Benshreeni Amrut Vani Part 2 Transcripts-Hindi (simplified iso15919 transliteration). Track: 111.

PDF/HTML Page 698 of 1906
single page version

samādhānaḥ- ... parantu usamen dūsarā pheraphār nahīn hotā. dhūl, miṭṭī evan pānīse nahīn hotā. usakā rasakas, āge jānā ādi kam hotā hai, bākī vastumen pharka nahīn paḍatā. andarase anek prakārakī nirmalatā hotī thī, r̥uddhiyān̐ aur shakti pragaṭ hotī thī, aisā nahīn hotā. chhaṭhṭhe-sātaven guṇasthānake sāth jo usake sāth sambandhavāle guṇ ho, vah bāharamen bhī hote hī haĩn.

mumukṣhuḥ- jise ātmākī sthiratā huyī hai, shraddhān to huā hī hai, parantu asthiratā bhī jinakī dūr huyī hai.

samādhānaḥ- ātmākī shraddhā hotī hai, asthiratākī bāt alag hai. to use munidashā nahīn hotī. yadi utanī sthiratā na ho to munidashā nahīn hotī. jis jātakī dashā ho vaisā bāhar hotā hai. sabako aisā lāgū nahīn paḍatā ki andaramen ho vah bāhar ho. yah to munidashāke sāth sambandha hai. bāhar pakaḍamen āye, nahīn āye, parantu jo andar ho use koī bāharase pakaḍ nahīn sakatā. bāharamen gr̥uhasthāshramavāleko vyavahār sab alag hotā hai. jo antaramen ho vah bāharamen dikhāī nahīn detā. parantu yah to munidashāke guṇake sāth sambandha hai.

mumukṣhuḥ- gurudevakī to bahut ūn̐chī vartanā thī. unhonne munidashā aṅgīkār nahīn kī. to kyon nahīn lī?

uttaraḥ- munidashā andarakī alag hotī hai. mumukṣhuḥ- andar to munidashā nahīn thī? mumukṣhuḥ- .. ātī hai vah barābar tāttvik nahīn hai. vaishya veṣh, nirgranth bhāv ho use vaishya veṣh nahīn hotā. vaishya veṣhe nirgranth bhāv....

mumukṣhuḥ- ... ek janma karake mokṣhamen jāyeṅge.

samādhānaḥ- vah barābar, ek janma karake mokṣhamen jāyeṅge, vah barābara. bādamen dūsare bhavamen muni ban jāyeṅge. nirgranth bhāv to hai, parantu nirgranth dashā abhī nahīn hai. jo gr̥uhasthāshrakī dashā hai, munidashā bādamen dūsare bhavamen āyegī. sthiratākā mel karanā, usakā vichār kare to baiṭhe aisā hai.

PDF/HTML Page 699 of 1906
single page version

mumukṣhuḥ- .... muni hokar peshanṭako ṭriṭ nahīn karate.

samādhānaḥ- shraddhā ho, bhedagnān ho use avashya bhavakā abhāv hotā hai. use avashya chāritra ātā hai, use avashya munidashā ātī hai, parantu vartamānamen use munidashā nahīn hotī.

mumukṣhuḥ- nagnabhāv, muṇḍabhāv sah asnānatā.

samādhānaḥ- .. ātmākī sevā karanekā gurudevane batāyā hai. ātmākā vichār karanā, ātmākī jignāsā, tattvakā vichār karanā. ātmā kaun hai? usakā svarūp kyā hai? vah gnānasvabhāv hai, ānandasvabhāv hai. usakā ātmākā vichār karanā. dev-guru- shāstrakī mahimā shubhabhāv hai, parantu andar shuddhātmā bhinna hai. shuddhātmākā vichār karanā. usakā bhedagnān kaise ho? yah sab vibhāvabhāv hai, usase bhinna hokar nyārā kaise huā jāy? yah sab vichār karanā. dravya-guṇ-paryāyakā (vichār karanā), shāstramen kyā ātā hai? gurudevane kyā batāyā hai? yah sab vichār karanā.

mumukṣhuḥ- mātra vichārase nahīn hotā.

samādhānaḥ- ātmāko grahaṇ karanā. vichār karake nakkī karanā. ātmāko grahaṇ karanā ki yah ātmā hai vahī main hūn̐, anya kuchh main nahī̃n. yah gnāyak svabhāv hai vahī main hūn̐, dūsarā kuchh merā svarūp nahīn hai. gnāyakako grahaṇ karanā, use bhinna karanekā prayatna karanā, ekatvabuddhi hai usase bhinna hokar kṣhaṇ-kṣhaṇamen main bhinna hūn̐, usakī bhāvanā, jignāsā aur us prakārakā prayatna pariṇatimen kaise ūtare? jo vichārase nakkī kare vah pariṇatimen kaise ūtare? usakā prayās karanā. vah karanekā hai. vah sahajarūp kaise ho? vichāramen nirṇay kiyā lekin vah pariṇatirūp kaise ho? usakā prayās karanā. vichārase nakkī karake phir āge jānā hai. parantu jabatak andar sahajarūpase grahaṇ na ho, tabatak vichār, vāñchan ādi sab ātā hai. shāstra svādhyāy, usake vichār, manan (ādi hotā hai). āge kaise baḍhanā? svānubhūti kaise ho? vah sab jignāsā karanī. karanā to ek hī hai, bhavakā abhāv kaise ho? aur gnāyak kaise grahaṇ ho? aur ātmākī svānubhūti kaise ho? karanā to yah ek hī hai.

gnānasvabhāv nakkī karake phir use grahaṇ karake āge baḍhā jātā hai. parantu pahale nakkī karanemen hī use yathārtha pratīti, vichār karake barābar yathārtha jaisā hai vaisā nakkī karake āge baḍhā jātā hai.

mumukṣhuḥ- aisā ātā hai na ki, gnānalakṣhaṇase pahachānakara. yānī jahān̐ gnān hai vahīn ātmā hai.

samādhānaḥ- gnānasvabhāv hai vahī main hūn̐, main anya kuchh nahīn hū̃n. vah lakṣhaṇ usakā

PDF/HTML Page 700 of 1906
single page version

aisā mukhya lakṣhaṇ hai, vah usakā asādhāraṇ lakṣhaṇ hai. itanā satya paramārtha hai, itanā satya kalyāṇ hai ki jitanā yah gnāyak-gnānasvabhāv hai. jo gnānasvabhāv hai usīmen tū ruchi kar, usamen prīti kar, usamen santuṣhṭa ho. usīmen sab bharā hai. gnān māne mātra jānanā itanā hī nahīn hai, parantu pūrṇa gnāyak hai. pūrṇa gnāyak mahimāvant bharā hai.

gnānasvabhāv-jitanā gnān ūtanā hī tū hai, anya kuchh tū nahīn hai. jitanā jānanevālā hai utanā hī tū hai. use nakkī karake usamen sthir honese tujhe tr̥upti hogī, santoṣh hogā, ānanda āyegā, sab usīmen hogā. kahīn aur nahīn hai. gnānasvabhāv rūkhā nahīn hai, vah mahimāvant hai. gnān yānī mātra shuṣhkatāse jānate rahanā, aisā nahīn hai. gnānasvabhāv tū mahimāse grahaṇ kara. vah gnānasvabhāv koī alag hai.

utanā satyārtha kalyāṇ hai, utanā hī paramārtha hai ki jitanā yah gnān hai. us gnānako hī grahaṇ kara. tujhe santoṣh hogā, usamen tr̥upti hogī. kahīn aur santoṣh aur tr̥upti hogī nahī̃n. jo svabhāvamense santoṣh hogā aur tr̥upti hogī, vah kahīn aur nahīn āyegī. usīmen ānanda āyegā. vikalpase chhūṭakar usamen sthir ho jā, usīmen sab bharā hai.

(jabatak yah na ho) tabatak dev-guru-shāstrakī mahimā, anek jātakī mahimā, prabhāvanā ādike prasaṅgamen juḍatā hai. bāhar yah shubhabhāv aur andaramen shuddhātmā kaise pahachānamen āye, yah karanekā hai. samyagdarshan ho to bhī abhī pūrṇatā nahīn huyī hai, tabatak shubhabhāv āte haĩn. kevalagnān nahīn hotā tabatak shubhabhāv āye binā nahīn rahate. munioṅko bhī āte haĩn. chhaṭhṭhe-sātaven guṇasthānamen jhulate haĩn. muni ho to bhī jab bāhar āte hain tab shāstra likhate haĩn. upadesh ādi, bhagavānake darshan ādi sab munioṅko ātā hai. parantu bāhar āye to shubhamen aur andaramen chhaṭhṭhe-sātaven guṇasthānamen jhulate haĩn. munioṅko dūsarā sabakuchh gauṇ ho gayā hai. vah sab to hai yā nahīn aisā ho gayā hai.

andar pragaṭ karaneke liye kṣhaṇ-kṣhaṇamen lagan lagāye, bhāvanā bhāve. shubhabhāvamen, jinhonne pragaṭ kiyā hai aise bhagavān, jinhonne pūrṇatā pragaṭ kī, jo sādhanā kar rahe hain aise guru aur shāstramen jā āye, use tū hr̥udayamen rakakhar usakī mahimā lākar vahān̐ khaḍā rahanā. anya ashubhabhāvamen mat khaḍe rahanā. bāhar āve to vahān̐ khaḍe rahanā hai. antaramen shuddhātmākī lagana. bāharamen sarvasva ā nahīn jātā, andar shuddhātmā antaramen rah jātā hai.

mumukṣhuḥ- vishrānti lenī ho to dev-guru-shāstra...

samādhānaḥ- hān̐, dev-guru-shāstra. andar shuddhātmā. jinhoenne svabhāv pragaṭ kiyā hai aise bhagavān aur jo sādhan kar rahe hain, aise guru. shāstramen sab varṇan ātā hai.

PDF/HTML Page 701 of 1906
single page version

mumukṣhuḥ- is maryādāse āge nahīn jānā hai.

samādhānaḥ- us maryādāse āge jāyegā to ashubhabhāvamen jāyegā, vahān̐ nahīn jānā hai. andaramen terī jignāsā, lagan to yahī rakhanī hai, shraddhā to yahī rakhanā ki yah shuddhātmā kaise grahaṇ ho? bāharamen dev-guru-shāstra.

.. na kar sake to shraddhā to barābar karanā, shāstramen ātā hai. shraddhā barābar rakhanā ki mārga to yahī hai. in sabase bhinna ātmā shuddhātmā (hai). usakā dravya- guṇ-paryāyakā svarūp pahachānanese, use grahaṇ karanese, usamen līn honese pragaṭ hotā hai. bākī bīchamen koī parakā āshray (lenā) vah ātmākā svarūp nahīn hai. andar tere ātmākā āshray lenā. shraddhāmen yah rakhanā hai. vah nahīn ho sake to bāharamen dev- guru-shāstrakā āshray hotā hai, vyavahārase.

deshanālabdhi hotī hai us vakta bhagavān aur gurukī vāṇīkā nimitta hotā hai. aisā nimitta-upādānakā sambandha (hai). karanā svayaṅko hai, parantu nimittamen dev aur guru sākṣhāt hote haĩn.

mumukṣhuḥ- .. nirṇay taka. usamen bhī yah ... samay-samayamen tū bhinna paḍanekā, anubhav karanekā prayatna kar ki main to gnāyak hī hūn̐, main to gnāyak hī hū̃n. arthāt upayog bhī usake pās hai aur viṣhay bhī usake pās hai. phir bhī vah itanā kaṭhin paḍatā hai, is abhyāsake kāraṇ, ki vahān̐se chhūṭakar anubhav karanemen, vikalpātmak anubhav karanemen bhī utanā hī samay lagatā hai aur itanā kaṭhin lagatā hai.

samādhānaḥ- yah abhyās bahut ho gayā hai na. anādikā. usase bhinna paḍanemen, pariṇatimen use chhoḍanemen dikkat hotī hai. vichārase nakkī kiyā ho to bhī use bhinna karaneke kāryamen use kaṭhin paḍatā hai. kyoṅki anādikī pariṇati use sāth-sāth chalī ā rahī hai.

(samajh) pīchhe sab saral hai. vah bhinna paḍe to phir usakī pūrī lāīn saral hai. parantu pratham bhūmikā use vikaṭ hai. kyoṅki anādikī use ekatvabuddhi ho rahī hai. svayam apaneāp prayatna karate-karate, ātmā svayam hī andarase mārga kar detā hai. jise kharī jignāsā aur lagan hotī hai use.

... nimitta-upādānakā sambandha hai. koī kisīkā kartā nahīn hai. deshanālabdhi hotī hai tab bhagavānakā, gurukā nimitta hotā hai aur apane upādānakī taiyārī (hotī hai), aisā sambandha sarva pratham bār, sākṣhāt dev aur gurukā yog hotā hai, parantu nimitta nimittamen (rahatā hai). nimitta prabal hai. nimitta nimittamen, upādān upādānamẽn. ek-ek paramāṇu sab svatantra hai, sab svatantra hain, pratyek dravya svatantra haĩn. ek paramāṇuke dravya-

PDF/HTML Page 702 of 1906
single page version

guṇ-paryāy svatantra. sabake dravya-guṇ-paryāy svatantra.

mumukṣhuḥ- māmāko bāt karī ki abhī kaṭhin lagatī hai parantu sāthamen aisā bhī baiṭhatā hai ki isake sivā chhūṭakārā nahīn hai aur yahī upāy hai. aisā anubhav karanese saral ho jāyagā aur aise saral hone par nirvikalpa honekā avakāsh aise hī āyegā, yah bāt mātājī! barābar baiṭhatī hai. abhī jarūr kaṭhin lagatā hai aisā prayās karanā.

samādhānaḥ- vikalpa bhī vahī hai, use bhinna karake, ekatvabuddhi toḍakar gnāyakakī dhārā pragaṭ karanī. ek hī upāy hai. dravyako grahaṇ kiyā, dravya par dr̥uṣhṭi kī parantu dr̥uṣhṭi karake use ṭikānā, use bhinna karanā yah kārya (karanā hai). jo mānyatāmen liyā ki main bhinna hūn̐, yah vibhāv svabhāv merā nahīn hai. main bhinna hū̃n. bhinna nakkī kiyā to vah satyarūpase nakkī kab kahā jāy? ki us rūp kārya ho taba. bhinna hai vah bhinna hī hai. to phir ekatvabuddhi ho rahī hai. use satya nakkī karake use andar bhinna karanekā prayatna hue binā rahatā nahī̃n. andar prayās karanepar satya to yahī hai, mārga yahī hai.

shraddhārūp pariṇati jise kahate hain, vah shraddhā jo vichārase shraddhā kare vah alag, usamen to shraddhākī pariṇati hotī hai. dr̥uṣhṭi aur bhedagnānakī pariṇati. vah abhī shraddhārūp hai. lekin vah shraddhā kaisī? pariṇatirūp hotī hai. pariṇatikā kārya karatī hai vaha. visheṣh chāritra hotā hai vah alaga. yah to shraddhāke sāth amuk prakārakī līnatā (hotī hai). usamen anantānubandhi sāthamen chhūṭ jātā hai. isaliye amuk prakārakī pariṇati ho jātī hai.

mumukṣhuḥ- anubhav honese pahale aisā sahaj nirvikalpapane ho, anubhav pahale bhī aisā vikalpātmak sahajapane...?

samādhānaḥ- sahajapane, use pariṇati sahaj hotī jātī hai. usamen use svānubhūtikā avakāsh hai. kisīko thoḍe prayatna binā ekadam ho jātā hai, vah alag bāt hai. kisīko ekadam nakkī huā aur turanta bhedagnānakī dhārā pragaṭ ho jātī hai, vah ek alag bāt hai. aise bhī koī jīv hote haĩn. jaise shivabhūti muni jaise ekadam palaṭ gaye. pariṇati ekadam palaṭ gayī.

mumukṣhuḥ- mātājī! āj dhanya ghaḍī, dhanya bhāgya hamāre ki āj hamen āpako hīrese vadhānekā saubhāgya prāpta huā. mokṣhamārgake praṇetā pūjya mātājī! ananta kālase paradravya aur rāgakā bhajan is jīvane anādi kālase kiyā hai. to ab āpake pratāpase ātmākā bhajan kaise karen ki jisase sādiananta mokṣhasukhako prāpta karen?

samādhānaḥ- jaisī jīvako bāhya dr̥uṣhṭi hai, usakā anādise bhajan karatā ā rahā

PDF/HTML Page 703 of 1906
single page version

hai. gurudevane bahut kiyā hai ki tū gnāyakako dekh, gnāyakakā smaraṇ kar, gnāyakako lakṣhyamen le, gnāyakakā hī tū bārambār raṭan kara. bāharakā raṭan chhoḍakar gnāyakakā raṭan kara. gnāyakakā lakṣhaṇ pahachāne. usakā gnānalakṣhaṇ jo asādhāraṇ lakṣhaṇ hai, us lakṣhaṇase vah pahachānamen ātā hai aur us lakṣhaṇ dvārā lakṣhya arthāt vastuko pahachānakar bārambār usīkā raṭan, manan evan bārambār usamen nirṇay karake use grahaṇ karake usakā āshray le. bārambār kare to vah pragaṭ ho aisā hai.

anādise jo kiyā hai, rāg aur vikalpoṅkā smaraṇ use bārambār hotā hai. parantu ātmākā smaraṇ karatā nahīn hai, gnāyakakā smaraṇ nahīn karatā hai. use bārambār gnāyakakā smaraṇ ho aisī jignāsā, ruchi, gnāyakamen hī sarvasva hai, bāhar kahīn nahīn hai aisī gnāyakakī shraddhā ho. gnāyakamen hī sab bharā hai, bāhar kahīn nahīn hai. aisā gnāyakakā vishvās āye. gnāyakamen ānanda hai, bāhar kahīn nahīn hai, aisā vishvās āye to vah gnāyakakā raṭan kare aur vahī karane jaisā hai. bārambār gnāyak, gnāyakadevakā smaraṇ kare. vah na ho tabatak dev-guru-shāstrakā smaraṇ kare. antaramen gnāyakadevakā smaraṇ kare. gnāyak kaisā hai, usakī pratīti kare. gnāyak koī adabhut hai, anupam hai. usakā lakṣhaṇ pahachānakar bārambār nishchay kare to ho sake aisā hai. parantu vah bhedagnān dvārā hotā hai. gnāyakakā lakṣhaṇ pahachānakar hotā hai.

bhedagnān dvārā hotā hai. parantu utanī svayaṅkī jignāsā aur ruchi ho to karatā hai. use bhinna kare, use bārambār bhinna karanekā prayatna kare to hotā hai. lakṣhaṇ pahachānakar use pragnāchhainī dvārā bhinna kare to hotā hai. bākī anādikā abhyās hai isaliye mushkil ho gayā hai, durlabh ho gayā hai. parantu apanā svabhāv hai isaliye sulabh hai, durlabh nahīn hai. parantu svayam puruṣhārtha kare to ho sake aisā hai.

mumukṣhuḥ- lagatā hai ki ātmāmen hī ānanda bharā hai, parantu jīv mānatā nahīn hai. vishvās ānā chāhiye ki usake binā mujhe ek kṣhaṇ bhī nahīn chalegā, usake liye jo puruṣhārthakī nirantar jāgr̥uti chāhiye, vah nahīn rahatī.

samādhānaḥ- vah svayam kare to hī ho sake aisā hai. koī use kar nahīn detā. itanā vishvās andarase svayam lāve to hī ho sake aisā hai. usakā vishvās lākar ananta jīv mokṣhamen gaye hain, ananta jīvonne ātmākā svarūp pragaṭ kiyā hai. vah svayam kare to ho sake aisā hai. vah kisīse ho aisā nahīn hai. svayam kare to hī hotā hai. vah vishvās svayaṅko hī lānā hai. jalda yā derase svayam hī vishvās lāye, svayaṅko usakī jarūrat lage, svayaṅko hī karanā hai.

dev-guru-shāstra mahā nimitta hain, parantu karanā svayaṅko hī hai. aisā puruṣhārtha karake

PDF/HTML Page 704 of 1906
single page version

ananta jīv mokṣhamen gaye hain, ananta muni mokṣhamen gaye haĩn. yah mārga ek hī hai, bhedagnān karake gnāyakako pahachānanā. usakī shraddhā-pratīti dr̥uḍh karake, vaisī pariṇati karake usamen līn ho jāy vahī ek mārga hai, dūsarā koī mārga nahīn hai. vishvās svayaṅko hī lānā hai. prayatna svayaṅko karanā hai. sabakuchh svayaṅko karanā hai. shraddhā pragaṭ karanī, samyagdarshan karanā, usamen līnatā karanī vah sab svayaṅko hī karanā hai. svayam svatantra hai. jalda yā der, parantu svayam kare to hī hotā hai. dūsarā koī usamen kar de aisā nahīn hai.

gurudevane mārga batāyā hai, svayaṅko karanā bākī rahatā hai. ekadam āsān kar diyā hai. chāron orase mārga batāyā hai. dravya-guṇ-paryāyakā svarūp (samajhāyā hai). nimitta- upādān, anek-anek prakārakā sūkṣhma-sūkṣhma rūpase sab samajhāyā hai. svayaṅko karanā bākī rah jātā hai.

prashamamūrti bhagavatī mātano jay ho! mātājīnī amr̥ut vāṇīno jay ho!

 