PDF/HTML Page 240 of 1906
single page version
mumukṣhuḥ- lakaḍahārā turant dharma prāpta kare aur mokṣhamen jātā hai. to .. itanī der lagatī hai?
samādhānaḥ- lakaḍahārā prāpta karatā hai, puruṣhārtha kare use hotā hai. sab ātmā hī hai. usakā deh lakaḍahārekā milā usamen kyā huā? jo puruṣhārtha karatā hai use hotā hai.
mumukṣhuḥ- sab mumukṣhuoṅkī bhāvanā to yahī hai ki bārambār bhāg-bhāgakar ...
samādhānaḥ- hān̐, lekin puruṣhārtha utanā nahīn hai. puruṣhārtha nahīn hai, bhāvanā hai. bhāvanā karatā rahe lekin jo mārga hai, us mārgako svayam antaramense puruṣhārtha karake pragaṭ nahīn karatā hai. bhāvanā karatā rahe.
mumukṣhuḥ- bhāvanā āsān hai, puruṣhārtha kaṭhin paḍatā hai na.
samādhānaḥ- puruṣhārtha kaṭhin paḍatā hai, jo vastu hai us vastu anusār kārya karanā. vah ātā hai na? mujhe bandhan hai, mujhe bandhan hai, aisā vichār karatā rahe. bandhan hai- bandhan hai karate rahanese bandhan ṭūṭatā nahīn, bandhanako toḍe to bandhan ṭūṭatā hai.
mumukṣhuḥ- toḍaneke liye to ham sab āpake pās āte haĩn.
samādhānaḥ- toḍanā to apane hāthakī bāt hai. use dūsarā koī nahīn toḍ detā. vichār shrr̥uṅkhalā, shāstramen (ātā hai) vichār shrr̥uṅkhalā. bandhan hai, bandhan hai aisī vichār shrr̥uṅkhalā karatā rahe to bandhan ṭūṭatā nahī̃n. main bhinna-bhinna (hūn̐), bhale bhāvanā kare. dūsarī bhāvanāse yah bhāvanā usakī achchhī hai, vichār karatā rahe ki main bhinna hūn̐, bhinna hūn̐, aise vichār karate rahanese (bhinnatā nahīn hotī). bhinnatā karanekā prayatna kare to bhinna paḍatā hai. beḍīkā bandhan hai, bandhan hai, aisā kare, toḍanā hai, aisā vichār kare to bhī nahīn ṭūṭatā. toḍanekā kārya kare to hī ṭūṭe.
bhāvanā karatā rahatā hai, mumukṣhu (vichār karatā hai ki) main bhinna hūn̐, yah merā svarūp nahīn hai. kab pragaṭ ho, aisā vichār kare, vichār karanese nahīn hotā. vichār bhale hī use ek sādhanake sthān par rahe, lekin toḍanā to apane hāthakī bāt hai. toḍe binā ṭūṭatā nahī̃n.
PDF/HTML Page 241 of 1906
single page version
mumukṣhuḥ- aisā ātā hai ki gnānīkā ek shabda sune aur andaramen paṭalā ho jātā hai.
samādhānaḥ- palaṭ jātā hai apane puruṣhārthase. upādān apanā hai. puruṣhārthake binā palaṭanā nahīn hotā. gurudev kahate hain na, anek bār bhagavān mil to bhī svayam apane puruṣhārthakī kamīke kāraṇ palaṭā nahī̃n. bhagavānakā nimitta to joradār thā aur gurudevakā nimitta joradār thā. lekin svayam palaṭatā nahī̃n.
mumukṣhuḥ- palaṭanā nahīn ātā.
samādhānaḥ- ātā nahīn aisā nahīn hai, svayaṅkī utanī taiyārī nahīn hai, nahīn to āye binā rahe hī nahī̃n. lekin svayam palaṭatā hī nahī̃n.
mumukṣhuḥ- bhāvanā to hai ki palaṭanā hai, puruṣhārtha karanā hai.
samādhānaḥ- palaṭanā hai aisā vichār kare. beḍī toḍanī hai, use sūjhe ki is prakār beḍī toḍ, to hī ṭūṭe. beḍīse jo ulajhā ho, vah beḍī toḍanekā mārga ḍhūn̐ḍhe binā rahatā hī nahī̃n. ulajh gayā hai ki yah kaise ṭūṭe? usakā mārga chāhe jaise pūchhakar, svayam nakkī karake, chāhe jitane sādhan ikaṭṭhe karake toḍe binā nahīn rahatā. jo vāsvatamen ulajhanen āyā hai, vah chhūṭe binā nahīn rahatā. svayaṅko andarase vāstavik rūpamen lagī nahīn hai. utanī tīvra tālāvelī nahīn hai. lage to toḍanekā prayatna svayam hī karatā hai.
mumukṣhuḥ- abhī vartamān kālamen to sabhī mumukṣhuoṅko yah bhāvanā hai ki hamen gnānī gurudev mile hain, mātājī mile hain, bārambār unakā parichay kare, bārambār unake pās jāyen, bārambār samīp rahakar lābh lẽn. aisī bhāvanā hai. vaise sunanā, paḍhanā sab hai. ab palaṭanemen visheṣh...
samādhānaḥ- antaramen dhīrā hokar, sūkṣhma hokar āge jānā chāhie vah nahīn jātā, anādise yah sab karatā rahatā hai. vah use kaṭhin lagatā hai.
mumukṣhuḥ- gnānī bārambār kahe to bhī use āge nahīn baḍhanā hai?
samādhānaḥ- karanā to svayaṅko hī hai, dūsarā koī nahīn kar detā.
mumukṣhuḥ- mahāvideh kṣhetra jaisā abhī yog hai. usamen yahī ek karane jaisā hai. phir bhī itanī der lagatī hai?
samādhānaḥ- svayam andar vichār karake dekhe ki svayam hī pramād karake aṭakā hai. to svayaṅko pakaḍ sakatā hai ki svayam hī aṭakā hai, koī rokatā nahī̃n.
mumukṣhuḥ- koī ḍākṭar aisā iñjekshan lagātā hai to tvarāse darda miṭ jātā hai. vaise āp..
samādhānaḥ- vah sab to bāharakā puṇyoday hai. iñjekshan dekar nahīn bhī miṭe,
PDF/HTML Page 242 of 1906
single page version
aisā bhī bane. gurudevakā to aisā thā ki jo andar kārya kare use asar kiye binā rahe hī nahī̃n. lekin svayaṅko kārya karanā hai. svayam kārya karatā nahī̃n. svayaṅkī bhūl hai.
mumukṣhuḥ- svayaṅko svastha nahīn honā hai.
samādhānaḥ- svayam taiyār nahīn hotā. "karma bichāre kaun, bhūl merī adhikāī'. svayaṅkī bhūl hai, par kyā kare? bāharake sādhan kyā kare? svayam hī nahīn palaṭatā hai.
mumukṣhuḥ- palaṭanā itanā kaṭhin hai ki svayam palaṭatā nahīn?
samādhānaḥ- anādikā abhyās hai. kaṭhin nahīn hai, sahaj hai. lekin svayaṅkā pramād hai. ... jāgr̥ut hī nahīn hotā, aisā hai. jāgr̥ut honā apane hāthakī bāt hai. gurudevakī vāṇī sabako jāgr̥ut karatī hai. sabako ruchi to huī, phir puruṣhārtha karanā to svayaṅke hāthamen hai. unak vāṇī aisī thī ki sabako ruchi ho jāya. ātmākī or ruchi pragaṭ ho jāya. yah sab sansār niḥsār hai. ātmā hī ek sārabhūt hai. aise kitane hī jīvoṅko andar ruchi ho jāya. lekin phir āge baḍhanā apane hāthakī bāt hai.
mumukṣhuḥ- āpakī vāṇī sunanī hai...
samādhānaḥ- ... vibhāv pariṇati hotī hai, vah svayaṅke puruṣhārthakī mandatāse hotī hai. mandatāse hotī hai, lekin usamense bhedagnān kare ki main yah chaitanya hūn̐, dūsarā kuchh merā svarūp nahīn hai. svayam grahaṇ kare usamen use apanā pūrṇa svarūp use pratītamen ā gayā. lekin bādamen use bhedagnānakī dhārā nirantar rahatī hai. aise vikalpase nirṇay kare aise nahīn, parantu sahaj rahe. sahaj pratikṣhaṇ din-rāt, kṣhaṇ-kṣhaṇamen bhinna pariṇati rahe. usamen pariṇati sahaj rahe. usanen līnatā karate-karate use sahaj līnatā baḍhe to pūrṇa paryāy pragaṭ hotī hai. pūrṇa svarūp to kevalagnān ho tab hotā hai.
mumukṣhuḥ- grahaṇ kaise karanā? kaisā puruṣhārtha karanā?
samādhānaḥ- pūrṇa kevalagnān to is kālamen pragaṭ nahīn hotā. abhī to bhedagnān aur samyagdarshan mātra hotā hai aur chāritradashā tak amuk (had) tak pahun̐chā jā sakatā hai. kyoṅki abhī utanī puruṣhārthakī dhārā kevalagnān ho vahān̐ tak (nahīn pahun̐chatī). yah pañcham kāl hai na. jab yahān̐ mahāvīr bhagavān vicharate the, tab yahān̐ kevalagnān paryant sab pahun̐chate the. lekin abhī to ek samyagdarshan aur usakī amuk prakārase līnatā hotī hai. lekin usakā pūrṇa grahaṇ, usakā dravya svarūp to pahale grahaṇ ho jātā hai.
main chaitanya dravya anādiananta shāshvat hū̃n. main jānanevālā gnāyak hū̃n. jo jānanevālā hai vah svayam hai. svayam hī jānanevālā hai. use pūrṇa grahaṇ ho jānā chāhiye. usake bād usakī paryāy arthāt usakī jo kevalagnānakī dashā hai vah bādamen hotī hai. lekin
PDF/HTML Page 243 of 1906
single page version
pahale use pūrṇa grahaṇ hotā hai. pūrṇa grahaṇ hokar bhedagnānakī dashā rahatī hai. bhedagnānakī dashāmense vah svarūpamen aisā līn hotā hai ki koī bār use vikalpa chhūṭ jātā hai. vikalpa chhūṭakar nyārā ho jātā hai. nyārā hotā hai, usamen gnān aur ānandase bharā ātmā hai. gnān-ānandase apūrva bharā hai. bāhyase upayog chhūṭakar antaramen jāya. aisā upayog (ho jātā hai ki) jagatase judā koī jātyāntar ki jisakī jāti jagatake sāth mel nahīn ātī. aisā use apūrva ānanda aur nirvikalpa dashā koī apūrva pragaṭ hotī hai.
mumukṣhuḥ- samyagdarshan tīn prakārake hain na? to upasham samyagdarshan to niyamase chalā jātā hai na?
samādhānaḥ- hā̃n.
mumukṣhuḥ- to phir aisā kyā karanā ki gnānīkā hī sanyog mile? mujhe to itanā hī kahanā hai ki mujhe aisā kaho ki gurudevake pās hī merā janma ho, usake alāvā kuchh nahī̃n. usake liye jo kuchh karanā paḍe vah karaneke liye main taiyār hū̃n. mujhe itanī ātmākī ruchi hai ki utanā mujhe koī sāth nahīn detā. mainne kitanā sahan kiyā hai dharmake liye. mujhe kitanī ruchi, mujhe ātmākī tīvra ruchi hai. ek ātmā hī chāhiye.
samādhānaḥ- gurudevake pās janma ho, vah vaisī bhāvanā rakhe ki mujhe santoṅkā samāgam mile, gurukā samāgam mile.
mumukṣhuḥ- mujhe kitane yād āte haĩn. mainne dekhā nahīn hai. kal bhī main sārī rāt rotī thī, gurudevako yād karake. lekin mujhe koī samajhātā nahī̃n. mujhe ātmā chāhiye, koī vāṇī nahīn hai. kitanī rotī thī.
samādhānaḥ- gurudev svapnamen āte hain?
mumukṣhuḥ- hān̐, mainne to dekhā nahīn hai aur is prakār āte haĩn. isaliye main āpake pās āyī hū̃n. mujhe māno ki kahate ho, dilāsā dete haĩn. mujhe itanī aṭūṭ shraddhā hai. mainne sonagaḍh bhī āj hī dekhā.
samādhānaḥ- sonagaḍh āj hī dekhā? svādhyāy mandir hai na? usamen gurudev 45 sāl (rahe), svādhyāyamen rahe. pahale tīn sāl ek baṅgalemen rahe. phir tīn sālake bād yahān̐ (rahane lage). gurudev is sonagaḍhamen 45 sāl rahe. tīn sālake bād hameshā sonagaḍhamen svādhyāy mandir hai na? usamen unakī pratikr̥uti hai. vahān̐ gurudev 45 sāl, lagabhag 45 sāl tak yahān̐ virāje haĩn. jab-jab chāturmās āye, chāturmāsamen nahīn jāte the. thoḍe sāl to yahīn rahate the. vihār bhī nahīn karate the. bāhar bhī nahīn jāte the. chār- pān̐ch sālake (bād jāne lage). phir vihār rājakoṭ, mumbaī bahut bār padhārate the. mumbaī
PDF/HTML Page 244 of 1906
single page version
padhārate the, lekin āpako mālūm nahīn hogā.
mumukṣhuḥ- lekin main jain nahīn hūn̐ nā, bahin! isaliye mujhe kyā mālūm ki yah dharma hai ki aisā hai. ek bār shrīmad rājachandra pustak hāthamen āyā, to mujhe lagā, are..! aisā jain dharma hai! phir khojate-khojate kitanā sahan karake devavalālīmen rukī. dhyān karatī thī, vahān̐ guphāmẽn. sabako yahī prārthanā karatī thī. lekin pīchhale tīn mahinemen gurudevakā mujhe itanā nishchay ho gayā hai ki... likhanā ho to mujhe andarase ātā hai.
samādhānaḥ- aisā ātā hai. āpakī bhāvanā achchhī hai. bahan! thoḍā vichār karanā, kuchh vāñchan karanā. dravya aur paryāya. dravya-guṇ aur paryāy dravyakā svarūp hai. dravyamen vah gnāyak hai. vah gnāyak svataḥ gnāyak hai. kisīne use banāyā nahīn hai. gnāyak hai vah gnāyak hai. gnāyak aisā hai ki usamen ananta guṇ bhare haĩn. ananta guṇamen ek gnān aur ek ānanda (hai). ānanda guṇ to aisā hai ki koī anupam hai. koī vikalpase usakī kalpanā nahīn ho sakatī. aisā koī nyārā hī hai. vikalpa chhūṭ jāya. vah koī alag hī hai. ānanda, gnān ityādi ananta guṇonse bharā hai ki jisakā pār nahī̃n. jise bol bhī nahīn sakate, jo vāṇīmen nahīn āte. koī ananta guṇase bharā aisā koī ātmā hai. pahale usakī shraddhā hotī hai ki yah jānanevālā gnāyak hai. gnān hotā hai na? lekin vah gnāyak (hai). gnāyakako grahaṇ karanā. lekin usakī svānubhūti aur usake ananta guṇ jo svānubhūtimen āte hain, andar vikalpa chhūṭ jāy vah andaramen kuchh alag hotā hai.
use andar svānubhūti koī alag (hotī hai). phir bhī āp andar vichār karanā. andar bhedagnānakī dhārā kṣhaṇ-bhaṇ (chalatī hai). use vichār nahīn karanā paḍe ki main yah bhinna hū̃n. puruṣhārthakī dhārā andaramen chalatī rahe. main yah bhinna hūn̐, bhinna hū̃n. jo-jo vignakalpa āye usī kṣhaṇ main bhinna hū̃n. shubhabhāv jo āte hain ki mujhe gurudev mile, aise shubhabhāv, vah sab shubhabhāv hai. aur dūsare laukik bhāv hai vah ashubhabhāv hai. donon bhāvase bhinna ātmā hai. shāstramen ātā hai ki un sabase bhinna hai, ātmā to bhinna hī hai. usakī antaramen shraddhā barābar karanī. aur gnāyak-gnāyak karate hue yadi usamen līn hā jāy to pūrṇatā hotī hai. lekin vah līnatā, abhī to gr̥uhasthāshramamen hai isaliye samyagdarshan hotā hai. samyagdarshanamen use bhedagnānakī dhārā, svānubhūti hotī hai. svānubhūtimense punaḥ bāhar ātā hai. bāhar ātā hai to bhedagnānakī dhārā chalatī hai. andar jāy to svānubhūti hotī hai. aisī dashā amuk prakārakī hotī hai.
usake bād use jab munidashā ātī hai, munidashā āye usamen aisā tyāg ho jātā
PDF/HTML Page 245 of 1906
single page version
hai ki jaṅgalamen jākar kṣhaṇ-kṣhaṇamen svānubhūti karate haĩn. kṣhaṇ-kṣhaṇamen svānubhūti. aisī dashā ho jātī hai. munioṅko aisī pratikṣhaṇ svānubhati hote-hote, ve aise andar sthir ho jāte hain ki usamen pūrṇa kevalagnān ho jāya. tab pūrṇa hotā hai. use aisī koī munidashā ātī hai ki use jagatakī kuchh paḍī nahīn hai. aise muni jaṅgalamen rahate haĩn. jaṅgalamen rahate hain use bāharakī khānekī, pīnekī, āhārakī kuchh (paḍī) nahīn hai. ve jaṅgalamen rahate haĩn. aisī munidashā āye, aisī munidashā āye usamen aise līn ho jāte hain, tab unhen kevalagnān pūrṇa dashā pragaṭ hotī hai. pūrṇa dashā karaneke liye, vah to bahut taiyārī ho tab hotī hai. lekin usake pahale jo samyagdarshan hotā hai, us samyagdarshanamen bhavakā abhāv ho jātā hai. phir use adhik bhav nahīn rahate.
mumukṣhuḥ- aisā hī lagatā hai ki bhav hai hī nahī̃n. itanā bal kyon ātā hai?
samādhānaḥ- achchhī bāt hai, lekin andar thoḍā adhik (prayatna karanā). gurudevakī bhāvanā rahatī ho to gurudev prati shubhabhāvanā rahe to usakā janma usī prakārase hotā hai. jise ugra shubhabhāvanā rahatī ho, ugra bhāvanāse aisā banatā hai. aur upasham samyagdarshanakī to sthiti hī aisī hai ki anādimen sarva pratham ho tab upasham hī hotā hai, phir use kṣhayopasham hotā hai. vah to aisā hī .. hai.
mumukṣhuḥ- vah chalā nahīn jāy, usake liye kyā karanā?
samādhānaḥ- bhedagnānakī dhārā chālū rakhanī.
mumukṣhuḥ- hamen to koī gnānīkā samāgam bhī nahin milatā, kisake pās (jāyen)? āpamen to sarvasva hai, phir bhī koī preraṇā denevālā, koī vāṇī.. kahān̐ mile?
samādhānaḥ- ye dev-guru-shāstrakā sānnidhya ho to hotā hai. mumbaīmen sādharmī hain, apanā vāñchan chalatā hai. āp kahān̐ rahate ho?
mumukṣhuḥ- borīvalīmẽn.
samādhānaḥ- malāḍ āpake pās hai?
mumukṣhuḥ- hā̃n. yahān̐ itanī dūr āyī hūn̐ to vahān̐ to (jā sakatī hūn̐). mujhe to chāhe jaise ho, chāhiye.
samādhānaḥ- malāḍamen vāñchan chalatā hai. gurudevake shāstrakā svādhyāy hotā hai, vahān̐ mandir hai.
mumukṣhuḥ- lekin yah tattva itanā gaharā hai, paḍhat-paḍhate aisā hotā hai, ek vākya paḍhane par lagatā hai, mujhe unakā hr̥uday ab mālūm paḍatā hai. mainne to dekhe nahī̃n. aisā sab likhā hai! māno sākṣhāt bhagavānakā likhā ho!
samādhānaḥ- hān̐, sākṣhāt bhagavānakā likhā hai.
PDF/HTML Page 246 of 1906
single page version
mumukṣhuḥ- itanā unakā hotā hai ki alaukik!
samādhānaḥ- hān̐, alaukik hai. lekin āpako adhik samajhanā ho to malāḍamen svādhyāy chalatā hai, gurudevake shāstrakā svādhyāy chalatā hai, gurudevake pravachanakā svādhyāy chalatā hai. yah shāstra-mūl shāstra samayasār chalatā hai, pravachanasār chalatā hai. vahān̐ sab chalatā hai. vahān̐ malāḍamen kaun vāñchan karate hain?
mumukṣhuḥ- chīmanalāl ṭhākarashī.
samādhānaḥ- chīmanalāl ṭhākarashī. unhen āp kuchh pūchheṅge to prashnake uttar bhī deṅge.
mumukṣhuḥ- vahān̐ hameshā vāñchan ādi chalatā hai.
samādhānaḥ- hān̐, vāñchan chalatā hai. vahān̐ bhagavānakā mandir hai, vahān̐ pūjā hotī hai, vāñchan chalatā hai, sab hotā hai.
mumukṣhuḥ- kitanā bhaṭakate hain, lekin kuchh milatā nahī̃n. koī gnānī (nahīn milate). kitanī jagah gaī. koī kahatā hai, yahān̐ hai, yahān̐ jāo, vahān̐ hai, vahān̐ jāo.
samādhānaḥ- vahān̐ mumukṣhu haĩn. gurudevake pravachan jinhonne sune hain, gurudevakā parichay jinhonne kiyā hai, vaise log vahān̐ haĩn. āp vahān̐ (raho) to āpako jyādā khyāl āyegā. āpako kyā chalatā hai, dūsarā to kaise mālūm paḍe? āpako kyā hai vah āpako hī nakkī karanā paḍe.
... chalatī ho, aur koī-koī bār use svānubhūti hotī hai. bhedagnānakī dhārā chalatī hai.
mumukṣhuḥ- aisā lagatā hai ki svānubhūti aisī hai. bhedagnānakī dhārā chale to āp jaise kahate ho vaisā sahaj chalatā hī rahe.
samādhānaḥ- .. pūrā dravya ā jātā hai. ek-ek guṇ par dr̥uṣhṭi nahīn, akhaṇḍa abhed par dr̥uṣhṭi hotī hai.
mumukṣhuḥ- aisā hī. bhed nahīn, akhaṇḍa abheda. kyoṅki andaramen vaisī hī vastusthiti andaramen hai.
samādhānaḥ- ..jaise hiremen chamak hotī hai. vaise vastu ek hai, lekin usamen paryāy (hain). gnān gnānakā kārya lāye, chāritra chāritrakā kārya lāye, vah sab kārya lāte haĩn. lekin abhī gnān, darshan, chāritra pragaṭ nahīn hue hain, isaliye gnān, darshan, chāritra vibhāvamen vartate haĩn. svabhāv pragaṭ ho to gnān, darshan, chāritra svabhāvakī or pragaṭ hote hain, usakā kārya ātā hai. lekin bhed par usakī dr̥uṣhṭi nahīn hotī. gnānamen sab hotā hai. jānatā hai, lekin dr̥uṣhṭi to ek dravya par, abhed par hotī hai.
mumukṣhuḥ- donoṅkī sandhike bīch pragnāchhainī paṭakanese, kahā hai na? ki donoṅkī sandhimen...
PDF/HTML Page 247 of 1906
single page version
samādhānaḥ- hān̐, pragnāchhainī sandhimen (paṭakanī).
mumukṣhuḥ- vah sādhan hai na? vah paṭakaneke bād bhedagnān ho jātā hai. chattārī maṅgalan, arihantā maṅgalan, sāhū maṅgalan, kevalipaṇatto dhammo maṅgalan. chattārī loguttamā, arihantā loguttamā, siddhā loguttamā, sāhū loguttamā, kevalipaṇatto dhammo loguttamā.
chattārī sharaṇan pavajjāmi, arihantā sharaṇan pavajjāmi, siddhā sharaṇan pavajjāmi, kevalī paṇatto dhammo sharaṇan pavajjāmi.
chār sharaṇ, chār maṅgal, chār uttam kare je, bhavasāgarathī tare te sakaḷ karmano āṇe anta. mokṣha taṇā sukh le anant, bhāv dharīne je guṇ gāye, te jīv tarīne muktie jāya. sansāramānhī sharaṇ chār, avar sharaṇ nahīn koī. je nar-nārī ādare tene akṣhay avichal pad hoya. aṅgūṭhe amr̥ut varase labdhi taṇā bhaṇḍāra. guru gautamane samarīe to sadāy manavāñchhit phal dātā.