PDF/HTML Page 1750 of 1906
single page version
samādhānaḥ- .. samyagdarshan prāpta karanekā gurudevane kitanā spaṣhṭa karake mārga batāyā hai. karanekā svayaṅko bākī rahatā hai. apanī puruṣhārthakī kṣhatike kāraṇ aṭakā hai. svayam puruṣhārtha kare to ho sake aisā hai. jo aṭakā hai, vah svayaṅkī kṣhatike kāraṇa. apanī pariṇatikī kṣhatike kāraṇ aṭakā hai. bākī mārga to ek hī hai, mārga kahīn dūsarā nahīn hai. mārga to ek hī hai.
ek gnāyak ātmāko pahachānanā, vahī ek mārga hai. dūsarā koī mārga nahīn hai. mārga kahīn jyādā nahīn hai ki use ākulatā ho ki is mārga par jānā, is mārga par jānā yā is mārga par jānā. aisā nahīn hai. mārga to ek hī hai. ek chaitanya padārtha hai. svataḥsiddha anādiananta ātmā hai, us ātmāko pahachānanā. ātmā apaneāpako bhūl gayā vah ek āshcharyakī bāt hai ki svayam hone par bhī svayaṅko svayam dekhatā nahīn hai. svayam svayaṅko pahichāne, bhinna karake.
ye sharīr apanā svarūp nahīn hai. usake sāth ekatvabuddhi, andar vikalpake sāth ekatvabuddhi, sab shubhāshubh bhāv, sabake sāth ekatvabuddhi kar baiṭhā. usase bhinna apanā gnāyak svarūp gnān lakṣhaṇ-se pūrṇa gnāyakako pahichānanā. use pahichānakar usakā bhedagnān karake, us pariṇatiko dr̥uḍh karake svayam usamen pratīti dr̥uḍh karake, gnān karake, usamen līnatā kare to samyagdarshan hotā hai. parantu karanā svayaṅko hai. svayam karatā nahīn hai. svayam apanī mandatā-se rukā hai.
mumukṣhuḥ- isamen shraddhākā doṣh len, gnānakā doṣh len yā puuruṣhārthakā doṣh len yā ruchikī kṣhati len?
samādhānaḥ- sab doṣh hai. shraddhākī kṣhati hai, ruchikī kṣhati hai, puruṣhārthakī kṣhati hai. sab ekasāth mile haĩn. gnān yathārtha kab kahā jāy? ki gnān gnānarūp pariṇame taba. tabatak vah buddhipūrvakakā gnān karatā hai ki vastu aisī hai. phir bhī vah gnān gnāyakarūp pariṇamatā nahīn hai. isaliye vah gnān bhī yathārtha nahīn hai. vichār karake gnān kare ki yah vastu aise hī hai. parantu gnāyak gnāyakarūp pariṇame nahīn, tabatak gnānako bhī yathārtha visheṣhaṇ lāgū nahīn paḍatā. isaliye sab doṣh hai.
PDF/HTML Page 1751 of 1906
single page version
mumukṣhuḥ- sab guṇoṅkā doṣh hai.
samādhānaḥ- sabakā doṣh hai. ek palaṭane-se sab palaṭ jāte haĩn. ek samyak ho to sab samyak hotā hai. ek-se aṭakā hai. ruchi manda hai, puruṣhārtha manda hai. us apekṣhā-se pratītimen, gnānamen sabamen kṣhati hai.
mumukṣhuḥ- vikalpa bhī sahaj hai, nirvikalpa bhī sahaj hai aur main bhī sahaj hū̃n. to phir vikalpamen duḥkh laganā chāhiye, to sahajamen duḥkh laganā chāhiye, usamen pharka nahīn paḍā?
samādhānaḥ- vikalpa sahaj hai, matalab apane puruṣhārthakī pariṇatike binā koī jabaran karavā nahīn detā. vikalpa sahaj hai, vah to apekṣhā-se hai. khud aisā rakhe ki vikalpa sahaj hai, isaliye apaneāp jo honevālā hai vah hotā hai, to usakī puruṣhārthakī gati apanī or muḍegī nahī̃n. jo aṭakā hai vah apane puruṣhārthakī gati nahīn hai, us taraph usakī viparīt pariṇati jātī hai, isaliye aṭakā hai. vikalpa sahaj hai, aisā yadi rakhe, us ek apekṣhāko grahaṇ kare aur puruṣhārthakī mandatāko grahaṇ nahīn karegā to vah āge nahīn baḍhegā.
sab kāryamen apane puruṣhārthakī kṣhatiko yadi dekhegā to hī vah palaṭegā, anyathā palaṭegā nahī̃n. ... sahaj hai. parantu vikalpa sahaj hai, isaliye apaneāp honevālā hotā hai, to-to phir ashubhamen-se shubh bhī nahīn hogā. vah kuchh badal hī nahīn pāyegā. shubhamen-se shuddha bhī nahīn hogā. jaise honevālā ho, vaisā hogā. vah koī ātmārthīkā lakṣhaṇ nahīn hai.
jahān̐ ātmārtha hai, vahān̐ use aisā hī lagatā hai ki merī mandatā-se main aṭakā hū̃n. merī puruṣhārthakī (kṣhati hai). phir bhale hī vah utanī ākulatā na kare, parantu vah samajhe ki merī apanī mandatā-se main aṭakā hū̃n. apanī mandatā usake dhyānamen ho to palaṭanā hogā. mandatā hī dhyānamen nahīn hai aur kisī aur par ḍāle to use badalanekā avakāsh nahīn hai.
mumukṣhuḥ- main sahaj hūn̐, gnāyak sahaj hai.
samādhānaḥ- hān̐, gnāyak anādiananta vastu sahaj hai. parantu usakī pariṇati palaṭanemen puruṣhārthakā kām hai. .. apekṣhā-se sahaj hai, parantu puruṣhārtha palaṭanā apane hāthakī bāt hai. jise gnāyak dashā pragaṭ huī hai, jise bhedagnānakī dhārā pragaṭ huyī hai, use sahaj pariṇati (hai). jise bhedagnānakī sahaj pariṇati pragaṭ huyī hai, use bhī aisā rahatā hai ki mere puruṣhārthakī mandatā-se, merī līnatākī mandatā-se main chāritramen, vītarāg dashāmen, chhaṭhṭhī-sātavīn bhūmikāmen pahun̐chā nahīn hū̃n. merī apanī mandatāke kāraṇa. usake gnānamen bhī
PDF/HTML Page 1752 of 1906
single page version
aisā hotā hai.
yah to abhī usase bhī pahalekī bhūmikāmen khaḍā hai, bhedagnān pragaṭ nahīn huā hai aur sahaj dashā to pragaṭ nahīn huyī hai, aur sahaj mān le to āge baḍhanekā avakāsh nahīn hai. sahaj dashā hī pragaṭ nahīn huyī hai. aur kartr̥utvabuddhimen khaḍā hai aur sahaj mān le to āge baḍhanekā avakāsh nahīn hai. ise to kartābuddhi chhūṭ gayī hai, svāmītvabuddhi chhūṭ gayī hai, gnāyak dashā pragaṭ huyī hai, to bhī usamen puruṣhārthakī apekṣhā usake dhyānamen rahatī hai ki mere chāritrakī mandatā-se līnatākī mandatā-se chhaṭhṭhī-sātavīn bhūmikāmen jā nahīn pātā hū̃n. vah usake khyālamen hai. to bhī use aisā rahatā hai. sarva apekṣhā-se aisā hī māne ki sab sahaj hai, to āge baḍhanekā avakāsh nahīn rahatā hai.
mumukṣhuḥ- isamen kramabaddha ā gayā na?
samādhānaḥ- sab sahaj māne usamen kramabaddha ā gayā. parantu kramabaddha puruṣhārthapūrvak honā chāhiye. puruṣhārthake sāth kramabaddha juḍā hai. sachchā kramabaddha tab kahā jāy ki jisakī kartābuddhi chhūṭ gayī, sahaj gnāyak dashā pragaṭ huyī hai to bhī puruṣhārthake sāth vah kramabaddha sambandha rakhatā hai. puruṣhārthakī jaisī pariṇati ho us jātakā usakā kramabaddha hotā hai. us jātake kramabaddhakī rachanā use hotī hai. vah puruṣhārthake sāth juḍā hai.
usakī puruṣhārthakī gati apanī taraph jāy, gnāyakarūp (pariṇame) to usakā kramabaddha mokṣha taraph jātā hai. aur bāharamen khaḍā hai, vibhāvamen ekatvabuddhi karake (mānatā hai ki) jaise honā hogā vaisā hogā, usakā kramabaddha us jātakā hai. apanī taraph jāy usakā kramabaddha us jātakā hai.
mumukṣhuḥ- gnānako kis prakār-se dhīrā karen?
samādhānaḥ- gnānako dhīrā karake tū dekh, gnāyak kyā hai? vastu kyā hai? par kyā hai? kyā sva hai? aise dhīrā hokar vichār to yathārtha gnān hogā. ākulatā, rāgamishrit aise gnānamen visheṣh ākulatāmen yathārtha svabhāv tujhe grahaṇ nahīn hogā. isaliye dhīrā hokar, rāgako gauṇ karake dhīrā hokar vichāra. to yathārtha hogā. yathārtha vastu khyālamen āyegī. gnānako dhīrā karake, rāg-se bhinna use gauṇ karake dekh to tujhe yathārtha grahaṇ hogā.
mumukṣhuḥ- viparīt shraddhā ho to gnān dhīrā nahīn hotā hai?
samādhānaḥ- usamen jo visheṣh ākulatā ho, us ākulatā-se dhīrā paḍ sakatā hai. yathārthamen dhīrā ho, vah alag bāt hai. jignāsākī bhūmikāmen bhī dhīrā hokar dekh to sakatā hai.
mumukṣhuḥ- vikalpātmak bhedagnān huā?
samādhānaḥ- vikalpātmak hai.
PDF/HTML Page 1753 of 1906
single page version
mumukṣhuḥ- digambar kevalagnān shaktirūp-se svīkārate hain, sattā aur shaktimen kyā antar hai?
samādhānaḥ- sattā arthāt agnikī bhān̐ti andar vaisākā vaisā paḍā hai. agni andar hai, ūpar-se ḍhak dī hai. vaise sattā-se kevalagnān (hai), us (mānyatāmen) kevalagnān andar paḍā hai aur ūpar-se ḍhak gayā hai, aisā artha hai. aur shakti-se kevalagnān arthāt usakī pariṇati, usakī pariṇatikī shakti kam ho gayī hai. us arthamen hai.
svabhāv usakā akhaṇḍa hai. parantu andar ḍhakā huā, sūrya pūrā prakāshamān hai, bādalon- se ḍhak gayā hai. aise kevalagnān to andar vaisākā vaisā bharā hai, parantu ūpar-se ḍhakam gayā hai, aise sattā-se kevalagnān (mānatā hai). digambar aisā kahatā hai, andar pūrā kevalagnānakā sūrya pariṇati rūp-se vaisākā vaisā paḍā hai, aise nahīn hai. paranta usakī shakti-svabhāv- se hai. parantu usakī shakti pariṇatirūp nahīn hai. usakī shakti kam hai. paryāyamen shakti kam ho gayī hai. jabaki sattā arthāt paryāyakī pariṇati bhī vaisīkī vaisī hai, aisā kahanā chāhate haĩn.
mumukṣhuḥ- ve log pariṇatirūp mānate haĩn.
samādhānaḥ- hān̐, parimatirūp-se sattā mānate haĩn. pariṇatirūp-se nahīn hai, shaktirūp- se hai. aisā antar hai. svabhāv hai, svabhāvakā nāsh nahīn huā hai, parantu use pragaṭ nahīn hai. jaise chhoṭīpīparamen charaparāīkī shakti hai, parantu use ghīsate-ghīsate charaparāī pragaṭ hotī hai. vaise usakī kevalagnānakī shakti paripūrṇa bharī hai, parantu use pragaṭ paryāyarūp nahīn hai.
mumukṣhuḥ- sattārūp nahīn hai.
samādhānaḥ- hān̐, shaktirūp-se hai, sattārūp-se nahīn hai. andar vaisākā vaisā bharā hai arthāt vedan māno pragaṭ paḍā ho, aisā sattāmen artha hotā hai. pragaṭ paḍā ho vaise. pragaṭ nahīn paḍā hai, shaktimen hai. sattākā artha aisā hai ki mānon pragaṭ kaise paḍā ho. vaise pragaṭ nahīn hai.
... honekī shakti hai, parantu vah kahīn vr̥ukṣharūp nahīn hai. vaisā hai. kevalagnānakī shakti hai, parantu use pariṇatirūp-se pragaṭ kare to vah pragaṭ hotā hai. bījamen jaise vr̥ukṣha honekī shakti hai. ... ūpar ḍhakā huā ho, pūrā hai.
mumukṣhuḥ-
samādhānaḥ- svabhāvako pahichāne to ho. shvetāmbar-digambar... apanā svabhāv pahichānanā chāhiye.
mumukṣhuḥ- svabhāv to digambar shāstramen hī yathārtha batāyā hai.
PDF/HTML Page 1754 of 1906
single page version
samādhānaḥ- yathārtha mārga to digambar shāstrommen hī hai. vah to yathārtha hai hī kahān̐? usamen yathārtha nahīn hai. usamen kitane hī jātake pheraphār hai. vah yathārtha nahīn hai. .. kitane hī pheraphār hai. yathārtha mārga to digambaramen hī hai. prārambh-se lekar pūrṇatā paryantakā digambaramen hī hai. shvetāmbaramen to bahut pheraphār hai. sattā aur shaktike alāvā bhī dūsare bahut pheraphār hai. bahut pheraphār haĩn. (gurudevane) kitanā abhyās karake, khoj-khojakar, vichār karake parivartan kiyā thā ki yah mārga satya hai.
mumukṣhuḥ- shrīmadajīne utanī spaṣhṭatā nahīn kī hai. andaramen thī, parantu likhāvaṭamen utanī spaṣhṭatā (nahīn hai). gurudevane jitanī kī hai utanī nahīn hai.
samādhānaḥ- gurudevane to pūrā mārga prakāshit kar diyā. sūkṣhma rūp-se bhī kahīn kisīkī bhūl na rahe aisā kar diyā hai.
mumukṣhuḥ- janma-maraṇ karate-karate mushkil-se manuṣhyabhav milā, usamen aisā sunane milā. usamen aisā mārga gurudevane batāyā. usamen ātmā bhinna hai, usakā kyā svabhāv hai, use pahachānanā hai. ye vibhāvasvabhāv to duḥkharūp aur ākulatārūp hai. vah kahīn apanā svabhāv nahīn hai, ākulatā hai. shubhāshubh bhāv ākulatā hai. andar sukharūp ek ātmā hai. use kaise pīchhānanā, usakā prayatna karanā. usake liye usake vichār, vāñchan, sab karanā. aur dev-guru-shāstrakī mahimā. ek shuddhātmākī pahachān kaise ho, us dhyeyapūrvaka. dev-guru-shāstrakī mahimā-shubhabhāvanāmen vaha. jinendra dev, guru aur shāstra. aur antaramen shuddhātmākī pahachān kaise ho, vah karanā hai. jīvanamen usake liye yah sab prayatna, usake liye abhyās, sab usīke liyā karanā hai.
bākī sab to anādikāl-se sab kiyā hai. jīvako sab prāpta ho chūkā hai. vah kahīn apūrva nahīn hai. devalokakā bhav aur devalokakī sampatti prāpta huyī, aur bāharakī sampatti bhī jīvako ananta bār milī hai. apūrva to samyagdarshan apūrva hai. isaliye gurudevane apūrva vastu batāyī. vah kaise prāpta ho, vah karanā hai.
jīvako ananta kālamen sab prāpta huā hai. ek jinendra dev nahīn mile hain usakā artha svayanne pahichānā nahīn hai. ananta kālamen mile hain, parantu pahichānā nahīn hai. isaliye nahīn milane barābar hai. aur ek samyagdarshan apūrva hai. vah kaise prāpta ho, usakī bhāvanā, lagan, mahimā ādi sab karane jaisā hai. usakā vichār, vāñchan sab karanā hai.
antaramen koī apūrva vastu hai, anupam vastu hai. sukharūp vastu hai. usakī pratīt, usakā gnān, usamen līnatā, vah sab kaise prāpta ho, usakā prayatna karane jaisā hai. aisā mānate the, itanā shubhabhāv kiyā athavā itanī kriyāen̐ kī to dharma ho jāy, aisā mānā thā. aisemen gurudevane antar dr̥uṣhṭi batāyī ki antaramen dharma hai. bāhar-se kuchh
PDF/HTML Page 1755 of 1906
single page version
nahīn ātā hai. jab tak shuddhātmā pragaṭ na ho, to usakā dhyey rakhe. tabatak dev- guru-shāstra taraphakhe shubhabhāv āye. bākī dharma to ātmāke svabhāvamen rahā hai. vah mārga pūrā gurudevane batāyā hai.
mumukṣhuḥ- mātājī! āpake nimitta-se jo spaṣhṭīkaraṇ ho vah bhī utanā sundar hotā hai ki logoṅko jo kuchh aspaṣhṭa ho, vah spaṣhṭa ho jātā hai.
samādhānaḥ- antaramen shīghratā-se puruṣhārtha utpanna ho... utpanna na ho to usakā sanskār ḍāle. ekatvabuddhi toḍakar main chaitanya hī hūn̐, aise bārambār dr̥uḍh abhyās karatā rahe. usakā vichār, usakā vāñchan, dev-guru-shāstrane jo batāyā hai, vah sab svayam bārambār usakā manthan kar-karake usake sanskār ḍāle to bhaviṣhyamen bhī sanskār gahare to vah pragaṭ honekā kāraṇ banatā hai. jo puruṣhārtha kare, ugra kare to use antarmuhūrtamen hotā hai, usase bhī ugra kare to use chhaḥ mahinemen hotā hai. na ho to usakā abhyās bārambār karatā rahe. abhyās kare to bhī bhaviṣhyamen use pragaṭ honekā kāraṇ banatā hai. yadi andar yathārtha gahare sanskār ḍāle to.
vah ātā hai na, tatprati prīti chitten vārtāpi hī shrutāḥ. prīti-se bhī tattvakī- ātmākī bāt sunī hai ki ātmā koī apūrva hai, aisā gurudevane batāyā hai. antarakī gaharī ruchi-se sune to vaise sanskār yadi use dr̥uḍh ho jāy to bhaviṣhyamen use vah pragaṭ hue binā nahīn rahate. vaisā puruṣhārtha bhaviṣhyamen phir-se utpanna honekā use kāraṇ banatā hai. ataḥ aisā kāraṇ ḍāle, yadi pragaṭ na ho to bārambār aisā abhyās karatā rahe. abhyās karatā rahe to bhī achchhā hai.
main chaitanya hūn̐, chaitanya hūn̐, ye sab main nahīn hū̃n. jo ekatvabuddhi anādikāl-se dr̥uḍh ho rahī hai, kṣhaṇ-kṣhaṇamen sharīr-se bhinna main hūn̐, vah to use mālūm nahīn hai, vah mātra vichār-se nakkī karatā hai. parantu kṣhaṇ-kṣhaṇamen main bhinna hī hū̃n. ye vikalpa ho vah bhī merā svarūp nahīn hai. aise kṣhaṇ-kṣhaṇamen use bhinna karanekā, antar-se mahimāpūrvak (kare). rukhe bhāv-se nahī̃n. ātmā koī apūrva aur anupam vastu hai. aisī usako mahimā ākar antaramen-se bārambār mujhe yahī grahaṇ karane yogya hai aur yahī vastu sarvasva hai. isaprakār vah bārambār pariṇati dr̥uḍh karatā rahe. usakā vichār, usakā vāñchan sab karatā rahe to vah abhyās karane jaisā hai.
gurudev kahate the, chhoṭīpīparako ghisate-ghisate charaparāī pragaṭ hotī hai. vaise bārambār abhyās karane-se antaramen-se pragaṭ honekā kāraṇ banatā hai. chhāchhamen makkhan hotī hai. use bilote-bilote makkhan bāhar ātā hai. vaise bārambār yadi yathārtha abhyās ho, apanā astitva grahaṇ karake ki main gnāyak hūn̐, aise bārambār abhyās kare to bhedagnān pragaṭ
PDF/HTML Page 1756 of 1906
single page version
honekā kāraṇ banatā hai. yathārtha kāraṇ ho to kārya ātā hī hai. bākī ātmā bhinna hai.
jaise sphaṭik svabhāv-se nirmal hai, vaise ātmā svabhāv-se-vastu-se to nirmal hai. usamen lāl-pīlā pratibimb utpanna hotā hai, vah to bāharake phūlakā uṭhatā hai. aise karmake nimitta-se jo vibhāv bhāv hotā hai, usamen pariṇati apanī hotī hai, puruṣhārthakī mandatā-se. vah jaḍ nahīn karavātā. apanī pariṇatikī mandatā-se hotī hai. parantu use vah palaṭ sakatā hai ki main to chaitanya hūn̐ aur yah merā svabhāv nahīn hai. isaprakār pariṇatiko bhinna karake, main to ek shuddhātmā hūn̐, ye sab vibhāvabhāv hai, use prayās karake antaramen usakā bhedagnān kare. bārambār usakī dr̥uḍhatā kare.
ātmāmen gnān aur ānanda bharā hai, vah apanemen-se pragaṭ hotā hai, bāhar-se kahīn- se nahīn ātā hai. bāharamen-se kuchh ā jātā hai yā bāharamen-se ānanda yā gnān nahīn āte. dev-guru-shāstra mārga batāye. vah gnān pragaṭ honekā kāraṇ banatā hai. parantu puruṣhārtha svayaṅko karanā rahatā hai.
anādikāl-men jo deshanālabdhi hotī hai (usamen) koī guru mile, koī dev mile to antaramen svayam grahaṇ karatā hai. parantu aise guruke upadeshakā nimitta banatā hai. upādān apanā hai. parantu aisā nimitta-naimittik sambandha hai ki guruke upadeshakā nimitta banatā hai. puruṣhārtha svayaṅko karanā paḍatā hai. gnāyakako grahaṇ karanā. gnāyakako grahaṇ kaise karanā? usakā mārga bhinna-bhinna nahīn hai. ek gnāyakako grahaṇ karanā. vastu-mārga ek hī hai. usakī pratīti, usakā gnān, usakī līnatā. usake liye sab laganī, mahimā, usakā abhyās bārambār vahī karanekā hai.
mumukṣhuḥ- pahale gnānalakṣhaṇ-se, ye jo pandrahavī gāthāmen āyā ki gnānalakṣhaṇ-se..
samādhānaḥ- gnānalakṣhaṇ-se ātmākī pahichān hotī hai. gnānalakṣhaṇ-se pūre gnāyakako grahaṇ karanā. gnānalakṣhaṇ ek sāmānya ātmākā lakṣhaṇ ki jisamen bhed nahīn hai, aisā gnāyaka. koī paryāyakā bhed, paryāyake bhed par bhī dr̥uṣhṭi nahīn rakhakar main pūrṇa gnāyak hūn̐, us gnāyakako grahaṇ kare to gnāyak grahaṇ hotā hai.
itanā jānā, itanā jānā, itanā jānā vah main, aisā nahī̃n. parantu gnāyak jo jānanevālā hai, vahī main hū̃n. use grahaṇ karanā. gnānakī anubhūti-gnāyakakī anubhūti hai vahī main hū̃n. vibhāvakī jo anubhūti ho rahī hai vah main nahīn hū̃n. gnāyakakī anubhūti hai vahī main hū̃n. rāgamishrit jo svād āye vah main nahī̃n. parantu main ek gnāyak, akelā gnāyak, jisamen akelā gnāyak hī hai, chāron or gnāyak hī hai, vah main hū̃n. .. main svayam gnāyak hū̃n. aise gnāyakako grahaṇ karanā vahī (upāy hai). rāgamishrit jo gnān hotā hai-vikalpamen, vah vikalpa main nahīn hūn̐, apitu main gnān hū̃n. isaprakār gnānako grahaṇ karanā.