Benshreeni Amrut Vani Part 2 Transcripts-Hindi (iso15919 transliteration). Track: 262.

PDF/HTML Page 1716 of 1906
single page version

mumukṣuḥ- koī kriyājaḍ thaī rahyā, śuṣkajñānamāṁ koī, vah to choḍ de. jñān aur vairāgyakī maitrī, jñān aur vairāgya jo sādhakako sāthameṁ hote haiṁ to vairāgyameṁ aur kriyānayameṁ ek sarīkhā bhāv hai yā thoḍā sūkṣma aṁtar hogā?

samādhānaḥ- vairāgya aur kriyā na? kriyāmeṁ vah mātra kriyāmeṁ rukatā hai. aur jo vairāgya hai, vairāgī hai vah akelā vairāgyameṁ rukatā hai. kriyā aur vairāgyameṁ, bahubhāg vah mātra bāhya kriyāmeṁ rukatā hai. dūsarā hai vah vairāgya-vairāgya karatā rahatā hai. utanā pharka hai.

mumukṣuḥ- jñān aur kriyānayakī maitrī jahān̐ hai, vah to sādhakakī bhūmikā hai. to kriyānayako leṁ to aur vairāgyakī bāt le, donoṁ ek sarīkhī bāt hai yā donoṁke bīc thoḍā pharka hogā?

samādhānaḥ- jñānanay aur kriyānayakī maitrīmeṁ kriyānayameṁ vairāgya sāthameṁ ā jātā hai. usameṁ vairāgya sāthameṁ ho to hī usakī kriyākī pariṇati hotī hai. maiṁ jñāyak hūn̐ aur usameṁ nivartanekī jo kriyā hotī hai, svarūpakī līnatākī jo kriyā hotī hai, vah vairāgyake binā nahīṁ hotī. isaliye usameṁ kriyānayameṁ vairāgya sāthameṁ ā jātā hai. usameṁ virakti sāthameṁ ā jātī hai.

mumukṣuḥ- saṁveg nirveg jaisā hai? kriyānayameṁ asti bhāv-se vītarāgatā pragaṭ karanī aur vairāgyameṁ rāg-se pīche muḍanā, aisā bhāv hogā?

samādhānaḥ- hān̐, vairāgya arthāt virakti-nāsti karake svarūpameṁ pariṇatikī asti karatā hai. asti-nāsti. parantu vāstavik asti to caitanyako grahaṇ kiyā vah astitva hai. dravyako grahaṇ kiyā vaha. parantu yah pariṇati pragaṭ kī, us pariṇatikī apekṣā- se vah asti hai aur virakti huyī vah nāsti hai. kriyāvālā jo bāhya kriyāmeṁ hai vah bhī vairāgyakī kriyāmeṁ us tarah rukatā hai. usameṁ garbhit vairāgya hai vah vairāgya samajh binākā hai. ātmāko samajhatā nahīṁ, astitva grahaṇ nahīṁ kiyā hai.

mumukṣuḥ- ruṁdhā huā kaṣāya.

samādhānaḥ- hā̃n. vah aisā hai.

PDF/HTML Page 1717 of 1906
single page version

mumukṣuḥ- sādhakako donoṁ sāthameṁ hote haiṁ, parantu śurūātameṁ thoḍā-bahut mukhya- gauṇ rahatā hogā ki nahīṁ?

samādhānaḥ- jo sādhakakī pariṇati hai, vah śurūātameṁ rahe aisā nahīṁ, usakā mārga hī vah hai. dravyadr̥ṣṭi-se dravyakī dr̥ṣṭi mukhya rahatī hai. usameṁ jo puruṣārtha hotā hai vah, paryāyameṁ mujhe vibhāv hai, usase bhinna hokar aur svarūpakī pariṇati pragaṭ karatā hai. dravyadr̥ṣṭikī apekṣā-se use gauṇ rahatā hai aur pariṇati apekṣā-se use koī bār mukhya kahate haiṁ. is prakār mukhya-gauṇ kahate haiṁ. parantu dravyadr̥ṣṭi to sadāke liye use mukhya hī rahatī hai. līnatākī bhāvanā kare, mujhe līn honā hai, aisī bhāvanā ho, cāritrakī bhāvanā ho, aise paryāy apekṣā-se use mukhya kaheṁ. parantu andar jo dr̥ṣṭi hai, us dr̥ṣṭikī apekṣā-se koī mukhya nahīṁ hotā.

mumukṣuḥ- suprabhāt-se lekar kevalajñān paryaṁtakī sab bātameṁ svayamev prāpta huā. svayaṁbhūpanā liyā. dūsarekā kuch thoḍā-bahut avalamban hogā ki nahīṁ?

samādhānaḥ- nahīṁ, anya kisīkā nahīṁ. ek svayaṁbhū ātmākā hī avalambana. svayaṁbhū ātmā svayaṁ apane-se svataḥsiddha hai, usīkā avalamban, anya kisīkā ālamban nahīṁ.

mumukṣuḥ- dev-śāstra-guru thoḍī madadameṁ-sahāyameṁ (hote hoṁge)?

samādhānaḥ- caitanyadravyakā hī ālamban, anya kisīkā nahīṁ. śubhabhāvanāmeṁ use ālambanarūp kahanemeṁ ātā hai. dev-guru-śāstrakā śubhabhāvameṁ ālamban (hotā hai). mere sāth rahanā, maiṁ mere ātmāmeṁ jātā hū̃n. kyoṁki merī nyūnatā hai. isaliye śubhabhāv mujhe ātā hai to āp mere sāth rahanā. mujhe āpakā ādar hai. mere svabhāvakā jaise mujhe ādar hai, vaise mujhe āpakā ādar hai. isaliye mere sāth rahanā. maiṁ āpakā ādar karatā hū̃n. maiṁ jahān̐ āge baḍhūn̐ vahān̐ mujhe sāthīdārake hisāb-se mujhe madadameṁ dev-guru- śāstra rahanā, aisī bhāvanā kare. bākī ālamban dravyakā hai.

mumukṣuḥ- kām andarameṁ svayaṁko karanā hai.

samādhānaḥ- kām svayaṁko karanā hai. dev-guru-śāstrake prati śubhabhāvanāmeṁ bhakti use pūrī ātī hai ki mere sāth hī rahanā. use aisā nahīṁ hotā ki vah sab bāharakā hai, karanā to andarameṁ hai na, aise bhāv nahīṁ āte.

use aisā bhāv hotā hai ki maiṁ andar jāūn̐ aur śubhabhāv khaḍā hai, abhī vītarāg nahīṁ huā hai, śubhabhāvanāmeṁ āp mere sāth rahanā. aise bhaktibhāv ātā hai. gurudev mujhe sahāyarūp ho, mujhe upadeś de. aisī sab bhāvanā hotī hai. bhāvanā aisī hotī hai. guruke pratāp-se hī maiṁ āge baḍhā, gurudevane hī sab diyā hai, is prakār dev-guru-śāstra par

PDF/HTML Page 1718 of 1906
single page version

use bhakti āye binā nahīṁ rahatī.

puruṣārtha svayaṁ karatā hai, parantu upakār guru, dev-guru-śāstrakā āye binā nahīṁ rahatā. anādikāl-se anajānā mārga, vah gurudevane batāyā hai. jo paryāyameṁ... dravya anādiananta śuddha hone par bhī paryāyameṁ jo pariṇati palaṭanemeṁ use jo puruṣārtha hotā hai, usameṁ dev- guru-śāstrakā nimitta hotā hai. aur anādikā nimitta-naimittik sambandha bhī aisā hai ki anādi-se jo svayaṁ samajhā nahīṁ hai, usameṁ pahalī bār samajhatā hai usameṁ deśanālabdhi hotī hai. usameṁ dev yā gurukā pratyakṣa nimitta hotā hai. aisā nimitta-upādānakā sambandha hai. hotā apane-se hī hai, parantu nimitta-naimittik sambandha ho hī nahīṁ to aisā sambandha hai ki anādimeṁ sarvapratham deśanālabdhi hotī hai. aur pratyakṣa dev-guuru ho us prakār- se deśanālabdhi hotī hai. isaliye pratyakṣakā upakār kahanemeṁ ātā hai. jo, pratyakṣa sadaguru sam, ātā hai. pratyakṣakā upakār hai. kyoṁki anādi-se caitanyadravya śuddha hone par bhī jab usakī paryāy palaṭanekā puruṣārtha hotā hai tab dev aur gurukā nimitta hotā hai. aisā nimitta-upādānakā sambandha hai.

pratyek dravya svataṁtra hone par bhī aisā nimitta-upādānakā sambandha hotā hai. paryāyakā nimitta-naimittikakā kaisā sambandha hai use jñānameṁ rakhakar pratyek dravya svataṁtra hai, aisī usakī dravya par dr̥ṣṭi aur us jātakā usakā jñān kām karatā hai. dr̥ṣṭi aur jñān donoṁ maitrīrūp-se kām karate haiṁ. jaise jñānanay kriyānayakī maitrī hai, vaise dr̥ṣṭi aur jñān maitrī-se kām karate haiṁ.

mumukṣuḥ- jainadarśanakī aisī aṭapaṭī bāt dūsaroṁko samajhameṁ nahīṁ ātī. kabhī aisā kahanā, kabhī vaisā kahanā.

samādhānaḥ- un donoṁko sambandha hai. dr̥ṣṭi aur jñānakī maitrī hai. dravyadr̥ṣṭi akhaṇḍako grahaṇ karatī hai, jñānameṁ donoṁ āte haiṁ. isaprakār maitrī hai. vastukā svarūp dravya-guṇ- paryāy hai. isaliye sabameṁ do-do āte haiṁ. vastu svabhāv-se abhed hai aur usameṁ guṇake bhed, paryāy bhed (bhī hai). bhed-abhed donoṁ apekṣā ek dravyameṁ hotī hai. isaliye har jagah donoṁkī maitrī hotī hī hai.

mumukṣuḥ- dr̥ṣṭi aur jñān sāthameṁ hī rakhanā.

samādhānaḥ- dr̥ṣṭi aur jñān sāthameṁ hote haiṁ. jñān aur kriyānay jaise sāthameṁ hote haiṁ, vaise dr̥ṣṭi aur jñān sāthameṁ hote haiṁ. vastu anādiananta hai to usameṁ ananta guṇ nahīṁ hai, aisā nahīṁ hai. vastu svabhāv-se use abhed kahate haiṁ, to bhī lakṣaṇ bhed- se usameṁ koī bhed nahīṁ hai athavā usameṁ paryāy nahīṁ hai, yā sarva apekṣā-se kūṭastha hai aisā nahīṁ hai. usameṁ koī guṇ nahīṁ hai aur ek akhaṇḍa dravya hai, parantu usameṁ

PDF/HTML Page 1719 of 1906
single page version

guṇ nahīṁ hai aisā nahīṁ hai. ek vastuke andar, ek abhedameṁ anakāntamay mūrti hai. do apekṣāen̐ ek dravyameṁ hī hote haiṁ to usakī sādhanāmeṁ bhī sabameṁ do-do apekṣāen̐ hotī hai. vastu svarūp hī anekāntamay mūrti hai.

mumukṣuḥ- jñānanayameṁ liyā thā, syādvādakī pravīṇatā-se. pahalī bāt lī.

samādhānaḥ- hān̐, pahalī bāt lī, syādvādakī pravīṇatā-se.

samādhānaḥ- .. usakī ruci jis or kām karatī hai, us or vah palaṭatī hai. rucimeṁ jo use yogya lage us anusār palaṭatā hai. svayaṁ hī, koī nimitta nahīṁ karavā detā. munioṁkā nimitta banatā hai, parantu palaṭanā svayaṁ-se hotā hai.

... puruṣārtha karatā hai vah sab vartamānameṁ karatā hai. amuk jātake saṁskār hai, usameṁ-se ekadam palaṭatā hai. unnati kramameṁ ātā hai. pahale amuk jātake saṁskār brāhmaṇ taraphake the vah cale āte haiṁ. usameṁ-se palaṭā hotā hai. puruṣārthakī mandatāke kāraṇ aise hī saṁskār cale āte haiṁ.

.. mālūm thā, r̥ṣabhadev bhagavānake samayameṁ maricīkumār... mahābhāgyakī bāt hai. jīv anādi kālameṁ paribhramaṇ karate-karate kahān̐-kahān̐ paribhramaṇ karatā hai aur puruṣārthakī mandatā-se kahān̐-kahān̐ bhaṭakatā hai. thoḍeke liye kahān̐-kahān̐ aṭakatā hai. vah sab apane liye jānane jaisā hai. ... dūsareko kitanī sāvadhānī rakhane jaisī hai. mahāvīr-vīratāke kārya karate haiṁ (isaliye) mahāvīr kahalāte haiṁ. pariṣah sahan kiye. ativīr, vīr, ativīr, mahāvīr aise sab nām (āte haiṁ). sanmati. munioṁkī śaṁkā dūr ho jātī hai to sanmati kahalāte haiṁ.

pūre lokameṁ dipāvalī manāte haiṁ. nirvāṇ utsava. bhagavānane siddha daśā prāpta kī parantu jagatameṁ ek utsav rah gayā. sabako ānanda, ānanda, ānanda hī ho aisā utsav ho gayā. kisīko duḥkh honeke badale dipāvalī āye to māno dipotsav āyā. sabako ānanda maṁgal hotā hai. bhagavānako ānanda maṁgal ho gayā, sabako ānanda maṁgal ho gayā. jagatameṁ aisā ho gayā hai. aṁtim tīrthaṁkara. virahakā kāl āyā to bhī har jagah ānanda maṁgal ho gayā. aisā hī koī dipāvalīkā utsav ho gayā. caubīsaveṁ aṁtim bhagavāna. sab lokameṁ, anya lok dipāvalī (manāte haiṁ). (nūtan) varṣa bahut manāte haiṁ. apanā nūtan varṣa acchā jāya. nūtan varṣa. teras āye to mahāvīr bhagavān aṁtim bhagavān hai. divyadhvanikā divas āye.

mumukṣuḥ- kis vidhi-se samyagdarśan aur samyagjñān prāpta ho?

samādhānaḥ- gurudevane bahut rāstā batāyā hai. gurudevane vibhinna prakār-se batāyā hai ki mārga ātmāko pahicānanā vah ek hī hai. aur usakā mārga bhī gurudevane batāyā

PDF/HTML Page 1720 of 1906
single page version

hai. apane puruṣārthakī kṣatike kāraṇ kar nahīṁ sakatā hai. ruci usakī, lagan usakī, mahimā usakī sab usakā ho, bāraṁbār usakā abhyās kare to ho sake aisā hai.

mitajñān aur śrutajñān-se nirṇay kiyā ki maiṁ ātmā yahī hūn̐ aur anya kuch maiṁ nahīṁ hū̃n. maiṁ ātmā caitanya, jitanā jñānasvabhāv hai vahī maiṁ hūn̐, anya kuch maiṁ nahīṁ hū̃n. caitanyakā lakṣaṇ jñāyak hai. vah jñāyak lakṣaṇ aisā koī asādhāraṇ lakṣaṇ hai ki jo lakṣaṇ dūsare dravyameṁ nahīṁ hai. aisā usakā asādhāraṇ lakṣaṇ jñāyak lakṣaṇ hai. us lakṣaṇ-se use pahacānanā ki jo jñānasvabhāv hai vahī maiṁ hū̃n. dūsarā jo vibhāv lakṣaṇ hai vah lakṣaṇ caitanyakā nahīṁ hai. vah to vibhāvakā, par nimittakā lakṣaṇ hai. koī jaḍ padārtha yā koī arūpī padārtha, ātmā arūpī hone par bhī usakā jñānalakṣaṇ koī asādhāraṇ lakṣaṇ hai. vah asādhāraṇ lakṣaṇ-se pahacānā jāy aisā hai. us lakṣaṇ- se use pīchānanā.

jñāyakake andar ananta guṇ bhare haiṁ aur ananta mahimāvaṁt jñāyak anupam tattva hai aur usameṁ apūrva ānanda bharā hai. use pahacānanā aur nakkī karanā ki ye jo jñāyak hai vahī maiṁ hū̃n. anya koī vastu maiṁ nahīṁ hū̃n. ye parapadārtha jo bāhyameṁ dikhe vah bhī maiṁ nahīṁ hūn̐, andar jo vibhāv dikhate haiṁ vah bhī maiṁ nahīṁ hūn̐, anek prakārake vikalpa ho vah bhī apanā svarūp nahīṁ hai. svayaṁ akhaṇḍa caitanya jñāyak svabhāv hai vahī maiṁ hū̃n. usameṁ jo adhūrī paryāy yā pūrṇa paryāy ho, vah paryāy jitanā bhī ātmā nahīṁ hai. paryāy, śuddhātmākī paryāy usameṁ śuddha paryāy ho, to bhī usakā akhaṇḍa lakṣaṇ to ek jñāyak lakṣaṇ hai. usakā vah pūrṇa lakṣaṇ hai, us lakṣaṇ-se use pīchānanā.

sādhanākī paryāyeṁ pragaṭ ho, usameṁ jo pūrṇa paryāy pragaṭ ho, vah sab usakī sādhanāmeṁ paryāyeṁ pragaṭ hotī haiṁ. parantu use jñāyak lakṣaṇ-se pahacānanā. use pīchānakar usakī dr̥ḍh pratīt karanī, usakā jñān karanā, usameṁ līnatā karanī. to usameṁ-se use svānubhūti pragaṭ ho, ānanda pragaṭ ho, sab usameṁ pragaṭ hotā hai. aur usameṁ āge baḍhate-baḍhate ratnatray darśan, jñān, cāritrakī prāpti hone-se usameṁ hī sādhanā abhyās, usakī sādhanā karane-se kevalajñānakī prāpti hotī hai.

parantu prāraṁbhameṁ use nakkī karanā ki jo jñāyak lakṣaṇ, jñāyak hai vahī maiṁ hū̃n. anya kuch maiṁ nahīṁ hū̃n. bāraṁbār usīkā abhyās karane jaisā hai ki jo jñāyak hai vah maiṁ hū̃n. aisā vikalpa-se nakkī kiyā, pahale vah vikalpa-se hotā hai, parantu use aṁtarameṁ- se maiṁ jñāyak hūn̐, aisā sahajarūp-se maiṁ jñāyak hūn̐, aisī aṁtarameṁ-se pratīt huyī aur usakā bhedajñān bāraṁbār usakā abhyās karatā rahe, phir usameṁ sahajatā hone par nirvikalpa daśā muktikā mārga pragaṭ hotā hai. muktikā mārga hī vah hai.

PDF/HTML Page 1721 of 1906
single page version

parapadārthako svayaṁ kar nahīṁ sakatā. aur dūsarā koī apanā kar nahīṁ sakatā, svayaṁ dūsareko kar nahīṁ sakatā. use parapadārtha-se atyaṁt abhāv hai. use nimitta-naimittik sambandhake kāraṇ aisā lagatā hai ki maiṁ dūsarekā karatā hū̃n. vah mātra use rāgake kāraṇ lagatā hai. bākī caitanyadravya anya-se atyaṁt bhinna hai. aisī pratīti, anyakā kuch kar nahīṁ sakatā. apane svabhāvakā kartā hai. jñān, darśan, cāritra, ananta guṇakī paryāyeṁ pragaṭ hoṁ usakā kartā hai. parapadārthakā vah kartā nahīṁ hai.

cāroṁ or-se caitanyalakṣaṇako nakkī karake usameṁ hī usakī pratīt, usakā jñān aur usameṁ līnatā karake āge baḍhe to vahī muktikā mārga hai. usameṁ hī usakī ānandakī paryāyeṁ pragaṭ hotī haiṁ, jñānakī paryāyeṁ pragaṭ hotī haiṁ, cāritrakī, ananta śaktiyoṁ-se bharā guṇakā bhaṇḍār aisā ātmā, usameṁ-se pragaṭ hotā hai.

gurudevane vah batāyā, bāraṁbār batāyā vah gurudevakā param upakār hai. aur vah upakār aisā hai ki jīvako bhavakā abhāv ho jāya. aṁtarameṁ gurudevane aṁtar dr̥ṣṭi karavāyī, sabako ruci karavāyī. parantu us rucikī bāraṁbār ugratā karake bāraṁbār usīkā prayatna karane jaisā hai. jīvanameṁ vahī ek karane jaisā hai ki jñāyak maiṁ kaun hūn̐? jñāyakako pahacānanā, vahī karanā hai. usake liye śubhabhāv āye. dev-guru-śāstrakī mahimā, dev- guru-śāstrakī bhakti vah sab use śubhabhāvameṁ hotā hai. śuddhātmāmeṁ ek jñāyaka. bas, ek jñāyak usake jīvanameṁ vah honā cāhiye. usīkā abhyās aur usīkā raṭan, usakī mahimā.

praśamamūrti bhagavatī mātano jay ho! mātājīnī amr̥t vāṇīno jay ho!