PDF/HTML Page 1772 of 1906
single page version

mumukṣhuḥ- gurudevako koī bār pravachan dete samay mānoṅkī nirvikalpa dashā ho gayī ho, to ham jo bāhar pravachanamen baiṭhe hon, unhen khyāl ā sakatā hai?

samādhānaḥ- ā sake aur na bhī ā sake, donon bāt haĩn. dekhanevālā chāhiye. apanī vaisī dr̥uṣhṭi ho to mālūm paḍe, nahīn to nahī̃n.

mumukṣhuḥ- aise dikhāv par-se to khyāl na āye na?

samādhānaḥ- apanī aisī dekhanekī shakti chāhiye na.

mumukṣhuḥ- bāharamen kuchh khyāl ā sakatā hai?

samādhānaḥ- jo dekh sake vah dekh sakatā hai, sab nahīn dekh sakate. usakī parīkṣhak shakti honī chāhiye.

mumukṣhuḥ- bīchamen thoḍā samayakā antar rahatā hogā?

samādhānaḥ- paḍe, lekin bāhar pakaḍanā mushkil paḍe. ek ādamī kuchh kām karatā ho, to kām karate vakta usake vichāroṅkā pariṇaman kahān̐ chalā jātā hai. hāthakī kriyā kahīn chalatī hai, to bāharakā manuṣhya kahīn pakaḍ nahīn sakatā ki usake vichārakī pariṇati kahān̐ jātī hai. ek ādamī kisīke sāth bātachīt karatā ho, dhīre-dhīre shānti- se karatā ho, usakī pariṇati kahān̐ jātī ho vah bāharakā manuṣhya pakaḍ nahīn sakatā. vah to sthūl vibhāvakī pariṇatimen bhī aisā hotā hai. koī kām karatā ho, kuchh karatā ho aur usake vichār kahīn chalate hain aur kām kuchh hotā ho.

mumukṣhuḥ- dr̥uṣhṭānta to barābar hai. us prakār vāñchan karate-karate unake pariṇām ho jāy to khyālamen na āye.

samādhānaḥ- aisī pariṇati pakaḍanī mushkil hai. yogakī kriyāmen kuchh dikhe to mālūm paḍe, nahīn to pakaḍanā mushkil paḍe.

mumukṣhuḥ- yogakī kriyāmen kuchh pharka to paḍatā hogā.

samādhānaḥ- dekhanevālekī dr̥uṣhṭi par (nirbhar karatā) hai.

mumukṣhuḥ- mātājī! vāṇīmen kuchh pheraphār hotā hai?

samādhānaḥ- vāṇīkī sandhi chalatī hai.

PDF/HTML Page 1773 of 1906
single page version

mumukṣhuḥ- atyant āshcharya ho aisī bāt hai. hamane to āpase savikalpa dashākā varṇan sunā to aisā hotā hai ki abhī tak to bāharake rāg-dveṣhake pariṇām-se hī māp nikālanekā prayatna karate the. jabaki gnānīkā pariṇaman to pūrā bhinna hai.

samādhānaḥ- jagat-se bhinna pariṇaman hai. koī vyaktike prashna pūchhaneke bajāy samuchchay prashna pūchhanā. chhaṭhaven-sātaven guṇasthānamen munirāj antarmuhūrta-antarmuhūrtamen jhulate haĩn. bāhar āye to munirājako sab sandhi hotī hai. shāstra likhate hon to bhī sandhi to aise hī chalatī hai. antarmuhūrta-antarmuhūrtamen bhī bahut pheraphār hote haĩn. kaun-sā antarmuhūrta, kaisā antarmuhūrta... gnānīkī dashā kṣhaṇ-kṣhaṇamen bhedagnānakī vartatī hai. gnāyakadashākī pariṇati pūrī bhinna hotī hai.

mumukṣhuḥ- muni mahārājako aisā vikalpa nahīn hotā hai ki main shreṇi lagāūn̐. unakī tīvratā itanī baḍh gayī hai ki sahaj hī shreṇi lagāte haĩn.

samādhānaḥ- vikalpa nahīn hotā hai, main shreṇi lagāūn̐ aisā vikalpa nahīn hotā. unakī pariṇatikī gati hī aisā ho jātī hai ki bār-bār svarūpamen līnatā (ho jātī hai). antaramen līnatāke alāvā bāhar ṭik nahīn sakate haĩn. aisī to dashā hai ki antarmuhūrtase jyādā to bāhar nahīn sakate haĩn. antarmuhūrta bāhar jāy utanemen antaramen pariṇati palaṭ hī jātī hai. usase jyādā der ve bāhar ṭik nahīn pāte. pariṇati utanī apane svarūpakī or chalī gayī hai ki apanemen itanī līn pariṇati hai ki bāhar ṭik nahīn sakate.

aisā karate-karate unakī pariṇati itanī joradār svarūp or jātī hai ki usamen- se unako shreṇi lagatī hai. aisā vikalpa nahīn karate hain ki main shreṇi lagāūn̐. svarūpamen itanī līnatā baḍh jātī hai, nirvikalpa dashāmen itanī līnatā ho jātī hai ki usamen- se unhen shreṇi lag jātī hai. vah antarmuhūrtakī dashā hai. aisī dashā ho jāy ki vikalpa to nirvikalpa dashāmen buddhipūrvak ho jāy, parantu unhen svarūp līnatākī aisī joradār pariṇati ho jātī hai ki usamense shreṇi lagākar aur vah līnatā aisī hotī hai ki phir bāhar hī nahīn āte. aisī kṣhapak shreṇi lagā de to andar līnatā huī so huī, sarva vibhāvakā kṣhay ho jātā hai. vibhāv pariṇatikā kṣhay ho jātā hai isaliye karmakā bhī kṣhay ho jātā hai. aur antaramen pariṇati gaī so gaī, phir bāhar hī nahīn āte. aisī līnatā ho jātī hai ki antarmuhūrta bhī bāhar ā jāte the, ve utanā bhī bāhar ṭik nahīn sakate. andar aisī līnatā ho gayī. sādiananta (kāl) usamen-hī ṭik gaye. usamen ṭik gaye, pariṇati ṭik gayī to sādiananta ānanda dashā pragaṭ huī. aur gnānakī nirmalatā ho gayī. gnānakī pariṇatimen ek antarmuhūrtamen jānā jātā thā, vah gnān ek samayamen sab jān sake aisī pariṇati, vītarāg dashā huī isaliye gnān bhī vaisā nirmal ho gayā.

PDF/HTML Page 1774 of 1906
single page version

usakā svabhāv jo hai ek samayameen jāne, gnān dūsareko jānane nahīn jātā, parantu apanemen gnānakī pariṇati sva taraph hī muḍ gayī. svayam apaneko jānate hue par sahaj hī gnāt ho jātā hai. pūrṇa lokālok aur svayam ātmā, ātmāke ananta guṇ-paryāy aur dūsareke svayaṅko jānate hue sab gnāt ho jātā hai. aisī sahaj pariṇati (ho jātī hai). vikalpa nahīn hotā ki main shreṇi lagāūn̐, kevalagnān nahīn ho rahā hai. mujhe vītarāg dashā ho, mere svarūpamen līnatā karun̐, mujhe bāhar kahīn nahīn jānā hai. vibhāv pariṇati suhātī nahī̃n. isaliye svarūpamen aisī līnatā ho gayī. ātmāke alāvā mujhe kahīn chain nahīn hai. ātmāmen utanī līnatā ho gayī ki phir bāhar hī nahīn āte. andar gaye so gaye, svarūpamen samāye so samāye, bāhar hī nahīn āye. aisī pariṇati hotī hai isaliye vītarāg dashā aur kevalagnānakī dashā pragaṭ ho jātī hai.

mumukṣhuḥ- koī bhī dashākī ichchhā nahīn karī, ātmāmen hī līnatā kī.

samādhānaḥ- koī dashākī ichchhā nahīn hai. ek ātmākī līnatā, ātma svarūpamen sthir ho jāūn̐, svarūpake alāvā kahīn nahīn jānā hai. vibhāvamen kahīn nahīn jānā hai. ek svarūpamen hī rahū̃n. pariṇati aisī jam gayī ki usamen kevalagnān ho gayā.

samyagdarshanamen usakī pratīti itanī joradār hai ki isīmen līnatā karũn. parantu vah līnatā amuk prakār-se ṭikatī hai aur thoḍā bāhar āte haĩn. vah līnatākā jor baḍhate-baḍhate usakī bhūmikā baḍhatī hai. aur bhūmikā baḍhate-baḍhate munidashā ākar phir shreṇi lagāte haĩn.

gnāyakakī dhārā, bhedagnānakī dhārā sahajapane vartatī hai. usamen unhen svarūpamen līnatā nirvikalpa dashā hotī hai, aisā karate-karate usakī bhūmikā baḍh jātī hai. svarūpakī līnatā baḍhate-baḍhate usakī bhūmikā chauthemen-se pān̐chavī ho jātī hai. līnatā baḍhatī hai isaliye. usake anukūl jo jātake shubhabhāv hote hain, vah bhāv āte haĩn. usamen amuk vratādike āte haĩn. aisā karate-karate līnatākī-svarūpamen rahanekī bhūmikā baḍhatī jātī hai isaliye chhaṭhavān-sātavān guṇasthān aur munidashā ho jātī hai. phir aisī dashā ho jātī hai ki antamuūrharta-se jyādā bāhar ṭik nahīn sakate haiaĩn. isaliye munidashā ātī hai. aur munidashāmen rahate-rahate bāhar hī nahīn jāy aisī līnatā ho jātī hai isaliye shreṇi lagāte haĩn.

mumukṣhuḥ- chaturtha guṇasthān-se ākhir tak līnatākā ek hī puruṣhārtha hai.

samādhānaḥ- bas, vah līnatākā puruṣhārtha hai. pahale samyagdarshanakī pratīti kā bal hotā hai. us pratītike balapūrvak līnatākī pariṇati hotī hai. līnatā arthāt chāritrakī dashā pragaṭ hotī hai. samyagdarshanapūrvak svarūpakā ālamban hai, pratītamen svarūpakā-dravyakā

PDF/HTML Page 1775 of 1906
single page version

ālamban hai. us ālambanapūrvak līnatākā jor baḍhatā jātā hai.

mumukṣhuḥ- agnānīko bhī aisā dravyakā jor ātā hai, agnān dashāmen?

samādhānaḥ- samyagdr̥uṣhṭiko jaisā jor ātā hai, aisā jor-dravyakā ālamban nahīn hotā hai. parantu usakī bhāvanāpūrvak hotā hai. vah abhyās karatā hai.

jo samyagdarshanakā jor hotā hai vah to yathārtha hai. use dravyakā ālamban barābar hotā hai. apane astitvako grahaṇ karake yathārthapane jo ālamban liyā, bhedagnān hokar ālamban liyā, vibhāv-se bhinna paḍakar main yah gnāyak hūn̐, aisā ālamban yathārthapane ā gayā, us ālambanakā bal use alag hotā hai. vah ālamban aisā hotā hai ki pūrā jagat ḍol uṭhe to bhī usakā ālamban andar-se ṭūṭatā nahī̃n. sadāke liye vah ālamban ṭikā rahatā hai, aisī usakī bhedagnānakī dashā ho jātī hai.

(mumukṣhuko) to abhyāsapūrvak hai. isaliye aisā ālamban use nahīn hotā. ālambanakā abhyās karatā hai. ālamban le, phir chhūṭ jāy, aisā sab hotā hai.

mumukṣhuḥ- ye to dhārāvāhī aur uttarottar vr̥uddhigat hotā hai.

samādhānaḥ- vr̥uddhi pāmatā hai, dhārāvāhī ālamban hai. jaisī vibhāvakī ekatvabuddhi (hotī hai), aisā joradār use chhūṭatā hī nahī̃n. sadāke liye aisā (rahatā hai). use dravyake ālambanakā khaṇḍa nahīn hai. gnāyakakī pariṇatikā khaṇḍa nahīn hai. sab vikalpamen, kṣhaṇ- kṣhaṇamen, sab kāyāmen, jāgate-sote dravyakā ālamban sadāke liye chhūṭatā nahī̃n. aisā use sahaj ālamban hotā hai. sahaj pratīti, sahaj ālamban, sahaj gnāyakakī dhārā, chaitanyakī mahimā use aisī sahaj ho gayī ki use chhūṭatā hī nahī̃n. chaitanyake alāvā kuchh nahīn, bas, ek usakā hī ālamban dr̥uḍhapane huā hai. aur usamen līnatā baḍhatā jātā hai.

chaitanya ek mahā padārtha ātmā koī apūrva anupam hai. vah use grahaṇ ho gayā. gnāyakakī gnāyakarūp pariṇati ho gayī. vah sadāke liye chālū hī hai. jo chyūt ho gaye usakī koī bāt nahīn hai. jisakī sahaj dhārā vartatī hai, jo āge jānevālā hai, use sadāke liye ālamban hotā hai. aur vahī usakī dashā hai. to hī vah samyagdr̥uṣhṭikī dashā hai. bhedagnānakī dhārā ho to hī vah dashā hai. aur bhedagnānakī dhārāke kāraṇ, use svānubhūti bhī usī kāraṇ-se hotī hai. bhedagnān gnāyakakī dhārā ho to svānubhūti hotī hai. svānubhūtikī dashā usīmen pragaṭ hotī hai.

mumukṣhuḥ- samakitīko sharīr-se bhinna, aisā to dhārāvāhī lagatā hī hogā na?

samādhānaḥ- sahaj hai. vikalpa-se bhinna vah sahaj hai to sharīr-se bhinna to usase bhī jyādā sahaj hai. sharīr to sthūl hai. sthūl sharīr-se bhinna (lagatā hī hai). vikalpa- se bhinna, jo kṣhaṇ-kṣhaṇamen vikalpa āte hain, vikalpa aur vibhāv pariṇatikī dhārā jo

PDF/HTML Page 1776 of 1906
single page version

kṣhaṇ-kṣhaṇamen hotī rahatī hai, andar jo ekake bād ek vikalpakī jāl chalatī hai, usase kṣhaṇ-kṣhaṇamen bhinna, dhārāvāhī rūp-se bhinna rahatā hai to usamen sharīr-se bhinna to ā hī jātā hai. sharīr-se bhinnatā vah to ek sthūl hai. usase bhī jyādā sūkṣhma vikalpa-se bhinnatā hai.

mumukṣhuḥ- mānon koī dūsarā vikalpa kar rahā ho, utanā bhinna lagatā hai?

samādhānaḥ- vikalpa-se merā svabhāv bhinna hai. puruṣhārthakī mandatā-se hotā hai, parantu yah merā svabhāv nahīn hai. usase bhinna bhedagnān, gnātākī pariṇati vartatī hai.

mumukṣhuḥ- svabhāvamen ekatva hai isaliye..

samādhānaḥ- svabhāvamen ekatva hai, vibhāv-se vibhakta hai. jo vibhāv-se vibhakta huā, vah sharīr-se vibhakta ho hī gayā hai. dravyakarma, bhāvakarma, nokarma. bhāvakarma- se bhinna vartatā hai, vah dravyakarma, nokarma-se bhinna hī vartatā hai. sthūlatā-se sharīr- se bhinna, bhinna aisā kare, aur andar-se bhinna nahīn paḍā to vah vāstavik bhinna hī nahīn huā. koī sthūlatā-se aisā kahe ki main sharīr-se bhinna-bhinna (hūn̐). parantu yadi vikalpa-se bhinna nahīn pariṇamatā hai to sharīr-se bhinna, vah mātra abhyāsarūp hai.

mumukṣhuḥ- to chāritrake doṣhako andar thoḍā bhī nahīn ginanā? samakit prāpta honemen shraddhānakā hī doṣh hai?

samādhānaḥ- samyagdarshan prāpta honemen shraddhākā hī doṣh hai. chāritrakā doṣh to usake sāth-shraddhān sambandhit svarūpācharaṇ chāritra hai vah ā jātā hai. parantu use chāritramen ginanemen nahīn ātā hai. vah shraddhāmen hī kahanemen ātā hai. chāritrakā doṣh shraddhāko nahīn rokatā. shraddhāko shraddhākā doṣh hī rokatā hai. anantānubandhī jo kaṣhāy hai, us kaṣhāyako shraddhāke sāth sambandha hai. vah shraddhā jisakī badale, use anantānubandhī kaṣhāy ṭal hī jātā hai. use shraddhāke sāth sambandha hai. isaliye ananta kāl-se shraddhākā doṣh hai.

mumukṣhuḥ- to sanyam aur nītiko bilakūl bīchamen lānā hī nahīn?

samādhānaḥ- jise ātmākī ruchi lage, jise ātmā hī chāhiye dūsarā kuchh nahīn chāhiye, use nīti ādi sab hotā hī hai. amuk pātratā to use hotī hai. jise shraddhā palaṭ jātī hai use amuk jātakā shraddhāke sāth jise sambandha hai, aisī pātratā to hotī hai. pātratāke binā nahīn hotā.

mumukṣhuḥ- avinābhāvī kahen to usamen kyā dikkat hai?

samādhānaḥ- avinābhāvī to hai, parantu vah anantānubandhī kaṣhāyake sāth sambandha hai. use apratyākhyānī aur pratyākhyānīke sāth sambandha nahīn hai. anantānubandhī kaṣhāyake sāth sambandha hai. isaliye amuk jātakī use pātratā hotī hai. usakī ruchi jahān̐ palaṭatī

PDF/HTML Page 1777 of 1906
single page version

hai, ki ek ātmā hī chāhiye, jahān̐ ātmārthītā hotī hai, ek ātmākā hī prayojan hai, usake kaṣhāy manda hote haĩn. use viṣhay kaṣhāyoṅkī lālasā ṭūṭ jātī hai. ek ātmā chāhiye, dūsarā kuchh nahīn chāhiye. aisī usakī antar-se pariṇati ho jātī hai. usakā nīti, nyāyake sāth sambandha hotā hai.

mumukṣhuḥ- samyagdarshan honeke bād nīti jyādā baḍhatī hai, aisā hai?

samādhānaḥ- nītikā samyagdarshanake sāth jitanā sambandha hai utanī hotī hai. vyavahār- se ayogya ho aisī anīti usako nahīn hotī. samyagdarshanake sāth bhī nītikā sambandha hai. samyagdarshan hone pūrva bhī nītikā sambandha hotā hai. samyagdarshan honekā bād kahīn anītike kārya kare aisā nahīn hotā. samyagdarshan honeke bād chāhe jaisā ācharaṇ kare to koī doṣh nahīn hai, aisā nahīn hai. use chāhe jaisā ācharaṇ hotā hī nahī̃n.

jise svarūp maryādā ho gayī hai, svarūp-se jo bāhar nahīn jātā hai, svarūpako chhoḍakar vibhāvake sāth ekatvabuddhi nahīn karatā hai, jo svarūpakī maryādāmen hī rahatā hai, antaramen utanī maryādā ā gayī hai, use svarūpācharaṇ chāritra aur bhedagnānakī dhārā vartatī hai, gnāyakakī dhārā (vartatī hai), jo kartā nahīn hotā, svarūpamen itanī maryādā ā gayī, use bāharakī maryādā, use vibhāvamen maryādā ā hī jātī hai. jo svarūpamen- se bāhar nahīn jātā hai, use amuk maryādā hotī hai. to use vibhāvakī, rāgakī sabakī maryādā hai. use nītike amuk kārya hote hī haĩn. use sabamen maryādā ā jātī hai.

jise andaramen maryādā ho gayī, gnāyakako chhoḍakar kahīn jātā nahīn, gnāyakakī dhārāke alāvā usakī pariṇati kahīn ekatva nahīn hotī, to usake pratyek kāryamen maryādā hotī hai. maryādā rahit nahīn hotā. usakī bhūmikāke yogya use sab hotā hī hai.

mumukṣhuḥ- sinhake bhavamen mahāvīr bhagavānako jo samakit prāpta huā, to mun̐hamen to abhī māns thā.

samādhānaḥ- vah chhūṭ jātā hai. phir to usane chhoḍ diyā. mun̐hake sāth koī sambandha nahīn hai. antar-se pariṇati palaṭ gayī aur chhūṭ gayā, āhār-pānīkā tyāg kar diyā hai. jahān̐ samyagdarshan huā, vahān̐ sinhane āhārakā tyāg kar diyā hai. tyāg karake santhārā kiyā hai aur devalokamen gayā hai. usane chhoḍ diyā, āhār hī chhoḍ diyā hai. jahān̐ samyagdarshan, svānubhūti huyī, pariṇati palaṭ gayī vahān̐ āhār chhoḍ diyā.

mumukṣhuḥ- merā kahanā aisā hai ki jo samyagdarshan prāpta hotā hai, usake pahale hey aur upādeyakā vivek karane jāy ki usake pahale ātmākā svasamvedan karanekā prayatna kare?

samādhānaḥ- jo svasamvedan or muḍā usamen hey-upādey sāthamen hī hotā hai. sab

PDF/HTML Page 1778 of 1906
single page version

sāthamen ho jātā hai. sinhake bhavamen sab sāthamen ā gayā. pariṇati ekadam narma ho gayī, andar pātratā pragaṭ ho gayī, are..! ye main kyā kar rahā hūn̐? aisā ho jātā hai. antar svarūp or muḍ jātā hai. sab sāthamen ho jātā hai. are..! ye vibhāvadashāmen main kahān̐ ā gayā? svabhāv or pariṇati palaṭ jātī hai. sab sāthamen (ho jātā hai).

yathārtha palaṭanā kab kahā jāy? ki andar bhedagnān huā taba. aur us yathārtha palaṭaneke sāth sabakā avinābhāvī sambandha hai. usake pahale use pātratāke amuk bhāv āte hain, are..! ye main kyā kar rahā hūn̐? aisā vikalpa āye. parantu yathārtha prakār- se jab chhūṭatā hai tab ekasāth chhūṭ jātā hai.

mumukṣhuḥ- āpane kahā ki tīkhā aur ugra puruṣhārtha karanā paḍegā. usamen jyādā vāñchan karanā? jyādā satsaṅg karanā? jyādā dhyān karanā?

samādhānaḥ- antar pariṇatikā jyādā puruṣhārtha karanā. usamen jahān̐ usakī ruchi lage, use vāñchanamen pariṇatiko jyādā lābhadāyī dikhe to vāñchanamen juḍe, vichāramen jyādā lābh lage to usamen juḍe, use satsaṅgamen lābh hotā ho to usamen juḍe. use jahān̐ lābh hotā ho vah kare. parantu andar puruṣhārtha, andar gnāyakakī ugratā kaise ho, gnāyakadhārākī aur main kaise mere chaitanyakī or merī pariṇati dr̥uḍh ho, merī pratīti dr̥uḍh ho, main chaitanya hī hūn̐, yah main nahīn hūn̐, usake puruṣhārthakā dhyey ek hī hai. us dhyeyake sāth jahān̐-jahān̐ usake pariṇāmako ṭhīk paḍe, jahān̐ usake pariṇām ṭik sake aur vr̥uddhi ho, aise kāyāmen juḍe.

dhyānamen use ṭhīk lage to dhyānamen juḍe. parantu dhyānake sāth yathārtha gnānake vichār, yathārtha gnānapūrvak dhyān hotā hai. apane svabhāvako pahachāne vichār karake ki yah gnāyak hai vahī main hū̃n. phir usamen ekāgra honekā prayatna kare. vah ekāgratā usakā dhyān hai. usamen dhyān-se ugratā hotī ho to dhyān kare. parantu vah dhyān gnānapūrvakakā dhyān honā chāhiye. binā samajhe dhyān kare yā vikalpa chhoḍe, kahān̐ khaḍe rahanā? apanā astitva grahaṇ kiye binā, samajh binā hī dhyān kare to koī lābh nahīn hai. samajhakar dhyān kare ki main yah chaitanya hūn̐ aur yah main nahīn hū̃n. phir usamen ekāgra honekā tīkhā puruṣhārtha kare to lābh ho. lekin vah yathārtha samajhapūrvak honā chāhiye.

ekāgratākī ugratā karake vibhāv-se bhinna paḍanekā prayatna kare. parantu usako yathārtha gnān karaneke liye vichārake sāth vāñchan, satsaṅg, yathārtha gnān karaneke liye vah hotā hai. phir ekāgratā karaneke liye vah dhyān kare, parantu samajhapūrvakakā dhyān honā chāhiye. gnānapūrvakakā dhyān honā chāhiye.

mumukṣhuḥ- jo vāñchan karane-se, jo vichār karane-se ātmā vibhāvase, vibhāvake

PDF/HTML Page 1779 of 1906
single page version

kāyāse bhinna nahīn huā vah vāñchanā, paḍhanā mithyā hai. to hamārī samajhake sāth-sāth hey aur upādeyakā vivek kyon pragaṭ nahīn hotā hai? yā ham sirpha dikhāv karaneke liye yahān̐ āte hain yā phir ātmaprāptikī kuchh ichchhā nahīn ho rahī hai? bhavabhramaṇakā trās nahīn lagatā hai?

samādhānaḥ- puruṣhārthakī mandatā hai. mumukṣhuḥ- āp gnānī hon isaliye āpake pās baiṭhate haĩn. samādhānaḥ- dikhāneke liye nahīn parantu apanī ruchikī mandatā hai, puruṣhārthakī mandatā hai. andar utanī lagī nahīn hai ki yah chhūṭakar andar jānā hai. utanī ugratā nahīn hai. utanī ugratā nahīn hotī hai tabatak vichār, vāñchan, satsaṅg karatā rahe, parantu antaramen karanā vahī hai. bhedagnānakī pariṇati karanā vah hai, usakī ekāgratā karanī. chāritrapūrvakakā dhyān bādamen munidashāmen ho, parantu ye samyagdarshan sambandhit dhyān, yā bhedagnān ho aisā dhyān pahale hotā hai. parantu vah dhyān gnānapūrvakakā dhyān honā chāhiye. yathārtha gnān ho to vah dhyān yathārtha hotā hai. parantu utanī svayaṅkī mandatā hai. vichār, vāñchan, satsaṅg karake bārambār nakkī kare, use dr̥uḍh kare. jabatak na ho tabatak satsaṅg, vichār, vāñchan karatā rahe. nahīn ho rahā hai usakā kāraṇ apanī mandatā hai. dikhāneke liye karatā hai aisā nahīn, parantu mandatā hai.