PDF/HTML Page 447 of 1906
single page version

samAdhAna- ... shAstra likhe, upadesh de, svAdhyAy kare, shAstrakI svAdhyAy kare, shAstra likhe, shAstra paDhe, aisA sab (karate hain). tapamen bhI aise hain, shAstramen bhI aise hain, shuddhAtmAmen anurakta hain, aise hain munirAja. ugra sAdhanA hai na munirAjakI. samyagdRuShTikI sAdhanA gRuhasthAshramamen hotI hai, parantu vah amuk prakArase (hotI hai). munirAjakI sAdhanA ugra prakArase hai. samyagdarshan ho, gRuhasthAshramamen bhinna rahate hain, parantu amuk prakArakI pravRutti hotI hai to unakI bhUmikA anusAr shAstra svAdhyAy, gnAn, dhyAn Adi hotA hai. pUjA, bhakti Adi hotA hai. samyagdarshanake ATh ang hote hain, samyagdRuShTiko vah sab hotA hai. munirAjako samyagdarshanake ang to hote hain, parantu panch mahAvratake AchAr hote hain. shAstrommen lIn hain.

... guNarUp maNionke samudAy hain. guNarUpI maNi pragaT hue hain. ek-ek guN mAnon maNi kaise lagAye hon, maNi.. maNi.. maNi.. guNake ratna mAnon. guNaratnonse shobhAyamAn (hain). chAron orase guN-guNase bhare hue. ananta guNase bharA huA AtmA to hai hI, parantu sAdhanAmen jo guN hote hain, un sab guNarUpI maNise munirAj shobhit hain. ananta guN antaramen to pragaT ho gaye hain, svarUpamen lInatA karate hain, guNase shobhAyamAn hain. gnAn, darshan, chAritra Adi. sab prakArase vyavahAraguN evan nishchayaguN, sab guNarUpI maNise muni shobhAyamAn hain. mAnon maNi.. maNi.. maNikA Dher! ratnonkA Dher ho, vaise guNaratnonse shobhAyamAn hain. munirAjako aise guN pragaT hue hain.

mumukShu- aur sarva sankalponse mukta hain.

samAdhAna- sab sankalponse mukta hain. kisI bhI prakArake sankalpase mukta hain. sarva sankalponse (arthAt) gRuhasthAshramake sankalponse, sab prakArake vibhAvake sankalponse mukta ho gaye hain. aise muni...

... paryAy unhen pragaT hotI hai. aisI jinakI sAdhanA hai. unhen to muktirUpI sundarI pragaT hotI hai. .. ho gaye, AtmAmen .. ho gaye. tapamen lIn ho gaye. guNarUpI maNise shobhita. shAstramen .. ho gaye. kalashamen to sanskRitamen sab shabda .. Adi Ate hain.

... Ruddhi, siddhi.. parantu bhagavAn jahAn Aye to kahate hain, mujhe pahale bhagavAnakI

PDF/HTML Page 448 of 1906
single page version

pUjA karane do. abhI mujhe koI rAjAke hisAbase namaskAr mat karanA. shrAvakonko to yah hai ki bhagavAnakI pUjA, bhakti, prabhAvanA Adi hote hain. vartamAnamene to gurudev par sabako bhakti bahut hai na, isaliye sab nAchane lagate hain. sabako aisA hotA hai ki kyA karen aur kyA na karen. isaliye dAnamen bhI utane dete hain aur sab ....

mumukShu- apane gurudev hI hai, aisA sabhAmen jAhir kiyA. bahut bhAvanA...

samAdhAna- gurudevakA pratAp prasar rahA hai. gurudev par sabako vaShAkI bhakti hai. vah bhakti sabako uchhal paDatI hai. bhagavAn gurudevane batAye, mandir, saurAShTramen koI mandir nahIn the. gurudevake hastakamalase pratiShThAen huyI. gurudevane bhagavAnakA svarUp, mandirakA, tattvakA svarUp sab gurudevane batAyA. gurudevakI vANI barasonse sabane sunI hai. hRudayamen sabako sanskAr (Dal gaye hain). gurudev par sabako bhakti uchhal paDI hai.

mumukShu- sUryakIrti bhagavAn..

samAdhAna- hAn, sUryakIrti bhagavAna. sab bhagavAnako dikhAnevAle, tIrthankarakA svarUp samajhAnevAle, tattvakA svarUp samajhAnevAle, chAron or unhonne vartamAn kAlamen tIrthankar jaisA kAm kiyA. aur bhaviShyake tIrthankar bhI svayam honevAle hI hain. mahAbhAgya ki gurudevakI vANI sunane milI, gurudevakA sAnnidhya milA aur gurudevako bhagavAnake svarUpamen sthApanA karanekA bhAgya milA, vah mahAbhAgyakI bAt hai.

mumukShu- sUryakIrti bhagavAnakI bolI itanI shIghratAse nahIn huyI hogI. sirpha tIn minaTa. pahale pachchIs hajAr bole, hIrAbhAI sIdhA lAkh bole, phir das-pandrah, das- pandrah baDhate-baDhate ek painsaTh par pahunch gayA. tIn minaTamen hI pUrI uchhAmanI pUrI ho gayI.

samAdhAna- Ap sabakI barasonkI bhAvanA thI.

mumukShu- chAhe jitanI bolI ho, usamen pIchhe nahIn haThanA hai. kisI bhI prakArakI ashAnti jaisA kuchh nahIn hai.

samAdhAna- aisA hai ki, jis prakArakA prasang ho, us prakArakI unakI vANI AtI hai. ve svayam virAjate the, kisIko aisA vikalpa AyA to vaisI unakI vANImen samAdhAn Aye. us prakArakA vANIkA yog thA. viDIyomen bhI aisA ho jAtA hai.

mumukShu- bolo! sUryakIrti bhagavAnakI jay ho! bhagavatI mAtakI asIm kRupAkI jay ho!

samAdhAna- gurudev virAje ho, to hI gurudevake bhakta hain, aisA kahanemen Aye. itane varSha vANI barasAyI. ... indra hI rachanA kare na. bhagavAnakI bhakti to indra bhI karate hain. devalokake dev bhI bhagavAnakI bhakti karate hain. shAshvat ratnakI pratimAen devalokamen

PDF/HTML Page 449 of 1906
single page version

aur sab jagah hai. sab dev unakI pUjA evan bhakti karane jAte hain. samavasaraNamen vANI sunane jAte hain. jahAn-jahAn jin pratimA ho, vahAn dev bhakti (karane jAte hain). yah to pancham kAl hai isaliye kuchh dikhatA nahIn, bAkI devonke hRudayamen bhagavAnakI bhakti hotI hai.

bhagavAnakA janma hotA hai tab sudharma indra Adi Akar bhagavAnakA janma Adi mahotsav indra karate hain. kalyANaka. jahAn-jahAn pratimA ho, dev aur indron Akar rakShA karate hain, unakI bhakti karate hain, aisA shAstramen AtA hai. mandir Uparase kisIkA vimAn jAtA ho to vimAn thambh jAtA hai. yahAn kyon thambhI gayA? dekhate hain to mAlUm paDatA hai ki nIche mandir hai. Uparase vimAn chalatA ho aur nIche Utarakar bhagavAnake darshan karane Ate hain. tIn lokamen bhagavAnakA, jinendra devakI utanI mahimA hai.

vartamAn, bhAvi bhagavant hain, tIrthankar bhagavantonkI utanI mahimA hai. tIrthankar dravyakI utanI mahimA hai. bharat chakravartIne tIn chaubasIke bimb karavAyen. unhen utsAh A gayA ki mere pitAjI RuShabhadev bhagavAn tIrthankar, unakA marichI putra vah bhI tIrthankar, mahAvIr bhagavAn chaubIsaven (tIrthankar) honevAle hain. unhonne bhUt, vartamAn, bhAvi tInon chaubIsIke ratnake bimb virAjamAn kiye. kailAs parvat par pAnchasau-pAnchasau dhanuShake.

mumukShu- hamAre yahAn dAdaramen bhUt, vartamAn aur bhAvi tInon bhagavAn A gaye. vartamAn sImandhar bhagavAn, bhaviShyake mahApadma bhagavAn aur sUryakIrti bhagavAn aur AdinAth bhUtakAlake.

samAdhAna- AdinAth bhagavAna. pratham AdinAth bhagavAn (hue). is chaturtha kAlamen chaubIs (tIrthankar) hue, usamen pratham AdinAth bhagavAn hue. aur yah chaubIsI pUrI huyI, AgAmI pratham mahApadma bhagavAn, shreNik rAjAkA jIv pratham tIrthankar honge. sImandhar bhagavAn to virAjate hain aur bhAvi bhagavAn sUryakIrti.

gurudev yahAn panchamakAlamen padhAre. vah bhI tIrthankarakA dravya thA. unhonne pancham kAlamen, viSham kAlamen itanA dharmakA prachAr kiyA ki pUre hindustAnamen tIrthankar jaisA kAm kiyA, yahAn Akara. isaliye unakI bhI pratimAjI, bhaviShyake tIrthankar honevAle hain, us rUpamen virAjaman (kiye).

mumukShu- ... unhonne kI. aur unake Anganamen-dAdar unake Anganamen bhI kahenge na.

samAdhAna- unake hI Anganemen kahalAye. yahAn unhonne bhagavAn liye, sab kiyA thA. shurUAt sab unhonne kI. unhonne sabhAmen jAhir kiyA. unakI bhAvanA ho, usamen main kyA kahUn? pUre samAjakI bhAvanA (thI). sabakI bhAvanAse sab saphal ho gayA. bhakti

PDF/HTML Page 450 of 1906
single page version

to sabake hRudayamen hotI hai.

mumukShu- ham sab is nimittase Aye hain. bhagavAnakI bhakti, bhagavAnako virAjamAn karaneke pIchhe mUl prayojan kyA honA chAhiye?

samAdhAna- mumukShuko aisA dev-guru-shAstrakA Aye binA rahatA hI nahIn. jagatamen sarvotkRuShTa mahimAvant jinendradev, guru evan shAstra hain. jinendradevane jo AtmAko pragaT kiyA hai, jo AtmA sarvotkRuShTa mahimAvant AtmA hai, vah AtmA pragaT kiyA, aise jo tIrthankar bhagavAn, unhonne jo mArga batAyA vah mArga svayamko grahaN karanA hai. dev-guru-shAstrakI mahimA karake, jo bhagavAnane pragaT kiyA, jo gurudevane sAdhanA kI, gurudevane jo mArga batAyA, shAstramen jo tattvakA svarUp AtA hai, vah sab grahaN karanA hai.

AtmA kaisA hai? AtmAkA svarUp-AtmA koI anupam, usakI mahimA koI alag hai, vah kaise pahachAnA jAye? use pahachAnanekA svayamko prayatna karanA hai. aur vah jab tak pahachAnamen na Aye tab tak shubhabhAvamen shrAvakonko jinendra dev, guru, shAstrakI mahimA Aye binA nahIn rahatI. shrAvak gRuhasthAshramamen hain, tab tak ashubhabhAvase bachaneko jinendradevake utsav, jinendradevakI pratiShThAen (Adi bhAv Ate hain).

padmanandi AchAryadev shAstramen likhate hain ki jo shrAvak hote hain, unhen jinendradevake utsav, jinendradevakI pratiShThAen, gurukI sevA, guru jo mArga batAye usakA shravaN, manan, shAstrakA chintavan Adi sab shrAvakonko hotA hai. lekin usamen hetu (hotA hai ki) AtmA kaise pahachAnA jAy? ashubhabhAvase bachaneko vaise shubhabhAv Ate hain. parantu shuddhAtmA kaise pahachAnA jAye? andar jo shubhabhAv hain, usake sAth jo gnAyak hai, vah gnAyak usase bhinna hai. vah shuddhAtmA kaise pahachAnA jAye? vah dhyey aur usake andar hetu yah honA chAhiye.

merI jo AtmAkI sAdhanA hai, vah sAdhanA Age kaise baDhe? athavA yathArtha sAdhanA kaise pragaT ho? pahale jignAsA, laganI Adi (hote hain). parantu yathArtha sAdhanA, AtmAkI or dRuShTi, dravya par dRuShTi kaise hon? AtmAkA gnAn kaise ho? dravya-guN-paryAyakA svarUp kaise pahachAnamen Aye? vah sab laganI, jignAsA laganI chAhiye. usake sAth-sAth, jab tak vah nahIn ho, tab tak dev-guru-shAstrakI mahimA use Aye binA rahatI nahIn. parantu andar hetu yah shuddhAtmA sarvotkRuShTa mahimAkA bhaNDAr aisA AtmA, vah AtmA kaise pahachAnUn? usakA chintavan, manan sAthamen honA chAhiye.

gRuhasthAshramamen bharat chakravartI Adi the, unako bhI dev-guru-shAstrakI (bhaktikA bhAv AtA hai). jinendra devakA utsav kare, pratiShThAen, gurukI sevA, gurukI vANI sune Adi sab thA. parantu andar unhen AtmA nyArA hI nyArA, bhinna jAnate the aur kShaN-kShaNamen

PDF/HTML Page 451 of 1906
single page version

AtmAko bhinna (jAnate the). gnAyakakI dhArA vartatI thI. vaisI dashA kaise pragaT ho, aisI bhAvanA andar honI chAhiye. (jinendra devane) pragaT kiyA aur gurune sAdhanA kI vah kaise pragaT ho? yah andar honA chAhiye. AtmArthIko andar AtmAkA prayojan hotA hai. dev-guru-shAstrakA pratAp jagatamen vartatA hai.

... andaramen AtmA kaise (pragaT ho)? shuddha nirmal paryAy (kaise pragaT ho)? gRuhasthAshramamen dev-guru-shAstrakI bhakti Adi hotA hai, parantu andar AtmA kaise pragaT ho usakI use gaharAImen khaTak honI chAhiye. sab kare. bhagavAnakI pratiShThAen, pUjA Adi kare, baDe- baDe mahotsav kare, shAstrakI rachanA kare, gurukI vANI sune, sab kare. parantu hetu ek ki mArga kyA batAyA hai? bhagavAnane kyA kahA hai? jo bhagavAnako pahachAne vah svayamko pahachAne aur svayamko pahachAne vah bhagavAnako pahachAne. bhagavAnake dravya-guN-paryA/ya kyA hai aur apane kyA hai? use vah svayam vichAr karake nakkI kare ki main chaitanya dravya hUn. mujhamen ananta guN hain. merI shuddha paryAy mujhe kaise pragaT ho? bhagavAnane jo pragaT kiyA, sAdhanA kI, bhagavAn svayam antar svarUpamen virAjamAn hain.

apane to vItarAgI bimbakI sthApanA kI. samavasaraNamen sAkShAt svarUpamen kevalagnAnarUp virAjamAn hain. ek vikalpa bhI utpanna nahIn hotA. vItarAgI hain, svayam antar svarUpamen ekadam virAjamAn hain. apane dravya-guNamen andar ananta nirmal paryAyen bhagavAnako kevalagnAnamen pragaT ho gayI hain. lokAlokako jAne to bhI svayam svarUpamen virAjamAn hain. sahaj jAnate hain. bAkI (to) bhagavAn andar svarUpamen virAjamAn hain. jaise bhagavAn hain, vaisA hI svayam hai. bhagavAnane jo pragaT kiyA vah mujhe kaise pragaT ho? yah hetu aur prayojan honA chAhiye.

jaisA bhagavAnakA svarUp hai, vaisA hI svayamkA hai. svayam ananta guN sampanna hai. aisI gnAyakakI dashA kaise pragaT ho? usakI jignAsA, usakI laganI, usakI bhAvanA sab honA (chAhiye). usake liye vichAr, vAnchan (hotA hai). dhyey ek AtmAkA honA chAhiye.

mumukShu- sukhakA yah ek hI upAy hogA? dUsarA koI upAy nahIn hogA?

samAdhAna- yah ek hI sukhakA upAy hai. AtmAko-gnAyakako pahachAnanA, bhedagnAn karanA. yah vibhAv merA svabhAv nahIn hai, main gnAyak svabhAv hUn. usase main bhinna hUn. bhedagnAnakI dhArA pragaT karanI, gnAyakako pahachAnanA, usakI svAnubhUtikI dashA pragaT karanI, yahI ek upAy hai. usamen bAhya upAy koI nahIn hai. sab shubharAg puNyabandhakA kAraN hai. parantu andar ek hI upAy hai, shuddhAtmAko pahachAnanA. usake liye, jinhonne pragaT kiyA unhen sAthamen rakhakar, un par mahimA rakhakar apanA hetu andar shuddhAtmAko pahachAnanA (yah honA chAhiye). shubhabhAvamen vah aur andaramen shuddhAtmA kaise pahachAnamen Aye? yah

PDF/HTML Page 452 of 1906
single page version

ek hI (dhyey honA chAhiye). gnAyakakI dhArA pragaT karanI, bhinna AtmA hai use pahachAnanA.

... jo shuddhAtmAko pahachAnanA hai, vah binA laganIke pahachAnamen nahIn AtA. vibhAvamen dukh hai, svabhAvamen sukh hai. sukh kahAn hai? sukhako khojaneke liye sukh AtmAmen hai, gnAyakamen hai, vaise dRuDhatA kiye binA shuddhAtmAkI aur jAye kaise? dhyey ek shuddhAtmAko pahachAnanekA (honA chAhiye). main shuddhAtmA hUn, aise raTan kar le, to aise raTan karanese nahIn hotA. andarase usakA svabhAv pahachAnakar hotA hai. svabhAv kab pahachAnamen AtA hai? ki andar use laganI lagI ho ki mujhe shuddhAtmA hI pahachAnanA hai. shuddhAtmAke binA chain paDe nahIn. bArambAr usakI laganI, kShaN-kShaNamen usakI bhAvanA ho to use pahachAnamen Aye.

mumukShu- nirvikalpa samAdhike samay paryAyamen hI lIn hotA hai na? kAraN ki AtmAkA pariNaman ho gayA hai.

samAdhAna- dravya par dRuShTi hai. lInatA to dravyamen, dravyake Ashrayamen lInatA hotI hai. paryAyamen lInatA... use Ashray dravyakA hai. pragaT hotI hai paryAy, paryAy pragaT hotI hai, parantu Ashray dravyakA hai. dravyake Ashray binA paryAy akelI nahIn hai. sirpha ek paryAy nirAdhAr Upar-Upar hai, aisA nahIn hai. anubhUti-vedan paryAyakA hai, parantu use- paryAyako Ashray dravyakA hai.

mumukShu- shraddhAnamen dravya rahA ki vedanamen?

samAdhAna- dRuShTamen dravya hai. dravyakI shraddhA arthAt shraddhA kar lI, aisA nahIn hai, usakA Ashray hai. yah main gnAyak vastu hUn, usakA Ashray hai. tathApi dravya aur paryAy alag nahIn hai. dravya aur paryAy sarva prakArase bhinna nahIn hai. vah to lakShaNase bhinna hai aur ansh-anshIkA bhed hai. bAkI sarvathA bhinna nahIn hai. koI apekShAse dravyakA vedan aur koI apekShAse paryAyakA vedan kahanemen AtA hai. donon sarvathA bhinna nahIn hai. AtmAkI svAnubhUti huyI aisA kahanemen AtA hai. paryAyakI svAnubhUti huyI aisA nahIn kahanemen AtA. dravya to anAdikA thA hI, parantu vedanamen nahIn A rahA thA. svayamne dravyako grahaN kiyA isaliye paryAy pragaT huyI, shuddha paryAy huyI isaliye paryAyakA vedan huA. parantu dravyake Ashray binA paryAyakA vedan hotA nahIn. dravya-paryAy svarthA bhinna nahIn hai. vah to ansh- anshIkA bhed hai. paryAy dravyake Ashrayase hI pragaT hotI hai. paryAyakA vedan huA (aur) dravya ek or paDA rahA, AtmA ek or paDA rahA aur paryAyakA vedan huA, aise nahIn hotA.

mumukShu- parantu dravya to sAmarthyarUp hI hai na?

samAdhAna- sAmarthyarUp hai, lekin vah ananta guNase bharA hai. sarva guNAnsh so

PDF/HTML Page 453 of 1906
single page version

samyagdarshana. sarva guNonke ansh pragaT hote hain. ek paryAy pragaT huyI, ek guNakI ek paryAy aisA nahIn hai. dravya ananta guNase bharA hai. sarva guNAnsh so samyagdarshana. pratyek guN ke ansh use tAramyarUpase nirmal hote hain. dravya guN...

sab paryAy pragaT hone yogya thI vah (pragaT hotI hai). sAmarthyarUp hai bhale, parantu pragaT paryAy hotI hai. sAmarthyarUp dravya (hai), us dravyake Ashrayase paryAy pragaT hotI hai. sAmarthyarUp arthAt ek or paDA hai aisA usakA artha nahIn hai. ek or paDA rahA hai aur paryAy kahIn alag ho gayI aisA nahIn hai. jo dravya hai usamen guN hain, un guNonkI paryAy pragaT hotI hai. dravya bhale sAmarthyarUp hai. (paryAy) bhale pariName, parantu Ashray dravyakA hai. paryAy pariNamatI hai, dravyake Ashray binA paryAyakA pariNaman hotA nahIn.

mumukShu- dravyake AshrayapUrvak arthAt main aisA dravya hUn, aise abhyAsarUp hI vah pariNamit ho jAtI hai?

samAdhAna- main gnAyak hUn, gnAyak hUn. bArambAr gnAyakakA abhyAs karanese paryAyakA pariNaman ho jAtA hai. gnAyakakA abhyAs karanese. chAritra chAritrake Ashrayase pragaT nahIn hotA, darshan darshanake Ashrayase pragaT nahIn hotA. main darshan-samyak shraddhA pragaT karun, aise usake Ashrayase pragaT nahIn hotA. gnAyakakI paryAy, aise vichAr karate rahanese (nahIn hotA). paryAyake Ashrayase paryAy pragaT nahIn hotI, dravyake Ashrayase pragaT hotI hai.