Benshreeni Amrut Vani Part 2 Transcripts-Hindi (simplified iso15919 transliteration). Track: 35.

PDF/HTML Page 202 of 1906
single page version

ṭrek-035 (audio) (View topics)

mumukṣhuḥ- pūjya mātājī! āgamamen jagah-jagah sāt tattvake yathārtha shraddhānako hī samyakatvakā lakṣhaṇ ginakar mahattā dī hai to usamen itanā kyā rahasya hai, yah kr̥upā karake samajhāīye ki jisase hamen samyakatva-ratnakī mahimā jāgr̥ut ho.

samādhānaḥ- sāt tattvakī shraddhāmen āchāryadevako ek jīvapadārthako mukhya kahanā hai. lekin vah ek ātmā padārtha samajh nahīn sakatā hai. isaliye use vyavahārakī bāt bhī sāthamen (kahate hain). sāt tattvakā shraddhānamen mukhyarūpase to andar ātmākī or dravyadr̥uṣhṭi karanī, aisā āchāryadevako kahanā hai. bhūtārthadr̥uṣhṭiko grahaṇ kara. lekin usamen sāt tattvakī shraddhā bīchamen hotī hai. isaliye āchāryadev vyavahārase bāt kare to bhī andar ātmāko grahaṇ karānekā unakā āshay hotā hai. ek ātmāko grahaṇ karanā. bhūtārtha tattva ek bhūtārtha ātmapadārtha hai, use grahaṇ kara. usake bīch ye sāt tattva- jīvatattva, ajīvatattva, āsrav, samvar, bandh, mokṣha ādi āte haĩn. kyoṅki tujhe sādhakadashā pragaṭ karanī hai to usamen bīchamen yah vibhāv hai, vibhāvamense samvar ho, usamense nirjarā ho, visheṣh shuddhi ho to nirjarā ho, amuk shuddhi ho to samvar ho, pūrṇa shuddhimen mokṣha hotā hai. sādakadashā aur sādhya donon āchāryadev batāte haĩn.

bhūtārthanayako mukhya kara. ek mukhya chaitanyadravyako mukhya karake usamen yah jo paryāy hotī hai, vah donon usamen ā jāte haĩn. āchāryadev pūrā muktikā mārga batā rahe haĩn. āchāryadevako vyavahārakī bāt karake samajhānā hai, ek jīvatattvako grahaṇ karanā. lekin ... aisā nahīn hai. vyavahārase jo kahate hain yānī vyavahār bilakūl hai hī nahīn aisā nahīn hai. āchāryadevake ek-ek shabda jo hote hain vah tattva grahaṇ karaneke liye hotā hai aur yathārtha muktimārga grahaṇ karavānā hotā hai. āchāryadev jo kahate hain, usamen jo vyavahārakī bāt karate hain vah bilakūl jūṭhī hai aisā nahī̃n. āchāryadevakī jo kathanī hotī hai vah satyatā par satya hī hotī hai. isaliye nishchay kis apekṣhāse hai aur vyavahār kis apekṣhāse, vah use ātmārtha hetu samajhanā rahatā hai. ātmārthīko āchāryadev pūrā muktikā mārga samajhāte haĩn.

mukhya jo ātmā hai use grahaṇ kar, jīvatattvako grahaṇ kara. usamen sab paryāyen

PDF/HTML Page 203 of 1906
single page version

hotī hain, usakā gnān kara. mukhya ek ātmāko grahaṇ kara. yathārtha gnān hogā to terī sādhanā yathārtha hogī. isaliye yathārtha gnān kara. aur dr̥uṣhṭimen mukhya ek jīvadravyako rakh, us par dr̥uṣhṭi kara. āchāryadevakā yah kahanekā āshay hai. alag-alag mātra jānaneke liye jān lenā, aisā nahīn hai. ek shraddhā kar lenī ki jīv hai, puṇya hai, āsrav hai, pāp, samvar, bandha, mokṣha ādi hai, aisī shraddhā kar lī, aisā nahī̃n. ek ātmatattvako grahaṇ kar aur usakī yah paryāy hai, usakā gnān kara. usamense sādhanā hotī hai. aisā āchāryadevakā kahanekā āshay hotā hai. vyavahār kahakar andar nishchay ātmāko batānā hai.

āchāryadevake sab kathan rahasyamay hote haĩn. ek samyagdarshan pragaṭ kar to usamen pūrā muktikā mārga ā jātā hai. usamen samyagdarshan, munidashā, kevalagnān (sab pragaṭ ho jātā hai). ek samyakatva grahaṇ kiyā, jo anādise pragaṭ nahīn huī aisī svānubhūti pragaṭ huī usamen pūrā muktikā mārga pragaṭ ho gayā. usamen pūrā mārga spaṣhṭa ho gayā. isaliye sāt tattvakī shraddhāmen ek bhūtārtha dr̥uṣhṭise tū sab jān, aisā āchāryadevako kahanā hai. vyavahārase bāt kare isakā matalab usamenn āchāryadevakī gaharī bāt hotī hai. jo nahīn samajhate hain isaliye use vyavahārase bāt karate haĩn. parantu āchāryadevako gaharī bāt samajhānī hotī hai.

mandir jānā hai aisā kahe. mandir jānekā hetu bhagavānake darshanakā hai. koī kahe ki bhagavānake darshan karane hain aur koī kahatā hai, mandir jānā hai. mandir jānemen sahetu to bhagavānake darshanakā hotā hai. sirpha mandir jānā hai utanā hī hetu nahīn hotā, parantu bhagavānake darshanakā hotā hai.

aise koī sīdhā ātmā kahe to aur vyavahārase bāt kare usamen ek ātmākā hotā hai. mandir jānā hai aisā kahanemen hetu bhagavānake darshan karanekā hai. vaise gnān, darshan, chāritrakī bāt kare to un tīnommen ek ātmā grahaṇ kara. ātmāko sādhya rakhakar sādhakadashāmen gnān, darshan, chāritra sab ātā hai.

mumukṣhuḥ- mandir jā, aisā kahe usakā matalab...

samādhānaḥ- mandir jānā hai itanā hī nahīn, bhagavānake darshan karane jānā hai.

mumukṣhuḥ- turanta samajh bhī jāye ki mandir jānekā kahā hai matalab darshan karane hai.

samādhānaḥ- bhagavānake darshan karaneko kahā hai.

mumukṣhuḥ- sāt tattvakā gnān aur shraddhān kar, vah ātmākā gnān evan shraddhān karāneko kahā hai.

PDF/HTML Page 204 of 1906
single page version

samādhānaḥ- ātmākā gnān karāneko sāt tattvakī shraddhā karaneko kahā hai.

mumukṣhuḥ- ātmāke shraddhānakā artha āp sāmarthyake shraddhānakī bāt karate ho? ātmāke sāmarthyakī? hetu yah hai?

samādhānaḥ- ātmākā gnān kar yānī ātmākā sāmarthya aur ātmā tattva kaisā hai, usakā gnān kara. sāmarthya yānī ananta guṇonse bharā hai, aise grahaṇ kara. phir ananta guṇ par dr̥uṣhṭi nahīn rakhanī hai. ātmā kaisā hai? gnāyakatattva. use grahaṇ to ek abhedako hai. lekin usakā sāmarthya kaisā ananta hai, usamen sāthamen sab gnānase grahaṇ karanā hai. ātmākā ananta sāmarthya, ātmāke guṇ-paryāy gnānase grahaṇ kara. phir dr̥uṣhṭi ek ātmā par sthāpit karanī hai.

shāstra paḍhatā rahe to shāstra mātra paḍhaneke liye nahīn hai. tū shāstra samajh, usamen ātmāko pahachān aisā kahanekā āshay hotā hai. mandir jānā matalab bhagavānake darshan karane hai. vaise ātmāko grahaṇ karanekā āshay hotā hai. "chāritra, darshan, gnān paṇ vyavahār kathane gnānīne'. vyavahārase chāritra, darshan kathan kahe, lekin nishchayase chāritra nahīn hai, darshan nahīn hai, gnān nahīn hai. arthāt guṇabhed nahīn hai. lekin vah svarūp to hai-gnān, darshan aur chāritra, ye tīnon guṇ ātmāmen hai. lekin us guṇabhedamen rukanā nahī̃n. bhedakā vikalpa karanese rāg hotā hai. isaliye tū vikalpa toḍakar ātmāmen sthir ho.

... chāritra par aise dr̥uṣhṭi karanese tū usamen ruk jāyegā. ek gnāyak par dr̥uṣhṭi sthāpit kara. lekin vah tīn bhed use bīchamen samajhāneke liye kahaneke liye āye binā rahatā hī nahī̃n. āchāryadev kahate hain ki khed hai ki bīchamen vyavahār āye binā rahatā hī nahī̃n. anādise jo vibhāvamen paḍā hai, usamense sādhakadashā pragaṭ hotī hai, isaliye bīchamen vyavahār āye binā rahatā hī nahī. isaliye jo nahīn samajhate hain use vyavahārase samajhānemen ātā hai. lekin jo ātmārthī hotā hai vah āshay grahaṇ kar letā hai ki gurudevako ek ātmā grahaṇ karānekā hetu hai, lekin bīchamen yah samajhāneke liye yah sab ātā hai. lekin nishchay-vyavahārakī sandhi bhī honī chāhiye. ek ātmāko grahaṇ kara. aur yah jo guṇ aur paryāyakā svarūp hai, vah kuchh hai hī nahīn, aise chhoḍ de to bhī bhūl hotī hai. sabakā svarūp samajhakar ek dravya par dr̥uṣhṭi karanī hai.

samādhānaḥ- ... gnāyak pariṇati antaramen pragaṭ huī, vah gnāyakakī pariṇati chālū ho gayī. svānubhūtikī dashā pragaṭ ho gayī. gnāyakakī pariṇati sadāke liye, khāte-pīte, jāgate-sote, svapnamen sabamen gnāyakakī pariṇati chālū hī hai. gnāyakakī dhārā chālū ho gayī. puruṣhārthakī dhārā gnāyakakī or hī chalatī hai. aisī gnāyakatākī ugratāke liye usakā prayatna chālū hī hai. usakī bhūmikā anusāra.

PDF/HTML Page 205 of 1906
single page version

phir jaise bhūmikā baḍhatī jāye, vaise gnāyakakī pariṇati bhī visheṣh-visheṣh baḍhatī jātī hai. līnatā baḍhatī jātī hai. bhūmikā palaṭanese pān̐chavān guṇasthān, chhaṭhṭhā-sātavān guṇasthān ātā hai. jaise-jaise bhūmikā baḍhatī jātī hai, vaise-vaise use pariṇatimen līnatā baḍhatī jātī hai. bākī samyagdarshanake bād gnāyakakī pariṇati chālū hī rahatī hai. gnāyakakī pariṇati pragaṭ ho gayī, isaliye vartamān dashāmen kuchh nahīn hotā, aisā nahīn hai. gnāyakakī pariṇati, gnāyakakā vedan pratikṣhaṇ hotā hai. chāhe jaise prasaṅgamen use gnāyakakī pariṇati chhūṭatī hī nahī̃n.

use nirvikalpa dashā bhī usakī bhūmikā anusār hotī hai. vah ānandakī dashā alag bāt hai, lekin vartamān dhārāmen bhī vikalpake sāth ekatvarūp ākūlatā nahīn hotī. andar shāntikī dhārā, samādhikī dhārā, gnāyakakī dhārā, virakti, vibhāvase virakti aur svabhāvamen ekatva evan vibhāvase virakta, use yād nahīn karanā paḍatā, balki sahaj gnānadhārā aur udayadhārā chālū hī hai. chāhe jaise prasaṅgamen kṣhaṇ-kṣhaṇamen, kabhī bhūlatā nahī̃n. chāhe jaise prasaṅg ho, chalate-phirate kabhī bhī use gnāyakakī pariṇati, koī bhī bhāvommen gnāyak pariṇati chhūṭatī nahī̃n. aisī usakī dashā hameshā chalatī hai. aisā sahaj puruṣhārtha usakā chālū hī hotā hai. aisī usakī dashā hotī hai. aisī gnānadhārā, usakī pratītakā jor utanā aur līnatā us or chālū hī rahatī hai.

mumukṣhuḥ- sahaj aur puruṣhārtha, donon ekasāth kaise rahate hain? sahaj puruṣhārtha chalatā hai?

samādhānaḥ- sahaj chalatā hai. sahaj puruṣhārtha. vikalpa karake puruṣhārtha rakhanā paḍe aisā nahīn hai. bhūl gayā aur phir puruṣhārtha karanā paḍe, aisā nahīn hai. sahaj puruṣhārtha chalatā hai. andar gnāyakakī pariṇatikā puruṣhārtha sahaj (chalatā hai). vibhāvase bhinna huā so huā, phir visheṣh-visheṣh līnatāke liye puruṣhārtha, apane svarūpakī orakī ḍor chālū hai vah chālū hī rahatī hai. gnānadashākī ḍorī kabhī nahīn chhūṭatī. aisī puruṣhārthakī dhārā usakī sahaj chalatī hai. puruṣhārtha aur sahaj hai. puruṣhārtha hai, lekin sahaj hai.

mumukṣhuḥ- mātājī! jaise gnān aur chāritra kahanepar usakā kuchh-kuchh bhāv pakaḍamen ātā hai, parantu dr̥uṣhṭi, jisake ādhārase bhavakaṭi ho jāye, sab duḥkh dūr ho jāye, aisī dr̥uṣhṭike svarūpakī mahimā samajhānekī vinatī hai.

samādhānaḥ- gnān yānī vah samajhatā hai ki jānanā vah gnāna. bākī sachchā gnān to svakī or jāye tab hotā hai. chāritra yānī vah ācharaṇakī apekṣhāse samajhatā hai, bākī sachchā chāritra to svarūpamen jāye tab hotā hai. aise dr̥uṣhṭi-shraddhā. svarūpakī or dr̥uṣhṭi gayī to use vibhāvasvabhāvamen bhed ho gayā ki yah svabhāv hai, vibhāv mujhase

PDF/HTML Page 206 of 1906
single page version

bhinna hai. usī tarah guṇabhed par bhī vah ṭikatī nahī̃n. ek apanā astitva grahaṇ kare, aisī jo dr̥uṣhṭi, najar, vishvās aur shraddhākā jo bal hai, vah ek ātmāko hī grahaṇ karake ṭikī rahatī hai. aisī dr̥uṣhṭi koī alag hī hai. usamen hī use svānubhūti ādi dr̥uṣhṭike balase hote haĩn. usakī dr̥uṣhṭi kahīn or jātī hī nahī̃n. ek ātmāko hī grahaṇ karatī hai. baddhaspr̥uṣhṭa ādi sab bhāv ūpar tirate haĩn. vah ūpar-ūpar rahate haĩn. ek ātmā hī use, mūl tal jo ātmā hai usamen hī usakī dr̥uṣhṭi sthir rahatī hai. pūrī dishā badal gayī hai.

... chaitanya bhagavān par dr̥uṣhṭi chipak gaī, phir usamen guṇabhed, paryāyabhed par dr̥uṣhṭi ṭikatī nahī̃n. gnānamen sab ātā hai, gnānamen sab āye, lekin dr̥uṣhṭi to ek chaitanyako grahaṇ karatī hai. dr̥uṣhṭikā nirṇay aur usakī shraddhā, joradār ekako grahaṇ karatī hai. gnānamen sab ātā hai. gnān sabakī shraddhā karatā hai. dravyako jāne, guṇako, paryāyako, sabako jāne. lekin dr̥uṣhṭi ek ātmā par hai.

jise samyagdarshan huā usake sāth samyaggnān hotā hī hai. samyaggnān (aur samyagdarshan) donon sāthamen hī hote haĩn. isaliye usamen mukhya nishchayakī apekṣhāse samyagdarshan hai. lekin samyaggnān usake sāth hī hotā hai. samyagdarshanake sāth samyaggnān hotā hī hai. ek ātmāko grahaṇ kiyā isaliye usamen guṇ-paryāyako jāne nahīn, aisā nahīn banatā. gnān aur darshan donon sāthamen hī rahate haĩn. mokṣhamārgamen donon sāth hī rahate haĩn. usakī chāritrakī ārādhanā sāthamen rahatī hai. bākī kām donon sāthamen rahakar (karate hain). dr̥uṣhṭi mukhyarūpase hai aur gnān usake sāth rahatā hai. donon sāth hī rahate haĩn.

gnānakī apekṣhāse gnānakī mahimā hai, dr̥uṣhṭikī apekṣhāse dr̥uṣhṭikī (mahimā hai). lekin dr̥uṣhṭike binā anādi kālase rakhaḍā aur apane bhavakā abhāv nahīn huā. svānubhūti pragaṭ nahīn huyī. dr̥uṣhṭi mahimāvant hai, samyagdarshan mahimāvant hai. samyagdarshan hotā hai isīliye gnānako samyaggnān kahate haĩn. nahīn to samyagdarshan binākā gnān, gnān nahīn hai. ātmāko jāne binākā gnān vah gnān nahīn hai. isaliye samyagdarshan mahimāvant hai.

mumukṣhuḥ- dr̥uṣhṭikā parivartan honā chāhiye, dr̥uṣhṭi palaṭanī chāhiye.

samādhānaḥ- dr̥uṣhṭi palaṭanī chāhiye. lekin samajhaneke liye pahale vyavahārase gnān sāthamen hotā hai. dravya kise kahate hain, guṇ kise kahate hain, paryāy kise kahate hain, bhed-abhed ādi kisako kahate hain, vah sab gnānamen jānanemen ātā hai. vah gnānamen nirṇay karatā hai. pahale vyavahārako jānanā kaise? gnān use bīchamen sādhanarūp hotā hai. vyavahārase. lekin dr̥uṣhṭi mukhya hai.

mumukṣhuḥ- gnān honepar use dr̥uṣhṭi badal jātī hai?

PDF/HTML Page 207 of 1906
single page version

samādhānaḥ- hān̐, vyavahārase gnāna. kahate hain na? tū sachchā gnān kar, sachche gnān binā rakhaḍā. gnān binā ātmāko grahaṇ kaise kare? sachchī samajh binā ātmāko grahaṇ karanā, ātmākā nirṇay karanā, vah sab gnānase hotā hai. isaliye gnān use vyavahārase sādhan banatā hai. pragaṭ karanā hai samyagdarshan, dr̥uṣhṭi pragaṭ karanī hai. lekin usamen gnān sāthamen rahatā hai. samyagdarshan, gnān, chāritrāṇi (mokṣhamārga). lekin samyagdarshan kaise pragaṭ karanā? ki sachchā gnān kara. sachchā gnān kiye binā dr̥uṣhṭi kaise pragaṭ karanī, binā jāne?

mumukṣhuḥ- mātājī! gnānīke samyagdarshanako antaraṅg nimitta kahanemen ātā hai, usakā āshay kyā hai?

samādhānaḥ- use antaramen parivartan ho gayā hai. antaramen usakī pūrī dashā palaṭ gayī aur usamense jo vāṇī nikalatī hai, vah vāṇī dūsareko nimitta hotī hai, isaliye use antaraṅg kāraṇ kahanemen ātā hai. jise andar pragaṭ huā hai, usīkī vāṇī nimitta banatī hai. isaliye use antaraṅg kāraṇ (kahate hain). dūsareko jo samyagdarshan hotā hai usamen, jisane prāpta kiyā hai unakī vāṇī nimitta banatī hai, isaliye antaraṅg kāraṇ kahanemen ātā hai. bākī hai vah paradravya hai. to bhī use antaraṅg kāraṇ kahanekā kāraṇ ki jise antaraṅgamen pragaṭ huā hai, usake sāth jo vāṇī hai, vah vāṇī nimitta banatī hai. is apekṣhāse use antaraṅg kāraṇ kahanemen ātā hai.

mumukṣhuḥ- gnānīkī vāṇī hī antaraṅg nimitta kahanemen ātī hai? isake sivā anya kisīkī vāṇīko antaraṅg nimitta nahīn kahate?

samādhānaḥ- dūsarekī vāṇīko antaraṅg nimitta nahīn kahate. jise antaraṅg dashā pragaṭ nahīn huī hai, usakī vāṇīko antaraṅg nimitta nahīn kahate. vyavahārase bhale usase jāne, lekin antaraṅg jo deshanā labdhi pragaṭ hotī hai, antaraṅgamen samyagdarshan pragaṭ hotā hai, usamen to jisane prāpta kiyā hai unakī vāṇī hī nimitta hotī hai. usake sāth hī nimitta- naimittik sambandha hotā hai. use hī antaraṅg kāraṇ kahate hain, dūsareko nahīn kahate.

mumukṣhuḥ- antaraṅg parivartan hotā hai isaliye use antaraṅg kāraṇ kahate hain? sāmanevāle jīvako antaraṅgamen pariṇaman hotā hai, isaliye antaraṅg kāraṇ kahate hain?

samādhānaḥ- use pariṇaman ho, yahān̐ antaraṅg dashā sāthamen hotī hai aur use antaraṅg pariṇaman (hotā hai). antaraṅg pariṇaman ho, vāṇī kisako nimitta hotī hai? jisane prāpta kiyā hai, unakī vāṇī hī nimitta hotī hai. use antaraṅg parivartan huā isaliye antaraṅg kāraṇ, vah to ṭhīk hai, lekin jisane prāpta kiyā hai, usakī vāṇī hī nimitta banatī hai. isaliye use antaraṅg kāraṇ kahā hai. (prashamamūrti bhagavatī mātano jay ho!)