PDF/HTML Page 1161 of 1906
single page version

mumukShu- mumukShu sachche mArga par hai usakA chihna kyA hai?

samAdhAna- vah sachche mArga par hai, (usamen aisA hotA hai ki), mujhe svarUp kaise pahachAnamen Aye? main gnAyak bhinna hUn, yah vibhAv merA svabhAv nahIn hai, aisI antaramense pratIt ho, ruchi ho, use pahachAnanekA prayatna kare, usakA vichAr kare, dev-guuru-shAstrakI mahimA aur AtmA kaise pahachAnamen Aye, aisI ruchi antaramense rahe ki mujhe gnAyakakI gnAyakatA kaise pragaT ho? to vah satya mArga par hai. vah usakA lakShaN hai.

nij svabhAvako pahichAnaneke panth par, mujhe svabhAvakI pahachAn kaise ho? aisI antaramense gaharI jignAsA ho to vah yathArtha mArga par hai. bAhar kahIn-kahIn rukatA ho vah nahIn parantu antaramense mujhe Atma svabhAv kaise prApta ho? bhedagnAn kaise ho? us jAtakA vichAr, us jAtakA vAnchan, us jAtakI tattvakI mahimA vah sab antaramen ho to vah satya mArga par hai. sachche dev-guru-shAstrako grahaN kiye hon, antar jo svabhAvako batAye aise guru aur devako grahaN kiye hon, gnAyakakI ruchi antaramen tIvrapane ho to vah satya mArga par hai.

mumukShu- Ap gnAyakakI bAt karate ho to main mujhase gupta rahUn vah bAt sahan nahIn hotI. vah bAt hI koI gajab lagatI hai.

samAdhAna- svayam apanese gupta rahe vah ek AshcharyakI bAt hai. svayam hI hai aur svayam svayamko jAnatA nahIn, vah koI AshcharyakI bAt hai. svayam apanI or dRuShTi karatA nahIn aur bAhar dRuShTi karatA hai. svayam svayamko dekhatA nahIn. anAdi kAlase vah ek Ashcharya hai ki svayamko jAnatA nahIn. svayam svayamse gupta rahatA hai.

mumukShu- virah lagatA hai phir bhI aisA kyon hotA hai? sahaj kyon nahIn ho rahA hai?

samAdhAna- antaramense kharI ugratA jAge to jAne binA rahe nahIn. ugratA nahIn hai, mandatA hai isaliye. utanI svayamkI mandatA hai. sachchA virah lage to svayam svayamse3 gupta rahe nahIn. svayam jAne binA rahe hI nahIn, apanI anubhUti hue binA rahe hI nahIn.

mumukShu- ashAtArUp bhAv hai?

PDF/HTML Page 1162 of 1906
single page version

samAdhAna- ashAtArUp bhAv nahIn, vah ek jAtakI bhAvanA hai, usakI ruchi hai.

mumukShu- pUrvamen AtmAAkA svarUp jAnA nahIn hai isaliye gupta hai?

samAdhAna- AtmAkA svarUp jAnA nahIn hai. guru batAte hain aur jAnA nahIn hai. anAdise svayamkI or dRuShTi hI nahIn kI hai aur usakA prayatna nahIn karatA hai. usakI ruchi jitanI chAhiye utanI karatA nahIn, isaliye gupta hai.

mumukShu- svayamkI pahachAn ho to gnAnIko pahichAne?

samAdhAna- donon nimitta-upAdAn sAthamen hI hain. vAstavik svayamko pahichAne to gnAnIkI pahachAn ho. gnAnIko pahachAne vah svayamko pahachAne. vah nimitta-upAdAn (sambandha hai). yathArtha pahachAnanA, jaisA vastukA svarUp hai vaisI gnAnIkI dashA pahichAnanI, use pahichAne. donon vAstavikarUpase sAthamen hain. aur svayam puruShArtha (kare). svayam apanese anajAnA hai to jisane vastukA svarUp jAnA hai use tU pahichAna. aise nimittakI orase aisA kahanemen Aye ki gnAnIko tU pahachAn to to tujhe pahachAn pAyagA. isaliye gnAnI usakA nimitta hai aur svayam upAdAn hai.

parantu vAstavik kab pahichAnA kahA jAy? gnAnIko amuk lakShaN parase pahichAne. parantu svayam svayamko pahichAne to gnAnIkI use barAbar pahichAn hotI hai. parantu barAbar pahichAnA kab kahA jAy? svayamko pahichAne aur gnAnIko pahichAne, donon sAthamen hI hai.

pahale amuk lakShaNonse gnAnIko pahachAn le. gnAnIkI vAstavik dashA to usakI utanI shakti nahIn hai isaliye upAdAn-nimitta dononkA yog ho tab pahichAnatA hai. parantu amuk lakShaNonse pahale gnAnIko pahichAne ki ye gnAnI hain. aise pahachAnakar, phir jo mArga batAte hain, us mArgako jAnanekA svayam prayatna kare, antaramen utAranekA prayatna kare. to gnAnI usakA nimitta hote hain, upAdAn svayam hai.

gurudevako lakShaNase pahichAnakar, ye apUrva bAt karate hain. phir jo AtmAkA svarUp batAte hain, vah koI apUrva batAte hain. aise svayam apUrvatako grahaN kare, mArgako svayamke upAdAnase grahaN kare. phir vAstavik svarUp to svayamko pahichAne to gnAnIkI pahachAn ho. aisA nimitta-upAdAnakA sambandha hai. parantu pahale gnAnIko lakShaN dvArA pahichAn le ki ye gnAnI hI hain. jisakI sat jignAsA hotI hai, us jignAsuke, shrImad kahate hain na, usake hRudayake netra hI aise ho jAte hain ki vah gnAnIko pahichAn letA hai.

mumukShu- kRupAludevane kahA hai ki gnAnarUpI baDA van hai, jitanI tAkat ho utanI pahachAn ho to lAbh ho. aisA likhA hai. jitanI pahichAn ho utanA lAbh hai. pUrNa pahichAn ho to pUrNa lAbh hai.

samAdhAna- utanA lAbh hai, pUrNa lAbh hai. parantu amuk lakShaNase pahichAn le

PDF/HTML Page 1163 of 1906
single page version

ki ye gnAnI hain. phir unakI apUrvatA jAnakar svayam nij apUrva svarUp hai use jAnanekA prayatna kare. antarase AtmAkA bhedagnAn karanekA prayatna kare. bhedagnAn ho aur svAnubhUti ho to yathArtha dashAko jAn sakate hain.

mumukShu- vachanAmRutamen likhA hai ki gnAnIko shubh hai vah kAle nAg jaisA dikhatA hai. jabaki gnAnI hain vah to dRuShTAbhAvase jo hai use sahaj dekhate hain. to aisA dekhanA to bahut nimna koTikI dashA ho gayI ho tab aisA dikhatA hai? achchhI dashA ho to sahaj hI dRuShTAbhAvase usakA sparsha nahIn hotA. vAstavamen to shubhakA sparsha hI nahIn hotA. to vah vachan Apane kaise likhA hai? kis apekShAse?

samAdhAna- usakI gnAtA-dRuShTAkI dashA bhedagnAnakI hai ki ye vibhAv hai aur yah svabhAv hai. to use sahaj gnAn hotA hai. gnAyak gnAyakarUpase use apanI pariNatimen khaDA hai. ye bhinna hai aur main bhinna hUn. parantu alpa asthiratA hai use jAnatA hai, parantu usakI bhAvanA aisI ho ki main svarUpamen lIn ho jAUn, pUrNa lIn kaise ho jAUn, aisI bhAvanAke kAraN use vah kAlA nAg lagatA hai. aisI apekShA hai, us apekShAse (bAt hai). bAkI to use..

mumukShu- dveShabuddhi jaisA to artha nahIn hotA hai.

samAdhAna- dveShabuddhi nahIn hai, vah to jAnatA hai, gnAyak hai-gnAtA hai. yah AtA hai usakA gnAtA-dRuShTA hai, parantu use bhAvanA to aisI rahe ki yah alpatA hai. munion jaise kShaN-kShaNamen svarUpamen jam jAte hain antarmuhUrta-antarmuhUrtamen, aisI dashA nahIn hai. aisI dashA mujhe kab ho ki main svarUpamen lIn ho jAUn? isaliye yah vibhAv hai vah AdaraNIy nahIn hai. vah merA svabhAv nahIn hai. us apekShAse (kahA hai). mujhe kab vItarAgadashA ho jAy aur main shAshvat AtmAmen rah jAUn. itanA jo gneyarUpase vibhAv gnAt ho rahA hai, vah vibhAv mujhe na ho, mujhe pUrNa svabhAv ho. aisI usakI bhAvanA rahatI hai.

mumukShu- ... tAratamyatAse bhAvamen pharka paDanevAlA hI hai. dashA bahut achchhI ho us vakta to kisIkA sparsha hI nahIn hotA.

samAdhAna- vah to svAnubhUti nirvikalpa dashA ho us vakta to us or usakA upayog bhI nahIn hai. svayam to nirvikalpa dashAmen Anandamen hai. parantu jab usakA upayog bAhar AtA hai, bhedagnAn ho, bAhar upayog Aye tab jAnatA hai ki itanI nyUnatA hai. isaliye vah nyUnatA hai, us nyUnatAko jAnatA hai. ata pUrNatA kab ho, us apekShAse (aisI bhAvanA rahatI hai ki) yah vibhAvabhAv mujhe nahIn chAhiye. itanA vibhAv bhI mujhe pusAtA nahIn.

jaise Ankhamen kaN nahIn samAtA, vaise bhale dravyadRuShTimen pUrNa nirmal hoUn, parantu paryAyamen

PDF/HTML Page 1164 of 1906
single page version

itanatI bhI kachAs mujhe nahIn chAhiye. kAlA nAg arthAt vah mujhe AdaraNIy nahIn hai, isaliye main pUrNa ho jAun, aisI usakI ugra bhAvanA vartatI hai. nirvikalpa dashAke samay to us or upayog bhI nahIn hai.

mumukShu- hAn, vah to bAhar Aneke bAd turantakI dashA bhI bahut achchhI hotI hai.

samAdhAna- us vakta bhI use bhedagnAnakI hI dashA hotI hai. bAhar Aye to ekatvabuddhi hotI nahIn. ekatva ho to-to usakI dashA hI na rahe. bhedagnAn, antaramen Anshik shAntidhArA aur samAdhikI dhArA usakI vartatI rahatI hai. nirvikalpa dashAkI Ananda dashA ek alag bAt hai, parantu bAhar Aye to bhI shAntikI dhArA aur samAdhikI dhArA, gnAyakadhArA vartatI hI hai. parantu alpa (vibhAv) hai to sahI, alpa bhI na ho to-to kevalagnAn (honA chAhiye). alpa hai, vah alpa bhI mujhe nahIn chAhiye. itanA bhI mujhe nahIn chAhiye. Ankhamen rajakaN jitanA bhI nahIn chAhiye. main pUrNa ho jAUn, isaliye kahatA hai ki vah kAlA nAg hai. mujhe yah kuchh nahIn chAhiye.

mumukShu- shabda kAlA nAg hai, isaliye kisIko aisA lage, aisA? kisIko aisA lage ki dveShabhAv hai?

samAdhAna- bhAvanA hai. vItarAgatAkI bhAvanA hai.

mumukShu- gnAnIko to Age-pIchhe karanekI vRutti nahIn hotI, to aisA bhAv bhI kyon hotA hai?

samAdhAna- vItarAgatAkI bhAvanA to hotI hai na ki main vItarAg kaise hoUn? vItarAgatAkI bhAvanA hai. itanA rAg bhI mujhe nahIn chAhiye. mujhe vItarAgatA pragaT hoo. kuchh na ho to use puruShArtha kaisA? to kRutakRutya ho gayA, to kevalagnAn ho jAya. usakI sAdhakakI dashA hai, puruShArthakI dhArA hai. isaliye mere puruShArthakI ugratA kaise ho, aisI bhAvanA hai. us bhAvanAke joramen kahatA hai ki yah kAlA nAg hai, yah mujhe nahIn chAhiye. usakI AdaraNIy buddhi nahIn hai, mujhe svabhAv hI AdaraNIy hai. mujhe svabhAv chAhiye, yah nahIn chAhiye, itanA bhI nahIn chAhiye.

bAhubalI muni aise dhyAnamen the, chhaThaven-sAtaven guNasthAnamen jhulate the. to unhen alpa vibhAv rahA ki main bharatakI bhUmi par khaDA hUn, utanA andar rahA to kevalagnAn nahIn huA. arthAt gnAnIko itanA rajakaN jitanA bhI mujhe nahIn chAhiye. bAhar Aye taba. utanI bhAvanAkI ugratA hai. shAntikI dhArA hai, samAdhikI dhArA hai, sab hai, parantu itanA hai (vah bhI nahIn chAhiye). puruShArtha hai, kevalagnAn nahIn hai isaliye vah kahatA hai ki mujhe itanA bhI nahIn chAhiye.

PDF/HTML Page 1165 of 1906
single page version

mumukShu- utpanna huyI bhAvanAko vah jAnatA hai ki karatA hai?

samAdhAna- bhAvanA use antaramense hotI hai. svabhAv-or jisakI pariNati jhuk gayI, jise nirvikalpa dashA, svabhAvarUp pariNaman ho gayA use merI pUrNa pariNati kaise ho, aisI bhAvanA use Aye hI. jise svabhAv-or dRuShTi gayI, use pUrNakI bhAvanA sAthamen (hotI hI hai). main pUrNa dravyase hUn, parantu paryAyase abhI adhUrA hUn. isaliye use pUrNatAkI bhAvanA andar AtI hI hai. shrImad kahate hain na ki "kyAre thaIshun bAhyAntar nirgrantha jo, sarva sambandhanun bandhan tIkShaN chhedIne, vicharashun kav mahat puruShane panth jo.' aisI bhAvanA to AtI hI hai.

mumukShu- yadi bhAvanA na ho to savikalpa puruShArtha hogA kaise?

samAdhAna- hAn, to puruShArtha hI na rahe. bhAvanA to andar rahatI hai.

mumukShu- kShaN-kShaNamen puruShArtha to chAlU hai.

samAdhAna- to sAdhakadashAkA puruShArtha kahAn gayA? bhedagnAnakI dhArAkA puruShArtha, samAdhi-shAnti, gnAyakatA, bhedagnAnakI dhArA kaise ugra ho? gnAyakakI gnAtAdhArA kaise ugra ho? aisI ugra ho ki jisamen vibhAv ho hI nahIn. aisI ugratA ho jAy, aisI bha bhAvanA rahatI hai.

mumukShu- kShAyik samakitIke dhanI laDAIke maidAnamen talavAr lekar logonko kATate ho, usakA Ashcharya nahIn lagatA?

samAdhAna- utanI usakI nyUnatA hai. bhAvanA to ugra hai. usakI nyUnatA hai. andar bhedagnAnakI dhArA vartatI hai, ekatvabuddhi nahIn hai, alpa rAg hai, rAjakA rAg hai, isaliye vah laDAIke maidAnamen khaDA hai. phir bhI usakA vartan nyAyase hotA hai. parantu vah hotA hai. aisI bAharakI kriyA hotI hai. antarakI pariNati,.. hAthIke dikhAneke dAnt alag aur antarake alag hote hain. aisA lage ki kaise kar sakate honge? laDAImen kaise khaDe rahate honge? aise sanyogamen A jAya.

mumukShu- vAstavamen to gnAnI apane svabhAvamen hI khaDe hain, bAhar kahAn khaDe hI hain?

samAdhAna- svabhAvakI pariNatimen svayam khaDe hain. bAhar.. samAdhAna- khaDe ho aisA logonko dikhe. samAdhAna- dikhe, alpa rAg hai, alpa rAg hai. phir bhAvanA ho to muni banakar chale jAte hain. aisA ho jAtA hai.

mumukShu- mAtAjI! abhI to puruShArtha nahIn uThatA hai.

samAdhAna- .. sab spaShTa karake batA diyA hai. sabako dRuShTi to de dI hai. puruShArtha

PDF/HTML Page 1166 of 1906
single page version

karanekA bAkI hai. puruShArtha, bhedagnAnakI dhArA to svayamko hI karanI hai. kahIn kisIko bhUl na rahe itanA sUkShma-sUkShma karake pUrA mArga Akhir tak batA diyA hai. sharIr bhinna, vibhAv svabhAv terA nahIn hai, shubhabhAv bhI terA svabhAv nahIn hai. ye kShaNik paryAyommen tU aTakanA mata. tU to shAshvat hai. guNabhedake vikalpamen (aTakanA mat). teremen ananta guN hain, terI svabhAv paryAy, usake bhedamen bhI tU aTakanA mata. us vikalpake bhedamen (mat aTakanA). jAnanA sabako, lekin dRuShTi to ek akhaNDa par sthApit karanA. gurudevane to bahut spaShTa karake batAyA hai. ek akhaNDa chaitanya par dRuShTi sthApit karake vibhAvakA bhedagnAn karake tU svabhAvamen dRuShTi sthApit karake usakI lInatA kara. usakA bhedagnAn kara. bArambAr main chaitanya hUn, chaitanya hUn, yah main nahIn hUn, yah main nahIn hUn, (aisA) antaramense pratikShaN honA chAhiye. ek bAr karake chhoD diyA, aise nahIn hotAA. usakI bhAvanA kare vah barAbar hai, parantu antaramen kShaN-kShaNamen svabhAvako pahichAnakar, jo vastu hai usakA svabhAv pahichAnakar tadagat pariNati ho, us rUp ho to usakA pratikShaN bhedagnAn karate- karate usakI bhedagnAnakI dhArA, gnAtAdhArAkI ugratA ho to vikalpa chhUTe aur svAnubhUti ho.

yah jIvan vibhAvakA usakA kaisA sahaj ho gayA hai. sahaj vikalpa, sab sahaja. aise svabhAvakA jIvan sahaj honA chAhiye. main gnAyak hUn, gnAyak hUn. aisI sahaj dhArA antaramense ho to ho. aisI sahaj shAntikI, samAdhikI dhArA usakI sahaj honI chAhiye. to hotA hai. puruShArtha to svayamko hI karanA hai. svayam hI hai, koI anya nahIn hai. svayamko hI karanA hai. usakA bhedagnAn kShaN-kShaNamen, kShaN-kShaNamen main chaitanya hUn, sab kArya karate hue koI bhI vikalpa Aye, vikalpa bhI main nahIn hUn.

kShaN-kShaNamen vikalpa (chal jAye), phir yAd kare ki main bhinna hUn (aise nahIn). jo vikalpa Aye usI kShaN aisA honA chAhiye ki main gnAyak hUn. jis kShaN vikalpakI maujUdagI hai, usI kShaN gnAyakakI maujUdagI, gnAyakake astitvakI maujUdagI, usI kShaN puruShArtha, usI kShaN svayamkI maujUdagI ho aisI usakI sahaj dhArA to vah Age baDhe. ekatvabuddhi ho aur bAdamen yAd kare to vah bAdamen yAd kare aise nahIn. kShaN-kShaNamen usI kShaN apanA astitva maujUd rakhe, aisI antarase ugratA ho to Age baDhe. gurudevane mArga to ekadam spaShTa kiyA hai. aisA apUrva mArga batAyA hai.

mumukShu- mokSha adhikArakA 180vAn kalash hai. yah kalashaTIkA hai. kaTashaTIkAmen bhAvArtha hai, usamen likhate hain ki "bhAvArtha is prakAr hai ki karontake bArabAr chAlU karanese pudagalavastu kAShTha Adi do khaNDa ho jAtA hai, usI prakAr bhedagnAn dvArA jIv-pudagalako bArabAr bhinna bhinna anubhav karanepar bhinna-bhinna ho jAte

PDF/HTML Page 1167 of 1906
single page version

hain. isaliye bhedagnAn upAdey hai'. yahAn merA mukhya prashna yah hai ki bArabAr bhinna- bhinna anubhav karanepar bhinna-bhinna ho jAte hain. bArambAr bhinna-bhinna yAnI thoDA bhinna ho usakA use khyAl AtA hai? kyonki isamen likhA hai ki bArambAr bhinna-bhinna anubhav karanepara. bhinna-bhinna karake vah bArabAr anubhav karatA hai. usakA artha ki pahale, nirvikalpa samyagdarshan hone pUrva bhI use bhedagnAn hotA hai? kyonki yahAn yah shabda paDA hai.

samAdhAna- bhAvArthamen hai na?

mumukShu- hAn jI. mUl paDhUn?

samAdhAna- hAn, mUlamen kyA hai? ... aisA kahate hain. jo bhedagnAn huA us bhedagnAnako bArabAr aise hI ugra rakhatA hai. bArabAr bhedagnAn, main yah nahIn hUn aur yah nahIn hUn, aise tatkAl pragnAchhainIse bhedagnAn ho gayA ki main yah chaitanya hUn aur yah main nahIn hUn. yah vibhAvabhAv main nahIn hUn, parantu yah svabhAv main hUn. pragnAchhainIse bhedagnAn kiyA. usakI tIkShNatA karanese bArabAr usakI ugratA karanese. aisA kahate hain.

mumukShu- arthAt vikalpAtmak use anubhavakA ansh pragaT hotA hai? vikalpAtmak vah aisA karatA rahe ki yah main hUn aur yah nahI hUnn, aisA?

samAdhAna- use bhedagnAnakI dhArA kahate hain. us bhedagnAnakI dhArA dvArA svAnubhUti hotI hai.

mumukShu- bhedagnAnakI dhArA pragaT hotI hai?

samAdhAna- pahale bhedagnAnakI dhArA pragaT hotI hai, phir svAnubhUti hotI hai.

mumukShu- vikalpAtmak bhedagnAnakI dhArA pragaT hotI hai aur usImen visheSh tIkShNatA..

samAdhAna- usamen bArabAr tIkShNatA karanese svAnubhUti hotI hai. kisIko tatkAl ugratA ho jAy to shIghratAse ho jAtA hai. usI kShaNa. aur usakA abhyAs karanese, ugratA karanese svAnubhUti hotI hai.

mumukShu- ...

samAdhAna- hAn, mUl kalashamen to pragnAchhainI arthAt svAnubhUtikI bAt lI hai. usamen to svAnubhUti (lI hai). pragnAchhainIkI karont dvArA, pragnAchhainI dvArA tatkAl bhed ho jAyagA aur usamen tujhe svAnubhUti hogI. kalashamen to aisA hI liyA hai ki tatkAl bhed honese tujhe tatkAl svAnubhUti ho jAyagI. parantu isamen bArambAr abhyAs arthAt usakI ugratA bArambAr karanese tujhe svAnubhUti hogI, aisA kahanA chAhate hain. vikalpa hai, parantu vikalpa hai vah main nahIn hUn, parantu main gnAyak hUn, gnAyak hUn, aisI gnAtAdhArAkI ugratA, usakI ugratA dvArA tujhe svAnubhUti hogI.

mumukShu- us samay bhI use vikalpa spaShTa bhinna dikhatA hogA na?

PDF/HTML Page 1168 of 1906
single page version

samAdhAna- hAn, spaShTa bhinna dikhatA hai. bhinna dikhatA hai lekin upayog jo andar lIn honA chAhiye vah lInatA nahIn hai. lInatAkI ugratA karanese tujhe vikalpa TUTakar nirvikalpa dashA hogI. usakI ugratA, bArabAr usakI usakI ugratA karanese vikalpa TUT jAyagA aur svAnubhUti hogI.

mumukShu- tabatak vikalpAtmak bhedagnAn hai?

samAdhAna- hAn, vikalpAtmak hai.

mumukShu- tabatak vikalpAtmak bhedagnAn hai. anubhavapUrvakakA, thoDA anubhavapUrvakakA bhedagnAn hai aur vah svayam bhI..

samAdhAna- bhinna dekhatA hai lekin usakI ugratA nahIn hai.

mumukShu- ugratAke liye bArabAr vahI abhyAs karanese, ugratA honepar nirvikalpatA ho.

samAdhAna- phir nirvikalpatA hotI hai. aur lInatAkI ugratA hotI hai. gnAyakakI ugratA karanese svAnubhUti hotI hai. hai to sahI, lekin nahIn hai. bhinnatA to ho hI gayI hai, lekin usakI ugratA nahIn hai.

mumukShu- mAtra vikalpAtmak, buddhipUrvakakA vikalpAtmak nahIn hai.

samAdhAna- nahIn, buddhipUrvak nahIn hai.

mumukShu- rAgakI to bAt hI nahIn hai.

samAdhAna- vah nahIn hai. lekin usakI ugratA karaneko kahate hain. bArabAr usakI ugratA karanese, lInatA karanese svAnubhUti hotI hai. aur kitanonko to ugratA, unhonne kahA hai ki tatkShaN ho jAtI hai. use aisI ugratA antarmuhUrtamen ho jAtI hai ki shIghra svAnubhUti ho jAtI hai.

mumukShu- kisIko samay bhI lage, lambA samay lage.

samAdhAna- hAn, kisIko samay lage. usakI ugratA nahIn hai. bAkI bhedagnAn, koI bhI sUkShma vikalpa athavA sthUl vikalpa, sabamen bhedagnAn vartatA hai. use gnAyak to bhinna hai, parantu use ugratAkI kShati hai.

mumukShu- ugratAkI kShatike hisAbase nirvikalpatA paryant pahunchatA nahIn hai.

samAdhAna- nirvikalpatA paryant pahunchA nahIn. parantu samyagdarshan to tabhI kahanemen AtA hai, jab svAnubhUti ho, bAdameen jo sahaj dashA hotI hai use samyagdarshan kahate hain. nirvikalpa ho bAdamen.

mumukShu- usake pahale to nAm prApta hotA hI nahIn na?

samAdhAna- nahIn, usake pahale nAm prApta nahIn hotA. vah to abhyAs hai, abhyAs hai.

PDF/HTML Page 1169 of 1906
single page version

mumukShu- nAm to nahIn prApta hotA. pUrNa rUp jabatak na dekhe tabatak nAm kaisA? vah to Anshik dekhA hai, pUrNa svarUp kahAn dekhA hai? pUrNa to nirvikalpamen hI dekhatA hai.

samAdhAna- nirvikalpa svAnubhUti nahIn huI hai, tabatak samyagdarshan nahIn hai. ye to savikalpa dhArAmen bhedagnAn hai, parantu pahale thoDA aur bAdamen adhik, aise nahIn. bhedagnAn to ho gayA, parantu ugratA nahIn hai.

mumukShu- ugratA nahIn hai. ye to astitvakA pratibhAs ho gayA. pratibhAsake joramen vah lInatA karegA.

samAdhAna- hAn, lInatA nahIn karatA hai aur upayog bAhar hai. upayog jo antaramen sthir honA chAhiye, bArabAr use lInatA karanekI kShati hai.

mumukShu- parantu use pratibhAs to hai.

samAdhAna- hAn, pratibhAs huA hai. pratIti hai, dRuShTi hai, amuk prakArase pariNati bhI hai. amuk prakArase to bhedagnAn hai, parantu ugratA nahIn hai.

mumukShu- ugratA ho to nirvikalpatAmen palaT jAya.

samAdhAna- to hI nirvikalpatA hotI hai.

mumukShu- tIvra lInatA ho to..

samAdhAna- hAn, to svAnubhUti hotI hai.