PDF/HTML Page 1809 of 1906
single page version

mumukShu- usake pahale bhedagnAnakI pariNati kaise utpanna ho?

samAdhAna- vah kare to ho. jab-jab kShaN-kShaNamen vikalpa Ave, Ananda Ave, shubhabhAv ho, sabase main bhinna hI hUn. aisI bhedagnAnakI pariNati honI chAhiye.

muumukShu- abhI ham aise vichAr kare... samAdhAna- bIchamen Aye binA nahIn rahatA. jabatak svayam abhI shubhabhAvakI bhUmikAmen hai, shubhabhAv to Ate hain, bhakti Ave, ullAs Ave, gnAn-se bharA, Ananda-se bharA huA ek tattva hai. jaise ye pudagal vastu hai, vaise ek chaitanya bhI vastu hai, parantu vah gnAnasvabhAvavAlA hai, Ananda svabhAvavAlA, ananta guNavAlA hai. use pahachAnaneke liye anAdi- se to vibhAvamen ekatvabuddhi kI hai, rAg-dveSh ityAdimen, aur dharma bAharase mAnA hai ki bAhar-se kuchh shubhabhAv karen, kuchh kriyAen karen to dharma hotA hai, aisA mAnA hai. aisA to ananta kAlamen kiyA hai. usase shubhabhAv bandhakar puNya bandhe to devalok hotA hai. bhavabhramaN to miTatA nahIn.

bhavabhramaN to andar AtmAko pahachAne to miTe. antar dRuShTi karake AtmAkA bhedagnAn kare to vah miTatA hai. andar bhedagnAn karanekA upAy ek gurudevane batAyA hai. usakA bArambAr vichAr kare, usakI gaharI lagan lagAye, usakI mahimA kare to ho. usakA gaharA vichAr karanA chAhiye, usakI jignAsA jAgRut karanI chAhiye ki AtmA kaise samajhamen Aye.

jo mahApuruSh hue, is panchamakAlamen gurudev padhAre aur unhonne mArga batAyA ki antar dRuShTi karanA. bAkI bAhar-se thoDA kar le aur thoDA tyAg kar le, usamen dharma mAn liyA. shubhabhAv yadi antaramen ho, shubhabhAv rahe to puNya bandhe. puNya bAndhakar devalokamen gayA. aisA devalok ananta bAr prApta huA hai. parantu bhavakA abhAv ho, AtmAkA antar anupam Ananda, AtmA mukta svarUp hI hai, aise AtmAko usane pahachAnA nahIn hai. vibhAv-se bhinna paDe ki main to gnAyak AtmA jAnanevAlA sAkShIsvarUp hUn. use antaramen AtmAkI mahimA Aye to AtmAkI pahichAn ho. vichAr, vAnchan, puruShArtha, ruchi, laganI usIkI laganI chAhiye. kitanonko antar dRuShTi karavAyI, ruchi jAgRut karavAyI.

PDF/HTML Page 1810 of 1906
single page version

mumukShu- .. vah to khyAlamen AtA hai. viShay jo bAhya padAthAko jAnatA hai. parantu jo bhAvendriy hai, vah to gnAnakI paryAy hai, use kaise bhinna jAnanI? usakA upAy kyA?

samAdhAna- kShayopasham gnAn adhUrA gnAn rAg mishrit hai na. adhUrA gnAn rAgamishrit hai. rAgamishrit jo hai vah apanA mUl svabhAv nahIn hai. rAgamishrit bhAv jo antaramen hote hain, vah kShayopashamagnAn adhUrA gnAn hai, vah adhUrA gnAn hai utanA AtmA nahIn hai. AtmA to pUrNa svarUp hai. us pUrNako pahachAnanA, pUrNa par dRuShTi rakhanI. vah gnAn bhale kShayopasham gnAn AtmAkA ughAD hai, parantu vah adhUrA gnAn hai aur vah rAgamishrit hai. vah rAgamishrit hai. rAgamishrit hai isaliye vah apanA mUl nahIn hai, shuddhAtmAkA mUl svabhAv nahIn hai. adhUrI paryAy jitanA vah nahIn hai. usakA gnAn karanA.

mumukShu- adhUrI paryAyako gney samajhanA?

samAdhAna- hAn, vah adhUrI paryAy gney hai. use jAnanA ki ye adhUrI hai. main to pUrNa svarUp hUn. adhUrA hai vah merA mUl svarUp nahIn hai. vah jAnane yogya hai. adhUrI paryAy hai use jAnanI. usakA gnAn barAbar kare to Age baDhe. pUrNa chaitanya par dRuShTi kare, akhaNDako pahichAne. main to shAshvat akhaNDa dravya hUn. kShayopasham gnAn jitanA bhI nahIn hUn, sAdhanAkI adhUrI paryAy ho utanA bhI main nahIn hUn, pUrNa vItarAg dashA ho vah pUrNa paryAy hain, bAkI svayam anAdiananta shAshvat dravya akhaNDa hai. phir usamen sAdhanAkI paryAy bIchamen AtI hai, nahIn AtI aisA nahIn, parantu usakA gnAn kare ki ye AtI hai, parantu usakI dRuShTi pUrNa par hai. pUrNa svabhAv par aur pUrNa vItarAgatA kaise ho, vah use lakShyamen hai, upAdeyarUp hai. pUrNa ho jAy isaliye vah sab sAdhanAkI paryAyen chhUT jAtI hai, pUrNa vItarAg ho jAtA hai.

shuddha paryAy, shuddhAtmAkI paryAy sarvathA bhinna kahAn hai? shuddhAtmAkI shuddha paryAyen sarvathA bhinna nahIn hai.

mumukShu- dravyakI apekShA-se?

samAdhAna- dravyadRuShTikI apekShA-se vah kShaNik hai. lekin vah chaitanyake Ashray- se paryAy hotI hai. use sarvathA bhinna nahIn kah sakate, koI apekShA-se bhinna hai. sarvathA bhinna nahIn kah sakate, apekShA-se bhinna hai. utanA bhed paDA us apekShA-se hai. mUl svabhAvamen bhed nahIn hai. bhedakI apekShA-se use (bhinna kahA). pUrNa aur apUrNakI apekShA rakhatA hai, nimittake sadabhAv-abhAvakI apekShAvAlI paryAy hai, us paryAy jitanA AtmA nahIn hai. AtmA to akhaNDa shAshvat hai. isaliye use kathanchit bhinna kahate hain, sarvathA bhinna nahIn kahate. dravyamen hI paryAy hotI hai, dravya-se bhinna nirAdhAr nahIn hotI.

PDF/HTML Page 1811 of 1906
single page version

mumukShu- vikArI paryAyako bhI ... nahIn kah sakate na?

samAdhAna- vah apekShA aur yah apekShA bhinna-bhinna hai. usakA svabhAv bhinna hai. vibhAv paryAy bhale sarvathA bhinna nahIn hai, svayam usamen juDatA hai. to bhI usakA bhAvabhed hai. svabhAvaparyAyakA bhAvabhed nahIn hai. usamen aur isamen pharka hai.

... vah to vaishAkh shuklA dUj thI na? gurudevakI sab sajAvaT, jIvan charitra ityAdi thA na. use dekhane gayI thI. usamen-se phir aise vichAr Aye ki ye sab sajAvaT kI hai, aisemen gurudev padhAre ho to bahut sundar dikhe. gurudev padhAre aisA hI yah sab ho rahA hai. vahI vichAr aur bhAvanA rahatI thI, isaliye prAtakAlamen svapna AyA ki gurudev devalokamen-se devake rUpamen padhAre. sab pahanAvaT devakI, ratnakA hAr,umugaT ityAdi devake rUpamen the. gurudev padhAro, padhAro aisA AyA. aisA bolanemen AyA. phir gurudevane kahA, aisA kuchh rakhanA nahIn, main to yahIn hUn, bahin! main to yahIn hUn. aisA tIn bAr kahA.

phir mainne kahA, main to aisA rakhUn, parantu ye sabako bahut dukh hotA hai. to gurudev kuchh bole nahIn. lekin us vakta vAtAvaraN aisA ho gayA thA ki mAnon gurudev virAjate hI hon. mainne to kisIko kuchh kahA nahIn thA, parantu mAhol aisA ho gayA thA. parantu itanA svapna AyA thA. gurudev devamen-se Aye aur aisA hI kahA, main yahIn hUn, aisA kuchh rakhanA nahIn. bahin! main to yahIn hUn, yahIn hUn aisA tIn bAr kahA. bas, utanA. svapna utanA AyA thA. gurudev hai, sharIr devakA thA, pahanAvaT dev kI thI. dikhAv sab devakA hI thA.

... ve to har jagah alag hI hain. sarvase alag dikhe aise kuchh alag hI hain. tIrthankarakA dravya, unake jaisA koI nahIn thA. aisA unakA prabhAv thA. chale jAte ho to mAnon bhavya... dUr-se koI unhen bhagavAn hI kah de, aise lagate the. dev ho gaye isaliye adhik divyamUrti ho jAte hain. .. chale to aisA lage. dUsare log dekhe to mAhol badal jAya. divyamUrti vahI hai.

... jAnekI shakti nahIn hotI. devake sharIramen har jagah jAnekI shakti hotI hai. unakA vaisA vaikriyak sharIr hai, har jagah jA sake. bhagavAnake pAs jA sake, samavasaraNamen jAye. aur is lokako ve avadhignAn-se dekhate hain. to lokamen jahAn jAnekI bhAvanA Aye vahAn jA sakate hain. bhAv Ave bhI, aur dUr-se bhI dekhate hon. avadhignAnamen pratyakSha dekhate hon. bhagavAnakI unhen bahut bhAvanA thI to bhagavAnake pAs samavasaraNamen jAye. yahAn AnekI unhen bhAvanA (ho), avadhignAnamen upayog rakhe to ve to pratyakSha dekhate hain. lokakA amuk bhAg dikhAI de. jambU dvip, videhakShetra Adi sab jambU dvIpamen

PDF/HTML Page 1812 of 1906
single page version

hI AyA hai. sImandhar bhagavAn Adi.

.. itanA kShetra Upar, nIche jo usakA ho, us anusAr pratyakSha dikhatA hai. unake kShetramen rahakar upayog rakhakar dekhe to sab pratyakSha dekhate ho. jaise najadIk-se dekhate hain, vaise pratyakSha dUr-se dikhatA hai.

.. us anusAr svapna Aye, kuchh dUsarA Aye, koI svapna yathAtathya ho, koI svapna sanskArake kAraN Aye. bhUtakAlake jo sanskAr ho ki gurudev padhArate hain aur gurudev pravachan karate hain, vah sab sanskAr hote hain. koI svapnamen yathAtathya svapna bhI ho aur koI sanskArake kAraN Aye. andar jo raTan ho us anusAr Ate rahate hain.

mumukShu- yathAtathya bhI koI Aye.

samAdhAna- hAn, yathAtathya svapna bhI Ave. ... yathAtathya hai yA bhAvanAkA hai, kyA hai? mAtAko svapna Ate hain, solah svapna. vah sab AgAhI lekar Ate hain.

mumukShu- yathAtathya.

samAdhAna- yathAtathya svapna AtA hai. .. koI dev Ate bhI hain, parantu dUsareko dikhe bhI nahIn. prasang paDe, koI mandirake darshan hetu yA koI pratimAkA utsav, koI dev Ate bhI hai, parantu Ave hI aisA nahIn. Ate hain, dev nahIn Ate hain aisA nahIn hai.

... jo apanI bhUl hai vah bhUl hai. sva-parakI ekatvabuddhi hI baDI bhUl hai. parapadArthako apanA mAnanA aur apaneko anya mAnanA. svayam anyarUp ekatva ho jAy aur anyako apanA mAnatA hai, vah ekatvabuddhikI baDI bhUl hai. vibhAvasvabhAv apanA nahIn hai, use apanA mAnatA hai vah usakI baDI bhUl hai. baDI bhUl vahI hai. ekatvabuddhikI bhUl hai. phir vichAramen dravya-guN-paryAyakI (bhUl ho). vah nirNay karanemen bhUl karatA ho, apane vichAramen, nirNayamen bhUl kare. bAkI ekatvabuddhikI bhUl anAdikI chalI A rahI hai.

samyagdarshanakA viShay to ek dravyako grahaN karanA usakA viShay hai. chaitanya padArtha anAdiananta shAshvat dravya hai use grahaN karanA. usamen koI apekShA (nahIn hai). svatasiddha dravya hai. usamen koI apUrNakI, pUrNakI koI apekShA nahIn hai. vah anAdiananta shAshvat dravya hai. us dravyako grahaN karanA. phir paryAyamen alpatA hai use gnAnamen jAnanA hai ki paryAyamen adhUrApan hai, abhI vibhAv hai. bhedagnAn karake pUrNatA karanI abhI bAkI rahatI hai, lInatA bAkI rahatI hai. vah sab gnAnamen jAnanA. gnAn yathArtha karanA. dRuShTamen ek dravyako grahaN karanA. dRuShTikA viShay ek dravya hai. aur gnAnamen sab gnAt hotA hai. nishchay- vyavahAr sab gnAnamen gnAt hotA hai.

gnAn evan darshan sAthamen hI hote hain. jise darshan samyak ho, usakA gnAn bhI samyak

PDF/HTML Page 1813 of 1906
single page version

hotA hai. yathArtha dravyako grahaN kiyA to gnAnamen dravya aur paryAy donon gnAnamen grahaN hote hain. darshan evan gnAn sAthamen hI hote hain. isaliye viShay to ek chaitanyako grahaN karanekA hai. gnAn sab karatA hai. parantu samyagdarshan prApta karane hetu bhedagnAn kare vah ek hI usakA upAy hai. aur usake liye svayam taiyArI (kare). chaitanya koI apUrva vastu hai, koI anupam hai. usakI mahimA Aye, usakI lagan lage, bArambAr usIkA abhyAs kare, vahI usakA upAy hai.

use ekatvabuddhi TUTakar bhedagnAn ho. dravyakI dRuShTi, dravya par dRuShTi (kare). svase ekatva aur parase vibhakta. vibhAv-se vibhakta honA aur apanemen ekatva honA. vah usakA upAy hai, dUsarA koI nahIn hai. aisI bhedagnAnakI dhArA pragaT ho, main gnAyak hUn. use yAd nahIn karanA paDatA, aisI sahaj gnAyakadhArA, sahaj gnAtAkI dhArA-gnAyakadhArA pragaT ho to usamen vikalpa chhUTakar nirvikalpa dashA ho. vah usakA upAy hai. parantu usake liye bArambAr usakA abhyAs karanA chAhiye. chaitanyakA dravya, guN, paryAy kyA hai? vah shAshvat dravya kaise ho? usakI paryAy kyA hai? vah sab nakkI karake bArambAr abhyAs kare ki main bhinna hI hUn. ye sharIr main nahIn hUn, ye vibhAv merA svabhAv nahIn hai. vibhAvakI pariNati hotI hai, parantu usase bhinna merA svabhAv hai. usase bhinna paDanekA prayatna kare ki main gnAyak hUn. vah ek hI upAy hai. gnAtAdhArA pragaT karanI, vah ek hI upAy hai.

mumukShu- gnAtAdhArA dravyake Ashray-se pragaT hotI hai. to AshrayakA kyA artha batAnA chAhate ho?

samAdhAna- Ashray arthAt apanA astitva, chaitanyakA astitva grahaN karanA ki yah main hUn aur yah main nahIn hUn. apanA astitva grahaN karake usamen sthir khaDA rahatA hai ki main yahI hUn. anya kuchh main nahIn hUn. is tarah usakI dRuShTi vibhAv taraph-se uThAkar gnAyakakA jo astitva chaitanya jo hai, vah main hUn. isaprakAr apane gnAnasvabhAvako grahaN kar le. ye vibhAvake sAth jo gnAn hai, vah vibhAvamishrit gnAn nahIn, parantu akelA jo gnAn hai, vah gnAnasvarUp hI main hUn. vah gnAn gnAyakake AdhAr-se hai. vah guN hai parantu vah guN gnAyakake AdhAr-se hai. isaliye dravyako grahaN kare. gnAnalakShaN dvArA lakShyako grahaN kare. dravyako grahaN kare ki ye gnAn, gnAn-se bharA jo dravya hai vahI main hUn. isaprakAr apane astitvako grahaN kare. usamen dRuShTiko sthApit kare aur usamen lInatA kare. usakA Alamban vah dravya hai, anya koI Alamban nahIn hai.

bhagavAnane, gurudevane ek hI upAy (batAyA hai). jo mokSha gaye, ve is ek hI upAy-se gaye hain. dUsarA koI usakA upAy nahIn hai. chaitanyakA Ashray grahaN kare. bAhar

PDF/HTML Page 1814 of 1906
single page version

vibhAvakI pariNati jAtI hai. bArambAr main chaitanya hUn, (aise) apanA astitva grahaN kare ki ye gnAyak so main. vah gnAnaguN aisA hai ki asAdhAraN hai. vah lakShyamen Aye, khyAlamen Aye aisA gnAnaguN hai. dUsare kuchhaek guN asAdhAraN hai jo svayamko jaldI lakShyamen nahIn Ate hain. parantu ye gnAnalakShaN hai, dUsaremen jAnanekA lakShaN nahIn hai. vah jAnanekA lakShaN ek AtmAmen hI hai. jAnan lakShaN par-se apanA astitva grahaN kare ki ye jAnan lakShaN jo hai, us lakShaNavAlA main chaitanya hUn. us gnAnake sAth jIvamen aise ananta guN hain. parantu gnAnaguN-se pUrA AtmA grahaN kare. usamen ananta Ananda guN, sukh guN sab usamen hai. parantu Ananda aisA visheSh guN nahIn hai, usase pakaDamen nahIn AtA. parantu gnAn aisA svabhAv hai ki usase grahaN hotA hai. isaliye gnAn dvArA AtmA grahaN ho sakatA hai. gnAnalakShaN yAnI ye bAharakA jAnA vah gnAn, aise nahIn. us gnAnako dharanevAlA kaun hai? gney jAnA, yah jAnA, vah jAnA vah gnAn, aisA nahIn. parantu vah gnAn kahAn-se AtA hai? us gnAnako dharanevAlA, gnAnakA astitva kis dravyamen rahA hai, us dravyako grahaN karanA. ye jAnA, gney-se gnAn aisA nahIn, parantu main svayam gnAnasvarUp hUn. us gnAnako dharanevAlA kaun chaitanya hai? use grahaN karanA.

mumukShu- yah muddekI bAt AyI. gnAn svayam apane-se jAnatA hai, gney-se nahIn. samAdhAna- us gnAnako dharanevAlA main chaitanya hUn. mumukShu- gnAnako dharanevAlA hUn. samAdhAna- gnAnako dharanevAlA main chaitanya hUn. pahale mUl astitvako grahaN karanekA prayatna kare ki main yah chaitanya hUn.