PDF/HTML Page 1660 of 1906
single page version

samAdhAna- .. palaTanA to svayamko (paDatA hai), pariNati svayamko palaTanI hai. apanI or AnA, svasanmukh honA, apanI or dRuShTi karanI, apanI or gnAn aur apanI or lInatA karanI, vah svayamko hI karanA hai, svayamko ho palaTanA hai.

mumukShu- usakA koI kram, vidhi?

samAdhAna- vidhi aur kram ek hI hai. usakI laganI, usakI mahimA. gurudevane jo mArga batAyA use antar-se yathArtha samajhanA, yathArtha gnAn karanA. gurudevakA kyA Ashay thA? svabhAv grahaN karanekA prayatna karanA.

mumukShu- svarUpakI mahimA nahIn AnekA kAraN upayog utanA antar taraph muDatA nahIn hogA aur par viShayamen ruchi hai, isaliye nahIn AtI hogI?

samAdhAna- ruchi par taraph jAtI hai, antaramen parakI mahimA hai. apanI svakI mahimA kam hai aur dUsarekI mahimA lagatI hai. sva taraph prayatna nahIn jAtA hai. pramAd hai, mahimA kam hai, ruchi kam hai. use jarUrat lage to chAhe jaise bhI vah prayatna kiye binA nahIn rahatA. mujhe yah karanA hI hai (aisA ho) to svayam antaramen-se palaTe binA rahatA hI nahIn. parantu utanI svayamkI mandatA hai isaliye palaTatA nahIn hai.

mumukShu- mandatAmen-se tIvratA honeke liye bhI svayam usakI ruchi baDhAye. ruchi baDhAneke liye kyA karanA?

samAdhAna- svayam hI ruchi (kare ki) svabhAvamen hI sarvasva hai, bAhar kahIn nahIn hai. jo ananta bharA hai vah svabhAvamen hai. bAhar-se kuchh nahIn AtA. bAhar lene jAtA hai, lekin bAhar-se kuchh prApta nahIn hotA. jisamen bharA hai, jisamen svabhAv bharA hai usamen-se pragaT hotA hai. jisamen hai usamen-se pragaT hotA hai. jisamen apanA astitva hai, usamen sab hai. usamen-se hI pragaT hogA. aisA svayam dRuDh nirNay kare. aisI dRuDh pratIt kare to apanI taraph apanA puruShArtha jhukatA hai.

ananta kAl-se bAhar-se prApta karaneke liye vyartha prayatna kiye, kriyAen kI, sab kiyA. shAstramen AtA hai na? vrat, niyam dhAre, tap, shIl Adare parantu paramArtha-se bAhya hai isaliye svayamko mokSha ... sab kiyA. munivrat dhAre, sab kiyA parantu antaramen palaTA

PDF/HTML Page 1661 of 1906
single page version

nahIn. meremen-se hI sab AnevAlA hai. aisI pratIt aur aisA gnAn svayamne nahIn kiyA. us jAtakA apane svabhAvakI mahimA nahIn AyI hai. shubhamen karake santuShTa ho gayA hai. shubhabhAvamen santuShTa ho jAtA hai. ashubhamen-se shubhamen palaTA kiyA, parantu jo tIsarI bhUmikA hai, usamen nahIn jAtA hai. jo shuddhAtmAkI bhUmikA hai, us taraph nahIn jAtA hai. in dononkI or palaTatA rahatA hai, tIsaremen nahIn jAtA hai.

mumukShu- tIsarI bhUmikA AtmA..

samAdhAna- andar bhUmikA hai usamen nahIn jAtA hai. bArambAr usakA abhyAs, usIkI Adat, bArambAr karatA rahe to usamen-se ugra puruShArtha jAgRut hotA hai, tab vah palaTatA hai. par taraph jAy, parantu bArambAr apanI or prayatna karatA rahe, bArambAr usakI Adat, raTan, prayatna karatA rahe to us or palaTanekA use avakAsh hai.

mumukShu- apUrvatA lage to sahaj hai. parantu usake pahale jo apUrvatA laganI chAhiye ki jisase puruShArtha parasanmukh-se haTakar svasanmukh ho. vah kis prakArakI apUrvatA hai aur vah kaise lage?

samAdhAna- jo gurukA upadesh Ave, guru koI apUrva bAt karate ho ki AtmAkA svarUp aisA hai, kuchh alag hai, aisA jo upadesh gurudevakI vANImen Ave, us vANIkI apUrvatAkA bhAs svayamko lage ki ye kuchh apUrva kahate hain aur AtmAkA svarUp koI apUrva hai. aisI apUrvatA (lage). use gurukI vANImen-se koI apUrvatA use grahaN ho, apanI ruchi-se, yah vibhAv hai vah to AkulatArUp hai, parantu AtmA koI apUrva hai. gurudevakI vANImen-se aisI apUrvatA use grahaN ho. apUrva pragaT nahIn huA hai, parantu pratyakSha gurukI vANImen jo AtA hai, usakI apUrvatA antaramen (lage). svayamkI pAtratA ho use aisI pratIt ho jAtI hai apragaTapane ki AtmA koI apUrva hai. aisI use ruchi aur pratIt (ho jAtI hai).

samyagdarshanakI pratIti alag bAt hai. parantu pahale use aisI ruchi, apUrvatAkI ruchi ho jAtI hai ki ye AtmA vastu koI apUrva hai. yah bAt apUrva hai, parantu AtmA vastu hI apUrva hai. dev-gurukI vANImen-se use apUrvatA (lagatI hai), nimitta-upAdAnakA aisA sambandha hai. use apUrvatA aisI bhAsit ho jAtI hai ki ye koI apUrva vastu hai aur apUrva puruShArtha karane taraph use antaramen ruchi pragaT hotI hai. dekhA nahIn hai, kiyA nahIn hai, parantu jise pragaT huA aise pratyakSha guru batAte hain aur use apUrvatA bhAsit ho jAtI hai.

mumukShu- dev-gurukA nimitta aisA hai ki jisamen use apUrvatA bhAsit hotI hai.

samAdhAna- apUrvatA bhAsit hotI hai. deshanA labdhi pragaT hotI hai, is prakAra.

PDF/HTML Page 1662 of 1906
single page version

upAdAn-nimittakA aisA sambandha hai.

mumukShu- koI bAr mAtAjI! (aisA lagatA hai ki) shuruAtamen gurudevako sunate to tab atyanta Ananda aur ullAsapUrvak (sunate the). usake bAd itane nirlaj ho gaye hain. ek bAr nirlajja ho jAneke bAd vah shabda asar nahIn karate. aisI sthiti ho gayI ho aisA lagatA hai. vahI shabda bAr-bAr sunate ho, isaliye pahale vahI shabda sunate vakta jo apUrvatA lagatI thI, (vah apUrvatA nahIn lagatI hai).

samAdhAna- apUrvatA lagatI thI. apanA puruShArtha utanA chalatA nahIn, isaliye aisA ho ki sunate rahate hain. puruShArtha Age gati kare nahIn, isaliye aisA ho jAtA hai ki pahale sunate vakta ekadam Ashcharya laganeke bajAy madhyam jaisA ho jAtA hai.

mumukShu- usakA matalab yah hai ki sunate hI usakA puruShArtha andar chAlU rahe to us jAtakI apUrvatA lage aur apUrvatA-se visheSh ullAs Aye.

samAdhAna- visheSh ullAs Aye. apanA puruShArtha Age nahIn baDhatA hai, isaliye vah madhyam prakAr-se sunatA rahatA hai. aisA ho jAtA hai.

mumukShu- pratyek samay sunate vakta Ashcharyachakit ho jAy, to aisA kahA jAy ki isamen navIn-navIn (lagatA hai).

samAdhAna- to apanI visheSh taiyArI honekA kAraN bane. puruShArtha adhik jAgRut hotA hai.

mumukShu- Apane kahA na ki Ashay nahIn grahaN kiyA. sunane par bhI usakA Ashay grahaN nahIn karatA hai.

samAdhAna- unhen gaharAImen kyA kahanA hai? yA guruedav kyA kahate hain? vah Ashay grahaN karake phir prayatna nahIn kiyA hai. pahale to vah Ashay grahaN nahIn karatA hai. Ashay grahaN karake phir jo puruShArtha apanA chalanA chAhiye, vah puruShArtha uThatA nahIn. gurudevane mArga batAyA ki mArga yah hai. use buddhimen grahaN huA, parantu antaramen use UtArakar Age baDhanA chAhiye, vah Age nahIn baDhatA. to aise hI madhyamamen khaDA rahatA hai. jis jAtakI ruchi hai usamen visheSh Age nahIn baDhatA hai, isaliye aise hI khaDA rahatA hai.

anAdi kAl-se to kuchh sunane nahIn milA. koI bAr milA to usane grahaN nahIn kiyA. aur grahaN kare to puruShArtha nahIn karatA hai. Ashay grahaN kare to bhI Age nahIn baDhatA. use buddhimen aisA nakkI hotA hai ki gurudevane yah mArga kahA hai. vikalpa-se AtmA bhinna hai, AtmA shAshvat hai, AtmAkA svabhAv is vibhAv-se bhinna hai. guNabhed, paryAyabhed vah bhed bhI vAstavikarUp-se AtmAmen nahIn hai. vah to akhaNDa svarUp hai. ye sab lakShaNabhed hai. aisA buddhimen grahaN karatA hai, parantu antaramen jo pariNati

PDF/HTML Page 1663 of 1906
single page version

karanI chAhiye vah nahIn karatA hai. mAtra buddhi-se nirNay karatA hai. Age nahIn baDhatA. use utanemen santoSh ho jAtA hai ki karenge-karenge, aisA andar pramAdabhAv rahatA hai, isaliye Age nahIn baDhatA.

mumukShu- vah apUrvatA pUrI-pUrI bhAsit nahIn huyI hai.

samAdhAna- vAstavamen aisA le sakate hain. parantu use sthUl dRuShTi-se apUrvatA lage to bhI puruShArtha nahIn karatA hai. aur yadi sachchI apUrvatA lage to use chain paDe nahIn ki ye sab apUrva nahIn hai, parantu antaramen apUrva hai. isaprakAr vAstavik antaramen jyAdA dRuDh ho to jyAdA Age baDhe. sthUlarUp-se aisA kah sakate hain ki use apUrvatA bhAsI hai, parantu puruShArtha nahIn karatA hai. buddhi-se nirNay kiyA vah bhI satya nirNay kab kahA jAy? ki pariNati ho to. parantu pahale usane amuk prakAr-se nirNay kiyA hai, jignAsAkI bhUmikA anusAra.

mumukShu- sachchA nirNay bhAvabhAsanarUp nahIn hotA hai. sachchA nirNay yAnI ki main gnAyakamAtra hUn, aisA ho jAnA chAhiye, usamen bhAvabhAsanarUp jis prakAr honA chAhiye ki ye chaitanya so main, aisA (nahIn hotA hai).

samAdhAna- sachchA nirNay hove to andar pariNati hue binA nahIn rahatI. vah buddhi-se nirNay (karatA hai). aur apUrvatA buddhi-se lagatI hai. andar sachamUchamen apUrvatA lage to vah use pragaT hue binA nahIn rahatA. antaramen bhAvabhAsan ho to usakI pariNati pragaT hue binA nahIn rahatI.

mumukShu- itane puruShArtha paryant bhI nahIn pahunchatA hai.

samAdhAna- puruShArta paryant nahIn pahunchatA hai.

mumukShu- bahinashrI! Apane vachanAmRutamen 47 nambarake bolamen ek dRuShTAnta diyA hai ki "makaDI apanI lAramen bandhI hai vah chhUTanA chAhe to chhUT sakatI hai, jaise gharamen rahanevAlA manuShya anek kAyAmen, upAdhiyomme, janjAlamen phansA hai parantu manuShyarUpase chhUTA hai'. is dRuShTAnta par-se siddhAnta jo Apane kahA ki trikAlI dhruv dravya kabhI bandhA nahIn hai. yah dRuShTAnta hI samajhamen nahIn A rahA hai. manuShyarUp-se chhUTA hai aur upAdhimen bandhA hai, isamen kaise UtAranA?

samAdhAna- dRuShTAnta sarva prakAr-se lAgU nahIn paDatA. usakA Ashay grahaN karanA. manuShya to ekadam chhUTA hai. upAdhimen bandhA hai, vah dRuShTAnta to sthUl hai. bAhar-se bandhA hai, anyathA nahIn bandhA hai. dRuShTAnta yahAn tak sImit hai ki chaitanyadravya vAstavikarUp- se paradravyake sAth bandhA nahIn hai. dravya apekShAse chhUTA hI hai. chaitanyadravya is pudagaladravyake sAth bandhanamen nahIn AyA hai. pudagal to jaD hai aur svayam chaitanya hai. chaitanya chaitanyarUp-

PDF/HTML Page 1664 of 1906
single page version

se chhUTA hai aur pudagal pudagalarUp-se chhUTA hai. donon bhinna dravya hain. phir bhI svayam bhramaNA-se vikalpakI pariNatimen mAn liyA hai ki main bandh gayA hUn. main sharIrarUp ho gayA, main vikalparUp ho gayA, aisA svayamne mAn liyA hai. parantu vAstavik dravya kahIn paradravyarUp nahIn huA hai, bhinna hai.

bhinna hai, us bhinnako tU bhinna jAn le. aur jo kalpanA ho gayI hai ki main isamen bandh gayA hUn, sharIrarUp ho gayA, vikalparUp ho gayA, aisA ho gayA, usamen- se terI mAnyatA-bhramaNA chhoDakar, tU bhinna hI hai, us bhinnako grahaN kar le. bhinna hai vah bandhanamen A gayA ho to use bandhan kaise toDun aisA ho, lekin tU vAstavikarUp- se bandhA hI nahIn hai. isaliye tU bhinna hI hai. aisA Ashay usamen-se grahaN karanA.

tU vAstavikarUp-se bhinna hai. bhinnako bhinnarUp grahaN kara. pariNatimen bandhanamen aisI bhramaNA-se usakI mAnyatA aisI ho gayI hai. isaliye terI mAnyatAko badal de ki main chhUTA hUn. ye jo pariNati hotI hai vibhAvamen, lekin us vibhAv taraph dRuShTi nahIn dekar main bhinna hUn, use grahaN karanA. paryAyamen jo pariNati ho, us paryAyako gauN karake main dravya apekShA-se bhinna hUn, aise grahaN kar le.

makaDI makaDIrUp-se bhinna hai. terI paryAyakI jo pariNati ho... parantu dravya apekShA- se tU bhinna hI hai. isaliye dravyako grahaN kara. dravya nyArA hai, itanA usamen sAbit karanA hai. tU svayam bhinna hai. ata tU bhinnako grahaN kar le. tU bandhA nahIn hai. tU mukta hI hai to muktako grahaN kar le. aisA kahanA hai.

manuShyarUp-se bandhA aur chhUTA, vah sthUl hai. parantu kahanA yah hai ki tU dravya rUp-se bhinna hai. AtmAne anAdi kAl-se chAhe jitane bhav kiye, chAhe so vibhAv hue, to bhI tU to dravyarUp-se shuddhAtmA bhinna hI hai, isaliye tU use grahaN kara. us or dekh to tU dravyadRuShTi-se bhinna hai. main bandh gayA, bandh gayA (mAnatA hai). khambheko gale lagAkar kahatA hai, mujhe chhoDa. tUne hI use grahaN kiyA hai, tU chhoD de. vaise svayamne pariNati-paryAyakI pariNatimen bhramaNA-se, apanI pariNati puruShArthakI mandatA-se vibhAvakI pariNati svayamne kI hai. ab tU mujhe chhoDa. parantu tU chhUTA hI hai, tU chhoD de. terI ekatvabuddhiko tU hI toD de to tU chhUTA hI hai.

ek dRuShTi badalanemen vah dRuShTi nahIn badal sakatA hai. usamen bAhar-se kuchh karanA nahIn hai. use dUsare kisI bhI prakArakI mahenat nahIn hai. parantu andar sthUlatAmen-se sUkShma upayog karake andar dRuShTi badalanemen use itanI dikkat ho jAtI hai. sthUl upayog ho gayA hai. sthUl pariNatimen use sab grahaN hotA hai. vikalpa, sharIr Adi. usamen-se sUkShma dRuShTi karake dishA badalanemen use mushkil ho jAtA hai. bAharakA sab karane jAtA

PDF/HTML Page 1665 of 1906
single page version

hai. sab sthUl-sthUla. upavAs karanA ho to kar de, bAhar-se mahenat karanI ho to vah karaneko taiyAr hai, parantu antaramen dUsarA kuchh nahIn karanA hai, dRuShTi badalakar nij chaitanyako grahaN karanA hai, vah mushkil paD jAtA hai. upayog sUkShma karake, sUkShma pariNati karake antaramen jAnA mushkil ho gayA hai. usamen usakA ananta kAl chalA gayA. dishA nahIn badalatA hai.

mumukShu- ek dRuShTi badalanemen ananta parAvartan ho gaye.

samAdhAna- hAn, ananta parAvartan kiye.

mumukShu- itanA kiyA to bhI use dRuShTi badalanA nahIn AyA.

samAdhAna- hAn, dRuShTi badalanA nahIn AyA. shubhabhAvakI ruchimen kahIn-kahIn aTak jAtA hai. shubhabhAv-se kuchh lAbh ho, gaharI-gaharI ruchimen, koI pravRuttike rasamen, koI kriyAke rasamen, binA pravRutti kaise rahanA? vikalpa binA kaise rahanA? aise kahIn-kahIn ruchimen aTak jAtA hai. parantu antaramen dRuShTi nahIn badalatA hai.

mumukShu- itanA saral mArga Ap batAte ho, itanA saral batAte ho ki aisA hotA hai ki itanA AsAn hai? itanA AsAn hai? aur itanA kAl aise hI (vyatIt kar diyA).

.. bolamen Apane pharamAyA hai ki pUjya gurudevake vachanAmRutakA vichArakA prayog karanA. vichArakA prayog, usakA artha kyA?

samAdhAna- gurudevake vachan...?

mumukShu- vachanAmRutake vichArakA prayog karanA.

samAdhAna- gurudev jo kahate hain, gurudevakI jo vANI hai, gurudevane jo vachan kahe, gurudevane jo upadesh diyA use tU andar UtAr, prayog karakA (artha yah hai). gurudev jo upadesh dekar mArga batAte hain, jo gurudevake vachan hai, gurudevane jo upadesh diyA aur gurudevane jo AgnA kI ho, usakA tU andar prayog kar arthAt tU tere puruShArthamen UtAra. to tujhe pariNati pragaT hogI.

gurudev jo kahate hain use mAtra sun lenA, aise nahIn. parantu usakA tU antaramen prayog kara. gurudevane aisA kahA ki tU bhinna shuddhAtmA hai. ye shubhAshubh bhAv-se bhinna andar chaitanya hai, ye jo gurudevane upadesh diyA, us anusAr tU prayog kar, usakA puruShArtha kara. andar terI pariNatimen UtAra.

mumukShu- ise shraddhAkA prayog kahen yA chAritrakA bhI?

samAdhAna- shraddhAkA prayog hai. abhI usane vikalpa-se shraddhA kI hai. antaramen yathArtha shraddhA kab kahe? ki jab nyArI pariNati ho to shraddhAkA prayog (kahe). chAritrakA

PDF/HTML Page 1666 of 1906
single page version

prayog kis kahate hain? jo pratIt ho usake sAth, jo yathArtha pratIt ho usake sAth amuk jAtakI pariNati to sAthamen hotI hai. svarUpAcharaN chAritra sAthamen hotA hai. use chAritramen ginA nahIn jAtA. visheSh lInatA ho use chAritra kahate hain. isaliye yah shraddhAkA hI prayog hai. andar pariNati pragaT karanI vah shraddhAkI pariNati pragaT karanI hai.

shraddhA arthAt yathArtha jo AtmAkA svarUp hai, usakI andar yathArtha pariNati, gnAyakakI gnAyakarUp pariNati kaise pragaT ho, vah shraddhAkI hI pariNati hai-pratItakI pariNati hai. us pratItake sAth amuk jAtakI lInatA sAthamen hotI hai. use chAritrakI koTimen nahIn kahate hain.

mumukShu- shraddhAkA aisA prayog hai. samAdhAna- hAn, aisA prayog hai. mumukShu- dRuDhatA baDhatI jAtI ho. samAdhAna- hAn, dRuDh kar ki main chaitanya hI hUn, yah main nahIn hUn. is prakAr usakI dRuDhatA karanI.