PDF/HTML Page 1802 of 1906
single page version

mumukṣhuḥ- kaṣhāyakī kālimā hai, gnānamen nahīn hai. gnānamen kālimā nahīn hai?

samādhānaḥ- gnānamen kālimā nahīn hai, vibhāvakī jo pariṇati rāg-dveṣhavālī hotī hai, vaisī rāg-dveṣhakī pariṇati gnānamen nahīn hai. gnānamen jānanekā doṣh hotā hai. gnānamen jānanekā doṣh hai. jo svarūp ho usase anyathā jāne, viparītapane jāne. shraddhāke kāraṇ gnānamen doṣh ātā hai. shraddhā alag hai aur gnān bhī alag hai. use mithyāgnān kahate haĩn.

mumukṣhuḥ- chāritraguṇ jaise viparītapane pariṇamatā hai,...

samādhānaḥ- viparītapane pariṇame aisā viparīt nahīn hai. parantu use shraddhākī viparītatā hai. jānanemen viparītatā hai. kaṣhāyakī kālimā hai aisā nahīn hai. isaliye viparīt-viparītamen pharka hai. isakī viparītatā jānanekī hai aur usamen rāgakī pariṇatikī hai. kaṣhāyakī kālimā malin hai aur us jātakā malin gnānako kahanemen āye, jānanekī apekṣhā- se. donoṅkī pariṇati alag hai. rāgakī pariṇati alag aur shraddhā aur gnānakī pariṇati alag prakār-se kām karatī hai. hai vah bhī viparīt hai. shraddhā mithyā hai isaliye gnān bhī mithyā hai.

mumukṣhuḥ- āpane aisā kahā thā ki ātmāko nahīn jānatā hai, vah usakā- gnānakā doṣh hai. parantu jaise chāritramen kaṣhāyakī kālimā hai, vaisī kālimā isamen nahīn hai.

samādhānaḥ- jānanekā doṣh hai. vaisī kālimā nahīn hai, jānanekā doṣh hai. muumukṣhuḥ- .. gnān hai vah bhī ek prakār-se svabhāvakā ansh kahalātā hai na? samādhānaḥ- svabhāvakā ansh arthāt indriyagnān svako nahīn jānatā hai isaliye par taraph jātā hai, parantu vah svabhāv chhoḍakar kahīn bāhar to jātā nahī̃n. vah to mānatā hai ki main bāhar chalā gayā. svabhāv chhoḍakar kahīn bāhar nahīn jātā hai. parantu mānyatā aisī hai ki mānon apanā gnān bāhar chalā jātā hai aur bāhar-se gnān ātā hai, aisā mānatā hai. svabhāvako chhoḍakar to kahīn nahīn jātā.

... paḍe hī haĩn. bhale nigodamen ho. svabhāvakā ansh to hai, usakā kahīn nāsh nahīn hotā. svabhāvakā ansh ho, vah gnānapane svayam jānatā hai kahān̐? mānon bāhar- se gnān ātā hai aur mānon main bāhar jātā hū̃n. mānyatā jūṭhī hai.

PDF/HTML Page 1803 of 1906
single page version

mumukṣhuḥ- mānyatākī bhūl-se gnānamen bhūl hotī hai.

samādhānaḥ- hān̐, mānyatākī bhūl-se gnānamen bhūl hotī hai. bākī svayam to jānanevālā gnāyakasvabhāvī hai. jānanevālā to jānanevālā hai, parantu usakī mānyatākī bhūl hotī hai. jūṭh mānatā hai. gnānakā jānanekā jūṭhā ho rahā hai, mānon paramen-se gnān ātā hai aur svayam mānon bāhar jā rahā hai. main svayam gnāyakarūp hūn̐, aisā gnān nahīn hai. main svabhāvarūp-gnānasvabhāvarūp hī hū̃n. svabhāvarūp hai sahī, lekin svabhāvarūp hī hūn̐, aisā gnān nahīn hai.

mumukṣhuḥ- agnānīko jo indriyagnān hai aur gnānīkā indriyagnān, ye donon indriy gnānamen kuchh pharka hai?

samādhānaḥ- gnānīko yathārtha gnān hai. isaliye use gnān bhedagnānapūrvakakā gnān hotā hai, ekatva nahīn hotā. use jānanekī apekṣhā-se, bāharakā jāne us jānanekī apekṣhā- se samān hai, parantu isakī dishā alag hai, usakī dishā alag hai. gnānī alag dishāmen rahakar jānatā hai. usakī dishā sva taraphakī hai, svakī dishāmen rahakar, svako rakhakar par taraph jātā hai, parantu svako chhoḍatā nahīn hai. usakī dishā alag aur isakī dishā alag hai. (agnānī) mānon bāhar chalā gayā is tarah jānatā hai. bāharakā jānanā ki ye kivāḍ hai yā ye hai, vo hai, jānanekī apekṣhā-se sarīkhā hai, parantu usakī dishā alag hai. alag dishāmen khaḍā rahakar jānatā hai. aur vah alag dishāmen khaḍā rahakar jānatā hai (arthāt) ekatva karake jānatā hai. (gnānī) bhinna rahakar jānatā hai. usakī dishā pūrī alag hai. dekhane-dekhanamen antar hai.

isīliye kahate hain, gnānakī pariṇati sab gnānarūpī hī pariṇamatī hai. usakī dishā hī alag hai. gnāyak rahakar hī (jānatā hai), ekatva nahīn hotā hai, bhinna gnāyak rahakar jānatā hai. svayam sva taraph pariṇati rakhakar par taraph jo upayog jātā hai, vah bhinna rahakar jānatā hai. jānanekī pūrī dishā alag hai. isaliye isakā jānā huā gnān kahalātā hai, usakā jānanā agnān kahalātā hai. svako jānatā nahīn hai, ekatva karake jānatā hai.

svayam bhinna rahakar (jānatā hai). indriyon-se mujhe lābh hotā hai, usake āshray- se main jānatā hūn̐, aisī usakī shraddhā hai. bhinna rahakar jānatā hai. svayam apane svataḥ pariṇamanako bhinna rakhatā hai. is tarah jānatā hai.

mumukṣhuḥ- jānanekī apekṣhā-se donon indriyagnān sarīkhā?

samādhānaḥ- jānanekī apekṣhā-se. parantu usakī pariṇati pūrī alag dishāmen hai.

mumukṣhuḥ- atīndriy gnānakī pariṇati pragaṭ ho gayī hai.

samādhānaḥ- pragaṭ huyī hai, us pūrvak (jānatā hai). abhī adhūrā hai isaliye

PDF/HTML Page 1804 of 1906
single page version

vah bāhar jātā hai. ataḥ utanā use jānanemen āshray ātā hai. indriyoṅkā, manakā āshray ātā hai. atīndriy gnān pragaṭ ho gayā hai, us rūp pariṇati hai. parantu abhī adhūrā hai, isaliye utanā bāhar jātā hai. (agnānīko) mātra indriy taraphakā gnān hai, svakā gnān hī nahīn hai.

mumukṣhuḥ- gnānīkā indriy gnān vr̥uddhigat hotā huā dikhatā hai. jabaki agnānīkā indriy gnān vr̥uddhigat ho rahā ho aisā dikhāī nahīn detā, sāmānyataḥ.

samādhānaḥ- indriy gnānakā kyā prayojan hai? vr̥uddhigat yā nahīn vr̥uddhigata. ise atīndriy gnānakī pariṇati baḍhe vahī vāstavik vr̥uddhi hai. sādhanākī vr̥uddhimen vahī vr̥uddhi hai. bāharakā vr̥uddhigat dikhāī de vah sab to bāhar-se dekhanā hai. usakī vr̥uddhi ho usakā koī artha nahīn hai. andar atīndriyakā pariṇaman, gnāyakakī pariṇati baḍhatī jāy, svānubhūti bhedagnānakī dhārā antar-se jo pariṇati baḍhatī jāy, vahī vāstavik vr̥uddhi hai. bāharakī vr̥uddhi vr̥uddhi nahīn hai.

bāhar-se baḍhatā dikhāī de aur nahīn dikhāī de, vah koī dekhanekī dr̥uṣhṭi nahīn hai. vah koī parīkṣhā hī nahīn hai. bāhar-se itanā sunā yā itanā paḍhā, yā itanī dhāraṇā kī, aisā sab bāhar-se dekhanā, vah kahīn parīkṣhā nahīn hai, vr̥uddhi dikhāī de vaha. vaise to use vr̥uddhi dikhe, isako nahīn bhī dikhe. bāhar-se to aisā dikhe. parantu antarakī pariṇati baḍhe vahī vāstavik vr̥uddhi hai.

bāhar-se kisīko indriyān̐ kamajor paḍ gayī ho to bāhar-se dikhāī na de. ataḥ bāharakī vr̥uddhi vr̥uddhi nahīn hai. antarakī pariṇatikī vr̥uddhi ho, vahī vāstavik vr̥uddhi hai. dekhanā, sunanā, bolanā vah sab to bāhya āshray hai. ek man kām kare vah alag bāt hai. man-se ātmā bhinna hai.

mumukṣhuḥ- indriy gnān baḍhe usamen kuchh mahattā nahīn hai, mahattā ginanī bhī nahī̃n.

samādhānaḥ- usamen kuchh mahattā nahīn hai. usamen mahattā ginanā bhī nahī̃n. usamen mahattā nahīn hai. vah parīkṣhākā ṭoṭal bhī nahīn hai. antarakī pariṇati kyā kām karatī hai, yah dekhanā hai. antar shraddhā-gnān, līnatā vah sab pariṇati kyā kārya karatī hai, yah dekhanā hai.

mumukṣhuḥ- logoṅko bāharakī vismayatā lagatī hai, dharmātmāko antarakī vismayatā hotā hai.

samādhānaḥ- hā̃n. antaramen hī vāstavik pariṇati hai. muktikā pūrā mārga antaramen hai. anādi kāl-se bāhar dekhanekī dr̥uṣhṭi hai isaliye bāhar dekhatā hai. bāharakī vismayatā vah sachchī nahīn hai, vah parīkṣhā bhī nahīn hai. phir jise bhakti ho, vah gurudev prati

PDF/HTML Page 1805 of 1906
single page version

(bhakti karatā hai). gurudevakī antaraṅg dashā (dekhakar kahe), unakā bāharakā bhī aisā aur antar (bhī alaukik) aisā bhaktibhāv-se (kahe).

bhagavān samavasaraṇamen baiṭhe ho (to kahatā hai), prabhu! āpakī antaramen bhī aisī pariṇati aur āpakī bāhya shobhā bhī adabhut aur sabakuchh adabhut! bhaktimen sab āve. sab bhaktimen āve. parantu antaraṅg dekhanekī dr̥uṣhṭi antaramen hai. bhaktibhāvamen sab āve.

mumukṣhuḥ- bhaktimen to vāṇīkī mahimā bhī kare, sharīrakī kare.

samādhānaḥ- hān̐, sharīrakī kare, sab kare. gurudevakā prabhāvanā yog kaisā, gurudev tīrthaṅkarakā dravya, āpakī mudrā kaisī, āpakī vāṇī kaisī, vah sab bhakti hai. antarakī dashā amuk dehātīt dashā dikhatī ho, vah sab amuk parīkṣhā karake kahe vah alag bāt hai. ... gurudev, bhagavān, munishvar antaramen kṣhaṇ-kṣhaṇamen līn hote hain, jagat-se alag dikhe, gurudev jagat-se alag dikhate the. aisī parīkṣhā kare vah alag bāt hai.

mumukṣhuḥ- kahanemen ātā hai ki tū gnānalakṣhaṇako khoja. to khojaneke liye usake pās to vartamānamen indriy gnān hī hai. to usamen-se hī khoj le na.

samādhānaḥ- use dr̥uṣhṭi antaramen karanī paḍatī hai. indriy gnān bhale ho, parantu svayam hai na? apanā nāsh to huā nahīn hai. indriy gnān ho to vah gnān kahīn usamen ghūs to gayā nahīn hai. vah to us taraph usane mānyatā kī hai. usamen paramen apanā ghūs nahīn gayā hai. svayaṅkā astitva kahīn nāsh nahīn huā hai. usamen-se khoj le, arthāt tū svayam hī hai. terī pariṇatiko antar jhukākar tū kaun hai, yah khoj le. usamen bīchamen man, indriyān̐ sab ātā hai, use gauṇ karake tere gnānako mukhya karake tū gnānalakṣhaṇ- se pūre gnāyakako pahichān le.

use tū sāthamen rakh usakā matalab isase gnāt huā, isase gnāt huā, aisī dr̥uṣhṭi kyon karatā hai? mujhe mere gnān-se jānanā hotā hai aur gnānalakṣhaṇ-se andar dekhanekā hai. isaliye usase dekhā vah to sāthamen ātā hai. isaliye aisā kahanemen āye ki indriy gnān-se jānā. parantu tū antar dr̥uṣhṭi kar, tū svayam hī hai, tū kahīn kho nahīn gayā hai. dūsarā sādhan arthāt svayam hī hai, svayam hī apanā sādhan hai. apanā kahīn nāsh nahīn huā hai.

mumukṣhuḥ- apanī sattākā hī svīkār nahīn karatā hai. mūlamen hī takalīph hai.

samādhānaḥ- isase dekhanā hai na, isase dekhanā hai na. parantu tū svayam tere-se hī dekh rahā hai, vah tū dekhatā nahīn hai. aur isase dekhanā hai, is ān̐kh-se dekhanā rahā, man-se dekhanā rahā, parantu tū svayam hī hai. vah tujhe kahān̐ gnān karavāte hain? tere gnān- se, tere kṣhayopasham gnān-se sab gnāt hotā hai. tū tere gnānako terī or moḍ to tū

PDF/HTML Page 1806 of 1906
single page version

svayam hī tujhe gnāt hogā. isase jānanā hotā hai, usase jānanā hotā hai, paryāy-se jānanā hotā hai, paryāy-se jānanā hotā hai, aise kyon lakṣhya karanā? terā hī astitva hai aur tū svayaṅko khoj le.

gnānalakṣhaṇ-se gnāyakako khoj le. usamen bāhya ālambanake sab sādhan gauṇ ho jāte haĩn. sāthamenn ho to tujhako svayaṅko mukhya kar le, usako gauṇ kar de, vah tere hāthakī bāt hai. kisase khojūn̐? pahale to bāhya ālamban hotā hai, nirālamban to hotā nahīn, kahān̐-se lāūn̐? parantu tū nirālamban hai usakā nāsh hī nahīn huā hai. tū use mukhya karake us taraph jā to tū svayam hī hai. aisī sab bāten karatā hai, terī mandatākī sab bāten haĩn. tū puruṣhārtha kar to tū svayam hī hai. tū tujhe mukhya kar le ki main gnāyak hī hū̃n. main jānanavālā svayam hī hū̃n. merā nāsh nahīn huā hai. to gnānalakṣhaṇako mukhya karake tū gnāyakako pahichān le. vah sab ālamban to gauṇ ho jāte haĩn. tū terā ālamnab le le.

vah jab bhī kar, use gauṇ to karanā hī hai aur vah tujhe hī karanā hai. vah pahale-se to huā nahīn hotā anādikā. jab hotā hai tab tujhe hī gauṇ karanā hai aur tujhe hī mukhya honā hai, isaliye tū hī use mukhya karake usake ālambanako gauṇ karake aur ḍhīlā karake, tū mukhya hokar apane āpako khoj le. jab bhī kar, tujhe hī karanā hai. usakā ālamban pahale isase karanā paḍegā, usase karanā paḍegā, aisā kyon? tū svayam hī hai. usase kahān̐ karanā hai, jab kar tujh-se hī karanā hai. gnānalakṣhaṇako tujhako svayaṅko hī mukhya karanā hai. tū use mukhya karake tū tere gnāyakako pahachān le. ālambanako mukhya kyon karatā hai? ālamban āyā to nirālmaban kaise huā jāy? ālambanako gauṇ kar de, tū svayam hī mukhya hai. vah kahān̐ mukhya the. vah kahān̐ jānate hainn. jānanevālā to tū hai. vah to bīchamen āte haĩn.

man bhī kahān̐ jānatā hai aur netra bhī kahān̐ jānate hain aur kahān̐ kaun jānatā hai? jānanevālā tū aur use tū baḍā karake kahatā hai, usake ālamban binā gnāt nahīn hotā. tū svayam hī jānanevālā hai, apanī or muḍ jā. bāhar jā rahā hai usake badale tū tere dravyako gnānalakṣhaṇ-se khoj le. tū svayam hī hai.

mumukṣhuḥ- svayaṅko hī khojanā hai aur svayam hājir hī hai.

samādhānaḥ- svayam hājir hai aur svayaṅko hī khojanā hai. vah sab kahan̐ use rokate haĩn. vah rokate nahīn hai. tū svayam rukā hai. tū hī svayam bhinna paḍakar andar jā. andar svayam pariṇamit ho jāy, phir nirālamban hotā hai, pahale kaise ho? parantu jo nirālamban hue ve pahale aise hī the, use gauṇ karake nirālamban hue haĩn. ataḥ ālambanako

PDF/HTML Page 1807 of 1906
single page version

gauṇ karake svadravyakā ālamban le-le, tere hāthakī bāt hai. palaṭanā tere hāthakī bāt hai.

mumukṣhuḥ- sahaj hai, haṭhapūrvakakā nishchay nahīn hai, sahaj hai. gnānasvarūpako pakaḍo isaliye vah gauṇ ho hī jātā hai.

samādhānaḥ- vah gauṇ ho hī jātā hai. gnānako pakaḍanekā prayatna hī karanā hai. isakā ālamban ātā hai, ālamban ātā hai, ālamban hai hī kahān̐? tūne hī ālamban liyā hai. tū svayam tujh-se jān rahā hai, use sva taraph moḍ de, par taraph muḍā hai usako. "par pariṇati bhāge re, akṣhay darshan gnān vairāgye ānandaghan prabhu jāge re'. ālamban tyāgakar nirālamban honā apane hāthakī bāt hai.

svayaṅko kuchh karanā ho, nishchay kiyā ho ki aisā hī karanā hai to dūsarekā ālamban toḍ detā hai ki mujhe aise hī karanā hai. vahān̐ toḍ detā hai, yahān̐ nahīn toḍatā.

mumukṣhuḥ- vahān̐ sabako chhoḍ detā hai, apane nirṇay anusār karatā hai.

samādhānaḥ- hān̐, vahān̐ sabako chhoḍ detā hai. nirṇay anusār karatā hai. vah sab to udayādhīn hai, to bhī svayam aisā nirṇay karatā hai. aur isamen ālamban-ālamban karatā rahatā hai.

mumukṣhuḥ- isamen ālamban khojatā hai.

samādhānaḥ- ālamban jo dev-guru-shāstrane batāyā, us anusār karanā hai. vah mahāsamartha ālamban hai. unhonne kahā ki nirālamban ho jā. to svayaṅko nirālamban honā hai.

samādhānaḥ- ... ātmākā svarūp kaise prāpta ho? vah ek hī raṭan rahe, ek hī bhāvanā rahe, ek hī ugratā rahe. yah manuṣhya jīvan chalā jāy, itane sāl bīt gaye, itane sāl gaye, kyon prāpta nahīn hotā hai? antaramen kaise kyon is bhavabhramaṇ-se thakān nahīn lagatā hai? anek jātake vichār āte the. kyon vikalpakī jālamen khaḍā hai? usase kyon chhūṭatā nahīn? anek jātakī bhāvanāen̐ ugrapane ātī hai. bārambār usīkī ugratā aur usīkā vichār, jāgate-sote, svapnamen ek hī raṭan rahā kare, utanī ugratā ho to hotā hai.

kṣhaṇ-kṣhaṇamen koī bhī kārya karatā ho, ek hī bhāvanā andar ugrapane rahā kare, kahīn chain paḍe nahīn, aisā antaramen ho tab jīvakā antar puruṣhārtha utanī ugratā ho to palaṭatā hai. antarmuhūrtamen bahutoṅko palaṭ jātā hai. bākī to utanī ugratā honī chāhiye.

mumukṣhuḥ- us vakta bachapanamen vairāgyakī bhāvanā thī, parantu is prakār-se sansār- se chhūṭanā hai, ... dīkṣhā lenī hai yā muni banā jānā hai, sādhu ban jānā hai. shvetāmbarake

PDF/HTML Page 1808 of 1906
single page version

hisābase. usakī bhāvanā thī.

samādhānaḥ- antaramen vikalpa-se chhūṭanā usamen to puruṣhārtha chāhiye.

mumukṣhuḥ- vah atyant kaṭhin lagatā hai.

samādhānaḥ- vah to puruṣhārtha-se (hotā hai). vaisā puruṣhārtha pragaṭ honā, utanī ugratā ho to hotā hai.

mumukṣhuḥ- kaisī ugratā?

samādhānaḥ- ugratā hī chāhiye. kahīn chain na paḍe, vikalpamen use chain na paḍe. kahīn chain na paḍe to hotā hai. vikalpakī jālamen bhī chain na paḍe, aisā honā chāhiye. kahīn sukh na lage. antaramen-se prāpta na ho tabatak chain na paḍe, utanī ugratā antaramen honī chāhiye.

.. mujhe bahut ānanda lagatā hai, mujhe bahut aisā lagatā hai, aise jo vikalpa āte hain, vah vikalpamen hī khaḍā hai. mujhe antaramen bahut bhāvamen bahut ānanda ātā hai, mujhe isakā bahut ras ātā hai, mujhe aisā bahut hotā hai. vah sab vikalpa hī hai, andar vikalpakā ānanda hai. chaitanyakā astitva-dravyamen-se ānanda chāhiye, vah ānanda alag hai, vah to sahaj ānanda hai. use vikalpa-se ānanda nahīn hotā, vah to sahaj ānanda hai. vikalpa nahīn hai ki mujhe bahut ānanda āyā yā mujhe yah prāpta huā, aisā vikalpa bhī jahān̐ chhūṭ jātā hai. jo sahaj ānanda pragaṭ hotā hai, vah antar-se bhinna paḍ jātā hai. andar bhinna hokar jo ānanda ātā hai, sahaj ānanda jo ātā hai. use kr̥utrimatā nahīn hotī ki mujhe isamen bahut ānanda āyā.

jisakī ānanda par bhī dr̥uṣhṭi nahīn hai, parantu sahaj ānanda ātā hai. ek apanā astitva grahaṇ karatā hai. ānanda sahaj andaramen-se pragaṭ hotā hai. vikalpa karake ānanda nahīn vedanā paḍatā. ... to pragaṭ hotā hai. vikalpakī dishā hai, usakī pūrī dishā palaṭ jānī chāhiye.

bhinna paḍanā vah puruṣhārtha alag rah jātā hai. abhī to kṣhaṇ-kṣhaṇamen bhedagnān (kare ki) vikalpa-se bhī main bhinna hū̃n. pahale to aisā bhedagnān honā chāhiye ki vikalpa- se bhī main bhinna hūn̐, aisī gnāyakakī dhārā pahale honī chāhiye, to nirvikalpa ho. vikalpa- se bhī main to bhinna hū̃n. aisī antaramen-se gnāyakakī dhārā (pragaṭ honī chāhiye).