PDF/HTML Page 1698 of 1906
single page version
mumukṣuḥ- vah līnatā to caubīsoṁ ghaṇṭe calatī hogī. ugratā baḍh jāy..
samādhānaḥ- caubīsoṁ ghaṇṭeṁ unakī bhūmikā anusār hotā hai. jo unakī samyagdarśan sambandhit līnatā ho vah caubīsoṁ ghaṇṭe (hotī hai). unakī viśeṣ līnatā, tāratamyatā unake puruṣārtha anusār hotī hai. bhūmikā palaṭe vah līnatā viśeṣ hotī hai. pān̐cavā, chaṭhavān̐, sātavān̐ vah līnatā unakī alag hotī hai. aṁtarmuhūrta-aṁtarmuhūrtameṁ svānubhūtimeṁ praveś karate haiṁ. aṁtarmuhūrta-aṁtarmuhūrtameṁ vikalpa chūṭakar svānubhūtimeṁ jāte haiṁ. usakī līnatā ekadam ugra hotī hai. khāte-pīte, nidrāmeṁ aṁtarmuhūrta-aṁtarmuhūrtameṁ svānubhūtimeṁ praveś ho jātā hai. bāhar rah nahīṁ sakate haiṁ. aṁtarmuhūrta-se jyādā bāhar rah hī nahīṁ sakate haiṁ. itanā apane svarūpameṁ ekadam praveś ho jātā hai. līnatākā praveś ho jātā hai.
dr̥ṣṭi evaṁ jñān to pragaṭ hai hī, parantu ye līnatā-cāritra daśā baḍhatī hai chaṭhaveṁ- sātaveṁ guṇasthānameṁ. caturtha guṇasthānameṁ svarūpācaraṇ cāritra hotā hai. pān̐caveṁ guṇasthānameṁ usase viśeṣ hotī hai. pān̐cave guṇasthānakī bhūmikāke sṭej amuk-amuk baḍhate jāte haiṁ. usameṁ use svarūpakī līnatā baḍhatī jātī hai. us anusār usake śubh pariṇāmameṁ bāharake sṭejameṁ bhī pheraphār hotā jātā hai. aṁtarameṁ svānubhūtikī daśā baḍhatī jātī hai.
mumukṣuḥ- muni mahārājako khāte-pīte, calate-phirate aisī daśā ho jāy, vaise caturtha guṇasthānameṁ koī bār hotī hogī?
samādhānaḥ- koī bār ho, usakā niyam nahīṁ hai. chaṭhaveṁ-sātaveṁmeṁ to niyamase hotī hai. svarūpācaraṇ cāritrameṁ aisā ho, parantu vah niyamit nahīṁ hotī. inheṁ to aṁtarmuhūrta- aṁtarmuhūrtameṁ niyamit hotī hai. caturtha guṇasthānakī līnatā kab viśeṣ baḍh jāy, hotī hī nahīṁ aisā nahīṁ hai, lekin usakā niyam nahīṁ hai.
mumukṣuḥ- dhyānameṁ baiṭhe tabhī nirvikalpa daśā ho, aisā nahīṁ hotā caturta guṇasthānameṁ?
samādhānaḥ- dhyānameṁ bāhar-se baiṭhe yā na baiṭhe. koī bār bāhar-se baiṭhe aur ho. koī bār na baiṭhe to aṁtarameṁ amuk prakārakā dhyān to use pragaṭ ho hī gayā hai. jo jñātākā astitva usane grahaṇ kiyā hai, jñāyakakī dhārā vartatī hai, utanī ekāgratā to use cālū hī hai. isaliye us prakārakā dhyān to use hai hī. dhyān arthāt ekāgratā.
PDF/HTML Page 1699 of 1906
single page version
us jātakī ekāgratā use chūṭatī hī nahīṁ. amuk prakārakī ekāgratā to use hai. us ekāgratāmeṁ kuch viśeṣatā ho jāy to use bāhar-se dhyānameṁ baiṭhe to hī ho, aisā niyam lāgū nahīṁ paḍatā.
mumukṣuḥ- aisā bandhan nahīṁ hai.
samādhānaḥ- aisā bandhan nahīṁ hai ki bāhar-se śarīr dhyānameṁ baiṭhe, aisā bandhan nahīṁ hai. śarīr baiṭh jāy aisā bandhan nahīṁ hai. aṁtarameṁ ekāgratā (hotī hai). amuk ekāgratā to hai hī, parantu viśeṣ ekāgratā kab baḍh jāy, śarīr baiṭhā ho aisā ho to hī baḍhe aisā nyāy nahīṁ hai. muniko to hai hī nahīṁ, parantu caturtha guṇasthānameṁ aisā niyam nahīṁ hai. sab bār aisā niyam nahīṁ hotā. koī bār aisā bhī banatā hai ki dhyānameṁ baiṭhā ho tab ho. bāhar-se dhyānameṁ baiṭhā ho. koī bār koī bhī sthitimeṁ śarīr ho aur dhyān ho jāya. bāharakā bandhan nahīṁ hai. amuk prakār-se sahaj daśā ho jātī hai.
anādikā sarva pratham ho use palaṭanemeṁ thoḍī muśkilī hotī hai, kisīko aṁtarmuhūrtameṁ bhī ho jātā hai. usameṁ bhī aṁtarmuhūrtameṁ ho jātā hai. phir to usakī daśā sahaj hai. isaliye bāharameṁ amuk prakār-se baiṭhe to hī ho, aisā bandhan nahīṁ hai.
mumukṣuḥ- ek bār nirvikalpa daśā ho gayī isaliye amuk kāl rāh dekhanī paḍe aisā nahīṁ hotā na? phirase turanta bhī ho sakatī hai.
samādhānaḥ- rāh dekhanī nahīṁ paḍatī. jisakī aṁtar daśā cālū hai, jise bhedajñānakī daśā cālū hai, use amuk samayameṁ hue binā rahatī hī nahīṁ. use samayakā bandhan nahīṁ hai. use amuk samayameṁ hue binā nahīṁ rahatī. jise aṁtarakī daśā hai, bhedajñānakī dhārā vartatī hī hai, use hue binā nahīṁ rahatī.
jo aṁtar-se bhinna paḍ gayā, jisakā upayog bāhar gayā, vah amuk samayameṁ aṁtarameṁ āye binā nahīṁ rahatā. us upayogameṁ bāhar kuch sarvasva nahīṁ hai. bhedajñānakī dhārā to vartatī hī hai. svayaṁ judā-nyārā vartatā hai, kṣaṇ-kṣaṇameṁ nyārā vartatā hai. nyārī pariṇati to hai hī. upayog to palaṭ jātā hai. jaisī pariṇati hai vaisā upayog vāpas hue binā nahīṁ rahatā. pariṇati alag kām karatī hai, upayog bāhar jātā hai.
pariṇatikī ḍor use-upayogako vāpas lāye binā nahīṁ rahatī. pariṇati to nyārī hai. bhedajñānarūp bhedajñānakī dhārā niraṁtar kṣaṇ-kṣaṇameṁ vikalpake bīc usakī nyārī ḍor kṣaṇ-kṣaṇameṁ sahajarūp hai. pariṇatikī ḍor nyārī hai, vah upayogako vahān̐ ṭikane nahīṁ detī. amuk samayameṁ upayog vāpas ā hī jātā hai. svarūpameṁ līn hue binā, nirvikalpa daśā hue binā use nahīṁ rahatī. pariṇati upayogako vāpas apanemeṁ lātī hai.
PDF/HTML Page 1700 of 1906
single page version
mumukṣuḥ- jñānīkī savikalpa daśā itanī majabūt hai ki nirvikalpa upayogakī lācārī karanī nahīṁ paḍatī, vah apaneāp hotā hai.
samādhānaḥ- usakī lācārī nahīṁ karanī paḍatī. usakī daśā hī aisī hai. use śānti aur hūm̐ph hai hī. apanī daśā hī aisī hai. svayaṁ kahīṁ ekatvabuddhi-se vartatā nahīṁ hai. bhinna hī vartatā hai. usakī nyārī pariṇati hī us upayogako vāpas lātī hai. vah upayog bāhar laṁbe samay bāhar ṭik nahīṁ pātā. vah upayog apane svarūpameṁ phir-se līn hue binā nahīṁ rahatā. usakī nyārī pariṇati hī use vāpas lātī hai. usakī lācārī nahīṁ karanī paḍatī.
svayaṁko apanī hūm̐ph hai. apanī pariṇati hī us upayogako vāpas lātī hai. use aisā nahīṁ hai ki nirvikalpa daśā kab āyegī? usakī rāh dekhakar baiṭhanā nahīṁ hai. usakī use koī śaṁkā nahīṁ hotī. pariṇati hī us upayogako vāpas khīn̐cakar lātī hai.
samādhānaḥ- pariṇati joradār hotī hai to nirvikalpa daśā ho jātī hai.
mumukṣuḥ- jñānīko to caubīsoṁ ghaṇṭe avalamban hotā hai.
samādhānaḥ- caubīsoṁ ghaṇṭe ātma svabhāvakā avalamban hai. usakā upayog bāhar ekamek hotā hī nahīṁ. upayog bāhar jāye to bhī bhinna hī hai. vah vāpas svarūpameṁ jame binā nahīṁ rahatā. usakī ruci use vāpas (le ātī hai), usakī pariṇati use vāpas lātī hai. aisā sahajapane hai.
mumukṣuḥ- cyūt ho jātā hai, usakā kyā kāraṇ?
samādhānaḥ- usakī pariṇatimeṁ dikkat hai, usakā puruṣārtha chūṭ jātā hai, usakī nyārī pariṇati chūṭ jātī hai. ekatvabuddhi ho jātī hai. jñāyak bhinna, vibhāv bhinna vah pariṇati jo jñātākī dhārā kṣaṇ-kṣaṇameṁ āṁśik jñātādhārā, āṁśik śāntidhārā (calatī rahatī hai). ātmākī svānubhūtikā ānanda alag hai. bākī aṁtarameṁ jo nyārī śāntidhārā aur jñāyakadhārā thī, usakī pariṇati chūṭ jātī hai. usakī pariṇati ekamek ho jātī hai. isaliye svānubhūti calī jātī hai. vartamān pariṇati chūṭakar ekatvabuddhi ho jātī hai. pariṇati palaṭ jātī hai.
samādhānaḥ- jñān-se racit ek caitanya vastu hī hai. jñān bāhar-se nahīṁ ātā hai. vah jānanevālī pūrī vastu hī hai. dravya jānanevālā, usakā guṇ jānanevālā, usakī paryāyameṁ jānanevālā, sarva prakār-se vah jānanevālā hī hai, aisī ek vastu hī hai. jaise yah jaḍ hai, vah jaḍ kuch jānatā nahīṁ. vah svayaṁ jānatā hī nahīṁ hai. tab ek jānanevālī vastu hai ki sarva prakār-se jānanevālī hī hai.
PDF/HTML Page 1701 of 1906
single page version
uṣṇatā bāhar-se nahīṁ ātī hai, agni svayaṁ hī uṣṇa hai. barpha svayaṁ hī ṭhaṇḍā hai. usakī ṭhaṇḍak bāhar-se nahīṁ ātī. vaise jānanā bāhar-se nahīṁ ātā hai, jānanevālī vastu hī svayaṁ hai. usameṁ bāharake sab nimitta haiṁ. ise jānā, use jānā. jānanevālī vastu svayaṁ hai.
samādhānaḥ- ... ātmāko jñānake sāth ekamek sambandha hai. jñān binākā ātmā nahīṁ hai, ātmā binākā jñān nahīṁ hai. tādātmya sambandha hai. aise ananta guṇ haiṁ. jñān, darśan, cāritra, astitva, vastutva sabake sāth, dravyako sabake sāth aisā tādātmya sambandha hai. ananta guṇ-se bharā huā, ananta guṇasvarūp hī dravya hai. ananta guṇ ātmāmeṁ ekamek haiṁ. jaḍameṁ bhī vaise astitva, vastutva ityādi jo jaḍake-pudagalake varṇa, gandha, ras, sparśa sab ekamek tādātmya hai. usameṁ-se kuch alag nahīṁ paḍatā. ekameek hai.
mumukṣuḥ- dravyako aur guṇoṁko ekamek sambandha hai na? guṇako aur guṇako bhī aisā sambandha hai? jaise āpane kahā ki dravya aur guṇakā tādātmyasiddha sambandha ṅai. vaise ek guṇako bākīke ananta guṇ jo haiṁ, usake sāth tādātmyasiddha sambandha nahīṁ hai?
samādhānaḥ- usakā lakṣaṇabhed-se bhed hai. sabakā lakṣaṇ bhinna paḍatā hai. bākī vastutaḥ sab ek hai. parantu usake lakṣaṇ alag haiṁ. jñānakā lakṣaṇ jānanā, darśanakā dekhanekā, pratīt karanā, cāritrakā lakṣaṇ līnatākā, ānandakā ānanda svarūp, isaprakār sabake lakṣaṇ bhinna-bhinna haiṁ. dravya apekṣā-se sab ekamek haiṁ. bākī ekadūsareke lakṣaṇ apekṣā-se usake bhed haiṁ. vastubhed nahīṁ hai, parantu lakṣaṇ apekṣā-se bhed haiṁ. usake lakṣaṇ alag, usake kārya alaga. jñānakā jānanekā kārya, darśanakā dekhanekā, cāritrakā līnatākā, sabakā kārya kārya apekṣā-se bhinna-bhinna hai. vastu apekṣā-se ek hai.
mumukṣuḥ- jab jñānaguṇ jñānaguṇakā kām kare, us vakta kartā guṇ kyā karatā hai? (jaise) jñān karatā hai, vaise kartā nāmakā guṇ hai, vah kyā karatā hogā?
samādhānaḥ- vah kartā svayaṁ kārya karatā hai. jñān jānanekā kārya kare to kartāguṇ us rūp pariṇaman karake usakā kārya lānekā kām karatā hai. jñān jānatā hai to usameṁ pariṇaman karake jo jānanekā kārya hotā hai, vah jānanekā kārya vah kartāguṇ kahalātā hai. kārya karatā hai. kartāguṇameṁ.. kartā, kriyā aur karma. vah kartākī pariṇati hai.
mumukṣuḥ- ye jo āpane sambandha kahā, vah nimitta-naimittik sambandha nahī hai? ekarūpatā rūp sambandha hai.
samādhānaḥ- hān̐, ekarūp sambandha hai, parantu usameṁ lakṣaṇabhed hai, kāryabhed hai. nimitta- naimittik nahīṁ hai. nimitta-naimittik to do dravyameṁ hotā hai, ye to ek hī dravya hai.
PDF/HTML Page 1702 of 1906
single page version
ek dravyake andar lakṣaṇabhed aur kāryabhed ādi hai.
mumukṣuḥ- ... rakhaneke liye kahā hogā yā ... na ho jāy isaliye guṇ isaprakār hai? svataṁtratā batāneke liye.
samādhānaḥ- pratyek vastu svataṁtra hī haiṁ. parantu guṇoṁkī svataṁtratā hai. parantu vastu- se ek hai. usameṁ anyatva bhed hai, parantu usameṁ vastubhed nahīṁ hai. paraspar ekadūsare- se lakṣaṇ-se bhinna paḍate haiṁ, parantu vastu apekṣā-se ek haiṁ. vah svataṁtratā aisā nahīṁ hai, ek dravya jaise dūsare dravya-se svataṁtra hai, jaise pudagal aur caitanya svataṁtra hai, do dravya atyaṁt bhinna haiṁ, vaise guṇ aur dravya, pratyek guṇ-guṇ us prakār-se atyaṁt bhinna nahīṁ haiṁ. vastu-se ek hai aur lakṣaṇ-se bhinna haiṁ. usakī bhinnatā atyaṁt bhinnatā nahīṁ hai. pratyek guṇoṁkī atyaṁt bhinnatā nahīṁ hai. vastu apekṣā-se ek hai, parantu lakṣaṇ- se bhinna haiṁ.
mumukṣuḥ- anyonya bhed huā?
samādhānaḥ- anyonya arthāt lakṣaṇ-se bhinna haiṁ. usakī svataṁtratā... ek dravya- se dūsarā dravya svataṁtra hai, vaise pratyek gaṇ us prakār-se svataṁtra nahīṁ haiṁ. usakī svataṁtratā lakṣaṇ tak hai aur kārya tak hai. bākī vastu apekṣā-se vah sab ek hai. ek hī vastuke sab guṇ haiṁ. ananta guṇ-se banī ek vastu hai. ananta guṇasvarūp hī ek vastu hai. vastu apekṣā-se ek hai, lakṣaṇ apekṣā-se bhinna-bhinna hai. ek dravyake andar ananta śaktiyān̐-ananta guṇ haiṁ. sabake kārya sab karate haiṁ aur sabake lakṣaṇ, kārya evaṁ prayojan bhinna-bhinna hai. vah svataṁtratā us jātakī hai ki dravyakī svataṁtratā hai aisī svataṁtratā nahīṁ hai.
vah to, jaise sarvaguṇāṁś so samyagdarśana. samyagdarśanakā guṇ pragaṭ ho, dr̥ṣṭi vibhāv taraph, dr̥ṣṭi par taraph thī aur sva taraph dr̥ṣṭi jātī hai (to) samyagdarśan guṇ pragaṭ hotā hai. to un sabakā avinābhāvī sambandha aisā hai ki ek samyagdarśan pragaṭ ho to usake sāth sarvaguṇāṁś so samyagdarśan (hotā hai). sarva guṇakī śuddhi āṁśik hotī hai. sarva guṇakī diśā badalakar apanī taraph pariṇati hotī hai. ananta guṇakī diśā badalakar śuddharūp pariṇati hotī hai. ekakī śuddha hotī hai sab śuddhatārūp pariṇamate haiṁ. aisā sambandha hai. kyoṁki vastu ek hai isaliye.
ek samyagdarśan pragaṭ huā to usameṁ jñān bhī samyak huā. cāritra bhī, mithyācāritra thā to cāritra bhī samyak huā. sab guṇakī diśā badal gayī. kyoṁki ek vastuke sab guṇ hai. aisā usakā ho to dūsare guṇakī pariṇati badal jātī hai. aisā avinābhāvī ekadūsareke sāth sambandha hai.
PDF/HTML Page 1703 of 1906
single page version
samādhānaḥ- ... paccīs sāl honemeṁ kahān̐ der lagegī? kyoṁ andar kuch hotā nahīṁ? kyoṁ paribhramaṇakī thakān lagatī nahīṁ? kyoṁ kapakapī hotī nahīṁ? aisā hotā thā. anek jātakā hotā thā. andarameṁ jo svayaṁne kiyā hai, vah apanā hai, bākī kāl to calā jā rahā hai. devalokakā sāgaropamakā kāl bhī pūrā ho jātā hai, to is manuṣya bhavakā kāl to kyā hisābameṁ hai?
is paṁcamakālameṁ gurudev mile aur gurudevane jo upadeśakī jamāvaṭ kī, vahī yād karane jaisā hai aur usameṁ-se grahaṇ karane jaisā hai. upadeś kyā? gurudevane itanā upadeś barasāyā. jise grahaṇ karake aṁtarameṁ jamāvaṭ karanī, aisā upadeś diyā hai. jaise bhagavānakī divyadhvanikī varṣā hotī hai, vaise gurudevakī (vāṇīkī) varṣā huyī hai. donoṁ vakta niyamarūp se.
jahān̐ gām̐v-gām̐vameṁ saurāṣṭrameṁ kahīṁ mandir nahīṁ thā, har jagah mandir ban gaye. śāstra utane prakāśit hue. kitane hī bhaṇḍārameṁ the sab bāhar ā gaye.
mumukṣuḥ- ṭep bhar gayī.
samādhānaḥ- ṭep bhar gayī.
mumukṣuḥ- yahān̐ sunate haiṁ to aisā lagatā hai ki mānoṁ gurudev sākṣāt virājate hoṁ aisā hī lagatā hai.
samādhānaḥ- gurudevakā yah kṣetra, dravya, kṣetra, kāl, bhāv aur ṭep sab aisā hai. vah sthān aur vah ṭep yahān̐ bajatī hai vah alag hai, vah sthān, gurudev jahān̐ baiṭhate the vah pāṭ, kṣetra ādi sab vah, isaliye mānoṁ gurudev bolate ho aisā lage. ṭep bole usake sāth ....
kaise samajhameṁ āye, aisā vicār āye na. sahaj jo andarameṁ lagatā ho vah sahaj ātā hai. kuch śāstrakā ho, lekin gurudevane śāstroṁkā artha karanemeṁ kahān̐ kuch bākī rakhā hai. gurudevane bahut diyā hai.
mumukṣuḥ- ... samādhānaḥ- padmanaṁdī jab paḍhate the, tab aisā hī paḍhate the. padmanaṁdīmeṁ jinendra bhagavānakā adhikār jab āve, tab aisā hī paḍhate the. dānakā adhikār āye tab aisā paḍhate. he jinendra! aisā kahakar paḍhate the. ṭepameṁ āyā thā na? mātā! āpakā putra hamārā svāmī hai. mātā! jatan karake rakhanā. ... indrāṇī bhagavānako lene ātī hai, tab vah bāt ātī thī. hr̥day-se bolate the. sabakā kalejā kām̐p ūṭhe, aise kahate the. vah bhakti adhikār paḍhe, dān adhikār paḍhe.... (tab aisā hī ātā thā).