PDF/HTML Page 1716 of 1906
single page version
mumukṣhuḥ- koī kriyājaḍ thaī rahyā, shuṣhkagnānamān koī, vah to chhoḍ de. gnān aur vairāgyakī maitrī, gnān aur vairāgya jo sādhakako sāthamen hote hain to vairāgyamen aur kriyānayamen ek sarīkhā bhāv hai yā thoḍā sūkṣhma antar hogā?
samādhānaḥ- vairāgya aur kriyā na? kriyāmen vah mātra kriyāmen rukatā hai. aur jo vairāgya hai, vairāgī hai vah akelā vairāgyamen rukatā hai. kriyā aur vairāgyamen, bahubhāg vah mātra bāhya kriyāmen rukatā hai. dūsarā hai vah vairāgya-vairāgya karatā rahatā hai. utanā pharka hai.
mumukṣhuḥ- gnān aur kriyānayakī maitrī jahān̐ hai, vah to sādhakakī bhūmikā hai. to kriyānayako len to aur vairāgyakī bāt le, donon ek sarīkhī bāt hai yā donoṅke bīch thoḍā pharka hogā?
samādhānaḥ- gnānanay aur kriyānayakī maitrīmen kriyānayamen vairāgya sāthamen ā jātā hai. usamen vairāgya sāthamen ho to hī usakī kriyākī pariṇati hotī hai. main gnāyak hūn̐ aur usamen nivartanekī jo kriyā hotī hai, svarūpakī līnatākī jo kriyā hotī hai, vah vairāgyake binā nahīn hotī. isaliye usamen kriyānayamen vairāgya sāthamen ā jātā hai. usamen virakti sāthamen ā jātī hai.
mumukṣhuḥ- samveg nirveg jaisā hai? kriyānayamen asti bhāv-se vītarāgatā pragaṭ karanī aur vairāgyamen rāg-se pīchhe muḍanā, aisā bhāv hogā?
samādhānaḥ- hān̐, vairāgya arthāt virakti-nāsti karake svarūpamen pariṇatikī asti karatā hai. asti-nāsti. parantu vāstavik asti to chaitanyako grahaṇ kiyā vah astitva hai. dravyako grahaṇ kiyā vaha. parantu yah pariṇati pragaṭ kī, us pariṇatikī apekṣhā- se vah asti hai aur virakti huyī vah nāsti hai. kriyāvālā jo bāhya kriyāmen hai vah bhī vairāgyakī kriyāmen us tarah rukatā hai. usamen garbhit vairāgya hai vah vairāgya samajh binākā hai. ātmāko samajhatā nahīn, astitva grahaṇ nahīn kiyā hai.
mumukṣhuḥ- rundhā huā kaṣhāya.
samādhānaḥ- hā̃n. vah aisā hai.
PDF/HTML Page 1717 of 1906
single page version
mumukṣhuḥ- sādhakako donon sāthamen hote hain, parantu shurūātamen thoḍā-bahut mukhya- gauṇ rahatā hogā ki nahīn?
samādhānaḥ- jo sādhakakī pariṇati hai, vah shurūātamen rahe aisā nahīn, usakā mārga hī vah hai. dravyadr̥uṣhṭi-se dravyakī dr̥uṣhṭi mukhya rahatī hai. usamen jo puruṣhārtha hotā hai vah, paryāyamen mujhe vibhāv hai, usase bhinna hokar aur svarūpakī pariṇati pragaṭ karatā hai. dravyadr̥uṣhṭikī apekṣhā-se use gauṇ rahatā hai aur pariṇati apekṣhā-se use koī bār mukhya kahate haĩn. is prakār mukhya-gauṇ kahate haĩn. parantu dravyadr̥uṣhṭi to sadāke liye use mukhya hī rahatī hai. līnatākī bhāvanā kare, mujhe līn honā hai, aisī bhāvanā ho, chāritrakī bhāvanā ho, aise paryāy apekṣhā-se use mukhya kahẽn. parantu andar jo dr̥uṣhṭi hai, us dr̥uṣhṭikī apekṣhā-se koī mukhya nahīn hotā.
mumukṣhuḥ- suprabhāt-se lekar kevalagnān paryantakī sab bātamen svayamev prāpta huā. svayambhūpanā liyā. dūsarekā kuchh thoḍā-bahut avalamban hogā ki nahīn?
samādhānaḥ- nahīn, anya kisīkā nahī̃n. ek svayambhū ātmākā hī avalambana. svayambhū ātmā svayam apane-se svataḥsiddha hai, usīkā avalamban, anya kisīkā ālamban nahī̃n.
mumukṣhuḥ- dev-shāstra-guru thoḍī madadamen-sahāyamen (hote hoṅge)?
samādhānaḥ- chaitanyadravyakā hī ālamban, anya kisīkā nahī̃n. shubhabhāvanāmen use ālambanarūp kahanemen ātā hai. dev-guru-shāstrakā shubhabhāvamen ālamban (hotā hai). mere sāth rahanā, main mere ātmāmen jātā hū̃n. kyoṅki merī nyūnatā hai. isaliye shubhabhāv mujhe ātā hai to āp mere sāth rahanā. mujhe āpakā ādar hai. mere svabhāvakā jaise mujhe ādar hai, vaise mujhe āpakā ādar hai. isaliye mere sāth rahanā. main āpakā ādar karatā hū̃n. main jahān̐ āge baḍhūn̐ vahān̐ mujhe sāthīdārake hisāb-se mujhe madadamen dev-guru- shāstra rahanā, aisī bhāvanā kare. bākī ālamban dravyakā hai.
mumukṣhuḥ- kām andaramen svayaṅko karanā hai.
samādhānaḥ- kām svayaṅko karanā hai. dev-guru-shāstrake prati shubhabhāvanāmen bhakti use pūrī ātī hai ki mere sāth hī rahanā. use aisā nahīn hotā ki vah sab bāharakā hai, karanā to andaramen hai na, aise bhāv nahīn āte.
use aisā bhāv hotā hai ki main andar jāūn̐ aur shubhabhāv khaḍā hai, abhī vītarāg nahīn huā hai, shubhabhāvanāmen āp mere sāth rahanā. aise bhaktibhāv ātā hai. gurudev mujhe sahāyarūp ho, mujhe upadesh de. aisī sab bhāvanā hotī hai. bhāvanā aisī hotī hai. guruke pratāp-se hī main āge baḍhā, gurudevane hī sab diyā hai, is prakār dev-guru-shāstra par
PDF/HTML Page 1718 of 1906
single page version
use bhakti āye binā nahīn rahatī.
puruṣhārtha svayam karatā hai, parantu upakār guru, dev-guru-shāstrakā āye binā nahīn rahatā. anādikāl-se anajānā mārga, vah gurudevane batāyā hai. jo paryāyamen... dravya anādiananta shuddha hone par bhī paryāyamen jo pariṇati palaṭanemen use jo puruṣhārtha hotā hai, usamen dev- guru-shāstrakā nimitta hotā hai. aur anādikā nimitta-naimittik sambandha bhī aisā hai ki anādi-se jo svayam samajhā nahīn hai, usamen pahalī bār samajhatā hai usamen deshanālabdhi hotī hai. usamen dev yā gurukā pratyakṣha nimitta hotā hai. aisā nimitta-upādānakā sambandha hai. hotā apane-se hī hai, parantu nimitta-naimittik sambandha ho hī nahīn to aisā sambandha hai ki anādimen sarvapratham deshanālabdhi hotī hai. aur pratyakṣha dev-guuru ho us prakār- se deshanālabdhi hotī hai. isaliye pratyakṣhakā upakār kahanemen ātā hai. jo, pratyakṣha sadaguru sam, ātā hai. pratyakṣhakā upakār hai. kyoṅki anādi-se chaitanyadravya shuddha hone par bhī jab usakī paryāy palaṭanekā puruṣhārtha hotā hai tab dev aur gurukā nimitta hotā hai. aisā nimitta-upādānakā sambandha hai.
pratyek dravya svatantra hone par bhī aisā nimitta-upādānakā sambandha hotā hai. paryāyakā nimitta-naimittikakā kaisā sambandha hai use gnānamen rakhakar pratyek dravya svatantra hai, aisī usakī dravya par dr̥uṣhṭi aur us jātakā usakā gnān kām karatā hai. dr̥uṣhṭi aur gnān donon maitrīrūp-se kām karate haĩn. jaise gnānanay kriyānayakī maitrī hai, vaise dr̥uṣhṭi aur gnān maitrī-se kām karate haĩn.
mumukṣhuḥ- jainadarshanakī aisī aṭapaṭī bāt dūsaroṅko samajhamen nahīn ātī. kabhī aisā kahanā, kabhī vaisā kahanā.
samādhānaḥ- un donoṅko sambandha hai. dr̥uṣhṭi aur gnānakī maitrī hai. dravyadr̥uṣhṭi akhaṇḍako grahaṇ karatī hai, gnānamen donon āte haĩn. isaprakār maitrī hai. vastukā svarūp dravya-guṇ- paryāy hai. isaliye sabamen do-do āte haĩn. vastu svabhāv-se abhed hai aur usamen guṇake bhed, paryāy bhed (bhī hai). bhed-abhed donon apekṣhā ek dravyamen hotī hai. isaliye har jagah donoṅkī maitrī hotī hī hai.
mumukṣhuḥ- dr̥uṣhṭi aur gnān sāthamen hī rakhanā.
samādhānaḥ- dr̥uṣhṭi aur gnān sāthamen hote haĩn. gnān aur kriyānay jaise sāthamen hote hain, vaise dr̥uṣhṭi aur gnān sāthamen hote haĩn. vastu anādiananta hai to usamen ananta guṇ nahīn hai, aisā nahīn hai. vastu svabhāv-se use abhed kahate hain, to bhī lakṣhaṇ bhed- se usamen koī bhed nahīn hai athavā usamen paryāy nahīn hai, yā sarva apekṣhā-se kūṭastha hai aisā nahīn hai. usamen koī guṇ nahīn hai aur ek akhaṇḍa dravya hai, parantu usamen
PDF/HTML Page 1719 of 1906
single page version
guṇ nahīn hai aisā nahīn hai. ek vastuke andar, ek abhedamen anakāntamay mūrti hai. do apekṣhāen̐ ek dravyamen hī hote hain to usakī sādhanāmen bhī sabamen do-do apekṣhāen̐ hotī hai. vastu svarūp hī anekāntamay mūrti hai.
mumukṣhuḥ- gnānanayamen liyā thā, syādvādakī pravīṇatā-se. pahalī bāt lī.
samādhānaḥ- hān̐, pahalī bāt lī, syādvādakī pravīṇatā-se.
samādhānaḥ- .. usakī ruchi jis or kām karatī hai, us or vah palaṭatī hai. ruchimen jo use yogya lage us anusār palaṭatā hai. svayam hī, koī nimitta nahīn karavā detā. munioṅkā nimitta banatā hai, parantu palaṭanā svayam-se hotā hai.
... puruṣhārtha karatā hai vah sab vartamānamen karatā hai. amuk jātake sanskār hai, usamen-se ekadam palaṭatā hai. unnati kramamen ātā hai. pahale amuk jātake sanskār brāhmaṇ taraphake the vah chale āte haĩn. usamen-se palaṭā hotā hai. puruṣhārthakī mandatāke kāraṇ aise hī sanskār chale āte haĩn.
.. mālūm thā, r̥uṣhabhadev bhagavānake samayamen marichīkumār... mahābhāgyakī bāt hai. jīv anādi kālamen paribhramaṇ karate-karate kahān̐-kahān̐ paribhramaṇ karatā hai aur puruṣhārthakī mandatā-se kahān̐-kahān̐ bhaṭakatā hai. thoḍeke liye kahān̐-kahān̐ aṭakatā hai. vah sab apane liye jānane jaisā hai. ... dūsareko kitanī sāvadhānī rakhane jaisī hai. mahāvīr-vīratāke kārya karate hain (isaliye) mahāvīr kahalāte haĩn. pariṣhah sahan kiye. ativīr, vīr, ativīr, mahāvīr aise sab nām (āte hain). sanmati. munioṅkī shaṅkā dūr ho jātī hai to sanmati kahalāte haĩn.
pūre lokamen dipāvalī manāte haĩn. nirvāṇ utsava. bhagavānane siddha dashā prāpta kī parantu jagatamen ek utsav rah gayā. sabako ānanda, ānanda, ānanda hī ho aisā utsav ho gayā. kisīko duḥkh honeke badale dipāvalī āye to māno dipotsav āyā. sabako ānanda maṅgal hotā hai. bhagavānako ānanda maṅgal ho gayā, sabako ānanda maṅgal ho gayā. jagatamen aisā ho gayā hai. antim tīrthaṅkara. virahakā kāl āyā to bhī har jagah ānanda maṅgal ho gayā. aisā hī koī dipāvalīkā utsav ho gayā. chaubīsaven antim bhagavāna. sab lokamen, anya lok dipāvalī (manāte hain). (nūtan) varṣha bahut manāte haĩn. apanā nūtan varṣha achchhā jāya. nūtan varṣha. teras āye to mahāvīr bhagavān antim bhagavān hai. divyadhvanikā divas āye.
mumukṣhuḥ- kis vidhi-se samyagdarshan aur samyaggnān prāpta ho?
samādhānaḥ- gurudevane bahut rāstā batāyā hai. gurudevane vibhinna prakār-se batāyā hai ki mārga ātmāko pahichānanā vah ek hī hai. aur usakā mārga bhī gurudevane batāyā
PDF/HTML Page 1720 of 1906
single page version
hai. apane puruṣhārthakī kṣhatike kāraṇ kar nahīn sakatā hai. ruchi usakī, lagan usakī, mahimā usakī sab usakā ho, bārambār usakā abhyās kare to ho sake aisā hai.
mitagnān aur shrutagnān-se nirṇay kiyā ki main ātmā yahī hūn̐ aur anya kuchh main nahīn hū̃n. main ātmā chaitanya, jitanā gnānasvabhāv hai vahī main hūn̐, anya kuchh main nahīn hū̃n. chaitanyakā lakṣhaṇ gnāyak hai. vah gnāyak lakṣhaṇ aisā koī asādhāraṇ lakṣhaṇ hai ki jo lakṣhaṇ dūsare dravyamen nahīn hai. aisā usakā asādhāraṇ lakṣhaṇ gnāyak lakṣhaṇ hai. us lakṣhaṇ-se use pahachānanā ki jo gnānasvabhāv hai vahī main hū̃n. dūsarā jo vibhāv lakṣhaṇ hai vah lakṣhaṇ chaitanyakā nahīn hai. vah to vibhāvakā, par nimittakā lakṣhaṇ hai. koī jaḍ padārtha yā koī arūpī padārtha, ātmā arūpī hone par bhī usakā gnānalakṣhaṇ koī asādhāraṇ lakṣhaṇ hai. vah asādhāraṇ lakṣhaṇ-se pahachānā jāy aisā hai. us lakṣhaṇ- se use pīchhānanā.
gnāyakake andar ananta guṇ bhare hain aur ananta mahimāvant gnāyak anupam tattva hai aur usamen apūrva ānanda bharā hai. use pahachānanā aur nakkī karanā ki ye jo gnāyak hai vahī main hū̃n. anya koī vastu main nahīn hū̃n. ye parapadārtha jo bāhyamen dikhe vah bhī main nahīn hūn̐, andar jo vibhāv dikhate hain vah bhī main nahīn hūn̐, anek prakārake vikalpa ho vah bhī apanā svarūp nahīn hai. svayam akhaṇḍa chaitanya gnāyak svabhāv hai vahī main hū̃n. usamen jo adhūrī paryāy yā pūrṇa paryāy ho, vah paryāy jitanā bhī ātmā nahīn hai. paryāy, shuddhātmākī paryāy usamen shuddha paryāy ho, to bhī usakā akhaṇḍa lakṣhaṇ to ek gnāyak lakṣhaṇ hai. usakā vah pūrṇa lakṣhaṇ hai, us lakṣhaṇ-se use pīchhānanā.
sādhanākī paryāyen pragaṭ ho, usamen jo pūrṇa paryāy pragaṭ ho, vah sab usakī sādhanāmen paryāyen pragaṭ hotī haĩn. parantu use gnāyak lakṣhaṇ-se pahachānanā. use pīchhānakar usakī dr̥uḍh pratīt karanī, usakā gnān karanā, usamen līnatā karanī. to usamen-se use svānubhūti pragaṭ ho, ānanda pragaṭ ho, sab usamen pragaṭ hotā hai. aur usamen āge baḍhate-baḍhate ratnatray darshan, gnān, chāritrakī prāpti hone-se usamen hī sādhanā abhyās, usakī sādhanā karane-se kevalagnānakī prāpti hotī hai.
parantu prārambhamen use nakkī karanā ki jo gnāyak lakṣhaṇ, gnāyak hai vahī main hū̃n. anya kuchh main nahīn hū̃n. bārambār usīkā abhyās karane jaisā hai ki jo gnāyak hai vah main hū̃n. aisā vikalpa-se nakkī kiyā, pahale vah vikalpa-se hotā hai, parantu use antaramen- se main gnāyak hūn̐, aisā sahajarūp-se main gnāyak hūn̐, aisī antaramen-se pratīt huyī aur usakā bhedagnān bārambār usakā abhyās karatā rahe, phir usamen sahajatā hone par nirvikalpa dashā muktikā mārga pragaṭ hotā hai. muktikā mārga hī vah hai.
PDF/HTML Page 1721 of 1906
single page version
parapadārthako svayam kar nahīn sakatā. aur dūsarā koī apanā kar nahīn sakatā, svayam dūsareko kar nahīn sakatā. use parapadārtha-se atyant abhāv hai. use nimitta-naimittik sambandhake kāraṇ aisā lagatā hai ki main dūsarekā karatā hū̃n. vah mātra use rāgake kāraṇ lagatā hai. bākī chaitanyadravya anya-se atyant bhinna hai. aisī pratīti, anyakā kuchh kar nahīn sakatā. apane svabhāvakā kartā hai. gnān, darshan, chāritra, ananta guṇakī paryāyen pragaṭ hon usakā kartā hai. parapadārthakā vah kartā nahīn hai.
chāron or-se chaitanyalakṣhaṇako nakkī karake usamen hī usakī pratīt, usakā gnān aur usamen līnatā karake āge baḍhe to vahī muktikā mārga hai. usamen hī usakī ānandakī paryāyen pragaṭ hotī hain, gnānakī paryāyen pragaṭ hotī hain, chāritrakī, ananta shaktiyon-se bharā guṇakā bhaṇḍār aisā ātmā, usamen-se pragaṭ hotā hai.
gurudevane vah batāyā, bārambār batāyā vah gurudevakā param upakār hai. aur vah upakār aisā hai ki jīvako bhavakā abhāv ho jāya. antaramen gurudevane antar dr̥uṣhṭi karavāyī, sabako ruchi karavāyī. parantu us ruchikī bārambār ugratā karake bārambār usīkā prayatna karane jaisā hai. jīvanamen vahī ek karane jaisā hai ki gnāyak main kaun hūn̐? gnāyakako pahachānanā, vahī karanā hai. usake liye shubhabhāv āye. dev-guru-shāstrakī mahimā, dev- guru-shāstrakī bhakti vah sab use shubhabhāvamen hotā hai. shuddhātmāmen ek gnāyaka. bas, ek gnāyak usake jīvanamen vah honā chāhiye. usīkā abhyās aur usīkā raṭan, usakī mahimā.