Benshreeni Amrut Vani Part 2 Transcripts-Hindi (simplified iso15919 transliteration). Track: 234.

PDF/HTML Page 1530 of 1906
single page version

mumukṣhuḥ- koī pahalū bākī na rahe, samajhāneke liye.

samādhānaḥ- sabhī pahalūon̐-se samajhāyā hai. sharīr-se bhinna, vikalpon-se, shubhāshubh- se bhinna, andar kṣhaṇik paryāyommen bhī tū aṭakanā mata. tū shāshvat chaitanya (hai) use tū grahaṇ kara. bīchamen shubhabhāv āye lekin vah terā svarūp nahīn hai. tū koī guṇoṅke bhed yā koī bhedamen aṭakanā mata. bhale teremen ananta guṇ hain, parantu tū koī bhedamen aṭakanā mata. akhaṇḍa chaitanya par dr̥uṣhṭi kara. sab gnānamen grahaṇ kar (-jān), parantu tū ek akhaṇḍa chaitanyako grahaṇ kara. chāron or-se samajhāyā hai.

... jānanevālā hai. sab vikalpake bīch jo jānanevālā hai vah main hū̃n. usakā bhedagnānakā prayatna karanā. ye sab vikalpa, koī bhī vikalpa ho, vikalpake bīch main ek jānanevālā gnāyak ek chaitanya tattva hūn̐, shāshvat ek ātmā hū̃n. use pahachānanekā prayatna kara. upayog bāhar jāy to dev-guru-shāstrakī mahimā, jinendra dev, gurune kyā kahā hai, koī apūrva mārga batāyā, shāstramen kyā kahanā hai? aur antaramen jāy to ek ātmā. ātmāke dhyeyapūrvak sab honā chāhiye.

chāhe jaise ūn̐che shubhabhāv ho, parantu shubhabhāv bhī ātmākā svarūp nahīn hai. bīchamen shubhabhāv āte hain, parantu vah svarūp-ātmā usase bhinna hai. siddha bhagavān jaise nirvikalpa tattva hai, vaisā hī ātmā nirvikalpa tattva hai, use pahachānanekā prayatta kara. usakī lagan, mahimā, usakā vichār, usakā vāñchan sab karanā. usakā bhedagnān kaise ho? chaitanya akhaṇḍa tattva hai, use grahaṇ karanā, use grahaṇ karanekā prayatna karanā aur parake sāth jo ekatvabuddhi ho rahī hai, vibhāvake sāth, us vibhāvase kaise bhinna paḍe aur ātmā grahaṇ kaise ho, yah karane jaisā hai.

ātmākā astitva kaise grahaṇ ho? aur ye vibhāvase vibhakta-bhinna kaise paḍe? yah karaneke liye vichār, vāñchan ādi sab karanā hai. ananta janma-maraṇ kiye lekin bāhar kahīn-kahīn kriyāommen isase dharma hogā, isase dharma hogā (aisā mānā). dharma antaramen rahā hai. antar ātmāko pahachāne usīmenn dharma hai. dharma ātmākā svabhāv hai, vah svabhāv kaise pahachānamen āye?

PDF/HTML Page 1531 of 1906
single page version

ātmākā ek gnānasvabhāv hai vah aisā asādhāraṇ hai ki vah jān sake aisā hai. ye sab vikalpoṅke bīch jo hai, sab vikalpa chale jāte hain, parantu jānanevālekā astitva vidyamān rahatā hai, vah jānanevālā main hū̃n. us jānanevālemen ananta ānandādi bhare haĩn. parantu vah vikalpake sāth juḍā rahatā hai isaliye usakī anubhūti use nahīn ho rahī hai. usakā bhedagnān karake svarūpamen līn ho to nirvikalpa svarūp ātmā hai, usakī anubhūti ho.

svabhāvamen-se svabhāv pragaṭ hotā hai. vibhāvamen-se svabhāv nahīn ātā hai. sphaṭik svabhāv-se nirmal hai. usamen lāl aur pīle phūl rakhane-se lāl aur pīlā dikhatā hai, parantu vah vāstavik rūp-se nirmal hai. aise ātmā svabhāv-se nirmal hai. vibhāvakī pariṇatike kāraṇ vah vikalpavālā dikhatā hai. lekin usakā bhedagnān karake antarame n jāy to usakī nirmal paryāy pragaṭ hotī hai.

svabhāv-se to vah vartamān dravyadr̥uṣhṭi-se nirmal hai. vartamān avasthāmen malinatā dikhatī hai. parantu antar dr̥uṣhṭi kare to nirmalatā pragaṭ hotī hai. bārambār usakā abhyās karate rahanā. vah pragaṭ na ho tabatak usakī mahimā, laganī, vichār, chintavan sabakā bārambār abhyās karate rahanā. jabatak pragaṭ na ho tabataka.

(chhāchhako bilote-bilote) makkhan bhinna paḍ jātā hai. aise bārambār abhyās karane- se andar bhedagnān hokar ātmā jaisā hai vaisā pragaṭ hotā hai. parantu usakā abhyās aur puruṣhārtha pūrā ho to hotā hai. antaramen svayam jitanā rakhe utanā hotā hai, bākī bāhar to sab vātāvaraṇ alag hotā hai.

.. ātmākā kar sakatā hai. andar puṇya-pāpake uday anusār hotā hai. chāhe jitanā kare to vah hāthakī bāt nahīn rahatī. mātra rāg ho ki isakī davāī kī, yah kare, vah kare, rāg ho. bākī usakā sharīr usake kāraṇ pariṇamatā hai. ātmā svayam apanā svabhāv pragaṭ kar sakatā hai. aur vah ek adabhut svarūp, adabhut chīj ātmā hai. antar dr̥uṣhṭi kare to pragaṭ ho aisā hai.

... svānubhūti hone par siddha bhagavān jaisā anubhav use antaramen līn ho to ānshikarūp hotā hai. phir to visheṣh sādhanā karane par āge baḍhatā hai. pahale to usakī sachchī pratīti aur anubhūti hotī hai. phir visheṣh līnatā ho tab āge baḍhatā hai.

mumukṣhuḥ- .. karanekī sūjh āye? āpakī āgnā anusār abhyās aur prayatna karatā rahatā hūn̐, parantu vah sūjh bhī antaramen ānī chāhiye na ki antaramen... vah mālūm kaise paḍe ki antaramen dr̥uṣhṭi (huyī hai)?

samādhānaḥ- apanā yathārtha ho to svayaṅko ātmāmen mālūm paḍ jātā hai ki

PDF/HTML Page 1532 of 1906
single page version

merī dr̥uṣhṭi yathārtha pragaṭ huyī hai. mujhe ātmā jahān̐ vibhāv-se bhinna, chaitanya bhinna svayam apaneko grahaṇ ho to svayam apane-se gupta nahīn rahatā. svayam chaitanya hai aur usakī svānubhūti yā usakā gnān aur usakī pratīti ho vah gupta nahīn rahatā. svayaṅko mālūm paḍe binā rahe hī nahī̃n. apanā ātmā hī andar sākṣhī (detā hai), use khyāl ā jātā hai ki yah yathārtha muktikā mārga hai aur yathārtha svānubhūti hai.

parantu jabatak vah na ho tabatak usakī ruchi, mahimā, usake pīchhe lage. jabatak na ho tabatak thake nahī̃n. tabatak vāñchan, vichār, andar mahimā, laganī karatā rahe. usakī bhāvanā rakhe, usakā prayatna karatā rahe to bhī achchhā hai. usakī dr̥uṣhṭi honemen der lage to ulajh na jāy, parantu andar usakī bhāvanā kare, usakī apūrvatā lage ki ātmā koī apūrva hai. ye kuchh apūrva nahīn hai, bāhya vastuen̐. aisī apūrvatā kare, aisī ruchi lagāye to bhī achchhā hai. to use āge prayatna karanekā, āge baḍhanekā avakāsh hai.

... apane ātmā-se hī svayaṅko mālūm paḍ jātā hai ki yah vastu yathārtha hai. nahīn to use santoṣh nahīn hotā. aur jabatak andar-se svayaṅko pragaṭ na ho tabatak ruchi, mahimā, vichār karatā rahe to bhī achchhā hai. apūrva hai, aisī apūrvatā antaramen- se lage to usakī mahimā badal jāy, bāhar-se ruchi badal jāy, to bhī achchhā hai.

.. pragaṭ na ho, mandirake dvārā banda ho to mandirake dvār par tū ṭahel lagāte rahanā. vaise yah chaitanya gnāyak bhagavān pragaṭ na ho to usake dvār par ṭahel lagāte rahanā, to bhī achchhā hai. to kuchh āge jānekā avakāsh hai. abhyās karate rahanā.

samādhānaḥ- ... usake sāth gnān kām karatā hai ki main akhaṇḍa shāshvat hūn̐, parantu paryāy adhūrī hai, shuddha paryāy abhī pragaṭ nahīn huyī hai. pramāṇagnān... sādhakadashā usīko kahate hain ki dr̥uṣhṭi aur gnān donon sāthamen rakhe. pramāṇagnān aur samyak nay jo pragaṭ huyī,...

mumukṣhuḥ- nay aur pramāṇ hameshā sāthamen hī hote haĩn.

samādhānaḥ- jo pariṇatirūp hai vah to hameshā sāthamen hī hai. hameshā sāth hai.

mumukṣhuḥ- donoṅke viṣhay bhinna-bhinna hai.

samādhānaḥ- vikalpātmak nayake vichār kare pramāṇ aur.. lekin ye pariṇatirūp jo sahaj hai, usamen kramabhed nahīn hotā, donon sāth hī hote haĩn. anubhavamen jo shuddha pariṇati pragaṭ huyī, us apekṣhā-se shuddhanay kahanemen ātā hai aur dravya-paryāy donoṅkī anubhūti hai isaliye usako pramāṇ bhī kahanemen ātā hai. use nay bhī kahate hain aur pramāṇ bhī kahanemen ātā hai.

dravya aur paryāy donon sāthamen hain, isaliye pramāṇ hai. pramāṇagnān sāthamen hai. gnān

PDF/HTML Page 1533 of 1906
single page version

bhī kām karatā hai aur dr̥uṣhṭi bhī nirvikalpapane anubhūtimenn kām karatī hai. isaliye pramāṇagnān... use anubhūti huyī use shuddhanay kahanemen ātā hai. shuddha paryāy pragaṭ huyī, shuddhatākā viṣhay grahaṇ kiyā, us rūp pariṇati hai, isaliye shuddhanay kahanemen ātā hai, shuddha anubhūti hai isaliye. aur use pramāṇ bhī kahate haĩn. kevalagnān pragaṭ huā use pramāṇ bhī kahanemen ātā hai. kevalagnān pūrṇa ho gayā. dravya aur paryāy sab.. paryāy pūrṇa huyī, kevalagnānako pramāṇ kahanemen ātā hai. aur sāthamen nay to hai hī, parantu nirvikalpa.. anubhūtimen bhī nay aur pramāṇ sāthamen hote haĩn. savikalpa dhārāmen jitanī pariṇati pragaṭ huī, usamen bhī nay aur pramāṇ sāth hote haĩn.

mumukṣhuḥ- mātājī! jab anubhav ho tabhī lāgū paḍe na, sachchā pramāṇagnān to.

samādhānaḥ- anubhav ho tabhī lāgū paḍatā hai. savikalpa, usakā upayog bāhar hai to bhī usakā gnān kām karatā hai. jitanī dravya par dr̥uṣhṭi hai aur gnān sāthamen, ye vibhāv hote hain vah main nahīn hūn̐, main chaitanyarūp hū̃n. yah main nahīn hūn̐, main chaitanyarūp hū̃n. aisī jātakī bhedagnānakī dhārā chalatī rahatī hai. savikalpatāmen jitanī bhūmikā chauthī, pān̐chavī, chhaṭhṭhī, sātavīṅko gnān jānatā hai. jānanekā kārya to usakā sāth hī hai. dravyako bhī jānatā hai, paryāyako bhī jānatā hai. jānanekā kām sāth hī hai.

mumukṣhuḥ- vah anubhavake bādakā pramāṇagnān huā na?

samādhānaḥ- hān̐, vah anubhav honeke bādakā.

mumukṣhuḥ- usake pahale to pramāṇagnān nahīn kah sakate na?

samādhānaḥ- sachchā pramāṇagnān (nahīn hai).

mumukṣhuḥ- lāgū nahīn paḍatā hai na?

samādhānaḥ- nahī̃n. anubhavake bād hī sachamūchamen nay aur pramāṇ tab lāgū paḍatā hai. anubhavake bād bhale savikalpamen ho yā nirvikalpamen ho, anubhavake bād, tabhī sachchā pramāṇ aur sachchī nay lāgū paḍatī hai. usake pahale to sab nishchay, vichār karatā hai. pramāṇakī sachchī pariṇati yā nayakī sachchī pariṇati usake pahale pragaṭ nahīn huyī hai. mātra vah abhyās karatā hai.

.. nay aur pramāṇ sāthamen hī hote haĩn. aur nirvikalpamen to vikalpa rahit nirvikalpapane hai.

mumukṣhuḥ- nay aur pramāṇase rahit hai, nirvikalpa anubhavake kālamẽn.

samādhānaḥ- hān̐, nirvikalpa anubhavake kālamẽn. use apekṣhā-se shāstramen shuddhanay kaho, shuddha anubhūti kaho, use pramāṇ kaho. vah sab kahanemen ātā hai. vah nirvikalparūp hai. gurudavane mahā upakār kiyā hai. chāron or-se spaṣhṭa kar-karake batāyā hai.

PDF/HTML Page 1534 of 1906
single page version

mumukṣhuḥ- ab to na kare to apanī hī mūrkhatā hai.

samādhānaḥ- hā̃n. svayam na samajhe to apanā hī kāraṇ hai.

mumukṣhuḥ- āyuṣhyake tīsare bhāgamen paḍe aisā koī niyam hai?

samādhānaḥ- hān̐, tīsare bhāgamen paḍatā hai. āyuṣhya ho usake tīsare bhāgamen paḍatā hai. phir na paḍe to bīchamen paḍatā hai. ākhiramen āyuṣhya pūrā honevālā ho usake pahale paḍe. aisā bhī hotā hai.

mumukṣhuḥ- usake tīsare samayamẽn.

samādhānaḥ- hān̐, aise paḍatā hai. aṣhṭamī, chaudasī aisā nahī̃n.

mumukṣhuḥ- āṭh bhav hī ho, aisā koī niyam hai?

samādhānaḥ- hān̐, aisā niyam hai.

mumukṣhuḥ- lagātār āṭh bār hī mile.

samādhānaḥ- hān̐, āṭha. usase jyādā nahīn hote.

samādhānaḥ- ... ek hī karanā hai. usake liye sab (karanā hai). ātmā bhinna, sharīr bhinna. do tattva bhinna hain, anādiananta. ātmā gnānasvabhāv-se bharā gnāyak vastu hai. usamen ānandādi guṇ bhare haĩn. us ātmāko kaise pahachāne? ye sab vikalpa rāg- dveṣh kaṣhāy ātmākā svarūp nahīn hai. ātmāko usase bhinna karanā. ye sharīr to jaḍ kuchh jānatā nahī̃n. un sabakā bhedagnān kaise ho, vah karane jaisā hai.

jaise pānī svabhāv-se shītal hai, parantu agnike nimitta-se uṣhṇa dikhatā hai. parantu usakā shītal svabhāv chalā nahīn jātā. vaise ātmā svabhāv-se nirmal svabhāvī hai. nirmal svabhāv hai, parantu vibhāvamen jātā hai na, isaliye use rāg-dveṣh kaluṣhitatā dikhatī hai. parantu antaramen dr̥uṣhṭi kare to ātmā vītarāgasvarūp nirmal svabhāv shītal svabhāv hai. use kaise pahachānanā? bas, vah karane jaisā hai.

yathārtha gnān kare, yathārtha vichār karake usakī mahimā lagāye, lagan lagāye, usakā bhedagnān kare to antaramen āge jānā hotā hai. usake liye vichār, vāñchan ādi karane jaisā hai. shubhabhāv jīvane ananta bār kiye hain, puṇya bāndhā, devalokamen gayā. parantu devamen-se vāpas āyā. paribhramaṇ khaḍā rahā. ananta janma-maraṇ kiye chār gatimen, lekin bhavakā abhāv kaise ho?

bhavakā abhāv to shuddhātmāko pahachāne to hotā hai. ananta kālamen kriyāen̐ bahut kī, munipanā liyā, parantu antar ātmāko pahachānā nahīn, to bāhar-se tyāg kiyā, sab kiyā. parantu ātmāko pahachānā nahī̃n. isaliye mātra puṇyabandha huā, devalok huā. shubhabhāv āye to puṇyabandha hotā hai, to devalok hotā hai. parantu paribhramaṇ chhūṭatā nahī̃n.

PDF/HTML Page 1535 of 1906
single page version

puṇyabhāv hai, bīchamen puṇyabhāv ātā hai, parantu vah ātmākā svarūp nahīn hai, aise shraddhā barābar karanī chāhiye. phir dev-guru-shāstrakī mahimā āve, shubhabhāv āve parantu main usase bhinna hū̃n. aisī shraddhā antaramen honī chāhiye.

jaisā siddha bhagavānakā svarūp hai, vaisā merā svarūp hai. vaisā main chaitanya ātmā hū̃n. jaisā bhagavānakā svarūp hai, vaisā chaitanyakā svarūp hai. aise pahachān karanī chāhiye. usakī pahachān kare, usameen līnatā kare to muktikā mārga pragaṭ ho. antaramen ātmākī svānubhūti ho. aur vah svānubhūti baḍhate-baḍhate phir munidashā ātī hai. aise hī tyāg kar de, muni ho jāy, sab kare, aisī kriyāen̐ ananta bār kī, lekin bhavakā abhāv nahīn hotā. bhavakā abhāv ātmāko pahachāne to hī hotā hai.

... sab kiyā, lekin samyagdarshan koī apūrva hai. samyagdarshan ho, antaramen svānubhūti ho, ātmākā anubhav ho, ātmāke ānandakā vedan ho. jaisā siddha bhagavānake ātmākā svarūp hai, vaisā ānshik vedan samyagdr̥uṣhṭiko gr̥uhasthāshramamen hotā hai. parantu vah antar- se nyārā ho aur andar-se virakta ho, ātmāko pahachāne to ho.

mumukṣhuḥ- itanī-itanī mahenat karate hain..

samādhānaḥ- mahenat to antaramen svayaṅko karanī paḍatī hai. antaramen svayam vibhāv- se bhinna paḍe, bāharakī ekatvabuddhi ṭūṭe, bāharakā ras ṭūṭ jāy, antaramen hī lagan lage to ho. bāhar jahān̐-tahān̐ ekatvabuddhi aur bāharamen sab sarvasva mān le, bāhar kaise achchhā ho? sharīrakā kaise achchhā ho? kuṭumbakā, yah-vah, sabamen ekatvabuddhi hai. ekatvabuddhi ṭūṭe, antaramen vītarāg... bāharase sab chhūṭ nahīn jātā, parantu antaramen-se vah nyārā ho jātā hai. ras kam ho jāya.

tap, sachchā tap to antaramen ātmākā sachchā svarūp hai, use pahachāne. ātmā jānanevālā hai use pahachānakar andar tīkṣhṇatā (kare), andar līnatā aur tīkṣhṇatā kare to vah tap hotā hai. aur usake sāth shubhabhāv āve, isaliye main yah tyāg karun̐, āhār chhoḍūn̐, aisā vikalpa āye, us shubhabhāv-se puṇyabandha hotā hai. parantu antaramen svānubhūti hokar antaramen ātmāko pahachāne aur ātmākī andar ugratā ho, ātmākā svarūp samajhamen āye aur andaramen līnatā ho to vah sachchā tap antaramen hotā hai. bāhar- se mātra āhār chhoḍ de aur vikalpa to kahān̐-kahān̐ bhaṭakate ho. to vah sachchā tap nahīn hotā hai. shubhabhāv, achchhe bhāv kare to puṇyabandha hotā hai. to achchhā bhav mile.

... tap kiyā thā, ve antaramen ūtar gaye. ātmākī svānubhūtipūrvaka. phir āhārakā vikalpa bhī nahīn ātā hai. ātmāke ānandamen aise rahate hain ki unhen vikalpa bhī nahīn ātā hai. vismr̥ut ho jātā hai. sharīr bhinna aur ātmā bhinna. āhārakā bhī

PDF/HTML Page 1536 of 1906
single page version

vikalpa nahīn ātā hai. ātmāke ānandamen rahe, vah sachchā tap kahanemen ātā hai. bākī andar jabarajastī karatā rahe, kriyā chhoḍatā rahe to vah to mātra bāharakā tap hotā hai. sachchā tap nahīn hotā hai. aise samajhanā chāhiye ki sachchā tap antaramen hai.

bhagavānane jo tap kiyā vah, ātmāke ānandamen (rahakar kiyā). vikalpa bhī nahīn ātā. sharīr bhinna aur ātmā bhinna. unhen khyāl bhī nahīn hai, is tarah ātmāmen ūtar jāte haĩn. usakā nām antaramen samaras pragaṭ huā, usakā nām sāmāyika. sab antaramen hotā hai. bāhar-se kriyā karake baiṭhe aur man bāhar bhaṭakatā ho to vah sachchī sāmāyik nahīn hotī.

sāmāyik to antaramen bhedagnān karake ātmāko pahachāne aur antaramen sthir ho to sachchī sāmāyik hotī hai. .. pariṇām ho us par paḍatā hai. man kahīn dūsaremen bhaṭakatā ho, to us sāmāyikakā phal nahīn ātā. jaisā bhāv ho vaisā bandhan hotā hai. parantu usase bhinna ātmāko pahachāne to use mokṣha hotā hai. manuṣhyabhav mushkilase mile, usamen ātmāko pahachāne to saphal hai.

prashamamūrti bhagavatī mātano jay ho!