PDF/HTML Page 690 of 1906
single page version
samādhānaḥ- ... usane ek gnāyakako grahaṇ kiyā hai, ātmāko grahaṇ kiyā hai. aise vichārase, buddhise nakkī kare (aise nahīn). antaramen main jānanevālā hī hūn̐, aise gnāyakako svayanne antaramense grahaṇ kiyā hai. use grahaṇ karake, us par shraddhā-pratīt karake usamen vah līn hotā hai-usamen sthir hotā hai. isaliye bāhya dr̥uṣhṭi chhūṭakar vah antaramen līn hotā hai. bāharase upayog antaramen (le jātā hai). dr̥uṣhṭi to gnāyak par hai. upayog bāhar jāy to bhī usakī dr̥uṣhṭi to gnāyak par rahatī hai. parantu upayog bhī bāhar jātā ho use sthir karaneke liye vah gnāyakamen līn hotā hai. anya koī vikalpamen līn hotā hai, aisā nahī̃n. bīchamen vikalpa āye, pañch parameṣhṭhīkā vikalpa āye, dravya-guṇ- paryāyake vichār āye vah alag, vah shubhabhāv hai. parantu antaramen gnāyakamen līn hotā hai. bārambār gnāyakamen līn hotā hai, gnāyakakā dhyān karatā hai.
mumukṣhuḥ- vah savikalpa dhyān hai?
samādhānaḥ- bhale savikalpa ho, parantu gnāyakako grahaṇ karake dhyān hai. vikalpa usamen gauṇ hotā hai aur gnāyakamen līn hotā hai.
mumukṣhuḥ- usamense nirvikalpa kaise hotā hai?
samādhānaḥ- gnāyakamen līn hote-hote, jo-jo pariṇām vikalpa āye usase main bhinna hūn̐, main gnāyak hūn̐, aise gnāyakamen līn hote-hote use ugratā tīvra ho to vikalpa chhūṭate haĩn. ugratā ho to.
mumukṣhuḥ- kahate hain ki main baddha hūn̐ aur abaddha hūn̐, vah bhī vikalpa hai?
samādhānaḥ- hān̐, vah bhī vikalpa hai.
mumukṣhuḥ- to phir savikalpamense nirvikalpamen jānā kaise?
samādhānaḥ- use vikalpa hai ki main baddha hūn̐-bandhā hūn̐, parantu abaddha hūn̐, vah bhī nayakā vikalpa hai. vah vikalpa yānī rāg hai ki main abaddha hūn̐, abaddha hū̃n. us vikalpa parase dr̥uṣhṭi uṭhākar, upayog uṭhākar main jo hūn̐ so hūn̐, vikalpa nahī̃n. chaitanyakā astitva hai vahī main hū̃n. ek merā astitva gnāyak vahī main hū̃n. aise vikalpako gauṇ karake gnāyakako grahaṇ kare. bārambār usamen līn ho to usake vikalpa chhūṭe.
PDF/HTML Page 691 of 1906
single page version
ek gnānasvabhāvako, aisā ātā hai na? ek gnānasvabhāvako grahaṇ karake, nishchay karake. main yah gnānasvabhāv hī hūn̐, main gnān hī hūn̐, aisā nakkī karake bādamen mati- shrutakā upayog, gnānakā upayog jo bāhar jātā hai use bhī antaramen lākar usamen sthir ho to vikalpa chhūṭ jāya. lekin sthir honā, sachche gnān binā sachchā dhyān nahīn ho sakatā. usakā gnān sachchā ho, gnān samyak ho to usakā dhyān sachchā ho. gnān sachchā ho to sachchā dhyān ho. yadi usake gnānamen bhūl ho to, gnāyakako grahaṇ nahīn kiyā ho to kahān̐ sthir khaḍā rahegā? vikalpamen sthir khaḍā rahegā, gnāyakako grahaṇ nahīn kiyā ho to. gnāyakake astitvako grahaṇ kiyā ho to usamen usakī sthiratā jamatī hai, nahīn to vikalpamen sthiratā jamatī hai. phir dhyān kare aur vikalpa manda ho jāy to use aisā lagatā hai ki vikalpa chhūṭ gaye. vikalpa sūkṣhma ho gaye. lekin gnāyakako grahaṇ kare to sachchā dhyān hotā hai.
mumukṣhuḥ- us vakta jo jaḍ prāṇ hai, vah līn hote hai, usakī gati bhī aisī ho jātī hai.
samādhānaḥ- prāṇ to bāhar rah jāte haĩn. lekin antaramen gnāyak chaitanyako grahaṇ kare phir prāṇ kahān̐ gaye, usakā use dhyān nahīn hai. prāṇ kyā, shvāsoshvās hai yā kyā hai, us or usakā dhyān bhī nahīn hai.
mumukṣhuḥ- usakā na jāy, oṭomeṭik prāṇ līn hote hain aur ...
samādhānaḥ- vah bāharase hotā hogā ki bāharase usake prāṇī alag prakārase gati karate ho. lekin antaramen to use aisā hī hai ki main mere gnāyak līn ho jāūn, basa. us jaḍ prāṇakī or kyā hotā hai, usakā dhyān nahīn hotā.
mumukṣhuḥ- aisā hotā hogā kyā?
samādhānaḥ- kuchh ātā hai, ātā hai, shāstramen ātā hai. usake prāṇ ūparase jāte hain, aisā ātā hai.
mumukṣhuḥ- jo bahir prāṇ hote hain, usamen ... jātā hai.
samādhānaḥ- lekin usake shvasoshvās banda nahīn ho jāte. usakī gati alag ho jātī hai, gati alag ho jātī hai.
mumukṣhuḥ- kyoṅki jaḍ prāṇonse chhūṭaneke liye yah sab prayatna hai na?
samādhānaḥ- jaḍ prāṇonse chhūṭaneke liye..
mumukṣhuḥ- jaḍ prāṇ karmake kāraṇ haĩn.
samādhānaḥ- bhale usase chhūṭanekā prayatna hai, parantu usakā prayatna gnāyakako grahaṇ karanekā hai.
PDF/HTML Page 692 of 1906
single page version
mumukṣhuḥ- mukhya to vahī hai.
samādhānaḥ- kyoṅki jaḍ prāṇonse chhūṭ jāūn̐, chhūṭ jāūn̐ aisā kare parantu antaramen svayaṅko grahaṇ nahīn kiyā ho to kahān̐se (chhūṭe)? aisā dhyān jīv bahut bār karatā hai. aisā dhyān kare ki bāharase kuchh bhī ho to use mālūm nahīn paḍe. prāṇ rok le, shvāsoshvās rok le, aisā sab kare, parantu andar gnāyak grahaṇ nahīn huā ho to vah dhyān kaisā? ātā hai na?
yam niyam sanyam āp kiyo, puni tyāg virāg athāg lahyo, jap bhed jape tap tyonhī tapai, ūrase hī udāsī lahī sabase.
sab kare. maun rahā, dhyān kiyā, .. kare, bāharase sab tham̐bh jāy aisā kare. andar gnāyakako grahaṇ na kiyā ho to... usamen ātā hai, kuchh aur rahā un sādhanase. usake sādhanamen kuchh alag hī hai. andar chaitanyako grahaṇ nahīn kiyā ho to bāharase sab dhyān to kare, parantu antaramen grahaṇ kare to hotā hai. aisā dhyān jīvane bahut bār kiyā. upavās kiye, tyāg kiyā, yam kiyā, niyam pāle, parantu guru batāte hain ki andar tū tere ātmāko grahaṇ karake dhyān kara.
mumukṣhuḥ- isīliye to mainne kahā na ki, jo antarātmā huā hai usakā dhyān is prakārakā hotā hai?
samādhānaḥ- usakā dhyān ātmāko grahaṇ karake, gnāyakako grahaṇ karake, chaitanyako (grahaṇ karake hotā hai). use chaitanya andarase apanā astitva grahaṇ hotā hai. yah sharīr use grahaṇ nahīn hotā, shvāsoshvās nahīn, ān̐kh nahīn, sunanā nahīn, us or kahīn upayog nahīn hai. vikalpakī or upayog hai use svayam bhinna karake ek gnāyakakī or jāya. bas, ek chaitanya. chaitanyake alāvā kuchh nahī̃n. main ek ātmā gnāyaka. usakā svabhāv grahaṇ kare.
vikalpase raṭaṇ karatā rahe, main gnāyak.. gnāyak.. gnāyaka. aise to vikalpa hotā hai. parantu vastu jo padārtha hai, us padārthako grahaṇ karake dhyān kare to hotā hai. sabase bhedagnān kare, main yah nahīn hūn̐, main sharīr nahīn hūn̐, main vikalpa nahīn hūn̐, yah rāgayukta vikalpa mere nahīn hai. jo-jo shubhabhāv, shubhabhāvake vikalpa āye vah bhī merā svarūp nahīn hai. un sabase main bhinna (hūn̐). bhinna hūn̐, aisā vikalpa kare lekin main bhinna kaisā? kaunasī vastu hai? ki main yah vastu hū̃n. yah main jānanevālā sabake bīch rahanevālā. yah sab jaḍ hai. yah vikalpa āye, mere puruṣhārthakī mandatāse vikalpa āye parantu vah merā svarūp nahīn hai. vah to vikalpakī jāl hai. usase bhī main nirākul svarūp jānanevālā, sabako jānanevālā so main hū̃n. vah jānanevālā sabako jānanevālā aise nahīn, parantu andar
PDF/HTML Page 693 of 1906
single page version
jo svayam jānanevālā hai. sabako jānā isaliye jānanevālā nahīn, parantu svayam usakā svarūp hī jānanekā hai. jaise yah jaḍa. vah svayam jānanevālā hai. vah jānanamātra nahīn, parantu ananta adabhut svarūpase bharā hai vah main hū̃n. aise svayaṅko vikalpase nahīn, apitu svabhāvase grahaṇ kare. guḍ shabda nahīn, shakkar shabda nahīn parantu us vastuko grahaṇ kare. use grahaṇ karake usakā dhyān kare, usamen ekāgra ho to hotā hai. lekin usakī shraddhā, sachchī pratīt pahale ho, nishchay kare to dhyān hotā hai.
samādhānaḥ- .. dhyānakā phal andar ātmākī prāpti ho, svānubhūtikī prāpta ho.
mumukṣhuḥ- usase nirjarā hotī hai?
samādhānaḥ- nirjarā to hotī hai, karmakī nirjarā hotī hai aur andar svānubhūtikā phal āve, andar ātmākī prāpti ho. ātmā jo adabhut svarūpase virājatā hai usakī use anubhūti ho. aur karmakī nirjarā ho, karmakī nirjarā ho. parantu vah abhī thoḍī nirjarā hotī hai, pūrī nirjarā to kevalagnān ho tab hotī hai. lekin sachchī nirjarā to use svānubhūti ho tab hī hotī hai. bākī ananta kālase jo nirjarā hotī hai, vah sab to bandhan hotā hai aur nirjarā hotī hai, bandhan hotā hai aur nirjarā hotī hai, vah sachchī nirjarā nahīn hai. andar ātmāko grahaṇ kare to sachchī nirjarā hotī hai.
mumukṣhuḥ- jīv janmatā hai aur maratā hai, r̥uṣhānubandhase ikaṭṭhe hote hain, vah kaise hotā hai?
samādhānaḥ- janma-maraṇ hote hain vah usake karmake kāraṇa. jaise usane karma bāndhe hote hain, vaisī gati hotī hai. aur āyuṣhya bāndhā ho usakā maraṇ hotā hai. kisīko pūrvakā sambandha hotā hai, to koī pūrvamen ho to ikaṭṭhe hote hain aur koī ikaṭṭhe nahīn bhī hote. unake pariṇāmakā mel āve to vah r̥uṣhānubandha (hotā hai). pariṇāmakā mel āve to ikaṭṭhe hote haĩn. yadi pariṇāmakā mel na ho to ikaṭṭhe nahīn hote. kyoṅki kisīkā pariṇām devalokamen jāy aise ho, kisīke pariṇām tiryañchamen jāy aise ho, kuṭumbamen sab ikaṭṭhe hue hon, sabake pariṇām ek samān nahīn hote haĩn. kisīke pariṇām kuchh hote hain, kisīke pariṇām kuchh aur hote hain, isaliye koī kahīn jātā hai aur kahīn jātā hai. isaliye ikaṭṭhā honā mushkil hai. sabake pariṇām ekasamān ho to ve ikaṭṭhe hote haĩn. .. bhagavānake bhavamen agale bhavamen amuk jīvoṅke pariṇām samān the to sāth- sāth janmate the. aur kitane hī jīv to koī kahīn jātā hai aur koī kahīn jātā hai. kisīkā mel nahīn hai.
mumukṣhuḥ- hameshā isī prakār ikaṭṭhe ho aisā kyo nahīn hotā? r̥uṇānubandha ho, amuk kāraṇ...
PDF/HTML Page 694 of 1906
single page version
samādhānaḥ- pariṇāmakā mel hove to hī ikaṭṭhe hote haĩn. pariṇām bhinna-bhinna ho to ikaṭṭhe nahīn hote.
mumukṣhuḥ- .. milate hain, bichhaḍate hain, kisīko r̥uṇānubandha nahīn hai. ...
samādhānaḥ- kisīkā mel honā ho to ho jātā hai. jignāsā sachchī thī to mil gayā. sachchā mil gayā. paḍhanekā ras thā, satya khojanekā (ras thā) to vāñchan karate the, ichchhā thī satyakī to paḍhate-paḍhate satya prāpta ho gayā.
mumukṣhuḥ- mainne pūchhā bhī thā, rāmāyaṇ, bhāgavat, upaniṣhad paḍhe to ab kyā?
samādhānaḥ- .. ho to mil jātā hai. .. ho to use bahut kr̥upāse bulāte the. vastu to hai, anek vastuen̐ haĩn. parantu terā vikalpa chhoḍ de, tū teremen sthir ho jā. vastu ek nahīn hai. vastu bhinna-bhinna haĩn. tū tere vikalpa chhoḍakar andar sthir ho jā.
mumukṣhuḥ- itanā sab alag samajhamen āyā? ek kahe, brahma laṭakā kare, brahma bhāse nahīn... itane alag haĩn.
samādhānaḥ- samajhamen āye aisā hai, jise jignāsā ho use.
mumukṣhuḥ- bahut samajhamen āye aisā hai.
samādhānaḥ- samajhamen āye aisā hai. .. dekhatā hai, jo andar vedan hotā hai, vah kuchh nahīn hai, yah ek vichāramen āye aisā nahīn hai.
mumukṣhuḥ- kyoṅki yah ek anubhav shāstra hai.
samādhānaḥ- .. samyagdr̥uṣhṭiko bolanekī.. bāhar bole to bhī use ātmā bhinna hī rahatā hai. chale, sharīr chale to bhī ātmā bhinna rahatā hai. chale, phire, bole, khāy, pīe sab kare, lekin use ātmā to sabamen bhinna hī rahatā hai. yah kriyā ho, sharīr chale, sab ho, lekin use ātmā to bhinna hī bhāsatā rahatā hai. use rāg āve to rāgase bhī vah bhinna bhāsatā hai. alpa asthiratāko samajhatā hai ki mere puruṣhārthakī mandatāse is rāgamen juḍatā hū̃n. parantu sab kriyāmen usakā ātmā use bhinna bhāsatā hai. use ātmā bhinna usake vedanamen, usake gnānamen, usake darshanamen, usake ācharaṇamen sabamen ātmā bhinna hī (rahatā hai), sab kriyāmẽn. vah chale yā bole yā khāye, pīye, jīvan- maraṇ sabamen ātmā use shāshvat bhinna hī dikhatā hai. ātmā use ekatva bhāsit hī nahīn hotā hai, ātmā use bhinna hī dikhāī detā hai. nidrāmen, svapnamen sabamen ātmā use bhinna hī rahatā hai. svapnamen bhī use ātmā bhinna rahatā hai. use sabamen ātmā bhinna hī bhāsit hotā rahatā hai.
yah main ātmā bhinna, yah sharīr bhinna, yah kham̐bhā bhinna dikhāī detā hai, yah dīvār
PDF/HTML Page 695 of 1906
single page version
bhinna dikhāī detī hai, vaise sharīr mujhase bhinna hai. rāg āye vah bhī merā svabhāv nahīn hai. usase bhī merā svabhāv bhinna hai. puruṣhārthakī mandatāse sabamen khaḍā hūn̐, phir bhī main to bhinna hī rahatā hū̃n. kṣhaṇ-kṣhaṇamen bhinna (rahatā hai). koī kṣhaṇ aisī nahīn jātī ki jisamen use ātmā ekarūp ho jāya. pratikṣhaṇ use ātmā bhinna bhāsatā hai.
koī bhī kārya karatā ho, bolate ho, kuchh bhī likhatā ho, kuchh bhī karatā ho, sabake andar ātmā use bhinna (rahatā hai), ekatva hotā hī nahī̃n. bhinna bhāsatā rahatā hai. merā ātmā bhinna, gnāyakakī pariṇati use nirantar chālū hī hai. usamen use thoḍā- sā bhī pharka nahīn paḍatā. yadi vah ekamek ho jāy to usakā gnān ekatvabuddhivālā ho jāya. gnānamen use bhinna hī bhāsatā hai. kṣhaṇ-kṣhaṇamen bhinna (bhāsit hotā hai), vah use bhūlatā hī nahīn, kisī bhī kṣhaṇ nahīn bhūlatā hai. vah usakā vartan hai. bhinna to bhāsatā hai, lekin ātmāmen andar sthir honekā prayatna vartatā hai. use thoḍāsā bhī bhūlatā nahī̃n.
use vichār karake jabaran rakhanā paḍe yā use kuchh kr̥utrim karanā paḍe aisā bhī nahīn hai, use sahaj bhinna bhāsatā hai. vichār kiye binā use sahaj (bhāsatā hai). jisamen vichāroṅkī shrr̥uṅkhalā chalatī rahe usamen koī jabaran nahīn lānā paḍatā, vaise ātmā use ekadam sahajapane bhinna hī bhāsatā hai. kuchh bhī karatā ho to bhī. aisī usakī vartanā hotī hai. hameshākī vartanā. bhinna, hameshā bhinna rahatā hai. bhale kahīn bhī khaḍā ho, kahīn bhī baiṭhā ho, use bhinna hī bhinna bhāsatā hai.
bhagavānake sāmane bhakti karatā ho, bhagavānake darshan karatā ho, bhāv āye, bhakti āye to bhī ātmā bhinna bhāsit hotā hai. vāñchan karatā ho, sabakā vichār karatā ho, dravya-guṇ-paryāyakā svarūp, to bhī usakā ātmā bhinna bhāsatā hai. aur usakī dhārā gnānadhārā-gnātādhārā aise hī chālū hai.
mumukṣhuḥ- nirantar chalatī rahatī hai.
samādhānaḥ- nirantar chalatī hai. isīliye kahate hain na, kaun khātā hai, kaun pītā hai, kaun hilatā hai, kyoṅki use ātmā bhinna hī bhāsit hotā hai. vah bhinna rahatā hai. parantu vah samajhatā hai ki alpa asthiratāke kāraṇ yah sab bolanekī, chalanekī kriyāen̐ hotī hai. alpa rāg hai. parantu use ātmā bhinna bhāsatā hai. alpa bhī na ho to-to use khānekī, pīnekī kisī bhī prakārakī kriyā na ho. alpa hai, parantu ātmā use bhinna bhāsatā hai.
mumukṣhuḥ- gnānīkī vartanā gnānī hī jānate haĩn. aisā ek kalashamen ātā hai.
samādhānaḥ- yathārthapane gnānīkī vartanā gnānī hī jānate haĩn. kyoṅki gnānīko usakā
PDF/HTML Page 696 of 1906
single page version
anubhav hai. isaliye gnānīkī kyā vartanā pariṇati hotī hai, vah gnānī hī jānate haĩn. parantu mumukṣhu svayam vichār kare to vichārase amuk prakārase use nakkī ho sakatā hai. barābar yathārtha to gnānīkī vartanā gnānī hī jānate haĩn. parantu mumukṣhu vichār kare to nakkī kar sakatā hai.
mumukṣhuḥ- mumukṣhu hai use andar tattvakā to yathārtha nirṇay hotā hai, bāhya lakṣhaṇase...?
samādhānaḥ- hān̐, vah to bāhya lakṣhaṇase jāne. parantu usakī jignāsā amuk prakārakī hai, isaliye bāhya lakṣhaṇase jāne. parantu antaramen use yathārtha jānanā to mushkil paḍe. to bhī mumukṣhu satpuruṣhako pahachān sakatā hai, bāhya lakṣhaṇase. antaramen use bhedagnānakī pariṇati kaise chalatī hai, vah use yathārthapane barābar nahīn jānatā hai, parantu use amuk anumān dvārā jān sakatā hai ki inakī vāṇī kuchh alag hai, vartan alag hai, unake parichayase, unakī vāṇīse amuk samajh sakatā hai. vāṇī dvārā, unake parichay dvārā unakā ātmā kyā kām karatā hai, use amuk prakārase jān sakatā hai. nahīn to satpuruṣhako pahachāne kaise? har jagah ātmā.. ātmā.. ātmā. use usakī pariṇatimen ātmā hī hai.
munioṅkī to bāt hī alag hai. unako to bāharakā sab chhūṭ gayā hai. muni to kṣhaṇ-kṣhaṇamen ātmā... gnāyakakī pariṇati to hai parantu unhen svānubhūti antarmuhūrta-antarmuhūrtamen hotī hai.
mumukṣhuḥ- .. kaun-se guṇasthān tak...?
samādhānaḥ- shrāvak chhaṭhṭhe guṇasthān paryant aur pañcham guṇasthān paryanta. deshashrāvak hai vah pañcham guṇasthān aur avirati shrāvak hai vah chaturtha guṇasthān paryant hote haĩn. muni chhaṭhṭhe-sātaven guṇasthānamen hote haĩn. muniko baḍh gayī hai. svānubhūtikī dashā baḍh gayī hai. shrāvakoṅko bhedagnānakī dhārā hai aur svānubhūti bhī hai. parantu munioṅko tvarāse svānubhūti hotī hai. munioṅkī sthiti baḍhatī hai, kāl baḍhatā hai, sab tvarāse hotā hai. abhī vartamānamen koī muni dikhāī nahīn dete. parantu munidashā pañchamakālake ant tak hai, chhaṭhṭhā- sātavān̐ guṇasthāna. shāstramen ātā hai ki ākhir tak bhāvaliṅgī muni honevāle haĩn. abhī bhī chhaṭṭhā-sātavān̐ guṇasthān hai. vartamānamen aise muni dikhāī nahīn dete, lekin hai sahī. koī-koī kālamen hote hain, chhaṭhṭhe-sātaven guṇasthānamen jhulate hue muni. aṭṭhāīs mūlaguṇ, antaramen ātmākī dashā pragaṭ huī ho. aṭṭhāīs mūlaguṇ kisīko bāharase hote hain, antarakī dashāke sāth ho vah bhāvaliṅgī muni (hain).
mumukṣhuḥ- bāharamen dikhāī nahīn dete ho, antarakī sthiti usakī ūn̐chī ho to...?
samādhānaḥ- jise antarakā ho use bāharamen hotā hai, aisā sambandha hai. aisā ātā hai. antaraṅg dashā ho use bāhar hotā hai. bāhar ho aur andar ho yā nahīn bhī ho.
PDF/HTML Page 697 of 1906
single page version
parantu antaramen ho use bāhar hotā hai, aisā sambandha hai. bāharase kisīne bheṣh le liyā ho, bāharase kisīne pratignā le lī, bāharase le lī, parantu antaramen jo bhāv (honā chāhiye vah nahīn hotā). upavāsakā pachchakhāṇ le liyā, parantu andar jo upavās honā chāhiye, antar ātmāko pahachānakar, vah huā nahīn ho. bāharase le, parantu jise andar ho use bāhar hotā hī hai. aisā sambandha hai.
mumukṣhuḥ- desh-kālake kāraṇ kuchh chījen na ho sake, aisā nahīn ho sakatā?
samādhānaḥ- desh-kālake kāraṇ tattvamen pharka nahīn paḍatā.
mumukṣhuḥ- tattvamen to na paḍe, andar to usakī vartanā barābar hai. chhaṭhṭhe-sātaven̐ tak aṇagār ho vah bhī pahun̐ch sake yā na pahun̐ch sake?
samādhānaḥ- chhaṭhṭhe-sātaven guṇasthānamen ho, use bāharamen to aisī hī hotā hai. shāstramen ātā hai vaisā. desh-kālake kāraṇ (badalatā nahīn).