PDF/HTML Page 1722 of 1906
single page version
mumukṣuḥ- dev-śāstra-gurukī mahimā bahut ātī hai, gurudevakī bhī bahut mahimā ātī hai, āpakī bhī bahut mahimā ātī hai. parantu usameṁ amuk apekṣit ānanda ātā hai. parantu āp jo kahate ho, andarameṁ atīndriy ānanda, aisā ānanda to ab tak jñāt nahīṁ hotā hai, usameṁ kyā merī kṣati hogī? manameṁ to itanā hotā hai ki uchal paḍate haiṁ. āpake caraṇoṁmeṁ ājīvan samarpaṇ kar de, itanā andarameṁ bhāv ātā hai. apanā cale to ājīvan jñānīke pīche sonagaḍhameṁ raheṁ. phir bhī andar ānanda nahīṁ ā rahā hai. aṁtarameṁ jo atīndriy kahate haiṁ, samyagdarśan honeke samay jo ānanda ātā hai, aisā ānanda ātā nahīṁ. usameṁ kahān̐ (aṭakanā hotā hai)?
samādhānaḥ- apane puruṣārthakī mandatā hai. puruṣārthakī mandatā hai. aṁtarameṁ jo atīndriy anupam ānā cāhiye, vikalpa chūṭakar nirvikalpa ho tab vah ānanda ātā hai. vah ānanda use koī vikalpa sahit vah ānanda nahīṁ ātā hai. jo mahimākā ānanda ātā hai, vah śubhabhāvakā ānanda hai. ātmā koī bhinna hai, aisā gurudevane batāyā. jinendra dev koī alag hai, guru koī alag hai, aise jo dev-guru-śāstrakī mahimā āye vah sab śubhabhāvakā ānanda hai. parantu vikalpa chūṭakar jo ānanda āye vah koī anup ānanda hai.
vah ānanda koī vikalpavālī paryāyameṁ vah ānanda nahīṁ hotā. vikalpa chūṭakar caitanyameṁ-se jo ānanda āye, jo caitanyakā svabhāv hai, us svabhāvameṁ pariṇamit hokar jo ānanda āve vah ānanda koī anupam hotā hai. aur pragaṭ nahīṁ honākā kāraṇ apanī mandatā-puruṣārthakī mandatā hai. mahimā āye, lekin vah svayaṁ puruṣārtha nahīṁ karatā hai. pramādake kāraṇ use ānanda nahīṁ ā rahā hai.
usakī pariṇati jo par taraph jā rahī hai, use svayaṁ vāpas nahīṁ moḍatā hai. jo anādikā abhyās hai usīmeṁ pariṇati doḍ jātī hai. use andar mahimā āve ki yahī satya hai, yahī karane jaisā hai aise mahimā āye to bhī usakī pariṇatiko palaṭanā vah apane hāthakī bāt hai. svayaṁ pariṇati palaṭatā nahīṁ hai. isaliye puruṣārthakī mandatāke kāraṇ vah āge nahīṁ baḍh pātā hai. puruṣārthakī mandatāke kāraṇa. aṭakā hai vah apanī
PDF/HTML Page 1723 of 1906
single page version
mandatāke kāraṇa. rucikī aisī ugratā karake jo puruṣārtha apanī taraph muḍanā cāhiye, us puruṣārthako svayaṁ moḍatā nahīṁ. isaliye usameṁ aṭak jātā hai.
puruṣārtha jo bāharameṁ kām karatā hai, use svayaṁ palaṭatā nahīṁ hai. vikalpameṁ jo puruṣārtha jātā hai, us puruṣārthako palaṭakar nirvikalpatākī paryāyameṁ svayaṁ palaṭatā nahīṁ hai. isaliye use vah ānanda nahīṁ ātā hai. vah ānanda andar caitanyameṁ jāy to hī vah ānanda usameṁ-se pragaṭ hotā hai. vikalpameṁ khaḍā ho, tabatak ānanda nahīṁ ātā hai. savikalpa daśāmeṁ bhedajñānakī dhārā pragaṭ ho, samyagdarśan ho, use āṁśik śānti hotī hai. parantu vikalpavālī daśāmeṁ jo nirvikalpatākā ānanda hotā hai vah ānanda to nirvikalpa daśāmeṁ hī hotā hai.
samyagdr̥ṣṭiko bhedajñānakī dhārā sahaj hotī hai. usameṁ āṁśik śānti, jñāyakakī dhārā, śāntikī daśā hotī hai. parantu apūrva ānanda to nirvikalpa daśāmeṁ hī hotā hai. aur vah bhedajñānakī dhārā bhī, abhī jo jijñāsu hai, use sahaj dhārā nahīṁ hai. vah to abhī abhyās karatā hai. ekatvabuddhi hai. ekatvatāko toḍe, usakā prayās kare. vah ekatvatā toḍanekā puruṣārtha nahīṁ karatā hai. jitanī ekatvatā vibhāvake sāth hai, kṣaṇ- kṣaṇameṁ use ekatvabuddhi ho rahī hai, kṣaṇ-kṣaṇameṁ, aisī ugratā jñāyakakī dhārā kṣaṇ-kṣaṇameṁ pragaṭ ho, aisā puruṣārtha to nahīṁ hai. vah kṣaṇ jyādā hai, vikalpake sāth (ekatvakī) kṣaṇ to din-rāt calatī hai, jñāyakakā abhyās to koī bār karatā hai. ataḥ use jñāyakakī pariṇati sahaj honī cāhiye. to vikalpa ṭūṭakar ānanda ho. vah to karatā nahīṁ. maiṁ jñāyak hūn̐, aise ruci kare, mahimā kare, koī bār abhyās kare to mātra kṣaṇabhar thoḍī der kare vah use sahaj nahīṁ ṭikatā hai aur (ekatvatā) to usakī ṭikī hai, vah to use caubīsoṁ ghaṇṭe calatī hai. yah use.. tīvra puruṣārtha karake tīvra puruṣārtha karatā nahīṁ hai. isaliye nirvikalpa daśā hokar jo ānanda ānā cāhiye vah nahīṁ ātā hai.
vah jīvan ekatvatāmeṁ ekamek ho gayā hai aur yah bhedajñānakā jīvan to muśkil- se abhyās kare to. vah to hai nahīṁ. isaliye use ānanda nahīṁ ātā hai. bhāvanā rahe, ruci rahe, mahimā rahe, parantu puruṣārthakī dhārā us or jātī nahīṁ isaliye nahīṁ hotā hai.
mumukṣuḥ- vah ānanda kaisā hogā? kyoṁki hameṁ to gurudevake prati yā āpake prati bhāvanā āye, arpaṇatākā bhāv āye to hameṁ aisā lagatā hai ki hameṁ lagatā hai hameṁ bahut ānanda-ananda āyā, aisā lagatā hai. phir āp jo kahate ho vah ānanda kaisā hogā?
samādhānaḥ- us ānandakā kisīke sāth usakā mel nahīṁ hai. vah bolanemeṁ āye
PDF/HTML Page 1724 of 1906
single page version
aisā nahīṁ hai. vah to svabhāvameṁ līn ho, svabhāvako pahacāne to usameṁ sahaj pragaṭ hotā hai. vah to anupam hai, use kisīkī upamā lāgū nahīṁ paḍatī. koī vikalpāśrit bhāvoṁkī upamā use lāgū nahīṁ paḍatī. vikalpameṁ jo ānanda ātā hai vah ākulatā miśrit ānanda hai. us ānandameṁ ākulatā rahī hai aur vah vibhāv bhāv hai. caitanyakā ānanda nirvikalpa hai, ākulatā rahit hai, svabhāvameṁ-se sahaj pragaṭ hotā ānanda hai. use kahīṁ-se lānā nahīṁ paḍatā, vah to sahaj pragaṭ hotā hai. use kisīkī upamā lāgū nahīṁ paḍatī. vah to anupam hai. ātmāmeṁ jo svabhāv bharā hai, usameṁ pariṇati hone-se, līnatā hone-se pragaṭ hotā hai. use kisīkī upamā nahīṁ hai. use koī dr̥ṣṭānta lāgū nahīṁ paḍatā.
mumukṣuḥ- kathaṁcit vyaktavya hai.
samādhānaḥ- samajh lenā. jagatake koī vibhāvabhāvameṁ vah ānanda nahīṁ hai. jagat- se bhinna nyārā hī hai. caitanya anupam tattva, usakā ānanda anupama. usake sab bhāv anupama. vah alag duniyākā ānanda hai aisā samajh lenā. use koī dr̥ṣṭānta lāgū nahīṁ paḍatā. jo sukh-sukh icchatā hai, vah sukh apanemeṁ bharā hai, bāhar-se nahīṁ ātā hai. vah koī apūrva hai, use jagatakī koī upamā lāgū nahīṁ paḍatī, vah koī anupam hai.
mumukṣuḥ- ham kuch dūsarī icchā rakhate haiṁ. aisī sab bāteṁ.. aur ek paramapāriṇāmikabhāva. usakā vicār karate haiṁ tab tham̐bh jāte haiṁ. isameṁ karanā kyā hai? svabhāv ... tū hai, svabhāv hai. to phir śānti kyoṁ nahīṁ hotī hai? svabhāvameṁ śānti bharī hai, svabhāvakā vicār karane par dūsarā koī vikalpa āne nahīṁ detā. svabhāva. vācyārthakā vicār ... usameṁ kuch karanā nahīṁ hai. hamārī mati kahān̐ ulajhatī hai, yah samajhameṁ āyā hai. ...
samādhānaḥ- kahīṁ na kahīṁ svayaṁ hī ruk jātā hai.
mumukṣuḥ- vah to hakīkat hai.
samādhānaḥ- utpād-vyay-dhruvako yathārtha samajhe to vikalpa chūṭe. karanekā kuch nahīṁ rahatā. vāstavik rūp-se kartābuddhi choḍ de, jñāyak ho jāy to karanā kuch nahīṁ hai. maiṁ parapadārthakā kar sakatā hūn̐ athavā vikalpakā kartā maiṁ hūn̐ athavā maiṁ rāgakā kartā hūn̐, vah sab chūṭ jāya. vāstavik rūp-se yadi jñāyak ho jāy, jñāyakakī pariṇati ho to usameṁ bāharakā kuch karanā nahīṁ rahatā hai. vah sahaj jñātā ban jāy, sahaj jo utpād-vyay-dhruvasvarūp vastu hai, us rūp svayaṁ pariṇamit ho jāy to bāharakā kuch karanā nahīṁ rahatā.
svayaṁ jis svarūp hai, usameṁ dr̥ṣṭiko tham̐bhākar usakā jñān aur līnatā kare to
PDF/HTML Page 1725 of 1906
single page version
kuch karanekā nahīṁ rahatā hai. svayaṁ jñāyak ho jāy to. jñāyako hotā nahīṁ hai aur kartr̥tvabuddhi khaḍī rahatī hai ki maiṁ kuch karun̐, maiṁ kuch karun̐, bāharakā karun̐, aisā karun̐, vaisā karun̐, aisī kartr̥tvabuddhimeṁ vah bāharakā kuch nahīṁ kar sakatā hai. utpād-vyay- dhruv sahaj svabhāv hai, us rūp svayaṁ ho jāy to kuch karanā nahīṁ rahatā hai.
apanī ruci nahīṁ hai us rūp honekī, svayaṁ niṣkarma nivr̥ttirūp pariṇati karanī aur svabhāvarūp pariṇamit ho jānā, aisī rucikī kṣati hai. svayaṁko kuch bāharakī pravr̥tti rucatī hai. nivr̥tta svarūp ātmā hai usameṁ hī śānti aur usameṁ hī ānanda bharā hai. us jātakī svayaṁkī ruci nahīṁ hai isaliye bāharakā kuch karanā, aisī usakī pariṇati calatī rahatī hai.
mumukṣuḥ- ruci nahīṁ hai?
samādhānaḥ- vāstavik ruci vaisī ho, aṁtarameṁ vaisī ugra ruci ho ki maiṁ nivr̥tta svarūp hī hūn̐ aur nivr̥ttarūp pariṇam jāūn̐, aisī rucikī yadi ugratā ho to puruṣārtha hue binā rahe nahīṁ. jahān̐ cain na paḍe, jis vikalpa bhāvameṁ svayaṁ ek kṣaṇ mātra bhī ṭik na sake, to-to vah chūṭ hī jātā hai. svayaṁ ṭik sakatā hai, vah aisā sūcit karatā hai usake puruṣārthakī mandatā hai. vahān̐ vah ṭikā hai.
mumukṣuḥ- rucikī jātameṁ kṣati hai yā mātrāmeṁ kṣati hai?
samādhānaḥ- vah svayaṁ samajh lenā ki jātameṁ kṣati hai yā mātrāmeṁ. apanā hr̥day samajh letā hai ki yathārtha caitanya svarūp hai vah ek hī mujhe cāhiye, phir bhī maiṁ bāhar jātā hūn̐, merī rucikī mandatā hai. rucikī jātameṁ kṣati hai. gurudevane itanā mārga batāyā, phir jātameṁ kṣati rahe to vah to svayaṁkī hī kṣati hai. jātameṁ kṣati nahīṁ rahatī. gurudevane aisā upadeś diyā aur yathārtha mumukṣu banakar sunā ho to usakī jātimeṁ kṣati rahe aisā kaise bane? parantu mātrāmeṁ usakī dr̥ḍhatāmeṁ kṣati hai. usake puruṣārthakī mandatā, usakī rucikī mandatā. vah bāharameṁ ṭikatā hai.
mumukṣuḥ- dūsaremeṁ to kaheṁ ki usakī śraddhā alag hai. dūsarī śraddhā dekhate hue, yah vastu suhātī hai yā nahīṁ? kyoṁki śraddhākā kārya to ek hī prakārakā hai, usameṁ koī bhaṁg-bhed nahīṁ paḍate. to yah rucatā hai, aisā ham kahate haiṁ. dūsarā rucatā nahīṁ hai, yah hakīkat hai.
samādhānaḥ- rucikā kārya ātā nahīṁ hai. rucatā hai vah, aur kārya kare dūsarā. kārya bāharakā hotā hai. aṁtarameṁ yadi ātmākī ruci ho to us jātakā kārya nahīṁ hotā hai. utanī rucikī mandatā hai aur puruṣārthakī mandatā hai. jise yathārtha pratīti ho, andar dr̥ḍhatā ho use puruṣārthakī gati us or muḍatī hai. phir kitane muḍe vah dūsarī
PDF/HTML Page 1726 of 1906
single page version
bāt hai. puruṣārtha aur pratītameṁ thoḍā aṁtar rah jātā hai. jise pratīti ho-samyagdarśan ho aur turanta cāritra ho jāy aisā nahīṁ banatā. parantu pratīti ho usakā amu kārya to ātā hī hai. jisakī yathārtha pratīti huyī, use amuk bhedajñānakī dhārā nirvikalpa daśā to pragaṭ huyī hai, parantu usakī līnatāmeṁ der lagatī hai.
mumukṣuḥ- sanmukh jo kahanemeṁ ātā hai ki yah sanmukh huā hai. sanmukhatā aur pratītameṁ kyā pharka hai? ise pratīti hai aur is sanmukhatā hai.
samādhānaḥ- pratīt to yathārtha pratīti. sahaj bhedajñānakī dhārā pragaṭ ho gayī vah pratīti. svasanmukh huā usameṁ amuk jātakī ruci hai. use abhī yathārtha pratīti nahīṁ huyī hai.
mumukṣuḥ- kisake sanmukh huā hai, use mālūm hai?
samādhānaḥ- ātmāke sanmukh huā hai.
mumukṣuḥ- sanmukh māne kyā?
samādhānaḥ- sanmukh arthāt ātmā taraph usakī pariṇati muḍatī hai ki yahī mujhe cāhie. samīp ā gayā hai, vikalpa, vibhāv to use ekadam nahīṁ rucatā hai. mujhe sahaj jñāyakatā rucatī hai, aṁtarameṁ jñāyak taraph usakī bār-bār gati jātī hai. abhī yathārtha nahīṁ huā hai, vah sanmukhatā hai.
mumukṣuḥ- yathārtha nahīṁ huā hai, vah sanmukhatā hai. sanmukhatā arthāt use khyāl hai ki yah, isake sanmukh hūn̐, yah, use khyālameṁ āyā hai?
samādhānaḥ- hān̐, use amuk prakār-se āyā hai. vāstavik to aisā hī hai ki jab yathārtha huā tab huā. usake pahalekā hai vah sab to yogyatāvālā kahā jātā hai. phir usameṁ samīp kitanā, dūr kitanā vah svayaṁ samajh lenā. vahān̐ tak to usake do bhāg hī hai. yathārtha jab samyagdarśan pragaṭ hotā hai, tabhī yathārtha pratīti, tabhī samyagdarśana. usameṁ bhāg nahīṁ hai.
usake pūrvakā sab manda aur tīvratāvālā hī kahanemeṁ ātā hai. vah sab viśeṣaṇ, yathārtha viśeṣaṇ sab samyagdarśanameṁ lāgū paḍate haiṁ. usake pahale usakī ruci aur jijñāsā us taraphakī hai. vah use us prakār-se kāraṇarūp-se yathārtha kahanemeṁ ātā hai. vah kāraṇarūp (kahā jātā hai).
mumukṣuḥ- jab aisā vicār karate haiṁ ki bahinako itane alpa samayameṁ samyagdarśan ho gayā aur ham itane-itane sāl-se mahenat karate haiṁ to bhī pariṇati hotī nahīṁ. puruṣārthake prakārameṁ kuch kṣati hogī?
samādhānaḥ- mahenat kī, vah mahenat bhī kaisī kī, vah samajhanā paḍegā na. puruṣārthakī
PDF/HTML Page 1727 of 1906
single page version
kṣati hai. rucimeṁ pharka hai aisā nahīṁ, parantu apanī rucikī mandatā hai. bāhar kitanā rukā hai? bāharameṁ kitanī ruci jātī hai?
mumukṣuḥ- usameṁ samayakā savāl hai? jyādā vakta usameṁ rukatā hai aur isameṁ kam samay rukatā hai.
samādhānaḥ- samay-se bhī aṁtarakī kṣati hai, samayakī nahīṁ.
mumukṣuḥ- jyādā samay rukatā hai aisā?
samādhānaḥ- samay jyādā aisā nahīṁ, aṁtarameṁ-se palaṭatā nahīṁ hai. samay nahīṁ.
mumukṣuḥ- rucikī mandatā to hai. aisī icchā to rakhate haiṁ ki samyagdarśan ho. nitāṁtarūp-se, nahīṁ to itane sāl nikālekā kyā prayojan kyā? parantu prayojanameṁ kuch aisī kṣati lagatī hai ki vah dūr honī cāhiye, to tvarā-se kām kar sake.
samādhānaḥ- kṣati ho to hī apane puruṣārthakī mandatā rahatī hai.
mumukṣuḥ- svayaṁko khojanā cāhiye.
samādhānaḥ- apanī kṣati apaneko (mālūm paḍe).
mumukṣuḥ- sab ghoṭālā hai.
samādhānaḥ- svayaṁko samajhanā hai. usameṁ koī use khojakar nahīṁ de detā. kāraṇ yathārtha ho to kārya yathārtha āve. parantu kaisā kāraṇ pragaṭ huā, vah svayaṁko khojanā hai. sanmukhatā ādi sab svayaṁko khojanā hai.
mumukṣuḥ- gurudev-se bhī abhī prabhāvanākā kāl kuch viśeṣ tvarā-se aur viśeṣ vikasīt ho rahā ho, aisā lagatā hai.
samādhānaḥ- tīrthaṁkarakā dravya thā isaliye unakā puṇya aur us jātakā pratāp kārya karatā hī rahatā hai. vartamānameṁ bhī kare aur bhaviṣyameṁ bhī karatā rahe. gurudevane jo vāṇī barasāyī hai, jo upadeśakī jamāvaṭ kī hai vah jīvoṁke hr̥dayameṁ samāyī hai. isaliye sabako gurudev par bhakti hai, ataḥ gurudevako kyā arpaṇ kareṁ, aisī bhāvanā sabako hotī hai. gurudevake upakārake badalameṁ kyā karanā, aisī bhāvanā sabako hotī hai.
mumukṣuḥ- us din āp jab śilānyās karate the, pāṭiyā lagāte the, tab aisā huā ki bahinaśrī kyā karate haiṁ!
samādhānaḥ- ... pānī rahegā tabatak gurudevakī vāṇī rahegī. upadeśakhī jamāvaṭ choṭe-se lekar baḍoṁko aisī kī hai aur kisīko aisī ruci utpanna ho gayī. isaliye gurudevako kyā arpaṇ kareṁ? unake upakārakā badalā kaise cūkāye? isaliye sab unakā hī pratāp hai. gurudevake caraṇoṁmeṁ kyā deṁ, aisā sabako ho jātā hai.
mumukṣuḥ- aisā hī hai, aisā hī hai. bāt saccī hai. hamako bahut bār lajjā
PDF/HTML Page 1728 of 1906
single page version
ātī hai.
samādhānaḥ- vāṇī barasākar sabako jāgr̥t kiyā. isaliye gurudevakā upakārakā badalā kaise cūkāye, aisī sabako bhāvanā hotī hai. unakā prabhāvanā yog hī vartatā hai.
mumukṣuḥ- ekadam saccī bāt hai. akṣaraśaḥ saccī bāt hai. usameṁ bhī āpakī pavitratā, āpakī nirmalatā, āpakī nispr̥hatā. nispr̥hatā jabarajasta kām kar rahī hai. bahinaśrīko kahān̐ kisīkī paḍī hai. gurudev kahate the na. svayaṁ kahate the, āpako kyā hai? āp to baiṭhe raho. logoṁko jo karanā hai karane do. barābar vahī sthiti ā gayī hai. ānanda huā. āp dīrghāyu ho aur svāsthya kuśal raho.
samādhānaḥ- gurudevakī vaiśākh śuklā dūj thī na, us vakta yahān̐ sab sajāvaṭ kī thī. yahān̐ svādhyāy mandirameṁ citra evaṁ caraṇ ādi lagāyā thā. jīvan darśan kiyā thā. vahān̐ svādhyāy mandirameṁ gayī thī. tab mujhe aise hī vicār āte the ki yah sab huā, lekin gurudev yahān̐ padhāre to (kitanā acchā hotā). aise hī vicār rātako bhī āte rahe. gurudev padhāro, padhāro.
prātaḥkālameṁ svapna āyā ki gurudev mānoṁ devalokameṁ-se padhārate haiṁ, devake rūpameṁ. ratnake ābhūṣaṇ, hār, mugaṭ ityādi. gurudevane kahā, bahin! aisā kuch nahīṁ rakhanā, maiṁ to yahī hū̃n. aisā tīn bār (hāth karake bole). maiṁne kahā, maiṁ to kadācit mānūn̐, ye sab kaise māne? gurudev kuch bole nahīṁ. lekin us din sabako aisā hī ho gayā, mānoṁ ullās-ullās ho gayā.
mumukṣuḥ- gurudev yahān̐ the us vakta bhī apanī itanī ciṁtā karate the, to vahān̐ jāneke bād to adhik samr̥ddhimeṁ gaye haiṁ, sādhu-saṁtoṁke bīc (rahate haiṁ). isaliye kuch to karate hoeṁge na. unako bhī vikalpa to ātā hogā. nahīṁ to bhagavānako pūch le ki vahān̐ ho rahā hai.
samādhānaḥ- gurudevakā sab prabhāv hai. mumukṣuḥ- bahut sundara. pūre śāsanake bhāgyake yogase pūre bhāratavarṣameṁ... samādhānaḥ- aṁtarameṁ ruci rakhanī. vahān̐ vyāpār-vyavasāy ho to bhī śāstra svādhyāy karanā, kuch vicār karanā ki ātmā bhinna hai. yah manuṣya jīvan aise hī pravr̥ttimeṁ calā jātā hai.