PDF/HTML Page 1627 of 1906
single page version

mumukShu- param upakArI, param pavitra AtmA, param pUjya bhagavatI mAtAnI pavitra sevAmAn. he bhagavatI mAtA! A bharat sadAy ApanA darshan karavA khUb-khUb utsuk rahatA hai. yah jIv Apake mukh-se dharmake do shabda sunaneke liye atyant tarasatA rahatA hai. ApakI mulAkAtake vakta khaDe honekA man nahIn hotA. hamArA prem ati bhAvAveshamen Apako darshA nahIn sakate. netra ashru-se bhar jAte hain. isaliye Aj atyant gadagadit hokar mere bhAvAveshako is patra dvArA darshAye binA rah nahIn sakatA.

pUjya gurudev dvArA jo apUrva prem gnAnI bhagavantonke prati pragaT huA hai, vah ab hRudayake pAtAlako toDakar bAhar AyA hai. lAchAr hUn, bhagavant! main lAchAr hUn. main koI avagnA, avinay karatA hoUn to hAth joDakar pratham hI kShamAyAchanA karatA hUn.

aise to Ashcharya jaisA hai ki man-se to sadA hI Apako sAkShAt danDavat praNAm hI hote hain. pUjya gurudevakI sAtishayatA yukta vANI-se mohakI keleke vRukShakI puShTa huyI gAnTh itanI kamajor hone lagI hai ki ahankAr, abhimAn, ghamanD ityAdi sab meremen chUr-chUr ho rahe hain. isaliye tanakar chalanekI shakti vahAn sonagaDhamen kahAn hai? gnAniyonke charaNommen chhoTe pillakI bhAnti loT lUn, aise bhAv nirantar vedanamen Ate hain. kamAl hai, mAtA!

dhanya ho mAtA! chaudah brahmANDake anantA ananta jIv sukhake nAm par jo sarAsar dukh bhogate hain, aisemen Ap sva brahmANDamen AnandakI ghUnT pI rahe ho. jo ananta jIv nahIn kar sake, us kAryako Apane sahaj sAdhya kiyA. pUjya gurudev to kahate the ki Apako aisI svarUpadhArA vartatI hai ki yadi ApakA puruShakA deh hotA to bhAvalingI santa banakar vanamen vicharate hote. aho..! ApakI yah svAnubhav dashAke premI, hamen atyant prem pragaT hotA hai.

ek strI paryAy honeke bAvajUd gajab puruShArthakA prArambh kiyA hai. puruSh nAm dhAraN karanevAle hamako atyant-atyant dhikkAr utpanna hotA hai ki aisA nAm dhAraN karaneke lAyak ham vAstavamen nahIn hai. jagatakI rachanA bhI, mAtA! aho! bhagavatI mAtA! kitanI vichitra hai ki jinhen aNumAtra nahIn chAhiye, unake Anganamen pudagalonke ThAThakI rachanA

PDF/HTML Page 1628 of 1906
single page version

ho gayI hai. tresaTh shalAkA puruShonko jagatakA alabhya vaibhav sahaj hI prApta hotA hai ki jo niyam-se mokSha jAnevAle hain.

shrI tIrthankarake janmake samay ratnonkI vRuShTi sahaj hI barasatI hai. gajabakA siddhAnta huA ki ye pudagal jinhen nahIn chAhiye, vah unake pAs hI hai. unake sachche svAmI to samakitI bhagavant hI hain. mAtA! hamAre pAs jo dhan-daulat, vaibhav jo kuchh bhI hai, vah sab ApakA hI hai, ApakA hI hai. ham pApI is bAtako samajhate nahIn hai aur jhaharIle nAgakI bhAnti dhan-daulatako hamArA samajhakar, usake mAlik banakar rakShA karanekI koshiSh karate hain. are..! pashchAtApase bhare netra-se Apake samakSha kShamA chAhatA hUn, kShamA chAhatA hUn. is bAlakakA sarvasva ApakA hai.

isaliye mumukShu jan Apako hIre-ratnase vadhAte hain. arere..! main to Apako ananta kohinUr hIre-se vadhAUn to bhI kam hai. merI shakti hotI to ApakI vANI jahAn bhI khIre vahAn ratnonkI vRuShTi sadA karatA rahatA. aise bhAv Aye binA nahIn rahate. parantu pUjya gurudev dvArA jAnA hai ki merI samyak ratnakI paryAy pragaT karun, tabhI Apako satyarUpase vadhAne jaisA Ananda hogA. adabhut adabhut bAten hain.

is suvarNapurIkI ... nishchay-vyavahArakI paripUrNa siddhi hai. sUkShma bhedarUp bAten to yahIn sunane milI hai. jisane bhagavAn AtmAko upAdey mAnA hai, lakShyamen liyA hai, jise sampUrNa vItarAgatA apanA dhyey lagatA hai, us mumukShuko vItarAgake aise pratikonke prati adabhut prem utpanna hotA hai. are..! pAgal ho jAte hain.

nandIshvar dvIpamen samakitI pairamen ghungharun bAndhakar bhagavAn samakSha nAch uThate hain. hamen to is ghor kalikAlamen, gahanatam andhakAramen Ap hI ek dIpak samAn hon. bhAratake ek kone-se dUsare kone-men jAo, are..! pUrI duniyA phir lo, Ap jaise gnAnI bhagavanta kahIn mile aisA nahIn hai. nimittakI itanI viralatAmen Apako dekhakar ham pAgal- pAgal ho jAte hain. koI abUdh jIv use vyaktimoh bhI kahate hain. parantu hamArI yah pariNati vidvattAse pArako prApta ho aisA nahIn hai. anubhavapradhAn pariNati hai. jo samajhegA vah bhAgyashAlI hogA.

are..! aise to mAtA! samAjamen siddhAntake bhed bhI utpanna hone lage hain. vastuko viparIt rUpase prarUpit kI jAtI hai. ham sab mAn chhoDakar Ap jaise shrutakevalIke samakSha baiThen to kShaNamAtramen sab samajhamen A jAya. parantu pratiShThAkA moh aur kShayopashamake abhimAnamen is tarah sabakA ikaTThA honA mushkil hai. parantu hamen to yah bAt samajhamen A gayI hai ki sUIkI nonk par rahe .... asankhyAt sharIramen-se mAtra ek sharIrake jIv bhI mokShako prApta nahIn honevAle hain, aisemen Apane abhUtapUrva viral aise mokShamArgako

PDF/HTML Page 1629 of 1906
single page version

TikAyA hai, yah koI kam AshcharyakI bAt hai?

aise nikRuShTa kAlamen bhAvalingI santonke darshan bhI jahAn nahIn hote hain, vahAn Ap ekamAtra aise samakitI bhagavantako ham kaise chhoD sakate hain? ham to Apake charaNommen hI AyuShya pUrNa karanekI ichchhA rakhate hain.

pUjya gurudevane kahA hai ki tU tere bhagavAn AtmAkI sharaN le le. vah bhagavAn AtmA phir ek samayamAtra bhI virah nahIn karavAyenge. mAtA! vah bhagavAn AtmA grahaN nahIn ho rahA hai aur hamArI ulajhanakA koI pAr nahIn hai. kahIn ruchatA nahIn hai, har jagah jahar-jahar lagatA hai. are..! mahA bhAvalingI santa gajasukumAl par to angArekI sigaDI mAtra chAr-chha ghaNTeke liye hogI, hamAre sar par to in vikalponkI bhaTThI jal rahI hai, jalAtI hai, hairAn-pareshAn karatI hai. ham vah gajasukumAlakI sigaDI ichchhate hain, parantu yah bhaTThI nahIn chAhiye, nahIn chAhiye. bachAo usake trAsase, mAtA! bachAo. gnAnI bhagavantake prati apUrva prem pragaT hue binA is bhaTThIse bachanekA upAy prApta nahIn hogA.

hamArI yah pAmar dashA hI aisI sUchit karatI hai ki hamen Apake prati sachchI bhakti utpanna nahIn huyI hai. dhanya ho vItarAg mArga! dhanya ho! shAstramen mArga hai parantu marma to Ap gnAniyonke hRudayakamalamen virAjatA hai. suvarNapurIke mumukShu Ap dvArA prakAshit marmako prApta hon, aisI bhAvanA hotI hai. santa binA antakI bAtakA ant prApta nahIn hotA.

pUjya gurudev dvArA mArga samajhamen Aneke bAd yah mastak Ap samakitI bhagavantako arpaN ho gayA. sachche dev-guru aur dharmake sivAy prANAnta hone par bhI kahIn naman ho sake aisA nahIn hai. are..re..! UparakA 31 sAgaropamavAlA dev Akar chakravartI jaisI Ruddhi-siddha de to bhI kuchh nahIn ho sakatA. kyonki Apake charaNommen namA huA mastak kahIn aur nahIn namegA.

bhagavAn kundakundAchAryako Ap mile the. bhagavAn trilokInA. sImandhar bhagavAnakI bhI Apane bhenT kI thI. in sab bAton-se netra ashrAnvit ho uThate hain. isaliye samayasAr Adi shAstronke prati apUrva-apUrva prem AtA hai. aise abhUtapUrva kartAkA pramAN dekar ham par jo ananta upakAr huA hai, pUjya gurudevakI pahachAn bhI Apane hI karavAyI ki yah tIrthankar dravya hai. ham pAmar Apake alAvA yah bAt kaise jAn pAte?

shrI tIrthankarake gamanamen dev ekake bAd ek kamalakI rachanA karate hain. ham mumukShu Apake upakArake badalemen Apake gamanake samay ekake bAd ek ... mulAyam panth banAye to bhI kam hai.

mAtA! likhanemAtra yah shabda nahIn hai. Apake param upakAr-se bhIge huye ye shabda

PDF/HTML Page 1630 of 1906
single page version

hain. bahut likh liyA. hamArI ulajhan chAhe jitanI bhI ho, parantu paripUrNa gnAn prApta kiye binA chain-se baiTh sake aisA nahIn hai. isaliye ham kahIn bhI santuShTa ho aisA nahIn hai. ApakA dilAsA shAnti detA hai. parantu bhagavAn trilokInAthako vash kiye binA chain-se baiTh sake aisA nahIn hai. is sansAr-se ab bas hoo, bas hoo. pUjya shrImadajI likhate hain ki prANiyonko mRutyukAlamen yam jitanA dukhadAyak lagatA hai, usase bhI adhik dukhadAyak hamen sang lagatA hai.

yah bhAvanA bhAkar mujh-se huA avinay, ashAtanA, abhakti huyI ho to usake liye sachche hRuday-se ApakI kShamA chAhatA hUn. ApakI dIrghAyu ichchhatA hUn.

samAdhAna- ... antaramen gnAyakadev pragaT na ho tabatak use santoSh nahIn hotA. parantu shAnti rakhakar prayatna kare. svayam bArambAr gnAyakadevako grahaN karake usakA hI abhyAs (kare). usakA svabhAv antaramen-se kaise grahaN ho? bArambAr usakA abhyAs kare. ulajhanamen Akar aisI ulajhanamen na A jAy ki ekadam ulajh jAya. ekatvabuddhi toDanekA shAnti rakhakar prayatna karanA. prayatna svayamko hI karanekA hai.

apanI bhUl-se svayam vibhAvamen dauD jAtA hai. apanI mandatA-se. svayam puruShArtha kare to apanI or AtA hai. isaliye bArambAr gaharAImen jAkar svabhAvako grahaN karanekA bArambAr prayatna kare. jaise anAdikA abhyAs sahaj ho gayA hai, vaise chaitanyakA abhyAs use sahaj jaisA, bArambAr sahaj jaisA ho jAy aisA kare to antaramen-se gnAyak pragaT hue binA nahIn rahatA.

yathArtha bAdamen hotA hai, parantu pahale use duShkar paDe aise nahIn parantu bArambAr kare to sahajapane pahachAn hotI hai. ye anAdikA abhyAs use sahaj ho gayA hai. parantu chaitanya to apanA sahaj svabhAv hai, parantu vah duShkar ho gayA hai. apanA sahaj apanemen- se pragaT ho aisA hai, to bhI use duShkar ho gayA hai. parantu bArambAr usakA abhyAs kare to vah pragaT hue binA nahIn rahatA. usakA abhyAs, usakA parichay bArambAr gnAyakakA kare to pragaT hue binA nahIn rahatA. bAhar-se dev-guru-shAstrakA parichay aur antaramen chaitanyakA parichaya.

mumukShu- gnAnIko bhI mArgake kramakA sevan karanA paDatA hai. to mumukShuonko aise kramakA sevan karanA paDatA hogA? yA shIghra prApta ho jAy aisA bhI hai?

samAdhAna- shIghra prApta ho sakatA hai, lekin usake puruShArthakI mandatA hai. ek hI upAy hai-bhedagnAnakA. jo ekatvabuddhi ho rahI hai use, chaitanya gnAyak main bhinna hUn aur yah bhinna hai. vibhAv aur svabhAv dononko bhinna-bhinna karanA. usamen yathArtha ruchi, yathArtha mahimA, lagan laganI chAhiye. antaramen tattva vichAr karake svayamko svabhAv grahaN

PDF/HTML Page 1631 of 1906
single page version

karanekI aisI shakti andar-se parIkShak shakti pragaT karanI chAhiye ki yah svabhAv hai, yah vibhAv hai. lekin vah huye binA nahIn rahatA, andar lagan lage to.

dev-guru-shAstra, gurudev kyA kahate hain, us Ashayako grahaN karaneke liye svayam andar taiyArI kare aur antaramen chaitanyakA svabhAv grahaN karanekI aisI apanI tIkShNa taiyArI kare to hue binA nahIn rahatA. upAy to ek hI hai. gnAyak tattva bhinna aur yah vibhAv svabhAv bhinna. main akhaNDa gnAyak hUn. usamen guNabhed, paryAyabhedakA gnAn usamen samA jAtA hai. yathArtha dRuShTi ho to usamen sab gnAn samA jAtA hai. vah bhed, vAstavik bhed guNabhed, paryAyabhedakA gnAn karatA hai. bAkI vibhAv hai vah apanA svabhAv nahIn hai. usase bhinna paD jAtA hai.

main chaitanyatattva bhinna hUn. usamen ananta guN-se bharA huA akhaNDa chaitanya hUn. usamen koI bhedabhAv nahIn hai. parantu vah lakShaNabhed aur paryAyabhedakA gnAn karatA hai. mArga to ek hI hai-bhedagnAn karanekA upAya. parantu usake liye use taiyArI aur apanI pAtratA taiyAr karanI paDatI hai.

ek AtmArthakA prayojan hai. bAkI sab laukik prayojan usake Age gauN ho jAte hain, chhUT jAte hain. ek AtmArthakA prayojan rahatA hai.

mumukShu- .. is kAlamen ApakI bAt aisI hai. lekin pariNaman nahIn ho rahA hai.

samAdhAna- svayamko karanA hai. bArambAr usakA gholan, manan Adi karanA hai.

mumukShu- aise pUjA karanI chAhiye, aisA hI karanA chAhiye. sarva pratham dRuShTikA viShay hI grahaN karanA?

samAdhAna- ruchi to svabhAvako grahaN karanekI hotI hai. parantu jabatak nahIn hotA hai, tabatak bAharamen ashubhabhAv-se bachaneke liye shubhabhAv Aye binA rahate nahIn. vah kahAn khaDA rahegA? antaramen to sthir hotA nahIn, dRuShTi bhI pragaT nahIn huyI hai, to lInatAkI bAt to bAdakI hai. dRuShTi athavA lInatA antaramen jAnekA kuchh pragaT nahIn huA hai, mAtra ruchi karatA hai. ruchi svabhAvako grahaN karanekI hai, parantu usakA upayog kahAn sthir rahegA? isamen nahIn rahegA to ashubhamen jAyegA. shubhabhAvamen vah khaDA rahatA hai.

svayamko pragaT nahIn huA hai, parantu jisane pragaT kiyA hai (aise) jinendra dev, guru aur shAstra par use mahimA aur bhakti Aye binA nahIn rahatI. mahimA aur bhakti Aye isaliye (kahatA hai ki) main kis tarah ApakI pUjA karun? kis tarah main bhakti, sevA karun? main meremen to kuchh pragaT nahIn kar sakatA hUn, parantu Apane jo kiyA usakA mujhe Adar hai. isaliye use bIchamen pUjA, bhakti Adi AtA hai. amuk aisA karanA hI chAhiye, aisA nahIn, parantu use aisI bhAvanA AtI hai. use ashubhakI ruchi nahIn

PDF/HTML Page 1632 of 1906
single page version

hai, isaliye shubhabhAvamen AtA hai. use shuddhAtmAkA dhyey hotA hai. shubhako sarvasva mAn le to vah galat hai. use shraddhA (ho jAy ki) shubhamen sab A gayA aur usamen merA dharma ho gayA. aisA mAne to galat hai. parantu andar shuddhAtmA pragaT karanekA (dhyey hai). shubhabhAv-se bhI main bhinna hUn. shraddhA to aisI hai, parantu usamen vah Tik nahIn pAtA, isaliye shubhabhAvamen, jis par svayamko prem hai, jisane pragaT kiyA, bhagavAnane sampUrNa pragaT kiyA, gurudev sAdhanA karate hain aur shAstrommen usakI-AtmAkI sab bAten AtI hain. unake liye main kyA karun? kyA karun aur kyA na karun? isaliye use pUjA, bhakti, sevA ityAdi sab AtA hai. guru-sevA, jinendra pUjA Adi AtA hai. svAdhyAyAdi AtA hai. vah khaDA rahe to kahAn khaDA rahegA?

mumukShu- ashubhamen chalA jAyagA.

samAdhAna- ashubhamen chalA jAyagA. isaliye vah mahimAmen khaDA rahatA hai. jinendrakI mahimA, gurukI mahimA. svayamko chaitanyakI mahimAke poShaNake liye usamen khaDA rahatA hai. us rAg-se antar kuchh pragaT hotA hai, aisI usakI shraddhA nahIn hai. parantu vah bIchamen AtA hI hai, Aye binA nahIn rahatA. use aise tIvra kaShAy nahIn hote, manda paD jAte hain. isaliye jinendra pUjA, guru-sevA Adi sab AtA hai. jise gRuddhi nahIn hotI. jo sab vibhAv chhoDaneke liye taiyAr hotA hai, use vah sab manda paD jAtA hai. mujhe AtmA kaise pragaT ho? aisI ruchi hai. main shuddhAtmA nirvikalpa tattva hUn, mujhe koI vikalpa nahIn chAhiye. nirvikalpa tattva kaise pragaT ho? vah pragaT nahIn huA hai. usakI shraddhA yathArtha rUp-se jo honI chAhiye, vah bhI nahIn hai. mAtra buddhi-se (nakkI) kiyA hai. to use shubhabhAvamen jinendra pUjA yA guru-sevA Adi sab AtA hai. svAdhyAya.

shAstramen AtA hai na? shrAvakake kartavya. svAdhyAy, dhyAn Adi. parantu vah dhyAn yathArtha dhyAn nahIn hotA. shubhabhAvarUp hotA hai. (shubhabhAv-se) dharma hotA hai aisA vah nahIn mAnatA. parantu shrAvak bahubhAg pUjA, bhakti, sevA Adimen juDate hain.

mumukShu- pUjya gurudevako to suvarNapurIke prati bahut prem thA. to Apake pAs to devake bhavamen-se Ate honge. hamen to bahut virah lagatA hai ki gajab ho gayA. tIrthankarakA dravya is kAlamen hamAre nasIbamen kahAn? hamAre bhAgyamen kahAn?

samAdhAna- mahAbhAgya bharatakShetrakA. gurudevakA yahAn avatAr huA. itanA upadesh unakA AyA, koI apUrva vANI barasI. unakA tIrthankarakA koI apUrva dravya thA. kitane lAkhon, kroDo jIvonko mArga batAyA. gujarAtI, hindI sabako. (kitanonkA) nivAs yahAn suvarNapurImen ho gayA. barason tak yahAn 45-45 sAl (vANI barasAyI). vihAr har jagah karate the.

PDF/HTML Page 1633 of 1906
single page version

mumukShu- devake bhavamen rAgakI bhUmikAmen unhen hamArA smaraN nahIn AtA hogA? samAdhAna- vah to upayog rakhe to dekhe ki ye sab bhakta yahAn bharatakShetramen the. ... gurudev devake rUpamen hI the. pahanAvaT devake rUpamen thI. devake rUpamen pahachAn sake ki ye gurudev hI hain. aur gurudevane kahA. aisI bhAvanA ho ki gurudev.. chitra Adi.. svAdhyAy mandir gayI thI. gurudev yahAn nahIn hai. gurudev kaise Aye? gurudev mAnon devake rUpamen svapnamen yahAn padhAre. bhAv aisA huA ki gurudev! padhAro, padhAro. gurudevane aisA kahA ki, aisA kuchh nahIn rakhanA, main to yahIn hUn. gurudevane kahA, bahin! main to yahIn hUn, aisA kuchh nahIn rakhanA.