PDF/HTML Page 1685 of 1906
single page version
mumukṣuḥ- āpako to nāriyalake golemeṁ jaise golā bhinna paḍ gayā hai, vaise anubhav to ho gayā hai. aur hameṁ to ekatārūp pariṇaman hai, usakā kyā karanā?
samādhānaḥ- bhinna paḍanekā prayatna karanā. sabako ek hī karanekā hai. nyārā honekā prayatna karanā. nyārekī ruci ho to nyārā honekā prayatna karanā. nyārā jo ātmā hai, usameṁ hī ānanda aur usameṁ hī jñān hai. vahī ānandakā sāgar, jñānakā sāgar hai. nyārā paḍanekī jise ruci ho use nyārā honekā prayatna karanā. ekatā ho to nyārā honekā prayatna karanā. vah ek hī (upāy) hai.
svayaṁ ekatvabuddhi kar rahā hai aur nyārā bhī svayaṁ hī ho sakatā hai. janma-maraṇ karanevālā svayaṁ hī hai aur mokṣa jānevālā bhī svayaṁ hī hai. svayaṁ svataṁtra hai. anādike abhyāsameṁ svayaṁ kahīṁ-kahīṁ bāharameṁ ruk gayā hai. aṁtarameṁ aisā abhyās, vah jaise sahaj ho gayā hai, vaisā caitanyakā abhyās (kare), svayaṁ aisā caitanyakā gāḍh abhyās kare to bhinna paḍe binā rahatā nahīṁ.
mumukṣuḥ- parakā sahaj ho gayā hai.
samādhānaḥ- parakā sahaj ho gayā hai. yah to svayaṁ hai, vah svayaṁkā duṣkar ho gayā hai. svayaṁko sahaj kare, sahaj honekā prayatna kare to ho.
mumukṣuḥ- āp to bahut madad karate ho. ruci karanemeṁ āp aisī madad nahīṁ kar sakate?
samādhānaḥ- ruci to svayaṁko hī karanī paḍatī hai na. ruci to apane hāthakī bāt hai. ruci koī karavā nahīṁ detā. gurudev mārga batāye ki ye caitanya aur ye vibhāva. sukh ātmāmeṁ hai, bāhar nahīṁ hai. aisā batāye ki sukh tere ātmāmeṁ hai, bāhar nahīṁ hai. gurudev kahate haiṁ ki ham tujhe batāte haiṁ ki ātmā koī anupam hai. usakī ruci tujhe lage to kara. samajhanake andar ruci ā jātī hai ki yah duḥkh hai aur yah sukh hai, aisā gurudevane batāyā. yadi tujhe sukh cāhiye to ātmākī ruci kara. tujhe paribhramaṇ karanā ho aur ruci nahīṁ karanī ho to tere hāthakī bāt hai.
tujhe yadi ātmāmeṁ-se sukh pragaṭ karanā ho to usakī ruci kara. aur samajhanapūrvak
PDF/HTML Page 1686 of 1906
single page version
us mārga par ruci karake jā to tujhe mārga sahaj hai, sugam hai. rucike sāth samajhan ātī hai. samajhanapūrvak ruci kara. (parakā) sab saral ho gayā hai aur ātmā samajhanā use duṣkar ho gayā hai. svayaṁ jñānasvabhāvī ātmā hī hai, jñāyakasvabhāvī ātmā hai. sahaj-sahaj sab karatā hai. aṁtarameṁ muḍanemeṁ use mahinat paḍatī hai.
mumukṣuḥ- .. phir bāhar ā jātā hai.
samādhānaḥ- bāhar ā jātā hai, (kyoṁki) anādikā abhyās hai. ruci manda paḍe isaliye bāhar calā jātā hai.
mumukṣuḥ- ..
samādhānaḥ- karanā to svayaṁko hai.
mumukṣuḥ- ..
samādhānaḥ- upāy ek hī hai. upāy anek ho to (dikkat ho). vastukā svabhāv ek hī upāy hai. anek upāy ho to manuṣyako ulajhanameṁ ānā hotā hai. upāy to ek hī hai, lekin svayaṁ karatā nahīṁ hai.
vastukā svabhāv āsān, sugam aur saral hai. gurudev ek hī mārga kahate the, mārga vastu svabhāv-se ek hī hai. gurudev aisā kahate the aur vastukā svabhāv bhī vah hai. upāy ek hī hai, karanā svayaṁko hai. hotā nahīṁ isaliye praśna utpanna hote haiṁ, kaise karanā? kyā karanā? parantu anādike abhyāsake kāraṇ bāhar calā jātā hai, isaliye aṁtarameṁ muḍ nahīṁ sakatā, apanī mandatāke kāraṇa. muḍe to bhī punaḥ bāhar calā jātā hai.
mumukṣuḥ- puruṣārtha nahīṁ karatā hai. isaliye vāpas bāhar..
samādhānaḥ- puruṣārtha nahīṁ karatā hai.
samādhānaḥ- ... apanā karane jaisā hai. (paribhramaṇ karate hue) muśkil-se manuṣyabhav mile. usameṁ is paṁcamakālameṁ gurudev mile, aisā saṁyog milā, aisā sab milā. sabako lage lekin śānti rakhaneke alāvā koī upāy nahīṁ hai. śānti rakhanī. mauke par śānti rakhanī.
ananta janma-maraṇ kiye, usameṁ muśkil-se manuṣyabhav milā. kitanī bār devameṁ gayā, kitanī bār manuṣya (huā). bhāvameṁ kitane hī vibhāvake bhāvoṁmeṁ parivartan kiyā. usameṁ baḍī muśkil-se yah manuṣyabhav milā, usameṁ ātmākā karane jaisā hai. jitanā sambandha ho utanā lage, parantu pūrva bhavameṁ kitanoṁko choḍakar āyā, svayaṁko choḍakar dūsare cale jāte haiṁ. saṁsārakā svarūp hī aisā hai.
pūrvameṁ koī pariṇām kiye ho usake kāraṇ sab sambandhameṁ āte haiṁ. phir jahān̐
PDF/HTML Page 1687 of 1906
single page version
āyuṣya pūrā hotā hai vahān̐ sab bichaḍ jāte haiṁ. saṁsārakā svarūp hai. koī kahān̐-se ātā hai, koī kahān̐-se ākar pariṇāmakā mel ākar ikaṭṭhe hote haiṁ. phir-se bichaḍ jāte haiṁ. aise janma-maraṇ kitane jīvane kiye.
vartamān sambandhake kāraṇ duḥkh lage. aise janma-maraṇ jīvane bahut kiye haiṁ. śāstrameṁ ātā hai, janma-maraṇ ek hī kare, sukh-duḥkh vede eka. cār gatimeṁ bhaṭakanevālā ek aur mokṣameṁ jīv akelā jāya. sab akelā hī karanevālā hai. svayaṁ andar-se pariṇām (badal denā). gurudev kahate haiṁ na? dev-guru-śāstra aur ātmā, ye do karane jaisā hai.
mumukṣuḥ- bāraṁbār-bāraṁbār isīkā raṭan cāhiye, isīkā ciṁtan cāhiye. aisā cāhiye, mātājī!
samādhānaḥ- vahī karane jaisā hai. usīkā abhyās bāraṁbār karane jaisā hai. cāhe jo prasaṁgameṁ vairāgyameṁ ānā, vairāgyakī or muḍanā vahī ātmārthīkā kartavya hai. yahān̐ gurudev bhī aisā hī kahate the ki, śaraṇ ho to ek ātmā aur dev-guru-śāstra hai. (rāg ho) isaliye sabako aisā lage.
... aisā ho jāy ki aisī hī kar leṁ. saṁsār aisā hai. yād āve parantu bāraṁbār samādhān karanā vahī ek upāy hai. vah ek hī upāy hai. bāraṁbār puruṣārtha. ātmā sab-se nyārā hai. pūrva bhavake kāraṇ sambandha bān̐dhe to sambandhake kāraṇ aisā lage ki aisā huā, aisā huā. parantu sambandha vartamān bhav tak hote haiṁ. us par-se bār- bār vikalpa uṭhākar apanī taraph muḍane jaisā hai. maiṁ caitanya hū̃n. paṁcam kālameṁ aise guru mile. bhagavān, śāstra ādi sabako yād karane jaisā hai.
yād āye to bār-bār badal denā. bhagavānako āhāradān... jugaliyāke bhavameṁ tiryaṁc the, āhāradānakī anumodanā kī to sabake bhāv ek samān ho gaye. to samān bhav hue. kisīke pariṇām alag ho jāte haiṁ to koī kahān̐, koī kahān̐, aisā hotā hai. saṁsārakā svarūp hī aisā hai.
(maiṁ) ātmā jānanevālā hū̃n. śāśvat ātmā (hūn̐). ātmā to śāśvat hai, deh badalatā hai. bākī ātmā to śāśvat hai. jahān̐ jāy vahān̐ ātmā śāśvat hai. deh badalatā hai. deh ekake bād ek anya-anya deh jīv dhāraṇ karatā hai, apane pariṇām anusāra. āyuṣya pūrā ho jāy to ek dehameṁ-se dūsarā deh dhāraṇ karatā hai. ātmā to vahī śāśvat hai. dūsarā deh dhāraṇ karatā hai.
cār gatimeṁ jīv anek jātake deh dhāraṇ karatā hai. ātmā to śāśvat rahatā hai. ātmāko bāharakī vedanā yā śarīrameṁ kuch ho, koī bāharake aise prasaṁg bane, ātmāko kuch lāgū nahīṁ paḍatā. ātmā to vaisākā vaisā hai. ātmāko kuch hāni nahīṁ hotī
PDF/HTML Page 1688 of 1906
single page version
yā ātmāmeṁ-se kuch jātā nahīṁ, mātra śarīr badalatā hai. vartamān kṣetra-se dūr hotā hai, isaliye aisā huā aisā lage. ātmā to vaisākā vaisā hai. ātmāmeṁ kuch hāni nahīṁ hotī. ātmāke koī guṇoṁkī yā kisī bhī prakārakī ātmākī hāni nahīṁ hotī.
karanā andarameṁ hai. andar-se bhāv kaisā ugra ho gayā. svataṁtra hai. sabake parimām svataṁtra haiaiṁ. aise guru mile aur gharameṁ sab aisā vātāvaraṇa. nānālālabhāī kaise the, aisā ho. lekin pratyek dravya svataṁtra haiṁ. kyā ho? aise bhāv ho gaye. āyuṣya vaise hī pūrā honevālā thā. jaisī apanī ruci ho vah apane sāth ātā hai. gurudevane upadeś diyā vah grahaṇ karanekā hai.
mumukṣuḥ- turanta yahī vikalpa āyā ki mātājīke darśan karane pahun̐c jāte haiṁ, bhagavānake darśan karane pahun̐c jāte haiṁ.
samādānaḥ- upadeśakī jamāvaṭ kī hai. śāstrameṁ ātā hai ki mere gurune jo upadeśakī jamāvaṭ kī, usake āge mujhe sab tuccha hai. jagatakā rāj yā tīn lokakā rāj bhī mujhe tuccha lagatā hai. gurudevake upadeśakī jamāvaṭake āge cāhe jo bhī prasaṁgameṁ, us upadeśake āge sab gauṇ hai. ek gurudevakā upadeś hr̥dayameṁ rakhakar, ek jñāyak ātmāko mukhya rakhane jaisā hai.
samādhānaḥ- ... lakṣmaṇajīne tīrthaṁkar gotra bān̐dhā hai to gati alag-alag ho gayī. rāmacaṁdrajī mokṣa padhāre, lakṣmaṇajī kahān̐ gaye, sabake pariṇām anusār (cale jāte haiṁ). lakṣmaṇajī tīrthaṁkar honevāle haiṁ. sabake pariṇām (anusār sab) ikaṭṭhe ho, phir bichaḍ jāya. sabake pariṇām anusār sab bichaḍate haiṁ.
mumukṣuḥ- jisake binā ek kṣaṇ jī nahīṁ pāūn̐gā aisā thā, usake binā ananta kāl bīt gayā. usake sāmane nahīṁ dekhūn̐gā, aisā usakā krodh thā, usake ghar putra banakar janmā.
samādhānaḥ- jisake binā ek kṣaṇ jī nahīṁ pāūn̐gā usake binā jīvane ananta kāl vyatīt kiyā hai.
mumukṣuḥ- jisakā nām nahīṁ lūn̐gā, aisā krodh thā. usake ghar putra banakar janmā.
samādhānaḥ- putra banakar janmatā hai. aisā śrīmadameṁ ātā hai.
mumukṣuḥ- hān̐, śrīmadameṁ ātā hai.
samādhānaḥ- ... svayaṁ bhinna nahīṁ jānatā hai. anādike bhramake kāraṇ ekatva kar rahā hai. use bhinna nahīṁ karatā hai. bhinna karanā apane hāthakī bāt hai. kitane janma- maraṇ kiye haiṁ. aisemeṁ is bhavameṁ gurudev mile, aisā upadeś milā. gurudevane samājake bīc, sabake bīc rahakar jo upadeś diyā hai, vah is paṁcamakālake andar kvacit (hī
PDF/HTML Page 1689 of 1906
single page version
banatā hai).
koī munivar jaṁgalameṁ ho. gurudev to is paṁcamakālakā mahābhāgya ki sab mumukṣuoṁko barasoṁ tak upadeś barasāyā hai. vah upadeś milā hai. .. paṁcamakālameṁ gurudevakā yog mil gayā. unakī apūrva vāṇī.. mahāpuruṣakī vāṇī thoḍī (hotī hai), ye vāṇī to barasoṁ tak milī hai. koī bār mile to bhī mahābhāgyakī bāt hai. ye to barasoṁ tak milī.
mumukṣuḥ- nayī dr̥ṣṭi milī ho, gurudevakā upedaś kis prakār grahaṇ karanā? kis prakār sunanā? aisā laganā.
samādhānaḥ- gurudevane bāhya dr̥ṣṭi choḍakar aṁtar dr̥ṣṭi karaneko kahā hai. bākī jagatako tū bhūl jā aur tere ātmāmeṁ dr̥ṣṭi kara. ātmāko yād kara. ātmā bhinna hai. ātmākī duniyā yād kara. jagatakī duniyā vismr̥t karane jaisī hai. ātmā koī apūrva hai, vah alaukik vastu hai. use yād kar, usakī pahacān kara.
ātmākī duniyā koī alag hai. caitanya ananta guṇ-se bharapūr vastu hai. sarvotkr̥ṣṭa bhagavān, guru aur śāstra jagatameṁ milanā hī durlabh hai. paṁcamakālameṁ mile aur andar ātmā apūrva hai usakī bāt gurudevane batāyī. koī vastu apūrva nahīṁ hai. ananta bār devalokameṁ gayā. jagatameṁ sab padavī prāpta ho gayī hai, parantu ek ātmākī padavī, samyagdarśanakī padavī prāpta nahīṁ huyī. vah apūrva hai. vah kaise prāpta ho, usakī bhāvanā karane jaisī hai.
jinavar svāmī mile parantu svayaṁne pahacānā nahīṁ. aur samyagdarśan ek durlabh hai, vah apūrva hai. jagatameṁ vah apūrva vastu hai. bākī sab jagatameṁ prāpta ho gayā hai. (anādi- se svayaṁko) bhūlatā āyā hai. use bhūlakar puṇya dekhakar use aisā lagatā hai ki kuch nayā hai. vah nayā nahīṁ hai. parantu ātmā vastu hī navīn hai. aisemeṁ paṁcamakālameṁ gurudev mile, unakī vāṇī milī, unakā sānnidhya milā. vah koī mahābhāgyakī bāt hai ki is paṁcamakālameṁ aisā mile.
samādhānaḥ- ... mujhe dev-guru-śāstrake binā nahīṁ calegā. prabhu! maiṁ āpako sāthameṁ rakhatā hū̃n. paṁc parameṣṭhī bhagavaṁtoṁko maiṁ sāthameṁ rakhatā hū̃n. āpake binā nahīṁ calegā. maiṁ āpako sāthameṁ rakhakar puruṣārtha karun̐gā, mujh-se karun̐gā, lekin āpako sāthameṁ rakhūn̐gā. mān̐-bāpako sāthameṁ rakhatā hai, vaise paṁc parameṣṭhī bhagavaṁt, āp padhāro, maiṁ āpako sāthameṁ rakhatā hūn̐, āpake binā nahīṁ calegā.
dīkṣā utsavameṁ sab padhāro. sabako nimaṁtraṇ dete haiṁ. tīrthaṁkaroṁko, arihaṁt, siddha, ācārya, upādhyāy, sādhu sab padhāro. sabako maiṁ nimaṁtraṇ detā hū̃n. maiṁ dīkṣā letā hūn̐, mere puruṣārtha-se maiṁ jātā hūn̐, parantu āp mere sāth āo. āpake binā nahīṁ calegā.
PDF/HTML Page 1690 of 1906
single page version
aise mumukṣuko bhī aisā hotā hai ki mujhe ātmā prāpta karanā hai, usameṁ dev- guru-śāstrake binā mujhe nahīṁ calegā. maiṁ sāthameṁ rakhatā hū̃n.
.. is duniyāko bhūlakar caitanyakī duniyā aur dev-guru-śāstrakī duniyā, use yād karane jaisā hai, vah smaraṇameṁ rakhane jaisā hai. jagatameṁ dūsarā kuch viśeṣ nahīṁ hai.
.. usameṁ-se ākar vāṇī barasāye. aur tīrthaṁkar bhagavānakī vāṇī niraṁtar barase. gurudevane bhī tīrthaṁkar bhagavān jaisā hī kām abhī kiyā hai. unakī vāṇī niraṁtar barasatī rahī, barasoṁ taka.
mumukṣuḥ- .. ālocanākā pāṭh bolā thā.
samādhānaḥ- ācāryadev khud kahate haiṁ aur gurudev ālocanā paḍhate the. gurudevane upadeśakī jamāvaṭ barasoṁ tak kī thī. hr̥dayameṁ vah rakhane jaisā hai. ye pr̥thvīkā rāj priy nahīṁ hai, parantu tīn lokakā rāj priy nahīṁ hai, vah sab mujhe tuccha lagatā hai. guru-upadeśakī jamāvaṭ hī mujhe mukhya hai, ki jisameṁ-se jñāyak pragaṭ ho. vahī mujhe mukhya hai. bākī sab mujhe jagatameṁ tuccha hai.
cattārī maṁgalaṁ, arihaṁtā maṁgalaṁ, sāhū maṁgalaṁ, kevalipaṇatto dhammo maṁgalaṁ. cattārī loguttamā, arihaṁtā loguttamā, siddhā loguttamā, sāhū loguttamā, kevalipaṇatto dhammo loguttamā.
cattārī śaraṇaṁ pavajjāmi, arihaṁtā śaraṇaṁ pavajjāmi, siddhā śaraṇaṁ pavajjāmi, kevalī paṇatto dhammo śaraṇaṁ pavajjāmi.
cār śaraṇ, cār maṁgal, cār uttam kare je, bhavasāgarathī tare te sakaḷ karmano āṇe aṁta. mokṣa taṇā sukh le anaṁt, bhāv dharīne je guṇ gāye, te jīv tarīne muktie jāya. saṁsāramāṁhī śaraṇ cār, avar śaraṇ nahīṁ koī. je nar-nārī ādare tene akṣay avical pad hoya. aṁgūṭhe amr̥t varase labdhi taṇā bhaṇḍāra. guru gautamane samarīe to sadāy manavāṁchit phal dātā.