PDF/HTML Page 1787 of 1906
single page version

mumukShu- AtmAkA gnAnasvabhAv ananta hai, vah to ananta gney par-se khyAl AtA hai ki ek samayamen tIn kAl tIn lokako jAne utanA paripUrNa sAmarthya bharA hai. ananta sukh ham kahate hain, parantu ananta yAnI usakA koI khyAl nahIn AtA hai. ananta yAnI kitanA aur kis prakAr-se? jaise gnAnakA thoDA vichAr karate hain to gnAnamen thoDA vichAr lambAtA hai. parantu sukhamen utanA lambAtA nahIn hai.

mumukShu- gnAnakI bAhar-se kalpanA karI ki chAhe jitane gneyonko jAne, ek samayamen jAne, vah bAhar-se nirNay huA hai. parantu vah gney-se gnAn hai, aisA nahIn hai, gnAn to svata hai. gnAn ananta-ananta bhaNDAr hai. chAhe jitanA to bhI khatma nahIn hotA. gneyon-se gnAn hai, aisA nahIn. ananta kAl paryant pariName to bhI gnAn khatma nahIn hotA aur ananta jAne to bhI gnAn khatma nahIn hotA, aisA ananta gnAn hai.

vaise sukh bhI svatasiddha hai. ananta kAl paryant sukharUp pariName to bhI sukh khatma nahIn hotA hai. aur vah sukh jo pragaT hotA hai vah svayam ananta (hai). itanA sukh aur utanA sukh, aise nahIn, parantu sarva prakAr-se sarva ansh-se pUre asankhya pradeshamen ananta-ananta, jisakI koI sImA nahIn hai aisA sukhakA svabhAv svayam hI hai. use bAhar-se nakkI karanA vah svatasiddha vastu nahIn hai.

jaise gnAnako bAhya gneyon-se nakkI karanemen Aye, vah to svatasiddha hai, vah to gneyon-se jAnanemAtra nakkI karaneke liye hai. jaise gnAn svatasiddha hai, vaise sukh bhI svatasiddha ananta hI hai. usake ananta guN, ananta sAmarthya-se bharA huA, aisA sukh bhI ananta kAl paryant khatma nahIn hotA aur jo pragaT hotA hai vah bhI ananta hai. usake ananta- ananta anshon-se bharA hai. usake avibhAg pratichchhed Adi sab ananta hI hai. jo pragaT ho usake anshamen ananta hai aur usake avibhAg pratichchhed sab ananta hI hain.

mumukShu- vartamAnamen AkulatAkA svAd AtA hai. isaliye sukhakI ek kalpanA (karanI paDatI hai ki) anAkulatA lakShaN sukha. parantu vAstavik svAd nahIn AyA hai, isaliye usakI mAtra kalpanA hotI hai. gnAnamen to ansh pragaT hai, isaliye use to anumAn- se spaShTa (gnAnamen) liyA jAtA hai ki yah gnAn aur aisA paripUrNa gnAyak vah AtmA.

PDF/HTML Page 1788 of 1906
single page version

aisA sukhamen khyAl nahIn AtA hai.

samAdhAna- gnAn hai vah aisA asAdhAraN guN hai, vah chaitanyakA aisA visheSh guN hai ki use us prakAr-se nakkI kiyA jA sakatA hai. yah sukh hai, vah gnAnakI bhAnti, jaise gneyonko jAnane-se (gnAn) nakkI hotA hai, vaise vah sukhaguN gnAnakI bhAnti vaisA asAdhAraN us jAtakA guN nahIn hai. isaliye use nakkI karanA mushkil paDatA hai. to bhI usakA ek vedan svabhAv hai. bAhar jahAn-tahAn sukhakI kalpanA kar rahA hai, us par-se bhI jise jAnanA ho, jis mumukShuko sukhakA svabhAv jAnanA ho, to bAhar jo sukhakI kalpanA karanevAlA hai vah svayam sukhasvabhAvI hai. is prakAr use nakkI kiyA jA sakatA hai, yadi vah karanA chAhe to.

usakA lakShaN utanA hI dikhatA hai ki sukhakI kalpanA bAhar kar rahA hai. vah usakA lakShaN hai. bAkI gnAnakI bhAnti, jaise gnAnaguN asAdhAraN hai, vaisA vah nahIn hai. to bhI jaDamen kahIn sukhaguN nahIn hai. sukhaguN ek chaitanyamen hI hai. jaD jaise jAnatA nahIn hai, vaise jaDamen sukhakA koI svabhAv bhI nahIn hai. sukhakA svabhAv AtmAmen hI hai. isaliye vah kalpanA kar rahA hai, ata vah sukh svabhAv AtmAkA hai. aise nakkI kiyA jA sakatA hai. parantu antar-se svayam barAbar biThAye to nakkI kar sakatA hai.

mumukShu- samayasArakI pratham gAthAmen shrI guru apane AtmAmen aur shrotAonke AtmAmen ananta siddhonkI sthApanA karate hain. to shrotAko ananta siddhonkI sthApanA karanI, usamen kyA karaneko kahanemen AtA hai?

samAdhAna- jo gurudev samajhAye aur AchArya aisA kahate hain ki main tere AtmAmen ananta siddhonkI sthApanA karatA hUn arthAt tU siddha bhagavAn jaisA hI hai. jaise ananta siddha hai, vaisA hI tU hai, aisA ham tujhe sthApanA karake kahate hain, isaliye tU svIkAr kar ki tU siddha bhagavAn jaisA hI hai. aur siddha bhagavAnake svabhAv jaisA terA svabhAv hai, ata tU us rUp pariNaman kar aur puruShArtha kar sake aisA hai. aisA tU svIkAr kara. aisA AchAryadev evan gurudev aisA kahate hain ki ham tere AtmAmen siddha bhagavAnakI sthApanA karate haiain ki tU siddha bhagavAn jaisA hai. aisA tU svIkAr kara.

aisA shrotAonko svayamko svIkAr karanA hai. jo guru kahate hain, sAmane shrotA aise hain ki svIkAr karatA hai ki main siddha bhagavAn jaisA hUn. isaliye jo guru kahate hain, usakA main svIkAr karake pariNamit ho jAUn. aisA sthApanA karanI hai. jaise ananta siddha hai, vaisA hI main siddha bhagavAn jaisA hI hUn. merA svabhAv vaisA hI hai, isaliye main us rUp ho sakU aisA hUn. meremen kuchh nahIn hai aur main kaise karun, aisA nahIn hai.

gurudev aur AchAyA siddha bhagavAnakI sthApanA karate hain. shrotAke AtmAmen (sthApanA

PDF/HTML Page 1789 of 1906
single page version

karake kahate hain ki) tU siddha bhagavAn jaisA hai, tU svIkAr kara. jaise siddha bhagavAn hai, vaisA hI tU hai. aise sthApanA (karate hain). AchAryadev aur gurudev kRupA karake shiShyako siddha bhagavAn jaisA kahate hain ki tU siddha hai, tU bhagavAn hai, aisA svIkAr kara. ata yadi pAtra shrotA ho to vah svIkAr kar letA hai ki hAn, main siddha bhagavAn jaisA hUn. use yathArtha pariNaman bhale bAdamen ho, parantu pahale aisA nakkI kare ki hAn, majhe gurudevane kahA ki tU siddha bhagavAn (jaisA hai), to main siddha bhagavAn jaisA hUn. aisA tU svIkAr kar, aisA sthApanA karake kahate hain. ham tujhe siddha bhagavAn jaisA mAnakar hI upadesh dete hain. tU nahIn samajhegA aisA mAnakar nahIn kahate hain. tU siddha bhagavAn jaisA hI hai, aisA tU nakkI kara. to terA puruShArtha pragaT hogA.

mumukShu- antaramen manomanthan karake vyavasthit nirNay karanemen kyA-kyA AvashyakatA hai?

samAdhAna- vah to apanI pAtratA svayamko hI taiyAr karanI hai. svayam kahIn aTakatA ho, svayamko kuchh baiThatA na ho. mukhya to hai, tattvavichAr karanA. upAdAn-nimitta, svabhAv- vibhAv, kyA merA svabhAv hai, kyA vibhAv hai, mere chaitanyake dravya-guN-paryAyake kyA hai, paradravyake dravya-guN-paryAy, apane dravya-guN-paryAy, main vibhAv svabhAv-se kaise bhinna paDUn, sab svayamko apane Ap nakkI karanA hai. usakA manthan karake ekatvabuddhi kaise TUTe, AtmA bhinna kaise ho, bhedagnAn kaise ho, usakA ansh kaisA hotA hai, usakI pUrNatA kaisI hotI hai, usakI sAdhak dashA kaisI hotI hai.

gurune jo apUrva rUp-se upadesh diyA, guruko sAth rakhakar svayam nakkI kare ki ye svabhAv merA hai, ye vibhAv bhinna hai. aisA barAbar manthan kar-karake apane-se nakkI kare. aisA dRuDh nakkI kare ki kisI-se badale nahIn. aisA apane-se nakkI kare. apanI pAtratA aisI ho to svayam nakkI kar sakatA hai.

mumukShu- ... svabhAvakI pahachAn hotI hai yA sIdhI pahachAn hotI hai? vistArapUrvak samajhAnekI kRupA kIjiye.

samAdhAna- gurudevane dravya-paryAyakA gnAn bahut diyA hai, bahut vistAr kiyA hai. sUkShma rUp-se sarva prakAr-se kahIn bhUl na rahe, is tarah samajhAyA hai. parantu svayamko puruShArtha karanekA bAkI rah jAtA hai. bAt to yah hai. paryAyakI pahichAn, paryAyako kahAn pahachAnatA hai?

jo dravyako yathArtha pahachAnatA hai, vah dravya-guN-paryAyako pahachAnatA hai, vah sabako pahachAnatA hai. paryAyako svayam pIchhAnatA nahIn hai. dravyakA gnAn karanemen paryAy bIchamen AtI hai. isaliye paryAy dravyako grahaN karatI hai. paryAy dvArA dravya grahaN hotA hai. parantu

PDF/HTML Page 1790 of 1906
single page version

usamen paryAyako nahIn dekhanA hai, dravyako dekhanA hai.

vah paryAy dravyako grahaN kare aisI shakti hai. gnAnakI aisI shakti hai ki svayam dravyako grahaN kar sake. lokAlok prakAshak gnAn ek samayakA gnAn ho, vah ek samayakI paryAy jo gnAnakI hai, vah ek samayamen lokAlokako jAne. aisA usakA ek paryAyakA svabhAv hai. vah to nirmal gnAn ho gayA hai. isakA gnAn to kam ho gayA hai. parantu paryAy apaneko grahaN kar sake aisI usamen shakti hai. parantu svayam apanI taraph dekhatA hI nahIn. apanI kShati hai, svayam dekhatA nahIn hai. svayam dravyako pahachAnanekA prayatna nahIn karatA hai. main gnAnasvarUp AtmA gnAyak hUn. gnAnalakShaN dvArA svayam apaneko pIchhAn sakatA hai, prayatna kare.

jitanA gnAn lakShaN dikhatA hai, us lakShaN dvArA gnAyakakI pahichAn hotI hai. guN dvArA guNIkI pahichAn hotI hai. usamen bIchamen paryAy AtI hai, parantu paryAy grahaN karatI hai dravyako. viShay dravyakA karanA hai, grahaN dravyako karanA hai. paryAy par-se dRuShTi chhoDakar dravya par dRuShTi karanI hai. bhedagnAn karanekA hai ki ye vibhAv hai vah merA svabhAv nahIn hai. ye sab vibhAvik paryAyen, usase main atyant bhinna shAshvat dravya hUn. guNakA bhed paDe yA paryAyakA bhed paDe, vah bhed jitanA merA svabhAv nahIn hai, main to akhaNDa dravya hUn. usamen ananta guN hai. usakI paryAyen haiain. parantu usake bhed par dRuShTi nahIn dekarake ek akhaNDa dravyako grahaN karanA vahI yathArtha mArga hai aur vahI samyagdarshan hai. use yadi grahaN kare aur vibhAv-se bhedagnAn karake gnAyakakI pariNati pragaT kare aur gnAyakake bhedagnAnakI dhArA yadi pragaT kare to vikalpa chhUTakar svAnubhUti hotI hai aur vahI muktikA mArga hai aur gurudevane vahI batAyA hai aur vahI karanekA hai.

grahaN to paryAy dvArA hotA hai, parantu vah svayam grahaN kare to ho. paryAy bIchamen AtI hai. paryAyako grahaN nahIn karanI hai. paryAy par dRuShTi nahIn karanI hai, parantu dRuShTi dravya par karanI hai. grahaN to dravyako hI karanA hai. akhaNDa dravya gnAyak svabhAv, usako grahaN karanA hai.

use grahaN kare vahI muktikA mArga hai. ananta kAlamen jIvane sab kiyA lekin ek dravyako grahaN nahIn kiyA. vah karanA hai. shubhAshubh bhAv bhI chaitanyakA svabhAv nahIn hai. sAdhakadashAmen vah shubhabhAv bIchamen Ate hain. panch parameShThI bhagavantonkI bhakti, dev- guru-shAstrakI bhakti, jinhonne use pragaT kiyA usakI bhakti AtI hai. parantu vah shubhabhAv hai, usase gnAyakakA pariNaman bhinna hai. aisI shraddhA, pratIti aur aisI gnAyakakI pariNati pragaT ho sakatI hai. vahI muktikA mArga hai. phir vItarAg dashA hotI hai tab vah sab chhUT jAtA hai.

PDF/HTML Page 1791 of 1906
single page version

AchAryadev, gurudev shuddhAtmAmen pariNati pragaT karaneko kahate hain. shuddhAtmAko tU grahaN kara. parantu bIchamen shubhabhAv Aye binA nahIn rahate. shubhabhAv to jabatak pUrNatA nahIn hotI tabatak Ate haiain. parantu usakI pariNati shuddhAtmA taraphakI hI hotI hai, sAdhak dashA.

mumukShu- upadeshamen aisA Aye ki apane chhoTe avaguNako parvat jitanA ginanA aur dUsareke chhoTe guNako baDA karake dekhanA. aisA bhI Aye ki paryAyakI pAmaratAko gauN karake svayamko paramAtmasvarUp dekhanA. aise donon kathanakA tAtparya kyA hai?

samAdhAna- chaitanya akhaNDa dravya pUrNa-paripUrNa hai, shAshvat hai. us dravyakI dRuShTi karanI aur paryAyamen nyUnatA hai usakA gnAn karanA. sAdhak dashAmen dRuShTi aur gnAn donon sAthamen hote hain. main dravyadRuShTi-se pUrNa hUn. merA jo dravya hai us dravyakA nAsh nahIn huA hai. anAdiananta paripUrNa prabhutAsvarUp main hUn. AtmAkI prabhutAko lakShyamen rakhakar paryAyamen main adhUrA hUn, us nyUnatAkA use gnAn rahatA hai.

puruShArtha kaise ho? svarUpamen lInatA kaise ho? svAnubhUtikI visheSh-visheSh dashA kaise ho? andaramen gnAyakakI pariNati visheSh kaise ho? paryAyamen puruShArtha par usakA dhyAn hotA hai. isaliye paryAyamen main pAmar hUn aur dravya vastu svabhAv-se main pUrNa hUn. dRuShTi aur gnAn donon sAdhak dashAmen sAth hI rahate haiain. use koI apekShA-se mukhya aur koI apekShA-se (gauN kahanemen AtA hai). sAdhak dashAmen donon jAtakI pariNati sAthamen hI hotI hai.

main dRuShTi-se pUrNa hUn aur paryAyamen adhUrA hUn. donon usakI sAdhak dashAmen sAth hI hote hain. isaliye dUsare par dRuShTi (nahIn karanI hai). jo gnAtA ho vah gnAtA to jAnatA rahatA hai. dUsarekA guN dekhane-se svayamko lAbhakA kAraN hotA hai. doSh dekhanA to nukasAnakA kAraN hai. isaliye vah guNako mukhya karake doShako gauN karatA hai. svayamko puruShArtha karanA hai, isaliye svayam apane alpa doShako (mukhya karake samajhatA hai ki) mujhe abhI bahut puruShArtha karanA bAkI hai. isaliye apane doSh par dRuShTi karake guNako gauN karatA hai. svayamko puruShArtha karanA hai. dUsarekA doSh dekhanA, usamen aTakanA vah koI sAdhakakA kartavya nahIn hai.

pratyek vastu svatantra pariNamatI hai. vah to gnAyakarUp rahanA, gnAyakakA gnAtA svabhAv hai, gnAtArUp-se jAnate rahanA. parantu sAdhak dashAmen apane guNako gauN karake jo doSh hai usako mukhya (karatA hai). apanI alpatAko mukhya karake, mujhe bahut karanA bAkI hai, aise svayam dekhatA hai, us jAtakA puruShArtha karatA hai. dUsareke guNako dekhe use mukhya karatA hai aur dUsareko doShako gauN karatA hai. dUsareke doShake sAth use koI prayojan

PDF/HTML Page 1792 of 1906
single page version

nahIn hai.

svayam Age baDhaneke liye guN grahaN karatA hai. apane svabhAv par dRuShTi karake main svabhAv-se pUrNa hUn. apane guNako grahaN karatA hai vah dUsareke guN (grahaN karatA hai). parantu apane guN to svabhAv dRuShTi-se (dekhatA hai). bAkI apanemen kitanI alpatA hai, us alpatA par dRuShTi karake puruShArtha kaise baDhe, vItarAg kaise hoUn, merI sAdhak dashA kaise Age baDhe, aisI bhAvanA use hotI hai. isaliye apane guNako gauN karake doShako mukhya karatA hai. dUsareke guNako mukhya karatA hai. dUsareke doShake sAth kuchh prayojan nahIn hai. dUsareke guN-se apaneko lAbh hotA hai. isaliye use mukhya karake svayamko Age baDhaneke liye sAdhakadashAmen sAdhakakA vah prayojan hai.

AtmArthIonko bhI vahI prayojan hai ki dUsareke guN grahaN karanA, parantu doShako grahaN nahIn karanA. AtmArthIko bhI hotA hai. dUsareke doShako gauN karake guN mukhya karanA. aur svayam kahAn bhUlatA hai aur svayam kahAn aTakatA hai, apane doSh par dRuShTi karake aur puruShArthako Age baDhAye. svabhAv-se pUrNa hUn, usakA khyAl rakhe. parantu abhI bahut puruShArtha karanA bAkI hai. aisI khaTak use andar honI chAhiye.

munion bhI vItarAgadashA (kI bhAvanA bhAte hain ki) vItarAg kaise hoUn? panch parameShThI- arihant, siddha, AchArya bhagavant Adi, unake guN par dRuShTi karake svayam Age baDhatA hai. munirAj, sAdhak saba. panch parameShThI jinhonne sAdhanA kI, jo pUrNa ho gaye, un par bhakti karake svayam apanA puruShArtha, apane puruShArthakI Dor shuddhAtmA taraph joDakar Age baDhatA hai. isaliye karanekA vahI hai.

karanA ek hai-shuddhAtmAko (pahachAnanA). AchAryadev kahate hain, ham tujhe Age baDhaneko kahate hain tIsarI bhUmikAmen. usakA matalab tujhe ashubhamen jAneko nahIn kahate hain. parantu tIsarI bhUmikA kahakar, tU tIsarI bhUmikAmen jA. Age baDhaneko kahate hain. usamen-se ashubhamen jAneko nahIn kahate hain. bIchamen shubhabhAv to Ate hI hain. isaliye vahAn bhI nahIn aTakanA hai. tIsarI bhUmikAmen jAneko AchAryadev kahate hain. tIsarI bhUmikAmen nirvikalpa dashAmen sthir hokar bAhar Aye to shubhabhAv, panch parameShThI bhagavantonkI bhakti, guNagrAhIpanA vah sab AtA hai. aur apane doSh dekhane taraph dRuShTi aur apane puruShArthakI Dor baDhAkar Age jAtA hai. main pUrNa hUn, phir bhI paryAyamen nyUnatA hai. aisI use bhAvanA rahatI hai. puruShArtha-se apanI gati visheSh lInatA taraph joDatA hai aur Ananda evan anubhUtikI dashA, chAritra dashAko visheSh vRuddhigat karatA hai.

mumukShu- paramAgamasAramen nimna rUpase bAt AtI hai. usamen pahale jignAsukA prashna hai ki gnAn vibhAvarUp pariNamatA hai? usake uttaramen gurudevashrIne aisA kahA ki gnAnamen

PDF/HTML Page 1793 of 1906
single page version

vibhAvarUp pariNaman nahIn hai. gnAn svaparaprakAshak svabhAvI hai. parantu jo gnAn svako prakAshe nahIn, sirpha parako hI prakAshe to vah gnAnakA doSh hai. yahAn vibhAv aur doShake bIch kyA antar hai, yah kRupA karake samajhAIye.

samAdhAna- vah to shraddhAmen usakI bhUl paDI hai, vahAn gnAnamen use bhUl hotI hai. shraddhAmen bhUl (hai). sarva guNAnsh so samyagdarshana. jise apanI or yathArtha pratIti huyI, usakA gnAn bhI yathArtha hai. jahAn shraddhAmen bhUl hai isaliye gnAn bhI mithyA nAm prApta karatA hai.

vibhAvakI kaShAyakI jo kAlimA ho rahI hai, vah kAlimA aur is gnAnamen antar hai. gnAn jo sthUl rUp-se vyavahAramen jAnatA hai, vaise jAnanemen bhUl nahIn hai. parantu svayamko jAnatA nahIn hai, gnAn svaparaprakAshak (hone par bhI) vah parako yathArtha nahIn jAnatA hai. jo parako jAnatA hai aur svako nahIn jAnatA hai, vah to usakI baDI bhUl hai. isaliye svapUrvak parako jAne to vah gnAn yathArtha hai. svako nahIn jAnatA hai, vah gnAnakA doSh hai, gnAnakI bhUl hai.

jaise darshanakI bhUl hai, vaise gnAnakI bhI bhUl hai. parantu vibhAvakI jo pariNati (hai), kaShAyakI kAlimAkI jo pariNati hai vaisI gnAnakI pariNati nahIn hai. gnAnakI pariNati use mithyArUp pariNamI hai. jo jAne, vyavahAramen jo jAne vah sthUlarUp-se jAnatA hai, aisA kahanemen AtA hai. parantu usakI shraddhAke sAth usake gnAnamen bhI bhUl hai. svayamko nahIn jAnatA hai, vah usakI bhUl hai. use bhI mithyAgnAn kahanemen AtA hai. apane svapadArthako nahIn jAnatA hai. svayamko nahIn jAnA, usane kuchh nahIn jAnA. aur svayamko jAne usane sab jAnA hai. parako jAne parantu use yathArtha nahIn kahate hain. apaneko jAne to vah yathArtha gnAn kahalAtA hai.

mumukShu- pUjya gurudevashrI aisA pharamAte the ki, jisase lAbh mAne use apanA mAne binA rahe nahIn. yahAn parapadAthAmen iShTa-aniShTa buddhi to jIvako hai. to kyA aniShTapanemen apanatva nahIn hai? athavA pUjya gurudevakI yahAn kyA Ashay hai, use spaShTi kIjiye.

samAdhAna- parapadArthako iShTa mAnatA hai, aniShTa mAne use aniShTa mAn rahA hai, parantu andaramen to, yah mujhe nukasAn karatA hai, nukasAn karatA hai, aisA jo usane mAnA hai vah jUThA hai. usane apanatva mAnA hai. aniShTa-se mujhe nukasAn hotA hai, iShTa- se mujhe lAbh hotA hai. vah donon bhAv usake yathArtha nahIn hai. iShTa-aniShTa gnAtAkI pariNatimen ek bhI nahIn hai. vastu svabhAv-se iShTa-aniShTa kuchh hai hI nahIn. parantu iShTapanA mAnA vah kahatA hai, mujhe ThIk hai. aur aniShTa mAnA ki mujhe ThIk nahIn hai, usamen vah nukasAn karatA hai. aisA mAnA usamen apanI pariNatike sAth use kuchh ekatvapanA

PDF/HTML Page 1794 of 1906
single page version

ho, aisI bhrAnti andar sAthamen A jAtI hai.

koI nukasAn nahIn karatA hai aur koI lAbh bhI nahIn karatA hai. donommen usakI jUThI mAnyatA hai. vibhAvakA kAraN.... pariNatimen jo dukhakA kAraN vibhAv pariNatimen hai, usake kAryamen use aniShTa Adi sab phalamen Ate hI rahatA hai. usakA kAraN aisA hai. antaramen un dononke sAth andar ekatvabuddhi hai hI. nukasAn mAne to bhI ekatvabuddhi hai aur lAbh mAne to bhI ekatvabuddhi hI hai. dononke sAth ekatvabuddhi hai.

parantu donon iShTa-aniShTa-se chhUTakar main gnAyak hUn, mujhe koI parapadArtha iShTa-aniShTa nahIn karatA. merA gnAyak hai vahI mujhe lAbharUp hai. us taraph pariNati jAy to us or shubhabhAv Aye, parantu shubhabhAv kahIn Adarane yogya nahIn hai. AdaraNIy to ek chaitanyatattva hI AdaraNIy hai. iShTa-aniShTa-se chhUT jAnA aur ek gnAyakakI pariNati pragaT karanI vahI lAbharUp hai. aniShTamen bhI apanatva ho gayA aur iShTamen apanatva A hI jAtA hai. donommen A jAtI hai. lAbh-nukasAn donommen mAnA isaliye donommen apanatva A jAtA hai. usane mujhe nukasAn kiyA, isaliye usamen use ekatvabuddhi ho gayI hai. donon-se bhinna paDakar antaramen gnAyakakI pariNati pragaT karake iShTa-aniShTa mujhe kuchh nahIn hai. andar gnAyak hai vahI mujhe upAdey hai, ye sab tyAgane yogya hai.

sAdhakadashAmen shubhabhAvanA sAthamen A jAtI hai. gnAyak pariNati yathArtha jo hai so hai. yathArtha pariNati pragaT karake use shubhabhAvanA (AtI hai).