PDF/HTML Page 1302 of 1906
single page version

mumukShu- .. vah prashna hotA hai ki AtmA hai, to sab vyaktimen bhinna-bhinna AtmA hai ki sRuShTimen ek hI AtmA hai aur usakA ansh hai?

samAdhAna- sab bhinna-bhinna AtmA hain, ansh nahIn hai. sab dravya bhinna-bhinna hain. jagatamen jo AtmA hain, sab svatantra hain. yadi ek ansh ho to ekako dukhakA pariNAm ho, dUsareko dUsarA pariNAm ho, dUsareko dUsarA pariNAm ho, sabake pariNAm ek samAn nahIn hote. ekako dukh ho to sabako dukh honA chAhiye. ek mokShamen jAy, koI svAnubhUti kare, koI antar AtmAko pahachAne to koI nahIn pahachAnatA hai, kisIko janma-maraN khaDe rahate hain, kisakI mukti hotI hai. ata aise bhed paDate hain. pratyek AtmA svatantra hain, ansh nahIn hai.

sab svatantra AtmA hain, kisIkA ansh nahIn hai. ek ansh hai aur ek pUrNa vItarAg hai, usake sab ansh hain, aisA nahIn hai. jo vItarAg hote hain vah svatantra svayam rAg- dveSh chhoDakar sarvagna hotA hai. phir use vibhAv hotA hI nahIn, nirmal hotA hai. phir usake thoDe ansh rakhaDe aur thoDe nirmal rahe, aisA nahIn hotA. vah svatantra svayam... pratyek dravya svatantra hain. svayam rAg-dveSh kare svatantra aur vItarAgatA kare svatantra, donon svatantra vastu hain. svayam apane puruShArthase karatA hai. svayam vItarAg ho, svayam rAg-dveSh chhoDe. kisIkA ansh ho to ek mokShamen jAy to ek sansAramen rahe, aisA nahIn banatA. isaliye pratyek dravya svatantra hain.

mumukShu- yogavasiShTha mainne paDhA. usamen aisA hotA hai ki AtmA ek hI hai. isaliye mujhe dvidhA huyI ki vah bhI AtmAkI bAt hai, yah bhI AtmAkI bAt hai. to donon bhinna-bhinna kaise ho sakate hain? dharma bhale bhinna prakArase batAyen, parantu honA chAhiye ek hI. AtmAkI bAt hai to ek hI vastu honI chAhiye na? bhinna-bhinna kaise ho hI sakatI hai? isaliye dvidhA honese yogavasiShThakA to kise pUchhane jAnA? main kisIko aisA jAnatI nahIn. Apake pAs samAdhAn kar sakun isaliye yahAn dauDI AyI.

samAdhAna- aisA hai ki alag dRuShTimen alag bAt Aye. usamen yathArtha kyA hai, svayam vichAr karake nakkI karanA. sabhI dravya yadi ek hI hon, ek hI ansh hon to

PDF/HTML Page 1303 of 1906
single page version

jIvakI svayamkI svatantratA rahatI nahIn. svayam paratantra ho gayA. vastumen aisA anyAy kudaratamen nahIn hotA.

svayamko puruShArtha karanA ho to ek ansh puruShArtha kare aur dUsarA ansh sansAramen rakhaDe, aisA to ho sakatA nahIn. isaliye pratyek dravya svatantra hain. isaliye usamen jo AyA usakI dRuShTi alag hai, aisA samajh lenA. svayamko nyAyase kyA baiThatA hai, yathArtha vastusthiti kyA hai, apanA svabhAv kyA hai, vah svayam apanese nakkI kar lenA ki isamen aisA hai aur usamen vaisA hai, to yathArtha kyA honA chAhiye? sab ek hI ho to jIvakI svatantratA kahIn nahIn rahatI. svayam svatantrapane kar sake aisA honA chAhiye. usake bajAy sab ansh ek hon to svatantratA nahIn rahatI.

mumukShu- mere manamen nishchay to yahI huA. phir bhI isamen yah paDhA, usamen aisA hai. mujhe aisA huA ki merI agnAnatA ho sakatI hai, merI samajhamen pharka paD sakatA hai. Ap gnAnI ho, Ap yahAn tak pahunche ho to Apake pAs (samAdhAn karane AyI hUn).

samAdhAna- pratyek dravya svatantra hain. Ishvar kartA hai, Ishvar sab karatA hai. Ishvar kartA ho nahIn sakate. vItarAg ho jAy vah kartA ho to usamen rAgAdi sab A gayA. jo vItarAg ho vah svayam apanemen hI hote hain. aur usake ansh nahIn hote. usake anshakA artha yah ki svayam ek chaitanyadravya AtmA hai, usamen usakI paryAyen, usakI avasthAen, usamen ananta guN aur usakI ananta avasthAen vah usake ansh hain. bAkI dUsare dravya usake ansh nahIn hain.

svayam nij svabhAvakA kArya kare, svayam gnAnarUp, AnandarUp usakA kArya kare, vah usake ansh samajhanA. bAharake ansh vah usakA ansh nahIn hai. apane ansh hain vah svayamke ansh hai. bAharake ansh, dUsare jIvonke ansh vah usake ansh nahIn hai.

ek dravyake andar ananta svabhAv hote hain, ananta jAtake kArya hote hain, jIv vibhAvamen ho to rAg-dveShake vikalpake anek jAtake vah kArya karatA hai. vah usake ansh hain. aur svabhAvamen to gnAnarUp, AnandarUp, apanI nirmalatArUp, vikalpa rahit akelI nirvikalpa apUrva svAnubhUti, laukikamen jisakA ansh bhI nahIn hai, aisI apUrva, jise kisIke sAth mel bhI nahIn hai, aise anupam AtmAkA kArya kare vah usake ansh hain. ye bAhar dravyake ansh vah ansh nahIn hai. andar svayam apane anshasvarUp pariNamatA hai. dUsareke ansharUp svayam nahIn pariNamatA.

mumukShu- pratyek AtmAkA svabhAv ek hai, usakA artha yah huA na?

samAdhAna- svabhAv ek jAtikA hai. ek jAt hai. jAnanevAlA hai. sab jIv

PDF/HTML Page 1304 of 1906
single page version

jAnate hain. ye pudagal kuchh jAnatA nahIn. ye pudagal ek jAtike hain. isamen varNa, gandha, ras aisA sab ho, vah ek jAta. vah sab ek jAt hai. aur jo jAnanevAlA-jAnanevAlA hai, vah jAnanekI apekShAse sab jAnanevAle ek jAtike. parantu usakI jAt yAnI sab ek nahIn ho jAte.

mumukShu- ham sirpha ek dhyAn rakhe ki merA AtmA karavAtA hai aur is sharIrase main karatA hUn, to apanA ahambhAv chalA jAy na? main karatA hUn, aisA jo ham logonko lagatA hai, vah agnAn hai. hamen aisA lagatA hai ki ye sab main karatA hUn. gharamen kuchh bhI kAm karate ho, to mainne kiyA, mainne kiyA. vah ahambhAv, yadi AtmA karatA hai, AtmA karavAtA hai aur is sharIrase karatA hUn, to ahambhAv chalA jAyagA?

samAdhAna- AtmA karavAtA nahIn, AtmA jAnanevAlA hai. parapadArthakI kartAbuddhi, kuchh karanA vah usakA svabhAv nahIn hai. ye to sharIr hai, bIchamen nimitta aur vikalpa Ate hain. isaliye vikalponse hotA hai. vikalpamen AtmA juDatA hai isaliye hotA hai. lekin aisA karanA usakA svabhAv nahIn hai, aisA sab karanekA.

main to jAnanevAlA gnAyak hUn. ye sab kartAbuddhi (hai). paradravyakA main kaise kar sakUn? main koI karanevAlA nahIn hai. lekin is sharIrake sAth anAdikA sambandha hai aur vikalpa, rAg-dveShamen paDA hai. ata kartAbuddhi hai isaliye hotA hai. bAkI main jAnanevAlA hUn. kisIkA main kuchh kar nahIn sakatA. parapadArthakA main kuchh nahIn kar sakatA. ahambhAv chhoD de.ain dUsarekA kuchh nahIn kar sakatA, mere AtmAkA kar sakatA hUn. main parapadArtharUp hotA nahIn. main to svabhAvarUp hoUn vah merA svabhAv hai. ye bAharakA karanA vah merA svabhAv nahIn hai.

aise svabhAvakA vichAr kare. vikalpa Aye isaliye yah sab karanekA hotA hai. vikalpake kAraNa. main koI anyarUp ho jAUn to main ghararUp ho jAUn. yadi main ghararUp hoUn to. main to bhinna hUn. main kahIn ghararUp bhI nahIn hUn aur is sharIrarUp bhI nahIn hUn. sharIrase bhI main to bhinna hUn. isaliye ye sab karanA to svatantra hotA hai. main to mAtra vikalpa merA ho, rAg-dveShakA isaliye isamen kAryamen juDatA hUn, kartAbuddhike kAraNa. bAkI main to jAnanevAlA hUn.

mumukShu- aliptapanA A sakatA hai?

samAdhAna- A sakatA hai. puruShArtha kare to A sakatA hai. antaramen kShaN-kShaNamen aisA ho ki main to jAnanevAlA hUn. ye sab ekamek jo vikalpakI jAlamen (ho rahA hUn), vah merA svabhAv nahIn hai, main to jAnanevAlA hUn, sAkShI hUn. yah merA svarUp nahIn hai. aise antarase virakti Aye aur nirlep ho sakatA hai.

PDF/HTML Page 1305 of 1906
single page version

ye koI sukhakA kAraN nahIn hai, ye koI mahimAvant nahIn hai. mahimAvant ho to merA AtmA hai. ye kuchh mahimArUp nahIn hai. aise nirlepatA A sakatI hai. aisA sab karake ananta AtmAonne aise kArya kiye hain, mahApuruSh gRuhasthAshramamen rahakar nirlep rah sake hain. pratyek AtmA aisA shaktimAn hai ki jo kar sakatA hai.

mumukShu- lekin vah paramAtmAmen mil jAtA hai. AtmAmen jab vItarAgatA A jAy, sab chhoD sake, AtmAkA gnAn ho to Akhiramen vah paramAtmAmen mil jAtA hai?

samAdhAna- mil na jAy, vah svayam svatantra rahe. aise ananta dravya hain, aise AtmA paramAtmArUp hue hain. siddhAlay hai usamen pratyek dravya svayam apanI svAnubhUti svatantra karate hain. vItarAg hokar svayam svatantra rahatA hai, kisImen mil nahIn jAtA. usakI jAt ek hai. ek jAtake ho jAte hain. ek jAtake, svAnubhUti ek jAtakI kare, lekin pratyek svatantra hain. svayam apanemen (rahatA hai). vah arUpI hai aisA ki use koI jyAdA kShetra nahIn chAhiye. isaliye AkAshake amuk kShetramen ananta jIv rah sake, aisA paramAtmA ban jAya. jAt ek, parantu pratyek svatantra rahate hain.

mumukShu- gurudevako samarpaN karanese AtmAkA gnAn hamen ho, vah bAt satya hai? gurudevako apanA ahambhAv arpaN kar de, main hUn hI nahIn, AtmA hI hUn, jo Apake andar hai vahI meremen hai, lekin Apane sab prApta kar liyA, Apane sab samajh liyA, anubhav ho gayA. ham samajhe, hamen anubhav nahIn huA hai. anubhav ApakI kRupAse ho yA hamAre puruShArthase hI hotA hai? ApakI kRupA bhI chAhiye? gurudevakI? jise guru mAnA unakI kRupA aur apanA puruShArtha donon chAhiye yA akelA puruShArtha hI chAhiye?

samAdhAna- jo puruShArtha karatA hai use sAthamen kRupA hotI hI hai. nimittamen guru hote hain aur upAdAnamen svayam hotA hai. donon sAthamen hote hain. gurukI kRupA to usamen sAthamen hotI hI hai. vastusthiti-se svayam puruShArtha kare tab hotA hai, parantu gurukI kRupA to sAthamen hotI hai.

mumukShu- ab, Apako mainne guru mAnA. ab, yahAn roj to nahIn A sakatI. mumbaI rahatI hUn, bachche hain... shraddhApUrvak yah mAnatI hUn. to sansAramen rahakar sansArase alipta rahakar, manase alipta rahakar, sansArake kArya chalate rahe, alipta rahakar bhI Apako guru mAnakar, main Apake vachan paDhakar, karake main prApta kar sakatI hUn? yA pratyakSha guru chAhiye hI?

samAdhAna- svayam prApta kar sakatA hai. svayam kahIn bhI baiThakar puruShArtha karake sachchA samajhe to prApta kar sakatA hai. prApta kar sakatA hai. aisA hai ki anAdi kAlamen jIv janma-maraN karate-karate use ek bAr guru athavA dev koI milate hain. unakI pratyakSha

PDF/HTML Page 1306 of 1906
single page version

vANI sune, vah pratyakSha vANI sunakar andar Utar jAy, phir kahIn bhI ho, vah prakaT kar sakatA hai. gurudev mumbaImen padhArate the, mAlUm nahIn hogA?

mumukShu- nahIn, pahale main ek bAr gaI thI.

samAdhAna- gaye the? vahAn mumbaImen.

mumukShu- hamako svayamko lage, shraddhA baiTh jAy ki yah satya hai, mujhe is mArga par jAnA hai.

samAdhAna- shraddhA, svayam antaramen shraddhA kare ki yah mArga sachchA hai. phir antaramen svayamko bhedagnAn karanA bAkI rahatA hai. yah sharIr merA svarUp nahIn hai. andar vibhAv hote hain, vah bhI merA svarUp nahIn hai. main to antaramen gnAyakasvabhAv jAnanevAlA usamen Ananda bharA hai. aisI shraddhA antarase karake, andar jo ekatvabuddhi ho rahI hai use toDakar bhedagnAn karanekA prayatna kare ki main to gnAyak hUn. aise bArambAr prayatna kare, yathArtha samajhakara.

prayatnakA abhyAs bArambAr kare to use pragaT ho. usakA abhyAs yathArtha honA chAhiye. usakI shraddhA yathArtha honI chAhiye. jo gurune kahA hai, us mArga par svayam barAbar chale to apane puruShArthase pragaT kar sakatA hai. svayam kahIn bhI ho, puruShArthase kare to ho sakatA hai.

jIvanamen jo guurudevane mArga batAyA hai, us mArga par jAnA hai. koI apUrva vANI gurudevakI barasatI thI. us mArga par jAnA hai. us mArga par svayam taiyAr ho to prApta hue binA (rahatA nahIn). guruke vachan grahaN kare to usamen gurukI kRupA A jAtI hai. jo gurune jo vachan kahe us svayam andar yathArtha samajhe, samajhapUrvak, binA samajh nahIn, samajhapUrvak grahaN kare aur puruShArtha kare to use pragaT hue binA nahIn rahatA. aisA nimitta- upAdAnakA sambandha hai.

... sab kam hai. chaitanyako pahachAnanA, chaitanyako pahachAnanA. pUrA jIvan badal jAtA hai. dRuShTi bAhar kriyAommen thI, usamense chaitanya par dRuShTi karavAyI. .. usake pahale dAdaramen thA, vah kaun-sA varSha thA? 87vIn. bhAvase kare usamen .... gurudevakA pratAp vartatA hai.

muumukShu- chintA rahatI hai. jaise Apane gurudevako sab saump diyA, hamane Apako saump diyA.

samAdhAna- gurudevane bhAv... jahAn bhAvapradhAn hai, vahAn bAhya sanyog ADe Ate hI nahIn. jahAn bhAvapradhAnatA hotI hai vahAn. mArga itanA saral kar diyA. dUsaronko sat khojanA mushkil paD jAtA hai ki kyA svarUp hai? aur kis mArga par jAnA? aisA-

PDF/HTML Page 1307 of 1906
single page version

aisA jo ekadam anAjane hain, vah pUchhate haiain.

gurudevane sat kyA? vah to ekadam spaShTa karake batAyA hai ki kis mArga par jAnA hai. phir puruShArtha karanA hI bAkI rahatA hai. bAkI mArga to ekadam spaShTa karake batA diyA hai. vibhAv terA svabhAv nahIn hai. dravya, guN, paryAy usake bhed par bhI dRuShTi mat kara. akhaNDa par dRuShTi kara. ekadam sUkShmatAsUkShma karake mUl tak jAkar sab samajhA diyA hai, gurudevane.

mumukShu- ..

samAdhAna- sabako bhagavAn kahate the. are..! bhagavAn! bhagavAn kahate the. tU mUl shaktise to bhagavAn hai. Aj Tepamen bhI (AyA thA). ... koI bhed nahIn dikhatA.

.. virAjate the tab baDhatA hI jAtA thA. aur abhI bhI unakI prabhA aisI hI vardhamAn ho rahI hai.

mumukShu- Apake AshIrvAd hai, aise hI hogA.

mumukShu- asal mAnastambh kaisA hogA samavasaraNamen?

samAdhAna- us mAnastambhakI kyA bAt karanI?

mumukShu- vichAr AyA ki kuchh jAnane mile to.

samAdhAna- anek jAtake mAnastambh hote haiain. indra dvArA rachit, us mAnastambhako dekhakar mAn gal jAtA hai. jo ratna aur anek jAtake...

mumukShu- pUrA mAnastambh ratnakA?

samAdhAna- vividh ratnon dvArA rachit hai.

mumukShu- chaumukhI pratimAjI jaisI ham logonne yahAn rakhI hain, vaise hI Upar-nIche (hotI hain)?

samAdhAna- usamen to anek jAtakI rachanA hotI hai, mAnastambhamen. itanI chhoTI jagah ho, utanemen pUjA kar sake, bhagavAnako itane chhoTe devAlayamen virAjamAn karanA paDe aisA nahIn hotA. usakI rachanA koI alag jAtakI hotI hai. sab yahAn Akar pUjA karate hain.

mumukShu- ye to bahut chhoTI pratikRuti hai.

samAdhAna- hAn, chhoTA hai na.

mumukShu- vah to yojanonke vistAramen hogA.

samAdhAna- hAn, sab yojanamen hotA hai, vishAl hai. samavasaraN kitanA hai, usakA mAnastambh vaisA hotA hai. UnchA utanA hotA hai, chauDA utanA hotA hai. usakA sab nAp AtA hai.

PDF/HTML Page 1308 of 1906
single page version

mumukShu- Aj sImandhar bhagavAnakA janmakalyAN divas hai? hamAre ek bhAI aisA kahate the. janma kalyANak nahIn, kevalagnAn kalyANaka.

samAdhAna- shAstramen sImandhar bhagavAnakA keval kalyANak yA aisA kuchh nahIn AtA hai.

mumukShu- vah bhAI to shvetAmbar the.

samAdhAna- hogA unake hisAbale. lekin yahAnkA sab alag hai. .. nAradane vahAn jAkar bhagavAnakA janma kalyANak dekhA, bhagavAnakA keval kalyANak dekhA. nAradane dekhA aisA AtA hai, parantu usakA din kaun-sA aisA nahIn AtA hai. nAradajI yahAn-se sImandhar bhagavAnake pAs gaye the aur yahAn Akar bAt karate hain ki mainne sImandhar bhagavAnakA janma kalyANak yA keval kalyANak dekhA. aisA kahate hain Akara. usamen AtA hai.

phir vahAn mahAvideh kShetramen baDe-baDe mandir hain. bhagavAnakA mainne kalyANak dekhA, aisA Akar kahate hain. manuShyake hisAbase mandir baDe hote hain. pAnchasau dhanuShakA ho usase manuShya kam hote hain, parantu hote to hain na. sab nApakI bAt hai. lekin manuShya baDee hote hain.

samAdhAna- ... sanyog hai, sab lekar Aye the. isaliye unhen to sanskAr jAgRut ho gaye. jo thA vah pragaT kiyA. .. dIkShA yahAn lI, lekin badal gayA ki yah mArga sachchA nahIn hai. andarase vichAr sphUre. koI kuchh jAnatA nahIn thA. akelI kriyA hI thI. aur digambarommen bhI mArga (hone par bhI) dRuShTi to aisI kriyAmen (thI).

mumukShu- saurAShTramen to digambarakA to bahut kam sthAn hai.

samAdhAna- digambarakA nAm bhI kisIne sunA nahIn thA. kuchh nahIn. svapna bhI AyA thA ki main rAjakumAr hUn. dIkShA leneke bAda. sharIr koI alag hI hai. svapna barAbar unhen hUbahU (AtA thA). is bhavakA sharIr nahIn, sharIr alag hI thA, aisA kahA thA. baDA sharIr thA.

mumukShu- ... pakkA ho gayA. gurudev..

samAdhAna- tIrthankar hUn, tIrthankar honevAlA hUn, aisA antaramen-se (AtA thA). aisI pratIt AtI thI.

mumukShu- aisI pratIt AtI ho to apane dravyake kAraN aisA khyAl AtA hogA?

samAdhAna- apanA dravya aisA hai, isaliye antaramen-se pratIt hotI thI. sunA ho vah to barAbar hai, lekin andarase nij dravyakI aisI yogyatA hai isaliye pratIt AtI thI. .. pratIt antaramen kab ho? ki apanI yogyatA andar sAthamen hai, isaliye pratIt AtI hai.prashamamUrti bhagavatI mAtano jay ho!