiye). utanA nispRuh ho jA. kuchh nahIn chAhiye. AtmAkA (astitva) chAhiye.

mumukShu- mUl bAt hai.

samAdhAna- mUl vah hai. koI spRuhA nahIn hai, ek AtmAke alAvA. ek AtmA

PDF/HTML Page 1158 of 1906
single page version

hI mujhe chAhiye. paryAyabhed yA kahIn nahIn rukakar mujhe merA ek astitva chAhiye.

mumukShu- nispRuhatAkI antim parAkAShTA hai ki bhedamen bhI nahIn rukatA.

samAdhAna- bhedamen rukatA nahIn ki ye gnAn hai, darshan hai, Ananda guN hai yA dUsarA guN hai, aise kahIn bhI nahIn rukakar ek astitvako grahaN (karatA hai), dRuShTi to vahIn sthApit kar detA hai.

mumukShu- paryAyamen to na ruke lekin guNabhedamen bhI nahIn rukatA. vichAr A jAy, lekin rukatA nahIn. utanI nispRuhatA (A jAtI hai).

samAdhAna- rukatA nahIn, vichAr Aye to bhI dRuShTi to ek astitva par hI rakhanI hai. AtmAmen vichAr kare lekin us or rukatA nahIn. ek apanA astitva grahaN kar letA hai. itanA nispRuh ho jAtA hai.

mumukShu- kitanA.. vichAramen le ki AtmAmen gnAnaguN hai, gnAnamen aisI shakti hai, aisA sAmarthya hai. phir bhI vahAn rukatA nahIn. utanI nispRuhatA..

samAdhAna- khaDe-khaDe vichAr karatA rahe to andar jA (nahIn sakatA). andar ugratA ho to andar jA sake. khaDe-khaDe vichAr karanA ki gnAyakakA dvAr chhoDanA nahIn. der lage to bhI. bhagavAnake dvArA par khaDe-khaDe... to bhagavAnake dvAr khul jAya. vaise gnAyakake dvAr par khaDe-khaDe bhale vichArako vahIn TikAye rakhe to yadi andar svayamko lagI hai to use gnAyak grahaN honekA avakAsh hai. avakAsh hai. use utanI mahimA hai. vahAn khaDA hai. bhale bhAvanArUp khaDA hai.

mumukShu- vikalpAtmakamen to bhAvabhAsan hai ki gnAyak kaisA mAtra jAnanevAlA..

samAdhAna- hAn, to grahaN honekA avakAsh hai. .. mahimA lage, gnAyakadev jisane pragaT kiyA, dev-guru-shAstra jinhonne sAdhanA karake pragaT kiyA, unakI anumodanA, unakI ArAdhanA to sAthamen hotI hI hai, unakA sAth to sAthamen hotA hI hai. unake binA kaise chale? main Age to baDhUn, lekin Apako sAth rakhatA hUn.

mumukShu- donon ekasAth hote hain.

samAdhAna- sAthamen hain. use aisA nahIn hotA ki main mujhase karatA hUn. aisI bhAvanA nahIn hotI. sabako main sAthamen rakhatA hUn. sabakA Adar hai. svayamkA Adar huA, use dev-guru-shAstrakA Adar hai. dev-guru-shAstrakA Adar hai, use svayamkA Adar hai. vAstavik Adar hI use kahanemen AtA hai.

mumukShu- .. usamen svachchhanda honekA, abhimAn chaDhanekA..

samAdhAna- main mujhase karatA hUn, aisA nahIn hotA. mujhase bhale hotA hai, parantu main dev-guru-shAstrako sAthamenn rakhatA hUn. ...

PDF/HTML Page 1159 of 1906
single page version

mumukShu- Apako aisA lage ki dev-guru-shAstrake binA nahIn chalegA, hamen aisA hotA hai ki Apake binA nahIn chalegA.

samAdhAna- gurudev mile sabako, mahAn upakAr kiyA hai. sandhi batAyI hai. unhonne nishchay-vyavahArakI sandhi bahut batAyI hai. shAstronke rahasya sab unhonne sUlajhAye hain. koI jAnatA nahIn thA, shAstronkI kisIkI chaunch DUbatI nahIn thI. sab rahasya unhonne khalle kiye hain.

mumukShu- mAmA kitanI bAr kahate the, bahin kahate hain ki AtmA shabda bolate ho to gurudevake pratApase. kitanI bAr, mAmA ye shabda (bole the). bahin aisA kahate hain, bahin aisA kahate hain. .. ye shAstrakA anuvAd kiyA vah gurudevake kAraNa.

samAdhAna- unake kAraN artha sUjhe, nahIn to artha kahAn-se sUjhe? unako gurudevane mArga batAyA, isaliye ve sanskRitamense artha milA sakate hain.

mumukShu- mAmA kitanI bAr bolate the, hAn! paNDit to bahut hain, lekin ye to gurudevake kAraN hI bhAShAntar huA hai.

samAdhAna- gurudevane dRuShTi batAyI, to usake artha sUjhe.

mumukShu- sva-parakA bhedagnAn ho ki main gnAyak bhinna hUn. use Anshik svarUp ramaNatA ho gayI. vah virati ho, parantu bAdamen use jo bhUmikA badal jAtI hai, chauthA guNasthAn, bAdamen pAnchavA, chhaThavAn-sAtavAn (AtA hai), us gnAnakA phal virati hai. andar gnAyakatA, bhedagnAn ho vah vAstavik virati hai. vah vAstavik virati hai. vAnchan, vichAr vah to ek...

mumukShu- parantu usake pahale tAratamyatAmen koI bhed nahIn paDate? shrImadajIne likhA ki jo paDhanese, vichAr karanese AtmA vibhAvase, vibhAvabhAvase pIchhe nahIn muDA, to vah paDhanA, vichAranA mithyA hai.

samAdhAna- paDhanA, vichAranA usamen virati nahIn AtI. vah nahIn hai. vAstavik virati to andar bhedagnAn ho tab (hotI hai). sachchI virati to usakA nAm hai. jo pahale manda kaShAy hotA hai vah sachchI virati nahIn hai. vah to manda kaShAyarUp hai. sachchI virati usakA nAm ki sarva vibhAvabhAvase bhedagnAn hokar aur antaramen jitane gnAyakatAke pariNAm, gnAtRutvakI tIkhAs ho, antaramen jo nivRutta pariNAm Ave usakA nAm virati hai. antar svarUpamen sthiratA ho, svarUpamen lInatA ho, usakA nAm virati hai. use ansh-anshamen jo gRuhasthAshramake bhAv hain, use antaramense ekatvabuddhi chhUTatI jAy, usakA ras TUTatA jAy, usakA nAm virati hai. antaramense akaShAyabhAv TUTakar jo antaramen lInatA hotI hai, svarUpakA Ananda baDhatA jAy, svarUpakI lInatA baDhatI jAy, usakA

PDF/HTML Page 1160 of 1906
single page version

nAm virati hai.

.. vah to avashya hotI hI hai. jise samyagdarshan hotA hai, use virati avashya hotI hI hai. use svarUpakI lInatA kram-kramase baDhatI jAtI hai. phir usamen kram paDe, kisIko der lage, kisIko turanta hotI hai. parantu use virati to avashya AtI hI hai. gnAnakA phal virati to AtI hI hai. aur Anshik svarUp ramaNatA to jo gnAyakatAko pahachAnI, gnAtAdhArA huyI use svarUp ramaNatA to chAlU hI ho gayI. anantAnubandhI kaShAy TUT gayA isaliye utanI virati to us prakArase A gayI. parantu jo virati chAritradashAkI hotI hai, us chAritradashAkI virati Anemen der lage, parantu avashya AtI hai. vAstavik virati vah hai. manda kaShAy ho vah virati nahIn hai, vah to manda kaShAy hai. vAnchan kare, vichAr kare usamen manda kaShAy hotA hai ki ye vibhAvabhAv achchhA nahIn hai, aisI bhAvanA ho, ruchi ho, parantu vah bhI abhI vAstavik nahIn hai, vah to bhAvanA karatA hai. manda kaShAy hai.