Benshreeni Amrut Vani Part 2 Transcripts-Hindi (iso15919 transliteration). Track: 234.

PDF/HTML Page 1530 of 1906
single page version

mumukṣuḥ- koī pahalū bākī na rahe, samajhāneke liye.

samādhānaḥ- sabhī pahalūon̐-se samajhāyā hai. śarīr-se bhinna, vikalpoṁ-se, śubhāśubh- se bhinna, andar kṣaṇik paryāyoṁmeṁ bhī tū aṭakanā mata. tū śāśvat caitanya (hai) use tū grahaṇ kara. bīcameṁ śubhabhāv āye lekin vah terā svarūp nahīṁ hai. tū koī guṇoṁke bhed yā koī bhedameṁ aṭakanā mata. bhale teremeṁ ananta guṇ haiṁ, parantu tū koī bhedameṁ aṭakanā mata. akhaṇḍa caitanya par dr̥ṣṭi kara. sab jñānameṁ grahaṇ kar (-jān), parantu tū ek akhaṇḍa caitanyako grahaṇ kara. cāroṁ or-se samajhāyā hai.

... jānanevālā hai. sab vikalpake bīc jo jānanevālā hai vah maiṁ hū̃n. usakā bhedajñānakā prayatna karanā. ye sab vikalpa, koī bhī vikalpa ho, vikalpake bīc maiṁ ek jānanevālā jñāyak ek caitanya tattva hūn̐, śāśvat ek ātmā hū̃n. use pahacānanekā prayatna kara. upayog bāhar jāy to dev-guru-śāstrakī mahimā, jinendra dev, gurune kyā kahā hai, koī apūrva mārga batāyā, śāstrameṁ kyā kahanā hai? aur aṁtarameṁ jāy to ek ātmā. ātmāke dhyeyapūrvak sab honā cāhiye.

cāhe jaise ūn̐ce śubhabhāv ho, parantu śubhabhāv bhī ātmākā svarūp nahīṁ hai. bīcameṁ śubhabhāv āte haiṁ, parantu vah svarūp-ātmā usase bhinna hai. siddha bhagavān jaise nirvikalpa tattva hai, vaisā hī ātmā nirvikalpa tattva hai, use pahacānanekā prayatta kara. usakī lagan, mahimā, usakā vicār, usakā vāṁcan sab karanā. usakā bhedajñān kaise ho? caitanya akhaṇḍa tattva hai, use grahaṇ karanā, use grahaṇ karanekā prayatna karanā aur parake sāth jo ekatvabuddhi ho rahī hai, vibhāvake sāth, us vibhāvase kaise bhinna paḍe aur ātmā grahaṇ kaise ho, yah karane jaisā hai.

ātmākā astitva kaise grahaṇ ho? aur ye vibhāvase vibhakta-bhinna kaise paḍe? yah karaneke liye vicār, vāṁcan ādi sab karanā hai. ananta janma-maraṇ kiye lekin bāhar kahīṁ-kahīṁ kriyāoṁmeṁ isase dharma hogā, isase dharma hogā (aisā mānā). dharma aṁtarameṁ rahā hai. aṁtar ātmāko pahacāne usīmeṁṁ dharma hai. dharma ātmākā svabhāv hai, vah svabhāv kaise pahacānameṁ āye?

PDF/HTML Page 1531 of 1906
single page version

ātmākā ek jñānasvabhāv hai vah aisā asādhāraṇ hai ki vah jān sake aisā hai. ye sab vikalpoṁke bīc jo hai, sab vikalpa cale jāte haiṁ, parantu jānanevālekā astitva vidyamān rahatā hai, vah jānanevālā maiṁ hū̃n. us jānanevālemeṁ ananta ānandādi bhare haiṁ. parantu vah vikalpake sāth juḍā rahatā hai isaliye usakī anubhūti use nahīṁ ho rahī hai. usakā bhedajñān karake svarūpameṁ līn ho to nirvikalpa svarūp ātmā hai, usakī anubhūti ho.

svabhāvameṁ-se svabhāv pragaṭ hotā hai. vibhāvameṁ-se svabhāv nahīṁ ātā hai. sphaṭik svabhāv-se nirmal hai. usameṁ lāl aur pīle phūl rakhane-se lāl aur pīlā dikhatā hai, parantu vah vāstavik rūp-se nirmal hai. aise ātmā svabhāv-se nirmal hai. vibhāvakī pariṇatike kāraṇ vah vikalpavālā dikhatā hai. lekin usakā bhedajñān karake aṁtarame ṁ jāy to usakī nirmal paryāy pragaṭ hotī hai.

svabhāv-se to vah vartamān dravyadr̥ṣṭi-se nirmal hai. vartamān avasthāmeṁ malinatā dikhatī hai. parantu aṁtar dr̥ṣṭi kare to nirmalatā pragaṭ hotī hai. bāraṁbār usakā abhyās karate rahanā. vah pragaṭ na ho tabatak usakī mahimā, laganī, vicār, ciṁtavan sabakā bāraṁbār abhyās karate rahanā. jabatak pragaṭ na ho tabataka.

(chāchako bilote-bilote) makkhan bhinna paḍ jātā hai. aise bāraṁbār abhyās karane- se andar bhedajñān hokar ātmā jaisā hai vaisā pragaṭ hotā hai. parantu usakā abhyās aur puruṣārtha pūrā ho to hotā hai. aṁtarameṁ svayaṁ jitanā rakhe utanā hotā hai, bākī bāhar to sab vātāvaraṇ alag hotā hai.

.. ātmākā kar sakatā hai. andar puṇya-pāpake uday anusār hotā hai. cāhe jitanā kare to vah hāthakī bāt nahīṁ rahatī. mātra rāg ho ki isakī davāī kī, yah kare, vah kare, rāg ho. bākī usakā śarīr usake kāraṇ pariṇamatā hai. ātmā svayaṁ apanā svabhāv pragaṭ kar sakatā hai. aur vah ek adabhut svarūp, adabhut cīj ātmā hai. aṁtar dr̥ṣṭi kare to pragaṭ ho aisā hai.

... svānubhūti hone par siddha bhagavān jaisā anubhav use aṁtarameṁ līn ho to āṁśikarūp hotā hai. phir to viśeṣ sādhanā karane par āge baḍhatā hai. pahale to usakī saccī pratīti aur anubhūti hotī hai. phir viśeṣ līnatā ho tab āge baḍhatā hai.

mumukṣuḥ- .. karanekī sūjh āye? āpakī ājñā anusār abhyās aur prayatna karatā rahatā hūn̐, parantu vah sūjh bhī aṁtarameṁ ānī cāhiye na ki aṁtarameṁ... vah mālūm kaise paḍe ki aṁtarameṁ dr̥ṣṭi (huyī hai)?

samādhānaḥ- apanā yathārtha ho to svayaṁko ātmāmeṁ mālūm paḍ jātā hai ki

PDF/HTML Page 1532 of 1906
single page version

merī dr̥ṣṭi yathārtha pragaṭ huyī hai. mujhe ātmā jahān̐ vibhāv-se bhinna, caitanya bhinna svayaṁ apaneko grahaṇ ho to svayaṁ apane-se gupta nahīṁ rahatā. svayaṁ caitanya hai aur usakī svānubhūti yā usakā jñān aur usakī pratīti ho vah gupta nahīṁ rahatā. svayaṁko mālūm paḍe binā rahe hī nahīṁ. apanā ātmā hī andar sākṣī (detā hai), use khyāl ā jātā hai ki yah yathārtha muktikā mārga hai aur yathārtha svānubhūti hai.

parantu jabatak vah na ho tabatak usakī ruci, mahimā, usake pīche lage. jabatak na ho tabatak thake nahīṁ. tabatak vāṁcan, vicār, andar mahimā, laganī karatā rahe. usakī bhāvanā rakhe, usakā prayatna karatā rahe to bhī acchā hai. usakī dr̥ṣṭi honemeṁ der lage to ulajh na jāy, parantu andar usakī bhāvanā kare, usakī apūrvatā lage ki ātmā koī apūrva hai. ye kuch apūrva nahīṁ hai, bāhya vastuen̐. aisī apūrvatā kare, aisī ruci lagāye to bhī acchā hai. to use āge prayatna karanekā, āge baḍhanekā avakāś hai.

... apane ātmā-se hī svayaṁko mālūm paḍ jātā hai ki yah vastu yathārtha hai. nahīṁ to use saṁtoṣ nahīṁ hotā. aur jabatak andar-se svayaṁko pragaṭ na ho tabatak ruci, mahimā, vicār karatā rahe to bhī acchā hai. apūrva hai, aisī apūrvatā aṁtarameṁ- se lage to usakī mahimā badal jāy, bāhar-se ruci badal jāy, to bhī acchā hai.

.. pragaṭ na ho, mandirake dvārā banda ho to mandirake dvār par tū ṭahel lagāte rahanā. vaise yah caitanya jñāyak bhagavān pragaṭ na ho to usake dvār par ṭahel lagāte rahanā, to bhī acchā hai. to kuch āge jānekā avakāś hai. abhyās karate rahanā.

samādhānaḥ- ... usake sāth jñān kām karatā hai ki maiṁ akhaṇḍa śāśvat hūn̐, parantu paryāy adhūrī hai, śuddha paryāy abhī pragaṭ nahīṁ huyī hai. pramāṇajñān... sādhakadaśā usīko kahate haiṁ ki dr̥ṣṭi aur jñān donoṁ sāthameṁ rakhe. pramāṇajñān aur samyak nay jo pragaṭ huyī,...

mumukṣuḥ- nay aur pramāṇ hameśā sāthameṁ hī hote haiṁ.

samādhānaḥ- jo pariṇatirūp hai vah to hameśā sāthameṁ hī hai. hameśā sāth hai.

mumukṣuḥ- donoṁke viṣay bhinna-bhinna hai.

samādhānaḥ- vikalpātmak nayake vicār kare pramāṇ aur.. lekin ye pariṇatirūp jo sahaj hai, usameṁ kramabhed nahīṁ hotā, donoṁ sāth hī hote haiṁ. anubhavameṁ jo śuddha pariṇati pragaṭ huyī, us apekṣā-se śuddhanay kahanemeṁ ātā hai aur dravya-paryāy donoṁkī anubhūti hai isaliye usako pramāṇ bhī kahanemeṁ ātā hai. use nay bhī kahate haiṁ aur pramāṇ bhī kahanemeṁ ātā hai.

dravya aur paryāy donoṁ sāthameṁ haiṁ, isaliye pramāṇ hai. pramāṇajñān sāthameṁ hai. jñān

PDF/HTML Page 1533 of 1906
single page version

bhī kām karatā hai aur dr̥ṣṭi bhī nirvikalpapane anubhūtimeṁṁ kām karatī hai. isaliye pramāṇajñān... use anubhūti huyī use śuddhanay kahanemeṁ ātā hai. śuddha paryāy pragaṭ huyī, śuddhatākā viṣay grahaṇ kiyā, us rūp pariṇati hai, isaliye śuddhanay kahanemeṁ ātā hai, śuddha anubhūti hai isaliye. aur use pramāṇ bhī kahate haiṁ. kevalajñān pragaṭ huā use pramāṇ bhī kahanemeṁ ātā hai. kevalajñān pūrṇa ho gayā. dravya aur paryāy sab.. paryāy pūrṇa huyī, kevalajñānako pramāṇ kahanemeṁ ātā hai. aur sāthameṁ nay to hai hī, parantu nirvikalpa.. anubhūtimeṁ bhī nay aur pramāṇ sāthameṁ hote haiṁ. savikalpa dhārāmeṁ jitanī pariṇati pragaṭ huī, usameṁ bhī nay aur pramāṇ sāth hote haiṁ.

mumukṣuḥ- mātājī! jab anubhav ho tabhī lāgū paḍe na, saccā pramāṇajñān to.

samādhānaḥ- anubhav ho tabhī lāgū paḍatā hai. savikalpa, usakā upayog bāhar hai to bhī usakā jñān kām karatā hai. jitanī dravya par dr̥ṣṭi hai aur jñān sāthameṁ, ye vibhāv hote haiṁ vah maiṁ nahīṁ hūn̐, maiṁ caitanyarūp hū̃n. yah maiṁ nahīṁ hūn̐, maiṁ caitanyarūp hū̃n. aisī jātakī bhedajñānakī dhārā calatī rahatī hai. savikalpatāmeṁ jitanī bhūmikā cauthī, pān̐cavī, chaṭhṭhī, sātavīṁko jñān jānatā hai. jānanekā kārya to usakā sāth hī hai. dravyako bhī jānatā hai, paryāyako bhī jānatā hai. jānanekā kām sāth hī hai.

mumukṣuḥ- vah anubhavake bādakā pramāṇajñān huā na?

samādhānaḥ- hān̐, vah anubhav honeke bādakā.

mumukṣuḥ- usake pahale to pramāṇajñān nahīṁ kah sakate na?

samādhānaḥ- saccā pramāṇajñān (nahīṁ hai).

mumukṣuḥ- lāgū nahīṁ paḍatā hai na?

samādhānaḥ- nahīṁ. anubhavake bād hī sacamūcameṁ nay aur pramāṇ tab lāgū paḍatā hai. anubhavake bād bhale savikalpameṁ ho yā nirvikalpameṁ ho, anubhavake bād, tabhī saccā pramāṇ aur saccī nay lāgū paḍatī hai. usake pahale to sab niścay, vicār karatā hai. pramāṇakī saccī pariṇati yā nayakī saccī pariṇati usake pahale pragaṭ nahīṁ huyī hai. mātra vah abhyās karatā hai.

.. nay aur pramāṇ sāthameṁ hī hote haiṁ. aur nirvikalpameṁ to vikalpa rahit nirvikalpapane hai.

mumukṣuḥ- nay aur pramāṇase rahit hai, nirvikalpa anubhavake kālameṁ.

samādhānaḥ- hān̐, nirvikalpa anubhavake kālameṁ. use apekṣā-se śāstrameṁ śuddhanay kaho, śuddha anubhūti kaho, use pramāṇ kaho. vah sab kahanemeṁ ātā hai. vah nirvikalparūp hai. gurudavane mahā upakār kiyā hai. cāroṁ or-se spaṣṭa kar-karake batāyā hai.

PDF/HTML Page 1534 of 1906
single page version

mumukṣuḥ- ab to na kare to apanī hī mūrkhatā hai.

samādhānaḥ- hā̃n. svayaṁ na samajhe to apanā hī kāraṇ hai.

mumukṣuḥ- āyuṣyake tīsare bhāgameṁ paḍe aisā koī niyam hai?

samādhānaḥ- hān̐, tīsare bhāgameṁ paḍatā hai. āyuṣya ho usake tīsare bhāgameṁ paḍatā hai. phir na paḍe to bīcameṁ paḍatā hai. ākhirameṁ āyuṣya pūrā honevālā ho usake pahale paḍe. aisā bhī hotā hai.

mumukṣuḥ- usake tīsare samayameṁ.

samādhānaḥ- hān̐, aise paḍatā hai. aṣṭamī, caudasī aisā nahīṁ.

mumukṣuḥ- āṭh bhav hī ho, aisā koī niyam hai?

samādhānaḥ- hān̐, aisā niyam hai.

mumukṣuḥ- lagātār āṭh bār hī mile.

samādhānaḥ- hān̐, āṭha. usase jyādā nahīṁ hote.

samādhānaḥ- ... ek hī karanā hai. usake liye sab (karanā hai). ātmā bhinna, śarīr bhinna. do tattva bhinna haiṁ, anādiananta. ātmā jñānasvabhāv-se bharā jñāyak vastu hai. usameṁ ānandādi guṇ bhare haiṁ. us ātmāko kaise pahacāne? ye sab vikalpa rāg- dveṣ kaṣāy ātmākā svarūp nahīṁ hai. ātmāko usase bhinna karanā. ye śarīr to jaḍ kuch jānatā nahīṁ. un sabakā bhedajñān kaise ho, vah karane jaisā hai.

jaise pānī svabhāv-se śītal hai, parantu agnike nimitta-se uṣṇa dikhatā hai. parantu usakā śītal svabhāv calā nahīṁ jātā. vaise ātmā svabhāv-se nirmal svabhāvī hai. nirmal svabhāv hai, parantu vibhāvameṁ jātā hai na, isaliye use rāg-dveṣ kaluṣitatā dikhatī hai. parantu aṁtarameṁ dr̥ṣṭi kare to ātmā vītarāgasvarūp nirmal svabhāv śītal svabhāv hai. use kaise pahacānanā? bas, vah karane jaisā hai.

yathārtha jñān kare, yathārtha vicār karake usakī mahimā lagāye, lagan lagāye, usakā bhedajñān kare to aṁtarameṁ āge jānā hotā hai. usake liye vicār, vāṁcan ādi karane jaisā hai. śubhabhāv jīvane ananta bār kiye haiṁ, puṇya bāndhā, devalokameṁ gayā. parantu devameṁ-se vāpas āyā. paribhramaṇ khaḍā rahā. ananta janma-maraṇ kiye cār gatimeṁ, lekin bhavakā abhāv kaise ho?

bhavakā abhāv to śuddhātmāko pahacāne to hotā hai. ananta kālameṁ kriyāen̐ bahut kī, munipanā liyā, parantu aṁtar ātmāko pahacānā nahīṁ, to bāhar-se tyāg kiyā, sab kiyā. parantu ātmāko pahacānā nahīṁ. isaliye mātra puṇyabandha huā, devalok huā. śubhabhāv āye to puṇyabandha hotā hai, to devalok hotā hai. parantu paribhramaṇ chūṭatā nahīṁ.

PDF/HTML Page 1535 of 1906
single page version

puṇyabhāv hai, bīcameṁ puṇyabhāv ātā hai, parantu vah ātmākā svarūp nahīṁ hai, aise śraddhā barābar karanī cāhiye. phir dev-guru-śāstrakī mahimā āve, śubhabhāv āve parantu maiṁ usase bhinna hū̃n. aisī śraddhā aṁtarameṁ honī cāhiye.

jaisā siddha bhagavānakā svarūp hai, vaisā merā svarūp hai. vaisā maiṁ caitanya ātmā hū̃n. jaisā bhagavānakā svarūp hai, vaisā caitanyakā svarūp hai. aise pahacān karanī cāhiye. usakī pahacān kare, usameeṁ līnatā kare to muktikā mārga pragaṭ ho. aṁtarameṁ ātmākī svānubhūti ho. aur vah svānubhūti baḍhate-baḍhate phir munidaśā ātī hai. aise hī tyāg kar de, muni ho jāy, sab kare, aisī kriyāen̐ ananta bār kī, lekin bhavakā abhāv nahīṁ hotā. bhavakā abhāv ātmāko pahacāne to hī hotā hai.

... sab kiyā, lekin samyagdarśan koī apūrva hai. samyagdarśan ho, aṁtarameṁ svānubhūti ho, ātmākā anubhav ho, ātmāke ānandakā vedan ho. jaisā siddha bhagavānake ātmākā svarūp hai, vaisā āṁśik vedan samyagdr̥ṣṭiko gr̥hasthāśramameṁ hotā hai. parantu vah aṁtar- se nyārā ho aur andar-se virakta ho, ātmāko pahacāne to ho.

mumukṣuḥ- itanī-itanī mahenat karate haiṁ..

samādhānaḥ- mahenat to aṁtarameṁ svayaṁko karanī paḍatī hai. aṁtarameṁ svayaṁ vibhāv- se bhinna paḍe, bāharakī ekatvabuddhi ṭūṭe, bāharakā ras ṭūṭ jāy, aṁtarameṁ hī lagan lage to ho. bāhar jahān̐-tahān̐ ekatvabuddhi aur bāharameṁ sab sarvasva mān le, bāhar kaise acchā ho? śarīrakā kaise acchā ho? kuṭumbakā, yah-vah, sabameṁ ekatvabuddhi hai. ekatvabuddhi ṭūṭe, aṁtarameṁ vītarāg... bāharase sab chūṭ nahīṁ jātā, parantu aṁtarameṁ-se vah nyārā ho jātā hai. ras kam ho jāya.

tap, saccā tap to aṁtarameṁ ātmākā saccā svarūp hai, use pahacāne. ātmā jānanevālā hai use pahacānakar andar tīkṣṇatā (kare), andar līnatā aur tīkṣṇatā kare to vah tap hotā hai. aur usake sāth śubhabhāv āve, isaliye maiṁ yah tyāg karun̐, āhār choḍūn̐, aisā vikalpa āye, us śubhabhāv-se puṇyabandha hotā hai. parantu aṁtarameṁ svānubhūti hokar aṁtarameṁ ātmāko pahacāne aur ātmākī andar ugratā ho, ātmākā svarūp samajhameṁ āye aur andarameṁ līnatā ho to vah saccā tap aṁtarameṁ hotā hai. bāhar- se mātra āhār choḍ de aur vikalpa to kahān̐-kahān̐ bhaṭakate ho. to vah saccā tap nahīṁ hotā hai. śubhabhāv, acche bhāv kare to puṇyabandha hotā hai. to acchā bhav mile.

... tap kiyā thā, ve aṁtarameṁ ūtar gaye. ātmākī svānubhūtipūrvaka. phir āhārakā vikalpa bhī nahīṁ ātā hai. ātmāke ānandameṁ aise rahate haiṁ ki unheṁ vikalpa bhī nahīṁ ātā hai. vismr̥t ho jātā hai. śarīr bhinna aur ātmā bhinna. āhārakā bhī

PDF/HTML Page 1536 of 1906
single page version

vikalpa nahīṁ ātā hai. ātmāke ānandameṁ rahe, vah saccā tap kahanemeṁ ātā hai. bākī andar jabarajastī karatā rahe, kriyā choḍatā rahe to vah to mātra bāharakā tap hotā hai. saccā tap nahīṁ hotā hai. aise samajhanā cāhiye ki saccā tap aṁtarameṁ hai.

bhagavānane jo tap kiyā vah, ātmāke ānandameṁ (rahakar kiyā). vikalpa bhī nahīṁ ātā. śarīr bhinna aur ātmā bhinna. unheṁ khyāl bhī nahīṁ hai, is tarah ātmāmeṁ ūtar jāte haiṁ. usakā nām aṁtarameṁ samaras pragaṭ huā, usakā nām sāmāyika. sab aṁtarameṁ hotā hai. bāhar-se kriyā karake baiṭhe aur man bāhar bhaṭakatā ho to vah saccī sāmāyik nahīṁ hotī.

sāmāyik to aṁtarameṁ bhedajñān karake ātmāko pahacāne aur aṁtarameṁ sthir ho to saccī sāmāyik hotī hai. .. pariṇām ho us par paḍatā hai. man kahīṁ dūsaremeṁ bhaṭakatā ho, to us sāmāyikakā phal nahīṁ ātā. jaisā bhāv ho vaisā bandhan hotā hai. parantu usase bhinna ātmāko pahacāne to use mokṣa hotā hai. manuṣyabhav muśkilase mile, usameṁ ātmāko pahacāne to saphal hai.

praśamamūrti bhagavatī mātano jay ho!