PDF/HTML Page 1802 of 1906
single page version
mumukṣuḥ- kaṣāyakī kālimā hai, jñānameṁ nahīṁ hai. jñānameṁ kālimā nahīṁ hai?
samādhānaḥ- jñānameṁ kālimā nahīṁ hai, vibhāvakī jo pariṇati rāg-dveṣavālī hotī hai, vaisī rāg-dveṣakī pariṇati jñānameṁ nahīṁ hai. jñānameṁ jānanekā doṣ hotā hai. jñānameṁ jānanekā doṣ hai. jo svarūp ho usase anyathā jāne, viparītapane jāne. śraddhāke kāraṇ jñānameṁ doṣ ātā hai. śraddhā alag hai aur jñān bhī alag hai. use mithyājñān kahate haiṁ.
mumukṣuḥ- cāritraguṇ jaise viparītapane pariṇamatā hai,...
samādhānaḥ- viparītapane pariṇame aisā viparīt nahīṁ hai. parantu use śraddhākī viparītatā hai. jānanemeṁ viparītatā hai. kaṣāyakī kālimā hai aisā nahīṁ hai. isaliye viparīt-viparītameṁ pharka hai. isakī viparītatā jānanekī hai aur usameṁ rāgakī pariṇatikī hai. kaṣāyakī kālimā malin hai aur us jātakā malin jñānako kahanemeṁ āye, jānanekī apekṣā- se. donoṁkī pariṇati alag hai. rāgakī pariṇati alag aur śraddhā aur jñānakī pariṇati alag prakār-se kām karatī hai. hai vah bhī viparīt hai. śraddhā mithyā hai isaliye jñān bhī mithyā hai.
mumukṣuḥ- āpane aisā kahā thā ki ātmāko nahīṁ jānatā hai, vah usakā- jñānakā doṣ hai. parantu jaise cāritrameṁ kaṣāyakī kālimā hai, vaisī kālimā isameṁ nahīṁ hai.
samādhānaḥ- jānanekā doṣ hai. vaisī kālimā nahīṁ hai, jānanekā doṣ hai. muumukṣuḥ- .. jñān hai vah bhī ek prakār-se svabhāvakā aṁś kahalātā hai na? samādhānaḥ- svabhāvakā aṁś arthāt indriyajñān svako nahīṁ jānatā hai isaliye par taraph jātā hai, parantu vah svabhāv choḍakar kahīṁ bāhar to jātā nahīṁ. vah to mānatā hai ki maiṁ bāhar calā gayā. svabhāv choḍakar kahīṁ bāhar nahīṁ jātā hai. parantu mānyatā aisī hai ki mānoṁ apanā jñān bāhar calā jātā hai aur bāhar-se jñān ātā hai, aisā mānatā hai. svabhāvako choḍakar to kahīṁ nahīṁ jātā.
... paḍe hī haiṁ. bhale nigodameṁ ho. svabhāvakā aṁś to hai, usakā kahīṁ nāś nahīṁ hotā. svabhāvakā aṁś ho, vah jñānapane svayaṁ jānatā hai kahān̐? mānoṁ bāhar- se jñān ātā hai aur mānoṁ maiṁ bāhar jātā hū̃n. mānyatā jūṭhī hai.
PDF/HTML Page 1803 of 1906
single page version
mumukṣuḥ- mānyatākī bhūl-se jñānameṁ bhūl hotī hai.
samādhānaḥ- hān̐, mānyatākī bhūl-se jñānameṁ bhūl hotī hai. bākī svayaṁ to jānanevālā jñāyakasvabhāvī hai. jānanevālā to jānanevālā hai, parantu usakī mānyatākī bhūl hotī hai. jūṭh mānatā hai. jñānakā jānanekā jūṭhā ho rahā hai, mānoṁ parameṁ-se jñān ātā hai aur svayaṁ mānoṁ bāhar jā rahā hai. maiṁ svayaṁ jñāyakarūp hūn̐, aisā jñān nahīṁ hai. maiṁ svabhāvarūp-jñānasvabhāvarūp hī hū̃n. svabhāvarūp hai sahī, lekin svabhāvarūp hī hūn̐, aisā jñān nahīṁ hai.
mumukṣuḥ- ajñānīko jo indriyajñān hai aur jñānīkā indriyajñān, ye donoṁ indriy jñānameṁ kuch pharka hai?
samādhānaḥ- jñānīko yathārtha jñān hai. isaliye use jñān bhedajñānapūrvakakā jñān hotā hai, ekatva nahīṁ hotā. use jānanekī apekṣā-se, bāharakā jāne us jānanekī apekṣā- se samān hai, parantu isakī diśā alag hai, usakī diśā alag hai. jñānī alag diśāmeṁ rahakar jānatā hai. usakī diśā sva taraphakī hai, svakī diśāmeṁ rahakar, svako rakhakar par taraph jātā hai, parantu svako choḍatā nahīṁ hai. usakī diśā alag aur isakī diśā alag hai. (ajñānī) mānoṁ bāhar calā gayā is tarah jānatā hai. bāharakā jānanā ki ye kivāḍ hai yā ye hai, vo hai, jānanekī apekṣā-se sarīkhā hai, parantu usakī diśā alag hai. alag diśāmeṁ khaḍā rahakar jānatā hai. aur vah alag diśāmeṁ khaḍā rahakar jānatā hai (arthāt) ekatva karake jānatā hai. (jñānī) bhinna rahakar jānatā hai. usakī diśā pūrī alag hai. dekhane-dekhanameṁ aṁtar hai.
isīliye kahate haiṁ, jñānakī pariṇati sab jñānarūpī hī pariṇamatī hai. usakī diśā hī alag hai. jñāyak rahakar hī (jānatā hai), ekatva nahīṁ hotā hai, bhinna jñāyak rahakar jānatā hai. svayaṁ sva taraph pariṇati rakhakar par taraph jo upayog jātā hai, vah bhinna rahakar jānatā hai. jānanekī pūrī diśā alag hai. isaliye isakā jānā huā jñān kahalātā hai, usakā jānanā ajñān kahalātā hai. svako jānatā nahīṁ hai, ekatva karake jānatā hai.
svayaṁ bhinna rahakar (jānatā hai). indriyoṁ-se mujhe lābh hotā hai, usake āśray- se maiṁ jānatā hūn̐, aisī usakī śraddhā hai. bhinna rahakar jānatā hai. svayaṁ apane svataḥ pariṇamanako bhinna rakhatā hai. is tarah jānatā hai.
mumukṣuḥ- jānanekī apekṣā-se donoṁ indriyajñān sarīkhā?
samādhānaḥ- jānanekī apekṣā-se. parantu usakī pariṇati pūrī alag diśāmeṁ hai.
mumukṣuḥ- atīndriy jñānakī pariṇati pragaṭ ho gayī hai.
samādhānaḥ- pragaṭ huyī hai, us pūrvak (jānatā hai). abhī adhūrā hai isaliye
PDF/HTML Page 1804 of 1906
single page version
vah bāhar jātā hai. ataḥ utanā use jānanemeṁ āśray ātā hai. indriyoṁkā, manakā āśray ātā hai. atīndriy jñān pragaṭ ho gayā hai, us rūp pariṇati hai. parantu abhī adhūrā hai, isaliye utanā bāhar jātā hai. (ajñānīko) mātra indriy taraphakā jñān hai, svakā jñān hī nahīṁ hai.
mumukṣuḥ- jñānīkā indriy jñān vr̥ddhigat hotā huā dikhatā hai. jabaki ajñānīkā indriy jñān vr̥ddhigat ho rahā ho aisā dikhāī nahīṁ detā, sāmānyataḥ.
samādhānaḥ- indriy jñānakā kyā prayojan hai? vr̥ddhigat yā nahīṁ vr̥ddhigata. ise atīndriy jñānakī pariṇati baḍhe vahī vāstavik vr̥ddhi hai. sādhanākī vr̥ddhimeṁ vahī vr̥ddhi hai. bāharakā vr̥ddhigat dikhāī de vah sab to bāhar-se dekhanā hai. usakī vr̥ddhi ho usakā koī artha nahīṁ hai. andar atīndriyakā pariṇaman, jñāyakakī pariṇati baḍhatī jāy, svānubhūti bhedajñānakī dhārā aṁtar-se jo pariṇati baḍhatī jāy, vahī vāstavik vr̥ddhi hai. bāharakī vr̥ddhi vr̥ddhi nahīṁ hai.
bāhar-se baḍhatā dikhāī de aur nahīṁ dikhāī de, vah koī dekhanekī dr̥ṣṭi nahīṁ hai. vah koī parīkṣā hī nahīṁ hai. bāhar-se itanā sunā yā itanā paḍhā, yā itanī dhāraṇā kī, aisā sab bāhar-se dekhanā, vah kahīṁ parīkṣā nahīṁ hai, vr̥ddhi dikhāī de vaha. vaise to use vr̥ddhi dikhe, isako nahīṁ bhī dikhe. bāhar-se to aisā dikhe. parantu aṁtarakī pariṇati baḍhe vahī vāstavik vr̥ddhi hai.
bāhar-se kisīko indriyān̐ kamajor paḍ gayī ho to bāhar-se dikhāī na de. ataḥ bāharakī vr̥ddhi vr̥ddhi nahīṁ hai. aṁtarakī pariṇatikī vr̥ddhi ho, vahī vāstavik vr̥ddhi hai. dekhanā, sunanā, bolanā vah sab to bāhya āśray hai. ek man kām kare vah alag bāt hai. man-se ātmā bhinna hai.
mumukṣuḥ- indriy jñān baḍhe usameṁ kuch mahattā nahīṁ hai, mahattā ginanī bhī nahīṁ.
samādhānaḥ- usameṁ kuch mahattā nahīṁ hai. usameṁ mahattā ginanā bhī nahīṁ. usameṁ mahattā nahīṁ hai. vah parīkṣākā ṭoṭal bhī nahīṁ hai. aṁtarakī pariṇati kyā kām karatī hai, yah dekhanā hai. aṁtar śraddhā-jñān, līnatā vah sab pariṇati kyā kārya karatī hai, yah dekhanā hai.
mumukṣuḥ- logoṁko bāharakī vismayatā lagatī hai, dharmātmāko aṁtarakī vismayatā hotā hai.
samādhānaḥ- hā̃n. aṁtarameṁ hī vāstavik pariṇati hai. muktikā pūrā mārga aṁtarameṁ hai. anādi kāl-se bāhar dekhanekī dr̥ṣṭi hai isaliye bāhar dekhatā hai. bāharakī vismayatā vah saccī nahīṁ hai, vah parīkṣā bhī nahīṁ hai. phir jise bhakti ho, vah gurudev prati
PDF/HTML Page 1805 of 1906
single page version
(bhakti karatā hai). gurudevakī aṁtaraṁg daśā (dekhakar kahe), unakā bāharakā bhī aisā aur aṁtar (bhī alaukik) aisā bhaktibhāv-se (kahe).
bhagavān samavasaraṇameṁ baiṭhe ho (to kahatā hai), prabhu! āpakī aṁtarameṁ bhī aisī pariṇati aur āpakī bāhya śobhā bhī adabhut aur sabakuch adabhut! bhaktimeṁ sab āve. sab bhaktimeṁ āve. parantu aṁtaraṁg dekhanekī dr̥ṣṭi aṁtarameṁ hai. bhaktibhāvameṁ sab āve.
mumukṣuḥ- bhaktimeṁ to vāṇīkī mahimā bhī kare, śarīrakī kare.
samādhānaḥ- hān̐, śarīrakī kare, sab kare. gurudevakā prabhāvanā yog kaisā, gurudev tīrthaṁkarakā dravya, āpakī mudrā kaisī, āpakī vāṇī kaisī, vah sab bhakti hai. aṁtarakī daśā amuk dehātīt daśā dikhatī ho, vah sab amuk parīkṣā karake kahe vah alag bāt hai. ... gurudev, bhagavān, muniśvar aṁtarameṁ kṣaṇ-kṣaṇameṁ līn hote haiṁ, jagat-se alag dikhe, gurudev jagat-se alag dikhate the. aisī parīkṣā kare vah alag bāt hai.
mumukṣuḥ- kahanemeṁ ātā hai ki tū jñānalakṣaṇako khoja. to khojaneke liye usake pās to vartamānameṁ indriy jñān hī hai. to usameṁ-se hī khoj le na.
samādhānaḥ- use dr̥ṣṭi aṁtarameṁ karanī paḍatī hai. indriy jñān bhale ho, parantu svayaṁ hai na? apanā nāś to huā nahīṁ hai. indriy jñān ho to vah jñān kahīṁ usameṁ ghūs to gayā nahīṁ hai. vah to us taraph usane mānyatā kī hai. usameṁ parameṁ apanā ghūs nahīṁ gayā hai. svayaṁkā astitva kahīṁ nāś nahīṁ huā hai. usameṁ-se khoj le, arthāt tū svayaṁ hī hai. terī pariṇatiko aṁtar jhukākar tū kaun hai, yah khoj le. usameṁ bīcameṁ man, indriyān̐ sab ātā hai, use gauṇ karake tere jñānako mukhya karake tū jñānalakṣaṇ- se pūre jñāyakako pahicān le.
use tū sāthameṁ rakh usakā matalab isase jñāt huā, isase jñāt huā, aisī dr̥ṣṭi kyoṁ karatā hai? mujhe mere jñān-se jānanā hotā hai aur jñānalakṣaṇ-se andar dekhanekā hai. isaliye usase dekhā vah to sāthameṁ ātā hai. isaliye aisā kahanemeṁ āye ki indriy jñān-se jānā. parantu tū aṁtar dr̥ṣṭi kar, tū svayaṁ hī hai, tū kahīṁ kho nahīṁ gayā hai. dūsarā sādhan arthāt svayaṁ hī hai, svayaṁ hī apanā sādhan hai. apanā kahīṁ nāś nahīṁ huā hai.
mumukṣuḥ- apanī sattākā hī svīkār nahīṁ karatā hai. mūlameṁ hī takalīph hai.
samādhānaḥ- isase dekhanā hai na, isase dekhanā hai na. parantu tū svayaṁ tere-se hī dekh rahā hai, vah tū dekhatā nahīṁ hai. aur isase dekhanā hai, is ān̐kh-se dekhanā rahā, man-se dekhanā rahā, parantu tū svayaṁ hī hai. vah tujhe kahān̐ jñān karavāte haiṁ? tere jñān- se, tere kṣayopaśam jñān-se sab jñāt hotā hai. tū tere jñānako terī or moḍ to tū
PDF/HTML Page 1806 of 1906
single page version
svayaṁ hī tujhe jñāt hogā. isase jānanā hotā hai, usase jānanā hotā hai, paryāy-se jānanā hotā hai, paryāy-se jānanā hotā hai, aise kyoṁ lakṣya karanā? terā hī astitva hai aur tū svayaṁko khoj le.
jñānalakṣaṇ-se jñāyakako khoj le. usameṁ bāhya ālambanake sab sādhan gauṇ ho jāte haiṁ. sāthameṁṁ ho to tujhako svayaṁko mukhya kar le, usako gauṇ kar de, vah tere hāthakī bāt hai. kisase khojūn̐? pahale to bāhya ālamban hotā hai, nirālamban to hotā nahīṁ, kahān̐-se lāūn̐? parantu tū nirālamban hai usakā nāś hī nahīṁ huā hai. tū use mukhya karake us taraph jā to tū svayaṁ hī hai. aisī sab bāteṁ karatā hai, terī mandatākī sab bāteṁ haiṁ. tū puruṣārtha kar to tū svayaṁ hī hai. tū tujhe mukhya kar le ki maiṁ jñāyak hī hū̃n. maiṁ jānanavālā svayaṁ hī hū̃n. merā nāś nahīṁ huā hai. to jñānalakṣaṇako mukhya karake tū jñāyakako pahicān le. vah sab ālamban to gauṇ ho jāte haiṁ. tū terā ālamnab le le.
vah jab bhī kar, use gauṇ to karanā hī hai aur vah tujhe hī karanā hai. vah pahale-se to huā nahīṁ hotā anādikā. jab hotā hai tab tujhe hī gauṇ karanā hai aur tujhe hī mukhya honā hai, isaliye tū hī use mukhya karake usake ālambanako gauṇ karake aur ḍhīlā karake, tū mukhya hokar apane āpako khoj le. jab bhī kar, tujhe hī karanā hai. usakā ālamban pahale isase karanā paḍegā, usase karanā paḍegā, aisā kyoṁ? tū svayaṁ hī hai. usase kahān̐ karanā hai, jab kar tujh-se hī karanā hai. jñānalakṣaṇako tujhako svayaṁko hī mukhya karanā hai. tū use mukhya karake tū tere jñāyakako pahacān le. ālambanako mukhya kyoṁ karatā hai? ālamban āyā to nirālmaban kaise huā jāy? ālambanako gauṇ kar de, tū svayaṁ hī mukhya hai. vah kahān̐ mukhya the. vah kahān̐ jānate haiṁṁ. jānanevālā to tū hai. vah to bīcameṁ āte haiṁ.
man bhī kahān̐ jānatā hai aur netra bhī kahān̐ jānate haiṁ aur kahān̐ kaun jānatā hai? jānanevālā tū aur use tū baḍā karake kahatā hai, usake ālamban binā jñāt nahīṁ hotā. tū svayaṁ hī jānanevālā hai, apanī or muḍ jā. bāhar jā rahā hai usake badale tū tere dravyako jñānalakṣaṇ-se khoj le. tū svayaṁ hī hai.
mumukṣuḥ- svayaṁko hī khojanā hai aur svayaṁ hājir hī hai.
samādhānaḥ- svayaṁ hājir hai aur svayaṁko hī khojanā hai. vah sab kahan̐ use rokate haiṁ. vah rokate nahīṁ hai. tū svayaṁ rukā hai. tū hī svayaṁ bhinna paḍakar andar jā. andar svayaṁ pariṇamit ho jāy, phir nirālamban hotā hai, pahale kaise ho? parantu jo nirālamban hue ve pahale aise hī the, use gauṇ karake nirālamban hue haiṁ. ataḥ ālambanako
PDF/HTML Page 1807 of 1906
single page version
gauṇ karake svadravyakā ālamban le-le, tere hāthakī bāt hai. palaṭanā tere hāthakī bāt hai.
mumukṣuḥ- sahaj hai, haṭhapūrvakakā niścay nahīṁ hai, sahaj hai. jñānasvarūpako pakaḍo isaliye vah gauṇ ho hī jātā hai.
samādhānaḥ- vah gauṇ ho hī jātā hai. jñānako pakaḍanekā prayatna hī karanā hai. isakā ālamban ātā hai, ālamban ātā hai, ālamban hai hī kahān̐? tūne hī ālamban liyā hai. tū svayaṁ tujh-se jān rahā hai, use sva taraph moḍ de, par taraph muḍā hai usako. "par pariṇati bhāge re, akṣay darśan jñān vairāgye ānandaghan prabhu jāge re'. ālamban tyāgakar nirālamban honā apane hāthakī bāt hai.
svayaṁko kuch karanā ho, niścay kiyā ho ki aisā hī karanā hai to dūsarekā ālamban toḍ detā hai ki mujhe aise hī karanā hai. vahān̐ toḍ detā hai, yahān̐ nahīṁ toḍatā.
mumukṣuḥ- vahān̐ sabako choḍ detā hai, apane nirṇay anusār karatā hai.
samādhānaḥ- hān̐, vahān̐ sabako choḍ detā hai. nirṇay anusār karatā hai. vah sab to udayādhīn hai, to bhī svayaṁ aisā nirṇay karatā hai. aur isameṁ ālamban-ālamban karatā rahatā hai.
mumukṣuḥ- isameṁ ālamban khojatā hai.
samādhānaḥ- ālamban jo dev-guru-śāstrane batāyā, us anusār karanā hai. vah mahāsamartha ālamban hai. unhoṁne kahā ki nirālamban ho jā. to svayaṁko nirālamban honā hai.
samādhānaḥ- ... ātmākā svarūp kaise prāpta ho? vah ek hī raṭan rahe, ek hī bhāvanā rahe, ek hī ugratā rahe. yah manuṣya jīvan calā jāy, itane sāl bīt gaye, itane sāl gaye, kyoṁ prāpta nahīṁ hotā hai? aṁtarameṁ kaise kyoṁ is bhavabhramaṇ-se thakān nahīṁ lagatā hai? anek jātake vicār āte the. kyoṁ vikalpakī jālameṁ khaḍā hai? usase kyoṁ chūṭatā nahīṁ? anek jātakī bhāvanāen̐ ugrapane ātī hai. bāraṁbār usīkī ugratā aur usīkā vicār, jāgate-sote, svapnameṁ ek hī raṭan rahā kare, utanī ugratā ho to hotā hai.
kṣaṇ-kṣaṇameṁ koī bhī kārya karatā ho, ek hī bhāvanā andar ugrapane rahā kare, kahīṁ cain paḍe nahīṁ, aisā aṁtarameṁ ho tab jīvakā aṁtar puruṣārtha utanī ugratā ho to palaṭatā hai. aṁtarmuhūrtameṁ bahutoṁko palaṭ jātā hai. bākī to utanī ugratā honī cāhiye.
mumukṣuḥ- us vakta bacapanameṁ vairāgyakī bhāvanā thī, parantu is prakār-se saṁsār- se chūṭanā hai, ... dīkṣā lenī hai yā muni banā jānā hai, sādhu ban jānā hai. śvetāṁbarake
PDF/HTML Page 1808 of 1906
single page version
hisābase. usakī bhāvanā thī.
samādhānaḥ- aṁtarameṁ vikalpa-se chūṭanā usameṁ to puruṣārtha cāhiye.
mumukṣuḥ- vah atyaṁt kaṭhin lagatā hai.
samādhānaḥ- vah to puruṣārtha-se (hotā hai). vaisā puruṣārtha pragaṭ honā, utanī ugratā ho to hotā hai.
mumukṣuḥ- kaisī ugratā?
samādhānaḥ- ugratā hī cāhiye. kahīṁ cain na paḍe, vikalpameṁ use cain na paḍe. kahīṁ cain na paḍe to hotā hai. vikalpakī jālameṁ bhī cain na paḍe, aisā honā cāhiye. kahīṁ sukh na lage. aṁtarameṁ-se prāpta na ho tabatak cain na paḍe, utanī ugratā aṁtarameṁ honī cāhiye.
.. mujhe bahut ānanda lagatā hai, mujhe bahut aisā lagatā hai, aise jo vikalpa āte haiṁ, vah vikalpameṁ hī khaḍā hai. mujhe aṁtarameṁ bahut bhāvameṁ bahut ānanda ātā hai, mujhe isakā bahut ras ātā hai, mujhe aisā bahut hotā hai. vah sab vikalpa hī hai, andar vikalpakā ānanda hai. caitanyakā astitva-dravyameṁ-se ānanda cāhiye, vah ānanda alag hai, vah to sahaj ānanda hai. use vikalpa-se ānanda nahīṁ hotā, vah to sahaj ānanda hai. vikalpa nahīṁ hai ki mujhe bahut ānanda āyā yā mujhe yah prāpta huā, aisā vikalpa bhī jahān̐ chūṭ jātā hai. jo sahaj ānanda pragaṭ hotā hai, vah aṁtar-se bhinna paḍ jātā hai. andar bhinna hokar jo ānanda ātā hai, sahaj ānanda jo ātā hai. use kr̥trimatā nahīṁ hotī ki mujhe isameṁ bahut ānanda āyā.
jisakī ānanda par bhī dr̥ṣṭi nahīṁ hai, parantu sahaj ānanda ātā hai. ek apanā astitva grahaṇ karatā hai. ānanda sahaj andarameṁ-se pragaṭ hotā hai. vikalpa karake ānanda nahīṁ vedanā paḍatā. ... to pragaṭ hotā hai. vikalpakī diśā hai, usakī pūrī diśā palaṭ jānī cāhiye.
bhinna paḍanā vah puruṣārtha alag rah jātā hai. abhī to kṣaṇ-kṣaṇameṁ bhedajñān (kare ki) vikalpa-se bhī maiṁ bhinna hū̃n. pahale to aisā bhedajñān honā cāhiye ki vikalpa- se bhī maiṁ bhinna hūn̐, aisī jñāyakakī dhārā pahale honī cāhiye, to nirvikalpa ho. vikalpa- se bhī maiṁ to bhinna hū̃n. aisī aṁtarameṁ-se jñāyakakī dhārā (pragaṭ honī cāhiye).