Benshreeni Amrut Vani Part 2 Transcripts-Hindi (simplified iso15919 transliteration). Track: 235.

PDF/HTML Page 1537 of 1906
single page version

samādhānaḥ- sachchā prayatna nahīn hotā hai. prayatna, manda-manda prayatna ho usamen pahachān nahīn hotī. usakī ruchi honī mushkil hai. usakī ruchi kare, mahimā kare ki ātmā koī apūrva chīj hai. jagatakī koī vastu anupam nahīn hai. sabase anupam ho to ātmā hī hai. aisī ātmākī anupam mahimā laganī chāhiye ki merā ātmā bhinna hai aur yah sab bhinna hai. usakī mahimā lage. phir usakā prayatna kare.

ruchike sāth prayatna hotā hai. ruchike binā prayatna hotā hī nahī̃n. samyagdarshan ho, andar ātmākī pahachān ho, usīko sachchā munipanā ātā hai. bāhar-se chhoḍ de vah sachchā munipanā nahīn ātā. sachchī sāmāyik, sachchā tap antaramen pragaṭe to hī usake sāth sab shubhabhāv hote haiaĩn. to hī puṇya bandha hotā hai. bākī antaramen sachchā tap ādi sab antaramen hotā hai.

mumukṣhuḥ- ... samajhamen nahīn ātā.

samādhānaḥ- visheṣh samajhanekā prayatna karanā chāhiye. koī samajhatā ho usakā kisīkā parichay karake visheṣh samajhanekā prayatna karanā chāhiye. shāstramen jo ātā hai usakā rahasya kyā hai, vah sab andaramen svayam ātmāke sāth samajhakar vichār karanā chāhiye. ātmākā kyā svabhāv hai, shāstramen kyā ātā hai, gurune kyā kahā hai, vah mārga samajhanekā prayatna karanā chāhiye.

pahale sachcha samajh kare to phir āge baḍhe. jo mārga nahīn samajhatā hai, vah āge nahīn baḍh sakatā hai. samajhe binā kahān̐ ḍag bharegā? dhyey ho ki bhāvanagar jānā hai to usakā rāstā mālūm ho kadam vahān̐ chaleṅge. sachchī samajh pahale karanī chāhiye.

mumukṣhuḥ- samajh guruke alāvā nahīn āyegī na? guru rāstā batāye tab...

samādhānaḥ- guuru rāste batāye, parantu..

mumukṣhuḥ- gurukā samāgam kare to hī isamen āge baḍh sake?

samādhānaḥ- gurukā samāgam, guru to mahā prabal nimitta hai. unakā samāgam ho to visheṣh samajhanekā kāraṇ banatā hai. apaneāp samajhanā bahut duṣhkar hai. anādi kālamen ek bār koī guruke aise vachan mile to jīv taiyār hotā hai. aisā upadesh mile

PDF/HTML Page 1538 of 1906
single page version

to guru jo mārga batāye vah koī apūrva rīt-se svayam grahaṇ kare to āge baḍh sakatā hai.

mumukṣhuḥ- ātmā-se bhī, darshan karane-se bhī āpake shabda hamen jo asar karate hain, aisī asar paḍhanemen nahīn ātī. isaliye ham log nikale. dūsare log nahīn āye haĩn. paḍhate hain, samajhate hain ki ātmā hai. lekin pahachān hotī nahīn, jīvatattva... darshan kiyā, satsamāgamake sivā samajhamen nahīn ātā.

samādhānaḥ- ātmākā svabhāv ananta guṇ-se bharā, vah karanekā hai. parantu use samajhaneke liye kitanā satsaṅgakā parichay chāhiye. ātmāke dravya-guṇ-paryāy, pudagalake dravya-guṇ-paryāy, ye donon bhinna haĩn. do tattva bhinna hai. anādiananta hai, vah kaise hai? ye vibhāv kyā? svabhāv kyā? sab jānaneke liye thoḍā parichay chāhiye. satsaṅg ho na to (samajhamen āye).

ātmākā bhedagnān karanā. ye vibhāv bhinna, ātmā bhinna. shubhabhāv puṇyabandhakā kāraṇ hai, bīchamen ātā hai. parantu vah apanā svarūp nahīn hai. usase ātmā bhinna hai. lekin vah samajhaneke liye use visheṣh, yah pūchhā na? tap kise kahate hain? sāmāyik kise kahate hain? usakā rahasya samajhaneke liye satsaṅg ho to samajhamen āye aisā hai.

(samyagdarshan) prāpta nahīn kiyā hai, vahī karanā hai. samyagdarshan anādi kāl-se apūrva hai vah nahīn kiyā hai. vah karanā hai. kaise ho? tadartha satsaṅg ādi, visheṣh samajhanekī āvashyakatā hai.

samādhānaḥ- ... ātmāmen to gnān, darshan, chāritra ādi ananta guṇ hai. anādiananta hai. guṇoṅkā nāsh nahīn huā hai. vibhāv huā to bhī un guṇoṅkā nāsh nahīn huā hai. nigodamen gayā to bhī usakī sab shaktiyān̐ jyoṅkī tyon hai. kevalagnān shaktirūp hai, usakā prayās kare to pragaṭ ho aisā hai. vartamānamen paryāy vibhāv ho rahī hai. jo palaṭatī hai vah paryāy hai. aur yadi svayam svabhāv-or palaṭe to svabhāvaparyāy ho. vibhāv- or palaṭe to vibhāvakī paryāy hotī hai. parantu vibhāv (svabhāv nahīn hai).

vichār, vāñchan sab karanā hai. jinendra bhagavān, dev-guru-shāstra sachche kaun hai? use pahachānanā. aur antar ātmā hai use pahachānanā. jinendra dev, jinhonne vītarāg dashā prāpta kī hai. jinhonne kevalagnān (pragaṭ huā hai), jo svarūpamen līn ho gaye haĩn. pūrṇa vītarāgatā (pragaṭ huyī hai), jinhen vikalpa rāgakā ansh utpanna nahīn hotā. kevalagnānī bhagavān pūrṇa vītarāg haĩn. bhagavānako pahachāne vah svayaṅko pahachānatā hai aur jo svayaṅko pahachānatā hai vah bhagavānako pahachānatā hai. bhagavānako pahachānā sachchā kab kahā jāy? jab svayaṅko pahachāne tab bhagavānako pahachānā kahanemen āye. bhagavānakā dravya kyā? bhagavānake ananta guṇ, bhagavān kevalagnān ādi ananta guṇommen virājate haĩn. svayaṅkā bhī vaisā hī

PDF/HTML Page 1539 of 1906
single page version

svarūp hai-bhagavān jaisā, vah kaise prāpta ho?

aur guru sādhanā kar rahe haĩn. svarūpamen kṣhaṇ-kṣhaṇamen līn ho rahe haĩn. aise guru kisako kahate hain? ātmākī sādhanā kare aur svarūpamen līn hote ho, vah guru hai.

aur shāstra, jisamen ātmākī bāt ātī ho, vah shāstra hai. vah sab yathārtha samajhakar, ātmākī pahachān kaise ho? dhyey ātmākā honā chāhiye. ananta kāl-se bhagavān bahut bār mile, guru mile, shāstra mile, lekin svayaṅko pahachānā nahī̃n. bāharamen ruk gayā. svayaṅkī pahachān kaise ho? aur jabatak pahachān na ho, andar līnatā na ho tab shubhabhāvommen dev-guru-shāstra shubh bhāvanāmen hote haĩn. dhyey ek ātmākā rakhanā. karanā vah hai.

bāhar kahīn sarvasva nahīn hai. ātmāmen sarvasva sukh aur sarvasva ānanda ātmāmen hai. use pragaṭ karanā vah karanā hai. ananta shaktiyān̐ ātmāmen haĩn. vah koī bāhar jyādā kriyā kare, yā jyādā tyāg kare, to antaramen pragaṭ ho, aisā nahīn hai. parantu antaramen svayaṅko pahachāne aur antar-se virakti ho, antar-se vibhāvakā tyāg ho to sachchā tyāg hai. bāharakā ho vah to shubhabhāvanā hai mātra. antar-se vāstavamen chhūṭ jāy, antaramen- se rāgase bhinna hokar svayaṅko pahachāne vah vāstavamen antaramen tyāg hai. vah antaramen karanā hai.

sachchā tyāg antaramen hai, sachchā samvar antaramen hotā hai, sachchī nirjarā antaramen hotī hai, sab antaramen hotā hai. bākī bāharakā jo mānate hain ki apane tap karen to nirjarā hogī, vah sab bāharakā hai. aisā tap bahut bār kiyā, aisī nirjarā kī, lekin vāstavamen nirjarā nahīn hotī hai. naye-naye karma bāndhate haĩn. sachchā to antar-se chhūṭe to vāstavamen bandha-se chhūṭe aur vāstavamen antar-se bhinna hokar sachchā mokṣha antaramen hotā hai. karanā vah hai.

jaisā siddha bhagavānakā svarūp hai, aisā apanā svarūp hai. aur vah gr̥uhasthāshramamen usakī svānubhūti kar sakatā hai. gr̥uhasthāshramamen ānshik aur munidashāmen bārambār svānubhūti kar sakatā hai. jo usakā svabhāv hai usamen-se pragaṭ hotā hai. chhoṭīpīpar ho use ghisate-ghisate charaparāī (pragaṭ hotī hai, vah) usamen bharā hai vah pragaṭ hotā hai. vaise ātmāmen gnān hai, bārambār us par dr̥uṣhṭi kare, usamen ramaṇatā kare to pragaṭ hotā hai. bāhar-se nahīn ātā. bāharamen to mātra shubhabhāvanārūp kar sakatā hai.

... svabhāv-se bharā huā, vaise ātmā ānanda-se aur gnān-se bharā hai. aise ananta guṇ-se bharā hai. parantu antaramen dr̥uṣhṭi pragaṭ ho, to kām āye aisā hai. bhedagnān karake ātmāko pahachānanā. ātmāke utpād-vyay-dhruv aur pudagalake utpād-vyay-dhruv kyā? apane dravya-guṇ-paryāy, dūsaroṅke dravya-guṇ-paryāy, donoṅko bhinna kare, vah karanā hai.

PDF/HTML Page 1540 of 1906
single page version

mumukṣhuḥ- jitanā ādar dev-guru-shāstrake prati ātā hai, is bhūmimen, dūsarī jagah ātā nahī̃n.

samādhānaḥ- gurudev yahān̐ kitane sāl rahe haĩn. 45 sāl gurudev yahīn rahe haĩn. aur ye sab kudaratī unake pratāp-se aisā ho gayā hai ki...

mumukṣhuḥ- ...

samādhānaḥ- vāstavik upāy vahī hai-svānubhūti. gurudevane vahī (upadesh diyā hai ki) svānubhūti pragaṭ karo. bāharamen jīv ananta kālamen har jagah jahān̐-tahān̐ ruk jātā hai. parantu antaramen karanekā ek hī hai-svānubhūti kaise ho? bhedagnān kaise ho? ātmā kaise grahaṇ ho? vah hai. bāhar ruk jātā hai.

ananta kālamen (kriyāen̐) kī, bāhya tyāg kiyā, munipanā liyā, parantu antar ek ātmāko pahachānā nahī̃n. sab bāharakā jānā, lekin ātmāko jāne binā. ek ātmāko jāne usane sab jānā hai. aisā gurudev kahate the, ek ātmāmen dr̥uṣhṭi de to usamen sab ā jātā hai. ananta kāl aise hī vyatīt kiyā. bāhar thoḍī kriyā kar lī to dharma mān liyā, athavā kuchh tyāg kar diyā to mainne bahut kiyā, parantu antaramen tyāg kyā hai aur kaise hai, usakā vichār nahīn kiyā hai.

svānubhūtikā mārga gurudevane (batāyā). svānubhūti antaramen hotī hai. nahīn to samayasār paḍhakar, isamen to ātmāke ānandakī bāt hai, ānandakī bāt hai, aisā karake chhoḍ dete the. digambarommen sab chhoḍ dete the. gurudevane usamen-se rahasya khole ki isamen to koī apūrva bāt bharī hai. samayasāramẽn.

(gurudevane sampradāyameen) dīkṣhā lekar chhoḍ diyā ki mārga to koī alag hai. antaramen hai. sabako prakāsh kiyā. yahān̐ to ṭhīk, pūre hindustānamen sabako jāgr̥ut kar diyā ki antaramen hai saba. sthānakavāsīmen yā digambaramen, sab bāhya kriyāmen dharma mānate the. vah kahe, sāmāyik, pratikramaṇ kar le to dharma (ho gayā), thoḍī bhakti-pūjā kar le to dharma (ho gayā), yahān̐ digambaramen thoḍī shuddha-ashuddhi kar le to dharma (ho gayā), aise dharma (mānate the). bāhar-se thoḍā kar le, phir pūrā din kuchh bhī karate ho, thoḍā kar le to dharma (ho gayā). usamen shubhabhāv rakhe to puṇyabandha ho. bāhya prasiddhike hetu- se kare to puṇya bhī nahīn bandhatā. shubhabhāvanā rakhe to puṇyabandha hotā hai.

gurudev kahate hain, puṇyabhāv bhī terā svabhāv nahīn hai. usase devalok hotā hai, bhavakā abhāv nahīn hotā hai. tū usase bhinna hai. shubhabhāv bhī terā svarūp nahīn hai. usase tū bhinna hai. shubhabhāv sab bīchamen āte haĩn. dev-guru-shāstra, dān, dayā, tap sab āye, lekin vah terā svabhāv (nahīn hai). shubhabhāvanā terā svarūp nahīn hai.

PDF/HTML Page 1541 of 1906
single page version

pahale shurūāt sachchī samajhane karanī hai. yathārtha gnān ho to yathārtha chāritra ho. binā gnānake bāhar-se chāritra le lenā, vah to samajhe binā chalanā hai. kahān̐ chalanā hai? mārga to khoja. andar yathārtha shraddhā aur yathārtha gnān karake, yahān̐ jānā hai, usakā gnān karake andar ramaṇatā kar to chāritra (hotā hai). bāhar-se chāritra nahīn ātā hai. bāhya kriyāommen chalane lagā. lekin vah sthūl dr̥uṣhṭi hai, antar dr̥uṣhṭi nahīn kī. muni hokar tyāg kiyā, upavās kiye, vrat dhāraṇ kiye, sab kiyā, kaṇṭhastha kiyā, paḍh liyā, lekin ātmā andar kaise bhinna hai, vah jānā nahī̃n. sab raṭ liyā, paḍh liyā, shāstra dhokh liye, parantu antaramen ātmā bhinna aur ye bhinna hai, aisā antaramen (jānā nahīn). antaramen-se pragaṭ karanā, antaramen-se bhinna honā, vah kuchh nahīn kiyā.

... jīvako ananta bār prāpta huā hai. parantu devamen-se punaḥ paribhramaṇ hotā hai. siddha dashā to antaramen (hotī hai). vichār dashā ho, antaramen-se gnān gnānarūp pariṇame, gnāyak gnāyakarūp pariṇame, ek gnāyak svabhāvamen sab bharā hai, usamen ananta shakti bharī hain, vah antaramen-se pragaṭ hotī hai.

mūl svabhāv, mūl jo tanā hai-ātma svabhāv-chaitanya-use grahaṇ nahīn kiyā aur sab shākhā aur pattoṅko pakaḍ liyā. shākhā-pattonse... mūlamen jākar usamen gnān-vairāgya rūpī jalakā siñchan kare to usamen-se vr̥ukṣha panape. mūl bināke shākhā aur patte sūkh jāyeṅge.

.. dhyān karanemen vikalpa-vikalpa manda kare, phir shūnyākār jaisā (ho jātā hai). ātmāko grahaṇ kiye binā dhyān bhī sachchā nahīn hotā.

samādhānaḥ- ... jaisā sat pūrā dravya hai, ananta guṇ aur paryāy-se bharā huā, dravya-guṇ-paryāy... aise sat nahīn hai. usakā kārya bhinna, usakā lakṣhaṇ bhinna hai. isaliye use bhī sat us tarah kahanemen ātā hai. dravya sat, guṇ sat, paryāy sata. aur ahetuk arthāt vah akāraṇayī hai. ahetuk hai. vah svayam svatantra hai. svayam apanā kārya karanemen svatantra hai. svayam apane svabhāvamen svatantra hai. aise usakī svatantratā hai, aise usakā sat hai. parantu vah sat aisā nahīn hai ki jaise dravya sat, guṇ-paryāy-se bharā pūrā dravya sat hai, aise guṇ-paryāy, aisā sat nahīn hai. lakṣhaṇ-se aur kāyā-se us prakār- se vah sat hai.

mumukṣhuḥ- do padāthākī bhān̐ti do sat bhinna-bhinna nahīn hai.

samādhānaḥ- hā̃n. vaise sat nahīn hai. do padārtha bhinna-bhinna sat hain, vaisā sat nahīn hai. usake lakṣhaṇ-se, usake kārya, unake kārya bhinna-bhinna hai, us apekṣhāse unhen sat kahanemen ātā hai.

PDF/HTML Page 1542 of 1906
single page version

mumukṣhuḥ- us apekṣhāse satako bhinna kiyā jātā hai.

samādhānaḥ- us prakār-se bhinna paḍate haĩn. aur lakṣhaṇ evan kārya, usake svayaṅke haĩn. koī use karatā nahī̃n. svayam usake kārya hai. to bhī use dravyakā āshray rahatā hai. dravyakī pariṇati, svayam svabhāv-or lakṣhya kare, dr̥uṣhṭi kare to us orakī pariṇati hotī hai. paryāy hotī hai svatantra, lekin vah dravyake āshray-se rahatī hai.

akhaṇḍa dravyakā jaisā sat hai aisī dr̥uṣhṭi kar to vaisī terī pariṇati hogī. parantu vah dravya aisā hai ki dravya ananta guṇ aur ananta paryāy-se bharā hai. dravya aisā nahīn hai ki dravyamen koī shakti nahīn hai yā dravya koī kārya nahīn karatā hai, aisā nahīn hai. dravyamen ananta shakti, ananta guṇ aur ananta paryāyen haĩn. aisā kahanā chāhate haĩn. aisā kahakar padārtha alag nahīn karanā chāhate haĩn. dravyakā svarūp batāte hain, aisā kahakara.

dravya sat, guṇ sat, paryāy sat aisā kahakar dravyakā svarūp batāte hain ki dravya aisā hai. vah dravya kaisā hai? ki usamen ananta guṇ hain aur ananta paryāy haĩn. aur vah satarūp hai. vah dravya svayam hī vaisā hai. aisā kahanekā āshay hai. usamen do ṭūkaḍe nahīn karanā chāhate, lekin dravyakā svarūp batāte haĩn. dravyamen jo guṇ hain, vah satarūp hai, paryāy satarūp hai. sat arthāt usakā astitva hai. lekin usakā astitva aisā nahīn hai ki dravyakā astitva ananta shaktiyān̐-ananta guṇonse bharapūr hai, aisā guṇakā sat aur paryāyakā sat aisā nahīn hai. vah to ekakā hai, ek guṇakā, ek paryāyakā hai. vah sat aisā nahīn hai. is prakār dravya sat, guṇ sat, paryāy sat kahakar dravyakā svarūp batāte haĩn. bhinnatā karaneko nahīn batāte hain, parantu aisī dr̥uṣhṭi aur svayaṅko aisī mahimā āye ki yah dravya ananta guṇ aur ananta paryāyon-se bharā hai. aisā tū yathārtha gnān kara. gnān karake us or dr̥uṣhṭi aur us jātakī pariṇati pragaṭ kara. aisā kahanekā āshay hai.

teremen ananta guṇ aur teremen ananta paryāy haĩn. aur vah satarūp hai. tū dravya aisā nahīn hai ki ek aisā piṇḍa hai ki jisamen koī kārya nahīn hai, jisamen bhinna-bhinna jātakī paryāyen nahīn hai, aisā nahīn hai. teremen anek jātakī paryāyen aur ananta jātake guṇ bhare hain, usakā tū gnān kara. aisā kahanā chāhate haĩn. ataḥ pratyek sat bhinna- bhinna hai, vah ek-ek ṭūkaḍe hain, aisī dr̥uṣhṭi kar, aisā nahīn kahanā chāhate haĩn. parantu usakā tū gnān kara. terā dravya ananta guṇ aur ananta paryāy-se bharā hai aur vah ananta guṇ aur ananta paryāy satarūp haĩn. sat arthāt terā dravya jaise ananta shaktiyon- se bharā hai aisā sat nahīn, apitu ek-ek maryāedit sat hai. ek gnānalakṣhaṇ jānanekā, aise. ek-ek anshakā hai. pūrā anshīkā sat hai, vaisā anshakā sat nahīn hai. aur

PDF/HTML Page 1543 of 1906
single page version

anshakā sat hai vah svayansiddha hai. lekin dravyakā svarūp dravyake āshray-se hai.

mumukṣhuḥ- use rakhakar bāt hai.

samādhānaḥ- vah bāt rakhakar usakā svayansiddha sat is prakār samajhanā.

mumukṣhuḥ- tīnon milakar ek sat hai. ... paradravya-se bhedagnān ho. aur dravya sat, guṇ sat aur paryāy sat aisā gnān karavākar paryāyakā lakṣhya chhuḍānā hai aur guṇakī dr̥uṣhṭi karavānī hai, aisā koī prayojan hai?

samādhānaḥ- tū paradravya-se bhinna ho jā. teremen paryāy hain, tū kūṭastha nahīn hai, parantu teremen bhī paryāy haĩn. terī pariṇatiko badal, aisā kahanā hai. teremen paryāy hain, teremen guṇ haĩn. apane sva guṇ aur sva paryāyoṅkā usakā gnān hotā hai. terī pariṇati palaṭan svabhāvī hai. tū aisā nahīn hai ki kūṭastha hai. akelā kūṭastha hai aur usamen kuchh hai hī nahīn, sarva apekṣhā-se kūṭastha hai aisā nahīn hai. teremen pariṇati-paryāy bhī hai aur vah paryāy satarūp hai. teremen ananta guṇ haĩn. aise dravya sat, guṇ sat, paryāy sat sabakā gnān kara.

.. dr̥uṣhṭi to abhed karanī hai, parantu yah sab gnān karanā hai. terā dravya akhaṇḍa kaisā hai, usakā gnān kara. paryāyadr̥uṣhṭi chhuḍākar... dr̥uṣhṭi apanī or jātī hai to paryāy apanī or muḍatī hai.

mumukṣhuḥ- ..

samādhānaḥ- dravyakā lakṣhya hotā hai isaliye paryāy svayam palaṭatī hai. koī dravya kūṭastha mānate ho, dravyamen guṇ nahīn hai, aisā mānate ho. usamen akhaṇḍa anekānta svarūp ā jātā hai. teremen guṇ ananta hain, teremen paryāy haĩn. sabakā gnān kara. paryāy na ho to sādhak dashā bhī na ho. to sādhak dashā paryāy hai. guṇoṅkā vedan hotā hai. gnānakā gnānarūp, chāritrakā chāritrarūp, ānandakā ānandarūpa. vah sab vedan hotā hai. isaliye teremen guṇ hain, teremen paryāy haĩn. aur vah sab svadravya hai. vah sab gnān karaneke liye hai. aur usamen pariṇati, us rūp apane puruṣhārthakī pariṇati bhī us anusār hotī hai.

dr̥uṣhṭi aur gnān yathārtha na ho to usakā puruṣhārtha bhī yathārtha nahīn hotā. dravya par akhaṇḍa dr̥uṣhṭi kar, parantu ye guṇ aur paryāyake bhedamen rukanā nahīn hai, parantu usakā gnān kara. tujhe chāritrakī paryāy pragaṭ ho, vah bhī paryāy hai, tujhe gnān pragaṭ ho, vah bhī ek paryāy hai. lekin vah sab teremen guṇ haĩn.

mumukṣhuḥ- ek akhaṇḍa vastumen aise ananta guṇ..

samādhānaḥ- paryāyarūp sat bhī tere dravyamen sab bharā hai. usakā gnān kara. yathārtha shraddhā ho, svānubhūti ho. to bhī chāritradashā abhī bākī rahatī hai. isaliye aise guṇake

PDF/HTML Page 1544 of 1906
single page version

bhed andar hai, paryāyake bhed paḍate hain, un sabakā gnān kara.

mumukṣhuḥ- un sabako jaisā hai vaisā jāna.

samādhānaḥ- jaisā hai vaisā tū jāna. to tujhe vītarāg dashākī prāptiā hogī, to terī sādhak dashā āge baḍhegī. dr̥uṣhṭi huyī isaliye sab paripūrṇa ho gayā, aisā nahīn hai. abhī terī dashā adhūrī hai. vītarāg dashākī prāpti (nahīn huyī hai), pūrṇatā abhī bākī hai. dr̥uṣhṭi bhale pūrṇa par hai, lekin abhī adhūrā hai.

mumukṣhuḥ- ...

samādhānaḥ- usakā matalab ki jaisā dravya sat hai, vaise guṇ evan paryāy us jātake sat nahīn hai. isaliye vaisā sat nahīn hai, ek hī sat hai. us apekṣhā-se ek hī sat hai. lakṣhaṇ... jo shāstramen ātā hai, vah astitva rakhatā hai, guṇ aur paryāy apanā astitva rakhatā hai, isaliye sata.

mumukṣhuḥ- is apekṣhā-se shāstramen dravya sat, guṇ sat aur paryāy satakā.. samādhānaḥ- vah apanā astitva rakhatā hai. guṇ aur paryāya. bākī dravya-guṇ- paryāy milakar pūrā dravya (hai). dravya jaisā akhaṇḍa sat hai, vaise guṇ aur paryāy vaise svatantra sat nahīn hai jagatamen, aisā. aur dr̥uṣhṭimen main pūrṇa vītarāg svarūp hūn̐, vah dr̥uṣhṭikā prayojan hai. aur paryāyakī sādhanā abhī bākī hai, isaliye usamenn vītarāgatākā, pūrṇatākā prayojan, kevalagnān paryant pahun̐chanā, vah prayojan hai. guṇ aur paryāy...

prashamamūrti bhagavatī mātano jay ho!

< Previous Page Next Page >