Benshreeni Amrut Vani Part 2 Transcripts-Hindi (simplified iso15919 transliteration). Track: 119.

PDF/HTML Page 748 of 1906
single page version

mumukṣhuḥ- karuṇāmūrti pūjya bhagavatī mātāko koṭi-koṭi vandan! bahinashrī! ek prashna hai ki jīvakā gnān lakṣhaṇ jānanese lakṣhya aisā ātmā prasiddha hotā hai, aisā āgamavachan hai. to sāthamen indriy nigrah, vairāgyabhāv, sansār prati virakti ityādi bhāvoṅkī āvashyakatā hai yā nahīn?

samādhānaḥ- gnānalakṣhaṇase gnāyak prasiddha hotā hai. gnāyak to gnānalakṣhaṇase hī prasiddha hotā hai. shāstramen ātā hai aur gurudev bhī bārambār kahate the ki gnānalakṣhaṇ ātmākā asādhāraṇ lakṣhaṇ hai. usase gnāyak prasiddha hotā hai. gnānalakṣhaṇase gnāyak prasiddha hotā hai. parantu vah gnāyakako grahaṇ karatā hai, to viraktike binā gnāyak grahaṇ nahīn hotā hai. gnānalakṣhaṇase gnāyakako grahaṇ kare vahān̐ virakti āye binā gnāyak grahaṇ hotā hī nahī̃n. isaliye use grahaṇ karanekā mukhya upāy gnānalakṣhaṇase gnāyak grahaṇ hotā hai. gnānalakṣhaṇase gnāyakakī prasiddhi hotī hai.

vairāgya bīchamen āye binā, vibhāvase bhinna hokar gnāyakako grahaṇ karane jāy to use vairāgya āye binā gnāyak grahaṇ hotā hī nahī̃n. gnāyakakī mahimā āye binā, gnāyakakā lakṣhaṇ jāne binā gnāyak grahaṇ nahīn hotā hai. vibhāvase virakta ho, sansārase virakta ho to hī gnāyak grahaṇ hotā hai. aisā use sambandha hai. gnānalakṣhaṇase gnāyakako grahaṇ kare, usamen virakti āye (binā nahīn rahatī). sachamuchamen grahaṇ kare to virakti āye binā gnāyak grahaṇ hotā hī nahī̃n. koī bolanemātra athavā shuṣhkatāse grahaṇ kare usakī bāt nahīn hai. shuṣhkatāse vairāgya nahīn ho aur gnāyak grahaṇ ho gayā, aisā mān le to yathārtha nahīn hai.

āchāryadev to yathārtha bāt karate haiain ki gnānalakṣhaṇase gnāyak prasiddha hotā hai. ātmākā asādhāraṇ lakṣhaṇ gnānalakṣhaṇ hai. gnānalakṣhaṇase hī gnāyak prasiddha hotā hai. parantu virakti āye binā gnāyak grahaṇ hotā hī nahī̃n. vah bīchamen ātā hī hai. jise gnāyak grahaṇ karanā ho usamen virakti bīchamen ātī hī hai. bandho taṇo svabhāv jāṇī, ātmākā svabhāv jānakar bandhase virakta ho to karmamokṣha hotā hai. is tarah jaise chāritradashāmen līnatāmen bhī virakti ātī hai, vaise pahale gnāyak grahaṇ karanemen bhī virakti hotī hai.

PDF/HTML Page 749 of 1906
single page version

chāritramen visheṣh virakti hotī hai. yah bhī jo andar vibhāvase virakta hotā hai, vah virakti āye binā gnāyak grahaṇ hotā hī nahī̃n.

samyagdarshanamen amuk anshamen virakti hai. kyoṅki anantānubandhī kaṣhāy chhūṭ jātā hai. ataḥ virakti āye binā gnāyak grahaṇ nahīn hotā. sansār prati udāsīnatā, shubhāshubh bhāvonse, sabase vibhāvase virakti āye binā gnāyak grahaṇ hotā hī nahīn, aisā use sambandha hotā hai. parantu mūl lakṣhaṇ gnāyak grahaṇ karanemen gnānalakṣhaṇase grahaṇ hotā hai. vah mātra vairāgya karatā rahe aur hetu gnāyakako grahaṇ karanekā na rakhe to gnāyak grahaṇ nahīn hotā hai.

vairāgya usane ananta kālamen bahut bār kiyā, parantu gnāyakako grahaṇ karanekā lakṣhya nahīn thā to gnāyak grahaṇ nahīn huā. vairāgyake sāth gnāyakako grahaṇ karanekā hetu honā chāhiye. hetu ho to vah gnānalakṣhaṇase, gnāyak to gnānalakṣhaṇase grahaṇ hotā hai. parantu usake sāth vairāgya ādi sab hotā hai. yathārtha gnāyak kab grahaṇ hotā hai? vibhāvase virakti ho to. sarvathā virakti bādamen hotī hai. parantu ānshik virakti aur pratītamen to ā jātā hai. virakti āye binā gnāyak grahaṇ hī nahīn hotā. aisā use sambandha hai.

jahān̐ gnāyak grahaṇ huā to usake sāth virakti, gnān, gnāyakakī mahimā vah sab sāthamen ā hī jātā hai. aur sarva guṇānsh so samyagdarshana. usake sāth sab guṇ ek gnāyakako grahaṇ karanese, usakī pratīt, usakā gnān, usakī līnatā ānshik līnatā hai. usakī dishā badal jātī hai. sarva guṇoṅkī dishā svarūpakī or muḍ jātī hai. jo par sanmukh thī vah dishā gnāyak or ho jātī hai. sarva guṇānsh samyagdarshana. sab guṇ usake sāth pragaṭ hote haĩn. mukhya lakṣhaṇ gnāyakako grahaṇ karanekā gnānalakṣhaṇ hai. gnānalakṣhaṇ binā gnāyak grahaṇ nahīn hotā. vah usakā mūl asādhāraṇ lakṣhaṇ hai. gnāyakamen ananta guṇ hain, parantu vah gnānalakṣhaṇase hī prasiddha hotā hai. usīse prasiddha hotā hai.

gnāyak grahaṇ honeke bād usakī svānubhūti bhī usīse hotī hai. usake binā,.. mūl bījako grahaṇ karake phir usamense vr̥ukṣha hotā hai. parantu mūlako yadi grahaṇ na kare to vr̥ukṣhamen phal, phūl ādi bādamen (panapatā hai). vah bījako grahaṇ kare, bīchamen pānī de to vah vr̥ukṣha hotā hai. aise mātra vairāgyamen ruk jāy to gnāyak grahaṇ nahīn hotā. usakā hetu gnāyakako grahaṇ karanekā honā chāhiye. parantu gnāyak akelā rukhā grahaṇ nahīn hotā. use vibhāvase virakti ho, yah sab ākulatā hai, yah merā svabhāv nahīn hai, merā svabhāv gnāyak hai. aise virakti āye binā gnāyak grahaṇ nahīn hotā. is or chhūṭe to yahān̐ āye aur ise grahaṇ kare to vah chhūṭe, aisā sambandha hai. shubhāshubh donon

PDF/HTML Page 750 of 1906
single page version

bhāvonse use virakti hotī hai. dev-guru-shāstra sāthamen hote haĩn. use shubhabhāv jabatak hote hain tabatak hote hain, parantu use heyabuddhise āte haĩn. dev-gurukā sāth use chhūṭatā nahīn hai. parantu vah shubhabhāv ākulatārūp hai. isaliye use sarva prakārase main to nirvikalpa shuddhātmā hū̃n. isī tarah use grahaṇ hotā hai. heyabuddhise sab ātā hai.

dev-guru-shāstra use nimittamen hote hain, upādān apanā hotā hai. dev-guru-shāstra, muni hon to bhī unhen vikalpa ātā hai, shāstra rachate hain, vah sāthamen hote haĩn. parantu virakti to pahale ānshik aur bādamen adhik virakti (hotī hai). viraktikā sāth to hotā hī hai, virakti to hotī hī hai.

mumukṣhuḥ- tabatak adhyātmamen pravesh hī nahīn hotā.

samādhānaḥ- adhyātmamen pravesh nahīn hotā. usakī sansār orakī ruchi chhūṭe to gnāyak grahaṇ hotā hai. ruchi to chhūṭanī chāhiye na. ruchi, bāharakī ekatvabuddhi, bāharakī pūrī-pūrī ruchi ho aur gnāyak grahaṇ karanekī bāt kare to aise gnāyak grahaṇ nahīn hotā. ruchi antaramense chhūṭ jānī chāhiye. yah kuchh mujhe nahīn chāhiye. yah sab duḥkhamay hai, yah sab ākulatāmay hai. pūrā sansār duḥkhamay hai. sukh evan shānti mere ātmāmen hai. yah vibhāv, vikalpakī jāl duḥkhamay hai. vikalpakī jālamen use kahīn shānti nahīn lagatī. aisī virakti antaramense ānī chāhiye, to gnāyak grahaṇ hotā hai. ruchi to chhūṭ jānī chāhiye. aur svabhāv or ruchi jāgr̥ut honī chāhiye.

ruchi chhūṭe aur apanā astitva grahaṇ karanekā dhyey na ho to grahaṇ nahīn hotā hai. vairāgya kare, parantu ruchi astitva grahaṇ karanekā dhyey honā chāhiye, dhyey sāthamen honā chāhiye. usamense gnāyak grahaṇ kare, usamense hī use bhedagnānakī dhārā, sabakuchh usīmense hotā hai. utanā kalyāṇarūp, paramārthabhūt hai jitanā yah gnān hai. gnān arthāt gnāyak hai. utanā paramārtharūp satyārtha kalyāṇarūp hai, yah gnān hai. yah gnān use shuṣhka nahīn lagatā, gnān bharapūr bharā hai. gnān gnāyak pūrā mahimāse bharā hai. gnān arthāt mātra jānapanā nahī̃n. gnāyak svataḥ gnānasvarūp hai. gnāyak pūrā ananta mahimāse bharā gnāyak ananta guṇase bharā hai. gnān yānī mātra jānanā aisā artha nahīn hai. gnāyak grahaṇ karanemen use jitanā paramārtharūp, satyarūp, kalyāṇabhūt ho to yah gnāyak hai-gnān hai vahī hai.

ab use pragaṭ kaise karanā? ki gnāyakako gnānalakṣhaṇase (grahaṇ karanā). gnānalakṣhaṇase grahaṇ karane kaise jāy? ki virakti āye binā grahaṇ nahīn hotā. donoṅkā sambandha hai. grahaṇ karanekā mukhya lakṣhaṇ gnānalakṣhaṇ hai.

mumukṣhuḥ- chāritrase pahale shurūāt karanī aisā kuchh nahīn hai.

samādhānaḥ- nahī̃n. use gnānalakṣhaṇase hī grahaṇ kare. aisā kahā na? kahā na, gnānalakṣhaṇase

PDF/HTML Page 751 of 1906
single page version

usakī shurūāt us orase hotī hai. parantu vairāgya use sāthamen āye binā nahīn rahatā. bāhar rachapachā ho, rasase bharā ho aur (kahe ki) mujhe gnāyak pragaṭ huā hai, vah sab bolanekī bāt hai. vah shuṣhkatā hai.

mumukṣhuḥ- pūjya gurudevako koṭi-koṭi vandan! prashamamūrti pūjya bhagavatī mātākā dharma- prabhāvanā uday jayavant varto! āpashrīko hamāre koṭi-koṭi vandana. maṅgalamay maṅgal karaṇ, vītarāg vignān, namon tethī thayā arhantādi mahāna. pūjya mātājī! is janmotsavake maṅgal avasar par, yahān̐ upasthit mumukṣhuvr̥undakī orase ek ādhyātmik jignāsā hai. us viṣhayamen āpake shrīmukhase māṅgalikarūpase do shabda sunaneke liye ham utsuk haĩn.

prashna hai ki rāgādi bhāv honepar bhī usī vakta ātmā shuddha kaise ho sakatā hai? aur rāg aur ātmākī bhinnatā kaise samajhamen āye? tathāpi anādikālase rāg-dveṣhake sāth ekatārūp pariṇaman karatā huā ātmā bhinnapane kis vidhise pariṇame? yah āp samajhānekī kr̥upā kījiye.

samādhānaḥ- gurudevane rāgādise bhinna ātmā (batāyā hai). gurudevane sab samajhāyā hai. gurudevakā param upakār hai. main to gurudevakā dās hū̃n. gurudevane to sūkṣhma-sūkṣhma (samajhāyā hai). shāstroṅke rahasya gurudevane khole haĩn. rāgādi honepar bhī shuddhatā kaise hai? yah gurudevane bahut spaṣhṭa karake samajhāyā hai. jis vakta rāgādi hai, usī samay ātmāmen shuddhatā hai. ātmā dravyase to shuddha hai, parantu paryāyamen ashuddha hai. dravya ashuddha nahīn ho gayā hai. dravya to svabhāvase shuddha hī hai. parantu rāgakī ekatvabuddhike kāraṇ par orakī ruchike kāraṇ vah khyālamen nahīn ātā hai.

usakā bhedagnān kare to ho sake aisā hai. us orakī jignāsā, bhāvanā, ātmākī ruchi lagāye, par orakī mahimā chhūṭ jāy aur gnāyakakī mahimā lage to gnāyak samajhamen āye aisā hai. mahimā lage, us prakārake vichār kare, us prakārakā tattvakā chimvatan kare to samajhamen āye aisā hai.

jinendra dev, guru, shāstra sabane mārga batāyā hai. kaisā mārga batāyā hai, vah svayam vichār karake tattvase nirṇay karake vichār kare to gnāyakasvabhāv usī vakta maujūd hai. jis samay rāgādi hai, usī samay shuddhatā bharī hai. vah shuddhātmā pūrṇa svarūpase bharā hai. usamen dravya apekṣhāse ashuddhatā nahīn huyī hai, parantu paryāyamen ashuddhatā hai. chaitanyadev, gnāyakadev svayam devasvarūp virājamān hai.

jinendra devane gnāyakadevakā svarūp batāyā. gurudevane us divyamūrti gnāyakadevakā svarūp batāyā hai. rāgādimen sarva prakārase rāgarūp nahīn huā hai. usī samay vah dravya apekṣhāse shuddha hai. usake svabhāvakā nāsh nahīn huā hai. svabhāv to anādikā shuddha hī hai.

PDF/HTML Page 752 of 1906
single page version

jaise pānī agnike nimittase garma hotā hai to bhī pānīkī shītalatākā nāsh nahīn hotā hai. vaise ātmā gnāyak svabhāv anādiananta hai. use gnāyakatākā nāsh nahīn hotā hai. vah ananta guṇonse bharapūr apūrva mahimāvant ātmā hai. usakī mahimā kare, usakā vichār kare. tattvase usakā vichār karake nirṇay kare, usamen līnatā kare, usakā bhedagnān kare to vah samajhamen āye aisā hai. ekatvabuddhi honepar bhī, vibhāv honepar bhī usakā nāsh nahīn huā hai. vah to vaisākā vaisā anādiananta hai. usakā bhedagnān karake dekhe.

jaise sphaṭik svabhāvase shuddha aur nirmal hai, parantu par nimittase lāl, kālā jo pratibimba uṭhate hain, us pratibimbarūp pariṇaman sphaṭikakā (hotā hai), parantu sphaṭik mūl svabhāvase sphaṭikako chhoḍakar, usakī nirmalatā chhoḍakar raṅgarūp nahīn hotā hai.

vaise ātmā apanā dravyatva jo svabhāv gnānasvarūp hai, shuddha hai, use chhoḍakar vah vibhāvarūp nahīn huā hai. usakā bhedagnān ho sake aisā hai. ekatvabuddhi honepar bhī vah bhinna dekhe ki jitanā gnān hai vahī main hū̃n. gnānake atirikta rāg-dveṣhādi hai, vah merā svarūp hī nahīn hai. shubhāshubh vikalpase bhī bhinna, guṇabhed, paryāyabhed paḍe use jāne. vibhāvase svabhāvabhed hai. guṇ evan paryāyase use lakṣhaṇabhed aur ansh-anshīkā bhed hai. bākī kathañchit guṇake sāth... guṇ aur dravya abhed hai, aur paryāy bhī usake sāth abhed hai. parantu kathañchit bhed hai. lakṣhaṇase aur ansh-anshīkā bhed hai.

dravya anādiananta shāshvat hai aur abhed hai. aur guṇ koī apekṣhāse usamen lakṣhaṇabhed aur paryāyakā ansh-anshī (bhed hai). paryāy palaṭatī hai, dravya ekarūp anādiananta rahatā hai. vibhāv aur svabhāvakā vibhāvake sāth bhed hai. un sabakā gnān karake, pratīt karake andar jāy to vah pahachānā jāy aisā hai. je shuddha jāṇe ātmane, te shuddha ātma ja meḷave. jo ātmāko shuddha jāne vah ātmākī shuddha paryāy pragaṭ karatā hai. shuddhātmākā anubhav karatā hai. rāgamen shuddhātmākā anubhav nahīn hai. dravya apekṣhāse shuddha ātmā hājir hai, parantu usakī paryāy yadi palaṭe, gnāyakakī pariṇati palaṭe, gnāyak- gnāyakakī pariṇati gnāyakarūp ho jāy to usamen use gnātākī dhārā pragaṭ ho aur svānubhūti pragaṭ ho aur usīmen use muktikā mārga, munidashā ādi sab usī mārga par ātī hai. yadi vah .. kare to antarmuhūrtamen hotā hai aur na kare to use kāl lagatā hai. parantu svayaṅke puruṣhārthakī kachās hai isaliye hotā nahīn hai.

gurudevane mārga batāyā hai, us mārgakī bārambār svayam pratīti karake gnāyakakā raṭan kare to vah pahachānā jāy aisā hai. dev-guru-shāstrakī mahimā lakṣhyamen shubhabhāvamen rakhe. bhale shubhāshubh bhāvase ātmākā svabhāv bhinna hai, parantu bīchamen ashubhase bachaneke liye shubhabhāv āte haĩn. vah āte hain, parantu apanā svabhāv nahīn hai. vah heyabuddhise āte

PDF/HTML Page 753 of 1906
single page version

haĩn. parantu bīchamen dev-guru-shāstrakī mahimā, tattvakā chintavan jignāsākī bhūmikāmen hote haĩn. gnāyakake dhyeyase hotā hai.

prashamamūrti bhagavatī mātano jay ho! kahānagurunun hārda samajāvanār bhagavatī

mātano jay ho! janma jayanti maṅgal mahotsavano jay ho!

 