Benshreeni Amrut Vani Part 2 Transcripts-Hindi (simplified iso15919 transliteration). Track: 120.

PDF/HTML Page 754 of 1906
single page version

samādhānaḥ- ... gurudevane bahut samajhāyā hai. jānanevālā anādiananta hai. jānanevālā aisā nahīn hai ki kisīne utpanna kiyā nahīn hai. jānanevālā trikāl sat hī hai. jānanevālā tattva aisā hai ki jo svatantra padārtha hai. vah padārtha aisā nahīn hai ki koī use utpanna kare yā kisīse nāsh ho. vah jānanevālā sat aisā hai ki vah trikāl sat svayam trikāl hai aisā svayam svayaṅko batā rahā hai.

usamen jo vibhāvakā bhāg hai use nahīn lekar, mātra jānanevālā, mātra jānanevālā gnāyak vah jānanevālā hai. us jānanevālemen nahīn jānanā aisā nahīn ātā. jānanevālekā koī nāsh nahīn kar sakatā. jānanevālekī kisī bhī tarahase utpatti nahīn hotī. jānanevālā hai vah trikāl jānanevālā hī rahanevālā hai. jānanevālā svayam trikāl sat (hai). svayam vartamān hai aisā nahīn, parantu vah trikāl svataḥsiddha vastu jānanevālī hī hai. aise svayam apaneāpako batā rahī hai. svayam vichār kare to samajhamen āye aisā hai ki yah jānanevālā... jānanevālī vastu aisī hai ki kisīse utpanna nahīn hotī hai. jaḍ jaḍarūp hai aur jānanevālā jānanasvarūp hai. jaḍake kisī bhāgamen koī jānanevālā utpanna nahīn hotā hai. koī dūsarā padārtha jānanevāleko utpanna nahīn kar sakatā. jānanevālā svayam svataḥsiddha hai. svataḥsiddhako koī utpanna nahīn kar sakatā. vah anādiananta jānanevālā hī hai.

vartamān jo sat jānanevālā hai vah gnāt ho rahā hai, vah trikāl jānanevālā svayam svataḥsiddha hai aur vah svayam trikālī sat hai. aise svayam svayaṅko batā rahā hai ki yah jānanevālā, vah jānanevālā aisā hai ki vah jānanevālā vibhāvake kāraṇ jānanevālā hai yā jaḍake kāraṇ, koī dūsare padārthake kāraṇ jānanevālā nahīn hai. jānanevālā svayam svataḥsiddha jānanevālā hai. jānanevālā aisā hai ki svataḥsiddha ananta padāthāko jāne aisā jānanevālā hai. us jānanevāleko maryāedā nahīn hai. jānanevālā svayam svayaṅko jāne, sabako jāne. is tarah jānanevālemen koī maryādā nahīn hai ki itanā jāne yā utanā jāne. jānanevālā so jānanevālā hī hai. trikālī sat hai. vartamān sat trikālako batā rahā hai ki itanā hī sat nahīn hai, svataḥsiddha hai. isaliye jānanevālā anādiananta hai. isaliye gurudev kahate hain ki jānanevāleko tū jāna. vah trikāl sat svataḥsiddha

PDF/HTML Page 755 of 1906
single page version

vastu anādiananta hai.

jānanevāleko jānanā hai. antaramen bhedagnān karake jāne to gnāt ho aisā hai. vibhāv nahīn, jo kaluṣhit bhāv hai vah nahīn, mātra jānanevālā. jānanevālā svayam trikāl jānanasvarūp hai. kisīse utpanna nahīn huā hai, kabhī jānanevālekā nāsh nahīn ho sakatā. isaliye vah vartamān trikālako batā rahā hai ki main trikāl hī hū̃n. main ek vastu hū̃n.

jānanā.. jānanā.. jānanā usamen jānanā hī ātā hai, usamen nahīn jānanekā ātā hī nahī̃n. isaliye vartamān hai vah trikālako batā rahā hai ki trikāl sat, jānanevālā sat trikāl hū̃n. trikāl svarūpako batātā hai. jo hai vah hai, vah trikāl hai rūp hai. jo sat hai vah trikāl satarūp hai.

mumukṣhuḥ- ... vah aisā sūchit karatā hai ki andaramen trikālī jānane-dekhanevālā pūrā padārtha...

samādhānaḥ- koī tattva-padārtha hai. vartamān jānanevālā hai vah trikāl sat... jānanevālā svataḥsiddha trikāl sat ek dravya hai. us dravyamense dravyakā jānanā hai. vah jānanevālā svayam trikāl satako batā rahā hai. vartamān paryāy bhale ho, lekin vah trikālako batā rahī hai. vah jānanevālā kisīse utpanna nahīn hotā hai. vah jānanevālā svataḥsiddha anādiananta trikāl sat hai.

mumukṣhuḥ- ..

samādhānaḥ- trikālako grahaṇ karake, trikās satako grahaṇ karake ki main yah vastu hī hūn̐, yah vibhāv nahīn hai. use vibhāvakā duḥkh lagā ho, vibhāvakī ākulatā lagī ho. ākulasvarūp yah merā svarūp nahīn hai. main to jānanevālā hū̃n. jānanevālā ek dravya hū̃n. aise use grahaṇ karake, usakī pratīt karake us or upayogako jhukāye aur usamen līnatā karanekā prayatna kare. bhedagnān karanekā prayatna kare. jo vastu yathārtha hai, dravya hai, us dravyako grahaṇ karanekā prayojan aisā hai ki jise ātmākī lagī ho, vibhāvakā duḥkh lagā ho, bhavabhramaṇakī thakān lagī ho, vah svayam vāpas muḍakar, main to anādiananta ek shāshvat vastu hūn̐, yah vibhāvamen jo bhaṭakanā hotā hai, paribhramaṇ, ākulatākī jālamen phan̐satā rahūn̐ in vikalpommen, yah merā svarūp nahīn hai.

merā svarūp to anādiananta main to shāshvat dravya hū̃n. use grahaṇ karake, jo svarūp hai, gnāyak gnayakarūp usakī pariṇati kaise pragaṭ ho, usakā prayās karanā. bārambār prayās kare ki yah gnāyak gnāyakarūp mujhe kaise bhāsyamān ho? gnāyak gnāyakarūp mujhe kaise vedanamen āye? yah jo merā sat hai, vah mujhe kaise vedanamen āye? vibhāvakā vedan ho rahā hai, usake badale gnāyakakā vedan kaise āye? aise use jignāsā ho, use grahaṇ

PDF/HTML Page 756 of 1906
single page version

karake bhedagnān kare, svānubhūti pragaṭ kare. usakā grahaṇ karanekā prayojan vah hai. tū yathārtha grahaṇ kara. tū jhūṭhemen, vibhāvamen bāharamen sukh mān liyā hai, usīmen māno merā sarvasvā mān liyā, vah sab jūṭhā hai. jo yathārtha hai use grahaṇ kar to usamense sukh āyegā, bāharase nahīn āyegā. isaliye use grahaṇ kara. tū ananta guṇase bharapūr gnāyakatā teremen hai. usamen ananta guṇ bhare haĩn. ānanda usamen, sukh usamen, sab usīmen hai. isaliye use grahaṇ karanekā prayojan hai.

mumukṣhuḥ- usase tujhe sukhakī prāpti hogī.

samādhānaḥ- sukhakī prāpti gnāyakamense hogī, bāharase nahīn hogī. dev-guru-shāstrane kaisā mārga kahā hai use lakṣhyamen rakhakar... shubhabhāv bhī ākulatā hai, usase bhī bhinna gnāyak hai, use grahaṇ kara. phir bīchamen shubhabhāv āye use khyālamen rakhe, parantu vastu to yah grahaṇ karanekī hai. grahaṇ to shuddhātmā karanekā hai.

mumukṣhuḥ- bahinashrī! ek prashna aisā hai ki, nirvikalpatāke kālamen gnānīko shuddhanayakā ālamban rahatā hai ki nahīn? aur yadi rahatā ho to nayakā prayojan siddha honeke bād nay nirvikalpa avasthāmen asta ho jātī hain, us kathanake sāth kaise mel hai?

samādhānaḥ- nay yānī vahān̐ vikalpātmak nay nahīn hai. nirvikalpa avasthāmen vikalpavālī nay khaḍī nahīn rahatī. isaliye vah nay vilīn ho jātī hai, nayakī lakṣhmī kahān̐ chalī jātī hai, ātā hai na? nikṣhepakā samūh,.. pramāṇ asta ho jātā hai. vah sab vikalpātmak nay aur vikalpātmak pramāṇ vah sab anubhavamen nahīn hai. vikalpātmak nahīn hai. parantu nay arthāt anubhūtike arthamen nij dravya par dr̥uṣhṭi to jaisī hai vaisī hai. dravya par dr̥uṣhṭi gayī aur us orakī pariṇati huyī vah vaisī hī hai. isaliye us apekṣhāse usakī dravya par dr̥uṣhṭi to hai. isaliye use shuddhanay kaho yā ātmākī anubhūti kaho, sab ek hai. samayasāramen ātā hai.

shuddhanay arthāt shuddha ātmāko grahaṇ kiyā aur us rūp shuddha pariṇati huyī, aise arthamen hai. dravya par dr̥uṣhṭi to vaisī hī hai. parantu vah nirvikalpa hai. vahān̐ vikalpātmak nay nahīn hai ki main shuddha hūn̐, yah paryāy, aise koī vikalpa nahīn hai. vikalpa nahīn hai parantu shuddhātmā jaisā hai us rūp usakī pariṇati hai. aur shuddhātmā par usakī dr̥uṣhṭi tham̐bh gayī hai. shuddhātmākī or hī pariṇatine jo lakṣhyamen liyā, dr̥uṣhṭine lakṣhyamen jis ātmāko liyā vahīn usakī pariṇati sthir hai. vahīn usakī dr̥uṣhṭi sthir hai. aur paryāy jo pariṇati pragaṭ huyī, nirvikalpa avasthākī pariṇati hai. isaliye use us apekṣhāse shuddhanay hai. parantu vikalpātmak nay nahīn hai, nirvikalpa nay hai.

mumukṣhuḥ- us vakta shuddhanayakā jor hai?

PDF/HTML Page 757 of 1906
single page version

samādhānaḥ- hān̐, shuddhanayakā jor hai.

mumukṣhuḥ- vah nirantar rahatā hai.

samādhānaḥ- vah nirantar hai. shuddhātmākī or jo dr̥uṣhṭi hai vah to vaisī hī hai. aur gnān bhī sāthamen hai. donoṅko jānatā hai. shuddhātmāko aur shuddha pariṇatiko donoṅko gnān jānatā hai. gnān bhī sāthamen hai. ānandakī anubhūti, gnān, usake guṇ sabako gnān jānatā hai. dr̥uṣhṭi aur gnān donon kām karate hain, parantu vah nirvikalparūp hai.

mumukṣhuḥ- koī apekṣhāse jor chālū hai vah nayakā jor hai?

samādhānaḥ- hān̐, vah nay us apekṣhāse. nirvikalpa hai, vikalpātmak nahīn hai. vah nay use chhūṭatā nahīn hai.

mumukṣhuḥ- laḍāīmen ho to bhī vah nay...

samādhānaḥ- vah chhūṭatā hī nahī̃n. dravya par dr̥uṣhṭi gayī vah nay chhūṭatī nahī̃n.

mumukṣhuḥ- ek prashna hai, ātmasvarūpamen pravesh karate samay, pahalī bār jab pravesh karatā hai, us vakta puruṣhārtha kaisā hotā hai? aur sthiratāke samay nirvikalpa puruṣhārtha kaisā hotā hai? in donoṅke bīch, donon puruṣhārthamen (kyā antar hai)? us vakta bhī puruṣhārtha to hotā hī hai, nirvikalpa avasthāke samaya.

samādhānaḥ- nirvikalpa avasthāke samay puruṣhārtha kaisā hotā hai aur..?

mumukṣhuḥ- svarūpamen pravesh karate samay kaisā hotā hai?

samādhānaḥ- pravesh karate samay, phir nirvikalpa ho gayā us samay? aisā kahanā hai? pravesh karate samay to abhī use vikalpa hai. use dr̥uṣhṭikā viṣhay joradār hai. svayam shuddhātmā hai. vikalpakī orase usakī pariṇati chhūṭatī jātī hai. svarūpamen sthir hotā jātā hai, usamen sthir hotā jātā hai. us orakā use jor hai. dr̥uṣhṭikā jor hai ki main shuddhātmā hūn̐ aur svayam nij svarūpamen sthir hotā jātā hai. vikalpa orase haṭatā jātā hai aur shuddhātmāmen sthir hotā jātā hai.

nirvikalpa avasthā to sahaj hai. usamen use puruṣhārtha karatā hūn̐ yā is or ātā hūn̐, aisā kuchh nahīn hai. pariṇati, jo pahale puruṣhārtha huā, jo sthir huā aur vikalpase chhūṭā vah nirvikalpa avasthāmen sahaj pariṇati pragaṭ huyī, use vikalpa yā .. main puruṣhārtha karun̐ aur yah puruṣhārtha, aisā kuchh nahīn hai. sahaj pariṇati pragaṭ ho gayī.

mumukṣhuḥ- sthiratā ṭikatī hogī vah puruṣhārtha...

samādhānaḥ- puruṣhārtha hai, pahale jo puruṣhārtha kiyā vah puruṣhārtha sahaj ho gayā. phir use puruṣhārtha karatā hūn̐, aisā dhyān hī nahīn hai. puruṣhārthakā dhyān nahīn hai. pariṇati usamen ṭik gayī hai. shuddhātmāmen pariṇati ṭik gayī hai. jaisā ātmā thā us rūp pragaṭ

PDF/HTML Page 758 of 1906
single page version

ho gayā. phir puruṣhārtha karun̐, nahīn karun̐, aisā koī vikalpa nahīn hai, vaisā koī dhyān bhī nahīn hai. kevalagnān pragaṭ ho to kr̥utakr̥utya dashā ho gayī. siddha bhagavānako kr̥utakr̥utya ho gaye, puruṣhārtha karun̐ aisā nahīn hai. vaise nirvikalpa avasthāmen main puruṣhārtha karun̐, aisā nahīn hai. puruṣhārtha jo huā usakā phal ā gayā. vah ānshik phal āyā. abhī pūrṇa nahīn hai. usakā ānshik phal ā gayā. isaliye use us vakta puruṣhārtha karatā hai, aisā nahīn hai.

puruṣhārthakā phal, jo shuddhātmākā shuddhātmāke vedanarūp usakā phal ā gayā. phir bāhar jātā hai to vah antarmuhūrtakī sthiti hai. sādhakadashāmen puruṣhārtha ... usakā ānshik phal hai. puruṣhārtha pragaṭ ho gayā, ānshik pragaṭ ho gayā vah vaisā hī rah jātā hai. buddhipūrvakakā koī puruṣhārtha nahīn hai. bhinna ho gayā. vah puruṣhārthakā phal ā gayā. puruṣhārtharūp pariṇati ho gayī.

shreṇī chaḍhate hain us vakta use abuddhipūrvak puruṣhārtha hotā hai. buddhipūrvak nahīn hotā. abuddhipūrvak shreṇī chaḍhate haĩn. abuddhipūrvak puruṣhārtha hai, buddhipūrvakakā nahīn hai. pariṇati apanī or jhukatī jātī hai. puruṣhārthakī or dhyān hī nahīn hai. jis rūp hai vah vaise hī rah gayā. jo svarūp hai, us rūp svayam rah gayā. arthāt apekṣhāse puruṣhārtha hai, parantu vah puruṣhārthakā phal hai.

mumukṣhuḥ- svarūpamense bāhar āte hain aisā kahate hain, us apekṣhāse vah kamajorīse bāhar āte haĩn.

samādhānaḥ- vah puruṣhārtha amuk prakārakā thā. ānshik nirvikalpa avasthā ho, phir bāhar hī ātā hai. vaisī usakī dashā hai. vah puruṣhārtha thoḍā hī thā. kevalagnān jitanā puruṣhārtha nahīn thā, isaliye vah bāhar ātā hai. sthir honekā thoḍā puruṣhārtha thā. andar sthir huā, sthir hokar bāhar ātā hai. usakī sthiti hī antarmuhūrtakī hai. upayogakī sthiti antarmuhūrtakī hī hai. puruṣhārtha hai lekin vah bal, chaitanyakī orakā bal joradār hai, vah bal hai. vah bal aise hī rah gayā. sahaj hai. puruṣhārtha karanekī koī kr̥utrimatā nahīn hai.

apanī ḍor apanī or khīn̐chatā rahatā hai, vah kr̥utrimatā nahīn hai, sahaj hai. puruṣhārthakā bal sahaj rahatā hai. apanī or pariṇati ā gayī so ā gayī, phir buddhipūrvakakā puruṣhārtha nahīn hai. jāgr̥uti hai. puruṣhārtha pragaṭ ho gayā, lekin abhī pūrā nahīn hai, adhūrā hai. isaliye bāhar āte haĩn. kṣhaṇamātrake liye sab chhūṭ gayā, parantu phir bāhar ātā hai. dr̥uṣhṭikā viṣhay hai vah, bāhar jāy yā andar rahe, vah ṭikī rahatī hai. līnatā amuk kṣhaṇakī hī thī, vah chhūṭ gayī. phirase bāhar āte haĩn.

PDF/HTML Page 759 of 1906
single page version

mumukṣhuḥ- vah upayog hī vaisā hai ki utanī der hī rahatā hai. samādhānaḥ- bas, vah upayog antarmuhūrtakī sthiti rahatī hai, phir bāhar āte haĩn. phir palaṭ jātā hai. bāhar ākar bhedagnānakī dhārākā puruṣhārtha chālū hī rahatā hai. vikalpa āye to svayam bhinna hī rahatā hai. aisī dhārā usakī chālū hī rahatī hai. phir ekatva nahīn hotā hai. gnātādhārākī pariṇati chālū hī rahatī hai. bhinna hī rahatā hai.

prashamamūrti bhagavatī mātano jay ho! mātājīnī amr̥ut vāṇīno jay ho!

 