PDF/HTML Page 1698 of 1906
single page version

mumukṣhuḥ- vah līnatā to chaubīson ghaṇṭe chalatī hogī. ugratā baḍh jāy..

samādhānaḥ- chaubīson ghaṇṭen unakī bhūmikā anusār hotā hai. jo unakī samyagdarshan sambandhit līnatā ho vah chaubīson ghaṇṭe (hotī hai). unakī visheṣh līnatā, tāratamyatā unake puruṣhārtha anusār hotī hai. bhūmikā palaṭe vah līnatā visheṣh hotī hai. pān̐chavā, chhaṭhavān̐, sātavān̐ vah līnatā unakī alag hotī hai. antarmuhūrta-antarmuhūrtamen svānubhūtimen pravesh karate haĩn. antarmuhūrta-antarmuhūrtamen vikalpa chhūṭakar svānubhūtimen jāte haĩn. usakī līnatā ekadam ugra hotī hai. khāte-pīte, nidrāmen antarmuhūrta-antarmuhūrtamen svānubhūtimen pravesh ho jātā hai. bāhar rah nahīn sakate haĩn. antarmuhūrta-se jyādā bāhar rah hī nahīn sakate haĩn. itanā apane svarūpamen ekadam pravesh ho jātā hai. līnatākā pravesh ho jātā hai.

dr̥uṣhṭi evan gnān to pragaṭ hai hī, parantu ye līnatā-chāritra dashā baḍhatī hai chhaṭhaven- sātaven guṇasthānamẽn. chaturtha guṇasthānamen svarūpācharaṇ chāritra hotā hai. pān̐chaven guṇasthānamen usase visheṣh hotī hai. pān̐chave guṇasthānakī bhūmikāke sṭej amuk-amuk baḍhate jāte haĩn. usamen use svarūpakī līnatā baḍhatī jātī hai. us anusār usake shubh pariṇāmamen bāharake sṭejamen bhī pheraphār hotā jātā hai. antaramen svānubhūtikī dashā baḍhatī jātī hai.

mumukṣhuḥ- muni mahārājako khāte-pīte, chalate-phirate aisī dashā ho jāy, vaise chaturtha guṇasthānamen koī bār hotī hogī?

samādhānaḥ- koī bār ho, usakā niyam nahīn hai. chhaṭhaven-sātavemmen to niyamase hotī hai. svarūpācharaṇ chāritramen aisā ho, parantu vah niyamit nahīn hotī. inhen to antarmuhūrta- antarmuhūrtamen niyamit hotī hai. chaturtha guṇasthānakī līnatā kab visheṣh baḍh jāy, hotī hī nahīn aisā nahīn hai, lekin usakā niyam nahīn hai.

mumukṣhuḥ- dhyānamen baiṭhe tabhī nirvikalpa dashā ho, aisā nahīn hotā chaturta guṇasthānamen?

samādhānaḥ- dhyānamen bāhar-se baiṭhe yā na baiṭhe. koī bār bāhar-se baiṭhe aur ho. koī bār na baiṭhe to antaramen amuk prakārakā dhyān to use pragaṭ ho hī gayā hai. jo gnātākā astitva usane grahaṇ kiyā hai, gnāyakakī dhārā vartatī hai, utanī ekāgratā to use chālū hī hai. isaliye us prakārakā dhyān to use hai hī. dhyān arthāt ekāgratā.

PDF/HTML Page 1699 of 1906
single page version

us jātakī ekāgratā use chhūṭatī hī nahī̃n. amuk prakārakī ekāgratā to use hai. us ekāgratāmen kuchh visheṣhatā ho jāy to use bāhar-se dhyānamen baiṭhe to hī ho, aisā niyam lāgū nahīn paḍatā.

mumukṣhuḥ- aisā bandhan nahīn hai.

samādhānaḥ- aisā bandhan nahīn hai ki bāhar-se sharīr dhyānamen baiṭhe, aisā bandhan nahīn hai. sharīr baiṭh jāy aisā bandhan nahīn hai. antaramen ekāgratā (hotī hai). amuk ekāgratā to hai hī, parantu visheṣh ekāgratā kab baḍh jāy, sharīr baiṭhā ho aisā ho to hī baḍhe aisā nyāy nahīn hai. muniko to hai hī nahīn, parantu chaturtha guṇasthānamen aisā niyam nahīn hai. sab bār aisā niyam nahīn hotā. koī bār aisā bhī banatā hai ki dhyānamen baiṭhā ho tab ho. bāhar-se dhyānamen baiṭhā ho. koī bār koī bhī sthitimen sharīr ho aur dhyān ho jāya. bāharakā bandhan nahīn hai. amuk prakār-se sahaj dashā ho jātī hai.

anādikā sarva pratham ho use palaṭanemen thoḍī mushkilī hotī hai, kisīko antarmuhūrtamen bhī ho jātā hai. usamen bhī antarmuhūrtamen ho jātā hai. phir to usakī dashā sahaj hai. isaliye bāharamen amuk prakār-se baiṭhe to hī ho, aisā bandhan nahīn hai.

mumukṣhuḥ- ek bār nirvikalpa dashā ho gayī isaliye amuk kāl rāh dekhanī paḍe aisā nahīn hotā na? phirase turanta bhī ho sakatī hai.

samādhānaḥ- rāh dekhanī nahīn paḍatī. jisakī antar dashā chālū hai, jise bhedagnānakī dashā chālū hai, use amuk samayamen hue binā rahatī hī nahī̃n. use samayakā bandhan nahīn hai. use amuk samayamen hue binā nahīn rahatī. jise antarakī dashā hai, bhedagnānakī dhārā vartatī hī hai, use hue binā nahīn rahatī.

jo antar-se bhinna paḍ gayā, jisakā upayog bāhar gayā, vah amuk samayamen antaramen āye binā nahīn rahatā. us upayogamen bāhar kuchh sarvasva nahīn hai. bhedagnānakī dhārā to vartatī hī hai. svayam judā-nyārā vartatā hai, kṣhaṇ-kṣhaṇamen nyārā vartatā hai. nyārī pariṇati to hai hī. upayog to palaṭ jātā hai. jaisī pariṇati hai vaisā upayog vāpas hue binā nahīn rahatā. pariṇati alag kām karatī hai, upayog bāhar jātā hai.

pariṇatikī ḍor use-upayogako vāpas lāye binā nahīn rahatī. pariṇati to nyārī hai. bhedagnānarūp bhedagnānakī dhārā nirantar kṣhaṇ-kṣhaṇamen vikalpake bīch usakī nyārī ḍor kṣhaṇ-kṣhaṇamen sahajarūp hai. pariṇatikī ḍor nyārī hai, vah upayogako vahān̐ ṭikane nahīn detī. amuk samayamen upayog vāpas ā hī jātā hai. svarūpamen līn hue binā, nirvikalpa dashā hue binā use nahīn rahatī. pariṇati upayogako vāpas apanemen lātī hai.

PDF/HTML Page 1700 of 1906
single page version

mumukṣhuḥ- gnānīkī savikalpa dashā itanī majabūt hai ki nirvikalpa upayogakī lāchārī karanī nahīn paḍatī, vah apaneāp hotā hai.

samādhānaḥ- usakī lāchārī nahīn karanī paḍatī. usakī dashā hī aisī hai. use shānti aur hūm̐ph hai hī. apanī dashā hī aisī hai. svayam kahīn ekatvabuddhi-se vartatā nahīn hai. bhinna hī vartatā hai. usakī nyārī pariṇati hī us upayogako vāpas lātī hai. vah upayog bāhar lambe samay bāhar ṭik nahīn pātā. vah upayog apane svarūpamen phir-se līn hue binā nahīn rahatā. usakī nyārī pariṇati hī use vāpas lātī hai. usakī lāchārī nahīn karanī paḍatī.

svayaṅko apanī hūm̐ph hai. apanī pariṇati hī us upayogako vāpas lātī hai. use aisā nahīn hai ki nirvikalpa dashā kab āyegī? usakī rāh dekhakar baiṭhanā nahīn hai. usakī use koī shaṅkā nahīn hotī. pariṇati hī us upayogako vāpas khīn̐chakar lātī hai.

samādhānaḥ- pariṇati joradār hotī hai to nirvikalpa dashā ho jātī hai.

mumukṣhuḥ- gnānīko to chaubīson ghaṇṭe avalamban hotā hai.

samādhānaḥ- chaubīson ghaṇṭe ātma svabhāvakā avalamban hai. usakā upayog bāhar ekamek hotā hī nahī̃n. upayog bāhar jāye to bhī bhinna hī hai. vah vāpas svarūpamen jame binā nahīn rahatā. usakī ruchi use vāpas (le ātī hai), usakī pariṇati use vāpas lātī hai. aisā sahajapane hai.

mumukṣhuḥ- chyūt ho jātā hai, usakā kyā kāraṇ?

samādhānaḥ- usakī pariṇatimen dikkat hai, usakā puruṣhārtha chhūṭ jātā hai, usakī nyārī pariṇati chhūṭ jātī hai. ekatvabuddhi ho jātī hai. gnāyak bhinna, vibhāv bhinna vah pariṇati jo gnātākī dhārā kṣhaṇ-kṣhaṇamen ānshik gnātādhārā, ānshik shāntidhārā (chalatī rahatī hai). ātmākī svānubhūtikā ānanda alag hai. bākī antaramen jo nyārī shāntidhārā aur gnāyakadhārā thī, usakī pariṇati chhūṭ jātī hai. usakī pariṇati ekamek ho jātī hai. isaliye svānubhūti chalī jātī hai. vartamān pariṇati chhūṭakar ekatvabuddhi ho jātī hai. pariṇati palaṭ jātī hai.

samādhānaḥ- gnān-se rachit ek chaitanya vastu hī hai. gnān bāhar-se nahīn ātā hai. vah jānanevālī pūrī vastu hī hai. dravya jānanevālā, usakā guṇ jānanevālā, usakī paryāyamen jānanevālā, sarva prakār-se vah jānanevālā hī hai, aisī ek vastu hī hai. jaise yah jaḍ hai, vah jaḍ kuchh jānatā nahī̃n. vah svayam jānatā hī nahīn hai. tab ek jānanevālī vastu hai ki sarva prakār-se jānanevālī hī hai.

PDF/HTML Page 1701 of 1906
single page version

uṣhṇatā bāhar-se nahīn ātī hai, agni svayam hī uṣhṇa hai. barpha svayam hī ṭhaṇḍā hai. usakī ṭhaṇḍak bāhar-se nahīn ātī. vaise jānanā bāhar-se nahīn ātā hai, jānanevālī vastu hī svayam hai. usamen bāharake sab nimitta haĩn. ise jānā, use jānā. jānanevālī vastu svayam hai.

samādhānaḥ- ... ātmāko gnānake sāth ekamek sambandha hai. gnān binākā ātmā nahīn hai, ātmā binākā gnān nahīn hai. tādātmya sambandha hai. aise ananta guṇ haĩn. gnān, darshan, chāritra, astitva, vastutva sabake sāth, dravyako sabake sāth aisā tādātmya sambandha hai. ananta guṇ-se bharā huā, ananta guṇasvarūp hī dravya hai. ananta guṇ ātmāmen ekamek haĩn. jaḍamen bhī vaise astitva, vastutva ityādi jo jaḍake-pudagalake varṇa, gandha, ras, sparsha sab ekamek tādātmya hai. usamen-se kuchh alag nahīn paḍatā. ekameek hai.

mumukṣhuḥ- dravyako aur guṇoṅko ekamek sambandha hai na? guṇako aur guṇako bhī aisā sambandha hai? jaise āpane kahā ki dravya aur guṇakā tādātmyasiddha sambandha ṅai. vaise ek guṇako bākīke ananta guṇ jo hain, usake sāth tādātmyasiddha sambandha nahīn hai?

samādhānaḥ- usakā lakṣhaṇabhed-se bhed hai. sabakā lakṣhaṇ bhinna paḍatā hai. bākī vastutaḥ sab ek hai. parantu usake lakṣhaṇ alag haĩn. gnānakā lakṣhaṇ jānanā, darshanakā dekhanekā, pratīt karanā, chāritrakā lakṣhaṇ līnatākā, ānandakā ānanda svarūp, isaprakār sabake lakṣhaṇ bhinna-bhinna haĩn. dravya apekṣhā-se sab ekamek haĩn. bākī ekadūsareke lakṣhaṇ apekṣhā-se usake bhed haĩn. vastubhed nahīn hai, parantu lakṣhaṇ apekṣhā-se bhed haĩn. usake lakṣhaṇ alag, usake kārya alaga. gnānakā jānanekā kārya, darshanakā dekhanekā, chāritrakā līnatākā, sabakā kārya kārya apekṣhā-se bhinna-bhinna hai. vastu apekṣhā-se ek hai.

mumukṣhuḥ- jab gnānaguṇ gnānaguṇakā kām kare, us vakta kartā guṇ kyā karatā hai? (jaise) gnān karatā hai, vaise kartā nāmakā guṇ hai, vah kyā karatā hogā?

samādhānaḥ- vah kartā svayam kārya karatā hai. gnān jānanekā kārya kare to kartāguṇ us rūp pariṇaman karake usakā kārya lānekā kām karatā hai. gnān jānatā hai to usamen pariṇaman karake jo jānanekā kārya hotā hai, vah jānanekā kārya vah kartāguṇ kahalātā hai. kārya karatā hai. kartāguṇamen.. kartā, kriyā aur karma. vah kartākī pariṇati hai.

mumukṣhuḥ- ye jo āpane sambandha kahā, vah nimitta-naimittik sambandha nahī hai? ekarūpatā rūp sambandha hai.

samādhānaḥ- hān̐, ekarūp sambandha hai, parantu usamen lakṣhaṇabhed hai, kāryabhed hai. nimitta- naimittik nahīn hai. nimitta-naimittik to do dravyamen hotā hai, ye to ek hī dravya hai.

PDF/HTML Page 1702 of 1906
single page version

ek dravyake andar lakṣhaṇabhed aur kāryabhed ādi hai.

mumukṣhuḥ- ... rakhaneke liye kahā hogā yā ... na ho jāy isaliye guṇ isaprakār hai? svatantratā batāneke liye.

samādhānaḥ- pratyek vastu svatantra hī haĩn. parantu guṇoṅkī svatantratā hai. parantu vastu- se ek hai. usamen anyatva bhed hai, parantu usamen vastubhed nahīn hai. paraspar ekadūsare- se lakṣhaṇ-se bhinna paḍate hain, parantu vastu apekṣhā-se ek haĩn. vah svatantratā aisā nahīn hai, ek dravya jaise dūsare dravya-se svatantra hai, jaise pudagal aur chaitanya svatantra hai, do dravya atyant bhinna hain, vaise guṇ aur dravya, pratyek guṇ-guṇ us prakār-se atyant bhinna nahīn haĩn. vastu-se ek hai aur lakṣhaṇ-se bhinna haĩn. usakī bhinnatā atyant bhinnatā nahīn hai. pratyek guṇoṅkī atyant bhinnatā nahīn hai. vastu apekṣhā-se ek hai, parantu lakṣhaṇ- se bhinna haĩn.

mumukṣhuḥ- anyonya bhed huā?

samādhānaḥ- anyonya arthāt lakṣhaṇ-se bhinna haĩn. usakī svatantratā... ek dravya- se dūsarā dravya svatantra hai, vaise pratyek gaṇ us prakār-se svatantra nahīn haĩn. usakī svatantratā lakṣhaṇ tak hai aur kārya tak hai. bākī vastu apekṣhā-se vah sab ek hai. ek hī vastuke sab guṇ haĩn. ananta guṇ-se banī ek vastu hai. ananta guṇasvarūp hī ek vastu hai. vastu apekṣhā-se ek hai, lakṣhaṇ apekṣhā-se bhinna-bhinna hai. ek dravyake andar ananta shaktiyān̐-ananta guṇ haĩn. sabake kārya sab karate hain aur sabake lakṣhaṇ, kārya evan prayojan bhinna-bhinna hai. vah svatantratā us jātakī hai ki dravyakī svatantratā hai aisī svatantratā nahīn hai.

vah to, jaise sarvaguṇānsh so samyagdarshana. samyagdarshanakā guṇ pragaṭ ho, dr̥uṣhṭi vibhāv taraph, dr̥uṣhṭi par taraph thī aur sva taraph dr̥uṣhṭi jātī hai (to) samyagdarshan guṇ pragaṭ hotā hai. to un sabakā avinābhāvī sambandha aisā hai ki ek samyagdarshan pragaṭ ho to usake sāth sarvaguṇānsh so samyagdarshan (hotā hai). sarva guṇakī shuddhi ānshik hotī hai. sarva guṇakī dishā badalakar apanī taraph pariṇati hotī hai. ananta guṇakī dishā badalakar shuddharūp pariṇati hotī hai. ekakī shuddha hotī hai sab shuddhatārūp pariṇamate haĩn. aisā sambandha hai. kyoṅki vastu ek hai isaliye.

ek samyagdarshan pragaṭ huā to usamen gnān bhī samyak huā. chāritra bhī, mithyāchāritra thā to chāritra bhī samyak huā. sab guṇakī dishā badal gayī. kyoṅki ek vastuke sab guṇ hai. aisā usakā ho to dūsare guṇakī pariṇati badal jātī hai. aisā avinābhāvī ekadūsareke sāth sambandha hai.

PDF/HTML Page 1703 of 1906
single page version

samādhānaḥ- ... pachchīs sāl honemen kahān̐ der lagegī? kyon andar kuchh hotā nahīn? kyon paribhramaṇakī thakān lagatī nahīn? kyon kapakapī hotī nahīn? aisā hotā thā. anek jātakā hotā thā. andaramen jo svayanne kiyā hai, vah apanā hai, bākī kāl to chalā jā rahā hai. devalokakā sāgaropamakā kāl bhī pūrā ho jātā hai, to is manuṣhya bhavakā kāl to kyā hisābamen hai?

is pañchamakālamen gurudev mile aur gurudevane jo upadeshakī jamāvaṭ kī, vahī yād karane jaisā hai aur usamen-se grahaṇ karane jaisā hai. upadesh kyā? gurudevane itanā upadesh barasāyā. jise grahaṇ karake antaramen jamāvaṭ karanī, aisā upadesh diyā hai. jaise bhagavānakī divyadhvanikī varṣhā hotī hai, vaise gurudevakī (vāṇīkī) varṣhā huyī hai. donon vakta niyamarūp se.

jahān̐ gām̐v-gām̐vamen saurāṣhṭramen kahīn mandir nahīn thā, har jagah mandir ban gaye. shāstra utane prakāshit hue. kitane hī bhaṇḍāramen the sab bāhar ā gaye.

mumukṣhuḥ- ṭep bhar gayī.

samādhānaḥ- ṭep bhar gayī.

mumukṣhuḥ- yahān̐ sunate hain to aisā lagatā hai ki mānon gurudev sākṣhāt virājate hon aisā hī lagatā hai.

samādhānaḥ- gurudevakā yah kṣhetra, dravya, kṣhetra, kāl, bhāv aur ṭep sab aisā hai. vah sthān aur vah ṭep yahān̐ bajatī hai vah alag hai, vah sthān, gurudev jahān̐ baiṭhate the vah pāṭ, kṣhetra ādi sab vah, isaliye mānon gurudev bolate ho aisā lage. ṭep bole usake sāth ....

kaise samajhamen āye, aisā vichār āye na. sahaj jo andaramen lagatā ho vah sahaj ātā hai. kuchh shāstrakā ho, lekin gurudevane shāstroṅkā artha karanemen kahān̐ kuchh bākī rakhā hai. gurudevane bahut diyā hai.

mumukṣhuḥ- ... samādhānaḥ- padmanandī jab paḍhate the, tab aisā hī paḍhate the. padmanandīmen jinendra bhagavānakā adhikār jab āve, tab aisā hī paḍhate the. dānakā adhikār āye tab aisā paḍhate. he jinendra! aisā kahakar paḍhate the. ṭepamen āyā thā na? mātā! āpakā putra hamārā svāmī hai. mātā! jatan karake rakhanā. ... indrāṇī bhagavānako lene ātī hai, tab vah bāt ātī thī. hr̥uday-se bolate the. sabakā kalejā kām̐p ūṭhe, aise kahate the. vah bhakti adhikār paḍhe, dān adhikār paḍhe.... (tab aisā hī ātā thā).