PDF/HTML Page 831 of 1906
single page version

samādhānaḥ- ... upādān taiyār hove to nimitta ā jātā hai. upādān mukhya rahatā hai aur nimitta usake sāthamen rahatā hai. aisā upādān-nimittakā sambandha hai.

mumukṣhuḥ- nimitta to sāthamen rahatā hī hai.

samādhānaḥ- upādān taiyār hove to usako nimitta mil jātā hai. puṇyakā uday hai. bhāvanā huyī, shubhabhāv huā apanā aur vah puṇyakā uday hai. jo bhāv hotā hai to nimitta mil bhī jātā hai, kabhī der bhī hotī hai. bhāvanā shubhabhāv hotā hai usakā lābh hotā hai.

mumukṣhuḥ- upādān ..

samādhānaḥ- upādān bhāv... main svarūpakī prāpti karun̐, puruṣhārtha karun̐, yah sab upādān hai. puruṣhārtha karanekā bhāv hotā hai, vah upādān hai. vah upādān hai. bhāvanā huyī vah to shubhabhāv hai, vah bhī upādān hai. shubhabhāv hove to puṇya bandha jātā hai. phir puṇyakā uday kab hove, turanta hove yā bādamen hove, nimitta kab āye, usakā koī niyam nahīn rahatā hai. shubhabhāvanā hotī hai to shubhabhāvakā phal hotā hai. puruṣhārtha kare to usakā phal jarūr hotā hai. bhītaramen puruṣhārtha kare to usakā phal ātā hai. bhāvanā hove to mil jātā hai, parantu kab mile usakā niyam nahīn hai.

.. karate-karate svānubhūti pragaṭ hotī hai, yah mārga gurudevane batāyā hai. svānubhūti pragaṭ karo, ātmākā anubhav karo, bhedagnān karo, apanā puruṣhārtha karo. usamen dev- gurukā nimitta hotā hai. mukhya upādān.. bākī to shubhabhāvake anusār puṇya bandha jātā hai.

mumukṣhuḥ- us vikalpoṅko ham apane pariṇāmommen kaise sthir karen?

samādhānaḥ- vikalpa to apanā svabhāv nahīn hai. svabhāv to main chaitanyasvarūp ātmā hūn̐, isamen gnān, ānanda ādi ananta guṇ.. usamen pariṇatiko dr̥uḍh karo, usakā bhedagnān karo, vikalpa orase pariṇatiko haṭākar apane svarūpakī or pariṇatiko moḍanā, yah karanā hai. kṣhaṇ-kṣhaṇamen bhedagnān karanā. vikalpa main nahīn hūn̐, main chaitanya svabhāv hūn̐, main vikalpa nahīn hū̃n. vibhāv main nahīn hū̃n. aisā bārambār usakā abhyās karanā. aisā chintavan,

PDF/HTML Page 832 of 1906
single page version

manan, shāstra abhyās, dev-guru-shāstrakī mahimā aur chaitanyakā chintavan karanā. gnāyak hūn̐, main jānanevālā gnāyak hū̃n. jo vikalpa ātā hai, usako main jānanevālā chaitanya hū̃n. main gnāyak hū̃n. aisā bārambār (prayās karanā). usakī ruchi, mahimā karanā

janma-maraṇ ṭālanekā vah upāy hai. sansāramen janma-maraṇ to chalate hī rahate haĩn. ānā-jānā aisā bahut kiyā, shāshvat ek ātmā hai. sharīrakā svabhāv sharīramen hai. aise bahut janma-maraṇ kiye. bahut mātāko chhoḍakar āyā, apane chhoḍakar gayā. aisā bahut huā. apane chaitanyatattvako pahachānā nahī̃n. antar dr̥uṣhṭi karake chaitanyakī svānubhūti karanā vah muktikā mārga hai. isakā abhyās karanā, bārambār bhedagnān karanā.

mumukṣhuḥ- mātājī! ek prashna hai. ... lekin pudagalakā pariṇaman andaramen baiṭhatā nahīn hai. kabhī to baiṭh jāyegā, kabhī-kabhī. kabhī samajhamen hī nahīn ātā hai.

samādhānaḥ- samajhanekā abhyās karanā. yah jaḍ pudagal hai, main jānanevālā hū̃n. yah svatantra hai. sharīrakā svabhāv svatantra hai. vikalpa apanā svabhāv nahīn hai. main chaitanya gnāyak svabhāv hū̃n. shānti, ānanda ātmāmen hai. aise bārambār usakā vichār karanā. baiṭhatā na ho to biṭhānekā abhyās karanā. bārambār vichār karanā. svabhāv dr̥uṣhṭiko pahachānakar usakā abhyās karanā.

jaisā sphaṭik nirmal hai, vaisā main nirmal hū̃n. pānīkā svabhāv nirmal hai, vaisā nirmal hū̃n. malinatā pānīmen bāharase ātī hai, kīchaḍake kāraṇa. pānīkā svabhāv nirmal hai, vaise main nirmal hū̃n. saṅkalpa-vikalpa vibhāv hai, apanā svabhāv nahīn hai. usakā bhedagnān karanā.

mumukṣhuḥ- dinabharakī kriyāen̐, jaise khāne baiṭhe, gharakā koī kām karate hain to upayog to ūdhar lag jātā hai, to phir us vakta gnāyak hūn̐, kaise lakṣhya rahe? yah merā bahut dinase prashna hai.

samādhānaḥ- upayog lag jātā hai (usamen) apane puruṣhārthakī mandatā hai. upayog lag jāy to bhī shraddhā to, main gnāyak hūn̐, aisī ruchi rakhanā.

mumukṣhuḥ- andarase kyā raṭate rahe man hī manamen? ham usako raṭe? raṭate jāen̐ ki main gnāyak hūn̐, main gnāyak hūn̐, aise ham ghoṇṭe kyā usako?

samādhānaḥ- usakā abhyās karanā. ghoṇṭanā to raṭan jaisā ho jātā hai. lekin usako pahale pahachānanā, sachchī samajhan karanā ki main chaitanya hū̃n. usakā svabhāv jab tak yathārtha jānanemen nahīn āve tabatak use ghoṇṭanā, paḍhanā, usakā abhyā karanā, raṭan karanā. jab tak yathārtha nahīn hove tabatak raṭanā, paḍhanā aisā karanā.

parantu jisako yathārtha hotā hai usako to sahaj ho jātā hai, usako raṭanā nahīn

PDF/HTML Page 833 of 1906
single page version

paḍatā. jisako sahaj svabhāv pahachānamen ā gayā, usako sahaj ho jātā hai ki main gnāyak hū̃n. kāmakāj karate hue bhī use sahaj bhedagnānakī dashā chalatī hai. jisako sahaj hotā hai usako to. parantu sahaj nahīn hotā hai, vah anādikā vibhāvakā abhyās hai. isaliye abhyās karaneke liye raṭanā, paḍhanā ādi sab bīchamen hotā hai.

mumukṣhuḥ- jaise ki āpane abhī bole ki vikalpase apaneko alag karanā. jaise main āpase bāt kar rahī hū̃n. bāt karate-karate main andar aisā vichār karun̐gī ki mujhako rāg ā rahā hai yah main nahīn hū̃n. aisā bār-bār vichār karun̐gī kyā?

samādhānaḥ- bār-bār (vichār) nahīn, aisī shraddhā karanā ki main isase bhinna hū̃n. ekatvabuddhi chal rahī hai, ekatvabuddhiko toḍanā, phir use raṭanā nahīn paḍatā. ekatvabuddhi toḍanekā abhyās karanā. ekatvabuddhi ho rahī hai, main sharīr hūn̐, main vikalpa hū̃n. ekatvabuddhi nirantar chalatī hai to usako toḍanekā abhyās karanā.

mumukṣhuḥ- toḍaneke liye abhyās karanā, usake liye mukhya mārga kyā hai?

samādhānaḥ- mukhya mārga, usakī ruchi, mahimā karanā. usakī mahimā lage, bāhar sukh nahīn lage, bāhar chain nahīn paḍe, main chaitanyako kaise pahachānūn? usakī mahimā (lage). bāhar kahīn chain na paḍe, andar hī chain paḍe. aise bārambār svabhāvako pīchhānanā. jaise bāhar vastu dekhanemen ātī hai, vaise main chaitanyako kaise pīchhānūn̐? aise bārambār pīchhānanekā abhyās karanā. nahīn hove tabatak abhyās karanā. ekatvabuddhi to anādise chal rahī hai. bātachīt karate-karate, khāte-pīte ekatvabuddhi chalatī rahatī hai, parantu usako bhinna karanekā abhyās karanā. usakī mahimā lage to abhyās hove. shraddhā to rakhanā. raṭan kahān̐se karegā? ruchi to bāharakī hai. lekin jitanā ho sake utanā abhyās karanā.

mumukṣhuḥ- dhyānamen ham baiṭhe to dhyānamen kis tarahakā chintavan le ki gnāyakakī or hamārī pravr̥utti jāye? kaisā chintan kare? hamako tarīkā batāīye.

samādhānaḥ- tarīkā, pahale to yathārtha gnān karanā. pahale, gnāyak kaisā hai? dravya kaisā hai? guṇ kaisā hai? paryāy kaisī hai? yah pudagal dravya hai. varṇa, gandha, ras, sparsha hai. yah alag hai, main chaitanya alag hū̃n. aise pahale yathārtha gnān karanā. bādamen yathārtha dhyān hotā hai. main yah chaitanya hūn̐, usakā astitva grahaṇ karake dhyān yathārtha hotā hai. gnān yathārtha hue binā dhyān yathārtha ho sakatā nahī̃n. pahale to yathārtha gnān karanā. jo gurudevane mārga batāyā usakā pahale yathārtha gnān karanā. kyā mārga hai? kaise milatā hai? kaisā svabhāv hai? kaise main nirmal hūn̐? yah vibhāv hai, yah svabhāv hai, kaisā muktikā mārga hai? kaise mokṣhasvarūp ātmā hai? usako yathārtha pahachānakarake bādamen dhyān karanā. to dhyān yathārtha jamatā hai. aur gnānake binā dhyān jamatā nahīn hai.

PDF/HTML Page 834 of 1906
single page version

mumukṣhuḥ- jaise ki ham shāstra paḍhe, jānakārīmen āyā to dhyānamen usakā kyā vichār kare?

samādhānaḥ- vichār karanā. pahale dhyān kaise hove?

mumukṣhuḥ- jaise shāstra paḍhe, pūre samay paṭhan bhī kareṅge to phir gaharāī nahīn āyegī.

paṭhan kiyā jis chīj par, usakā dhyān nahīn kiyā, usakī chintavan nahīn huā.

samādhānaḥ- shāstrakā abhyās (kiyā), usamen āchāryadev kyā batāte hain usakā vichār karanā. kyā mārga shāstramen āyā? vastukā svarūp kaisā hai? aisā vichār karanā, chintavan karanā ki yah vastu hai, ātmā hai, yah svabhāv hai, yah vibhāv hai, yah gnān hai, darshan hai, chāritra hai, main ātmā hū̃n. yah guṇakā bhed hai. main ananta chaitanyasvarūp hū̃n. pahale aisī yathārtha samajhan karanī, bādamen dhyān hotā hai. sachchī samajhanake binā dhyān nahīn ho sakatā. samajhe binā dhyān karatā hai to aisī ulajhan hotī hai, yathārtha jamatā nahī̃n. pahale yathārtha gnān karake, yathārtha shraddhā karake, bādamen dhyān karanā. prayojanabhūt tattvako yathārtha pahachān lenā.

mumukṣhuḥ- bār-bār ātā hai ki pudagalakā pariṇaman svayam apane-apanemen ho rahā hai. hamako to moṭā-moṭā dikhatā hai. dinabhar aisī hamako asti kyon nahīn ā rahī hai? aise kaise āyegī asti? isakī bāt mālūm ho jāy to hamārī karu-karukī buddhi khatma ho jāya. yahīn hamārā gaḍabaḍ khā rahā hai ki pudagalakā pariṇaman pratipal svayam ho rahā hai, gnānamen nahīn ā rahā hai. paḍh to letī hūn̐, bol to detī hūn̐, gnānamen yah bāt ā nahīn rahī hai.

samādhānaḥ- yah sab pudagalakā pariṇaman hai. gnānamen kaise āve? anādi kālase bhram ho rahā hai, gnānamen kaise āve? vikalpa aur saṅkalpa, gnān sab ekatvabuddhi ho rahī hai. usako yathārtha samajhan karake biṭhānā ki yah sab pudagalakā pariṇaman hai. main chaitanya hū̃n. sharīrakā pariṇaman hai, vah pudagalakā hai. bāharakā to hai, lekin is sharīr bhī pudagalakā (pariṇaman hai). isamen rog ātā hai vah bhī pudagalakā pariṇaman hai. vah koī ātmākā pariṇaman nahīn hai. aisī yathārtha shraddhā karake biṭhānā.

anādikā abhyās hai, kaise baiṭhe? ekatvabuddhi anādise aisī joradār ho rahī hai. yathārtha shraddhā kare, bārambār abhyās kare, bārambār usakā abhyās kare tab baiṭhatā hai. chutartha kālamen to antarmuhūrtamen baiṭh jātā hai. pañchamakālamen aisā nahīn hotā hai. ek bār vichār karake baiṭh gayā, aisā ho jātā hai, aisā nahīn ho sakatā. aisā to koī- koīko hotā hai.

mumukṣhuḥ- kaī bār vah bāt samajhamen ā jātī hai. kaī bār aisā kaisā-kaisā

PDF/HTML Page 835 of 1906
single page version

ho jātā hai, samajhamen hī nahīn ātī bāta. jaise apane abhyās karate hain to paḍhate- paḍhate aisā hotā hai, kaī bār to baḍā achchhā lagatā hai. kaī bār samajhamen hī nahīn paḍatī hai bāta.

samādhānaḥ- vah to apanā doṣh hai. kyā kare? anādi kālase aise vikalpamen vibhram ho rahā hai, kṣhayopashamagnān aisā hai nahīn, ruchi aisī hai nahīn, puruṣhārtha aisā hai nahīn, kahān̐se hove? kabhī puruṣhārtha chale, kabhī nahīn chale. apanī mandatā hai, apanī mandatā hai.

mumukṣhuḥ- āp dhyānamen kaisā vichār karatī hain?

samādhānaḥ- yah koī kahanekī bāt thoḍī hai.

mumukṣhuḥ- nahīn matalab aisā, jaisā shāstrameen (ātā hai), 48 miniṭamen kevalagnān ho jātā hai. to kitanā.. jaise dhyān hotā hai to antarmuhūrta honeke bād āp... hamako utsukatā huyī kis prakārake vikalpa āte hain? ham nahīn kar pāte hain to jānanekī ichchhā hotī hai na. kaise vichār āte hain āpako?

samādhānaḥ- vikalpa to vikalpa hai. vikalpa vikalpamen hai, ātmā ātmāmen hai.

mumukṣhuḥ- aisā hī āpake manamen hameshā chalatā rahatā hai?

samādhānaḥ- jisako yathārtha gnān hotā hai, usako bhedagnānakī dhārā chalatī rahatī hai. vikalpa to vikalpamen hai, ātmā ātmāmen hai.

mumukṣhuḥ- yah bāt aisī andaramen pakkī jam jānī chāhiye?

samādhānaḥ- aisī sahaj dhārā honī chāhiye. sahaja. vikalpa hote nahīn, vah to kevalagnānīko nahīn hote. parantu bhedagnānakī dhārā to samyagdr̥uṣhṭiko hotī hai.

mumukṣhuḥ- andaramen bhāvamen āne lagatā hai na? gnān alag hai, rāg alag hai, gnān alag hai.

samādhānaḥ- vah to sahaj hotā hai.

mumukṣhuḥ- ham logoṅko mahenat lagatī hai.

samādhānaḥ- ekatvabuddhiko yād nahīn karanī paḍatī hai nā? yah sharīr aur main ātmā ek hain, aisī ekatvabuddhi to sahaj chalatī hai. anādise sahaj chalatī hai na? yah sharīr aur ātmā sab ek hai, vikalpa sab ek hai, esī ekatvabuddhi chalatī hai. usī tarah bhedagnān bhinnatā aise chalatī hai.

mumukṣhuḥ- āpako sochanā nahīn paḍatā. ham logoṅko bahut soch-sochake lānā paḍatā hai. āpakī pustak paḍhate hain, ham to yahān̐ āye nahīn, sune nahī̃n. usamen kahā hai, main gnāyak, main gnāyaka. usamen bhī hamako to mahenat paḍatī hai, ham to bhūl jāte

PDF/HTML Page 836 of 1906
single page version

haĩn. phir thoḍī der bād yād ātā hai ki are..! ham to bhūl gaye apaneko. aisā hamako bahut jor lagatā hai. bhūl jāte haĩn. .. yād karate hain to usamen bhī hamako mahenat paḍatī hai. aise hī abhyās karen?

samādhānaḥ- shrīmad rājachandramen aisā ātā hai ki, pratham bhūmikā vikaṭ hotī hai. samajh pīchhe sab saral hai, bin samajhe mushkila. pratham bhūmikāmen aisī vikaṭatā hotī hai, bhūl jāte haĩn. jisako gnān hotā hai, usako sahaj hotā hai. samajh pīchhe sab saral hai.

mumukṣhuḥ- to ham log matalab aise raṭe? āpane jitanī bāt batāyī vah to .. kisīkī bāt hī nahīn hai. abhī to hamārī bāt hai. abhī ham to isīliye āye haĩn. kyoṅki hamāre jīvanamen yah ghaṭ rahā hai. hamako baḍī āturatā thī, bhūl jāte hain, phir baiṭh-baiṭhakar yād karate haĩn. aur phir kām-dhandhā karane jāte hain, phir bhūl jāte haĩn.

samādhānaḥ- ekatvabuddhi anādise hai. aisī mahimā nahīn hai, aisī ruchi nahīn hai.

mumukṣhuḥ- ruchi to ātī hai, ruchi to ātī hai.

samādhānaḥ- puruṣhārthakī mandatā hai.

mumukṣhuḥ- nahīn, ab kareṅge puruṣhārtha. ruchi ātī hai, ruchi to hotī hai mereko.

samādhānaḥ- abhyās karanā. bhūl jāye to bārambār yād karanā. aise rūkhā nahīn honā chāhiye. bārambār usakī mahimāpūrvak ki gnāyakamen sabakuchh bharā hai, vah khālī nahīn hai. mahimāvant padārtha hai. chaitanya bhagavān mahimāse bharapūr hai. usako rūkhā karake main gnāyak hūn̐, gnāyak hūn̐, aise nahīn karanā. mahimāpūrvak karanā, bhūl jāy to bhī.

mumukṣhuḥ- kabhī to rūkhā bhī āyegā, kabhī to aisā bhī āyegā, jaisī gaharāī āyegī. kabhī-kabhī yah bhī ā jātā hai, kabhī lūkhā-lūkhā bhī ātā hai.

samādhānaḥ- mahimāpūrvak honā chāhiye.

mumukṣhuḥ- jaise ki ham akele khā rahe hain, chhat para. to jānaneke tattvako hamako lakṣhyamen lenā hai. to yah sabako jānanevālā main hūn̐, aisā bār-bār, bār-bār aise akelemen apanī taraphalakṣhya le? yah prakriyā kaisī rahegī?

samādhānaḥ- pahale yathārtha gnān karanā, vichār karanā, chintavan karanā. bārambār main jānanevālā hūn̐, yah main nahīn hūn̐, main jānanevālā hū̃n. pahale usakā yathārtha gnān honā chāhiye. phir yah sab prashna hī nahīn uṭheṅge ki kaise karũn. aisā vichār karanā, bārambār gnān yathārtha karanā. samajhanā. binā samajhe karane baiṭh jāy to mūḍhatā jaisā (ho jāyegā), kuchh mālūm hī nahīn paḍatā, aisā ho jāya.

PDF/HTML Page 837 of 1906
single page version

mumukṣhuḥ- nahīn, nahī̃n. pahale samajheṅge nā. pahale samajheṅge phir kareṅge. samajheṅge tab to vichār āyeṅge.

samādhānaḥ- samajhe to āye. binā samajhe to kuchh samajhamen nahīn ātā, aisā ho jāyegā. usakī ruchi, mahimā āve. pahachān kare, aisā prayatna karanā. bhedagnān sāth- sāth kare, usamen der lage to bhī utāvalī nahīn karanā.

mumukṣhuḥ- ek to main shvetāmbar matase nikalī, ek to bhāṣhā yahān̐kī sab nayī hai. dravya-guṇ-paryāy, hamārā sunā huā nahīn hai. mereko gharamen bolate hain, kyā sunatī hai? kuchh samajhamen nahīn ātā thā. lekin itanā achchhā lagatā hai. chhaḥ mahine kuchh palle nahīn paḍā. mainne kahā, kyon nahīn āyegā?

samādhānaḥ- pahale aisā lagā, dravya-guṇ-paryāyakī bāt koī alag hī duniyākī bāt hai. jab samajhatā jāy, tab mahimā ātī jāya.

mumukṣhuḥ- gney-gnāyak pustak mereko bahut achchhī lagī, bahut hī achchhī lagī thī. pīchheke prakaraṇ, vastuvignānasār, mereko usase bahut mahimā āyī. pahale to samajhamen nahīn āyā. abhī ek-do mahinese chālū kiyā hai. jyādā paḍh nahīn sakatī, deḍh- do pej hī paḍhatī hūn̐, phir vichāratī hū̃n.

samādhānaḥ- aise samajhan yathārtha hove tab khyālamen āyegā ki kaise karun̐? kaise bhedagnān? kaise dhyān? yah sab bādamen jab samajhamen ātā hai tab khyālamen ātā hai. samajhe binā chalane lage to dūsarā mārga ā jātā hai. bhāvanagar kaise jānā? kyā mārga hai? pahale mārga jān lenā chāhiye, phir chalane lage to yathārtha mārga par chale.

mumukṣhuḥ- nahīn, nahī̃n. jabahī to ham yahān̐ āye haĩn. jabahī to ham yahān̐ āye haĩn. hamane thoḍe hī sunā hai, hamane to svāmījīkā nām bhī sunā do sāl pahale. pustak paḍhe, bāt dimāgamen lagane lagī ki sahī hai. man to kahatā hai, sahī hai. ab tarīkā bhī to mālūm honā chāhiye na? ki kis tarīkese ab ham āge abhyās kare? bāt to pakkī baiṭh gayī. bāt to aisī hī hai. ab mārgamen ham āge kaise chale?

samādhānaḥ- pahale yathārtha samajh karanī. ruchi, mahimā, yathārtha samajhan karanī. samajhanā, abhī aur visheṣh samajhanā.

mumukṣhuḥ- ... shāstra paḍhe, ham to jyādā nahīn paḍhate haĩn. mokṣhamārga prakāshak..

samādhānaḥ- apaneāp samajhanā (paḍatā hai).

mumukṣhuḥ- pahalā ham kaunasā paḍhe, jisase hamako sahī mārga mile.

samādhānaḥ- mokṣhamārga prakāshak?

PDF/HTML Page 838 of 1906
single page version

mumukṣhuḥ- vah to paḍhe. samādhānaḥ- gurudevakā.. mūl shāstra samajhamen nahīn āyegā, nahīn to samayasār ādi.. samayasār shāstra hai....