Benshreeni Amrut Vani Part 2 Transcripts-Hindi (simplified iso15919 transliteration). Track: 37.

PDF/HTML Page 213 of 1906
single page version

ṭrek-037 (audio) (View topics)

gnānanay chakṣhu ek svayaṅko andar ek panth milatā hai. ātmā kyā hai? dravya- guṇ-paryāy, sab kyā hai? sab mārga milatā hai. vichār karake nakkī kare. ātmā kyā, dravya kyā, guṇ kyā, paryāy kyā. sab svarūp nakkī kare. paradravya kyā, svadray kyā, sah sab nakkī hotā hai. jinavāṇī mātā nimitta banatī hai. vichār to svayaṅko karanā rahatā hai. svayam kare to hotā hai.

chintavan ākhīr tak rahatā hai. vītarāg ho tab dhyān-shukladhyān ho to dravya- guṇ-paryāyake vichār hote haĩn. yadyapi usamen shubhabhāv hai, phir bhī usamen dravya-guṇ-paryāyake vichār hote haĩn. usamen ek ūpar sthir hotā hai to kevalagnān hotā hai. shubhabhāvamen ghumatā rahe, lekin shrutakā chintavan ākhir tak rahatā hai. antaramen shrut sāth-sāth rahatā hai. aur vichār āte hain, yah main hūn̐, yah main nahī̃n. dravya-guṇ-paryāy sabakā chintavan use ākhir tak rahatā hai. mūl usamen prayojanabhūt samajhe to sab ā jātā hai. ek ātmāko samajhe. ātmā kaun hai? ātmākā svarūp kyā hai? pudagal kyā hai? vibhāv kyā hai? mūl prayojanabhūt samajhe to usamen sab ā jātā hai. lekin shrutakā chintavan- main yah hūn̐, yah nahīn, aisā amuk prayojanabhūt shrutakā chintavan to ākhir tak rahatā hai. sāth hī hotā hai.

ātā hai na? dev-gurukā sāth, sāth-sāth hotā hai. bhale shubhabhāv hai, to bhī sāth-sāth hotā hai. shuddhātmāmen vah shubhabhāv nahīn hai. shubhabhāv puṇyabandhakā kāraṇ hai aur vah ākūlatā evan heyarūp hai. usapar lakṣhya rahatā hai to vītarāgadashā nahīn hotī. to bhī jabatak vītarāgadashā nahīn hotī, vah bāhar ātā hai tab use shrutakā chintavan to sāth-sāth hotā hī hai. ashubhase bachaneke liye vah shubhabhāvamen rahatā hai, tab shrutakā chintavan, dev-guru-shāstra tīnon, sab sāth-sāth hotā hai.

mumukṣhuḥ- dūsare prakārakā shrutakā chintavan to hotā hai na?

samādhānaḥ- dūsare prakārakā yānī prayojanabhūt honā chāhiye. prayojanabhūtake sāth- sāth sab chintavan hotā hai to vah lābhakā kāraṇ hai. jaise adhik-adhik gnānakī nirmalatā ho to vah lābhakā kāraṇ hai. parantu mūl prayojanabhūt samajhe to usamen pūrā

PDF/HTML Page 214 of 1906
single page version

mārga ā jātā hai. ekako samajhe to usamen sab ā jātā hai. ātmāko samajhe. sva- parakā bhedagnān kare to usamen prayojanabhūt sab ā jātā hai. lekin visheṣh samajhe to bhī vah lābhakā kāraṇ hai. lekin vah sab ātmārtha hetu honā chāhiye. gnān karaneke khātir athavā mātra jānaneke liye aise nahī̃n. ātmārtha hetu honā chāhiye. adhik samajhe to mārga nirmal hotā hai. mārga use spaṣhṭa hotā hai. shāstramen usakā āshay barābar samajhe. āchāryadevako kyā kahanā hai, bhagavān kyā kahate hain, āchāryadev isamen kyā kahate hain, gurudevane kyā mārga batāyā hai, vaise adhik-adhik vichār karake ātmārtha hetu vichār kare to mārga adhik nirmal aur spaṣhṭa hotā hai. ... mārga kaise adhik spaṣhṭa ho.

shrutakī mahimā. gurudevako shrutakī mahimā kitanī thī. unako shrutakī mahimā.. āhā..hā...! us din sab āye tab kahate the na? āhā..hā...! ātā thā. shāstrake ek-ek paṅktike artha kare. unake jaisā artha koī nahīn kar sakatā. aur unakī vāṇī. usamen ā..hā.. ātā thā, usamen shrutakī utanī mahimā ātī thī.

mahimā kare usake sāth mārga jānanā chāhiye. mārga jāne binā āge nahīn baḍhā jā sakatā. mārgako jāne ki yah rāstā hai. isaliye shrutakā chintavan sāth-sāth hotā hai.

... vaisī unakī vāṇī aur jo āhā.. ātā thā, aisā kisīko nahīn ā sakatā. vah antaramense ātā thā. tīrthaṅkar gotra bān̐dhaneke jo kāraṇ āte hain, usamense koī kāraṇ ho. abhikṣhaṇ gnānaupayog ādi. shrutabhakti ādi unako koī alag hī prakārakā hotā hai. ...

mumukṣhuḥ- shrutalabdhiko bhī kāraṇ kahate hain?

samādhānaḥ- shrutalabdhi to thī, lekin unako svayaṅko antaramense mahimā hī koī alap prakārakī thī.

mumukṣhuḥ- gurudevakā vichār to vah solah kāraṇakā barābar mel khātā hai. ṣhoḍash kāraṇ bhāvanā bhāy..

samādhānaḥ- hān̐, vah mel khātā hai. .. unamen dikhāī dete the.

mumukṣhuḥ- madhyarātrimen nidrāmense vichār āye to us vakta shāstrake hī āte the.

samādhānaḥ- shāstrake hī āte the.

mumukṣhuḥ- usī vakta samādhān kar le. athavā subah...

samādhānaḥ- jab bhī vichār āye shāstrake hī āte the. ... shrutako likhanekā ādi amuk .. diye haĩn. puṣhpadant aur bhūtabali ādi muni kaṇṭhastha rakhate the. aisī kuchh shakti hotī hai. phir kahā, sab yah rakh nahīn pāyeṅge,

PDF/HTML Page 215 of 1906
single page version

isaliye phir lakhate the. bākī kaṇṭhastha hī hotā thā. vah kaisī shakti hogī! unako us prakārakā vikalpa āyā to ṣhaṭakhaṇḍāgam ādikī rachanā kī. āchāyāko bhinna- bhinna prakārake vikalpa āte haĩn. koī adhyātmakā likhe, koī charaṇānuyogakā likhe, koī karaṇānuyogakā likhe, lekin sab muni svānubhūtimen jhulanevāle. sabako andar ātmā mukhya hotā hai. lekin kisīko yah vikalpa āye, kisīko yah likhanekā vikalpa āye.

... vītarāgadashā, kevalagnān, dhyey pūrṇa vītarāg honekā hai. svānubhūtimen jhulate haĩn. usamen bīch-bīchamen shubhabhāvamen rukate hain, vahān̐ aise shāstra likhate haĩn. sab jīvoṅko upakārabhūt hotā hai. āchāryadev (kahate hain), mam paramavishuddhi... merī vishuddhike liye main yah likhatā hūn̐, aisā āchāryadev kahate haĩn. phir pīchhe kahate hain, mainne to kuchh nahīn kiyā hai. amr̥utachandrasūrine to kuchh nahīn kiyā hai, in shabdonne kiyā hai. āchāryadevakī kaisī dashā hotī hai!

.. artha karanekī shakti thī. ek shabda aur ek paṅktimen kitanā nikalatā thā! māno pūrā brahmāṇḍa khaḍā karate ho. utanā vistār unakā sahaj ātā hai. chāron orake pahalū mānon pūre brahmāṇḍakā svarūp ek shabdamen kahate ho. ek paṅktimen unako utanā āshcharya lagatā.

mumukṣhuḥ- artha karanese pahale hī unako āhā.. aisā ho jātā thā.

samādhānaḥ- hān̐, āhā.. ho jātā thā.

mumukṣhuḥ- kitane hī ghaṇṭo chalatā.

samādhānaḥ- hān̐, chāhe jitanī bār svayam paḍhe to svayaṅko āshcharya hī lagatā thā. dev-guru-shāstra to sāthamen hī hote haĩn. āchāryadev kahate hain ki, main jā rahā hūn̐, usamen sab pañch parameṣhṭhīko svayam bulāte haĩn. main dīkṣhā letā hūn̐, usamen āp sab padhāriye. dev- guru-shāstra to sādhanāmen sāthamen hote haĩn. bhale svānubhūtimen jhulate ho, bāhar āte hain vahān̐ shrut hotā hai. dev-guru-shāstra tīnon hote haĩn. shrut chintavanarūp hotā hai. usamen upayog ghumatā rahatā hai. parantu dev-guru-shāstra sab hote haĩn. vāṇī-shrut bhagavānake pāsase āyī hai. bhagavān hī usamen mukhya haĩn. sab vāṇī bhagavānake pāsase āyī hai.

... use mārga batāte haĩn. pañchamakālamen gurudev padhāre, vah to mahābhāgyakī bāt hai. vah sab to āshcharyakārī hai, parantu yah dharasenāchāryane jo kiyā hai vah sab bhī āshcharyakārī hai. shrut to āshcharyakārī hī hotā hai. lekin usamen chāron anuyog ā jāte haĩn.

mumukṣhuḥ- koī charaṇānuyogake shāstra likhate hoṅge, koī dravyānuyogake. to vaisī- vaisī svayaṅkī shakti hogī us anusār (likhate hoṅge)?

samādhānaḥ- vaisī shakti hotī hai aur us prakārakā unako vikalpa ātā hai.

PDF/HTML Page 216 of 1906
single page version

svayaṅkī shakti anusār vaisā shubh vikalpa ātā hai. jo andar svayaṅko shrutakā chintavan chalatā ho. tāḍapatra par likhate haĩn. aisā shubhabhāvakā vikalpa unako ātā hai. isaliye vah likhate haĩn. svayaṅkī shakti aur us prakārakī andar svayaṅkī likhanekī shakti ho, andar aisā gnān ho, sab hotā hai, isaliye ve likhate haĩn.

... kisīko karaṇānuyogamen jātā ho, kisīko charaṇānuyogamen jātā ho, kisīko dravyānuyogamẽn. vaise kisīkā adhyātmamen upayog jātā ho. svānubhūtimen to sab ek hī prakārase jhulate haĩn. aur gnānakā upayog sabakā bhinna-bhinna prakārase jātā ho. kṣhayopasham bhinna-bhinna prakārase kām karatā hai.

mumukṣhuḥ- bhāvaliṅgī muni to bahut ho gaye, phir bhī shāstra to kuchh munionne hī likhe.

samādhānaḥ- hān̐, vah to jisakī shakti ho vah likhe. shakti ho, vaisā prashasta vikalpa āye.

mumukṣhuḥ- samasta nij vaibhavase dikhāūn̐gā.

samādhānaḥ- main ātmāke vaibhavase dikhātā hū̃n. nij vaibhavase darshātā hū̃n. mujhe andar jo pragaṭ huā hai, vah main āpako dikhatā hū̃n. merā vaibhav dikhātā hū̃n. main darshāūn̐ use pramāṇ karanā. āchāryadev mahāsamartha (hain), ve kahate hain, pramāṇ karanā. bhūl-doṣh grahaṇ mat karanā. āchāryadevakī kaisī shakti hai, phir bhī aisā kahate haĩn. ... jagatako upakār (karane) aur svayaṅko prashasta ... sab jagat samakṣha darshāyā hai. jo svayaṅko gnānamen sab vaibhav pragaṭ huā hai-ātma vaibhav, sab jagatako darshāte haĩn.

mumukṣhuḥ- shrutagnān dvārā jānon yā kevalagnān dvārā jāno, ātmāko jānanekā ek hī prakār hai.

samādhānaḥ- ātmāko jānanekā ek hī prakār-shrutagnān dvārā yā kevalagnān dvārā. usamen pharka nahīn hai, parantu shrutagnān parokṣha hai aur kevalagnān pratyakṣha hai. utanā pharka hai. koī apekṣhāse aisā kahate hain ki shrutagnān aur kevalagnānamen koī pharka nahīn hai. shrutagnān ho yā kevalagnān ho, parantu pratyakṣha parokṣhakā pharka hai. vah sahaj vikalpa binākā hai, kevalagnān sahaj hai. shrutagnānamen vikalpa sāthamen juḍā hai. bākī vastu svarūpamen koī pharka nahīn hai. vastu svarūpakā samānarūpase prakāsh karate haĩn.

mumukṣhuḥ- ... mere antarake vaibhavase yah svarūp darshātā hūn̐, to tū pramāṇ hī karanā. usamense aisā dhvani ātā hai ki tū kis bhūmikāmen khaḍā hai, isaliye tū koī dalīl mat karanā, lekin svīkār kar lenā. jaise bāp beṭeko kahe ki,...

samādhānaḥ- karuṇāse kahate haĩn. pramāṇ karanā, main kahatā hūn̐, barābar kahatā hūn̐

PDF/HTML Page 217 of 1906
single page version

tū pramāṇ karanā. pātrajīvako kahate haiain, pramāṇ karanā.

mumukṣhuḥ- kyoṅki shurūātamen to kahīn na kahīn shraddhā karanī paḍatī hai. sirpha tarkase to āge nahīn baḍhā jā sakatā.

samādhānaḥ- kuchh-kuchh parīkṣhā karanī hotī hai, sab parīkṣhā nahīn karanī paḍatī. gurudev kahate the na, yah mārga koī apūrva hai. mahāpuruṣh, satpuruṣhako tūne pahachānā, phir tū kahe ki mujhe sab batā do. aise nahīn hotā hai. phir to use arpaṇatā karanī chāhiye. amuk parīkṣhā karake nakkī kiyā. phir sab parīkṣhā nahīn karanī paḍatī.

mumukṣhuḥ- bhedagnān ho, usakā lakṣhaṇ kyā?

samādhānaḥ- bhedagnān yathārtha ho usakā lakṣhaṇ to svayaṅko bhedagnānakī dhārā vartatī ho. yathārtha bhedagnān to use antaramen bhedagnān vartatā ho. chāhe koī bhī kāryamen ho, use trūṭi nahīn paḍatī, avichchhinna dhārāse bhedagnān chalatā hai. jāgate, sote, svapnamen sabamen bhedagnān (chalatā hai). ātmapadārtha gnāyak.. gnāyak hī use vedanamen ātā hai. yah vibhāv use gauṇ hotā hai aur kṣhaṇ-kṣhaṇamen ekatvabuddhi dhārāvāhī chalatī hai, vaise usakī bhedagnānakī dhārā chale. dhārā chale usamen svayam bhinna bhāsit ho. sharīr bhinna bhāse, vibhāv bhinna bhāse, sab bhinna bhāsit hotā hai. use antaramen bhinna bhāse aur gnāyakakī dhārā, gnāyakakā vedan yānī gnāyak use pratītamen ātā hai. gnāyak use vichār kare isaliye nahīn, apitu sahaj jānanemen ātā ho. vah bhedagnān hai. vah jabatak nahīn hotā hai, tabatak prayās kare. bārambar bhinna honekā prayās kare. jāgate, sote, svapnamen, khāte-pīte sabamen kṣhaṇ- kṣhaṇamen ātmā bhinna hī bhāsit hotā hai. ek gnāyak hī use mukhya rahatā hai, ūrdhva rahatā hai. dravya par usakī dr̥uṣhṭi chipakī rahatī hai. dravya gnāyak para.

use gnān sab hotā hai ki yah vibhāv hai, yah svabhāv hai, sab gnānamen hotā hai. lekin dhārā to gnāyakakī chalatī hai. lekin vah yathārtha ho to hotā hai, sahaja. svānubhūtikī dashā pragaṭ ho to vaise yathārtha bhedagnānakī dhārā (chalatī hai). usake pahale usakā prayās kare, jabatak nahīn hotā hai tabataka.

mumukṣhuḥ- prayāsamen kyā hotā hai?

samādhānaḥ- use bārambār bhinna karanekā prayatna kare. lekin bhinna karanekā prayatna kare kab? ki use gnāyakakī mahimā āye to. bāharakī mahimā ho rahī hai, use bāharakā mahimāvant lagatā hai, vaisā antaramen gnāyak mahimāvant nahīn lagatā hai. gnāyak mahimāvant lage to use bhinna karanekā prayatna kare. nahīn to use rukhā lage. gnāyak.. gnāyak.. aise bolane mātra ho jātā hai. usakā koī matalab nahīn hai. lekin use gnāyak mahimāvant laganā chāhiye. to use bhinna karanekā prayatna kare.

PDF/HTML Page 218 of 1906
single page version

mumukṣhuḥ- mahimāvant hai phir bhī yahān̐ mahimā kyon nahīn lagatī. itanī mahimā sunate hain, shāstramen paḍhanemen ātā hai...

samādhānaḥ- lekin andarase svayaṅko sachchā baiṭhe to hove na. shāstramen āye, yah sab niḥsār hai, sārabhūt ātmā hai...

mumukṣhuḥ- āpake shrīmukhase sunate hain, gurudevake pravachanamen (sunate hain), lekin yahān̐ mahimā kyon nahīn ātī?

samādhānaḥ- antaramen utanī svayaṅkī taiyārī chāhiye. puruṣhārtha karanā chāhiye. puruṣhārtha nahīn karatā hai, puruṣhārthakī kamī hai. ālasī ho gayā hai anādikā. aisā anupam padārtha, use svayam najar karake dekhatā nahī̃n. ātā hai na? "nij nayananī āḷase re, nirakhyā nahīn harine jarī.' vaise svayaṅke netrakī ālasake kāraṇ svayam hariko dekhatā nahī̃n. ālasake kāraṇ, puruṣhārthakī mandatāke kāraṇa. puruṣhārthakī mandatā hai.

bāharakā dūsarā kuchh karanā ho to jaldī kar letā hai, lekin antarakā karanemen bādamen.. bādamen karake ālas karatā hai. puruṣhārthakī mandatā hai. jabatak nahīn hotā, tabatak jinendra dev-guru-shāstrakī mahimā hotī hai, vah kare. lekin us shubhabhāvase bhī ātmā bhinna hai, usakī shraddhā svayaṅko honī chāhiye. usase bhī bhedagnān karanekā prayās karanā chāhiye, pratīt to aisī hī honī chāhiye. lekin ashubhase bachaneke liye bīchamen shubh ātā hai. lekin shuddhātmā chaitanyatattva to nirvikalpa tattva hai. use pahachānane ke liye, usakī mahimā lānekā, usakā prayatna kare, tattvakā vichār kare, shāstra svādhyāy kare. bhāvanagaramen abhī pāṭhashālā chalatī hai?

mumukṣhuḥ- nahīn, abhī nahīn chalatī hai. yathārtha nirṇayamen...?

samādhānaḥ- nirṇayamen gnāyakakā jor āye ki main gnāyak hī hū̃n. yah kuchh bhī merā svarūp nahīn hai. main chaitanyadev padārtha koī anupam hūn̐ aur yah sab vibhāv merā svabhāv nahīn hai, vah sab ākūlatārūp hai. main ek nirākūl tattva ānandasvarūp ātmā hū̃n. usakī pratīt use honī chāhiye, joradār pratīt ānī chāhiye. yah sharīr to jaḍ padārtha hai, lekin yah vibhāv jo chaitanyake puruṣhārthakī mandatāse hotā hai, vah bhī merā svarūp nahīn hai. main usase bhinna hū̃n. dravya-guṇ-paryāy mere bhinna hai aur parapadārthake bhinna hai, aisā use dr̥uḍh nirṇay honā chāhiye. gnāyak padārthakī pratīt honī chāhiye. ye rahā main, shāshvat anādiananta tattva hū̃n. ...

prashamamūrti bhagavatī mātano jay ho!

< Previous Page Next Page >