PDF/HTML Page 630 of 1906
single page version

mumukShu- usakA kAraN kyA aur usake liye kyA karanA?

samAdhAna- apane gAmv jAy to apanI kShati hai usamen. yah to gurudevakA sthAn hai, isaliye sab ... jyAdA satsang karanA. svayamko puruShArthakI mandatA ho jAy to jyAdA satsang karanA. kaise ruchi pragaT ho? yah rakhanA. jyAdA vAnchan, vichAr karanA. use dev- guru-shAstrakI mahimAmen chitta lagAnA. jahAn apane AtmAko jyAdA lAbh ho vahAn AnA- jAnA jyAdA rakhanA. kalyAN kaise ho? AtmA kaise pahachAnamen Aye? AtmA gnAyak hai, AtmA apUrva hai. gurudevane kahA hai use bArambAr yAd karanA. ruchiko manda nahIn paDane denA, vah sab apane hAthakI bAt hai.

samAdhAna- ... isaliye antaramen jAnA use atyant mushkil ho jAtA hai. apane puruShArthakI mandatAse rukA hai. apanI bhUlake kAraNa. "karma bichAre kaun, bhUl merI adhikAI'. merI bhUlake kAraN, apanI bhUlake kAraN svayam rukA hai, koI use rokatA nahIn hai. kaise karanA? kyA karanA? vichAr karane par bhI svayam antaramen jis prakArakA puruShArtha karanA chAhiye vaisA karatA nahIn hai. svarUpakA Ashray grahaN nahIn karatA hai. antaramen shraddhA karake chaitanyakA Ashray grahaN karanA chAhiye, vah Ashray grahaN nahIn karatA hai. bAhar use achchhA lagatA hai, anAdi kAlase. andaramen use aisA lagatA hai ki merA karanA hai, lekin puruShArtha nahIn karatA hai. andar utanI lagI nahIn hai. "taraNA othe Dungar re, Dungar koI dekhe nahi'. parvatako koI dekhatA nahIn. svayam dekhatA nahIn hai, isaliye dikhAI nahIn detA. andar AtmA to hai, parantu svayam vahAn dRuShTi karake dekhatA nahIn hai. isaliye dikhatA nahIn hai.

mumukShu- kal hI chAritrakA doSh aur shraddhAkA doSh Apake shrImukhase sunaneke bAd bahut Ananda AyA.

samAdhAna- vAstavamen to shraddhA aur chAritra to, vah svayam bhinna paDe tab usakI shraddhAkI pariNati bhinna hotI hai gnAyakakI aur chAritrakI asthiratA rahatI hai. ata asthiratAkA doSh aur shraddhAmen doSh kab AtA hai aur gnAyakakI pariNatimen chalAchalatA ho to vah shraddhAkA doSha. kharA shraddhAkA doSh to samyagdarshan honeke bAd hI use sahajarUpase

PDF/HTML Page 631 of 1906
single page version

bhedagnAn hokar ekatva pariNati chhUTe tab hotA hai. usake pahale vah vikalpase kare to usamen shraddhA aur chAritrakI ekatva pariNati hai. isaliye use shraddhA evan chAritra donon sAth-sAth chalate hain.

isaliye use mukhyapane tattvakI bAtamen shankA paDe to vah shraddhAkA doSh hai. sachche dev-guru-shAstra aur tattva, tattvamen use pheraphAr ho, vah shraddhAkA doSh hai. aur dUsare kaShAy hain, vah asthiratAke hain. vah tattvako lAgU nahIn paDate. to bhI mumukShukI bhUmikA to aisI honI chAhiye ki yah asthiratA hai aur yah kaShAy laukik hai, isaliye vah kaise bhI ho, usamen koI dikkat nahIn hai, usamen shraddhAkA doSh kahAn hai? aise nahIn. mumukShukI bhUmikAmen usake yogya amuk prakArakI kaShAyonkI mandatA to use honI chAhiye. laukikamen bhI usakI pAtratAmen honA chAhiye. yah to chAritrakA doSh hai, yah tattvako kahAn lAgU paDatA hai? aisA use nahIn hotA. usakI pAtratAmen bhI amuk prakArakI mandatA use hotI hai.

mumukShu- ek-ek spaShTakIraN mAtAjI! Apase prApta hote hain to sab pahalU itane spaShTa ho jAte hain ki kisI nayakI hAni nahIn hotI aur phir bhI jitanA spaShTIkaraN jis prakArase AnA chAhiye, vah sab spaShTIkaraN Apase prApta ho jAtA hai.

astitva grahaN karanA hai ki yah main hUn. bas, itanA tujhe karanA hai. usamen guNabhed yA paryAyabhed, jis prakArase gnAn samyakagnAnamen jAnatA hai vaisA hI vastukA svarUp hai. mAtra tujhe un sabamense prayojanakI siddhike liye ekako grahaN kar lenA hai.

samAdhAna- ek astitva grahaN karanA hai aur dRuShTike viShayamen ek chaitanyakA astitva grahaN kar lenA. main hUn gnAyak, basa. phir gnAn aur shraddhA donon maitribhAvase hain. yah aisA kahe aur vah vaisA kahe, aisA nahIn hai. ek Ashray grahaN kar liyA, bas, usamen dRuShTimen guNabhed, paryAyabhed gauN ho gaye. vibhAv svabhAv apanA nahIn hai. yah sharIr to jaD hai, vibhAvasvabhAv apanA nahIn hai. aur guNabhed, paryAyabhed Adi kis prakArase usake bhed hai, vah sab gnAnamen AtA hai. dRuShTi apanA astitva grahaN karatI hai. astitva grahaN karatI hai, usamen guNabhed paryAyabhed sab gauN ho gayA. ek astitvakA jor hai aur mukhya hai.

use sahaj nahIn hai, isaliye vikalpamen aisA AtA hai ki astitvamen guNabhed, paryAyabhed nahIn hai, gnAnamen hai. use aise vikalpa Ate rahate hain isaliye donon virUddha jaisA lagatA hai. usamen sahaj ho... ek astitva grahaN kar liyA. usamen guNabhed, paryAyabhed sab gnAnamen gnAt hote hain. phir usakI dRuShTike viShayamen vah sab gauN ho jAtA hai. ek apanA astitva grahaN karatA hai. sAmAnya astitva grahaN kar letA hai.

PDF/HTML Page 632 of 1906
single page version

mumukShu- gnAnaguN aur gnAnakI paryAy apanA kArya karatI rahatI hai, shraddhAguNakA kArya astitvako grahaN karanA itanA hI hai. samyak athavA mithyA.

samAdhAna- astitva grahaN karatI hai. ek sAmAnya par jorase shraddhA rakhe ki yah main hUn, yahI main hUn, anya kuchh nahIn. mukhya svarUp merA yah hai. main chaitanyarUp gnAyakarUp hUn. yah sab vibhAv yA bhed Adi sab mere mUl svabhAvamen nahIn hai. vah sab lakShaNabhedase bhale hI ho, parantu mUl svabhAvamen (nahIn hai). vah usakA jor hai-shraddhA evan astitvakA. usane astitva grahaN kiyA hai. usakA dRuShTikA viShay aisA jorase hai. use shraddhA kaho, dRuShTikA viShay kaho.

gnAnamen vah AtA hai ki ek astitva honeke bAvajUd, vah chaitanya kis svarUp hai? usamen gnAn hai, darshan hai, chAritra hai, vah sab gnAnamen AtA hai. lekin vah sab TUkaDerUp nahIn hai. vah sab gnAnamen AtA hai. donon maitribhAvase rahate hain. is apekShAse hai aur dUsarI apekShAse nahIn hai. gnAnamen donon (Ate hain). gnAn dRuShTiko, astitvako grahaN karatA hai aur bAkI sab bhI grahaN karatA hai. gnAnamen sab AtA hai.

mumukShu- shraddhAkA kArya kyA? ki shraddhA kisIkA svIkAr nahIn karatI, gnAn jaisA hai vaisA...

samAdhAna- gnAn jaisA hai vaisA jAnatA hai.

mumukShu- astise shraddhA main gnAyak hI hUn, aisA svIkAr karatI hai. sAth-sAth gnAn nAstimen, yah main nahIn hUn, aisA jAn letA hai.

samAdhAna- yah main hUn, yah nahIn, donon. gnAnamen sab AtA hai. kis apekShAse hai, kis apekShAse nahIn hai. sAmAnya-visheSh sab gnAnamen AtA hai. (gnAn) vivekakA kArya karatA hai, shraddhA ek par jor rakhatI hai ki svanyako grahaN kar liyA hai ki yah main hUn. mUl astitva, usakA jo asalI astitva hai, vah usane grahaN kar liyA hai. lekin use grahaN kiye binA muktikA mArga hotA nahIn. gnAnamen sab jAnA, lekin ek par jo jor na Aye to vah Age nahIn baDh sakatA. jor ek par AnA chAhiye.

is apekShAse guNabhed, paryAyabhed hai. yah vibhAvasvabhAv merA nahIn hai. kis apekShAse hai, aisA jAnA, lekin jor ek par-yah main hUn-phir usamen yah guN hai, paryAy hai, sab gnAnamen jAnanemen AtA hai. kal kahA na? bhagavAn koI divyasvarUp (hai). bhagavAnakA Ashray liyA ki mujhe bhagavAnake darshan karane hain. ek bhagavAnakA astitva ki yah bhagavAn hain, phir bhagavAn kaise hain, vah sab vistAr gnAnamen hotA hai. lekin Ashray karanevAlA ek bhagavAnako grahaN karatA hai. usamen ek astitva grahaN karatA hai. vah to bAharakA hai, yah to antarakA hai.

PDF/HTML Page 633 of 1906
single page version

... yah guru. yah guru hai. apane guru hain. bas, ek guruko grahaN kiyA phir usake vichAr (karatA hai ki) guru kaise hain? vah to usane nakkI kar liyA ki yah guru hain, unakI antaramen dashA koI alag hai. yah guru alag hai. nakkI karake shraddhA karI ki yah guru. phir usamen bAr-bAr vichAr nahIn Ate hain. ek guru hain, aise Ashray liyA. ek Ashray le liyA. kis apekShAse guru hain, vah nakkI kar liyA, phir shraddhA ho gayI ki yah guru hain. phir gnAnamen jAnatA hai ki guru kaise hain. phir bAr-bAr vichAr nahIn karatA. ek astitva gurukA grahaN kar liyA hai. aise gnAyakako grahaN kar liyA.

vaise gnAyakako grahaN kar liyA. jo jaD nahIn hai, parantu chaitanya hai. ... sab gnAnase nakkI karaneke bAd shraddhA kI ki, yah gnAyak so main. ek astitva grahaN kar liyA. shraddhAkA jor usI par rakhA. shakti apekShAse hai, pragaT to huA nahIn hai. phir gnAnamen sab vivek karake us orakA jor rakhakar usakA puruShArtha chAlU hotA hai.

mumukShu- astitva nA mAtAjI?

samAdhAna- sAmAnya astitva. ananta guN maNDit AtmA, usakA sAmAnya astitva. guN par dRuShTi nahIn hai. dRuShTi ek sAmAnya par hai. paryAyonkA vedan hotA hai. paryAyen palaTatI hain. vah sab gnAnamen jAnatA hai. jo sthir ho, usIkA Ashray liyA jAtA hai. jo palaTatA rahe usakA Ashray nahIn hotA, jo sthir hotA hai usakA Ashray liyA jAtA hai. paryAyen palaTatI rahatI hain, us par dRuShTi (nahIn karate), usakA Ashray nahIn liyA jAtA, jo sthir ho usakA Ashray liyA jAtA hai. paryAyen palaTatI hain. jo guN ho, usakA kArya Aye binA rahatA hI nahIn. palaTanekA svabhAv bhI hai AtmAkA.

mumukShu- dRuShTikA itanA jor Aneke bAd usakA abhyAs hotA hai. pratyek prasangamen main to bhinna hUn, main to bhinna hUn, yah jo Apane batAyA, vah dRuShTikA jor Aneke bAd usakA bArambAr abhyAs karanA?

samAdhAna- bArambAr abhyAs karanA. main to bhinna hI hUn. yah sharIr so main nahIn hUn. main to ek gnAyak hI hUn. yah vibhAvarUp pariNaman ho rahA hai, vah bhI merA svabhAv nahIn hai, main gnAyak hUn.

mumukShu- jis dravyake Alambanase samyagdarshan hotA hai, us dravya sambandhit... dravya tInon kAlamen jAtyAntar nahIn hotA.

samAdhAna- tInon kAlamen jAtyAntar (arthAt) usakI jAti badalatI nahIn. jo dravyake Ashrayase samyagdarshan ho, vah dravya.. aisA hai na? dravya jAtyAntar nahIn hotA. jAtyAntar yAnI usakI jAti badalatI nahIn. ek svabhAv hI rahatA hai. ananta kAl gayA to bhI jIv to vahI kA vahI hai. nigodamen gayA to bhI vah hai, devamen gayA to bhI

PDF/HTML Page 634 of 1906
single page version

vaisA hI hai. narkamen gayA to bhI vaisA hai, tiryanchamen gayA to bhI vaisA hai. jIv to vahI kA vahI hai. jAtyAntar nahIn hotA. jIv badalakar jaD nahIn hotA. jIv to jIv, chetan to chetan hI rahatA hai. chetan so chetan tInon kAlamen, jaD vah jaDarUp hai. donon bhinna-bhinna vastuen hain. us chaitanyako grahaN karanA, vahI AtmAko sukhakA kAraN hai, anya kuchh bhI sukhakA kAraN nahIn hai. vah svabhAv grahaN karanA, vahI sarvasva hai. vahI dravya hai. koI alag dravya hai, AshcharyakArI dravya hai.

mumukShu- ashuddha pariNaman jo hotA hai, use jAtyAntar huA kahA jAy?

samAdhAna- kisakA pariNaman?

mumukShu- ashuddha pariNamana.

samAdhAna- jAtyAntar nahIn hai. apanA svabhAv chhoDakar usakA pariNaman hotA hI nahIn. svayam svayamrUp hI rahatA hai. jAtyAntar arthAt vibhAvarUp jo hotA hai, vah paryAy apekShAse dUsarI jAti hai. parantu apane svabhAvase mUl vastuko nahIn chhoDatA. nimittakI apekShAse kahA jAtA hai ki sphaTik svayam nirmal hai, parantu jo lAl-pIle rang hai vah dUsarI jAtike hain. vah usakA mUl svabhAv nahIn hai. svabhAvakA rang nahIn hai. parantu vah vibhAv paryAy-vikRut hai. chaitanyakI vibhAvaparyAy hai, svabhAvaparyAy nahIn hai.

mumukShu- samyagdarshan to vikRuti rahit dravya hai.

samAdhAna- samyagdarshan vikRuti rahit dravya hai, jo ek svabhAvarUp hai, sahaj svabhAvasvarUp hai, pAriNAmikarUp hai. usake Ashrayase hI samyagdarshan hotA hai. paryAyake Ashrayase samyagdarshan nahIn hotA. dravyake Ashrayase hI hotA hai. kisI bhI prakArakA vibhAv- vikRuti ho, usake Ashrayase samyagdarshan nahIn hotA yA shubhabhAvake Ashrayase nahIn hotA. andar shuddhake Ashrayase samyagdarshan hotA hai. to vah shuddhAtmAke Ashrayase hotA hai. shuddha paryAyake Ashrayase bhI nahIn hotA. shuddha paryAy to pragaT hotI hai. vah hameshA nahIn hotI. shuddhAtmAke Ashrayase hI samyagdarshan hotA hai. koI shubhabhAvake Ashrayase yA shuddha paryAyake Ashrayase svayam shuddhAtmA dravya hai, usake Ashrayase hI samyagdarshan hotA hai. usIkA Alamban lenA, usImen sthir honA, usakI shraddhA, usakA gnAn, usakA chAritra, bas, usake Ashrayase hI pUrA muktikA mArga yahAnse shurU hotA hai. dravyake Ashrayase.

dravyako jIvane grahaN nahIn kiyA hai. paryAyakI or dRuShTi kI hai, vibhAvakI or dRuShTi karake shubhabhAv kuchh kare to, mainne mAno bahut kiyA, aisA use lagatA hai. parantu karanekA antaramen bAkI rah jAtA hai. ananta kAlase jo kiyA vah kuchh kiyA hI nahIn hai. antaramen jo karanekA hai vah alag hI hai. bAharase kare isaliye mAnon mainne bahut kiyA. parantu shraddhA to aisI hI honI chAhiye ki mere chaitanyake Ashrayase hI sab

PDF/HTML Page 635 of 1906
single page version

hotA hai.

mumukShu- shuddha dravyake Ashrayase hI samyagdarshan hotA hai, aisA kahanekI koI AvashyakatA nahIn hai, dravyake Ashrayase hI samyagdarshan hotA hai. donon ek hI vastu hai. paryAyako gauN karake.

samAdhAna- paryAyako gauN kare to AtmAke Ashrayase hI hotA hai.

mumukShu- vah shuddha hI rahA.

samAdhAna- vah shuddha hI hai. usamen koI ashuddhatA hai hI nahIn. shuddhAtmAke Ashrayase hI hotA hai. shuddhAtmA aur ashuddhAtmA, vah to ek bolanekI paddhati hai. ashuddhAtmA paryAy apekShAse kahanemen AtA hai. AtmA to shuddha hI hai.

mumukShu- yah jo .. bAt kI, ki par pariNAmarUp pariName nahIn, usakA artha kyA?

samAdhAna- pararUp pariNamatA nahIn. par pariNAmarUp yAnI jaDarUp pariNamatA nahIn. jo AtmA hai, vah vibhAvarUp mUl rUpase pariNamatA nahIn. paryAy apekShAse pariNat hai.

mumukShu- dravya svabhAv hai, vah vaisAkA vaisA rahatA hai.

samAdhAna- vah vaisAkA vaisA rahatA hai. sphaTik vaisA hI rahatA hai, pAnIkI shItalatA jAtI nahIn. jo vastukA mUl svabhAv ho, vah vaisA hI rahatA hai. vah nigodamen jAy to bhI vaisA hI rahatA hai. usamen koI pheraphAr nahIn hotA. usIkA Ashray lenA. usIse hotA hai.

apanA kalyAN karanA, apanI shuddha paryAy pragaT karanI hai. vah anya kisIke Ashrayase hotA nahIn. svayamko andar vedan aur shuddhatA-nirmalatA pragaT karanI hai to nirmalake Ashrayase nirmal hotA hai. svayam hI hai aur svayamko hI grahaN karanA hai. dUsarA kuchh nahIn hai.

mumukShu- .. svapanekA tyAg kar sakatA nahIn. vah bAt to A gayI...

samAdhAna- hAn, dravya svapanekA tyAg kar sakatA nahIn. dravya svayam svayamko chhoDatA nahIn. svayamko chhoDakar anya rUp nahIn hotA. apanA svapanA chhoDatA nahIn. vastu svabhAvase chhoDatA nahIn. paryAy apekShAse chhoDatA hai, aisA kahanemen AtA hai. vastu svabhAvase chhoDatA nahIn.

gnAyakakI pariNati pragaT ho, svAnubhUti pragaT ho to use gnAyakakI dashAmen vah gnAtAkI dhArA chhoDatA nahIn. use chAhe jaisI vibhAv paryAy udayamen ho, to bhI vah gnAyakakI dhArA chhoDatA nahIn. usakI bhedagnAnakI dhArA gRuhasthAshramamen ho to aise hI chAlU rahatI hai. paryAy apekShAse chhoDatA nahIn. pahale kahA vah dravya apekShAse chhoDatA nahIn. usakI puruShArthakI dhArA aisI hotI hai. bAhar vibhAvamen ekatvabuddhirUp pariNamatA nahIn. usakI

PDF/HTML Page 636 of 1906
single page version

svabhAvakI dhArA chAlU hI rahatI hai. pratikShaN chAlU rahatI hai.

mumukShu- anAdi maryAdArUp vartatA hai, aisA ek bol hai.

samAdhAna- anAdi maryAdArUp hI vartatA hai, niyamarUpase usakI maryAdA chhoDatA nahIn. usakI maryAdAse bAhar jAtA nahIn. jaise samudra apanI maryAdA chhoDatA nahIn, vaise AtmA maryAdA chhoDatA nahIn. samudrakA pAnI bAhar nahIn A jAtA.

vaise chaitanya ananta guNase bharA AtmA, vah apanI maryAdA chhoDakar apanA dravya bAhar Akar dUsareke sAth mishra ho jAy, aisA hotA nahIn. usake guN aur usakI pariNati anya kisIke sAth mishra ho jAy, us prakArase vah uchhalakar anyamen mishra nahIn ho jAtA. usakA tal aisA nahIn hai, samudra maryAdA chhoDatA nahIn, vaise chaitanya (apanI maryAdA chhoDatA nahIn). yah to dRuShTAnta hai. svayam maryAdA (chhoDatA nahIn). svayam svayammen hI rahatA hai. paryAy apekShAse bAhar gayA, aisA kahanemen AtA hai. maryAdA chhoDatA nahIn hai, aisI shraddhA karake us rUp puruShArtha kare to vah barAbar hai.

mumukShu- to use kAmamen Aye.

samAdhAna- hAn, to use vah samajh kAmamen Aye. bAkI shraddhA kare, bhale buddhise shraddhA kare to bhI vah hitakA kAraN hai.

mumukShu- pahale to gnAnamen yathArthatA ho, usake bAd hI ... hotA hai na? samAdhAna- gnAnamen yathArtha ho. vichArase nakkI kare to shraddhA hotI hai. vichAr to bIchamen Aye binA nahIn rahate. tattvake vichArase shraddhA hotI hai, parantu shraddhA muktike mArgamen mukhya hai. shraddhA samyak hotI hai, isaliye gnAn samyak kahanemen AtA hai. parantu gnAn bIchameen Aye binA nahIn rahatA. gnAnase nakkI karatA hai. vyavahAr bIchamen Aye binA nahIn rahatA.