Benshreeni Amrut Vani Part 2 Transcripts-Hindi (simplified iso15919 transliteration). Track: 112.

PDF/HTML Page 705 of 1906
single page version

mumukṣhuḥ- mātājī! ananta-ananta kālake paribhramaṇake duḥkhonse mukta honeke liye hī āp hamen mile hain, aisā hamen antarase lagatā hai. to is sansārase mukta hokar shāshvat sukhakī prāpti kaise ho?

samādhānaḥ- ek hī mārga hai-shuddhātmāko grahaṇ karanā vahī hai. shuddhātmāko grahaṇ kare. shuddhātmāko grahaṇ kare to shuddha paryāy pragaṭ hotī hai, ashuddhako grahaṇ kiyā to ashuddha paryāy hotī hai. ashuddhakī or dr̥uṣhṭi hai to use ashuddhatākī paryāyen hotī hai. ek shuddhātmā, main shuddha svarūp hū̃n. yah paryāyamen malinatā hai, mere mūl svarūpamen nahīn hai. "je shuddha jāṇe ātmāne te shuddha ātmā ja meḷave'. ek shuddhātmāko hī grahaṇ karanā.

jo mokṣhamen gaye ve sab shuddhātmāmen pravr̥utti karake mokṣha gaye hain, yah ek hī mokṣhakā mārga hai, dūsarā koī nahīn hai. shuddhātmāko pahachānanā. shuddhātmāko pahachāne to sab shuddha paryāyen pragaṭ hotī haĩn. main ek shuddha chaitanya svarūp hū̃n. yah malinatā mereemen nahīn hai. vah merā svarūp nahīn hai. puruṣhārthakī kamajorīse vah malinatā hotī hai, parantu merā svarūp nahīn hai, main usase bhinna hū̃n.

jaise pānī svabhāvase nirmal hai, vaise nirmal hūn̐, shītal svabhāvī hū̃n. parantu yah sab kīchaḍ nimittake kāraṇ yānī svayam vaisā malin hotā hai, nimitta karatā nahīn hai. apanī pariṇatimen svayam puruṣhārthakī kamajorīke kāraṇ malinatā hotī hai, parantu vah merā svarūp nahīn hai. aisā shuddha svarūp svayaṅkā hai, usakī shraddhā karake aur shuddha svarūpakī or jāya. use grahaṇ kare to usamense shuddha paryāyen pragaṭ hotī haĩn. ashuddhatākī or dr̥uṣhṭi hai to ashuddha paryāyen anādi kālase hotī rahatī hai. ek ke bād ek ashuddha paryāyoṅkī shrr̥uṅkhalā chalatī hai. shuddhātmāko grahaṇ kare to shuddhatākī paryāyen pragaṭ hotī hai. ek hī mārga hai. is mārgakā sevan karake ananta mokṣhamen gaye haĩn. sab isī rītase gaye haĩn. nirvāṇakā mārga ek hī hai, dūsarā nahīn hai. shuddhātmāpravr̥utti lakṣhaṇ, bas ek hī.

mumukṣhuḥ- ... hamen shāshvat ātmā batāyā, sabake to aise puṇya kahān̐se ho? to āp hamen aisā saral mārga batāīye ki gr̥uhasthāshramamen rahakar durlabh...

PDF/HTML Page 706 of 1906
single page version

samādhānaḥ- gr̥uhasthāshramamen bhī yah ho sakatā hai. utanī svayaṅkī ruchi, jignāsā aur taiyārī ho to gr̥uhasthāshramamen bhī hotā hai. pūrvake sab jīv-bharat chakravartī ādi chakravartī gr̥uhasthāshramamen rahakar bhinna rahate the. gr̥uhasthāshramamen bhī svayaṅkī utanī bhinna rahanekī taiyārī ho to ho sakatā hai. shuddhātmāko pahachānā jātā hai, shuddhātmākā nishchay, vishvās kiyā jā sakatā hai. usamen pariṇati ho sakatī hai, sab kar sakate hain, koī kisīko rok nahīn sakatā. svayam andarase nirlep rahe to gr̥uhasthāshramamen sab ho sakatā hai. ātmākī ruchi, ātmākā vichār, vāñchan sab ho sake aisā hai. ātmākā svabhāv kaise grahaṇ karanā, vah sab ho sake aisā hai. dev-guru-shāstra shubhabhāvamen, antaramen shuddhātmā. antaramen usakī lagan, usakī laganake atirikta kuchh ruche nahī̃n. gr̥uhasthāshramamen sab ho sake aisā hai.

mumukṣhuḥ- mātājī! ... gr̥uhasthāshramamen thoḍī durlabhatā lagatī hai. yahān̐ to sab sahaj- sahaj .. āpakī vāṇīkā yog, āpake darshanakā yog...

samādhānaḥ- satsaṅg to sabako saral nimitta hai. satsaṅgakī to alag bāt hai, parantu satsaṅg nahīn ho to svayam taiyār rahanā. svayaṅko taiyārī rakhanī chāhiye, vaise sanyogamẽn. satsaṅgamen to āsān hotā hai, saral hotā hai, parantu puruṣhārtha to svayaṅko hī karanā hai.

mumukṣhuḥ- ... usamen ananta guṇ .. to kevalagnānakā ansh kaise?

samādhānaḥ- sarva guṇānsh so samyagdarshan hai. kevalagnānakā ansh hai. mati-shrut kevalagnānakā ansh hai. matignān hai na? jo gnāyak svarūp ātmā hai, gnānasvarūp ātmā hai usakā jo samyakagnān ansh pragaṭ huā hai. gnānakā ansh pragaṭ huā isaliye usamen kevalagnān ā gayā. pragaṭ kevalagnān nahīn hai, usakā ansh pragaṭ huā hai.

mumukṣhuḥ- ..

samādhānaḥ- hā̃n. kevalagnān hai usakā bhed nikāl denā. gnānakā samyak ansh pragaṭ huā, (vah) kevalagnānakā ansh hai. mati-shrut kevalagnānako bulātā hai. ātā hai na? kevalagnān shaktirūp hai, parantu samyakarūp pariṇamā hai. kevalagnān, aisā usakā bhed nikāl do (to) gnānakā ansh hai vah kevalakā hī ansh hai. samyak ansh jo pragaṭ huā vah kevalakā ansh hai. shakti apekṣhāse kevalagnān hai, anek prakārake shrīmadamen shabda āte hain na? ichchhā apekṣhāse, mukhyanayake hetuse kevalagnān hai.

mumukṣhuḥ- gnānamen svabhāvakā ansh rahā hai?

samādhānaḥ- svabhāvakā ansh jo pragaṭarūp huā, jo pariṇati apanī or (gayī ki) gnāyakasvarūp-gnānasvarūp ātmā hai, usamen samyakarūp pariṇati svānubhūtikā ansh antaramen pragaṭ huā. jo svayaṅko jānanevālā ansh pragaṭ huā vah kevalakā hī ansh hai. mukhya nay, jo samyak nay pragaṭ huyī, samyak ansh pragaṭ huā vah kevalagnānakā

PDF/HTML Page 707 of 1906
single page version

ansh hai. dravyadr̥uṣhṭi pragaṭ huyī aur us or jo gnān gayā, vah gnān bhī samyakarūpase kevalakā ansh hai. mati-shrutakā bhed nikāl denā. ek gnāyaka.

"ā gnānapad paramārtha chhe, te...' vah gnānapada. usakā jo ansh pragaṭ huā vah kevalakā ansh hai. kevalagnān bhī gnānakā ek bhed hai. gnānakā ansh hai. jo ansh pragaṭ huā vah pūrṇatā lāyegā.

mumukṣhuḥ- jo ansh pragaṭ huā vah pūrṇatā bhī lāyegā aur vartamānamen jo svabhāv hai, use...

samādhānaḥ- jo svabhāv hai vah pūrṇa hai. usane pūrṇako dr̥uṣhṭimen liyā hai aur gnānamen liyā hai. pūrṇako dr̥uṣhṭimen liyā hai, pūrṇako gnānamen liyā hai. bhale pratyakṣha nahīn hai, parantu parokṣhamen use gnānamen liyā hai. usakā vedan pratyakṣha hai. usakā gnān bhale pratyakṣha nahīn hai, parantu parokṣhamen usane pūrṇako gnānamen le liyā hai. .. nahīn hai, parantu pariṇatirūp hai.

mumukṣhuḥ- aise to use kevalagnān hāthamen ā gayā, aisā koī apekṣhāse..?

samādhānaḥ- kevalagnān hāthamen ā gayā hai. dr̥uṣhṭi apekṣhāse, gnān apekṣhāse kevalagnān hāthamen ā gayā hai. usakī visheṣh pariṇati karanī bākī hai, bākī to usake hāthamen ā gayā hai. bhedagnānakī dhārā pragaṭ huyī, gnāyakakī dhārā pragaṭ huyī, svabhāvakī or dr̥uṣhṭi gayā, svabhāvakī or gnān gayā, usakī svānubhūti huyī, isaliye kevalagnān usake hāthamen-hathelīmen ā gayā hai. pūrṇatā, pūrṇa svarūp usake gnānamen aur dr̥uṣhṭimen ā gayā hai. usake vedanamen usakā ansh ā gayā hai.

mumukṣhuḥ- mātājī! muni mahārāj shreṇi lagāye us vakta to nirvikalpa dashā hotī hai. upayog andar rahe aur kevalagnān ho tab kyā pharka paḍā?

samādhānaḥ- shreṇi lagāye to nirvikalpa dashākī ugratā hai. kevalagnān hotā hai tab vītarāgatā pūrṇa hotī hai aur gnānakī pariṇati pratyakṣha pariṇati ho jātī hai, kevalagnān hotā hai taba. usakī gnānakī jo pariṇati thī vah parokṣharūp thī, vah pratyakṣharūp ho jātī hai. usakā jo manakā thoḍā avalamban thā vah bhī chhūṭakar, kevalagnān honese gnān pariṇati pratyakṣha ho gayī. vītarāgadashā pratyakṣharūpase vedanamen ā jātī hai. vītarāgadashākī kṣhati thī. jab shreṇī lagāyī tab nirvikalpa dashā thī, parantu vītarāg dashākī kṣhati thī. gyārahaven guṇasthānamen upashānt hai. sab shānt ho gayā hai. kṣhīṇamohamen kṣhay hotā hai. parantu vītarāgadashākī kṣhati hai. kevalagnān hotā hai tab vītarāgadashā pūrṇa ho jātī hai. ekadam vītarāgadashākī pūrṇatā hotī hai, chāritra pūrṇa ho jātā hai. ab rāgakā ansh udabhav nahīn honevālā hai. abuddhimen bhī nahīn hai. abuddhimense chhūṭ jātā hai. isaliye abuddhimen rāg rahatā nahīn, aisī vītarāgadashākī pūrṇatā (ho jātī hai). ekadam andar gayā to bāhar

PDF/HTML Page 708 of 1906
single page version

nahīn ātā hai. aisī vītarāgadashākī pūrṇatā ho jāy, us vītarāgadashāke sāth gnān bhī pūrṇa ho jāy, aisā use sambandha hai.

vītarāgadashākī pūrṇatā aur gnānakī pūrṇatā. gnān upayogātmakarūpase pratyakṣha pariṇaman karane lagatā hai, jahān̐ vītarāgatā hotī hai vahā̃n. pūrṇa vītarāgatā. sab kṣhay ho jātā hai. rāgakā ek bhī ansh utpanna nahīn hotā hai. shrutake chintavanakī or jātā thā, upayog to usamen abuddhipūrvak hai, to bhī vah chhūṭakar bhī ekadam vītarāgadashā ho jātī hai. ekadam shāntaras ho jātā hai. usake sāth gnān bhī pratyakṣharūp ho jātā hai. bāhar kahīn dekhane nahīn jāte. parantu gnānasvarūp jo ātmā hai vah pragaṭ upayogātmakapane sahaj ho jātā hai. dekhane nahīn jāte. vītarāgadashākī pūrṇatā isaliye kevalagnān pūrṇa huā. gnān pūrṇa ho jātā hai. usake sāth sab pūrṇa ho jātā hai. jin-jin guṇoṅkī alpatā thī vah sab pūrṇa ho jāte haĩn. param avagāḍhatā ho jātī hai. param avagāḍh samyagdarshan, gnān, chāritra sab pūrṇa ho jāte haĩn. ananta chatuṣhṭa pūrṇa ho jāte haĩn.

mumukṣhuḥ- jo upayog andar rakhā vah to andar hī gayā?

samādhānaḥ- andar hī rah gayā, upayog bāhar hī nahīn āyā. andar jam gaye. jam gaye so jam gaye, bāhar hī nahīn āye. andar hī rahā. shreṇi lagāyī vahān̐ abuddhipūrvak vikalpa the, bākī upayog andar hī thā. usakī visheṣh sthiratā hote-hote use antarmuhūrtamen shreṇī chaḍh gaye aur vītarāgadashā pūrṇa (huyī to) upayog andar hī rah gayā. vah upayog jo svānubhūtimen kārya karatā thā, vah svānubhūtimen sab pratyakṣhapane, use sab pratyakṣha ho gayā, vītarāgadashākī pūrṇatā ho gayī. use dekhanekī koī ichchhā nahīn hai. vītarāgadashākī pūrṇatā aur pragaṭ upayogātmak gnān ho jātā hai. ek-ek gneyako jānane nahīn jānā paḍatā. sahaj pratyakṣha ho jātā hai.

mumukṣhuḥ- upayog andar hī rahatā hai, lokālok gnāt ho to...

samādhānaḥ- upayog bāhar nahīn rakhanā paḍatā, lokālokako jānaneke liye. upayog to andar svānubhūtimen līn ho gayā. upayog bāhar nahīn jātā hai. svānubhūtimen upayog līn hai. usamen pratyakṣha pariṇati ho jātī hai. jo parokṣharūp thī vah pratyakṣha ho jātī hai. vītarāgadashākī pūrṇatā aur gnānakī pūrṇatā. jaisā ātmāse svabhāvase hai, vaisā hī ātmā vaisākā vaisā rah jātā hai. jo bāhar jātā thā vah bāhar jānā chhūṭ gayā. jaisā ātmā hai vah pragaṭapane pariṇamanarūp pratyakṣha ho jātā hai. jaisā hai vaisā chaitanyabrahma ātmā brahmasvarūp ātmā jaisā hai vaisā svayam pragaṭarūpase pariṇamatā hai.

ananta guṇ-paryāyamen svayam pariṇamatā hai. ananta ānanda, ananta gnān, ananta sukh, ananta bal, jo ananta-ananta guṇ hai, us rūp svayam pratyakṣhapane pariṇamate haĩn. lokālok

PDF/HTML Page 709 of 1906
single page version

yānī bāharakā jāne, isaliye usakī visheṣhatā hai, aisā nahīn hai. svayam svayammen līn ho jāte haĩn. phir to usakā svabhāv hai isaliye sahaj gnāt hotā hai. ek samayamen sab jān le aisā upayog ho jātā hai. jo antarmuhūrtakā upayog thā, jo antarmuhūrtamen gnāt hotā thā, usake bajāy ek samayamen jāne aisā usakā upayog ho jātā hai. ek samayamen gnāt ho jāy aisā upayog ho jātā hai. abuddhipūrvakamen man sāthamen ātā thā isaliye use antarmuhūrta jānanemen samay lagatā thā. man chhūṭ gayā, sahaj gnān ho gayā isaliye ek samayamen sab gnāt ho jātā hai. apanā svarūp svānubhūtimen jis svarūp svayam pariṇamatā hai, pratyakṣhapane use upayogātmakapane gnānamen ā jātā hai. aur dūsare bāhya gney bhī sāth-sāth ā jāte haĩn.

ananta siddha, ananta sādhak, ananta sansārī jaise hain vaise ananta jaḍ dravya sab sahajapane gnāt ho jātā hai. usamen use koī vikalpa nahīn hai. svānubhūti pradhān apanā upayog hai. vah sab usamen gnāt hotā hai. ātā hai na? aṇu reṇu vata. kahān̐ hai lokālol, vah aṇukī bhān̐ti hai. use koī bojh nahīn hai, kuchh nahīn hai. usakī use koī mahattā nahīn hai. svayam svānubhūtimen pratyakṣharūpase vītarāgadashārūp pariṇamit ho jāte haĩn.

mumukṣhuḥ- ..

samādhānaḥ- ananta gunā ānanda baḍh jātā hai. phir palaṭatā nahīn, bāhar jātā nahīn, use upayogakā pheraphār hotā nahī̃n. anantagunā baḍh jātā hai. jo hai sab ananta hai. vītarāgadashā anantī, ānanda ananta, gnān ananta, sab ananta hai. usakī pariṇati anantagunī ho jātī hai. jo svabhāv thā us rūp ananta anantatā pragaṭ ho jātī hai.

mumukṣhuḥ- ... andar nirvikalpa upayog jyādāse jyādā kitanā rahatā hogā?

samādhānaḥ- aisā koī kālakā niyam nahīn ātā hai. shreṇi lagānase pahale na? vah to antarmuhūrtakā usakā kāl hai. phir kitanā antarmuhūrta vah kuchh shāstramen ātā nahīn hai. antarmuhūrtakā kāl hai. kṣhaṇ-kṣhaṇamen jātā hai-ātā hai, jātā hai-ātā hai. ātā hai na? hajāron bār āte hain, jāte haĩn.

mumukṣhuḥ- jyādā samay sthir nahīn ho sakate hain?

samādhānaḥ- ekadam upayogamen veg ā jātā hai, shreṇi lagāte haiaĩn. ekadam andar sthir ho jānekā veg hai. ekadam upayog tvarāse hajāron bār ātā hai-jātā hai.

mumukṣhuḥ- vegase kaise ātā hai?

samādhānaḥ- shreṇī lagānese pahale. aisā shāstramen ātā hai. bākī munioṅkā ātā hai, hajāron bār āte hain-jāte hain, aisā shāstramen ātā hai. vah to shāstramen jaisā ho

PDF/HTML Page 710 of 1906
single page version

us anusār (mān lenā). vah to kālakī bāt hai na. shāstramen ho us anusār mān lenā. munioṅkī dashākī bāt hai.

mumukṣhuḥ- shreṇī lagānevāle hon, usase pahale veg baḍhane lagatā hai, aisā.. samādhānaḥ- aisā shāstramen ātā hai. mumukṣhuḥ- ... samādhānaḥ- vah kuchh shāstrommen nahīn ātā hai. jitanā shāstrommen āve itanā mānanā. munikī bāt hai. abuddhipūrvak hai. vah to jo kevalagnānīne jo kahā ho us anusār mānanekā hotā hai. vah to tarkamen amuk prakārase biṭhā sakate haĩn. kyoṅki vah to ekadam antarmuhūrtakā upayog sūkṣhma upayog hotā hai.

prashamamūrti bhagavatī mātano jay ho! mātājīnī amr̥ut vāṇīno jay ho!

 