Benshreeni Amrut Vani Part 2 Transcripts-Hindi (simplified iso15919 transliteration). Track: 162.

PDF/HTML Page 1027 of 1906
single page version

samādhānaḥ- ... ye jo vibhāv hai, vibhāvakā lakṣhaṇ dikhatā hai vah ākulatārūp hai, viparīt bhāv hai. merā svabhāv ānandarūp, shāntirūp, gnāyakatā (hai). gnāyakatattva hai vahī main hū̃n. usakā adabhut ānanda to use nirvikalpa dashā hotī hai tab pragaṭ hotā hai. parantu use gnāyakatā to pahichānamen ātī hai. isaliye gnāyakalakṣhaṇako pahichānanā. usakā gnān, usakī dr̥uṣhṭi, usakī līnatā sab usamen kare. bāhar vibhāvakī mahimā ṭale aur vibhāvamen ākulatā lage, usakī virakti ho to svabhāvakī or svayam jātā hai. aur use yathārtha lakṣhaṇase pahichānanā, yah usakā upāy hai. dūsarā koī upāy nahīn hai. svayaṅko pahichānakar, us par yathārtha dr̥uṣhṭi karake usamen līnatā kare. lekin usake liye tattva vichār ādi karanā. yathārtha vastukā svarūp pahichānanekā prayatna karanā.

sachche dev-guru-shāstra to usake hr̥udayamen hote haĩn. jinhonne pragaṭ kiyā unakī mahimā aur usakā hetu kyā? ki gnāyakatattvako pahichānanā hai. pahichānā jātā hai svayanse, apane puruṣhārthase pahichān hotī hai. jaise sphaṭik svabhāvase nirmal hai, usamen pratibimb jo bāharase uṭhate hain, lāl-kāle phūlake, vah pratibimb (sphaṭikakā) mūl svabhāv nahīn hai. sphaṭik svabhāvase nirmal hai.

vaise ātmā svabhāvase nirmal hai. shuddhātmā anādiananta (hai). usakā nāsh nahīn huā. anādiananta usake ananta guṇ jyoṅke tyon haĩn. jaise sphaṭik nirmal hai, vaise ātmā nirmal hai. jaise pānī svabhāvase shītal aur nirmal hai, vaise ātmā nirmal hai. parantu vibhāv use huā hai nimitta-orase, parantu apane puruṣhārthakī mandatā hai. sphaṭikamen jo lāl-kāle phūlake nimittase (pratibimb) uṭhe, parantu pariṇaman sphaṭikake svayaṅkī puruṣhārthakī mandatāke kāraṇ vibhāv hotā hai. ataḥ puruṣhārtha apanī or badalakar, main shuddhātmā chaitanya hūn̐, ye vibhāv main nahīn hūn̐, (aisā bhedagnān karanā). phir turanta sab ṭal nahīn jātā. alpa asthiratā rahatī hai. ... gr̥uhasthāshramamen ho, parantu usakī bhedagnānakī dhārā chālū hī rahatī hai. kṣhaṇ-kṣhaṇamen use bhedagnān vartatā hai.

parantu pahale use main gnāyak hūn̐, gnāyak hūn̐, gnāyak hūn̐ aisā abhyās antarase honā chāhiye. pahale ūpar-ūparase ho usase hotā nahīn, bīchamen vah vichār āye, parantu antarase

PDF/HTML Page 1028 of 1906
single page version

abhyās honā chāhiye. main gnāyak hūn̐, gnāyak hūn̐, aisī lagan use din aur rāt, main gnāyak hūn̐, main yah nahīn hūn̐, yah vibhāv se main nahīn hūn̐, main gnāyak hūn̐, aisī lagan antaramen laganī chāhiye, to ho. to shaktimense pragaṭ ho. gnāyakakī visheṣh bhedagnānakī dhārā chale to use vikalpa ṭūṭakar nirvikalpa dashā hokar svānubhūtikā to prasaṅg ātā hai. parantu use pahale gnāyakakī dhārā (chalanī chāhiye).

mumukṣhuḥ- gnāyak honeke pūrva kyā vichār karanā?

samādhānaḥ- pahale sachchā samajh (karake) usakā lakṣhaṇ pahichānanā. gnāyak hone pūrva usakā lakṣhaṇ pahichānanekā prayatna kare. tattvakā vichār kare. main kaun hūn̐? ye par kaun hūn̐? un sabakā yathārtha vichār kare. tattva samajhanekā pahale vichār karanā. sachchī samajh honeke vichār kare. usakā manthan, usakā gholan, usakī lagan sab kare. yathārtha vichār (kare). samajhanekā vichāra. gnāyak hone pūrva usake vichār, gahare vichār kare. aur vichārako ṭikāneke liye shāstrakā abhyās kare. jyādā jāne to hī ho, aisā nahīn hai. parantu mūl prayojanabhūt (tattvako) samajhanekā prayatna kare. prayojanabhūt tattvako vichārase jānanā chāhiye. vichār karake nirṇay karanā ki, yah gnāyak hai vahī main hū̃n. aise yathārtha pratīt karanī. yah main nahīn hūn̐ aur yah gnāyak hai vahī main hū̃n.

mumukṣhuḥ- shaharakā jīvan aur prāthamik mumukṣhuke liye do shabda.

samādhānaḥ- shaharamen to... mumukṣhukī bhāvanā aisī hotī hai ki jahān̐ dev-guru- shāstra virājate hon, jahān̐ sādharmīoṅkā saṅg milatā ho to usakī ruchikā poṣhaṇ ho. aisī usakī andar bhāvanā rahe ki aise saṅgamen rahanā. aisī bhāvanā rahe. sadagurukā upadesh milatā ho yā koī sādharmīkā saṅg milatā ho. usamen mumukṣhutā adhik dr̥uḍh honekā kāraṇ banatā hai. lekin vaise sanyog na ho to... aise bāharake sanyog na ho to bhī use bhāvanā to aisī hī hotī hai ki mujhe achchhā saṅg mile. nimittoṅkī bhāvanā rahe. parantu upādān to apanā taiyār karanā paḍatā hai. jahān̐ rahatā ho, bāhar dūsare deshamen, usake saṅgamen yā dev-guru-shāstrake saṅgamen rahatā ho, parantu upādān svayaṅko taiyār karanā paḍatā hai. parantu use aisā āye binā nahīn rahatā ki, mujhe dev-guru mile, sādharmīoṅkā saṅg mile, gurukā upadesh mile, aisī bhāvanā use rahatī hai. aur vaisā sanyog jahān̐ dikhāī de, vahān̐ rahatā bhī hai. aur vahān̐ bas bhī jāya. parantu mumukṣhuko yah sab bīchamen hotā hai. bāharake dūsare sādhanommen to usakā utanā puruṣhārtha na ho to usako ṭikanā mushkil paḍatā hai. puṣhṭi honī, mumukṣhutākī puṣhṭi honī mushkil paḍatā hai, bāhya saṅgamẽn.

mumukṣhuḥ- asat prasaṅg chhoḍane chāhiye na?

samādhānaḥ- hān̐, chhoḍanekī use bhāvanā āye. use aisā ho ki yah chhūṭ jāy,

PDF/HTML Page 1029 of 1906
single page version

achchhe saṅgamen jāy, chhoḍ de. usake aise sanyog na ho, na chhūṭe to kyā kare? svayam apane upādānakī taiyārī kare. bāhya sanyog aise ho ki chhūṭe hī nahīn, to kare kyā?

mumukṣhuḥ- svasamvedan kab hotā hai?

samādhānaḥ- svasamvedan to ātmāko pahichāne, pahale ātmā-gnāyakako pahichānanekā prayatna kare. ātmākā kyā svarūp hai? aise gnāyakako pahichānanekā prayatna kare. lagan lagāye, din-rāt usakī jhan̐khanā ho ki mujhe gnāyak kaise pakaḍamen āy? gnāyak grahaṇ ho, gnāyakakī bhedagnānakī ugratā ho ki main yah chaitanya hūn̐, ananta guṇase bharapūr (hūn̐). aisā vikalpa nahīn, apitu gnāyakakā astitva grahaṇ kare. gnānamen jāne ki ananta shaktise bharapūr main chaitanyatattva koī adabhut hūn̐! use grahaṇ kare, usakī ugratā kare, gnāyakatākī ugratā kare. kṣhaṇ-kṣhaṇamen bhedagnānakī ugratā hote-hote use vikalpa ṭūṭakar svānubhūti honekā prasaṅg ātā hai. parantu usakī gnāyakatākī ugratā honī chāhiye.

mumukṣhuḥ- avalambanakī koī āvashyakatā nahīn hai?

samādhānaḥ- avalamban to dev-guru-shāstra usamen bīchamen hote haĩn. usake shubhabhāvake andar hote haĩn. parantu antaramen puruṣhārtha to svayaṅko hī karanā rahatā hai. kahīn dev-guru- shāstra use karavā nahīn dete. ve to nimittamātra hote haĩn. karanā to svayaṅko hī hai, puruṣhārtha svayaṅko hī karanā paḍatā hai. use guru kyā kahate hain? dev kyā kahate hain? shāstramen kyā ātā hai? usakā avalamban lekar vichār kare. muktikā mārga kis prakārase batāyā hai, usakā svayam vichār kare ki gurune yah mārga batāyā hai. svayam kaise samajhatā hai, usakā milān kare ki gurune yah kahā hai, gnāyakako pahichānaneko kahā hai, yah sab par hai, aise milān kare. aise vichāramen avalamban le, parantu puruṣhārtha to svayaṅko karanā hai. nirṇay svayaṅko hī karanā paḍatā hai ki vastu to yahī hai. yah gnāyak hai vahī main hūn̐ aur yah vibhāv main nahīn hū̃n. aisā nirṇay to svayam apanese karatā hai. apanese karake usamen puruṣhārthakī ugratā karake usakī bārambār dr̥uḍhatā kare to vikalpa ṭūṭakar use svānubhūti honekā prasaṅg ātā hai.

samādhānaḥ- .. gurudevake shabda hai.

mumukṣhuḥ- hān̐, gurudevake shabda hai. gurudev bahut bolate the.

samādhānaḥ- "bandh samay jīv chitīye uday samay shā uchāṭ'. dev-guru-shāstrase dūr rahanekā...

mumukṣhuḥ- ye unakī sāns hai.

samādhānaḥ- karanekā to yahī hai na. dūr rahe to bhī yahī raṭan karanā. dev- guru-shāstra hr̥udayamen rakhanā. pahale bachapanamen jo sunā hai, vah sab yād karanā. gurudevakī

PDF/HTML Page 1030 of 1906
single page version

vāṇī sunī hai, sab kiyā hai. jinendra dev, guru, shāstra sabako yād karanā. gurudevane ātmāko prāpta karanekā apūrva mārga batāyā hai, vah yād karanā. sharīr aur ātmā donon tattva bhinna haĩn. chaitanyatattva koī apūrva hai, usakī mahimā rakhanī. vahī mahimā karane jaisā hai. antaramen gurukī mahimā rakhanī. do tattva bhinna haĩn. usakā bhedagnān (karanā). svānubhūti kaise ho? muktikā mārga kaise pragaṭ ho? vah sab andar raṭan karanā. usakī ruchi rakhanī. samay mile tab vāñchan karanā. ṭep sunanā, vāñchan karanā. vahī sanskār kaise dr̥uḍh rahe, vah rakhanā. bārambār use yād karate rahanā.

mumukṣhuḥ- bhāvase to ek pal bhī dūr nahīn huā jātā. satatarūpase āpake sāth hī..

samādhānaḥ- vahī bhāvanā rakhanī. ananta kālamen sab milā, ek jinendra dev... shāstramen ātā hai ki samyagdarshan jīvane prāpta nahīn kiyā. ananta kālamen jinendra dev, guru ādi sab milanā mushkil hai. vah mile to antarase svayanne grahaṇ nahīn kiyā hai. to vah kaise grahaṇ ho? gurudevane jo svarūp batāyā vah kaise grahaṇ ho? samyagdarshanakā kyā svarūp batāyā hai, vah sab yād karanā. aise pañchamakālamen aise guru mile, aisā mārga milā, aisā apūrva mārga batāyā to is manuṣhyajīvanamen kuchh antaramen ruchi dr̥uḍh ho vah rakhanā.

main kisī bhī kṣhetra hoūn̐, parantu mujhe āpake pādapaṅkajakī bhakti mere hr̥udayamen raho. aise antaramen dev-gurukī bhakti aur chaitanyadevakī bhakti, chaitanya mere hr̥udayamen rahanā, dev- guru mere hr̥udayamen rahanā. ... nivāsamen hoūn̐, aisā shāstramen ātā hai. prabhu! āp mere hr̥udayamen rahanā aur ek ātmā mere hr̥udayamen rahanā. ... sab yād karanā.

mumukṣhuḥ- vah to apūrva kāl thā.

samādhānaḥ- hān̐, apūrva kāl thā. yātrā ādi.. us vakta chhoṭī thī na yātrāke samay? ... yād karanā. aisā karake andar ullās rakhanā. bas! aisā hī mere hr̥udayamen rahanā. vah sab prasaṅg aur chaitanyadev kaise prāpta ho, usakī bhāvanā rakhanī. vah sab karate rahanā.

ananta kālamen janma-maraṇ karate.. karate.. karate.. baḍī mushkilase manuṣhyabhav milatā hai. usamen bhī is pañchamakālamen gurudev mile vah to mahābhāgyakī bāt! aise gurudev mile, unakā sānnidhya milā, unakī vāṇī milā vah to mahābhāgyakī bāt hai. to usamense ātmā kaise samajhamen āye, usakī bhāvanā rakhanī.

mumukṣhuḥ- jyādāse jyādā..

samādhānaḥ- usakā raṭan karate rahanā. ātmākā kyā svarūp hai? ātmā gnāyak

PDF/HTML Page 1031 of 1906
single page version

hai. usake liye usake vichār karanā. gurudevane kyā kahā hai, usakā chintavan karanā. usakī ruchi antaramen rakhanī. chāhe kisī bhī prasaṅgamen mujhe chaitanyakī ruchi raho. kahīn tanmayatā yā bāhya prasaṅgommen ruchi nahīn baḍhakarake chaitanyakī ruchi visheṣh (rūpase honī chāhiye). ātmāmen sarvasva hai, bāhar kahīn kuchh nahīn hai. aisī ruchi rakhanī.

ek dev-guru-shāstra jīvanamen sarvasva aur ek ātmā mukhya sarvasva hai. kahīn or ruchi nahīn baḍhakarake ātmākī ruchi aur dev-guru-shāstrakī or jyādā (ruchi) rahe aisī bhāvanā rakhanī. ... ke liye prayatna honā chāhiye. ātmākā lakṣhaṇ kyā? gnāyak lakṣhaṇ, yah vibhāv lakṣhaṇa. use bhinna karanekī antaramen kitanī taiyārī ho tab vah bhinna paḍatā hai. samajhan ho aur andarase apanī kitanī puruṣhārthakī taiyārī ho, tab hotā hai. vah na ho tabatak usakī bhāvanā rakhanī.

... ātmāmense pragaṭ hotā hai. koī apūrvatā.. ātmākā gnān apūrva, ānanda apūrva, sab ātmāmense pragaṭ hotā hai. parantu usakā puruṣhārtha dhārāvāhī ho tab hotā hai. vah na ho tabatak bhāvanā rakhanī.

mumukṣhuḥ- ... ek hī rāstā hai. bāhar....

samādhānaḥ- vah bāt sachchī hai. anādikā abhyās hai isaliye kahīn-kahīn ho jāya. parantu prāpta karanekā rāstā to ek hī hai.

mumukṣhuḥ- bāhar kahīn ruchi aur moh, dekhakar chaundhiyā nahīn jāte.

samādhānaḥ- gurudevane aise sanskār, unakī vāṇīse aise sanskār ḍal gaye hain ki dūsaremen jīv jātā nahī̃n. antar apūrva ruchise, sachchā ruchise jisane sunā ho..

mumukṣhuḥ- bhakti karate ho, ekadam mahimā ātī ho, aisā hotā hai ki do bhāv ekasāth chalate ho, aisā lagatā hai. kyā karanā usake liye? jo paḍhā hotā hai vah bhī barābar yād hotā hai ki yahī paḍhā hai. phir bhī bāhya vastukā vichār ā jātā hai.

samādhānaḥ- andar sab sanskār paḍe hain, vah ā jāte haĩn. jyādā dr̥uḍhatā karanī. vāñchan ādikī jyādā dr̥uḍhatā karanī. andar dūsare vichāroṅkā jor ho jātā hai. usamen upayog to antarmuhūrta-antarmuhūrtamen badalatā rahatā hai. isaliye aisā lagatā hai ki yah vichār aur vah vichār donon sāthamen āte haĩn. sāthamen nahīn, andar hotā hai kramasar, parantu use sāthamen lagatā hai. parantu upayog ekadam palaṭatā hai na, (isaliye aisā lagatā hai). abhī yah paḍhā ho utanemen dūsare vichāramen chaḍh jāya. jīvakā upayog palaṭatā rahatā hai. jo sanskār hai pūrvake, vah sanskār ā jāte haĩn. jyādā dr̥uḍhatā karanī. vichāramen, darshanamẽn. sthir nahīn huā ho isaliye dūsare vichār ā jāya. andar sanskār paḍe haĩn.

mumukṣhuḥ- bahut bār to ekadam aisā hotā hai ki aise vāñchanake sāth aisā dimāg

PDF/HTML Page 1032 of 1906
single page version

ho jāy, ... us rūp hī man ... das minaṭ.. dūsarī koī pravr̥uttimen kaisā usīmen chitta rahatā hai. aisā kaise hotā hogā?

samādhānaḥ- usakā use abhyās hai, isaliye aise hī chalā jātā hai. jo sansārakī pravr̥uttikā kārya aur vichār aise hī chalate rahate haĩn. isamen andar vichār karake nayā kuchh vichār karane jātā hai, puruṣhārtha karane jātā hai to andarakā dūsarā abhyās hai vah chalā ātā hai. puruṣhārthake balase use palaṭanā paḍatā hai. dūsarā sahaj ho gayā hai, yah itanā sahaj nahīn hai. isaliye use puruṣhārthase sahaj ho, aisā kare to vah thoḍī der bhī ṭike. bākī upayog to palaṭatā rahatā hai. isaliye use bārambār joḍate rahanā. vichāramen, darshanamen, vāñchanamẽn. kyoṅki upayog to antarmuhūrtamen palaṭatā rahe. utanī sthiratā nahīn hai, isaliye jaldī palaṭatā hai. andar us prakārakā ras hotā hai, isaliye palaṭatā rahatā hai.

jise andar is orake vichār jyādā sthir ho gaye ho, to use jaldī nahīn palaṭatā. vah chalatā ho isaliye jaldī palaṭatā hai. andar jyādā gholan karanā. isīliye ātā hai na? dev-guru-shāstrake sānnidhyamen tū rahanā. terā puruṣhārtha utanā joradār nahīn hai ki tū akelā tere ādhārase ṭik sake. isaliye dev-guru-shāstrake sānnidhyamen upādān terā, parantu usamen use sahaj-sahaj puruṣhārtha hotā hai. isaliye aisā kahanemen ātā hai. jahān̐ kare, vahān̐ svayaṅko hī karanā hotā hai. parantu upādān to svayaṅkā hotā hai. parantu aisā nimitta-upādānakā sambandha hotā hai. vichār, shāstrakā chintavan, shrutakā chintavan, usakā jyādā abhyās kare, chittako sthir kare to hotā hai. .. kaise samajhamen āy, vah dhyey honā chāhiye. dev-guru-shāstrake sānnidhyamen rahanā, sādharmīke satsaṅgamen rahanā, aisā kahanemen ātā hai, usakā kāraṇ yahī hai ki terī upādānakī utanī taiyārī na ho to aise sānnidhyamen tū rahanā. tū svayanse bārambār puruṣhārtha karate rahanā. kuchh paḍhanā, ṭep sune to usīmen chitta sthir rahe to usakī bhāvanā dr̥uḍh rahe.

prashamamūrti bhagavatī mātano jay ho! mātājīnī amr̥ut vāṇīno jay ho!

< Previous Page Next Page >