PDF/HTML Page 1234 of 1906
single page version

mumukShu- gnAnaupayog bhinna lakShyamen Aye, khyAlamen Aye to phir lakShyako pakaDanemen der na lage. aisA trikAl jo hai vah main hUn.

samAdhAna- upayog bhinna paDe aur svayamko pakaDamen Aye vah sab sAthamen hI hotA hai. parantu yathArtha grahaN ho to apanA astitva aur upayog Adi sab use pakaDamen A jAtA hai. parantu yathArthapane use sUkShmatAse grahaN ho to sab sAthamen ho jAtA hai.

mumukShu- .. lakShaN aur lakShya sAthamen..

samAdhAna- sAth hI grahaN ho jAtA hai. isaliye vah karanekA nishchay kare to kar sakatA hai.

mumukShu- bhinnatAke prayogamen sharIrase bhinnatAkA prayog to kahIn nahIn AtA hai.

samAdhAna- vibhAvase bhinna, usamen sharIrakI bhinnatA sAthamen A jAtI hai. vah to usakA kram liyA hai ki pahale sharIrase main bhinna hUn, vah to.. sharIrako apanA mAnanevAlA ekadam sthUl upayog hai. isaliye sharIrase bhinna mAna. usakA kram pratham isase bhinnatA kar, phir isase bhinnatA kara. sharIrako svayam ek mAnatA hai, use aisA kahate hain ki tU sharIrase bhinna hai. sharIrase bhinna grahaN kar aur phir vikalpase bhinna

PDF/HTML Page 1235 of 1906
single page version

grahaN kara. vikalpase bhinna karanevAleko to aisA kahate hain ki tU sharIrase bhinna hai vah to pahale usamen sAthamen A hI jAtA hai.

vikalpase bhinnatA kare usamen sharIrase bhinnatA to pahale hai. sharIr... isaliye sharIrakA to pahale hai. sharIrako apanA mAne vah to ekadam sthUl hai. sharIrase bhinna main gnAnasvarUp hUn. phir vikalpase, vibhAvakI malinatAse bhinna hUn. subuddhiko vilAs.. usamen jo shubhabhAv Aye, shrutagnAn aur vikalpa shubhabhAvase mishrit ho usase bhinna terA svabhAv hai.

shubhabhAv mishrit jo bhAv hon, vah bhI terA mUl anAdiananta svabhAv nahIn hai. vah shubhabhAv hai. adhUrI gnAnakI paryAy dikhe utanA hI tU nahIn hai. tU to shAshvat hai. vibhAvase bhinna kiyA isaliye usamen dravyakarmase bhinna vah to sAthamen A hI gayA. aur ye sharIr to sthUl hai. sharIrako ek mAne use to bahut dUr jAnA hai. sharIrase bhinna hUn, vah to abhI sthUl hai. vikalpase bhinnatA kare vah sachchA hai. phir usamen shubh aur ashubh donon bhAvase.

main gnAn hUn, darshan hUn, chAritra hUn aise vikalpake bhed Aye, guNabhed Aye, vah guNabhed Aye aisA bhI terA akhaNDa svarUp nahIn hai, bhedavAlA (nahIn haie). tere guN andar kahIn khaNDa khaNDa TUkaDerUp nahIn hai, tU to akhaNDa hai. us bhedako gauN karake akhaNDa par dRuShTi kara. antaramen dRuShTi kare, us dRuShTike balase bhedagnAnakI ugratA ho, gnAyakakI ugratA ho to vikalpa TUTanekA prasang AtA hai. .. use AsAn paDatA hai, lekin vikalpase bhinna paDanA (kaThin lagatA hai).

mumukShu- antarang aur bahirang aise do bhed athavA sAmAnya aur visheSh, aise koI bhed ho sakate hain ki ise jAne, ise jAne, ise jAne athavA to yah matignAn, yah shrutagnAn vah bahirang ang hai aur jAnapanA.. jAnapanA... jAnapanA vah antarang ang hai. aise jAnapane parase yah jAnanevAlA so main, aisA kahIn koI shAstramen AtA hai?

samAdhAna- mati-shrutagnAnakA lakShaN to AtA hai. mati sAmAnya prakArase jAnatA hai aur visheSh bhed karatA hai vah shrutagnAna. usake upayogamen vah pharka paDatA hai. sAmAnya chetanA darshanaupayog hai vah alag hai. vah to ek abhed grahaN karatA hai, bhed nahIn paDatA hai. is matimen bhed paDatA hai parantu sAmAnya prakArase mati grahaN karatA hai. aur visheShamen bhed karake sUkShma-sUkShma jAnatA hai vah shrutakA upayog hai. mati aur shrutamen vah pharka paDatA hai.

vah antaramen jAye to sAmAnyapane jo grahaN kare vah mati aur visheSh bhed karatA hai ki main yah gnAn hUn, aise sAmAnya prakArase mati grahaN kare aur visheSh prakArase grahaN kare ki yah gnAn hai vahI main hUn. yah gnAn hai, darshan hai, chAritra hai, aise bhed

PDF/HTML Page 1236 of 1906
single page version

karake jAne vah shrutagnAnakA upayog hai. lekin un donommen jAnapanA-gnAn, akhaNDa gnAyak jAnapanA hai vah main hUn. mati-shrutake do bhed paDe vah bhed mUl svarUpamen to nahIn hai. vah to kShayopashamagnAnake bhed hain. usamen upayog jo ho rahA hai, us upayogase AtmAko ek shAshvat grahaN karanekA hai. akhaNDa gnAyak grahaN karatA hai. gnAyak to akhaNDa hai. usamen mati-shrutake do bhed nahIn paDate. vah to kShayopashamagnAnake bhed hai.

antar taraph jAy to sAmAnya prakArase mati grahaN karatA hai ki main yah gnAnasvarUp hai vah main hUn. vah gnAnalakShaN kaisA hai? gnAnakA visheSh bhed karake jAne vah shrutagnAnakA upayog hai. mati-shrutake bhed to bIchamen Ate hain. parantu grahaN ekako karanA hai ki jo akhaNDa gnAyak shAshvat astitva svarUp hai, gnAyak jisakA astitva hai, gnAyakakA astitva grahaN hotA hai. gnAyak astitva asAdhAraNarUp hai. usamen ananta guN hain, parantu ye gnAyakatA hai vah asAdhAraN lakShaN hai. us gnAyakatAse grahaN hotA hai. mati- shrutakA upayog bIchamen Ate hain, mati aur shrut bIchamen AtA hai, parantu grahaN ekako karanA hai. do bhed nahIn, ekako grahaN karanekA hai.

mumukShu- shAstramen aisA AtA hai, vah vAstavamen to paraprakAshak hai. vah AtmAkA lakShaN nahIn hai. us gnAnakA abhAv hokar atIndriy gnAn andar AtmAko pakaDatA huA gnAn, vah vAstavamen lakShaN hai. ye jo abhI jAnapanA ho rahA hai usamen to paraprakAshakapanA hI khyAlamen AtA hai. ye jAnatA hai, yah jAnatA hai, yah gnAt hotA hai.

samAdhAna- bAhar upayog hai na. bAhar upayog honese vah mati-shrutakA upayog indriyonkI or muDA hai. man taraph, indriyonkI or upayog (hai). parantu usamen jo jAnanevAlA hai vah main hUn. aise lakShya apanI or karanA hai. usamen svayamko chhoDakar svayam kahIn akelA bhinna paDA rahatA hai aur yah gnAn kahIn or paDA rahatA hai, aisA nahIn hai. usakA upayog bAhya ho gayA hai isaliye paraprakAshak gneyonkI or ho gayA hai. svayam gnAyakakI or jAtA nahIn. usamen vah jAnanevAlA hai, gneyonko grahaN nahIn karake main jAnanevAlA hUn, aise apanI or muDe to usamen gnAn grahaN hotA hai. aur gneyonkI or lakShya jAy to gney grahaN hote hain. upayog bAhar jAtA hai to bAharako grahaN kare to bAhya gney grahaN hote hain. antar dRuShTi kare to apanA gnAn grahaN hotA hai.

jAnapanA hai vah jAnapanA mAtra nahIn, parantu vah jAnanevAlA jo pUrA hai vah main hUn. kShayopasham gnAnake bhed, shAstramen AtA hai na ki bAdalake paTalamen hInAdhikatArUp jo kiraN dikhAI dete hain, vah kiraN kahAn-se Aye hain? kiraNonkA sanchAr vah mUl vastu hai. ata ek bhed par khaDe nahIn rahakarake usakA mUl kahAn hai, us mUlako grahaN karanA hai. kShayopashamagnAnake bhed hInAdhikatArUp dikhe vah hInAdhikatA jitanA hI

PDF/HTML Page 1237 of 1906
single page version

main nahIn hUn, parantu usakA mUl kahAn hai? usakA svabhAv mUl vastu kyA hai? use grahaN karanA hai. vah use AdhAr denevAlA hai, toDanevAlA nahIn hai. shAstramen AtA hai ki usake kiraN jo bAdalake paTalamen jo sUryake kiraN dikhate hain, us kiraNake pIchhe pUrA sUrya hai use grahaN karanA hai. bhedako grahaN nahIn karake akhaNDako grahaN karanA.

mumukShu- vartamAn gnAnaupayog, use jAnate hue yah gnAn ise prakAshatA hai, ise prakAshatA hai, aise lakShyamen nahIn lete hue, gnAnatva lakShyamen lekar us parase trikAlIkA lakShya karanA?

samAdhAna- trikAlIkA lakShya (karanA). jAnapanAkA mUl kahAn hai? usakA mUl astitva grahaN karanA. ye gney gnAt hue, ye gnAt huA, ye gnAt huA isaliye main, aise nahIn, parantu jAnapanA mUl sAmAnya jAnapanA. aur us jAnapanekA Ashray lekar usakA mUl astitva kahAn hai, us mUlako grahaN karanA hai.

mumukShu- aisA sAmAnya jAnapanA-jAnapanA kahAnse A rahA hai? vah jo trikAlI astitva hai..

samAdhAna- trikAlI astitvako grahaN karanA hai. .. akhaNDako grahaN karanA hai. dUsareko prakAshatA hai aisA nahIn dekhakarake, us kiraNonkA Ashray lenevAlI mUl vastu kaun hai? jAnapanekA Ashray mUl astitva usakA kahAnse hai, use grahaN karanA hai. mUl astitva kahAn hai, vah grahaN karanA hai.

mumukShu- ye jAnapanA.. jAnapanA.. jAnapanA kahAnse ho rahA hai, us par lakShya..

samAdhAna- jAnapanekA mUl astitva kahAn hai, akhaNDa astitvako grahaN karanA hai.

mumukShu- 297 gAthAmen pragnAse kis prakAr grahaN karanA, use samajhAte hue ... main mere dvArA, mujhe mere dvArA, mere liye, meremen, merese aur mere AdhArase mujhe jAnatA hUn. prayojanakI siddhimen vah kuchh upayogI hai?

samAdhAna- usakI sAdhakadashA abhI shuddha paryAy pragaT nahIn huyI hai, isaliye bIchamen bhed Ate to hain. mUl to astitva jo hai vah hai. vah to jo akhaNDa anAdiananta vastu to jo hai so hai. vah koI chhUT nahIn gayI yA dUsaremen gayI nahIn yA dUsaremense AtI nahIn. gnAyakakA astitva to jo hai vah hai. lekin vah svayamko gnAnamen pragaTapane grahaN nahIn huA hai. isaliye usamen bIchamen main, mere liye, mujhe hI grahaN karatA hUn, isaliye parakA Ashray nahIn hai. aise svayam apanI svAdhInatA par dRuShTi karatA hai, usamen bIchamen AtA hai.

usakI dRuShTi aise bhed par nahIn hai. dRuShTi to ek akhaNDako karanekI hai. parantu usakA prayojan, kisake liye, usakA sAdhan kaun aise apanI svatantratAke liye bIchamen

PDF/HTML Page 1238 of 1906
single page version

aise bhAv, aisA gnAn use bIchamen A jAtA hai. dRuShTi to ek akhaNDa par hai. phir bhI gnAnamen sAdhanAmen ye sab use A jAtA hai. parake jo sAdhan hain, vah sAdhan merA mUl sAdhan nahIn hai. merA sAdhan mujhe hai, merA Ashray mujhe hai, merA karma-kArya mujhamense pragaT hotA hai. merA AdhAr mujhe hai. mujhe dUsarekA AdhAr nahIn hai. aisA bIchamen A jAtA hai. main mere dvArA hI, mere hI liye, mujhamense main pragaT hotA hUn. merI shuddhi mujhamense pragaT hotI hai. paramense nahIn AtI hai.

anAdikA bhUlA hai, mAnon paramen se sab AtA hai, parake Ashray binA mujhe chalatA nahIn, parake AdhArase main TikatA hUn, aisA bhram ho gayA hai. usakA palaTA hotA hai tab dRuShTike sAth gnAn bhI aisA kArya karatA hai. mujhe parakA AdhAr nahIn hai, mujhe merA hI AdhAr hai. mujhe merA hI sAdhan hai. main mere liye, mujhamense pragaT hotA hai. gnAn aisA kArya kiye binA nahIn rahatA. usakI pariNati bhI us prakArase kAm karatI hai. bIchamen sAdhakadashA hai. sAdhya ekadam pUrNa ho aur kuchh karanA hI na ho to bIchamen kuchh nahIn AtA. usamen dRuShTi apekShAse jaisI hai vaisI anAdiananta vastu hai. parantu usamen sAdhanAkI shuddha paryAy pragaT karanI hai. samyagdarshanakI paryAy pragaT ho, usamen chAritrakI nirmalatA, svarUpAcharaN chAritra, gnAnakI nirmalatA Adi sab pragaT hotA hai. isaliye bIchamen aise bhAv Aye binA nahIn rahate. gnAn aisA kArya kiye binA nahIn rahatA.

parakA kArakonse bhinna paDakar apane kArakonko grahaN kiyA. main mujhe mere liye, mere kAryake liye mujhe jAnatA hUn. gnAn svaparaprakAshak hai, khyAlamen hai. parantu nishchay orakI dRuShTiko pragaT karatA huA... yathArtha gnAn to use nishchay aur vyavahAr donon sAthamen hI rahe hain. nishchayako mukhya rakhakar vyavahAr sAthamen rahatA hai. gnAn yathArtha ho aur dRuShTi samyak ho usake sAth gnAn aisA samyak sAthamen hotA hai. nishchay aur vyavahArakA vivek karatA huA gnAn sAthamen hI hotA hai.

mumukShu- aur nirvikalpa anubhav hotA hai.

samAdhAna- .. chhUT jAtA hai. main parako nahIn jAnatA hUn, mujhe mere liye jAnatA hUn, vah sab vikalpa hai. bAkI use aisA gnAn vartatA hai ki main svayam anAdiananta svabhAv par dRuShTi karake main mujhe jAnatA hUn, parake sAth ekatvabuddhi nahIn hotI hai, parase bhinna gnAnamen rahakar svayam main apane AtmAko jAnatA hUn, usamen par bIchamen A jAtA hai. aisA gnAn use sahaj vartatA hai. usamen use vikalpa nahIn karanA paDatA. parantu ye to sab gnAnakA vistAr karate hain na, usamen sab AtA hai. aise vikalpa bIchamen karanA paDatA hai aisA nahIn hotA, aisA gnAn use hotA hai. main merese svatantra hUn. parakA AdhAr nahIn hai. svayam svaparaprakAshak merA svabhAv hai. main anAdiananta svayam vastu hUn. vah sab

PDF/HTML Page 1239 of 1906
single page version

usake gnAnamen, jahAn samyagdRuShTi hotI hai, vahAn sab sahaj A jAtA hai. gnAnake prakAr hain, isaliye usamen bIchamen is prakArakA jAnanA AtA hai.

pahale gneyase chhUTA, phir andar svatantra huA, phir svabhAv par jahAn dRuShTi huyI, vahAn use dRuShTi, gnAn donon sAthamen hote hain. usamen use parakA bhed, sharIrase bhinna, vibhAvase bhinna, sAthamen A jAtA hai. apanese svayam kaise hai, guNabhed, paryAyabhed vah sab use gnAnamen sAthamen A jAtA hai.

samAdhAna- .. antaramen gurudevane jo kahA hai, vah sab smaraN karate rahanA. usakI lagan lagAnI, usake vichAr karanA, vAnchan karanA. vichAr, vAnchan, usakI lagan, use bAr-bAr yAd karate rahanA-smaraN karate rahanA, vichAr karate rahanA. tattva sambandhit sab vichAr karanA. bAhya pravRuttimen svayam ekamek na ho jAy usake liye apanI orakI ruchi baDhAte rahanA. karanekA to antaramen hai vahI satya hai.

mumukShu- koI jagah apane karanA na chAhe to bhI sahaj ho jAtA hai.

samAdhAna- pravRuttikI gaTharIyAn hotI hai, mumbaImen to. to bhI antaramen svayam apanI ruchi rakhe, chAhe jaise bAhya sanyog ho to bhI.

mumukShu- ruchi baDhAneke liye kyA karanA? samAdhAna- kAraNakA kAraN kyA? svayam taiyAr honA. ruchi baDhAneke liye svayam taiyAr honA. ruchi baDhAneke liye satsang, satpuruShakI vANI Adi hotA hai. jahAn satsang mile, satpuruShakI vANI mile aise sab sAdhanommen svayam rahe. ruchi baDhAneke liye apanA upAdAn taiyAr karanA. usakA kAraN svayam hI hai. koI karavAtA nahIn hai, svayam kare to hotA hai. usake bAhya kAraNoemmen satpuruShakI vANI, satpuruSh sAkShAt ho yA satsang Adi sab bAhya kAraNommen (hai). antaramen svayam ruchi baDhAnemen kAraN hai. svayam apanese baDhAnI.