PDF/HTML Page 441 of 1906
single page version

mumukShu- ApakI bAtase bahut himmat A gayI. nahIn to andaramen koI vichAr karate hain to kuchh samajhamen nahIn AtA. vikalpommen ... to bhI kuchh nahIn milatA to aisA lagatA hai ki AtmAkA milanA mushkil hai. lekin ApakI kRupAse bahut himmat A gayI.

samAdhAna- AtmAkA milanA mushkil nahIn hai. AtmA svayam hI hai. svayam svayamko bhUl gayA hai. ananta kAlase svayam svayamko bhUl gayA. gnAyak svabhAv, gnAnasvabhAvako grahaN kar, gnAyakako grahaN kar le to samIp hI hai, dUr nahIn hai. parantu antaramen- bhItaramen anAdikAlake abhyAsake kAraN vikalpa-vikalpakI aisI ekatvabuddhi ho rahI hai ki bhinna karanA mushkil ho gayA. svabhAv to sulabh hai, vibhAv durlabh hai.

parapadArtha ananta kAl gayA to bhI apanA nahIn huA. svabhAv to saral aur sugam hai. svayam hI hai, kahIn bAhar khojane nahIn jAnA hai. antaramen dekhe to svayam hI, sva svayam hI hai. apanA astitva, gnAyakakA astitva maujUd hI hai. ananta kAl gayA to bhI parapadArtha apanA nahIn huA. par to par hI hai, sva to sva hI hai. AtmAko ek bAr grahaN kare, pratham bhUmikA vikaT hai, parantu ek bAr AtmAko grahaN kare to phir mArga sulabh, sugam ho jAtA hai. alpa kAlamen darshan, gnAn, chAritra pUrNa pragaT karake usakI mukti ho jAtI hai, kevalagnAn prApta hotA hai.

vibhAv, parapadArtha.. anantakAl gayA to bhI parapadArtha apanA nahIn hotA. svabhAv to sahaj sugam hai. ek bAr usako grahaN kare to turanta hI pragaT hotA hai. lekin pratham bhUmikA vikaT hotI hai. anAdi kAlake abhyAsake kAraN aisI ekatvabuddhi ho gayI hai, use toDakar use antaramen jAnA duShkar ho jAtA hai.

mumukShu- mAtAjI! sab dravya to shuddha hai, jIvake sAth hI anAdi kAlase ashuddhatA lagI huyI hai, samajhamen nahIn AyA.

samAdhAna- apanI bhUlake kAraNa. sab shuddha hai, AtmA bhI shuddha hai. apanI bhUlase ashuddhatA ho rahI hai. sab dravyamen to aisA hai ki usamen bhUl (nahIn hotI). chaitanya hai to bhUl-bhrAntimen paDA hai, isaliye usamen ashuddhatA hotI hai. svayam shuddha honeke bAvajUd

PDF/HTML Page 442 of 1906
single page version

vah vibhAv pariNatikI or jA rahA hai, AshcharyakI bAt hai. svayam chaitanya hokar bhI, jAnanevAlA hone par bhI parapadArthakI or bhrAnti karake vahAn jAtA hai, AshcharyakI bAt hai. chaitanyamen bhUl ho rahI hai. (dravya to) shuddha hai, paryAyamen bhUl ho rahI hai. prayojanabhUt tattva jAne to AtmAkI prApti to ho sakatI hai.

mumukShu- ruchikI tIvratA..

samAdhAna- ruchikI tIvratA. puruShArtha kare to ho sakatA hai. nakkI kare ki vibhAvamen kuchh sukh nahIn hai.

mumukShu- bAhar achchhA to dikhatA hai, vah kaise jame andar ki vibhAvamen nahIn hai?

samAdhAna- bAhar achchhA lagatA hai. bhItaramen achchhA laganeke liye nakkI kare, svabhAvako grahaN karake nakkI kare ki svabhAvamen hI achchhA hai. vibhAvamen achchhA nahIn hai, vah sab to dukharUp-AkulatArUp hai. aisA nakkI karanA chAhiye, aisA dRuDh nishchay karanA chAhiye ki yah sab to AkulatA-AkulatA hai, kahIn sukh dikhAI nahIn detA. sab vikalpakI jAlamen apanI ichchhA anusAr koI parapadArtha pariNamatA nahIn. sab vikalpamen AkulatA-dukh hai. aisA yathArtha nakkI kare. svabhAvako nakkI kare ki yah merA svabhAv hai. pratIti dRuDh kare ki gnAyakamen hI sukh hai. gnAyak svabhAv hI mahimAvant hai. mahimAkA bhaNDAr ho to gnAyak hai. bAharakI mahimA TUT jAy, svabhAvakI mahimA Ave, svabhAvakI jarUrat lage, vibhAvase virakti Aye ki vibhAvamen achchhA nahIn hai. svabhAvakI mahimA lage. svabhAvako vichAr karake grahaN kare ki sukh to isamen hI hai, bAhar kahIn nahIn hai. aisA vichAr karake gnAyak svabhAvako grahaN kare, vibhAvase virakti ho, svabhAvakI mahimA Aye to is prakAr ruchiko dRuDh kare.

... vichAr kar-karake dRuDh karatA rahe. .. mahApuruSh bhI sab chhoDakar, AtmAko- svabhAvako grahaN karake antarase virakti aur svabhAvakI mahimA lAkar AtmAkI sAdhanA kI hai. AtmA hI sarvashreShTha padArtha hai. aur antaramen vichAr karake nakkI kare ki yah svabhAv hI mahimAvant hai. isaprakAr ruchiko dRuDh kare.

mumukShu- .. kuchh samajhamen nahIn AyA .. gurudevashrIse mainne pUchhA, mahArAjashrI! kalyANake liye kyA karanA? to bole, paryAyako andar bAla.

samAdhAna- paryAy bAhar jAtI hai, use svabhAvakI or jhukA. arthAt dravya par dRuShTi kar to paryAy bhItaramen jAtI hai. paryAyako jhukA.

mumukShu- to paryAy aur dravya koI judI chIj hai, mAtAjI! ki ...

samAdhAna- dravya aur paryAy aise judI chIj nahIn hai. dravyakI paryAy hai, parantu

PDF/HTML Page 443 of 1906
single page version

usamen vah ansh hai aur (dravya) anshI hai. itanA bhed hai. ansh-anshIkA bhed hai. sarvathA bhed-koI bhinna-bhinna TUkaDe nahIn hai, bhinna TUkaDA nahIn hai ki paryAy koI bhinna hai aur dravya bhinna hai. dravya bhinna hai aur paryAy bhinna hai. aisA ho to paryAy dravya ho jAya. paryAy judI hove to paryAy dravya ho jAya. paryAy vaise bhinna nahIn hai. sarva apekShAse bhinna hai. parantu ansh hai aur yah anshI hai, itanA bhed hai. ek ansh hai, ek anshI hai, itanA bhed hai.

dravyakI paryAy hai, paryAy koI dUsarekI nahIn hai. dravyakA vedan apaneko hotA hai. svabhAvakI or jhuke, svabhAvakA vedan hove to paryAy hotI hai. parantu vah vedan svayamko jAnanemen jAtA hai, vedan koI dUsareko nahIn hotA. apaneko vedan hotA hai. paryAy apane dravyamense pragaT hotI hai. bAharase nahIn AtI hai.

mumukShu- samavAy-bhavitavyatA, kAlalabdhi, puruShArtha ek hI samayamen sab samavAy kaise hote hain? ... ek hI samayamen puruShArtha aur ...

samAdhAna- donon ekasAth hote hain. puruShArtha jo kiyA vah apanI or jhukA, gnAyakakI or puruShArtha jhukA, svayam puruShArtha karake apanI or jhukA vah puruShArtha huA. aur usI samay pariNati jo usakA svabhAv thA, us prakArase jaise honevAlA thA vaise huA. vah sab sAthamen hotA hai. donon virodhI lage parantu sab sAthamen hotA hai.

mumukShu- kramabaddhaparyAy aur puruShArtha, donon virUddha lagate hain. puruShArthase jo vastu pragaT huyI, usI samay kramabaddhaparyAy huyI?

samAdhAna- sab ekasAth hotA hai. kramabaddha aur puruShArthamen sambandha hai. jo hone yogya thA vah huA, parantu vah hone yogya us prakArase hotA hai ki puruShArthase hotA hai. puruShArtha, hone yogya, svabhAv Adi sab ekasAth hote hain. sab ekasAth hote hain. kShayopasham, us prakArakA kShayopashamabhAv sab ekasAth hotA hai.

mumukShu- kyonki virodhAbhAs to lagatA hai..

samAdhAna- hAn, aisA lage.

mumukShu- .. vikalpAtmak vichAr Aye ki shuddha pariNatike samay vikalpa to rahatA nahIn.

samAdhAna- shuddha pariNatike samay vikalpa nahIn ho to bhI vikalpake binA bhI upayog to hotA hai. upayog svayam svayamko jAnatA hai. bAhar vikalpa yAnI rAgakA vikalpa. rAgavAlA vikalpa chhUT jAy to bhI nirvikalparUpase usakA jAnanA chalA nahIn jAtA. jAnanekA svabhAv to khaDA hI rahatA hai. jAnatA hai, svayam svabhAvako jAnatA hai. upayog bAhar nahIn hai. upayog yAnI vikalpAtmak aisA usakA artha nahIn hotA.

PDF/HTML Page 444 of 1906
single page version

mumukShu- svabhAv..

samAdhAna- hAn, svabhAvako jAnatA hai, svabhAvako jAnatA hai. svabhAvakI or upayog nirvikalpapane hai. upayog nirvikalpa hai. vikalpa ho hI upayog kahanemen Aye aisA nahIn hai. jAne, svayamko jAnatA hai. apanI or upayog gayA, parantu nirvikalpapane jAtA hai. nirvikalpa upayogarUp hotA hai.

mumukShu- ..

samAdhAna- rAg sAthamen hai isaliye vikalpa hotA hai. rAg chhUTe, vikalpa TUTakar svayam antaramen jAy to gnAnasvabhAv nAsh nahIn ho jAtA, gnAn to gnAn hI hai, usakA jAnanA kahIn chalA nahIn jAtA. jAnanekI pariNati jAnanerUp hI hai. apanI or upayog gayA vah nirvikalpa hai. rAgakA vikalpa nahIn hai.

mumukShu- upayog us vakta bhI kAm kar rahA hai.

samAdhAna- kAm karatA hI hai. rAgakA vikalpa ho to hI upayog kAm kare, aisA nahIn hai. utpAd-vyay-dhruv tInommen virodh lage to bhI tInon ek samayamen sAthamen hote hain. dhruv dhruvarUp rahatA hai, utpAd aur vyay donon virodhI lagate hain. to bhI sab ek samayamen hote hain. vaise puruShArtha, kramabaddha sab sAthamen hI hotA hai.

mumukShu- ... AtmA pUrA usamen lIn ho jAtA hai. bhagavAnake sAth...

samAdhAna- pUrA lIn nahIn ho jAtA. gnAyakakI gnAyakarUp pariNati rahakar bIchamen jo shubhabhAv Ate hain, us shubhabhAvakI pariNati kAm karatI hai. shubhabhAv, vANI sab bhinna-bhinna hain. shubhabhAv bhI bhinna hai aur vANI bhI bhinna hai. sabakA nimitta naimittik sambandha hai. shubhabhAv aur vANImen sambandha hotA hai, isaliye us prakArakI vANI nIkalatI hai, vaise bhAv hote hain, phir bhI andar gnAyakakI pariNati bhinna rahatI hai. bAhar lIn ho gayA to gnAyak nahIn rahatA, aisA nahIn hai.

mumukShu- mAtAjI! ..ke vikalpamen to gnAnIpuruSh kuchh kare nahIn, andar AtmAke sAth itane ekAkAr hote hain to gnAyakakI pariNati..

samAdhAna- itanI sthUl dRuShTise dekhanA vah dekhanA nahIn hai. antar dRuShTise dekhanA hai. vah kharI parIkShA hai. bAhya dRuShTise dekhanA vah kharA dekhanA nahIn hai. antarakI pariNatiko (dekhanA hai). shrImad kahate hain na? sthUlatAse dekhanA, bAharase dekhanA vah vAstavik nahIn hai. antarakI pariNati alag hotI hai. shAstramen AtA hai na? hAthIke dikhAneke dAnt alag aur chabAneke dAnt alag hote haiain. bAharase nAp nahIn kiyA jAtA. shubhabhAvamen pUre (lIn) dikhAI de to bhI gnAyak bhinna hotA hai.

mumukShu- mAtAjI! ... ApakA do barAbar dikhAI detA hai ki kahIn bhI...

PDF/HTML Page 445 of 1906
single page version

samAdhAna- pariNati bhinna hI rahatI hai.

mumukShu- ... us vakta bhedagnAn karanA ki main sharIrase bhinna hUn, to vah vAstavik sharaN hai, yA bhagavAnako yAd karanA, vah sharaN hai? us dukhase kaise dUr honA?

samAdhAna- sharIrakI vedanA bhinna aur AtmA bhinna hai. andar bhinna AtmAko jAnanA vah sharaN hai. mukhya sharaN vah hai. main AtmA jAnanevAlA, main gnAyak, merA svabhAv jAnanekA hai, main sharIr nahIn hUn, main sharIrase atyanta bhinna hUn. usakI vedanAmen jo andar dukh hotA hai, vah dukh bhI merA svarUp nahIn hai. vikalpa Aye ki yah sharIr so main aur main hI sharIr hUn, usake sAth dab jAtA hai, rAgake kAraNa. vah rAg bhI merA svarUp nahIn hai aur yah sharIr bhI main nahIn hUn. main to jAnanevAlA, mukhya sharaN vah hai. sAthamen shubhabhAvamen bhagavAn bhI use shubhabhAvanAmen Aye, bhagavAnako yAd kare, parantu vAstavik sharaN gnAyakako yAd karanA vah mukhya sharaN hai. lekin sAthamen bhagavAn yAd Aye binA rahe nahIn. aise prasangommen jo AtmArthI ho use bhagavAn, dev-guru-shAstra yAd Aye binA nahIn rahate. parantu sAth-sAth sharaN to gnAyakakA sharaN mukhya sharaN hai. gnAyakako pahachAnanekA prayatna karanA. vedanA sharIramen hai, AtmAmen vedanA nahIn hai.

mumukShu- vah TikatA nahIn hai, mAtAjI! kShaNik shAtA hotI hai, phir puna sharIrakI or lakShya jAtA hai.

samAdhAna- bArambAr palaTate rahanA, bArambAra. Tike nahIn to bArambAr AtmAko- gnAyakako yAd karate rahanA. us vichAramen Tik nahIn pAye to jinendra dev, guru, shAstra, manivar, shAstramen kyA kahA hai, gurudevane kyA kahA hai, bhagavAnane kyA kahA hai, aise vichAr kare parantu sAthamen gnAyakako yAd kare. gnAyakakA mukhya sharaN hai. jo munivar AtmAkI sAdhanA karate hain, bhinna hI rahate hain. munivaronkI sAdhanA... pratyek prasangamen AtmA ekamek ho jAy, aisA nahIn hai, do dravya bhinna hai. donon dravya bhinna hai, ek kahAn-se ho? jo bhinna hai vah bhinna hI hai.

mumukShu- tIvra puruShArtha..

samAdhAna- hAn, puruShArthako tIvra (karanA). andarase ekatvabuddhi toDe. AtmA bhinna hai vah bhinna hI hai. gRuhasthAshramamen samyagdRuShTi ho, koI bhI prasangamen bhinna hI rahate hain. usamen ekamek nahIn hote. sharIramen koI vedanA ho athavA kuchh bhI A jAy, koI vyavahArake prasang, pravRuttike prasangommen bhI, chakravartIke rAjamen bhI samyagdRuShTi bhinna hI rahate hain. shAstramen dRuShTAnta AtA hai na? gRuhakAm karate hue andarase bhinna hI rahate hain. unakI gnAyakakI pariNati bhinna hI rahatI hai. gnAyak to bhinna hI hai, sharIrakI vedanake samayamen, aise prasangamen svayam bhinna paDanekA prayatna karanA, bhAvanAko ugra karake. bhinna hai vah bhinna

PDF/HTML Page 446 of 1906
single page version

ho sakatA hai. bhAvanArUp, parantu bhinna hai vah bhinna hI hai. svayam sharIr nahIn hai. svayam andar jAnanevAlA gnAyak bhinna hI hai.

bArambAr yAd karanA. upayog to palaT jAtA hai. jo dukh hotA hai vahAn bAr- bAr (jAtA hai). anAdike abhyAsake kAraN bArambAr vikalpamen juD jAy to bhI upayogako bArambAr badal denA. bArambAr dev-guru-shAstrako yAd karanA, bArambAr gnAyakako yAd karanA, bArambAr yAd karanA. isamen kanTAlA lage yA thak jAnA aise nahIn, bArambAr yAd karanA. apanA svabhAv gnAyak hI hai. bArambAr yAd karanA.