Benshreeni Amrut Vani Part 2 Transcripts-Hindi (simplified iso15919 transliteration). Track: 174.

PDF/HTML Page 1110 of 1906
single page version

mumukṣhuḥ- .. ham āye the, sab pūrvajanmakī bāten karate the. āpako āpake pūrvajanmakī anubhūti ho, aise to hamen koī mile hī nahī̃n. pān̐ch miniṭ jyādā dekar us par koī prakāsh kar sako to.. pūrva janma hai, vishvās hai.

samādhānaḥ- pūrvajanma to hai. yah jīv kahīnse ātā to hai. koī rājā hotā hai, koī raṅk hotā hai, koī rājāke ghar janma le, koī raṅkake ghar janma le. usakā koī kāraṇ hai. kudarat aisī koī anyāyavālī nahīn hotī ki kisīkā rājāke ghar janma ho, koī raṅkake ghar, koī rogī ho, koī nirogī ho, aise sab jo pheraphār hote hain, usamen sābit hotā hai ki yah jīv pūrvamen thā aur vahān̐se āyā hai. isaliye usake pūrvakarmake pheraphārake kāraṇ yah sab pheraphār haĩn.

jīv pūrvajanmamen anek jātake janma-maraṇ karate-karate āyā hai. vah to nishchay hai ki vah janma-maraṇ karate-karate āyā hai. bākī vyaktigat bāt to kyā kahanī? pūrvamen jīv thā aur vahīnse āyā hai. pūrva bhavamen anek bhav karate āyā hai. devamen- se āye, manuṣhyamen-se āye, anek bhavamen-se jīv ātā hai. jaise usake bhāv hon, puṇya-pāpake pariṇām kare us anusār ātā hai.

usamen abhī yah kṣhetra to bharatakṣhetramen to abhī thoḍā dharmakā (prachār huā). hamāre yahān̐ gurudev virājate the, unake pratāpase itanā dharmakā prachār ho rahā hai. unhonne sab mārga batāyā hai. bākī mahāvideh kṣhetra hai vahān̐ to hameshā dharma chalatā hai. vahān̐ to sākṣhāt bhagavān virājate haĩn. is jagatake ūpar mahāvideh kṣhetra hai, vahān̐ sākṣhāt bhagavān virājate hain, unakī nirantar vāṇī chhūṭatī hai. vāṇī sunakar kitane hī jīv samyagdarshan, svānubhūti, koī munidashāko prāpta karate haĩn.

sākṣhāt bhagavāna. ek mahāvideh kṣhetra hai, vahān̐ sākṣhāt bhagavān virājate haĩn. kevalagnānapane pūrṇa dashāmen virājate haĩn. is bharatakṣhetramen to bahut mushkil ho gayā hai. santa puruṣhoṅkī durlabhatā (ho gayī). ek gurudev is pañchamakālamen virājate the, kitanoṅko unake kāraṇ mārga milā.

mumukṣhuḥ- āp shrīmad rājachandra par kuchh prakāsh ḍāl sakate ho? kyoṅki unako

PDF/HTML Page 1111 of 1906
single page version

main guru mānatī hūn̐ aur mujhe un par bahut prem ātā hai.

samādhānaḥ- hān̐, ve samyagdr̥uṣhṭi svānubhūtiko prāpta hue the. bachapanase hī ve vairāgī the. unakī vichārashakti ekadam tīvra thī. unakā gnān kaisā thā! ve gr̥uhasthāshramamen rahate the phir bhī bhinna hī rahate the. svānubhūti gr̥uhasthāshramamen pragaṭ huyī thī. ve to bhinna rahate the. ātmaras chakhā, hariras kaho, hamen kaun pahachān sakegā? aisā sab likhate haĩn. ātmākī svānubhūti unhen pragaṭ huyī thī.

mumukṣhuḥ- yahān̐se mahāvideh kṣhetramen jā sakate hain?

samādhānaḥ- nahīn jā sakate. mahāvideh kṣhetra (jānemen) kitane parvat, pahāḍ bīchamen āte haĩn. vartamānake jīv jā nahīn sakate.

mumukṣhuḥ- is kālamen nahīn jā sakate.

samādhānaḥ- abhī nahī̃n. bahut sāl pahale ek āchārya hue the-kundakundāchārya. jinake shāstra abhī svānubhūti pragaṭ ho aise unake shāstra haĩn. mūl mārga batāte haĩn. unake shāstra par gurudevane pravachan kiye haĩn. ve kundakundāchārya the vah bahut sāl pahale mahāvidehamen āchārya gaye the. āchāryako dhyānake andar bhagavānakī vedanā huyī ki are..! bhagavānake darshan nahīn hai. isaliye koī labdhise yā koī devonne ākar unhen mahāvideh kṣhetramen le gaye the. vahān̐ āṭh din rahe the. bhagavānakī vāṇī sunī, aise koī mahāsamartha munishvar hon, ve kundakundāchārya the ve jā sake the. kitane hajār varṣha pahale. hamane yahān̐ sab paḍhā huā hai.

samādhānaḥ- .. vibhāvamen sukh na lage ... ātmāmen hī sukh lage. ye vikalpa arthāt sab vibhāv, vikalpa, saṅkalpa-vikalpa usamen use shānti na lage, use duḥkh lage. shānti na lage. ye kyā? ye sab vibhāv hai vah to ākulatārūp aur duḥkharūp hī hai. duḥkh lage, shānti na lage. shānti ātmāmen hī hai. aisī pratīti ho, phir usamen ugratā ho (to svānubhūti hotī hai). svayaṅkī ruchi ho isaliye vibhāvase vāpas muḍ jātā hai. yah mujhe duḥkh hai, duḥkh hai, aisā vikalpa nahīn āye, lekin usamen use ākulatā lage, kahīn shānti na lage. shānti ātmāmen hai, ruchi ātmākī or jāya. usamen ṭik na sake.

apanī or ruchi jāy isaliye vikalpa-or, vibhāvakī or, sab jātake, usamen shānti to lage hī nahīn, ashānti lage. usakā ugra rūp ho isaliye use jyādā lage, isaliye ātmākī or hī usakī pariṇati dauḍe. ātmākī or dauḍe isaliye vikalpa chhūṭakar svayam svarūpamen līn ho jāya. svarūpakī līnatā ho isaliye vikalpa chhūṭ jāya.

mārga to ek hī hai. shubh pariṇām yā koī vikalpamen use shānti yā sukh na

PDF/HTML Page 1112 of 1906
single page version

lage. usakī pratīt nahīn, phir asthiratāmen amuk prakārase rahe, lekin usakī pratītamen to aisā hī hotā hai ki yah sukh nahīn hai, ye to ākulatā hai. yah merā svabhāv nahīn hai. pratīt to aisī (hotī hai). pratītake sāth amuk prakārase use lage ki yah sukh nahīn hai, ākulatā hai.

mumukṣhuḥ- yadi aisā na ho to mārga mile, nahīn mile aisā koī sambandha hai?

samādhānaḥ- hā̃n. usamen use ruchi lage, vibhāvamen achchhā lage to use ātmā- orakī ruchi nahīn hai aur vibhāvakī ruchi hai. aisā usakā artha hai. jīv ananta kālase kahīn na kahīn aṭakā hai. munipanā liyā yā kuchh bhī kiyā, to bhī gaharāīmen kahīn shubhabhāvamen ruchi rah jātī hai. ruchi koī shubhamen aṭak jātī hai. isaliye apanī or svayam jātā nahīn aur ātmākī nirvikalpa dashāko prāpta nahīn kar sakatā. vah kahīn par aṭak jātā hai. gaharāīmen mīṭhās lagatī hai isaliye.

shubhabhāvamen, shubhake phalamen, kahīn bhī andar gaharāīmen shubhamen ruk jātā hai. use ruchi lagatī hai, usamen aṭakanā ṭhīk lagatā hai. apanī or jānekī jo ruchi honī chāhiye vah hotī nahī̃n. mārga to ek hī hai. usakī or ruchi laganī hī nahīn chāhiye. phir ugra yā manda vah alag bāt hai, lekin usakī pratītamen to aisā bal ā jāy ki ruchi na lage. use ruchi apanī or jāya.

mumukṣhuḥ- chalate pariṇamanamen vedanamen duḥkh lage?

samādhānaḥ- hān̐, use vedanamen bhī duḥkh lagatā hai. pratīt aisī huyī hai, isaliye vedanamen amuk prakārase to lage. kitanī ugratāse lage vah usake puruṣhārthakī ugratā anusār (lagatā hai). parantu amuk prakārase to use lagatā hai. pratītake sāth use aisā bal hotā hai ki isamen kahīn sukh nahīn hai. aisā to use lagatā hai. jo shānti chāhiye vah isamen kahīn nahīn hai. yah sab ashānta hai. antaramen to aisī use ek jātakī khaṭak andar ho jāy ki isamen kahīn shānti nahīn hai, shānti antaramen hai.

mumukṣhuḥ- bāt to sunate hain, phir bhī vedanamen duḥkh nahīn lagatā hai, isakā kyā kāraṇ hai?

samādhānaḥ- vedanamen nahīn lagatā hai to abhī andaramen kahīn ekatvabuddhi hai na isaliye. ekatvabuddhi hai isaliye. yathārtha pratīti ho to antaramen use lage binā rahe nahī̃n. pariṇati bhinna paḍakar ho to. use ūpar-ūparase hotā hai isīliye vah, kuchh karun̐, kuchh yah karun̐, ātmāmense kuchh pragaṭ ho, aisā use ūpar-ūparase to hotā hai ki ye koī sukh nahīn hai.

antaramense jo honā chāhiye, ekatvabuddhi ṭūṭakar antaramense nahīn hotā hai. use pakaḍamen

PDF/HTML Page 1113 of 1906
single page version

nahīn ātā hai ki isamen duḥkh hai, kahān̐ kahīn sukh hai. kuchh karanā to chāhatā hai ki kuchh karũn. yah koī sukh nahīn hai. aisā apragaṭarūpase to hotā hai. ye koī sukh nahīn hai. kahān̐ sukh hai aur kahān̐ nahīn hai, yah mālūm nahī̃n. parantu yathārtha pratīti ho to use andar lage binā rahe nahī̃n. ye sab duḥkh hai aur sukh antaramen hai.

mumukṣhuḥ- vaise to pakaḍamen hī nahīn ātā.

samādhānaḥ- use pakaḍame nahīn ātā. sukh prāpta karanekā prayatna karatā hai. sukh yahān̐se lūn̐, yahān̐se lūn̐, yahān̐se lū̃n. antaramen pakaḍamen nahīn ātā, sukh kahān̐ hai aur duḥkh kahān̐ hai.

mumukṣhuḥ- pratham bhedagnān dehādise karanā yā rāgādise karanā?

samādhānaḥ- sachchā bhedagnān to antaramense jo rāgādise hotā hai vah sachchā bhedagnān hai. parantu usamen kramamen aisā āye ki pahale sharīrase bhedagnān aur bādamen rāgādise bhedagnāna. lekin vah donon ekasāth hī hotā hai. vāstavik bhedagnān usīkā nām ki rāgādise bhedagnān ho. is sharīrase bhedagnān ho vah to sthūl hai, andar rāgādise ho vahī vāstavamen sachchā bhedagnān hai.

lekin abhī sthūlatāse bhī nahīn huā to rāgādise kahān̐-se hogā? isaliye pahale sthūlatāse karavāte haĩn. yah sharīr to use dikhatā hai, sharīrake sāth ekatvabuddhi hai ki sharīr main hū̃n. sharīrake sāth ekamek ho rahā hai. sharīrase to main bhinna hū̃n. yah to jaḍ hai. vah to kuchh jānatā nahīn, isaliye pahale usase bhinna paḍe.

mumukṣhuḥ- vichāramen lenā āsān paḍe.

samādhānaḥ- vichāramen letā hai. sharīrase bhinna paḍatā hai, bādamen rāgādise bhinnatā karatā hai.

mumukṣhuḥ- mātājī! rāgādise bhinna paḍanekā prayog kyā? kyoṅki anubhav huā nahīn hai, to anubhav kaise ho? vah kaisā svādavālā hai, rāg to ākulatārūp hai, usakā to khyāl ātā hai, parantu vah to kabhī svādamen āyā nahī̃n. to un donoṅkī sandhi kaise (mālūm paḍe)?

samādhānaḥ- usake gnānasvabhāvako pahichānanā. gnānasvabhāv to khyālamen āye aisā hai. gnānasvabhāv hai vah shāntise bharā huā, gnānānanda svabhāv hai use lakṣhyamen lenā. ānandakā anubhav bhale nahīn hai, parantu use pratītamen lenā. vichār karake pratītamen āye aisā hai vah ātmā. gnānasvabhāvase pratītamen lene jaisā hai.

gurudev batāte hain, shāstramen ātā hai. usake amuk lakṣhaṇase pahichānamen ātā hai. gnānasvabhāv lakṣhaṇase pahichāne. lakṣhaṇase lakṣhyamen āye aisā hai ki ye rāgādi hai aur

PDF/HTML Page 1114 of 1906
single page version

yah usakā jānanevālā lakṣhyamen āye aisā hai. rāg rāgako jānatā nahīn, jānanevālā andar bhinna hai. bhinna jānanevālā hai vah shāshvat hai. bhinna jānanevālā hai vah shāshvat hai. rāgakī sab paryāyen chalī jātī hain aur jānanevālā jyoṅkā tyon hī khaḍā rahatā hai. jyoṅkā tyon khaḍe rahanevālā hai vah main hū̃n.

bachapanase lekar abhī tak sab rāgādi chale gaye aur jānanevālā khaḍā hai. jo jānanevālā khaḍā hai vah main hū̃n. jānanevāleko bhinna kare. jo-jo rāg, vikalpa āye use kṣhaṇ-kṣhaṇamen bhinna kare. utanā usakā prayatna ho, bhedagnānakā abhyās ugra kare to kṣhaṇ-kṣhaṇamen bhinna karanekā abhyās ho. buddhise ek bār bhinna kiyā aur phir aise hī rah jāy to abhī usake abhyāsakī kṣhati hai. kṣhaṇ-kṣhaṇamen bhinna kare, usakā abhyās vaise hī maujūd rakhe to use phir sahaj dashā honekā avasar āye. pahale to gnānase pratītamen ātā hai.

samādhānaḥ- .. yahān̐ gurudev virāje vah kuchh alag (hī thā). bāharagām̐vase koī āye to aisā kahate hain ki gurudev mānon sākṣhāt ākar vāṇī barasāte ho aisā lagatā hai. ān̐kh banda karake baiṭhe ho to aisā lagatā hai.

... puruṣhārthapūrvakakā kramabaddha hotā hai. kramabaddha ho, jo honevālā hai vah ho, parantu andar jo apane bhāv badalanā, bhāvanā karanī, puruṣhārtha karanā, bhedagnān karanā, samyagdarshan (pragaṭ karanā), vah sab puruṣhārthapūrvak kramabaddha hotā hai. kramabaddha yānī jaise honevālā hai vaise hogā, aise nahī̃n. puruṣhārtha sāthamen hotā hai, kramabaddhake sāth puruṣhārtha, svabhāv, kāl ādi sab ho, usake sāth puruṣhārtha hotā hai. vah kramabaddha puruṣhārthapūrvak hotā hai. jise puruṣhārtha lakṣhyamen nahīn hai, usakā kramabaddha aisā hī hotā hai. aur jise puruṣhārtha andar ruchatā hai usīkā kramabaddha mokṣha-orakā hotā hai. mukti orakā kramabaddha usīkā hotā hai ki jise andar puruṣhārtha ruchatā hai. jise puruṣhārthakī or lakṣhya nahīn hai, use sansār-orakā kramabaddha hai. parantu jisane usakī dr̥uṣhṭi kī ki ātmā gnāyak hai. aisī puruṣhārthapūrvakakī jisakī dr̥uṣhṭi hai, usīkā kramabaddha (yathārtha hai). puruṣhārthapūrvakakā kramabaddha, vah kramabaddha sachchā hai.

mumukṣhuḥ- sāthamen puruṣhārtha karanā paḍe.

samādhānaḥ- hān̐, puruṣhārtha to sāthamen hī hotā hai. kramabaddhake sāth puruṣhārtha hotā hai. puruṣhārthapūrvak kramabaddha hotā hai. sab bhāv sāthamen hote haĩn. use amuk prakārakā kṣhayopasham hotā hai, use svabhāv ādi pān̐ch labdhiyān̐ ātī hain na? usamen sāthamen puruṣhārtha hotā hai. deshanālabdhi hotī hai. andarase gurudevakī deshanā grahaṇ ho, puruṣhārtha, svabhāv ādi sab sāthamen hotā hai. vishuddhilabdhi. labdhi ho usamen puruṣhārtha sāthamen hai. akelā

PDF/HTML Page 1115 of 1906
single page version

kramabaddha nahīn hai. kramabaddhake sāth puruṣhārtha hotā hai. .. kramabaddha hai, parantu andar apane bhāv palaṭanā, usamen sāthamen puruṣhārtha hotā hai.

mumukṣhuḥ- bāharamen kuchh bhī huā ho, andar samādhān ho jāy ki jis kāl nukasān honevālā thā yā jo honevālā thā vah ho gayā.

samādhānaḥ- jo honevālā ho vah hotā hai.

mumukṣhuḥ- ab punaḥ krodh karake naye karma bān̐dhanā, usake bajāy...

samādhānaḥ- jo hotā hai kramabaddha hotā hai.

mumukṣhuḥ- dhyān yānī chintavana. khās to yah pūchhanā thā ki dhyān kaise karanā? bār-bār vahī prashna ākar khaḍā rahatā hai. jitanā vikalponse dūr honā chāhiye, utanā huā nahīn jātā. itane vikalpa āte hain, jaisā hamārā jīvan hai us anusāra. pūrī proses ekadam shāntise.. aisā kahen ki kramase āge baḍh sake vaise. dhīre-dhīre karake ham andar ūtar sake. aur rāstā vahī hai, ye to khyālamen hai ki dhyānake sivā chhūṭakārā nahīn hai.

samādhānaḥ- parantu pahale to bhedagnān honā chāhiye na. bhedagnān ho, yathārtha bhedagnān ho bādamen yathārtha dhyān ho. ekāgratā kab ho? ki mūl vastuko pakaḍe, grahaṇ kare ki main jānanevālā gnāyak hūn̐, main chaitanyadravya gnāyak hūn̐, usakā astitva antarase grahaṇ kare. ūpar-ūparase buddhise grahaṇ kare, lekin andar usakī pariṇatimense grahaṇ karanā chāhiye, usakā astitva grahaṇ kare. usakī shraddhā barābar yathārtha antarase ho to usamen ekāgra ho. mūl vastuko grahaṇ kiye binā chitta kahān̐ sthir hogā? chitta to vikalpa.. vikalpa...

vastu jo sthir svarūp gnāyak svarūp vastu hai use grahaṇ kare to usamen sthir ho, to sthir ho. pahale main chaitanyavastu-ek padārtha hū̃n. jaise ye sab padārtha dikhate hain, vaise chaitanya bhī ek padārtha hai. usamen ananta guṇ aur ananta shaktiyān̐ bharī hain, aisā chaitanyapadārtha hai. us padārthako pahale grahaṇ kare to usamen dhyān ho. isaliye pratham bhedagnān kare, gnān kare.

sharīrake sāth ekatvabuddhi ho rahī hai. sharīr so main aur main so sharīra. vikalpa so main aur main so vikalpa. usamen bhinna kaun hai? us bhinnakā astitva kahīn dikhāī nahīn detā. ataḥ bhinna astitvako pahale grahaṇ karanā chāhiye. usakī buddhimen yathārtha grahaṇ kare to yathārtha dhyān ho. isaliye pahale bhedagnān karanekī jarūrat hai ki kṣhaṇ- kṣhaṇamen jo vikalpa āte hain, vah vikalpa merā svarūp nahīn hai. merā svarūp to jānanevālā, andar jo jānanevālākā astitva hai vah main hū̃n. us jānanevālākā astitva grahaṇ

PDF/HTML Page 1116 of 1906
single page version

karaneke bād usamen dhyān ho.

usakī yathārtha ruchi ho to vah grahaṇ hotā hai. ruchi bāhar ho, bāharakī mahimā lage (to dhyān ho nahīn sakatā). andar chaitanyamen mahimā lage ki chaitanya hī sarvasva hai. aur kuchh sārabhūt nahīn hai. aise andar yathārtha grahaṇ kare to hī usamen dhyān ho. vastukā svarūp hī aisā hai.

pānī svayam svabhāvase nirmal hai. use kīchaḍake kāraṇ malinatā huī. usamen auṣhadhi ḍāle to usakī nirmalatā bhinna paḍe aur vah kīchaḍ bhinna paḍ jāya. vaise svabhāvase ātmā nirmal hai. anādise ek padārtha (hai). jo padārtha ho vah padārtha kahīn svayam svabhāvase malin nahīn hotā. lekin usamen malinatā kīchaḍake kāraṇ arthāt vibhāvake kāraṇ āyī hai.

vaise usakī dr̥uṣhṭi yathārtha (karanī chāhiye). jaise auṣhadhise pānī nirmal hotā hai, vaise svayam gnānarūp auṣhadhi dvārā apanā svabhāv jo nirmal hai, use nirmalatāko grahaṇ kare to usamense nirmalatā pragaṭ ho. use bhedagnān karanā chāhiye. pahale yathārtha gnān kare to yathārtha dhyān ho.

mumukṣhuḥ- bhedagnān karanā chāhiye, parantu bhedagnān karanā kaise?

samādhānaḥ- use pahale to yathārtha ruchi honī chāhiye, to bhedagnān ho. usīmen chalā jātā hai, ananta kālase vikalpamen hī chalā jātā hai. parantu usakī ruchi yathārtha ho to bhedagnān ho. usakā gnān yathārtha karanā chāhiye. main kaun (hūn̐)? vastu ātmā anādiananta (hai). main kaun hūn̐, merā kyā svabhāv hai, usakā svabhāv kyā hai, usamen jo anek jātakī avasthāen̐ hotī hain, vah kyā hai? use yathārtha samajhanā chāhiye. usakī ruchi yathārtha honī chāhiye. aisī lagan lage antaramense to bhedagnān ho. rāt aur din use ātmāke alāvā kahīn chain na paḍe. merā ātmā mujhe kaise pragaṭ ho? mujhe svānubhūti- ātmākā sākṣhātkār kaise ho? aisī lagan andarase lage to bhedagnān ho. usakī lagan laganī chāhiye.

phir to svabhāvamense svabhāv pragaṭ hotā hai. ye jo vikalpa hain vah to sab vibhāv hai. vibhāvamense svabhāv nahīn ātā hai, svabhāvamense svabhāv ātā hai. jaise lohemense lohā hī ho aur suvarṇamense suvarṇa hī ho. vaise chaitanyasvabhāvamense svabhāv pragaṭ ho. ye vibhāvamense to vibhāv hī pragaṭ hotā hai. isaliye apanā svabhāv grahaṇ kar lenā. aisī ruchi pragaṭ karanī chāhiye.

pahale aisī ruchi kare, usakā bhedagnān kare kṣhaṇ-kṣhaṇamen ki yah main nahīn hūn̐, merā chaitanyasvarūp bhinna hai. aise bārambār kare to usamen ekāgratā hotī hai. nahīn to samajhe

PDF/HTML Page 1117 of 1906
single page version

binākā dhyān to yathārtha jamatā hī nahī̃n. vikalpa (hone lage).

mumukṣhuḥ- nīnd ā jātī hai. dhyān karane baiṭhe to nīnd ā jātī hai. phir koī jagāye tab uṭhate haĩn. sachchī bāt hai.

samādhānaḥ- samajh binākā dhyān aisā (hī hotā hai). svayaṅko pahichānā nahīn hai, sthir kahān̐ honā? vikalpa kam karane jāy to shūnyatā jaisā ho jāya. shūnyatāmen nidrā jaisā ho jāya. kyoṅki apanā padārtha grahaṇ nahīn kiyā hai. padārtha jo jāgr̥utasvarūp ātmā hai use grahaṇ kare to usamen dhyān ho na. to usamen kuchh sukh dikhe, usamen kuchh gnān dikhe, usamen kuchh apūrvatā dikhe to usamen vah sthir rahe. kuchh dikhāī na de aur vikalpa karane jāy to kyā ho? use nīnd ā jātī hai. isaliye pahale yathārtha bhedagnān karanā ki ye main bhinna (hūn̐). padārthako jānanekā prayatna karanā.

bāharase karanese kuchh nahīn hotā. antarase karanese hī hotā hai. antaramense apanī ruchi palaṭanī chāhiye aur use khojanekā prayatna kare. usake liye shāstramen kyā kahate hain? guru kyā kahate hain? vah sab bārambār vichāranā. gurukā āshay kyā hai? vah sab vichāranā chāhiye.

prashamamūrti bhagavatī mātano jay ho!