Benshreeni Amrut Vani Part 2 Transcripts-Hindi (simplified iso15919 transliteration). Track: 201.

PDF/HTML Page 1302 of 1906
single page version

mumukṣhuḥ- .. vah prashna hotā hai ki ātmā hai, to sab vyaktimen bhinna-bhinna ātmā hai ki sr̥uṣhṭimen ek hī ātmā hai aur usakā ansh hai?

samādhānaḥ- sab bhinna-bhinna ātmā hain, ansh nahīn hai. sab dravya bhinna-bhinna haĩn. jagatamen jo ātmā hain, sab svatantra haĩn. yadi ek ansh ho to ekako duḥkhakā pariṇām ho, dūsareko dūsarā pariṇām ho, dūsareko dūsarā pariṇām ho, sabake pariṇām ek samān nahīn hote. ekako duḥkh ho to sabako duḥkh honā chāhiye. ek mokṣhamen jāy, koī svānubhūti kare, koī antar ātmāko pahachāne to koī nahīn pahachānatā hai, kisīko janma-maraṇ khaḍe rahate hain, kisakī mukti hotī hai. ataḥ aise bhed paḍate haĩn. pratyek ātmā svatantra hain, ansh nahīn hai.

sab svatantra ātmā hain, kisīkā ansh nahīn hai. ek ansh hai aur ek pūrṇa vītarāg hai, usake sab ansh hain, aisā nahīn hai. jo vītarāg hote hain vah svatantra svayam rāg- dveṣh chhoḍakar sarvagna hotā hai. phir use vibhāv hotā hī nahīn, nirmal hotā hai. phir usake thoḍe ansh rakhaḍe aur thoḍe nirmal rahe, aisā nahīn hotā. vah svatantra svayam... pratyek dravya svatantra haĩn. svayam rāg-dveṣh kare svatantra aur vītarāgatā kare svatantra, donon svatantra vastu haĩn. svayam apane puruṣhārthase karatā hai. svayam vītarāg ho, svayam rāg-dveṣh chhoḍe. kisīkā ansh ho to ek mokṣhamen jāy to ek sansāramen rahe, aisā nahīn banatā. isaliye pratyek dravya svatantra haĩn.

mumukṣhuḥ- yogavasiṣhṭha mainne paḍhā. usamen aisā hotā hai ki ātmā ek hī hai. isaliye mujhe dvidhā huyī ki vah bhī ātmākī bāt hai, yah bhī ātmākī bāt hai. to donon bhinna-bhinna kaise ho sakate hain? dharma bhale bhinna prakārase batāyen, parantu honā chāhiye ek hī. ātmākī bāt hai to ek hī vastu honī chāhiye na? bhinna-bhinna kaise ho hī sakatī hai? isaliye dvidhā honese yogavasiṣhṭhakā to kise pūchhane jānā? main kisīko aisā jānatī nahī̃n. āpake pās samādhān kar sakun̐ isaliye yahān̐ dauḍī āyī.

samādhānaḥ- aisā hai ki alag dr̥uṣhṭimen alag bāt āye. usamen yathārtha kyā hai, svayam vichār karake nakkī karanā. sabhī dravya yadi ek hī hon, ek hī ansh hon to

PDF/HTML Page 1303 of 1906
single page version

jīvakī svayaṅkī svatantratā rahatī nahī̃n. svayam paratantra ho gayā. vastumen aisā anyāy kudaratamen nahīn hotā.

svayaṅko puruṣhārtha karanā ho to ek ansh puruṣhārtha kare aur dūsarā ansh sansāramen rakhaḍe, aisā to ho sakatā nahī̃n. isaliye pratyek dravya svatantra haĩn. isaliye usamen jo āyā usakī dr̥uṣhṭi alag hai, aisā samajh lenā. svayaṅko nyāyase kyā baiṭhatā hai, yathārtha vastusthiti kyā hai, apanā svabhāv kyā hai, vah svayam apanese nakkī kar lenā ki isamen aisā hai aur usamen vaisā hai, to yathārtha kyā honā chāhiye? sab ek hī ho to jīvakī svatantratā kahīn nahīn rahatī. svayam svatantrapane kar sake aisā honā chāhiye. usake bajāy sab ansh ek hon to svatantratā nahīn rahatī.

mumukṣhuḥ- mere manamen nishchay to yahī huā. phir bhī isamen yah paḍhā, usamen aisā hai. mujhe aisā huā ki merī agnānatā ho sakatī hai, merī samajhamen pharka paḍ sakatā hai. āp gnānī ho, āp yahān̐ tak pahun̐che ho to āpake pās (samādhān karane āyī hūn̐).

samādhānaḥ- pratyek dravya svatantra haĩn. īshvar kartā hai, īshvar sab karatā hai. īshvar kartā ho nahīn sakate. vītarāg ho jāy vah kartā ho to usamen rāgādi sab ā gayā. jo vītarāg ho vah svayam apanemen hī hote haĩn. aur usake ansh nahīn hote. usake anshakā artha yah ki svayam ek chaitanyadravya ātmā hai, usamen usakī paryāyen, usakī avasthāen̐, usamen ananta guṇ aur usakī ananta avasthāen̐ vah usake ansh haĩn. bākī dūsare dravya usake ansh nahīn haĩn.

svayam nij svabhāvakā kārya kare, svayam gnānarūp, ānandarūp usakā kārya kare, vah usake ansh samajhanā. bāharake ansh vah usakā ansh nahīn hai. apane ansh hain vah svayaṅke ansh hai. bāharake ansh, dūsare jīvoṅke ansh vah usake ansh nahīn hai.

ek dravyake andar ananta svabhāv hote hain, ananta jātake kārya hote hain, jīv vibhāvamen ho to rāg-dveṣhake vikalpake anek jātake vah kārya karatā hai. vah usake ansh haĩn. aur svabhāvamen to gnānarūp, ānandarūp, apanī nirmalatārūp, vikalpa rahit akelī nirvikalpa apūrva svānubhūti, laukikamen jisakā ansh bhī nahīn hai, aisī apūrva, jise kisīke sāth mel bhī nahīn hai, aise anupam ātmākā kārya kare vah usake ansh haĩn. ye bāhar dravyake ansh vah ansh nahīn hai. andar svayam apane anshasvarūp pariṇamatā hai. dūsareke ansharūp svayam nahīn pariṇamatā.

mumukṣhuḥ- pratyek ātmākā svabhāv ek hai, usakā artha yah huā na?

samādhānaḥ- svabhāv ek jātikā hai. ek jāt hai. jānanevālā hai. sab jīv

PDF/HTML Page 1304 of 1906
single page version

jānate haĩn. ye pudagal kuchh jānatā nahī̃n. ye pudagal ek jātike haĩn. isamen varṇa, gandha, ras aisā sab ho, vah ek jāta. vah sab ek jāt hai. aur jo jānanevālā-jānanevālā hai, vah jānanekī apekṣhāse sab jānanevāle ek jātike. parantu usakī jāt yānī sab ek nahīn ho jāte.

mumukṣhuḥ- ham sirpha ek dhyān rakhe ki merā ātmā karavātā hai aur is sharīrase main karatā hūn̐, to apanā ahambhāv chalā jāy na? main karatā hūn̐, aisā jo ham logoṅko lagatā hai, vah agnān hai. hamen aisā lagatā hai ki ye sab main karatā hū̃n. gharamen kuchh bhī kām karate ho, to mainne kiyā, mainne kiyā. vah ahambhāv, yadi ātmā karatā hai, ātmā karavātā hai aur is sharīrase karatā hūn̐, to ahambhāv chalā jāyagā?

samādhānaḥ- ātmā karavātā nahīn, ātmā jānanevālā hai. parapadārthakī kartābuddhi, kuchh karanā vah usakā svabhāv nahīn hai. ye to sharīr hai, bīchamen nimitta aur vikalpa āte haĩn. isaliye vikalponse hotā hai. vikalpamen ātmā juḍatā hai isaliye hotā hai. lekin aisā karanā usakā svabhāv nahīn hai, aisā sab karanekā.

main to jānanevālā gnāyak hū̃n. ye sab kartābuddhi (hai). paradravyakā main kaise kar sakūn̐? main koī karanevālā nahīn hai. lekin is sharīrake sāth anādikā sambandha hai aur vikalpa, rāg-dveṣhamen paḍā hai. ataḥ kartābuddhi hai isaliye hotā hai. bākī main jānanevālā hū̃n. kisīkā main kuchh kar nahīn sakatā. parapadārthakā main kuchh nahīn kar sakatā. ahambhāv chhoḍ de.ain dūsarekā kuchh nahīn kar sakatā, mere ātmākā kar sakatā hū̃n. main parapadārtharūp hotā nahī̃n. main to svabhāvarūp hoūn̐ vah merā svabhāv hai. ye bāharakā karanā vah merā svabhāv nahīn hai.

aise svabhāvakā vichār kare. vikalpa āye isaliye yah sab karanekā hotā hai. vikalpake kāraṇa. main koī anyarūp ho jāūn̐ to main ghararūp ho jāūn̐. yadi main ghararūp hoūn̐ to. main to bhinna hū̃n. main kahīn ghararūp bhī nahīn hūn̐ aur is sharīrarūp bhī nahīn hū̃n. sharīrase bhī main to bhinna hū̃n. isaliye ye sab karanā to svatantra hotā hai. main to mātra vikalpa merā ho, rāg-dveṣhakā isaliye isamen kāryamen juḍatā hūn̐, kartābuddhike kāraṇa. bākī main to jānanevālā hū̃n.

mumukṣhuḥ- aliptapanā ā sakatā hai?

samādhānaḥ- ā sakatā hai. puruṣhārtha kare to ā sakatā hai. antaramen kṣhaṇ-kṣhaṇamen aisā ho ki main to jānanevālā hū̃n. ye sab ekamek jo vikalpakī jālamen (ho rahā hūn̐), vah merā svabhāv nahīn hai, main to jānanevālā hūn̐, sākṣhī hū̃n. yah merā svarūp nahīn hai. aise antarase virakti āye aur nirlep ho sakatā hai.

PDF/HTML Page 1305 of 1906
single page version

ye koī sukhakā kāraṇ nahīn hai, ye koī mahimāvant nahīn hai. mahimāvant ho to merā ātmā hai. ye kuchh mahimārūp nahīn hai. aise nirlepatā ā sakatī hai. aisā sab karake ananta ātmāonne aise kārya kiye hain, mahāpuruṣh gr̥uhasthāshramamen rahakar nirlep rah sake haĩn. pratyek ātmā aisā shaktimān hai ki jo kar sakatā hai.

mumukṣhuḥ- lekin vah paramātmāmen mil jātā hai. ātmāmen jab vītarāgatā ā jāy, sab chhoḍ sake, ātmākā gnān ho to ākhiramen vah paramātmāmen mil jātā hai?

samādhānaḥ- mil na jāy, vah svayam svatantra rahe. aise ananta dravya hain, aise ātmā paramātmārūp hue haĩn. siddhālay hai usamen pratyek dravya svayam apanī svānubhūti svatantra karate haĩn. vītarāg hokar svayam svatantra rahatā hai, kisīmen mil nahīn jātā. usakī jāt ek hai. ek jātake ho jāte haĩn. ek jātake, svānubhūti ek jātakī kare, lekin pratyek svatantra haĩn. svayam apanemen (rahatā hai). vah arūpī hai aisā ki use koī jyādā kṣhetra nahīn chāhiye. isaliye ākāshake amuk kṣhetramen ananta jīv rah sake, aisā paramātmā ban jāya. jāt ek, parantu pratyek svatantra rahate haĩn.

mumukṣhuḥ- gurudevako samarpaṇ karanese ātmākā gnān hamen ho, vah bāt satya hai? gurudevako apanā ahambhāv arpaṇ kar de, main hūn̐ hī nahīn, ātmā hī hūn̐, jo āpake andar hai vahī meremen hai, lekin āpane sab prāpta kar liyā, āpane sab samajh liyā, anubhav ho gayā. ham samajhe, hamen anubhav nahīn huā hai. anubhav āpakī kr̥upāse ho yā hamāre puruṣhārthase hī hotā hai? āpakī kr̥upā bhī chāhiye? gurudevakī? jise guru mānā unakī kr̥upā aur apanā puruṣhārtha donon chāhiye yā akelā puruṣhārtha hī chāhiye?

samādhānaḥ- jo puruṣhārtha karatā hai use sāthamen kr̥upā hotī hī hai. nimittamen guru hote hain aur upādānamen svayam hotā hai. donon sāthamen hote haĩn. gurukī kr̥upā to usamen sāthamen hotī hī hai. vastusthiti-se svayam puruṣhārtha kare tab hotā hai, parantu gurukī kr̥upā to sāthamen hotī hai.

mumukṣhuḥ- ab, āpako mainne guru mānā. ab, yahān̐ roj to nahīn ā sakatī. mumbaī rahatī hūn̐, bachche hain... shraddhāpūrvak yah mānatī hū̃n. to sansāramen rahakar sansārase alipta rahakar, manase alipta rahakar, sansārake kārya chalate rahe, alipta rahakar bhī āpako guru mānakar, main āpake vachan paḍhakar, karake main prāpta kar sakatī hūn̐? yā pratyakṣha guru chāhiye hī?

samādhānaḥ- svayam prāpta kar sakatā hai. svayam kahīn bhī baiṭhakar puruṣhārtha karake sachchā samajhe to prāpta kar sakatā hai. prāpta kar sakatā hai. aisā hai ki anādi kālamen jīv janma-maraṇ karate-karate use ek bār guru athavā dev koī milate haĩn. unakī pratyakṣha

PDF/HTML Page 1306 of 1906
single page version

vāṇī sune, vah pratyakṣha vāṇī sunakar andar ūtar jāy, phir kahīn bhī ho, vah prakaṭ kar sakatā hai. gurudev mumbaīmen padhārate the, mālūm nahīn hogā?

mumukṣhuḥ- nahīn, pahale main ek bār gaī thī.

samādhānaḥ- gaye the? vahān̐ mumbaīmẽn.

mumukṣhuḥ- hamako svayaṅko lage, shraddhā baiṭh jāy ki yah satya hai, mujhe is mārga par jānā hai.

samādhānaḥ- shraddhā, svayam antaramen shraddhā kare ki yah mārga sachchā hai. phir antaramen svayaṅko bhedagnān karanā bākī rahatā hai. yah sharīr merā svarūp nahīn hai. andar vibhāv hote hain, vah bhī merā svarūp nahīn hai. main to antaramen gnāyakasvabhāv jānanevālā usamen ānanda bharā hai. aisī shraddhā antarase karake, andar jo ekatvabuddhi ho rahī hai use toḍakar bhedagnān karanekā prayatna kare ki main to gnāyak hū̃n. aise bārambār prayatna kare, yathārtha samajhakara.

prayatnakā abhyās bārambār kare to use pragaṭ ho. usakā abhyās yathārtha honā chāhiye. usakī shraddhā yathārtha honī chāhiye. jo gurune kahā hai, us mārga par svayam barābar chale to apane puruṣhārthase pragaṭ kar sakatā hai. svayam kahīn bhī ho, puruṣhārthase kare to ho sakatā hai.

jīvanamen jo guurudevane mārga batāyā hai, us mārga par jānā hai. koī apūrva vāṇī gurudevakī barasatī thī. us mārga par jānā hai. us mārga par svayam taiyār ho to prāpta hue binā (rahatā nahīn). guruke vachan grahaṇ kare to usamen gurukī kr̥upā ā jātī hai. jo gurune jo vachan kahe us svayam andar yathārtha samajhe, samajhapūrvak, binā samajh nahīn, samajhapūrvak grahaṇ kare aur puruṣhārtha kare to use pragaṭ hue binā nahīn rahatā. aisā nimitta- upādānakā sambandha hai.

... sab kam hai. chaitanyako pahachānanā, chaitanyako pahachānanā. pūrā jīvan badal jātā hai. dr̥uṣhṭi bāhar kriyāommen thī, usamense chaitanya par dr̥uṣhṭi karavāyī. .. usake pahale dādaramen thā, vah kaun-sā varṣha thā? 87vī̃n. bhāvase kare usamen .... gurudevakā pratāp vartatā hai.

muumukṣhuḥ- chintā rahatī hai. jaise āpane gurudevako sab saump diyā, hamane āpako saump diyā.

samādhānaḥ- gurudevane bhāv... jahān̐ bhāvapradhān hai, vahān̐ bāhya sanyog āḍe āte hī nahī̃n. jahān̐ bhāvapradhānatā hotī hai vahā̃n. mārga itanā saral kar diyā. dūsaroṅko sat khojanā mushkil paḍ jātā hai ki kyā svarūp hai? aur kis mārga par jānā? aisā-

PDF/HTML Page 1307 of 1906
single page version

aisā jo ekadam anājane hain, vah pūchhate haiaĩn.

gurudevane sat kyā? vah to ekadam spaṣhṭa karake batāyā hai ki kis mārga par jānā hai. phir puruṣhārtha karanā hī bākī rahatā hai. bākī mārga to ekadam spaṣhṭa karake batā diyā hai. vibhāv terā svabhāv nahīn hai. dravya, guṇ, paryāy usake bhed par bhī dr̥uṣhṭi mat kara. akhaṇḍa par dr̥uṣhṭi kara. ekadam sūkṣhmatāsūkṣhma karake mūl tak jākar sab samajhā diyā hai, gurudevane.

mumukṣhuḥ- ..

samādhānaḥ- sabako bhagavān kahate the. are..! bhagavān! bhagavān kahate the. tū mūl shaktise to bhagavān hai. āj ṭepamen bhī (āyā thā). ... koī bhed nahīn dikhatā.

.. virājate the tab baḍhatā hī jātā thā. aur abhī bhī unakī prabhā aisī hī vardhamān ho rahī hai.

mumukṣhuḥ- āpake āshīrvād hai, aise hī hogā.

mumukṣhuḥ- asal mānastambh kaisā hogā samavasaraṇamen?

samādhānaḥ- us mānastambhakī kyā bāt karanī?

mumukṣhuḥ- vichār āyā ki kuchh jānane mile to.

samādhānaḥ- anek jātake mānastambh hote haiaĩn. indra dvārā rachit, us mānastambhako dekhakar mān gal jātā hai. jo ratna aur anek jātake...

mumukṣhuḥ- pūrā mānastambh ratnakā?

samādhānaḥ- vividh ratnon dvārā rachit hai.

mumukṣhuḥ- chaumukhī pratimājī jaisī ham logonne yahān̐ rakhī hain, vaise hī ūpar-nīche (hotī hain)?

samādhānaḥ- usamen to anek jātakī rachanā hotī hai, mānastambhamẽn. itanī chhoṭī jagah ho, utanemen pūjā kar sake, bhagavānako itane chhoṭe devālayamen virājamān karanā paḍe aisā nahīn hotā. usakī rachanā koī alag jātakī hotī hai. sab yahān̐ ākar pūjā karate haĩn.

mumukṣhuḥ- ye to bahut chhoṭī pratikr̥uti hai.

samādhānaḥ- hān̐, chhoṭā hai na.

mumukṣhuḥ- vah to yojanoṅke vistāramen hogā.

samādhānaḥ- hān̐, sab yojanamen hotā hai, vishāl hai. samavasaraṇ kitanā hai, usakā mānastambh vaisā hotā hai. ūn̐chā utanā hotā hai, chauḍā utanā hotā hai. usakā sab nāp ātā hai.

PDF/HTML Page 1308 of 1906
single page version

mumukṣhuḥ- āj sīmandhar bhagavānakā janmakalyāṇ divas hai? hamāre ek bhāī aisā kahate the. janma kalyāṇak nahīn, kevalagnān kalyāṇaka.

samādhānaḥ- shāstramen sīmandhar bhagavānakā keval kalyāṇak yā aisā kuchh nahīn ātā hai.

mumukṣhuḥ- vah bhāī to shvetāmbar the.

samādhānaḥ- hogā unake hisābale. lekin yahān̐kā sab alag hai. .. nāradane vahān̐ jākar bhagavānakā janma kalyāṇak dekhā, bhagavānakā keval kalyāṇak dekhā. nāradane dekhā aisā ātā hai, parantu usakā din kaun-sā aisā nahīn ātā hai. nāradajī yahān̐-se sīmandhar bhagavānake pās gaye the aur yahān̐ ākar bāt karate hain ki mainne sīmandhar bhagavānakā janma kalyāṇak yā keval kalyāṇak dekhā. aisā kahate hain ākara. usamen ātā hai.

phir vahān̐ mahāvideh kṣhetramen baḍe-baḍe mandir haĩn. bhagavānakā mainne kalyāṇak dekhā, aisā ākar kahate haĩn. manuṣhyake hisābase mandir baḍe hote haĩn. pān̐chasau dhanuṣhakā ho usase manuṣhya kam hote hain, parantu hote to hain na. sab nāpakī bāt hai. lekin manuṣhya baḍee hote haĩn.

samādhānaḥ- ... sanyog hai, sab lekar āye the. isaliye unhen to sanskār jāgr̥ut ho gaye. jo thā vah pragaṭ kiyā. .. dīkṣhā yahān̐ lī, lekin badal gayā ki yah mārga sachchā nahīn hai. andarase vichār sphūre. koī kuchh jānatā nahīn thā. akelī kriyā hī thī. aur digambarommen bhī mārga (hone par bhī) dr̥uṣhṭi to aisī kriyāmen (thī).

mumukṣhuḥ- saurāṣhṭramen to digambarakā to bahut kam sthān hai.

samādhānaḥ- digambarakā nām bhī kisīne sunā nahīn thā. kuchh nahī̃n. svapna bhī āyā thā ki main rājakumār hū̃n. dīkṣhā leneke bāda. sharīr koī alag hī hai. svapna barābar unhen hūbahū (ātā thā). is bhavakā sharīr nahīn, sharīr alag hī thā, aisā kahā thā. baḍā sharīr thā.

mumukṣhuḥ- ... pakkā ho gayā. gurudev..

samādhānaḥ- tīrthaṅkar hūn̐, tīrthaṅkar honevālā hūn̐, aisā antaramen-se (ātā thā). aisī pratīt ātī thī.

mumukṣhuḥ- aisī pratīt ātī ho to apane dravyake kāraṇ aisā khyāl ātā hogā?

samādhānaḥ- apanā dravya aisā hai, isaliye antaramen-se pratīt hotī thī. sunā ho vah to barābar hai, lekin andarase nij dravyakī aisī yogyatā hai isaliye pratīt ātī thī. .. pratīt antaramen kab ho? ki apanī yogyatā andar sāthamen hai, isaliye pratīt ātī hai.prashamamūrti bhagavatī mātano jay ho!