PDF/HTML Page 118 of 1906
single page version

mumukShu- utpAd aur vyay to kramasha hote hI rahate hain.

samAdhAna- utpAd, vyay aur dhruv, sab ek samayamen hotA hai. jis samay utpanna hotA hai, usI samay vyay hotA hai, usI samay dhruv hai. utpAd, vyay aur dhruv AtmAkA svarUp hai. utpAd, vyay, dhruv, pratyek dravyamen utpAd, vyay, dhruv hote rahate hain. svabhAvakI or muDe to svabhAvakA utpAd ho. ye vibhAvakI or hai to vibhAvakA utpAd hotA hai.

mumukShu- svabhAvakI or muDe tab use usakA utpAd-vyay kaise khyAlamen Aye?

samAdhAna- svabhAv to anAdi ananta svayam hI shAshvat gnAyak AtmA hai. vah to dhrav svarUp hai. dhruv bhI apanI or muDakar jo utpAd huA, apanI or svabhAvakI paryAy huyI, usakA svayamko vedan huA, vah svayamkA utpAd huA.

mumukShu- phir vyay?

samAdhAna- vyay-vibhAvakA vyay huA aur svabhAvakA utpAd huA.

mumukShu- svabhAvakA utpAd aur vibhAvakA vyay, us samay dhruv?

samAdhAna- us samay dhruv svayam hai.

mumukShu- yAnI gnAyak svabhAv?

samAdhAna- hAn, gnAyak dhruv hai. samyagdarshanakI prApti huyI, samyagdarshanakA utpAd huA aur mithyAtvakA vyay huA. mithyAtvakA nAsh huA aur samyagdarshanakA utpAd huA aur AtmA dhruv hai.

mumukShu- dhruv, paryAyako sparsha nahIn karatA hai na?

samAdhAna- gnAyak svayam dhruv hI hai.

mumukShu- to paryAyArthik ...

samAdhAna- .. utpAd hai vah paryAy hai. paryAy hotI hI rahatI hai. anAdise. andar svabhAvakA utpAd, vibhAvakA vyaya. phir jisakI dRuShTi AtmAkI or gayI use svabhAvakA utpAd, svabhAvakI nirmalatA, svabhAvakA utpAd hotA rahatA hai.

mumukShu- vibhAvadashAkA..

PDF/HTML Page 119 of 1906
single page version

samAdhAna- hAn, vibhAvakA vyay hotA jAtA hai.

mumukShu- isIliye sthiratA..

samAdhAna- svayamkI or muDe to sthir paryAy pragaT hotI hai. samyagdarshan, gnAn, chAritra Anshik hote hain. chAritra-svarUpAcharaN chAritra hotA hai. asthiratAkI paryAy use khaDI hai.

mumukShu- .. kaise pahachAnanA aur kaise prApta karanA? usakI rIt (kyA)? hamArI to abhI shurUAt hai to kaise use samajhanekI rIt hai?

samAdhAna- AtmA to jAnane vAlA hai. yah jaD sharIr to kuchh jAnatA nahIn. jAnane vAlA AtmA jAnane vAlA hai, vah jAnane vAlA svayam hai. lekin us jAnane vAlekI mahimA AnI chAhiye ki yah jAnane vAlA hai vahI main hUn. yah sharIr main nahIn hUn. andar AkUlatA hotI hai, vah merA svabhAv nahIn hai. jAnane vAlA hai vahI main hUn. jAnane vAlemen ananta guN hai. jAnane vAlA mahimAvant hai. us jAnane vAlekI mahimA lAkar jAnane vAleko pahachAnanA chAhiye. use pahachAnanekA prayatna karanA chAhiye. usake liye AtmA kaun hai? vah dravya kyA hai? usamen guN kyA hai? usakI paryAy kyA hai? yah sab use pahachAnanA chAhiye aur usakA bhedagnAn karanA chAhiye ki yah sharIr bhinna hai aur AtmA bhinna hai. usakI taiyArIke liye andar laganI lagAnI chAhiye, jignAsA lagAnI chAhiye, bAhar kahIn ruche nahIn, antaramen ruchi lage, kahIn chain paDe nahIn, yah usakI vidhi hai. lekin taiyArI svayamko karanI chAhiye.

mumukShu- usI dashAmen dhruv to nitya TikatA hai, utpAd-vyay siddhadashAmen kaise lAgU hote hain?

samAdhAna- siddhadashAmen jo vastu hai usakA svabhAv hI dravya-guN-paryAy hai. usamen ananta guN hai. siddha bhagavAnamen ananta guN hain. ananta guNakI paryAy hotI rahatI hai. kevalagnAn pragaT huA, us kevalagnAnakI paryAy pragaT hotI hI rahatI hai. AnandakI paryAy hotI hI rahatI hai. AtmA akriy dhruv hai lekin usamen pAriNAmikabhAv hai. isaliye kriyA (hotI hai). akriy hone par bhI kriyAtmak hai. use pariNaman chalatA hI rahatA hai. pratyek guNakA kArya AtA hai. gnAn gnAnarUp pariNamatA hai, Ananda AnandarUp kArya lAtA hai, gnAn gnAnarUp kArya lAtA hai. chAritra chAritrarUpase kArya lAtA hai. aise prabhutva, vibhutva Adi ananta guN apane-apane kArya rUp pariNamate hain. siddhadashAmen bhI utpAd-vyay-dhruv svabhAvamen hote hI rahate hain.

mumukShu- kAraNashuddhaparyAy hai..

samAdhAna- kAraNashuddhaparyAy alag hai. siddha bhagavAnamen jo utpAd-vyay-dhruv hote

PDF/HTML Page 120 of 1906
single page version

hain, vah to pratyek guNakA kArya AtA hai. kAraNashuddhaparyAy to anAdi ananta hai. vah to pAriNAmikabhAvarUp shuddha hai. vah alag hai. ye to siddha bhagavAnamen utpAd-vyay- dhruv hote hI rahate hain. pratyek dravyamen utpAd-vyay-dhruv hote hain. paramANumen bhI hote hain aur siddhamen bhI hote hain. kAraNashuddhaparyAy alag hai.

mumukShu- vah to dravyakI bhAnti..

samAdhAna- dravyamen anAdi ananta trikAl hai, vah alag hai.

mumukShu- use dhruvakI tarah lenA?

samAdhAna- dhruv jaisI hai, anAdi anta hai, vah alag hai.

mumukShu- utpAd-vyay use lAgU nahIn paDate.

samAdhAna- vah nahIn, vah to anAdi ananta dhruv hai. siddha bhagavAn svayam shuddharUp pariNamit ho gaye. kevalagnAnakI paryAy pariNamit hotI hI rahatI hai, AnandakI paryAy (AnandakA) kArya lAye. pratyek guNakI paryAy (hotI hI rahatI hai). usamen ananta guN hain, ananta guNakI paryAy kArya karatI rahatI hai. usamen aisI kriyA hotI hI rahatI hai, siddha bhagavAnamen.

mumukShu- AnandakA vedan unhen hotA hai?

samAdhAna- AnandakA vedan Adi kriyA hotI rahatI hai. siddha bhagavAn bilakUl kUTastha nahIn hai.

mumukShu- sAthamen nirmal paryAyakA pariNaman..

samAdhAna- nirmal paryAyakA pariNaman siddha bhagavAnamen pUrNa rUpase hotA rahatA hai. svAnubhUtimen ansh pragaT huA aur siddha bhagavAnamen pUrNa kArya hotA hai.

mumukShu- gnAn, darshan, chAritramen gnAnakI paryAy..

samAdhAna- darshan mukhya, koI apekShAse gnAnako mukhya lete hain, koI apekShAse darshanako lete hain. samyagdarshan mokShamArgamen kArya karatA hai, isaliye samyagdarshan (mukhya hai). lekin pahale mArga jAnaneke liye gnAn hotA hai, isaliye gnAn lete hain. phir muktimArgamen samyagdarshan mukhya hai. donon apekShAse donon lete hain.

samadhAna- gurudev to gurudev the, gurudev to koI alag hI the. shAshvat rahen, aisI sabakI bhAvanA hotI hai. bhAvanA anusAr is kudaratake Age kisIkA kuchh nahIn chalatA. vah bAt koI kah sakatA hai? gurudevake guNakA varNan.. gurudev to mahApuruSh is pancham kAlamen janme, mahAbhAgyakI bAt hai. sabako unakI vANI milI, koI atishayatAyukta sAtishay vANI thI. sabako AtmA dikhe aisI unakI vANI thI. bhedagnAn ho jAye, svayamke puruShArthakI mandatAse jIv aTakatA hai. bAkI unakI vANI to koI alag hI

PDF/HTML Page 121 of 1906
single page version

thI. unakA dravya tIrthankarakA, is panchamakAlamen padhAre kahAn-se? mahAbhAgya, panchamakAlakA mahAbhAgya ki gurudev yahAn padhAre. unake guNonkA varNan kyA karen? gurudev to sarvotkRuShTa is panchamakAlamen the.

mumukShu- pragnA khIle to hotA hai, to pragnA khIlAnekI kalA kaisI hotI hai?

samAdhAna- bhale buddhise, vichArase nakkI kare. pahale to buddhise, vichArase nakkI karanA hotA hai. chAron orase yuktise, nyAyase nakkI kare. lekin pragnA to kise kahate hain? gnAyakako pahachAne to use pragnA kahate hain. gnAyakako pahachAnakar ki yah main gnAyak, yahI gnAyak hai. jis kShaN rAgAdi hote hain, usI kShaN yah gnAn hai aur yah rAg hai, aise bhinna kare to yahAn pragnA shurU hotI hai.

mumukShu- kShaN-kShaNamen anubhav hotA jAtA hai.

samAdhAna- hAn, kShaN-kShaNamen use bhedagnAn vartatA hI hai. use pragnA kahate hain. (usake pahale) pragnA nahIn hai. pahale to buddhise hI nakkI karanA paDatA hai. pahale sAdhan to use buddhi hI hotI hai. buddhise nakkI kare.

mumukShu- Age baDhaneke bAd khIlatI hai?

samAdhAna- hAn, bAdamen hotI hai. buddhi, buddhike sAth use gnAyakakI mahimA honI chAhiye. use virakti honI chAhiye ki isamen kahIn bhI sukh nahIn hai. sukh AtmAmen hai. aisA sab honA chAhiye. jignAsA, bhAvanA, buddhise nakkI (karanA).

mumukShu- jIvan utanA us rUp ho jAnA chAhiye.

samAdhAna- hAn. sachchA to use bAdamen pragaT hotA hai. pahale to buddhise nakkI karatA hai. buddhi aur buddhike sAth shuShkatA nahIn hotI. mujhe AtmAkA karanA hai. gnAyakakI mahimA Aye, ye sab AkUlatA hai, sukh kahIn bhI nahIn hai. ye vikalpakI jAlamen sukh nahIn hai, aise usase virAm lekar andar jAye. virAm yAnI use us jAtakA vairAgya AtA hai. aur buddhise nakkI kare.

mumukShu- bahut kaThin hai.

samAdhAna- kaThin hai, lekin svayamkA hai. kare to ho sake aisA hai. kahIn dUr nahIn hai. samIp (hai), svayam hI hai. anAdise dUsarA abhyAs ho gayA hai isaliye kaThin lagatA hai. isakA abhyAs aisA ho jAye, aisA prayAs kare, bArambAr kare to sahaj ho jAtA hai. parantu dUsarA abhyAs jyAdA hai aur yah abhyAs kam hai, isaliye kaThin lagatA hai.

mumukShu- bAhar khinchA jAtA hai.

samAdhAna- bAhar khinchAv rahatA hai. us prakArakA parichay ho gayA, isaliye

PDF/HTML Page 122 of 1906
single page version

aisA hotA hai. usake liye satsang Adi ho to hotA hai. to yah sanskAr dRuDh rahe. vahAn mumbaImen dUsare kShetramen pharka paDatA hai na. vahAn mandir Ane-jAnekA hotA hogA? karate raho, nakkI karo. bAharamen sab khaDA ho jAtA hai na, kShetra badale to sab parichay badal jAtA hai. svayamkI utanI dRuDhatA honI chAhiye. svayamko puruShArtha karanA chAhiye.

gurudevane sab upadesh diyA hai. Ap logonne upadesh bahut bAr sunA hogA. bachapanamen upadesh sunA hogA, vah sab yAd karanA. gurudev is kAlamen padhAre, mahAbhAgyakI bAt! aise sat svarUpakI pahachAn karavAne vAle panchamakAlamen koI nahIn thA, gurudev padhAre to sabako yah sat svarUp jAnane milA. mArga gurudevane batAyA.

mumukShu- ... anya kisIkI rAh dekhanI nahIn paDe, is thoDA (spaShTa kIjiye).

samAdhAna- jarUrat nahIn paDe arthAt dravya-vastu use kahate hain ki, vastu svayam svAdhIn hai. vastu svayam svatasiddha hai. use kisIne banAyI nahIn hai. dravya svarUp svayam dravya hI hai. usake kAryake liye bAharase kuchh Aye to kArya ho, aisA dravya nahIn hotA. dravya svatantra hotA hai. usakA kArya-usakI pariNati andar pragaT ho, vah svatantra hotI hai. use koI sAdhan Aye yA bAharake koI sAdhan mile to usakA kArya ho, aisA nahIn hotA. usake kAryakI taiyArI andar ho to sAdhan to hAjir hI hote hain. usIkA nAm dravya hai ki usake liye koI parAdhInatA nahIn hotI. vah svayam svAdhIn ho, use hI dravya kahate hain. usake kAryake liye kisIkI rAh nahIn dekhanI paDatI. aisA usakA artha hai. ananta shaktivAn hai.

chakravartI rAjA use kahen ki sab Ruddhi usake pAs ho. usakI Ruddhike liye kisIkA intajAr nahIn karanA paDe. chakravartI aisA hotA hai. vaise yah chakravartI rAjA, usake kAryake liye anya kisIkI jarUrat nahIn paDatI, anya sAdhanonkI. svayam sarva sAmarthyavAn hai. pratyek dravya. ab kyA karanA? ab yah sAdhan nahIn hai, to kaise Age baDhA jAyegA? svayam taiyAr ho to sab sAdhan hote hI hai. apanI taiyArI honI chAhiye. svayam svatantra pariNAmI dravya hai. usIkA nAm dravya kahate hain.

mumukShu- sachet aur achet, donommen ..

samAdhAna- nahIn, nahIn, vah nahIn. svayam svayamke liye svatantra hai. dUsareke liye nahIn, dUsareke liye nahIn.

mumukShu- nahIn, achet jaD dravya hai..

samAdhAna- svatantra hai. jaD jaDamen svatantra, chetan chetanamen svatantra. sab svatantra hI hai. paramANu svayam svatantra. sab svatantra hain. dharmAsti, adharmAsti sab dravya svatantra hain. usake kAryake liye kisI bhI dravyakI kisIko jarUrat nahIn hai. sAdhanonko nimitta-naimittik

PDF/HTML Page 123 of 1906
single page version

sambandha hai. bAkI use kisIke liye rAh nahIn dekhanI paDatI. pratyek dravyamen pratyek svatantra hai. usake dravya-guN-paryAy svayam svatantra pariNamate hain. usakA nAm hI dravya hai, nahIn to dravya kaisA? svatantra dravya (hai). vaisA parAdhIn dravya jagatamen hotA hI nahIn. gurudev kahate the na? bhagavAn AtmA hai. svatantra hai. (dravyamen) kuchh kam nahIn hotA, sab pUrA hI hotA hai. vah to puNya hai, ye to svatantra dravya hai.

mumukShu- bahinashrI! aisA hai kyA, ek bAr anubhUti ho, phir vah jab chAhe tab anubhUti kar sake? chAbI hAth lag gayI, jab chAhe tab anubhUti kare.

samAdhAna- hAn, kar sake. svayam andar virakta ho tab kar sake. bAharase upayog svarUpamen sameT lenA vah apane hAthakI bAt hai. svayamke puruShArthakI mandatAse bAhar aTakA hai. koI use rokatA nahIn. usakI bhAvanA ugra ho ... bhAvanA ugra ho ki svarUpamen hI lIn honA hai, to ho sakatA hai. mArga usane jAnA hai. bhAvanA ugra ho ki svarUpamen lIn honA hai, bAharamen nahIn rukanA hai, to ho sakatA hai. use koI rokatA nahIn. svayamke puruShArthakI mandatAse aTakatA hai. lInatAmen Age nahIn baDhatA to apane puruShArthakI mandatAke kAraNa.

samyagdarshan honeke bAd turanta koI shreNI lagAtA hai. chhaThThA-sAtavAn (guNasthAn) munidashA ekadam AtI hai, kisIko der lagatI hai. svayamkI kamIke kAraN hai. phir kahanemen AtA hai ki karmakA uday hai, vah sab kahaneko (kahate hain), andar svayamke puruShArthakI mandatAke kAraN aTakA hai.

mumukShu- ... andar bhAvanAkI ugratA..

samAdhAna- svayamkI bhAvanAkI ugratA ho to svayam antaramen lIn ho sakatA hai, koI use rok nahIn sakatA.

mumukShu- aisA koI niyam nahIn hai ki ek mahinemen ek hI bAr nirvikalpa ho, pandrah dinamen ho, jaisI svayamkI bhAvanA...

samAdhAna- hAn, svayamkI ugratA anusAr hotA hai. usamen niyam nahIn hai. parantu usakI bhUmikA yogya hotA hai. chhaThThe-sAtaven guNasthAnamen munidashAmen jo hotA hai, vah dashA use gRuhasthAshramamen nahIn A sakatI. kyonki vah bAharamen jyAdA rukA hai. muni usaprakArase bAharamen nahIn ruke hain, unhen turanta (nirvikalpatA) hotI hai. gRuhasthAshramamen usakA niyam munidashA jitanA (nahIn ho sakatA), bhAvanA ho to bhI munidashA jitanA nahIn ho sakatA. utanA vah chhUT nahIn sakatA. parantu usakA niyam nahIn hai. ek mahinemen ho, pandrah dinamen ho, usase bhI jaldI ho. aisA koI niyam nahIn hai. kisIko pandrah din, mahinamen, kisIko usase bhI jaldI hotA hai. aisA koI niyam nahIn hai. kisIkI ugra dhArA

PDF/HTML Page 124 of 1906
single page version

ho to usase bhI jaldI hotA hai. lekin munidashA jitanA nahIn.

mumukShu- ek saptAhamen ho, chAr dinamen ho...

samAdhAna- jaisI usakI pariNatikI ugratA ho us anusAr ho sakatA hai.

mumukShu- yadi ugratA adhik ho to jyAdA der tak tattva chintavan chalatA hai, ugratA nahIn ho to...

samAdhAna- hAn, vikalpa sahit hai, usakI ugratA anusAr tattva chintavan chalatA hai. nahIn to usakA upayog palaT jAtA hai.

mumukShu- usamen puruShArtha hI kAraN hai.

samAdhAna- puruShArthakA kAraN hai. karma to nimitta hai, vah to anAdikA abhyAs hai isaliye dauDA jAtA hai. parantu apanI ugratA yadi tattva chintavanamen ho to us anusAr rahatA hai. ise to Dor usake hAthamen hai. apane kAraNase rukA hai.